| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
д̣̇угамаад̇игаабад̣̇аван̣н̣анаа
Dukamātikāpadavaṇṇanā
1-6. мууладтзнаад̇и суббад̇идтид̇абхаавасаад̇ханзна муулабхаавзна, на бажжаяамад̇д̇адтзна хзд̇уд̇хаммаа хзд̇уу д̇хаммаад̇и самаасаасамаасанид̣̇д̣̇зсабхааво д̣̇виннам̣ баатаанам̣ висзсо. д̇ат̇зваад̇и самбаяог̇ад̇ова. сахзд̇угаанам̣ хзд̇усамбаяуд̇д̇абхаавад̇о ‘‘самбаяог̇ад̇о’’д̇и вуд̇д̇анд̇и взд̣̇ид̇аб̣б̣ам̣, на сахасад̣̇д̣̇асса самбаяог̇ад̇т̇ад̇д̇аа. саха-сад̣̇д̣̇о бана згабун̃ж̇з уббаад̣̇ад̇о яаава бхан̇г̇аа сахзд̇угаанам̣ хзд̇уухи самаанад̣̇зсаг̇ахан̣аанам̣ хзд̇уаад̣̇исаб̣бхаавам̣ д̣̇ийбзд̇и, самбаяуд̇д̇а-сад̣̇д̣̇о згуббаад̣̇аад̣̇ивасзна саха хзд̇уухи згийбхаавубаг̇аманам̣, д̇ад̇о зва жа д̣̇виннам̣ д̣̇угаанам̣ наанад̇д̇ам̣ взд̣̇ид̇аб̣б̣ам̣. д̇хамманаанад̇д̇аабхаавзби хи бад̣̇ад̇т̇анаанад̇д̇зна д̣̇уганд̇арам̣ вужжад̇и. на хи хзд̇уд̣̇угасан̇г̇ахид̇зхи д̇хаммзхи ан̃н̃з сахзд̇угад̣̇угаад̣̇ийхи вужжанд̇и, д̇з зва бана сахзд̇угаахзд̇угаад̣̇ибхаавад̇о сахзд̇угад̣̇угаад̣̇ийхи вуд̇д̇аа. звам̣ сахзд̇угад̣̇угасан̇г̇ахид̇аа зва хзд̇усамбаяуд̇д̇авиббаяуд̇д̇абхаавад̇о хзд̇усамбаяуд̇д̇ад̣̇угзна вуд̇д̇аа. на хи д̇хаммаанам̣ авуд̇д̇ад̇аабзгкам̣ д̣̇уганд̇араважананд̇и над̇т̇и бунаруд̇д̇ид̣̇осо. д̣̇зсзд̇аб̣б̣аббагаараж̇аананан̃хи д̣̇зсанаавилаасо д̇ат̇аа д̣̇зсанаан̃аан̣ан̃жаад̇и. д̇зна д̇хаммаанам̣ д̇аббагаарад̇аа вуд̇д̇аа ход̇и. сагалзгад̣̇зсавасзна батамад̣̇угам̣ д̣̇уд̇ияад̇ад̇иязхи сад̣̇д̇хим̣ яож̇зд̇ваа жад̇уд̇т̇аад̣̇аяо д̇аяо д̣̇угаа вуд̇д̇аа. сагалан̃хи батамад̣̇угам̣ д̣̇уд̇ияад̣̇угзгад̣̇зсзна сахзд̇угабад̣̇зна д̇ад̇ияад̣̇угзгад̣̇зсзна хзд̇усамбаяуд̇д̇абад̣̇зна жа яож̇зд̇ваа яат̇ааггамам̣ жад̇уд̇т̇абан̃жамад̣̇угаа вуд̇д̇аа, д̇ат̇аа батамад̣̇угзгад̣̇зсам̣ нахзд̇убад̣̇ам̣ сагалзна д̣̇уд̇ияад̣̇угзна яож̇зд̇ваа чадтад̣̇уго вуд̇д̇о. ид̣̇амби самбхавад̇ийд̇и зд̇зна авуд̇д̇амби самбхававасзна д̣̇ийбид̇анд̇и д̣̇ассзд̇и. самбхаво хи г̇ахан̣асса гааран̣анд̇и. яат̇аа хзд̇усахзд̇угаад̇и ид̣̇ам̣ самбхавад̇ийд̇и гад̇ваа г̇ахид̇ам̣, звам̣ хзд̇уахзд̇угаад̇и ид̣̇амби самбхавад̇ийд̇и гад̇ваа г̇ахзд̇аб̣б̣амзваад̇и звам̣ ан̃н̃ад̇т̇ааби яож̇зд̇аб̣б̣ам̣.
1-6. Mūlaṭṭhenāti suppatiṭṭhitabhāvasādhanena mūlabhāvena, na paccayamattaṭṭhena hetudhammā hetū dhammāti samāsāsamāsaniddesabhāvo dvinnaṃ pāṭhānaṃ viseso. Tathevāti sampayogatova. Sahetukānaṃ hetusampayuttabhāvato ‘‘sampayogato’’ti vuttanti veditabbaṃ, na sahasaddassa sampayogatthattā. Saha-saddo pana ekapuñje uppādato yāva bhaṅgā sahetukānaṃ hetūhi samānadesagahaṇānaṃ hetuādisabbhāvaṃ dīpeti, sampayutta-saddo ekuppādādivasena saha hetūhi ekībhāvupagamanaṃ, tato eva ca dvinnaṃ dukānaṃ nānattaṃ veditabbaṃ. Dhammanānattābhāvepi hi padatthanānattena dukantaraṃ vuccati. Na hi hetudukasaṅgahitehi dhammehi aññe sahetukadukādīhi vuccanti, te eva pana sahetukāhetukādibhāvato sahetukadukādīhi vuttā. Evaṃ sahetukadukasaṅgahitā eva hetusampayuttavippayuttabhāvato hetusampayuttadukena vuttā. Na hi dhammānaṃ avuttatāpekkhaṃ dukantaravacananti natthi punaruttidoso. Desetabbappakārajānanañhi desanāvilāso tathā desanāñāṇañcāti. Tena dhammānaṃ tappakāratā vuttā hoti. Sakalekadesavasena paṭhamadukaṃ dutiyatatiyehi saddhiṃ yojetvā catutthādayo tayo dukā vuttā. Sakalañhi paṭhamadukaṃ dutiyadukekadesena sahetukapadena tatiyadukekadesena hetusampayuttapadena ca yojetvā yathākkamaṃ catutthapañcamadukā vuttā, tathā paṭhamadukekadesaṃ nahetupadaṃ sakalena dutiyadukena yojetvā chaṭṭhaduko vutto. Idampi sambhavatīti etena avuttampi sambhavavasena dīpitanti dasseti. Sambhavo hi gahaṇassa kāraṇanti. Yathā hetusahetukāti idaṃ sambhavatīti katvā gahitaṃ, evaṃ hetuahetukāti idampi sambhavatīti katvā gahetabbamevāti evaṃ aññatthāpi yojetabbaṃ.
звам̣ батамад̣̇угам̣ д̣̇уд̇ияад̇ад̇ияад̣̇угзсу д̣̇уд̇ияабад̣̇зхи яож̇зд̇ваа ‘‘хзд̇уу жзва д̇хаммаа ахзд̇угаа жа, ахзд̇угаа жзва д̇хаммаа на жа хзд̇уу, хзд̇уу жзва д̇хаммаа хзд̇увиббаяуд̇д̇аа жа, хзд̇увиббаяуд̇д̇аа жзва д̇хаммаа на жа хзд̇уу’’д̇и яз д̣̇вз д̣̇угаа гаад̇аб̣б̣аа, д̇зсам̣ самбхававасзнзва сан̇г̇ахам̣ д̣̇ассзд̇ваа ко бана-бад̣̇зна абарзсамби д̣̇угаанам̣ сан̇г̇ахам̣ д̣̇ассзд̇ум̣ ‘‘д̇ад̇ра яад̣̇зд̇а’’нд̇иаад̣̇имааха. д̇ад̇раад̇и баал̣ияам̣. аяам̣ ад̇ирзгад̇т̇од̇и ид̣̇аани яам̣ вагкад̇и, д̇амад̇т̇амааха. д̇ад̇т̇а бана ан̃н̃зби ан̃н̃ат̇аабийд̇и зд̇зсам̣ висум̣ бавад̇д̇ияаа д̣̇вз д̣̇угаа д̣̇ассид̇аа, саха бавад̇д̇ияаа бана аяамби д̣̇уго взд̣̇ид̇аб̣б̣о ‘‘хзд̇уу жзва д̇хаммаа хзд̇усамбаяуд̇д̇ааби хзд̇увиббаяуд̇д̇аабий’’д̇и, зд̇зсу бана бан̃жасу д̣̇угзсу д̣̇уд̇ияад̣̇угзна д̇ад̇ияад̣̇уго вияа, жад̇уд̇т̇ад̣̇угзна бан̃жамад̣̇уго вияа жа чадтад̣̇угзна ниннаанад̇т̇ад̇д̇аа ‘‘на хзд̇у ко бана д̇хаммаа хзд̇усамбаяуд̇д̇ааби хзд̇увиббаяуд̇д̇аабий’’д̇и аяам̣ д̣̇уго на вуд̇д̇о. д̣̇ассид̇аниннаанад̇т̇анаяо хи со буримад̣̇угзхийд̇и. ид̇арзсу жад̇уусу хзд̇уу жзва ахзд̇угад̣̇угзна самаанад̇т̇ад̇д̇аа хзд̇уу жзва хзд̇увиббаяуд̇д̇ад̣̇уго, хзд̇усахзд̇угад̣̇угзна самаанад̇т̇ад̇д̇аа хзд̇ухзд̇усамбаяуд̇д̇ад̣̇уго жа нахзд̇ухзд̇усамбаяуд̇д̇ад̣̇уго вияа на вад̇д̇аб̣б̣о. д̇зсу бана д̣̇вийсу бажчимад̣̇угз ‘‘хзд̇уу ко бана д̇хаммаа сахзд̇угаа’’д̇и бад̣̇ам̣ жад̇уд̇т̇ад̣̇угз батамабад̣̇зна ниннаанаагаран̣ад̇д̇аа на вад̇д̇аб̣б̣ам̣, ‘‘хзд̇уу ко бана д̇хаммаа ахзд̇угаа’’д̇и бад̣̇ам̣ ‘‘хзд̇уу жзва д̇хаммаа ахзд̇угаа’’д̇и зд̇зна ниннаанад̇д̇аа на вад̇д̇аб̣б̣ам̣. авасидтз бана згасмим̣ д̣̇угз ‘‘ахзд̇угаа жзва д̇хаммаа на жа хзд̇уу’’д̇и бад̣̇ам̣ чадтад̣̇угз д̣̇уд̇ияабад̣̇зна згад̇т̇ад̇д̇аа на вад̇д̇аб̣б̣ам̣. ид̣̇аани ‘‘хзд̇уу жзва д̇хаммаа ахзд̇угаа жаа’’д̇и ид̣̇амзвзгам̣ бад̣̇ам̣ авасидтам̣, на жа згзна бад̣̇зна д̣̇уго ход̇ийд̇и д̇ан̃жа на вуд̇д̇анд̇и. жад̇уд̇т̇ад̣̇угз д̣̇уд̇ияабад̣̇зна бана самаанад̇т̇асса чадтад̣̇угз батамабад̣̇асса важанам̣ д̣̇угабууран̣ад̇т̇ам̣, зд̇зна ваа г̇ад̇ид̣̇ассанзна саб̣б̣асса самбхаванд̇асса сан̇г̇ахо гад̇од̇и д̣̇адтаб̣б̣о. д̇ат̇аа хи саб̣б̣о самбхавад̣̇уго батамад̣̇угз д̣̇уд̇ияад̇ад̇ияад̣̇угабагкзбзна д̣̇ассид̇о, д̇зсу жа батамад̣̇угабагкзбзнаад̇и.
Evaṃ paṭhamadukaṃ dutiyatatiyadukesu dutiyapadehi yojetvā ‘‘hetū ceva dhammā ahetukā ca, ahetukā ceva dhammā na ca hetū, hetū ceva dhammā hetuvippayuttā ca, hetuvippayuttā ceva dhammā na ca hetū’’ti ye dve dukā kātabbā, tesaṃ sambhavavaseneva saṅgahaṃ dassetvā kho pana-padena aparesampi dukānaṃ saṅgahaṃ dassetuṃ ‘‘tatra yadeta’’ntiādimāha. Tatrāti pāḷiyaṃ. Ayaṃ atirekatthoti idāni yaṃ vakkhati, tamatthamāha. Tattha pana aññepi aññathāpīti etesaṃ visuṃ pavattiyā dve dukā dassitā, saha pavattiyā pana ayampi duko veditabbo ‘‘hetū ceva dhammā hetusampayuttāpi hetuvippayuttāpī’’ti, etesu pana pañcasu dukesu dutiyadukena tatiyaduko viya, catutthadukena pañcamaduko viya ca chaṭṭhadukena ninnānatthattā ‘‘na hetu kho pana dhammā hetusampayuttāpi hetuvippayuttāpī’’ti ayaṃ duko na vutto. Dassitaninnānatthanayo hi so purimadukehīti. Itaresu catūsu hetū ceva ahetukadukena samānatthattā hetū ceva hetuvippayuttaduko, hetusahetukadukena samānatthattā hetuhetusampayuttaduko ca nahetuhetusampayuttaduko viya na vattabbo. Tesu pana dvīsu pacchimaduke ‘‘hetū kho pana dhammā sahetukā’’ti padaṃ catutthaduke paṭhamapadena ninnānākaraṇattā na vattabbaṃ, ‘‘hetū kho pana dhammā ahetukā’’ti padaṃ ‘‘hetū ceva dhammā ahetukā’’ti etena ninnānattā na vattabbaṃ. Avasiṭṭhe pana ekasmiṃ duke ‘‘ahetukā ceva dhammā na ca hetū’’ti padaṃ chaṭṭhaduke dutiyapadena ekatthattā na vattabbaṃ. Idāni ‘‘hetū ceva dhammā ahetukā cā’’ti idamevekaṃ padaṃ avasiṭṭhaṃ, na ca ekena padena duko hotīti tañca na vuttanti. Catutthaduke dutiyapadena pana samānatthassa chaṭṭhaduke paṭhamapadassa vacanaṃ dukapūraṇatthaṃ, etena vā gatidassanena sabbassa sambhavantassa saṅgaho katoti daṭṭhabbo. Tathā hi sabbo sambhavaduko paṭhamaduke dutiyatatiyadukapakkhepena dassito, tesu ca paṭhamadukapakkhepenāti.
7-13. самаанагаалзна асамаанагаалзна гаалавимуд̇д̇зна жа бажжаязна нибпаннаанам̣ бажжаяааяад̇д̇аанам̣ бажжаяабхаавамад̇д̇зна д̇зсам̣ бажжаяаанам̣ ад̇т̇ид̇ам̣ д̣̇ийбзд̇ум̣ саббажжаяаважанам̣, на сахзд̇угаважанам̣ вияа самаанагаалаанамзва, нааби санид̣̇ассанам̣ вияа д̇ам̣сабхаавасса анад̇т̇анд̇арабхууд̇асса. сан̇кад̇а-сад̣̇д̣̇о бана самзд̇зхи нибпаад̣̇ид̇абхаавам̣ д̣̇ийбзд̇ийд̇и аяамзд̇зсам̣ висзсо д̣̇уганд̇араважанз гааран̣ам̣. зд̇т̇а жа аббажжаяаа асан̇кад̇аад̇и б̣ахуважананид̣̇д̣̇зсо авинижчид̇ад̇т̇абарижчзд̣̇ад̣̇ассанавасзна маад̇игаатабанад̇о гад̇од̇и взд̣̇ид̇аб̣б̣о. уд̣̇д̣̇зсзна хи гусалаад̣̇исабхааваанам̣ д̇хаммаанам̣ ад̇т̇ид̇аамад̇д̇ам̣ вужжад̇и, на барижчзд̣̇од̇и абарижчзд̣̇зна б̣ахуважанзна уд̣̇д̣̇зсо вуд̇д̇од̇и. руубанд̇и руубааяад̇анам̣ бат̇авияаад̣̇и ваа. буримасмим̣ ад̇т̇авигаббз руубааяад̇анасса асан̇г̇ахид̇ад̇аа аабаж̇ж̇ад̇ийд̇и руббаналагкан̣ам̣ ваа руубанд̇и аяам̣ ад̇т̇анаяо вуд̇д̇о. д̇ад̇т̇а руубанд̇и руббанасабхааво. на луж̇ж̇ад̇и на балуж̇ж̇ад̇ийд̇и яо г̇ахид̇о д̇ат̇аа на ход̇и, со логод̇и д̇ам̣г̇ахан̣арахид̇аанам̣ логуд̇д̇араанам̣ над̇т̇и логад̇аа. д̣̇угкасажжам̣ ваа лого, д̇ад̇т̇а д̇знзва логасабхаавзна вид̣̇ид̇аад̇и логияаа.
7-13. Samānakālena asamānakālena kālavimuttena ca paccayena nipphannānaṃ paccayāyattānaṃ paccayabhāvamattena tesaṃ paccayānaṃ atthitaṃ dīpetuṃ sappaccayavacanaṃ, na sahetukavacanaṃ viya samānakālānameva, nāpi sanidassanaṃ viya taṃsabhāvassa anatthantarabhūtassa. Saṅkhata-saddo pana sametehi nipphāditabhāvaṃ dīpetīti ayametesaṃ viseso dukantaravacane kāraṇaṃ. Ettha ca appaccayā asaṅkhatāti bahuvacananiddeso avinicchitatthaparicchedadassanavasena mātikāṭhapanato katoti veditabbo. Uddesena hi kusalādisabhāvānaṃ dhammānaṃ atthitāmattaṃ vuccati, na paricchedoti aparicchedena bahuvacanena uddeso vuttoti. Rūpanti rūpāyatanaṃ pathaviyādi vā. Purimasmiṃ atthavikappe rūpāyatanassa asaṅgahitatā āpajjatīti ruppanalakkhaṇaṃ vā rūpanti ayaṃ atthanayo vutto. Tattha rūpanti ruppanasabhāvo. Na lujjati na palujjatīti yo gahito tathā na hoti, so lokoti taṃgahaṇarahitānaṃ lokuttarānaṃ natthi lokatā. Dukkhasaccaṃ vā loko, tattha teneva lokasabhāvena viditāti lokiyā.
звам̣ санд̇з жагкувин̃н̃аан̣зна виж̇аанид̇аб̣б̣асса руубааяад̇анасса д̇знзва навиж̇аанид̇аб̣б̣асса сад̣̇д̣̇ааяад̇анаад̣̇игасса жа наанад̇д̇аа д̣̇виннамби бад̣̇аанам̣ ад̇т̇анаанад̇д̇ад̇о д̣̇уго ход̇и. звам̣ бана д̣̇угз вужжамаанз д̣̇угаб̣ахуд̇аа аабаж̇ж̇ад̇и, яад̇д̇агаани вин̃н̃аан̣аани, д̇ад̇д̇агаа д̣̇угаа вуд̇д̇аа самад̇д̇аа табзд̇ваа саб̣б̣ад̇хаммаарамман̣аани вин̃н̃аан̣аани. д̇зсу жа д̣̇угасса бажчзд̣̇о аабаж̇ж̇ад̇и, д̇ат̇аа жа сад̇и ‘‘гзнажий’’д̇и бад̣̇ам̣ саб̣б̣авин̃н̃аан̣асан̇г̇аахагам̣ на сияаа, нид̣̇д̣̇зсзна жа вируд̣̇д̇хам̣ ид̣̇ам̣ важанам̣. яо жа д̇ад̇т̇а ‘‘яз д̇з д̇хаммаа жагкувин̃н̃зяяаа, на д̇з д̇хаммаа сод̇авин̃н̃зяяаад̇и аяам̣ д̣̇уго на ход̇ий’’д̇и бадисзд̇хо гад̇о, со жа гат̇ам̣ яуж̇ж̇зяяа. на хи самад̇т̇аа адтагат̇аа баал̣им̣ бадисзд̇хзд̇унд̇и, на жа гзнажи-сад̣̇д̣̇асса д̇знзваад̇и аяам̣ бад̣̇ад̇т̇о самбхавад̇и, ‘‘гзнажий’’д̇и зд̇асса аад̣̇ибад̣̇асса анияамид̇ам̣ яам̣ гин̃жи згам̣ бад̣̇ад̇т̇о, д̇ам̣ вад̇ваа вужжамаанасса ‘‘гзнажий’’д̇и д̣̇уд̇ияабад̣̇асса яам̣ гин̃жи абарам̣ анияамид̇ам̣ бад̣̇ад̇т̇од̇и логасид̣̇д̇хамзд̇ам̣, д̇ат̇зва жа нид̣̇д̣̇зсо бавад̇д̇о, на жзд̇т̇а вин̃н̃аад̇аб̣б̣ад̇хаммабхзд̣̇зна д̣̇угабхзд̣̇о самад̇д̇о аабаж̇ж̇ад̇и яад̇д̇агаа вин̃н̃аад̇аб̣б̣аа, д̇ад̇д̇агаа д̣̇угаад̇и, д̇асмаа над̇т̇и д̣̇угаб̣ахуд̇аа. на хи згам̣язва вин̃н̃аад̇аб̣б̣ам̣ гзнажи вин̃н̃зяяам̣ гзнажи на вин̃н̃зяяан̃жа, гинд̇у абарамби абарамбийд̇и саб̣б̣авин̃н̃аад̇аб̣б̣асан̇г̇ахз д̣̇уго самад̇д̇о ход̇и, зван̃жа сад̇и ‘‘гзнажий’’д̇и бад̣̇ам̣ анияамзна саб̣б̣авин̃н̃аан̣асан̇г̇аахаганд̇и сид̣̇д̇хам̣ ход̇и, вин̃н̃аан̣анаанад̇д̇зна жа вин̃н̃аад̇аб̣б̣ам̣ бхинд̣̇ид̇ваа аяам̣ д̣̇уго вуд̇д̇о, на вин̃н̃аад̇аб̣б̣аанам̣ ад̇т̇анд̇арад̇ааяаад̇и. зд̇асса бана д̣̇угасса нигкзбараасинид̣̇д̣̇зсо д̣̇угасан̇г̇ахид̇ад̇хаммзгад̣̇зсзсу д̣̇угабад̣̇ад̣̇ваяаббавад̇д̇ид̣̇ассанавасзна бавад̇д̇о. ад̇т̇уд̣̇д̇хааранид̣̇д̣̇зсо ниравасзсад̣̇угасан̇г̇ахид̇ад̇хаммад̣̇ассанавасзнаад̇и взд̣̇ид̇аб̣б̣о.
Evaṃ sante cakkhuviññāṇena vijānitabbassa rūpāyatanassa teneva navijānitabbassa saddāyatanādikassa ca nānattā dvinnampi padānaṃ atthanānattato duko hoti. Evaṃ pana duke vuccamāne dukabahutā āpajjati, yattakāni viññāṇāni, tattakā dukā vuttā samattā ṭhapetvā sabbadhammārammaṇāni viññāṇāni. Tesu ca dukassa pacchedo āpajjati, tathā ca sati ‘‘kenacī’’ti padaṃ sabbaviññāṇasaṅgāhakaṃ na siyā, niddesena ca viruddhaṃ idaṃ vacanaṃ. Yo ca tattha ‘‘ye te dhammā cakkhuviññeyyā, na te dhammā sotaviññeyyāti ayaṃ duko na hotī’’ti paṭisedho kato, so ca kathaṃ yujjeyya. Na hi samatthā aṭṭhakathā pāḷiṃ paṭisedhetunti, na ca kenaci-saddassa tenevāti ayaṃ padattho sambhavati, ‘‘kenacī’’ti etassa ādipadassa aniyamitaṃ yaṃ kiñci ekaṃ padattho, taṃ vatvā vuccamānassa ‘‘kenacī’’ti dutiyapadassa yaṃ kiñci aparaṃ aniyamitaṃ padatthoti lokasiddhametaṃ, tatheva ca niddeso pavatto, na cettha viññātabbadhammabhedena dukabhedo samatto āpajjati yattakā viññātabbā, tattakā dukāti, tasmā natthi dukabahutā. Na hi ekaṃyeva viññātabbaṃ kenaci viññeyyaṃ kenaci na viññeyyañca, kintu aparampi aparampīti sabbaviññātabbasaṅgahe duko samatto hoti, evañca sati ‘‘kenacī’’ti padaṃ aniyamena sabbaviññāṇasaṅgāhakanti siddhaṃ hoti, viññāṇanānattena ca viññātabbaṃ bhinditvā ayaṃ duko vutto, na viññātabbānaṃ atthantaratāyāti. Etassa pana dukassa nikkheparāsiniddeso dukasaṅgahitadhammekadesesu dukapadadvayappavattidassanavasena pavatto. Atthuddhāraniddeso niravasesadukasaṅgahitadhammadassanavasenāti veditabbo.
14-19. жагкуд̇оби…бз… манад̇обийд̇и жагкувин̃н̃аан̣аад̣̇ивийт̇ийсу д̇ад̣̇ануг̇ад̇амановин̃н̃аан̣авийт̇ийсу жа гин̃жааби гусалаад̣̇ийнамби бавад̇д̇и ад̇т̇и, гаамаасаваад̣̇аяо зва бана ван̣ад̇о яуусам̣ вияа баг̇гхаран̣агаасужибхаавзна санд̣̇анд̇и, д̇асмаа д̇з зва ‘‘аасаваа’’д̇и вужжанд̇и. д̇ад̇т̇а хи баг̇гхаран̣агаасужимхи нирул̣хо аасавасад̣̇д̣̇од̇и. д̇хаммад̇о яаава г̇од̇рабхунд̇и д̇ад̇о барам̣ маг̇г̇апалзсу аббавад̇д̇ид̇о вуд̇д̇ам̣. зд̇з хи аарамман̣агаран̣авасзна д̇хаммз г̇ажчанд̇аа д̇ад̇о барам̣ на г̇ажчанд̇ийд̇и. нану д̇ад̇о барам̣ бхаван̇г̇аад̣̇ийниби г̇ажчанд̇ийд̇и жз? на, д̇зсамби буб̣б̣з ааламб̣ид̇зсу логияад̇хаммзсу саасавабхаавзна анд̇ог̇ад̇хад̇д̇аа д̇ад̇о барад̇аабхаавад̇о. зд̇т̇а жа г̇од̇рабхуважанзна г̇од̇рабхувод̣̇аанапаласамаабад̇д̇ибурзжааригабаригаммаани вуд̇д̇аанийд̇и взд̣̇ид̇аб̣б̣аани, батамамаг̇г̇абурзжааригамзва ваа г̇од̇рабху авад̇хинид̣̇ассанабхаавзна г̇ахид̇ам̣, д̇ад̇о барам̣ маг̇г̇апаласамаанад̇ааяа бана ан̃н̃зсу маг̇г̇зсу маг̇г̇авийт̇ияам̣ паласамаабад̇д̇ивийт̇ияам̣ нирод̇хаананд̇аран̃жа бавад̇д̇амаанзсу палзсу ниб̣б̣аанз жа бавад̇д̇и ниваарид̇аа аасаваананд̇и взд̣̇ид̇аб̣б̣аа. саванд̇ийд̇и г̇ажчанд̇и. д̣̇увид̇хо хи авад̇хи абхивид̇хивисаяо анабхивид̇хивисаяо жа. абхивид̇хивисаяам̣ гирияаа б̣яаабзд̇ваа бавад̇д̇ад̇и ‘‘аабхаваг̇г̇аа бхаг̇авад̇о яасо г̇ад̇о’’д̇и, ид̇арам̣ б̣ахи гад̇ваа ‘‘аабаадалибуд̇д̇аа вудто д̣̇зво’’д̇и. аяан̃жа аа-гааро абхивид̇хиад̇т̇о ид̇ха г̇ахид̇од̇и ‘‘анд̇огаран̣ад̇т̇о’’д̇и вуд̇д̇ам̣.
14-19. Cakkhutopi…pe… manatopīti cakkhuviññāṇādivīthīsu tadanugatamanoviññāṇavīthīsu ca kiñcāpi kusalādīnampi pavatti atthi, kāmāsavādayo eva pana vaṇato yūsaṃ viya paggharaṇakaasucibhāvena sandanti, tasmā te eva ‘‘āsavā’’ti vuccanti. Tattha hi paggharaṇakaasucimhi niruḷho āsavasaddoti. Dhammato yāva gotrabhunti tato paraṃ maggaphalesu appavattito vuttaṃ. Ete hi ārammaṇakaraṇavasena dhamme gacchantā tato paraṃ na gacchantīti. Nanu tato paraṃ bhavaṅgādīnipi gacchantīti ce? Na, tesampi pubbe ālambitesu lokiyadhammesu sāsavabhāvena antogadhattā tato paratābhāvato. Ettha ca gotrabhuvacanena gotrabhuvodānaphalasamāpattipurecārikaparikammāni vuttānīti veditabbāni, paṭhamamaggapurecārikameva vā gotrabhu avadhinidassanabhāvena gahitaṃ, tato paraṃ maggaphalasamānatāya pana aññesu maggesu maggavīthiyaṃ phalasamāpattivīthiyaṃ nirodhānantarañca pavattamānesu phalesu nibbāne ca pavatti nivāritā āsavānanti veditabbā. Savantīti gacchanti. Duvidho hi avadhi abhividhivisayo anabhividhivisayo ca. Abhividhivisayaṃ kiriyā byāpetvā pavattati ‘‘ābhavaggā bhagavato yaso gato’’ti, itaraṃ bahi katvā ‘‘āpāṭaliputtā vuṭṭho devo’’ti. Ayañca ā-kāro abhividhiattho idha gahitoti ‘‘antokaraṇattho’’ti vuttaṃ.
жирабаариваасияадто жирабаривуд̇т̇ад̇аа бураан̣абхааво. аад̣̇и-сад̣̇д̣̇зна ‘‘буримаа, бхигкавз, годи на бан̃н̃ааяад̇и бхавад̇ан̣хааяаа’’д̇и (а. ни. 10.62) ид̣̇ам̣ суд̇д̇ам̣ сан̇г̇ахид̇ам̣. авиж̇ж̇аасавабхаваасаваанан̃жа жирабаривуд̇т̇ад̇ааяа д̣̇ассид̇ааяа д̇аб̣бхаавабхаавийнам̣ гаамаасавад̣̇идтаасаваанан̃жа жирабаривуд̇т̇ад̇аа д̣̇ассид̇аа ход̇и. ан̃н̃зсуби яат̇аавуд̇д̇з д̇хаммз огаасан̃жа аарамман̣ам̣ гад̇ваа бавад̇д̇амаанзсу маанаад̣̇ийсу виж̇ж̇амаанзсу ад̇д̇ад̇д̇анияаад̣̇иг̇г̇аахавасзна абхиб̣яаабанам̣ мад̣̇агаран̣авасзна аасавасад̣̇исад̇аа жа зд̇зсам̣язва, наан̃н̃зсанд̇и зд̇зсвзва аасавасад̣̇д̣̇о нирул̣хо д̣̇адтаб̣б̣о. ааяад̇ам̣ ваа саванд̇и паланд̇ийд̇и аасаваа . на хи гин̃жи сам̣саарад̣̇угкам̣ аасавзхи винаа уббаж̇ж̇амаанам̣ ад̇т̇ийд̇и. аарамман̣абхаавзна яз д̇хаммаа ван̣о вияа аасавз баг̇гхаранд̇и, д̇з асамбаяог̇з ад̇аб̣бхаавзби саха аасавзхийд̇и саасаваа, аасававанд̇од̇и ад̇т̇о.
Cirapārivāsiyaṭṭho ciraparivutthatā purāṇabhāvo. Ādi-saddena ‘‘purimā, bhikkhave, koṭi na paññāyati bhavataṇhāyā’’ti (a. ni. 10.62) idaṃ suttaṃ saṅgahitaṃ. Avijjāsavabhavāsavānañca ciraparivutthatāya dassitāya tabbhāvabhāvīnaṃ kāmāsavadiṭṭhāsavānañca ciraparivutthatā dassitā hoti. Aññesupi yathāvutte dhamme okāsañca ārammaṇaṃ katvā pavattamānesu mānādīsu vijjamānesu attattaniyādiggāhavasena abhibyāpanaṃ madakaraṇavasena āsavasadisatā ca etesaṃyeva, nāññesanti etesveva āsavasaddo niruḷho daṭṭhabbo. Āyataṃ vā savanti phalantīti āsavā. Na hi kiñci saṃsāradukkhaṃ āsavehi vinā uppajjamānaṃ atthīti. Ārammaṇabhāvena ye dhammā vaṇo viya āsave paggharanti, te asampayoge atabbhāvepi saha āsavehīti sāsavā, āsavavantoti attho.
осаанад̣̇угз ‘‘но аасаваа ко банаа’’д̇и авад̇ваа ‘‘аасававиббаяуд̇д̇аа ко банаа’’д̇и важанам̣ саасаваанам̣ сахзд̇угаанам̣ вияа самбаяуд̇д̇зхи д̇ам̣сахид̇ад̇аа на ход̇ийд̇и д̣̇ассанад̇т̇ам̣. звам̣ сзсаг̇ожчагзсуби яат̇аасамбхавам̣ виббаяуд̇д̇аг̇г̇ахан̣з баяож̇анам̣ д̣̇адтаб̣б̣ам̣. абижа ‘‘но аасаваа ко бана д̇хаммаа саасаваа’’д̇и ид̣̇ам̣ бад̣̇ам̣ жад̇уд̇т̇ад̣̇угз д̣̇уд̇ияабад̣̇зна ниннаанам̣, на жа згзна д̣̇уго ход̇и, д̇асмаа аасававиббаяуд̇д̇абад̣̇амзва г̇ахзд̇ваа осаанад̣̇угаяож̇анаа н̃ааяааг̇ад̇аад̇и гад̇аа. хзд̇уг̇ожчагз бана хзд̇увиббаяуд̇д̇аанам̣ сахзд̇угад̇аа над̇т̇ийд̇и д̇з г̇ахзд̇ваа д̣̇угаяож̇анааяа асаггун̣зяяад̇д̇аа нахзд̇убад̣̇ам̣ г̇ахзд̇ваа осаанад̣̇угаяож̇анаа гад̇аа. яз ваа бана батамз д̣̇угз д̣̇уд̇ияасса багкзбз зго, д̇ад̇ияасса д̣̇вз, батамасса д̣̇уд̇ияз зго, д̇ад̇ияз д̣̇вз, д̣̇уд̇ияасса д̇ад̇ияз зго, д̣̇уд̇ияз жа д̇ад̇ияасса згод̇и адта д̣̇угаа лаб̣бханд̇и, д̇зсу д̇ийхи ид̇арз жа наяад̇о д̣̇ассид̇аад̇и взд̣̇ид̇аб̣б̣аа. зса наяо сзсаг̇ожчагзсуби.
Osānaduke ‘‘no āsavā kho panā’’ti avatvā ‘‘āsavavippayuttā kho panā’’ti vacanaṃ sāsavānaṃ sahetukānaṃ viya sampayuttehi taṃsahitatā na hotīti dassanatthaṃ. Evaṃ sesagocchakesupi yathāsambhavaṃ vippayuttaggahaṇe payojanaṃ daṭṭhabbaṃ. Apica ‘‘no āsavā kho pana dhammā sāsavā’’ti idaṃ padaṃ catutthaduke dutiyapadena ninnānaṃ, na ca ekena duko hoti, tasmā āsavavippayuttapadameva gahetvā osānadukayojanā ñāyāgatāti katā. Hetugocchake pana hetuvippayuttānaṃ sahetukatā natthīti te gahetvā dukayojanāya asakkuṇeyyattā nahetupadaṃ gahetvā osānadukayojanā katā. Ye vā pana paṭhame duke dutiyassa pakkhepe eko, tatiyassa dve, paṭhamassa dutiye eko, tatiye dve, dutiyassa tatiye eko, dutiye ca tatiyassa ekoti aṭṭha dukā labbhanti, tesu tīhi itare ca nayato dassitāti veditabbā. Esa nayo sesagocchakesupi.
20-25. гилзсагаммавибаагаваддаанам̣ бажжаяабхаавзна д̇ад̇т̇а сам̣яож̇знд̇и, сад̇иби ан̃н̃зсам̣ д̇аббажжаяабхаавз на винаа сам̣яож̇анаани д̇зсам̣ д̇аббажжаяабхааво ад̇т̇и, орамбхааг̇ияуд̣̇д̇хамбхааг̇ияасан̇г̇ахид̇зхи жа д̇ам̣д̇ам̣бхаваниб̣б̣ад̇д̇агагамманияамо бхаванияамо жа ход̇и, на жа убажчиннасам̣яож̇анасса гад̇ааниби гаммаани бхавам̣ ниб̣б̣ад̇д̇знд̇ийд̇и. сам̣яож̇зд̇аб̣б̣аад̇и ваа сам̣яож̇анияаа, сам̣яож̇анз нияуд̇д̇аад̇и ваа. д̣̇уураг̇ад̇ассаби аагад̣дханад̇о ниссарид̇ум̣ аббад̣̇аанавасзна б̣анд̇ханам̣ сам̣яож̇анам̣, г̇ант̇агаран̣ам̣ сан̇калигажаггалагаанам̣ вияа бадиб̣ад̣̇д̇хад̇аагаран̣ам̣ ваа г̇ант̇анам̣ г̇ант̇о, сам̣силисагаран̣ам̣ яож̇анам̣ яог̇од̇и аяамзд̇зсам̣ висзсод̇и взд̣̇ид̇аб̣б̣о. д̇хаммаанам̣ сабхаавагижжависзсан̃н̃унаа бана бхаг̇авад̇аа самбаяуд̇д̇зсу аарамман̣зсу д̇аббажжаязсу жа д̇зхи д̇зхи нибпаад̣̇ияамаанам̣ д̇ам̣ д̇ам̣ гижжависзсам̣ бассанд̇зна д̇з д̇з д̇хаммаа д̇ат̇аа д̇ат̇аа аасавасам̣яож̇анаг̇ант̇аад̣̇ивасзна вуд̇д̇аад̇и ‘‘гимад̇т̇ам̣ зд̇зязва д̇хаммаа звам̣ вуд̇д̇аа, гасмаа жа вуд̇д̇аа зва буна вуд̇д̇аа’’д̇и на жод̣̇зд̇аб̣б̣амзд̇ам̣.
20-25. Kilesakammavipākavaṭṭānaṃ paccayabhāvena tattha saṃyojenti, satipi aññesaṃ tappaccayabhāve na vinā saṃyojanāni tesaṃ tappaccayabhāvo atthi, orambhāgiyuddhambhāgiyasaṅgahitehi ca taṃtaṃbhavanibbattakakammaniyamo bhavaniyamo ca hoti, na ca upacchinnasaṃyojanassa katānipi kammāni bhavaṃ nibbattentīti. Saṃyojetabbāti vā saṃyojaniyā, saṃyojane niyuttāti vā. Dūragatassapi ākaḍḍhanato nissarituṃ appadānavasena bandhanaṃ saṃyojanaṃ, ganthakaraṇaṃ saṅkhalikacakkalakānaṃ viya paṭibaddhatākaraṇaṃ vā ganthanaṃ gantho, saṃsilisakaraṇaṃ yojanaṃ yogoti ayametesaṃ visesoti veditabbo. Dhammānaṃ sabhāvakiccavisesaññunā pana bhagavatā sampayuttesu ārammaṇesu tappaccayesu ca tehi tehi nipphādiyamānaṃ taṃ taṃ kiccavisesaṃ passantena te te dhammā tathā tathā āsavasaṃyojanaganthādivasena vuttāti ‘‘kimatthaṃ eteyeva dhammā evaṃ vuttā, kasmā ca vuttā eva puna vuttā’’ti na codetabbametaṃ.
26-37. г̇ант̇анияаад̇и зд̇т̇а аяаман̃н̃о ад̇т̇о ‘‘г̇ант̇агаран̣ам̣ г̇ант̇анам̣, г̇ант̇анз нияуд̇д̇аад̇и г̇ант̇анияаа, г̇ант̇аяид̇ум̣ саггун̣зяяаа, г̇ант̇аяид̇ум̣ араханд̇ийд̇и ваа г̇ант̇анияаа’’д̇и. звам̣ огханияаад̣̇ийсуби д̣̇адтаб̣б̣ам̣. д̇знаад̇иггамад̇ийд̇и зд̇ам̣ д̇хаад̇вад̇т̇ам̣ г̇ахзд̇ваа огханияаад̇и бад̣̇асид̣̇д̇хи гад̇аа.
26-37. Ganthaniyāti ettha ayamañño attho ‘‘ganthakaraṇaṃ ganthanaṃ, ganthane niyuttāti ganthaniyā, ganthayituṃ sakkuṇeyyā, ganthayituṃ arahantīti vā ganthaniyā’’ti. Evaṃ oghaniyādīsupi daṭṭhabbaṃ. Tenātikkamatīti etaṃ dhātvatthaṃ gahetvā oghaniyāti padasiddhi katā.
50-54. д̇хаммасабхаавам̣ аг̇г̇ахзд̇ваа барад̇о аамасанд̇ийд̇и бараамаасаа. барад̇од̇и нижжаад̣̇ид̇о. аамасанд̇ийд̇и сабхаавабадисзд̇хзна баримаж̇ж̇анд̇и.
50-54. Dhammasabhāvaṃ aggahetvā parato āmasantīti parāmāsā. Paratoti niccādito. Āmasantīti sabhāvapaṭisedhena parimajjanti.
55-68. сабхаавад̇о виж̇ж̇амаанам̣ авиж̇ж̇амаанам̣ ваа вижид̇д̇асан̃н̃ааяа сан̃н̃ид̇ам̣ аарамман̣ам̣ аг̇г̇ахзд̇ваа аббавад̇д̇ид̇о ааламб̣амаанаа д̇хаммаа саарамман̣аа. жинд̇анам̣ г̇ахан̣ам̣ аарамман̣уубалад̣̇д̇хи. жзд̇аси нияуд̇д̇аа, жзд̇асаа сам̣садтаа ваа жзд̇асигаа. д̣̇уб̣б̣ин̃н̃зяяанаанад̇д̇ад̇ааяа згийбхаавамивубаг̇аманам̣ ниранд̇арабхаавубаг̇аманам̣. язсам̣ руубаанам̣ жид̇д̇ам̣ сахаж̇аад̇абажжаяо ход̇и, д̇зсам̣ жид̇д̇асса жа сувин̃н̃зяяанаанад̇д̇анд̇и ниранд̇арабхааваанубаг̇аманам̣ взд̣̇ид̇аб̣б̣ам̣. згад̇о вад̇д̇амаанаабийд̇и аби-сад̣̇д̣̇о го бана ваад̣̇о згад̇о авад̇д̇амаанаад̇и зд̇амад̇т̇ам̣ д̣̇ийбзд̇и. ид̣̇амзд̇т̇а вижаарзд̇аб̣б̣ам̣ – авиниб̣бхог̇аруубаанам̣ гим̣ ан̃н̃аман̃н̃ам̣ сам̣садтад̇аа, уд̣̇ааху висам̣садтад̇аад̇и? висум̣ аарамман̣абхаавзна сувин̃н̃зяяанаанад̇д̇ад̇д̇аа на сам̣садтад̇аа, нааби висам̣садтад̇аа сам̣садтаад̇и анаасан̇ганийяасабхаавад̇д̇аа. жад̇уннан̃хи канд̇хаанам̣ ан̃н̃аман̃н̃ам̣ сам̣садтасабхаавад̇д̇аа руубаниб̣б̣аанзхиби со сам̣садтабхааво ад̇т̇и над̇т̇ийд̇и сияаа аасан̇гаа, д̇асмаа д̇зсам̣ ид̇арзхи, ид̇арзсан̃жа д̇зхи висам̣садтасабхаавад̇аа вужжад̇и, на бана руубаанам̣ руубзхи гад̇т̇ажи сам̣садтад̇аа ад̇т̇ийд̇и д̇ад̣̇аасан̇гаабхаавад̇о висам̣садтад̇аа жа руубаанам̣ руубзхи на вужжад̇ийд̇и. зса хи д̇зсам̣ сабхаавод̇и. жид̇д̇асам̣садтасамудтаанаад̣̇ибад̣̇зсу сам̣садтасамудтаанаад̣̇исад̣̇д̣̇аа жид̇д̇асад̣̇д̣̇аабзгкаад̇и бажжзгам̣ жид̇д̇асад̣̇д̣̇асамб̣анд̇хад̇д̇аа жид̇д̇асам̣садтаа жа д̇з жид̇д̇асамудтаанаа жаад̇и бажжзгам̣ яож̇зд̇ваа ад̇т̇о вуд̇д̇о. убаад̣̇ияанд̇зваад̇и бхууд̇аани г̇ан̣ханд̇и зва, ниссаяанд̇и зваад̇и ад̇т̇о. яат̇аа бхууд̇аани убаад̣̇ияанд̇и г̇аяханд̇и ниссийяанд̇и, на д̇ат̇аа зд̇аани г̇аяханд̇и ниссийяанд̇и, д̇асмаа убаад̣̇аа. ат̇а ваа бхууд̇аани амун̃жид̇ваа д̇зсам̣ ван̣н̣анибхаад̣̇ибхаавзна г̇ахзд̇аб̣б̣ад̇о убаад̣̇аа.
55-68. Sabhāvato vijjamānaṃ avijjamānaṃ vā vicittasaññāya saññitaṃ ārammaṇaṃ aggahetvā appavattito ālambamānā dhammā sārammaṇā. Cintanaṃ gahaṇaṃ ārammaṇūpaladdhi. Cetasi niyuttā, cetasā saṃsaṭṭhā vā cetasikā. Dubbiññeyyanānattatāya ekībhāvamivupagamanaṃ nirantarabhāvupagamanaṃ. Yesaṃ rūpānaṃ cittaṃ sahajātapaccayo hoti, tesaṃ cittassa ca suviññeyyanānattanti nirantarabhāvānupagamanaṃ veditabbaṃ. Ekato vattamānāpīti api-saddo ko pana vādo ekato avattamānāti etamatthaṃ dīpeti. Idamettha vicāretabbaṃ – avinibbhogarūpānaṃ kiṃ aññamaññaṃ saṃsaṭṭhatā, udāhu visaṃsaṭṭhatāti? Visuṃ ārammaṇabhāvena suviññeyyanānattattā na saṃsaṭṭhatā, nāpi visaṃsaṭṭhatā saṃsaṭṭhāti anāsaṅkanīyasabhāvattā. Catunnañhi khandhānaṃ aññamaññaṃ saṃsaṭṭhasabhāvattā rūpanibbānehipi so saṃsaṭṭhabhāvo atthi natthīti siyā āsaṅkā, tasmā tesaṃ itarehi, itaresañca tehi visaṃsaṭṭhasabhāvatā vuccati, na pana rūpānaṃ rūpehi katthaci saṃsaṭṭhatā atthīti tadāsaṅkābhāvato visaṃsaṭṭhatā ca rūpānaṃ rūpehi na vuccatīti. Esa hi tesaṃ sabhāvoti. Cittasaṃsaṭṭhasamuṭṭhānādipadesu saṃsaṭṭhasamuṭṭhānādisaddā cittasaddāpekkhāti paccekaṃ cittasaddasambandhattā cittasaṃsaṭṭhā ca te cittasamuṭṭhānā cāti paccekaṃ yojetvā attho vutto. Upādiyantevāti bhūtāni gaṇhanti eva, nissayanti evāti attho. Yathā bhūtāni upādiyanti gayhanti nissīyanti, na tathā etāni gayhanti nissīyanti, tasmā upādā. Atha vā bhūtāni amuñcitvā tesaṃ vaṇṇanibhādibhāvena gahetabbato upādā.
75-82. сам̣гилидтад̇д̇игз вуд̇д̇анаязнаад̇и сам̣-сад̣̇д̣̇ам̣ абанзд̇ваа гилисанд̇ийд̇и гилзсаад̇иаад̣̇инаа наязна.
75-82. Saṃkiliṭṭhattikevuttanayenāti saṃ-saddaṃ apanetvā kilisantīti kilesātiādinā nayena.
83-100. гаамааважараад̣̇ийсу аяамабаро ад̇т̇о – гаамад̇ан̣хаа гаамо, звам̣ руубааруубад̇ан̣хаа руубам̣ аруубан̃жа. аарамман̣агаран̣авасзна д̇аани яад̇т̇а аважаранд̇и, д̇з гаамааважараад̣̇аяод̇и. зван̃хи сад̇и ан̃н̃абхуумийсу уббаж̇ж̇амаанаанам̣ агаамааважараад̣̇ид̇аа гаамааважараад̣̇ид̇аа жа наабаж̇ж̇ад̇ийд̇и сид̣̇д̇хам̣ ход̇и. нигкзбаган̣д̣зби ‘‘зд̇т̇ааважараа’’д̇и важанам̣ авийжибараниммид̇абарижчинногаасааяа гаамад̇ан̣хааяа аарамман̣абхаавам̣ санд̇хааяа вуд̇д̇анд̇и взд̣̇ид̇аб̣б̣ам̣, д̇ад̣̇огаасад̇аа жа д̇ан̣хааяа д̇анниннад̇ааяа взд̣̇ид̇аб̣б̣аа. яад̣̇и барияаабаннасад̣̇д̣̇асса анд̇ог̇ад̇хаад̇и аяамад̇т̇о, маг̇г̇аад̣̇ид̇хаммаанан̃жа логуд̇д̇аранд̇ог̇ад̇хад̇д̇аа барияаабаннад̇аа аабаж̇ж̇ад̇и. на хи ‘‘барияаабаннаа’’д̇и зд̇т̇а д̇збхуумагаг̇ахан̣ам̣ ад̇т̇ийд̇и? наабаж̇ж̇ад̇и саб̣б̣ад̣̇аа бавад̇д̇амаанасса бажжагкасса логасса васзна барияаабаннанижчаяад̇о. ат̇а ваа барижчзд̣̇агааригааяа д̇ан̣хааяа барижчинд̣̇ид̇ваа аабаннаа бадибаннаа г̇ахид̇аад̇и барияаабаннаа.
83-100. Kāmāvacarādīsu ayamaparo attho – kāmataṇhā kāmo, evaṃ rūpārūpataṇhā rūpaṃ arūpañca. Ārammaṇakaraṇavasena tāni yattha avacaranti, te kāmāvacarādayoti. Evañhi sati aññabhūmīsu uppajjamānānaṃ akāmāvacarāditā kāmāvacarāditā ca nāpajjatīti siddhaṃ hoti. Nikkhepakaṇḍepi ‘‘etthāvacarā’’ti vacanaṃ avīciparanimmitaparicchinnokāsāya kāmataṇhāya ārammaṇabhāvaṃ sandhāya vuttanti veditabbaṃ, tadokāsatā ca taṇhāya tanninnatāya veditabbā. Yadi pariyāpannasaddassa antogadhāti ayamattho, maggādidhammānañca lokuttarantogadhattā pariyāpannatā āpajjati. Na hi ‘‘pariyāpannā’’ti ettha tebhūmakagahaṇaṃ atthīti? Nāpajjati sabbadā pavattamānassa paccakkhassa lokassa vasena pariyāpannanicchayato. Atha vā paricchedakārikāya taṇhāya paricchinditvā āpannā paṭipannā gahitāti pariyāpannā.
анийяа-сад̣̇д̣̇о б̣ахулаа гад̇д̇уабхид̇хааяагод̇и ваддажаарагад̇о нияяанд̇ийд̇и нияяаанийяаа, ний-гаарасса рассад̇д̇ам̣ яа-гаарасса жа га-гаарад̇д̇ам̣ гад̇ваа ‘‘нияяаанигаа’’д̇и вуд̇д̇ам̣, нияяаанагаран̣асийлаа ваа нияяаанигаа. уд̇д̇арид̇аб̣б̣асса ан̃н̃асса нид̣̇д̣̇идтасса абхааваа нид̣̇д̣̇исияамаанаа сауд̇д̇араа д̇хаммаава уд̇д̇арид̇аб̣б̣аад̇и ‘‘ад̇д̇аана’’нд̇и ааха. рааг̇аад̣̇ийнанд̇и рааг̇аад̣̇ийнам̣ д̣̇асаннам̣ гилзсаанам̣ саб̣б̣анияад̇аагусалаанам̣ ваа. д̇зхи наанаббагаарад̣̇угканиб̣б̣ад̇д̇агзхи абхибхууд̇аа сад̇д̇аа ганд̣̇анд̇и аганд̣̇анд̇ааби ганд̣̇анагааран̣абхаавад̇о. яасмаа бана бахаанзгадтад̇аавасзна жа ‘‘саран̣аа’’д̇и ааха, д̇асмаа ‘‘рааг̇аад̣̇ийна’’нд̇и важанзна рааг̇ад̣̇осамохаава г̇ахид̇аад̇и н̃ааяад̇и. ран̣а-сад̣̇д̣̇о ваа рааг̇аад̣̇ирзн̣уусу нирул̣хо д̣̇адтаб̣б̣о, ран̣ам̣ ваа яуд̣̇д̇хам̣, ‘‘гаамаа д̇з батамаа сзнаа’’д̇и (су. ни. 438; махаани. 28, 68, 149; жуул̣ани. нанд̣̇амаан̣авабужчаанид̣̇д̣̇зса 47) звамаад̣̇игаа жа агусалаа сзнаа арияамаг̇г̇аяуд̣̇д̇хзна ж̇зд̇аб̣б̣ад̇д̇аа саяуд̣̇д̇хад̇д̇аа ‘‘саран̣аа’’д̇и вужжанд̇ийд̇и. аран̣авибхан̇г̇асуд̇д̇з (ма. ни. 3.323 аад̣̇аяо) бана сад̣̇угкаа саубагхаад̇аа саубааяаасаа сабарил̣аахаа мижчаабадибад̣̇аабхууд̇аа гаамасукаануяог̇аад̣̇аяо ‘‘саран̣аа’’д̇и вуд̇д̇аад̇и д̣̇угкаад̣̇ийнам̣ ран̣абхааво д̇анниб̣б̣ад̇д̇агасабхааваанам̣ агусалаанам̣ саран̣ад̇аа жа взд̣̇ид̇аб̣б̣аа.
Anīya-saddo bahulā kattuabhidhāyakoti vaṭṭacārakato niyyantīti niyyānīyā, nī-kārassa rassattaṃ ya-kārassa ca ka-kārattaṃ katvā ‘‘niyyānikā’’ti vuttaṃ, niyyānakaraṇasīlā vā niyyānikā. Uttaritabbassa aññassa niddiṭṭhassa abhāvā niddisiyamānā sauttarā dhammāva uttaritabbāti ‘‘attāna’’nti āha. Rāgādīnanti rāgādīnaṃ dasannaṃ kilesānaṃ sabbaniyatākusalānaṃ vā. Tehi nānappakāradukkhanibbattakehi abhibhūtā sattā kandanti akandantāpi kandanakāraṇabhāvato. Yasmā pana pahānekaṭṭhatāvasena ca ‘‘saraṇā’’ti āha, tasmā ‘‘rāgādīna’’nti vacanena rāgadosamohāva gahitāti ñāyati. Raṇa-saddo vā rāgādireṇūsu niruḷho daṭṭhabbo, raṇaṃ vā yuddhaṃ, ‘‘kāmā te paṭhamā senā’’ti (su. ni. 438; mahāni. 28, 68, 149; cūḷani. nandamāṇavapucchāniddesa 47) evamādikā ca akusalā senā ariyamaggayuddhena jetabbattā sayuddhattā ‘‘saraṇā’’ti vuccantīti. Araṇavibhaṅgasutte (ma. ni. 3.323 ādayo) pana sadukkhā saupaghātā saupāyāsā sapariḷāhā micchāpaṭipadābhūtā kāmasukhānuyogādayo ‘‘saraṇā’’ti vuttāti dukkhādīnaṃ raṇabhāvo tannibbattakasabhāvānaṃ akusalānaṃ saraṇatā ca veditabbā.
бидтид̣̇угаа самад̇д̇аа.
Piṭṭhidukā samattā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / 2. д̣̇угамаад̇игаа • 2. Dukamātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̣̇угамаад̇игаабад̣̇аван̣н̣анаа • Dukamātikāpadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̣̇угамаад̇игаабад̣̇аван̣н̣анаа • Dukamātikāpadavaṇṇanā
