| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
2. து³கனித்³தே³ஸவண்ணனா
2. Dukaniddesavaṇṇanā
63. கஸ்ஸசி கிலேஸஸ்ஸ அவிக்க²ம்பி⁴தத்தா கஸ்ஸசி கத²ஞ்சி அவிமுத்தோ காமப⁴வோ அஜ்ஜ²த்தக்³க³ஹணஸ்ஸ விஸேஸபச்சயோதி அஜ்ஜ²த்தங் நாம. தத்த² ப³ந்த⁴னங் அஜ்ஜ²த்தஸங்யோஜனங், தேன ஸம்பயுத்தோ அஜ்ஜ²த்தஸங்யோஜனோ.
63. Kassaci kilesassa avikkhambhitattā kassaci kathañci avimutto kāmabhavo ajjhattaggahaṇassa visesapaccayoti ajjhattaṃ nāma. Tattha bandhanaṃ ajjhattasaṃyojanaṃ, tena sampayutto ajjhattasaṃyojano.
83. காரணேன வினா பவத்தஹிதசித்தோ அகாரணவச்ச²லோ. அனாக³தம்பி பயோஜனங் அபெக்க²மானோ புரிமக்³க³ஹிதங் தங் கதங் உபாதா³ய கதஞ்ஞூ ஏவ நாம ஹோதி, ந புப்³ப³காரீதி ஆஹ ‘‘கரிஸ்ஸதி மே’’திஆதி³. தமோஜோதிபராயணோ புஞ்ஞப²லங் அனுபஜீவந்தோ ஏவ புஞ்ஞானி கரோதீதி ‘‘புப்³ப³காரீ’’தி வுத்தோ. ‘‘இணங் தே³மீ’’தி ஸஞ்ஞங் கரோதீதி ஏவங்ஸஞ்ஞங் அகரொந்தோபி கரொந்தோ விய ஹோதீதி அத்தோ².
83. Kāraṇena vinā pavattahitacitto akāraṇavacchalo. Anāgatampi payojanaṃ apekkhamāno purimaggahitaṃ taṃ kataṃ upādāya kataññū eva nāma hoti, na pubbakārīti āha ‘‘karissati me’’tiādi. Tamojotiparāyaṇo puññaphalaṃ anupajīvanto eva puññāni karotīti ‘‘pubbakārī’’ti vutto. ‘‘Iṇaṃ demī’’ti saññaṃ karotīti evaṃsaññaṃ akarontopi karonto viya hotīti attho.
86. அச்ச²மங்ஸங் லபி⁴த்வா ஸூகரமங்ஸந்தி ந குக்குச்சாயதீதி அச்ச²மங்ஸந்தி ஜானந்தோபி ஸூகரமங்ஸந்தி ந குக்குச்சாயதி, மத்³தி³த்வா வீதிக்கமதீதி வுத்தங் ஹோதி.
86. Acchamaṃsaṃlabhitvā sūkaramaṃsanti na kukkuccāyatīti acchamaṃsanti jānantopi sūkaramaṃsanti na kukkuccāyati, madditvā vītikkamatīti vuttaṃ hoti.
90. தித்தோதி நிட்டி²தகிச்சதாய நிருஸ்ஸுக்கோ.
90. Tittoti niṭṭhitakiccatāya nirussukko.
து³கனித்³தே³ஸவண்ணனா நிட்டி²தா.
Dukaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / புக்³க³லபஞ்ஞத்திபாளி • Puggalapaññattipāḷi / 2. து³கபுக்³க³லபஞ்ஞத்தி • 2. Dukapuggalapaññatti
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 2. து³கனித்³தே³ஸவண்ணனா • 2. Dukaniddesavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 2. து³கனித்³தே³ஸவண்ணனா • 2. Dukaniddesavaṇṇanā
