| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
২. দুকনিদ্দেসৰণ্ণনা
2. Dukaniddesavaṇṇanā
৬৩. কস্সচি কিলেসস্স অৰিক্খম্ভিতত্তা কস্সচি কথঞ্চি অৰিমুত্তো কামভৰো অজ্ঝত্তগ্গহণস্স ৰিসেসপচ্চযোতি অজ্ঝত্তং নাম। তত্থ বন্ধনং অজ্ঝত্তসংযোজনং, তেন সম্পযুত্তো অজ্ঝত্তসংযোজনো।
63. Kassaci kilesassa avikkhambhitattā kassaci kathañci avimutto kāmabhavo ajjhattaggahaṇassa visesapaccayoti ajjhattaṃ nāma. Tattha bandhanaṃ ajjhattasaṃyojanaṃ, tena sampayutto ajjhattasaṃyojano.
৮৩. কারণেন ৰিনা পৰত্তহিতচিত্তো অকারণৰচ্ছলো। অনাগতম্পি পযোজনং অপেক্খমানো পুরিমগ্গহিতং তং কতং উপাদায কতঞ্ঞূ এৰ নাম হোতি, ন পুব্বকারীতি আহ ‘‘করিস্সতি মে’’তিআদি। তমোজোতিপরাযণো পুঞ্ঞফলং অনুপজীৰন্তো এৰ পুঞ্ঞানি করোতীতি ‘‘পুব্বকারী’’তি ৰুত্তো। ‘‘ইণং দেমী’’তি সঞ্ঞং করোতীতি এৰংসঞ্ঞং অকরোন্তোপি করোন্তো ৰিয হোতীতি অত্থো।
83. Kāraṇena vinā pavattahitacitto akāraṇavacchalo. Anāgatampi payojanaṃ apekkhamāno purimaggahitaṃ taṃ kataṃ upādāya kataññū eva nāma hoti, na pubbakārīti āha ‘‘karissati me’’tiādi. Tamojotiparāyaṇo puññaphalaṃ anupajīvanto eva puññāni karotīti ‘‘pubbakārī’’ti vutto. ‘‘Iṇaṃ demī’’ti saññaṃ karotīti evaṃsaññaṃ akarontopi karonto viya hotīti attho.
৮৬. অচ্ছমংসং লভিত্ৰা সূকরমংসন্তি ন কুক্কুচ্চাযতীতি অচ্ছমংসন্তি জানন্তোপি সূকরমংসন্তি ন কুক্কুচ্চাযতি, মদ্দিত্ৰা ৰীতিক্কমতীতি ৰুত্তং হোতি।
86. Acchamaṃsaṃlabhitvā sūkaramaṃsanti na kukkuccāyatīti acchamaṃsanti jānantopi sūkaramaṃsanti na kukkuccāyati, madditvā vītikkamatīti vuttaṃ hoti.
৯০. তিত্তোতি নিট্ঠিতকিচ্চতায নিরুস্সুক্কো।
90. Tittoti niṭṭhitakiccatāya nirussukko.
দুকনিদ্দেসৰণ্ণনা নিট্ঠিতা।
Dukaniddesavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / পুগ্গলপঞ্ঞত্তিপাল়ি • Puggalapaññattipāḷi / ২. দুকপুগ্গলপঞ্ঞত্তি • 2. Dukapuggalapaññatti
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ২. দুকনিদ্দেসৰণ্ণনা • 2. Dukaniddesavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ২. দুকনিদ্দেসৰণ্ণনা • 2. Dukaniddesavaṇṇanā
