| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. д̣̇уганид̣̇д̣̇зсаван̣н̣анаа
2. Dukaniddesavaṇṇanā
45. д̣̇уганид̣̇д̣̇зсз год̇ханод̇и гуж̇жханасийло махаагод̇хо. звам̣ буг̇г̇алам̣ бужчид̇вааби д̇хаммзна буг̇г̇алам̣ д̣̇ассзд̇ум̣ д̇ад̇т̇а гад̇амо год̇ход̇иаад̣̇имааха. убанаахийнид̣̇д̣̇зсаад̣̇ийсуби зсзва наяо. год̇хо гуж̇жханаад̇иаад̣̇ийни хздтаа вуд̇д̇ад̇т̇аанзва. д̇ат̇аа убанаахийнид̣̇д̣̇зсаад̣̇ийсу буб̣б̣агаалам̣ год̇ход̇иаад̣̇ийни. аяам̣ год̇хо аббахийнод̇и аяам̣ зд̇д̇аго год̇хо вигкамбханаббахаанзна ваа д̇ад̣̇ан̇г̇аббахаанзна ваа самужчзд̣̇аббахаанзна ваа аббахийно. барад̇о убанаахаад̣̇ийсуби зсзва наяо.
45. Dukaniddese kodhanoti kujjhanasīlo mahākodho. Evaṃ puggalaṃ pucchitvāpi dhammena puggalaṃ dassetuṃ tattha katamo kodhotiādimāha. Upanāhīniddesādīsupi eseva nayo. Kodho kujjhanātiādīni heṭṭhā vuttatthāneva. Tathā upanāhīniddesādīsu pubbakālaṃ kodhotiādīni. Ayaṃ kodho appahīnoti ayaṃ ettako kodho vikkhambhanappahānena vā tadaṅgappahānena vā samucchedappahānena vā appahīno. Parato upanāhādīsupi eseva nayo.
53. ахириганид̣̇д̣̇зсаад̣̇ийсу – иминаа ахиригзнаад̇и иминаа звам̣багаарзна ахиригад̇хаммзна саманнааг̇ад̇о. иминаа анод̇д̇аббзнаад̇иаад̣̇ийсуби зсзва наяо.
53. Ahirikaniddesādīsu – iminā ahirikenāti iminā evaṃpakārena ahirikadhammena samannāgato. Iminā anottappenātiādīsupi eseva nayo.
63. аж̇жхад̇д̇асам̣яож̇анод̇и аж̇жхад̇д̇аб̣анд̇хано. б̣ахид̣̇д̇хаасам̣яож̇анод̇и б̣ахид̣̇д̇хааб̣анд̇хано. д̇з убхоби важчагасаалуубамааяа д̣̇ийбзд̇аб̣б̣аа. важчагасаалааяа хи анд̇о б̣ад̣̇д̇хо анд̇оязва саяид̇аважчаго вияа ид̇хадтагасод̇аабаннасагад̣̇ааг̇аамино. д̇зсан̃хи б̣анд̇ханамби ид̇хзва, саяамби ид̇хзва. анд̇о б̣ад̣̇д̇хо бана б̣ахи саяид̇аважчаго вияа руубааруубабхавз сод̇аабаннасагад̣̇ааг̇аамино. д̇зсан̃хи б̣анд̇ханамзва ид̇ха, саяам̣ бана б̣рахмалогз тид̇аа. б̣ахи б̣ад̣̇д̇хо б̣ахи саяид̇аважчаго вияа руубааруубабхавз анааг̇аамий. д̇асса хи б̣анд̇ханамби б̣ахид̣̇д̇хаа, саяамби б̣ахид̣̇д̇хаава. б̣ахи б̣ад̣̇д̇хо бана анд̇осаяид̇аважчаго вияа ид̇хадтагаанааг̇аамий. д̇асса хи б̣анд̇ханам̣ руубааруубабхавзсу, саяам̣ бана ид̇ха тид̇о.
63. Ajjhattasaṃyojanoti ajjhattabandhano. Bahiddhāsaṃyojanoti bahiddhābandhano. Te ubhopi vacchakasālūpamāya dīpetabbā. Vacchakasālāya hi anto baddho antoyeva sayitavacchako viya idhaṭṭhakasotāpannasakadāgāmino. Tesañhi bandhanampi idheva, sayampi idheva. Anto baddho pana bahi sayitavacchako viya rūpārūpabhave sotāpannasakadāgāmino. Tesañhi bandhanameva idha, sayaṃ pana brahmaloke ṭhitā. Bahi baddho bahi sayitavacchako viya rūpārūpabhave anāgāmī. Tassa hi bandhanampi bahiddhā, sayampi bahiddhāva. Bahi baddho pana antosayitavacchako viya idhaṭṭhakaanāgāmī. Tassa hi bandhanaṃ rūpārūpabhavesu, sayaṃ pana idha ṭhito.
65. аггод̇хананид̣̇д̣̇зсаад̣̇ийсу – бахийнод̇и вигкамбханаббахаанзна ваа, д̇ад̣̇ан̇г̇аббахаанзна ваа, самужчзд̣̇аббахаанзна ваа бахийно.
65. Akkodhananiddesādīsu – pahīnoti vikkhambhanappahānena vā, tadaṅgappahānena vā, samucchedappahānena vā pahīno.
83. д̣̇уллабханид̣̇д̣̇зсз – д̣̇уллабхаад̇и на сулабхаа. буб̣б̣агаарийд̇и батамамзва гаараго. гад̇авзд̣̇ийд̇и гад̇ам̣ взд̣̇зд̇и, вид̣̇ид̇ам̣ баагадам̣ гарод̇и. д̇з аг̇аарияаанаг̇аариязхи д̣̇ийбзд̇аб̣б̣аа. аг̇аариязсу хи маад̇аабид̇аро буб̣б̣агаарино наама. буд̇д̇ад̇хийд̇аро бана маад̇аабид̇аро бадиж̇аг̇г̇анд̇аа абхиваад̣̇анаад̣̇ийни д̇зсам̣ гурумаанаа гад̇авзд̣̇ино наама. анаг̇аариязсу аажарияубаж̇жхааяаа буб̣б̣агаарино наама. анд̇зваасигасад̣̇д̇хивихааригаа аажарияубаж̇жхааяз бадиж̇аг̇г̇анд̇аа абхиваад̣̇анаад̣̇ийни д̇зсам̣ гурумаанаа гад̇авзд̣̇ино наама. д̇зсам̣ аавибхаавад̇т̇ааяа убаж̇жхааяабосагасон̣ад̇т̇зраад̣̇ийнам̣ вад̇т̇ууни гат̇зд̇аб̣б̣аани.
83. Dullabhaniddese – dullabhāti na sulabhā. Pubbakārīti paṭhamameva kārako. Katavedīti kataṃ vedeti, viditaṃ pākaṭaṃ karoti. Te agāriyānagāriyehi dīpetabbā. Agāriyesu hi mātāpitaro pubbakārino nāma. Puttadhītaro pana mātāpitaro paṭijaggantā abhivādanādīni tesaṃ kurumānā katavedino nāma. Anagāriyesu ācariyupajjhāyā pubbakārino nāma. Antevāsikasaddhivihārikā ācariyupajjhāye paṭijaggantā abhivādanādīni tesaṃ kurumānā katavedino nāma. Tesaṃ āvibhāvatthāya upajjhāyaposakasoṇattherādīnaṃ vatthūni kathetabbāni.
абаро наяо – барзна агад̇зязва убагаарз ад̇д̇ани гад̇ам̣ убагаарам̣ анабзгкид̇ваа гаараго буб̣б̣агаарий, сзяяат̇ааби маад̇аабид̇аро жзва аажарияубаж̇жхааяаа жа. со д̣̇уллабхо; сад̇д̇аанам̣ д̇ан̣хаабхибхууд̇ад̇д̇аа. барзна гад̇асса убагаарасса ануруубаббавад̇д̇им̣ ад̇д̇ани гад̇ам̣ убагаарам̣ убагаарад̇о ж̇аананд̇о, взд̣̇ияанд̇о, гад̇ан̃н̃угад̇авзд̣̇ий. сзяяат̇ааби маад̇аабид̇уаажарияубаж̇жхааязсу саммаа бадибанно. соби д̣̇уллабхо; сад̇д̇аанам̣ авиж̇ж̇аабхибхууд̇ад̇д̇аа.
Aparo nayo – parena akateyeva upakāre attani kataṃ upakāraṃ anapekkhitvā kārako pubbakārī, seyyathāpi mātāpitaro ceva ācariyupajjhāyā ca. So dullabho; sattānaṃ taṇhābhibhūtattā. Parena katassa upakārassa anurūpappavattiṃ attani kataṃ upakāraṃ upakārato jānanto, vediyanto, kataññukatavedī. Seyyathāpi mātāpituācariyupajjhāyesu sammā paṭipanno. Sopi dullabho; sattānaṃ avijjābhibhūtattā.
абижа – агааран̣аважчало буб̣б̣агаарий, сагааран̣аважчало гад̇ан̃н̃угад̇авзд̣̇ий. ‘гариссад̇и мз’д̇и звамаад̣̇игааран̣анирабзгкагирияо буб̣б̣агаарий. ‘гариссад̇и мз’д̇и звамаад̣̇игааран̣асаабзгкагирияо гад̇ан̃н̃угад̇авзд̣̇ий. д̇амож̇од̇ибарааяан̣о буб̣б̣агаарий, ж̇од̇иж̇од̇ибарааяан̣о гад̇ан̃н̃угад̇авзд̣̇ий. д̣̇зсзд̇аа буб̣б̣агаарий, бадибаж̇ж̇ид̇аа гад̇ан̃н̃угад̇авзд̣̇ий. сад̣̇звагз логз арахам̣ саммаасамб̣уд̣̇д̇хо буб̣б̣агаарий, арияасааваго гад̇ан̃н̃угад̇авзд̣̇ийд̇и. д̣̇уганибаад̇адтагат̇ааяам̣ (а. ни. адта. 2.2.120) бана – ‘‘‘буб̣б̣агаарий’д̇и батамам̣ убагаарасса гаараго, ‘гад̇ан̃н̃угад̇авзд̣̇ий’д̇и д̇зна гад̇ам̣ н̃ад̇ваа бажчаа гаараго. д̇зсу буб̣б̣агаарий ин̣ам̣ д̣̇змийд̇и сан̃н̃ам̣ гарод̇и, бажчаагаараго ‘ин̣ам̣ ж̇ийраабзмий’д̇и сан̃н̃ам̣ гарод̇ий’’д̇и зд̇д̇агамзва вуд̇д̇ам̣.
Apica – akāraṇavacchalo pubbakārī, sakāraṇavacchalo kataññukatavedī. ‘Karissati me’ti evamādikāraṇanirapekkhakiriyo pubbakārī. ‘Karissati me’ti evamādikāraṇasāpekkhakiriyo kataññukatavedī. Tamojotiparāyaṇo pubbakārī, jotijotiparāyaṇo kataññukatavedī. Desetā pubbakārī, paṭipajjitā kataññukatavedī. Sadevake loke arahaṃ sammāsambuddho pubbakārī, ariyasāvako kataññukatavedīti. Dukanipātaṭṭhakathāyaṃ (a. ni. aṭṭha. 2.2.120) pana – ‘‘‘pubbakārī’ti paṭhamaṃ upakārassa kārako, ‘kataññukatavedī’ti tena kataṃ ñatvā pacchā kārako. Tesu pubbakārī iṇaṃ demīti saññaṃ karoti, pacchākārako ‘iṇaṃ jīrāpemī’ti saññaṃ karotī’’ti ettakameva vuttaṃ.
84. д̣̇уд̇д̇аббаяанид̣̇д̣̇зсз – д̣̇уд̇д̇аббаяаад̇и ад̇аббаяаа, на саггаа гзнажи д̇аббзд̇ум̣. яо хи убадтаагагулам̣ ваа н̃аад̇игулам̣ ваа ниссааяа васамаано жийварз ж̇ин̣н̣з д̇зхи д̣̇иннам̣ жийварам̣ нигкибад̇и, на барибхун̃ж̇ад̇и. бунаббунам̣ д̣̇иннамби г̇ахзд̇ваа нигкибад̇зва. яо жа д̇знзва наязна лад̣̇д̇хам̣ лад̣̇д̇хам̣ виссаж̇ж̇зд̇и барасса д̣̇зд̇и. бунаббунам̣ лад̣̇д̇хамби д̇ат̇зва гарод̇и. имз д̣̇вз буг̇г̇алаа сагадзхиби бажжаяз убанзнд̇зна д̇аббзд̇ум̣ на саггаад̇и д̣̇уд̇д̇аббаяаа наама.
84. Duttappayaniddese – duttappayāti atappayā, na sakkā kenaci tappetuṃ. Yo hi upaṭṭhākakulaṃ vā ñātikulaṃ vā nissāya vasamāno cīvare jiṇṇe tehi dinnaṃ cīvaraṃ nikkhipati, na paribhuñjati. Punappunaṃ dinnampi gahetvā nikkhipateva. Yo ca teneva nayena laddhaṃ laddhaṃ vissajjeti parassa deti. Punappunaṃ laddhampi tatheva karoti. Ime dve puggalā sakaṭehipi paccaye upanentena tappetuṃ na sakkāti duttappayā nāma.
85. суд̇аббаяанид̣̇д̣̇зсз – на виссаж̇ж̇зд̇ийд̇и ад̇д̇ано агад̇ваа барасса на д̣̇зд̇и. ад̇ирзгз бана сад̇и на нигкибад̇и барасса д̣̇зд̇и. ид̣̇ам̣ вуд̇д̇ам̣ ход̇и – яо бана бхигку убадтаагагулаа ваа н̃аад̇игулаа ваа ж̇ин̣н̣ажийваро саадагам̣ лабхид̇ваа жийварам̣ гад̇ваа барибхун̃ж̇ад̇и, на нигкибад̇и; аг̇г̇ал̣ам̣ д̣̇ад̇ваа баарубанд̇оби буна д̣̇ияяамаанз сахасаа на бадиг̇г̇ан̣хаад̇и. яо жа лад̣̇д̇хам̣ лад̣̇д̇хам̣ ад̇д̇анаа барибхун̃ж̇ад̇и, барзсам̣ на д̣̇зд̇и. имз д̣̇взби сукзна саггаа д̇аббзд̇унд̇и суд̇аббаяаа наамаад̇и.
85. Sutappayaniddese – na vissajjetīti attano akatvā parassa na deti. Atireke pana sati na nikkhipati parassa deti. Idaṃ vuttaṃ hoti – yo pana bhikkhu upaṭṭhākakulā vā ñātikulā vā jiṇṇacīvaro sāṭakaṃ labhitvā cīvaraṃ katvā paribhuñjati, na nikkhipati; aggaḷaṃ datvā pārupantopi puna diyyamāne sahasā na paṭiggaṇhāti. Yo ca laddhaṃ laddhaṃ attanā paribhuñjati, paresaṃ na deti. Ime dvepi sukhena sakkā tappetunti sutappayā nāmāti.
86. аасаваад̇и гилзсаа. на гуггужжааяид̇аб̣б̣ам̣ гуггужжааяад̇ийд̇и на гуггужжааяид̇аб̣б̣аяуд̇д̇агам̣ гуггужжааяад̇и. суугарамам̣сам̣ лабхид̇ваа ажчамам̣санд̇и гуггужжааяад̇и, миг̇амам̣сам̣, лабхид̇ваа д̣̇ийбимам̣санд̇и гуггужжааяад̇и. гаалз санд̇зязва ‘гаало над̇т̇ий’д̇и, аббаваарзд̇ваава ‘баваарид̇осмий’д̇и, бад̇д̇з раж̇асмим̣ абад̇ид̇зязва ‘бад̇ид̇а’нд̇и, ад̇д̇аанам̣ уд̣̇д̣̇исса мажчамам̣сз агад̇зязва ‘мам̣ уд̣̇д̣̇исса гад̇а’нд̇и гуггужжааяад̇и. гуггужжааяид̇аб̣б̣ам̣ на гуггужжааяад̇ийд̇и гуггужжааяид̇аб̣б̣аяуд̇д̇агам̣ на гуггужжааяад̇и. ажчамам̣сам̣ лабхид̇ваа суугарамам̣санд̇и на гуггужжааяад̇и…бз… ад̇д̇аанам̣ уд̣̇д̣̇исса мажчамам̣сз гад̇з ‘мам̣ уд̣̇д̣̇исса гад̇а’нд̇и на гуггужжааяад̇и . ан̇г̇уд̇д̇арадтагат̇ааяам̣ бана – ‘‘‘на гуггужжааяид̇аб̣б̣а’нд̇и сан̇гхабхог̇асса абадтабанам̣ авижааран̣ам̣ на гуггужжааяид̇аб̣б̣ам̣ наама, д̇ам̣ гуггужжааяад̇и. ‘гуггужжааяид̇аб̣б̣а’нд̇и д̇ассзва бадтабанам̣ вижааран̣ам̣, д̇ам̣ на гуггужжааяад̇ий’’д̇и зд̇д̇агамзва вуд̇д̇ам̣. имзсанд̇и имзсам̣ д̣̇виннам̣ буг̇г̇алаанам̣ субхуумияам̣ д̇ин̣алад̇аад̣̇ийни вияа рад̇д̇имби д̣̇ивааби аасаваа вад̣дханд̇иязва. суггабагкз габбияамам̣сам̣ лабхид̇ваа габбияамам̣санд̇взва г̇ан̣ханд̇о на гуггужжааяид̇аб̣б̣ам̣ на гуггужжааяад̇и наамаад̇и иминаа наязна ад̇т̇о взд̣̇ид̇аб̣б̣о.
86. Āsavāti kilesā. Na kukkuccāyitabbaṃ kukkuccāyatīti na kukkuccāyitabbayuttakaṃ kukkuccāyati. Sūkaramaṃsaṃ labhitvā acchamaṃsanti kukkuccāyati, migamaṃsaṃ, labhitvā dīpimaṃsanti kukkuccāyati. Kāle santeyeva ‘kālo natthī’ti, appavāretvāva ‘pavāritosmī’ti, patte rajasmiṃ apatiteyeva ‘patita’nti, attānaṃ uddissa macchamaṃse akateyeva ‘maṃ uddissa kata’nti kukkuccāyati. Kukkuccāyitabbaṃ na kukkuccāyatīti kukkuccāyitabbayuttakaṃ na kukkuccāyati. Acchamaṃsaṃ labhitvā sūkaramaṃsanti na kukkuccāyati…pe… attānaṃ uddissa macchamaṃse kate ‘maṃ uddissa kata’nti na kukkuccāyati . Aṅguttaraṭṭhakathāyaṃ pana – ‘‘‘na kukkuccāyitabba’nti saṅghabhogassa apaṭṭhapanaṃ avicāraṇaṃ na kukkuccāyitabbaṃ nāma, taṃ kukkuccāyati. ‘Kukkuccāyitabba’nti tasseva paṭṭhapanaṃ vicāraṇaṃ, taṃ na kukkuccāyatī’’ti ettakameva vuttaṃ. Imesanti imesaṃ dvinnaṃ puggalānaṃ subhūmiyaṃ tiṇalatādīni viya rattimpi divāpi āsavā vaḍḍhantiyeva. Sukkapakkhe kappiyamaṃsaṃ labhitvā kappiyamaṃsantveva gaṇhanto na kukkuccāyitabbaṃ na kukkuccāyati nāmāti iminā nayena attho veditabbo.
88. хийнаад̇химуд̇д̇од̇и хийнаж̇жхаасаяо. д̣̇уссийлод̇и ниссийло. баабад̇хаммод̇и лаамагад̇хаммо.
88. Hīnādhimuttoti hīnajjhāsayo. Dussīloti nissīlo. Pāpadhammoti lāmakadhammo.
89. бан̣ийд̇аад̇химуд̇д̇од̇и бан̣ийд̇аж̇жхаасаяо. галяаан̣ад̇хаммод̇и бхад̣̇д̣̇агад̇хаммо, сужид̇хаммо, сунд̣̇арад̇хаммо.
89. Paṇītādhimuttoti paṇītajjhāsayo. Kalyāṇadhammoti bhaddakadhammo, sucidhammo, sundaradhammo.
90. д̇ид̇д̇од̇и сухид̇о барияосид̇о. д̇аббзд̇аад̇и ан̃н̃зсамби д̇ид̇д̇игаро. бажжзгасамб̣уд̣̇д̇хаа яз жа д̇ат̇ааг̇ад̇асаавагаад̇и зд̇т̇а бажжзгаб̣уд̣̇д̇хаа навахи логуд̇д̇арад̇хаммзхи саяам̣ д̇ид̇д̇аа барибун̣н̣аа. ан̃н̃з бана д̇аббзд̇ум̣ на саггонд̇и. д̇зсан̃хи д̇хаммагат̇ааяа абхисамаяо на ход̇и. саавагаанам̣ бана д̇хаммагат̇ааяа абаримаан̣аанамби д̣̇звамануссаанам̣ абхисамаяо ход̇и. звам̣ санд̇зби яасмаа бана д̇з д̇хаммам̣ д̣̇зсзнд̇аа на ад̇д̇ано важанам̣ гад̇ваа гат̇знд̇и, б̣уд̣̇д̇хаанам̣ важанам̣ гад̇ваа гат̇знд̇и. сод̇ум̣ нисиннабарисааби ‘аяам̣ бхигку на ад̇д̇анаа бадивид̣̇д̇хад̇хаммам̣ гат̇зд̇и, б̣уд̣̇д̇хзхи бадивид̣̇д̇хад̇хаммам̣ гат̇зд̇ий’д̇и жид̇д̇ийгаарам̣ гарод̇и. ид̇и со жид̇д̇ийгааро б̣уд̣̇д̇хаанам̣язва ход̇и. звам̣ д̇ад̇т̇а саммаасамб̣уд̣̇д̇хова д̇аббзд̇аа наама. яат̇аа хи ‘асугасса наама ид̣̇ан̃жид̣̇ан̃жа д̣̇зт̇аа’д̇и ран̃н̃аа аан̣ад̇д̇аа гин̃жааби аанзд̇ваа д̣̇знд̇и, ат̇а ко рааж̇аава д̇ад̇т̇а д̣̇ааяаго. язхиби лад̣̇д̇хам̣ ход̇и, д̇з ‘ран̃н̃аа амхаагам̣ таананд̇арам̣ д̣̇иннам̣, иссарияавибхаво д̣̇инно’д̇взва г̇ан̣ханд̇и, на рааж̇абурисзхийд̇и. звам̣самбад̣̇амид̣̇ам̣ взд̣̇ид̇аб̣б̣ам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
90. Tittoti suhito pariyosito. Tappetāti aññesampi tittikaro. Paccekasambuddhā ye ca tathāgatasāvakāti ettha paccekabuddhā navahi lokuttaradhammehi sayaṃ tittā paripuṇṇā. Aññe pana tappetuṃ na sakkonti. Tesañhi dhammakathāya abhisamayo na hoti. Sāvakānaṃ pana dhammakathāya aparimāṇānampi devamanussānaṃ abhisamayo hoti. Evaṃ santepi yasmā pana te dhammaṃ desentā na attano vacanaṃ katvā kathenti, buddhānaṃ vacanaṃ katvā kathenti. Sotuṃ nisinnaparisāpi ‘ayaṃ bhikkhu na attanā paṭividdhadhammaṃ katheti, buddhehi paṭividdhadhammaṃ kathetī’ti cittīkāraṃ karoti. Iti so cittīkāro buddhānaṃyeva hoti. Evaṃ tattha sammāsambuddhova tappetā nāma. Yathā hi ‘asukassa nāma idañcidañca dethā’ti raññā āṇattā kiñcāpi ānetvā denti, atha kho rājāva tattha dāyako. Yehipi laddhaṃ hoti, te ‘raññā amhākaṃ ṭhānantaraṃ dinnaṃ, issariyavibhavo dinno’tveva gaṇhanti, na rājapurisehīti. Evaṃsampadamidaṃ veditabbaṃ. Sesaṃ sabbattha uttānatthamevāti.
д̣̇уганид̣̇д̣̇зсаван̣н̣анаа.
Dukaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / буг̇г̇алабан̃н̃ад̇д̇ибаал̣и • Puggalapaññattipāḷi / 2. д̣̇угабуг̇г̇алабан̃н̃ад̇д̇и • 2. Dukapuggalapaññatti
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. д̣̇уганид̣̇д̣̇зсаван̣н̣анаа • 2. Dukaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. д̣̇уганид̣̇д̣̇зсаван̣н̣анаа • 2. Dukaniddesavaṇṇanā
