| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(2.) д̣̇уганид̣̇д̣̇зсаван̣н̣анаа
(2.) Dukaniddesavaṇṇanā
767. д̣̇увид̇хзна н̃аан̣авад̇т̇унид̣̇д̣̇зсз жад̇уусу бхуумийсу гусалзд̇и сзгкабут̇уж̇ж̇анаанам̣ жад̇убхуумагагусалабан̃н̃аа. бадисамбхид̣̇аавибхан̇г̇з вуд̇д̇зсу бан̃жасу ад̇т̇зсу ад̇д̇ано ад̇д̇ано бхуумибарияаабаннам̣ вибаагасан̇каад̇ам̣ ад̇т̇ам̣ ж̇аабзд̇и ж̇анзд̇и бавад̇д̇зд̇ийд̇и ад̇т̇аж̇аабигаа. арахад̇о абхин̃н̃ам̣ уббаад̣̇знд̇асса самаабад̇д̇им̣ уббаад̣̇знд̇асса гирияааб̣яаагад̇зд̇и абхин̃н̃ааяа жзва самаабад̇д̇ияаа жа баригаммасамаяз гаамааважарагирияабан̃н̃аа. саа хи абхин̃н̃аасамаабад̇д̇ибабхзд̣̇ам̣ гирияасан̇каад̇ам̣ ад̇т̇ам̣ ж̇аабзд̇и ж̇анзд̇и бавад̇д̇зд̇ийд̇и ад̇т̇аж̇аабигаа бан̃н̃аад̇и вуд̇д̇аа. аяам̣ бана абароби баал̣имуд̇д̇аго адтагат̇аанаяо – яааби хи буримаа гаамааважарагирияаа бажчимааяа гаамааважарагирияааяа ананд̇араад̣̇ивасзна бажжаяо ход̇и, сааби д̇ам̣ гирияад̇т̇ам̣ ж̇аабзд̇ийд̇и ад̇т̇аж̇аабигаа бан̃н̃аа наама. руубааважарааруубааважарзсуби зсзва наяо.
767. Duvidhena ñāṇavatthuniddese catūsu bhūmīsu kusaleti sekkhaputhujjanānaṃ catubhūmakakusalapaññā. Paṭisambhidāvibhaṅge vuttesu pañcasu atthesu attano attano bhūmipariyāpannaṃ vipākasaṅkhātaṃ atthaṃ jāpeti janeti pavattetīti atthajāpikā. Arahato abhiññaṃ uppādentassa samāpattiṃ uppādentassa kiriyābyākateti abhiññāya ceva samāpattiyā ca parikammasamaye kāmāvacarakiriyapaññā. Sā hi abhiññāsamāpattipabhedaṃ kiriyasaṅkhātaṃ atthaṃ jāpeti janeti pavattetīti atthajāpikā paññāti vuttā. Ayaṃ pana aparopi pāḷimuttako aṭṭhakathānayo – yāpi hi purimā kāmāvacarakiriyā pacchimāya kāmāvacarakiriyāya anantarādivasena paccayo hoti, sāpi taṃ kiriyatthaṃ jāpetīti atthajāpikā paññā nāma. Rūpāvacarārūpāvacaresupi eseva nayo.
д̣̇уд̇ияабад̣̇анид̣̇д̣̇зсз жад̇уусу бхуумийсу вибаагзд̇и гаамааважаравибаагз бан̃н̃аа сахаж̇аад̇аад̣̇ибажжаяавасзна гаамааважаравибаагад̇т̇ам̣ ж̇аабзд̇ваа тид̇аад̇и ж̇аабид̇ад̇т̇аа. руубааважараад̣̇ивибаагабан̃н̃аасуби зсзва наяо. саб̣б̣ааби ваа зсаа ад̇д̇ано ад̇д̇ано гааран̣зхи ж̇аабид̇аа ж̇анид̇аа бавад̇д̇ид̇аа саяамби ад̇т̇абхууд̇аад̇иби ж̇аабид̇ад̇т̇аа. арахад̇о уббаннааяа абхин̃н̃ааяа уббаннааяа самаабад̇д̇ияаад̇и вуд̇д̇агирияабан̃н̃ааяаби зсзва наяо. аяам̣ бана абароби баал̣имуд̇д̇аго адтагат̇аанаяо – гаамааважарагирияабан̃н̃ааби хи сахаж̇аад̇аад̣̇ивасзна гаамааважарагирияасан̇каад̇ам̣ ад̇т̇ам̣ ж̇аабзд̇ваа тид̇аад̇и ж̇аабид̇ад̇т̇аа. руубааважарааруубааважарагирияабан̃н̃аасуби зсзва наяо. саб̣б̣ааби ваа зсаа ад̇д̇ано ад̇д̇ано гааран̣зхи ж̇аабид̇аа ж̇анид̇аа бавад̇д̇ид̇аа саяан̃жа ад̇т̇абхууд̇аад̇иби ж̇аабид̇ад̇т̇аа. сзсамзд̇т̇а саб̣б̣ам̣ д̇хаммасан̇г̇ахадтагат̇ааяам̣ вуд̇д̇анаяад̇д̇аа баагадамзваад̇и.
Dutiyapadaniddese catūsu bhūmīsu vipāketi kāmāvacaravipāke paññā sahajātādipaccayavasena kāmāvacaravipākatthaṃ jāpetvā ṭhitāti jāpitatthā. Rūpāvacarādivipākapaññāsupi eseva nayo. Sabbāpi vā esā attano attano kāraṇehi jāpitā janitā pavattitā sayampi atthabhūtātipi jāpitatthā. Arahato uppannāya abhiññāya uppannāya samāpattiyāti vuttakiriyapaññāyapi eseva nayo. Ayaṃ pana aparopi pāḷimuttako aṭṭhakathānayo – kāmāvacarakiriyapaññāpi hi sahajātādivasena kāmāvacarakiriyasaṅkhātaṃ atthaṃ jāpetvā ṭhitāti jāpitatthā. Rūpāvacarārūpāvacarakiriyapaññāsupi eseva nayo. Sabbāpi vā esā attano attano kāraṇehi jāpitā janitā pavattitā sayañca atthabhūtātipi jāpitatthā. Sesamettha sabbaṃ dhammasaṅgahaṭṭhakathāyaṃ vuttanayattā pākaṭamevāti.
д̣̇уганид̣̇д̣̇зсаван̣н̣анаа.
Dukaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 16. н̃аан̣авибхан̇г̇о • 16. Ñāṇavibhaṅgo
