| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(2.) д̣̇уганид̣̇д̣̇зсаван̣н̣анаа
(2.) Dukaniddesavaṇṇanā
891. д̣̇угзсу год̇ханид̣̇д̣̇зсаад̣̇аяо хздтаа вуд̇д̇анаязнзва взд̣̇ид̇аб̣б̣аа. хздтаа анааг̇ад̇зсу бана убанааханид̣̇д̣̇зсаад̣̇ийсу буб̣б̣агаалам̣ год̇хам̣ убанаяхад̇ийд̇и абарагаалагод̇хо убанаахо наама. убанаяханаагааро убанаяханаа. убанаяхид̇асса бхааво убанаяхид̇ад̇д̇ам̣. адтабанаад̇и батамуббаннасса ананд̇арадтабанаа марияаад̣̇адтабанаа ваа. табанаад̇и багад̇итабанаа. сан̣табанаад̇и саб̣б̣ад̇обхааг̇зна бунаббунам̣ аагхаад̇адтабанаа. анусам̣санд̣̇анаад̇и батамуббаннзна год̇хзна сад̣̇д̇хим̣ анд̇арам̣ ад̣̇ассзд̇ваа згийбхаавагаран̣аа. ануббаб̣анд̇ханаад̇и буримзна сад̣̇д̇хим̣ бажчимасса гхаданаа. д̣̇ал̣хийгамманд̇и т̇ирагаран̣ам̣. аяам̣ вужжад̇ийд̇и аяам̣ убананд̇ханалагкан̣о взрам̣ аббадиниссаж̇ж̇анарасо убанааход̇и вужжад̇и; язна саманнааг̇ад̇о буг̇г̇ало взрам̣ ниссаж̇ж̇ид̇ум̣ на саггод̇и; ‘звам̣ наама мам̣ зса вад̇д̇ум̣ ананужчавиго’д̇и абараабарам̣ ануб̣анд̇хад̇и; аад̣̇ид̇д̇абууд̇иалаад̇ам̣ вияа ж̇алад̇зва ; д̇ховияамаанам̣ ажчажаммам̣ вияа, васаад̇зламагкид̇абилод̇игаа вияа жа на барисуж̇жхад̇и.
891. Dukesu kodhaniddesādayo heṭṭhā vuttanayeneva veditabbā. Heṭṭhā anāgatesu pana upanāhaniddesādīsu pubbakālaṃ kodhaṃ upanayhatīti aparakālakodho upanāho nāma. Upanayhanākāro upanayhanā. Upanayhitassa bhāvo upanayhitattaṃ. Aṭṭhapanāti paṭhamuppannassa anantaraṭṭhapanā mariyādaṭṭhapanā vā. Ṭhapanāti pakatiṭhapanā. Saṇṭhapanāti sabbatobhāgena punappunaṃ āghātaṭṭhapanā. Anusaṃsandanāti paṭhamuppannena kodhena saddhiṃ antaraṃ adassetvā ekībhāvakaraṇā. Anuppabandhanāti purimena saddhiṃ pacchimassa ghaṭanā. Daḷhīkammanti thirakaraṇaṃ. Ayaṃ vuccatīti ayaṃ upanandhanalakkhaṇo veraṃ appaṭinissajjanaraso upanāhoti vuccati; yena samannāgato puggalo veraṃ nissajjituṃ na sakkoti; ‘evaṃ nāma maṃ esa vattuṃ ananucchaviko’ti aparāparaṃ anubandhati; ādittapūtialātaṃ viya jalateva ; dhoviyamānaṃ acchacammaṃ viya, vasātelamakkhitapilotikā viya ca na parisujjhati.
892. магканабхаававасзна магко; бараг̇ун̣амагканааяа бавад̇д̇знд̇оби ад̇д̇ано гааран̣ам̣, г̇уут̇абахаран̣агам̣ г̇уут̇о вияа, батамад̇арам̣ магкзд̇ийд̇и ад̇т̇о. д̇ад̇о бараа д̣̇вз аагаарабхааванид̣̇д̣̇зсаа. нидтурабхааво нидтурияам̣; ‘д̇ам̣ ниссааяа зд̇д̇агамби над̇т̇ий’д̇и кзл̣абаад̇ананд̇и ад̇т̇о. нидтурияагамманд̇и нидтурияагаран̣ам̣. г̇ахадто ваа хи г̇ахадтам̣, бхигку ваа бхигкум̣ ниссааяа васанд̇о аббамад̇д̇агзнзва гуж̇жхид̇ваа ‘д̇ам̣ ниссааяа зд̇д̇агамби над̇т̇ий’д̇и кзл̣ам̣ баад̇зд̇ваа баад̣̇зна мад̣̇д̣̇анд̇о вияа нидтурияам̣ наама гарод̇и. д̇асса д̇ам̣ гаммам̣ нидтурияагамманд̇и вужжад̇и. лагкан̣аад̣̇ид̇о банзса бараг̇ун̣амагканалагкан̣о магко, д̇зсам̣ винаасанарасо, барзна сугад̇аанам̣ гирияаанам̣ аважчаад̣̇анабажжубадтаано.
892. Makkhanabhāvavasena makkho; paraguṇamakkhanāya pavattentopi attano kāraṇaṃ, gūthapaharaṇakaṃ gūtho viya, paṭhamataraṃ makkhetīti attho. Tato parā dve ākārabhāvaniddesā. Niṭṭhurabhāvo niṭṭhuriyaṃ; ‘taṃ nissāya ettakampi natthī’ti kheḷapātananti attho. Niṭṭhuriyakammanti niṭṭhuriyakaraṇaṃ. Gahaṭṭho vā hi gahaṭṭhaṃ, bhikkhu vā bhikkhuṃ nissāya vasanto appamattakeneva kujjhitvā ‘taṃ nissāya ettakampi natthī’ti kheḷaṃ pātetvā pādena maddanto viya niṭṭhuriyaṃ nāma karoti. Tassa taṃ kammaṃ niṭṭhuriyakammanti vuccati. Lakkhaṇādito panesa paraguṇamakkhanalakkhaṇo makkho, tesaṃ vināsanaraso, parena sukatānaṃ kiriyānaṃ avacchādanapaccupaṭṭhāno.
бал̣аасад̇ийд̇и бал̣аасо; барасса г̇ун̣з д̣̇ассзд̇ваа ад̇д̇ано г̇ун̣зхи самам̣ гарод̇ийд̇и ад̇т̇о. бал̣аасасса ааяанаа бал̣аасааяанаа. бал̣аасо жа со ад̇д̇ано ж̇аяаахаран̣ад̇о аахааро жаад̇и бал̣аасаахааро. виваад̣̇адтаананд̇и виваад̣̇агааран̣ам̣. яуг̇аг̇г̇ааход̇и самад̇хураг̇г̇ахан̣ам̣. аббадиниссаг̇г̇од̇и ад̇д̇анаа г̇ахид̇асса аббадиниссаж̇ж̇анам̣. лагкан̣аад̣̇ид̇о банзса яуг̇аг̇г̇аахалагкан̣о бал̣аасо, бараг̇ун̣зхи ад̇д̇ано г̇ун̣аанам̣ самагаран̣арасо, барзсам̣ г̇ун̣аббамаан̣зна убадтаанабажжубадтаано. бал̣аасий хи буг̇г̇ало д̣̇уд̇ияасса д̇хурам̣ на д̣̇зд̇и, самам̣ басаарзд̇ваа д̇идтад̇и, саагажчаман̣д̣алз ан̃н̃зна бхигкунаа б̣ахуусу суд̇д̇зсу жа гааран̣зсу жа аабхад̇зсуби ‘д̇ава жа мама жа ваад̣̇з гим̣ наама наанаагаран̣ам̣? нану маж̇жхз бхиннасуван̣н̣ам̣ вияа згасад̣̇исамзва амхаагам̣ важана’нд̇и вад̣̇ад̇и. иссаамажчарияанид̣̇д̣̇зсаа вуд̇д̇ад̇т̇аа зва.
Paḷāsatīti paḷāso; parassa guṇe dassetvā attano guṇehi samaṃ karotīti attho. Paḷāsassa āyanā paḷāsāyanā. Paḷāso ca so attano jayāharaṇato āhāro cāti paḷāsāhāro. Vivādaṭṭhānanti vivādakāraṇaṃ. Yugaggāhoti samadhuraggahaṇaṃ. Appaṭinissaggoti attanā gahitassa appaṭinissajjanaṃ. Lakkhaṇādito panesa yugaggāhalakkhaṇo paḷāso, paraguṇehi attano guṇānaṃ samakaraṇaraso, paresaṃ guṇappamāṇena upaṭṭhānapaccupaṭṭhāno. Paḷāsī hi puggalo dutiyassa dhuraṃ na deti, samaṃ pasāretvā tiṭṭhati, sākacchamaṇḍale aññena bhikkhunā bahūsu suttesu ca kāraṇesu ca ābhatesupi ‘tava ca mama ca vāde kiṃ nāma nānākaraṇaṃ? Nanu majjhe bhinnasuvaṇṇaṃ viya ekasadisameva amhākaṃ vacana’nti vadati. Issāmacchariyaniddesā vuttatthā eva.
894. мааяаанид̣̇д̣̇зсз ваажам̣ бхаасад̇ийд̇и ж̇аанам̣язва ‘бан̣н̣ад̇д̇им̣ вийд̇иггаманд̇аа бхигкуу бхаарияам̣ гаронд̇и, амхаагам̣ бана вийд̇иггамадтаанам̣ наама над̇т̇ий’д̇и убасанд̇о вияа бхаасад̇и. гааязна бараггамад̇ийд̇и ‘маяаа гад̇ам̣ ид̣̇ам̣ баабагаммам̣ маа гзжи ж̇ааним̣суу’д̇и гааязна вад̇д̇ам̣ гарод̇и. виж̇ж̇амаанад̣̇осабадижчаад̣̇анад̇о жагкумоханамааяаа вияаад̇и мааяаа. мааяаавино бхааво мааяаавид̇аа. гад̇ваа баабам̣ буна бадижчаад̣̇анад̇о ад̇ижжа аасаранд̇и зд̇ааяа сад̇д̇аад̇и ажжаасараа. гааяаваажаагирияаахи ан̃н̃ат̇аа д̣̇ассанад̇о ван̃жзд̇ийд̇и ван̃жанаа. зд̇ааяа сад̇д̇аа нигаронд̇ийд̇и нигад̇и; мижчаагаронд̇ийд̇и ад̇т̇о. ‘наахам̣ звам̣ гаромий’д̇и баабаанам̣ вигкибанад̇о вигиран̣аа. ‘наахам̣ звам̣ гаромий’д̇и бариваж̇ж̇анад̇о барихаран̣аа. гааяаад̣̇ийхи сам̣варан̣ад̇о г̇ууханаа. саб̣б̣ад̇обхааг̇зна г̇ууханаа бариг̇ууханаа. д̇ин̣абан̣н̣зхи вияа г̇уут̇ам̣ гааяаважийгаммзхи баабам̣ чаад̣̇зд̇ийд̇и чаад̣̇анаа. саб̣б̣ад̇обхааг̇зна чаад̣̇анаа бадижчаад̣̇анаа. на уд̇д̇аанам̣ гад̇ваа д̣̇ассзд̇ийд̇и ануд̇д̇аанийгаммам̣. на баагадам̣ гад̇ваа д̣̇ассзд̇ийд̇и анаавигаммам̣. судту чаад̣̇анаа вожчаад̣̇анаа. гад̇абадижчаад̣̇анавасзна бунаби баабасса гаран̣ад̇о баабагирияаа. аяам̣ вужжад̇ийд̇и аяам̣ гад̇абадижчаад̣̇аналагкан̣аа мааяаа наама вужжад̇и; яааяа саманнааг̇ад̇о буг̇г̇ало бхасмаабадижчанно вияа ан̇г̇ааро, уд̣̇агабадижчанно вияа каан̣у, билод̇игаабаливзтид̇ам̣ вияа жа сад̇т̇ам̣ ход̇и.
894. Māyāniddese vācaṃ bhāsatīti jānaṃyeva ‘paṇṇattiṃ vītikkamantā bhikkhū bhāriyaṃ karonti, amhākaṃ pana vītikkamaṭṭhānaṃ nāma natthī’ti upasanto viya bhāsati. Kāyena parakkamatīti ‘mayā kataṃ idaṃ pāpakammaṃ mā keci jāniṃsū’ti kāyena vattaṃ karoti. Vijjamānadosapaṭicchādanato cakkhumohanamāyā viyāti māyā. Māyāvino bhāvo māyāvitā. Katvā pāpaṃ puna paṭicchādanato aticca āsaranti etāya sattāti accāsarā. Kāyavācākiriyāhi aññathā dassanato vañcetīti vañcanā. Etāya sattā nikarontīti nikati; micchākarontīti attho. ‘Nāhaṃ evaṃ karomī’ti pāpānaṃ vikkhipanato vikiraṇā. ‘Nāhaṃ evaṃ karomī’ti parivajjanato pariharaṇā. Kāyādīhi saṃvaraṇato gūhanā. Sabbatobhāgena gūhanā parigūhanā. Tiṇapaṇṇehi viya gūthaṃ kāyavacīkammehi pāpaṃ chādetīti chādanā. Sabbatobhāgena chādanā paṭicchādanā. Na uttānaṃ katvā dassetīti anuttānīkammaṃ. Na pākaṭaṃ katvā dassetīti anāvikammaṃ. Suṭṭhu chādanā vocchādanā. Katapaṭicchādanavasena punapi pāpassa karaṇato pāpakiriyā. Ayaṃ vuccatīti ayaṃ katapaṭicchādanalakkhaṇā māyā nāma vuccati; yāya samannāgato puggalo bhasmāpaṭicchanno viya aṅgāro, udakapaṭicchanno viya khāṇu, pilotikāpaliveṭhitaṃ viya ca satthaṃ hoti.
саатзяяанид̣̇д̣̇зсз сатод̇и асанд̇аг̇ун̣абарид̣̇ийбанад̇о на саммаа бхаасид̇аа. саб̣б̣ад̇обхааг̇зна сато барисато. яам̣ д̇ад̇т̇аад̇и яам̣ д̇асмим̣ буг̇г̇алз. сатанд̇и асанд̇аг̇ун̣ад̣̇ийбанам̣ гзраадияам̣. сатад̇аад̇и сатаагааро. гаггарад̇аад̇и бад̣̇уманаалисса вияа абараамасанагкамо карапарусабхааво. гаггарияанд̇иби д̇ассзва взважанам̣. баригкад̇д̇ад̇аа бааригкад̇д̇ияанд̇и бад̣̇ад̣̇ваязна никан̣ид̇ваа табид̇ам̣ вияа д̣̇ал̣хагзраадияам̣ вуд̇д̇ам̣. ид̣̇ам̣ вужжад̇ийд̇и ид̣̇ам̣ ад̇д̇ано авиж̇ж̇амаанаг̇ун̣аббагаасаналагкан̣ам̣ саатзяяам̣ наама вужжад̇и; язна саманнааг̇ад̇асса буг̇г̇аласса гужчим̣ ваа бидтим̣ ваа ж̇аанид̇ум̣ на саггаа.
Sāṭheyyaniddese saṭhoti asantaguṇaparidīpanato na sammā bhāsitā. Sabbatobhāgena saṭho parisaṭho. Yaṃ tatthāti yaṃ tasmiṃ puggale. Saṭhanti asantaguṇadīpanaṃ kerāṭiyaṃ. Saṭhatāti saṭhākāro. Kakkaratāti padumanālissa viya aparāmasanakkhamo kharapharusabhāvo. Kakkariyantipi tasseva vevacanaṃ. Parikkhattatā pārikkhattiyanti padadvayena nikhaṇitvā ṭhapitaṃ viya daḷhakerāṭiyaṃ vuttaṃ. Idaṃ vuccatīti idaṃ attano avijjamānaguṇappakāsanalakkhaṇaṃ sāṭheyyaṃ nāma vuccati; yena samannāgatassa puggalassa kucchiṃ vā piṭṭhiṃ vā jānituṃ na sakkā.
ваамзна суугаро ход̇и, д̣̇агкин̣зна аж̇аамиг̇о;
Vāmena sūkaro hoti, dakkhiṇena ajāmigo;
сарзна нзлаго ход̇и, висаан̣зна ж̇араг̇г̇авод̇и.
Sarena nelako hoti, visāṇena jaraggavoti.
звам̣ вуд̇д̇аяагкасуугарасад̣̇исо ход̇и. авиж̇ж̇аад̣̇инид̣̇д̣̇зсаа вуд̇д̇ад̇т̇аа зва.
Evaṃ vuttayakkhasūkarasadiso hoti. Avijjādiniddesā vuttatthā eva.
902. анаж̇ж̇аванид̣̇д̣̇зсз анаж̇ж̇авод̇и ануж̇уд̇аагааро. анаж̇ж̇авабхааво анаж̇ж̇авад̇аа. ж̇имхад̇аад̇и жанд̣̇аван̇гад̇аа. ван̇гад̇аад̇и г̇омуд̇д̇аван̇гад̇аа. гудилад̇аад̇и нан̇г̇алагодиван̇гад̇аа. саб̣б̣зхиби имзхи бад̣̇зхи гааяаважийжид̇д̇аван̇гад̇аава гат̇ид̇аа.
902. Anajjavaniddese anajjavoti anujutākāro. Anajjavabhāvo anajjavatā. Jimhatāti candavaṅkatā. Vaṅkatāti gomuttavaṅkatā. Kuṭilatāti naṅgalakoṭivaṅkatā. Sabbehipi imehi padehi kāyavacīcittavaṅkatāva kathitā.
амад̣̇д̣̇аванид̣̇д̣̇зсз на муд̣̇убхааво амуд̣̇уд̇аа. амад̣̇д̣̇аваагааро амад̣̇д̣̇авад̇аа. гагкал̣абхааво гагкал̣ияам̣. мад̣̇д̣̇авагарасса синзхасса абхаавад̇о парусабхааво паарусияам̣. анийжавуд̇д̇ид̇ааяа уж̇угамзва тид̇ажид̇д̇абхааво уж̇ужид̇д̇ад̇аа . буна амуд̣̇уд̇ааг̇ахан̣ам̣ д̇ассаа висзсанад̇т̇ам̣ ‘амуд̣̇уд̇аасан̇каад̇аа уж̇ужид̇д̇ад̇аа, на аж̇ж̇авасан̇каад̇аа уж̇ужид̇д̇ад̇аа’д̇и.
Amaddavaniddese na mudubhāvo amudutā. Amaddavākāro amaddavatā. Kakkhaḷabhāvo kakkhaḷiyaṃ. Maddavakarassa sinehassa abhāvato pharusabhāvo phārusiyaṃ. Anīcavuttitāya ujukameva ṭhitacittabhāvo ujucittatā. Puna amudutāgahaṇaṃ tassā visesanatthaṃ ‘amudutāsaṅkhātā ujucittatā, na ajjavasaṅkhātā ujucittatā’ti.
903. агканд̇инид̣̇д̣̇зсаад̣̇аяо канд̇инид̣̇д̣̇зсаад̣̇ибадибагкад̇о взд̣̇ид̇аб̣б̣аа.
903. Akkhantiniddesādayo khantiniddesādipaṭipakkhato veditabbā.
908. сам̣яож̇ананид̣̇д̣̇зсз аж̇жхад̇д̇анд̇и гаамабхаво. б̣ахид̣̇д̇хаад̇и руубааруубабхаво. гин̃жааби хи сад̇д̇аа гаамабхавз аббам̣ гаалам̣ васанд̇и габбасса жад̇уд̇т̇амзва годтаасам̣, ид̇арзсу д̇ийсу годтаасзсу гаамабхаво сун̃н̃о ход̇и д̇ужчо, руубааруубабхавз б̣ахум̣ гаалам̣ васанд̇и, д̇ат̇ааби нзсам̣ яасмаа гаамабхавз жуд̇ибадисанд̇хияо б̣ахугаа хонд̇и, аббаа руубааруубабхавзсу, яад̇т̇а жа жуд̇ибадисанд̇хияо б̣ахугаа д̇ад̇т̇а аалаяоби бад̇т̇анааби абхилаасоби б̣аху ход̇и, яад̇т̇а аббаа д̇ад̇т̇а аббо, д̇асмаа гаамабхаво аж̇жхад̇д̇ам̣ наама ж̇аад̇о, руубааруубабхаваа б̣ахид̣̇д̇хаа наама. ид̇и аж̇жхад̇д̇асан̇каад̇з гаамабхавз б̣анд̇ханам̣ аж̇жхад̇д̇асам̣яож̇анам̣ наама, б̣ахид̣̇д̇хаасан̇каад̇зсу руубааруубабхавзсу б̣анд̇ханам̣ б̣ахид̣̇д̇хаасам̣яож̇анам̣ наама. д̇ад̇т̇а згзгам̣ бан̃жабан̃жавид̇хам̣ ход̇и. д̇зна вуд̇д̇ам̣ ‘‘бан̃жорамбхааг̇ияаани бан̃жуд̣̇д̇хамбхааг̇ияааний’’д̇и. д̇ад̇рааяам̣ важанад̇т̇о – орам̣ вужжад̇и гаамад̇хаад̇у, д̇ад̇т̇а убабад̇д̇инибпаад̣̇анад̇о д̇ам̣ орам̣ бхаж̇анд̇ийд̇и орамбхааг̇ияаани. уд̣̇д̇хам̣ вужжад̇и руубааруубад̇хаад̇у, д̇ад̇т̇а убабад̇д̇инибпаад̣̇анад̇о д̇ам̣ уд̣̇д̇хам̣ бхаж̇анд̇ийд̇и уд̣̇д̇хамбхааг̇ияаанийд̇и.
908. Saṃyojananiddese ajjhattanti kāmabhavo. Bahiddhāti rūpārūpabhavo. Kiñcāpi hi sattā kāmabhave appaṃ kālaṃ vasanti kappassa catutthameva koṭṭhāsaṃ, itaresu tīsu koṭṭhāsesu kāmabhavo suñño hoti tuccho, rūpārūpabhave bahuṃ kālaṃ vasanti, tathāpi nesaṃ yasmā kāmabhave cutipaṭisandhiyo bahukā honti, appā rūpārūpabhavesu, yattha ca cutipaṭisandhiyo bahukā tattha ālayopi patthanāpi abhilāsopi bahu hoti, yattha appā tattha appo, tasmā kāmabhavo ajjhattaṃ nāma jāto, rūpārūpabhavā bahiddhā nāma. Iti ajjhattasaṅkhāte kāmabhave bandhanaṃ ajjhattasaṃyojanaṃ nāma, bahiddhāsaṅkhātesu rūpārūpabhavesu bandhanaṃ bahiddhāsaṃyojanaṃ nāma. Tattha ekekaṃ pañcapañcavidhaṃ hoti. Tena vuttaṃ ‘‘pañcorambhāgiyāni pañcuddhambhāgiyānī’’ti. Tatrāyaṃ vacanattho – oraṃ vuccati kāmadhātu, tattha upapattinipphādanato taṃ oraṃ bhajantīti orambhāgiyāni. Uddhaṃ vuccati rūpārūpadhātu, tattha upapattinipphādanato taṃ uddhaṃ bhajantīti uddhambhāgiyānīti.
д̣̇уганид̣̇д̣̇зсаван̣н̣анаа.
Dukaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
