| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
2. д̣̇уганид̣̇д̣̇зсаван̣н̣анаа
2. Dukaniddesavaṇṇanā
63. гассажи гилзсасса авигкамбхид̇ад̇д̇аа гассажи гат̇ан̃жи авимуд̇д̇о гаамабхаво аж̇жхад̇д̇аг̇г̇ахан̣асса висзсабажжаяод̇и аж̇жхад̇д̇ам̣ наама. д̇ад̇т̇а б̣анд̇ханам̣ аж̇жхад̇д̇асам̣яож̇анам̣, д̇зна самбаяуд̇д̇о аж̇жхад̇д̇асам̣яож̇ано.
63. Kassaci kilesassa avikkhambhitattā kassaci kathañci avimutto kāmabhavo ajjhattaggahaṇassa visesapaccayoti ajjhattaṃ nāma. Tattha bandhanaṃ ajjhattasaṃyojanaṃ, tena sampayutto ajjhattasaṃyojano.
83. гааран̣зна винаа бавад̇д̇ахид̇ажид̇д̇о агааран̣аважчало. анааг̇ад̇амби баяож̇анам̣ абзгкамаано буримаг̇г̇ахид̇ам̣ д̇ам̣ гад̇ам̣ убаад̣̇ааяа гад̇ан̃н̃уу зва наама ход̇и, на буб̣б̣агаарийд̇и ааха ‘‘гариссад̇и мз’’д̇иаад̣̇и. д̇амож̇од̇ибарааяан̣о бун̃н̃апалам̣ анубаж̇ийванд̇о зва бун̃н̃аани гарод̇ийд̇и ‘‘буб̣б̣агаарий’’д̇и вуд̇д̇о. ‘‘ин̣ам̣ д̣̇змий’’д̇и сан̃н̃ам̣ гарод̇ийд̇и звам̣сан̃н̃ам̣ агаронд̇оби гаронд̇о вияа ход̇ийд̇и ад̇т̇о.
83. Kāraṇena vinā pavattahitacitto akāraṇavacchalo. Anāgatampi payojanaṃ apekkhamāno purimaggahitaṃ taṃ kataṃ upādāya kataññū eva nāma hoti, na pubbakārīti āha ‘‘karissati me’’tiādi. Tamojotiparāyaṇo puññaphalaṃ anupajīvanto eva puññāni karotīti ‘‘pubbakārī’’ti vutto. ‘‘Iṇaṃ demī’’ti saññaṃ karotīti evaṃsaññaṃ akarontopi karonto viya hotīti attho.
86. ажчамам̣сам̣ лабхид̇ваа суугарамам̣санд̇и на гуггужжааяад̇ийд̇и ажчамам̣санд̇и ж̇аананд̇оби суугарамам̣санд̇и на гуггужжааяад̇и, мад̣̇д̣̇ид̇ваа вийд̇иггамад̇ийд̇и вуд̇д̇ам̣ ход̇и.
86. Acchamaṃsaṃlabhitvā sūkaramaṃsanti na kukkuccāyatīti acchamaṃsanti jānantopi sūkaramaṃsanti na kukkuccāyati, madditvā vītikkamatīti vuttaṃ hoti.
90. д̇ид̇д̇од̇и нидтид̇агижжад̇ааяа нируссугго.
90. Tittoti niṭṭhitakiccatāya nirussukko.
д̣̇уганид̣̇д̣̇зсаван̣н̣анаа нидтид̇аа.
Dukaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / буг̇г̇алабан̃н̃ад̇д̇ибаал̣и • Puggalapaññattipāḷi / 2. д̣̇угабуг̇г̇алабан̃н̃ад̇д̇и • 2. Dukapuggalapaññatti
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. д̣̇уганид̣̇д̣̇зсаван̣н̣анаа • 2. Dukaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. д̣̇уганид̣̇д̣̇зсаван̣н̣анаа • 2. Dukaniddesavaṇṇanā
