| Library / Tipiṭaka / តិបិដក • Tipiṭaka / បញ្ចបករណ-មូលដីកា • Pañcapakaraṇa-mūlaṭīkā |
២. ទុកនិទ្ទេសវណ្ណនា
2. Dukaniddesavaṇṇanā
៦៣. កស្សចិ កិលេសស្ស អវិក្ខម្ភិតត្តា កស្សចិ កថញ្ចិ អវិមុត្តោ កាមភវោ អជ្ឈត្តគ្គហណស្ស វិសេសបច្ចយោតិ អជ្ឈត្តំ នាម។ តត្ថ ពន្ធនំ អជ្ឈត្តសំយោជនំ, តេន សម្បយុត្តោ អជ្ឈត្តសំយោជនោ។
63. Kassaci kilesassa avikkhambhitattā kassaci kathañci avimutto kāmabhavo ajjhattaggahaṇassa visesapaccayoti ajjhattaṃ nāma. Tattha bandhanaṃ ajjhattasaṃyojanaṃ, tena sampayutto ajjhattasaṃyojano.
៨៣. ការណេន វិនា បវត្តហិតចិត្តោ អការណវច្ឆលោ។ អនាគតម្បិ បយោជនំ អបេក្ខមានោ បុរិមគ្គហិតំ តំ កតំ ឧបាទាយ កតញ្ញូ ឯវ នាម ហោតិ, ន បុព្ពការីតិ អាហ ‘‘ករិស្សតិ មេ’’តិអាទិ។ តមោជោតិបរាយណោ បុញ្ញផលំ អនុបជីវន្តោ ឯវ បុញ្ញានិ ករោតីតិ ‘‘បុព្ពការី’’តិ វុត្តោ។ ‘‘ឥណំ ទេមី’’តិ សញ្ញំ ករោតីតិ ឯវំសញ្ញំ អករោន្តោបិ ករោន្តោ វិយ ហោតីតិ អត្ថោ។
83. Kāraṇena vinā pavattahitacitto akāraṇavacchalo. Anāgatampi payojanaṃ apekkhamāno purimaggahitaṃ taṃ kataṃ upādāya kataññū eva nāma hoti, na pubbakārīti āha ‘‘karissati me’’tiādi. Tamojotiparāyaṇo puññaphalaṃ anupajīvanto eva puññāni karotīti ‘‘pubbakārī’’ti vutto. ‘‘Iṇaṃ demī’’ti saññaṃ karotīti evaṃsaññaṃ akarontopi karonto viya hotīti attho.
៨៦. អច្ឆមំសំ លភិត្វា សូករមំសន្តិ ន កុក្កុច្ចាយតីតិ អច្ឆមំសន្តិ ជានន្តោបិ សូករមំសន្តិ ន កុក្កុច្ចាយតិ, មទ្ទិត្វា វីតិក្កមតីតិ វុត្តំ ហោតិ។
86. Acchamaṃsaṃlabhitvā sūkaramaṃsanti na kukkuccāyatīti acchamaṃsanti jānantopi sūkaramaṃsanti na kukkuccāyati, madditvā vītikkamatīti vuttaṃ hoti.
៩០. តិត្តោតិ និដ្ឋិតកិច្ចតាយ និរុស្សុក្កោ។
90. Tittoti niṭṭhitakiccatāya nirussukko.
ទុកនិទ្ទេសវណ្ណនា និដ្ឋិតា។
Dukaniddesavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / បុគ្គលបញ្ញត្តិបាឡិ • Puggalapaññattipāḷi / ២. ទុកបុគ្គលបញ្ញត្តិ • 2. Dukapuggalapaññatti
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ២. ទុកនិទ្ទេសវណ្ណនា • 2. Dukaniddesavaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ២. ទុកនិទ្ទេសវណ្ណនា • 2. Dukaniddesavaṇṇanā
