| Library / Tipiṭaka / තිපිටක • Tipiṭaka / පඤ්‌චපකරණ-මූලටීකා • Pañcapakaraṇa-mūlaṭīkā |
2. දුකනිද්‌දෙසවණ්‌ණනා
2. Dukaniddesavaṇṇanā
63. කස්‌සචි කිලෙසස්‌ස අවික්‌ඛම්‌භිතත්‌තා කස්‌සචි කථඤ්‌චි අවිමුත්‌තො කාමභවො අජ්‌ඣත්‌තග්‌ගහණස්‌ස විසෙසපච්‌චයොති අජ්‌ඣත්‌තං නාම. තත්‌ථ බන්‌ධනං අජ්‌ඣත්‌තසංයොජනං, තෙන සම්‌පයුත්‌තො අජ්‌ඣත්‌තසංයොජනො.
63. Kassaci kilesassa avikkhambhitattā kassaci kathañci avimutto kāmabhavo ajjhattaggahaṇassa visesapaccayoti ajjhattaṃ nāma. Tattha bandhanaṃ ajjhattasaṃyojanaṃ, tena sampayutto ajjhattasaṃyojano.
83. කාරණෙන විනා පවත්‌තහිතචිත්‌තො අකාරණවච්‌ඡලො. අනාගතම්‌පි පයොජනං අපෙක්‌ඛමානො පුරිමග්‌ගහිතං තං කතං උපාදාය කතඤ්‌ඤූ එව නාම හොති, න පුබ්‌බකාරීති ආහ ‘‘කරිස්‌සති මෙ’’තිආදි. තමොජොතිපරායණො පුඤ්‌ඤඵලං අනුපජීවන්‌තො එව පුඤ්‌ඤානි කරොතීති ‘‘පුබ්‌බකාරී’’ති වුත්‌තො. ‘‘ඉණං දෙමී’’ති සඤ්‌ඤං කරොතීති එවංසඤ්‌ඤං අකරොන්‌තොපි කරොන්‌තො විය හොතීති අත්‌ථො.
83. Kāraṇena vinā pavattahitacitto akāraṇavacchalo. Anāgatampi payojanaṃ apekkhamāno purimaggahitaṃ taṃ kataṃ upādāya kataññū eva nāma hoti, na pubbakārīti āha ‘‘karissati me’’tiādi. Tamojotiparāyaṇo puññaphalaṃ anupajīvanto eva puññāni karotīti ‘‘pubbakārī’’ti vutto. ‘‘Iṇaṃ demī’’ti saññaṃ karotīti evaṃsaññaṃ akarontopi karonto viya hotīti attho.
86. අච්‌ඡමංසං ලභිත්‌වා සූකරමංසන්‌ති න කුක්‌කුච්‌චායතීති අච්‌ඡමංසන්‌ති ජානන්‌තොපි සූකරමංසන්‌ති න කුක්‌කුච්‌චායති, මද්‌දිත්‌වා වීතික්‌කමතීති වුත්‌තං හොති.
86. Acchamaṃsaṃlabhitvā sūkaramaṃsanti na kukkuccāyatīti acchamaṃsanti jānantopi sūkaramaṃsanti na kukkuccāyati, madditvā vītikkamatīti vuttaṃ hoti.
90. තිත්‌තොති නිට්‌ඨිතකිච්‌චතාය නිරුස්‌සුක්‌කො.
90. Tittoti niṭṭhitakiccatāya nirussukko.
දුකනිද්‌දෙසවණ්‌ණනා නිට්‌ඨිතා.
Dukaniddesavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / පුග්‌ගලපඤ්‌ඤත්‌තිපාළි • Puggalapaññattipāḷi / 2. දුකපුග්‌ගලපඤ්‌ඤත්‌ති • 2. Dukapuggalapaññatti
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 2. දුකනිද්‌දෙසවණ්‌ණනා • 2. Dukaniddesavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 2. දුකනිද්‌දෙසවණ්‌ණනා • 2. Dukaniddesavaṇṇanā
