| Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൨. ദുകനിദ്ദേസവണ്ണനാ
2. Dukaniddesavaṇṇanā
൬൩. കസ്സചി കിലേസസ്സ അവിക്ഖമ്ഭിതത്താ കസ്സചി കഥഞ്ചി അവിമുത്തോ കാമഭവോ അജ്ഝത്തഗ്ഗഹണസ്സ വിസേസപച്ചയോതി അജ്ഝത്തം നാമ. തത്ഥ ബന്ധനം അജ്ഝത്തസംയോജനം, തേന സമ്പയുത്തോ അജ്ഝത്തസംയോജനോ.
63. Kassaci kilesassa avikkhambhitattā kassaci kathañci avimutto kāmabhavo ajjhattaggahaṇassa visesapaccayoti ajjhattaṃ nāma. Tattha bandhanaṃ ajjhattasaṃyojanaṃ, tena sampayutto ajjhattasaṃyojano.
൮൩. കാരണേന വിനാ പവത്തഹിതചിത്തോ അകാരണവച്ഛലോ. അനാഗതമ്പി പയോജനം അപേക്ഖമാനോ പുരിമഗ്ഗഹിതം തം കതം ഉപാദായ കതഞ്ഞൂ ഏവ നാമ ഹോതി, ന പുബ്ബകാരീതി ആഹ ‘‘കരിസ്സതി മേ’’തിആദി. തമോജോതിപരായണോ പുഞ്ഞഫലം അനുപജീവന്തോ ഏവ പുഞ്ഞാനി കരോതീതി ‘‘പുബ്ബകാരീ’’തി വുത്തോ. ‘‘ഇണം ദേമീ’’തി സഞ്ഞം കരോതീതി ഏവംസഞ്ഞം അകരോന്തോപി കരോന്തോ വിയ ഹോതീതി അത്ഥോ.
83. Kāraṇena vinā pavattahitacitto akāraṇavacchalo. Anāgatampi payojanaṃ apekkhamāno purimaggahitaṃ taṃ kataṃ upādāya kataññū eva nāma hoti, na pubbakārīti āha ‘‘karissati me’’tiādi. Tamojotiparāyaṇo puññaphalaṃ anupajīvanto eva puññāni karotīti ‘‘pubbakārī’’ti vutto. ‘‘Iṇaṃ demī’’ti saññaṃ karotīti evaṃsaññaṃ akarontopi karonto viya hotīti attho.
൮൬. അച്ഛമംസം ലഭിത്വാ സൂകരമംസന്തി ന കുക്കുച്ചായതീതി അച്ഛമംസന്തി ജാനന്തോപി സൂകരമംസന്തി ന കുക്കുച്ചായതി, മദ്ദിത്വാ വീതിക്കമതീതി വുത്തം ഹോതി.
86. Acchamaṃsaṃlabhitvā sūkaramaṃsanti na kukkuccāyatīti acchamaṃsanti jānantopi sūkaramaṃsanti na kukkuccāyati, madditvā vītikkamatīti vuttaṃ hoti.
൯൦. തിത്തോതി നിട്ഠിതകിച്ചതായ നിരുസ്സുക്കോ.
90. Tittoti niṭṭhitakiccatāya nirussukko.
ദുകനിദ്ദേസവണ്ണനാ നിട്ഠിതാ.
Dukaniddesavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / പുഗ്ഗലപഞ്ഞത്തിപാളി • Puggalapaññattipāḷi / ൨. ദുകപുഗ്ഗലപഞ്ഞത്തി • 2. Dukapuggalapaññatti
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൨. ദുകനിദ്ദേസവണ്ണനാ • 2. Dukaniddesavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൨. ദുകനിദ്ദേസവണ്ണനാ • 2. Dukaniddesavaṇṇanā
