Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā

    д̣̇уганигкзбагат̇аа

    Dukanikkhepakathā

    1062. д̣̇угзсу ад̣̇осанид̣̇д̣̇зсз мзд̇д̇ааяанавасзна мзд̇д̇и. мзд̇д̇аагааро мзд̇д̇ааяанаа. мзд̇д̇ааяа аяид̇асса мзд̇д̇аасаман̇г̇ино жид̇д̇асса бхааво мзд̇д̇ааяид̇ад̇д̇ам̣. ануд̣̇аяад̇ийд̇и ануд̣̇д̣̇аа, рагкад̇ийд̇и ад̇т̇о. ануд̣̇д̣̇аагааро ануд̣̇д̣̇ааяанаа. ануд̣̇д̣̇ааяид̇асса бхааво ануд̣̇д̣̇ааяид̇ад̇д̇ам̣. хид̇асса зсанавасзна хид̇зсид̇аа. анугамбанавасзна анугамбаа. саб̣б̣зхиби имзхи бад̣̇зхи убажаараббанааббад̇д̇аа мзд̇д̇аава вуд̇д̇аа. сзсабад̣̇зхи логияалогуд̇д̇аро ад̣̇осо гат̇ид̇о.

    1062. Dukesu adosaniddese mettāyanavasena metti. Mettākāro mettāyanā. Mettāya ayitassa mettāsamaṅgino cittassa bhāvo mettāyitattaṃ. Anudayatīti anuddā, rakkhatīti attho. Anuddākāro anuddāyanā. Anuddāyitassa bhāvo anuddāyitattaṃ. Hitassa esanavasena hitesitā. Anukampanavasena anukampā. Sabbehipi imehi padehi upacārappanāppattā mettāva vuttā. Sesapadehi lokiyalokuttaro adoso kathito.

    1063. амоханид̣̇д̣̇зсз д̣̇угкз н̃аан̣анд̇и д̣̇угкасажжз бан̃н̃аа. д̣̇угкасамуд̣̇аязд̇иаад̣̇ийсуби зсзва наяо. зд̇т̇а жа д̣̇угкз н̃аан̣ам̣ саванасаммасанабадивзд̇хабажжавзгкан̣аасу вад̇д̇ад̇и. д̇ат̇аа д̣̇угкасамуд̣̇аяз. нирод̇хз бана саванабадивзд̇хабажжавзгкан̣аасу зва. д̇ат̇аа бадибад̣̇ааяа. буб̣б̣анд̇зд̇и ад̇ийд̇агодтаасз. абаранд̇зд̇и анааг̇ад̇агодтаасз. буб̣б̣анд̇аабаранд̇зд̇и д̇ад̣̇убхаяз. ид̣̇аббажжаяад̇аабадижжасамуббаннзсу д̇хаммзсу н̃аан̣анд̇и аяам̣ бажжаяо, ид̣̇ам̣ бажжаяуббаннам̣, ид̣̇ам̣ бадижжа ид̣̇ам̣ ниб̣б̣ад̇д̇анд̇и, звам̣ бажжаязсу жа бажжаяуббаннад̇хаммзсу жа н̃аан̣ам̣.

    1063. Amohaniddese dukkhe ñāṇanti dukkhasacce paññā. Dukkhasamudayetiādīsupi eseva nayo. Ettha ca dukkhe ñāṇaṃ savanasammasanapaṭivedhapaccavekkhaṇāsu vattati. Tathā dukkhasamudaye. Nirodhe pana savanapaṭivedhapaccavekkhaṇāsu eva. Tathā paṭipadāya. Pubbanteti atītakoṭṭhāse. Aparanteti anāgatakoṭṭhāse. Pubbantāparanteti tadubhaye. Idappaccayatāpaṭiccasamuppannesu dhammesu ñāṇanti ayaṃ paccayo, idaṃ paccayuppannaṃ, idaṃ paṭicca idaṃ nibbattanti, evaṃ paccayesu ca paccayuppannadhammesu ca ñāṇaṃ.

    1065. лобханид̣̇д̣̇зсзби хздтаа анааг̇ад̇аанам̣ бад̣̇аанам̣ аяамад̇т̇о – ран̃ж̇анавасзна рааг̇о. б̣алаваран̃ж̇анадтзна саарааг̇о. висаязсу сад̇д̇аанам̣ анунаяанад̇о анунаяо. ануруж̇жхад̇ийд̇и анурод̇хо, гаамзд̇ийд̇и ад̇т̇о. яад̇т̇а гад̇т̇ажи бхавз сад̇д̇аа зд̇ааяа нанд̣̇анд̇и, саяам̣ ваа нанд̣̇ад̇ийд̇и нанд̣̇ий. нанд̣̇ий жа саа ран̃ж̇анадтзна рааг̇о жаад̇и нанд̣̇ийрааг̇о. д̇ад̇т̇а згасмим̣ аарамман̣з сагим̣ уббаннаа д̇ан̣хаа ‘нанд̣̇ий’. бунаббунам̣ уббаж̇ж̇амаанаа ‘нанд̣̇ийрааг̇о’д̇и вужжад̇и. жид̇д̇асса саарааг̇од̇и яо хздтаа б̣алаваран̃ж̇анадтзна саарааг̇од̇и вуд̇д̇о, со на сад̇д̇асса, жид̇д̇ассзва саарааг̇од̇и ад̇т̇о.

    1065. Lobhaniddesepi heṭṭhā anāgatānaṃ padānaṃ ayamattho – rañjanavasena rāgo. Balavarañjanaṭṭhena sārāgo. Visayesu sattānaṃ anunayanato anunayo. Anurujjhatīti anurodho, kāmetīti attho. Yattha katthaci bhave sattā etāya nandanti, sayaṃ vā nandatīti nandī. Nandī ca sā rañjanaṭṭhena rāgo cāti nandīrāgo. Tattha ekasmiṃ ārammaṇe sakiṃ uppannā taṇhā ‘nandī’. Punappunaṃ uppajjamānā ‘nandīrāgo’ti vuccati. Cittassa sārāgoti yo heṭṭhā balavarañjanaṭṭhena sārāgoti vutto, so na sattassa, cittasseva sārāgoti attho.

    ижчанд̇и зд̇ааяа аарамман̣аанийд̇и ижчаа. б̣ахалагилзсабхаавзна мужчанд̇и зд̇ааяа баан̣инод̇и мужчаа. г̇илид̇ваа баринидтабзд̇ваа г̇ахан̣авасзна аж̇жхосаанам̣. иминаа сад̇д̇аа г̇иж̇жханд̇и, г̇зд̇хам̣ аабаж̇ж̇анд̇ийд̇и г̇зд̇хо; б̣ахаладтзна ваа г̇зд̇хо. ‘‘г̇зд̇хам̣ ваа баванасан̣д̣а’’нд̇и хи б̣ахаладтзнзва вуд̇д̇ам̣. ананд̇арабад̣̇ам̣ убасаг̇г̇авасзна вад̣дхид̇ам̣. саб̣б̣ад̇обхааг̇зна ваа г̇зд̇ход̇и балиг̇зд̇хо. сан̃ж̇анд̇и зд̇знаад̇и сан̇г̇о; лаг̇г̇анадтзна ваа сан̇г̇о. осийд̣̇анадтзна бан̇го. аагад̣дханавасзна зж̇аа. ‘‘зж̇аа имам̣ бурисам̣ баригад̣дхад̇и д̇асса д̇ассзва бхавасса абхиниб̣б̣ад̇д̇ияаа’’д̇и хи вуд̇д̇ам̣. ван̃жанадтзна мааяаа. ваддасмим̣ сад̇д̇аанам̣ ж̇ананадтзна ж̇анигаа. ‘‘д̇ан̣хаа ж̇анзд̇и бурисам̣ жид̇д̇амасса вид̇хаавад̇ий’’д̇и (сам̣. ни. 1.55-57) хи вуд̇д̇ам̣. ваддасмим̣ сад̇д̇з д̣̇угкзна сам̣яож̇аяамаанаа ж̇анзд̇ийд̇и сан̃ж̇ананий. гхаданадтзна сиб̣б̣иний. аяан̃хи ваддасмим̣ сад̇д̇з жуд̇ибадисанд̇хивасзна сиб̣б̣ад̇и гхадзд̇и, д̇уннагааро вияа билод̇игааяа билод̇игам̣; д̇асмаа гхаданадтзна сиб̣б̣инийд̇и вуд̇д̇аа. анзгаббагаарам̣ висаяаж̇аалам̣ д̇ан̣хаавибпанд̣̇ид̇анивзсасан̇каад̇ам̣ ваа ж̇ааламассаа ад̇т̇ийд̇и ж̇аалиний.

    Icchanti etāya ārammaṇānīti icchā. Bahalakilesabhāvena mucchanti etāya pāṇinoti mucchā. Gilitvā pariniṭṭhapetvā gahaṇavasena ajjhosānaṃ. Iminā sattā gijjhanti, gedhaṃ āpajjantīti gedho; bahalaṭṭhena vā gedho. ‘‘Gedhaṃ vā pavanasaṇḍa’’nti hi bahalaṭṭheneva vuttaṃ. Anantarapadaṃ upasaggavasena vaḍḍhitaṃ. Sabbatobhāgena vā gedhoti paligedho. Sañjanti etenāti saṅgo; lagganaṭṭhena vā saṅgo. Osīdanaṭṭhena paṅko. Ākaḍḍhanavasena ejā. ‘‘Ejā imaṃ purisaṃ parikaḍḍhati tassa tasseva bhavassa abhinibbattiyā’’ti hi vuttaṃ. Vañcanaṭṭhena māyā. Vaṭṭasmiṃ sattānaṃ jananaṭṭhena janikā. ‘‘Taṇhā janeti purisaṃ cittamassa vidhāvatī’’ti (saṃ. ni. 1.55-57) hi vuttaṃ. Vaṭṭasmiṃ satte dukkhena saṃyojayamānā janetīti sañjananī. Ghaṭanaṭṭhena sibbinī. Ayañhi vaṭṭasmiṃ satte cutipaṭisandhivasena sibbati ghaṭeti, tunnakāro viya pilotikāya pilotikaṃ; tasmā ghaṭanaṭṭhena sibbinīti vuttā. Anekappakāraṃ visayajālaṃ taṇhāvipphanditanivesasaṅkhātaṃ vā jālamassā atthīti jālinī.

    аагад̣дханадтзна сийгхасод̇аа сарид̇аа вияаад̇и сарид̇аа. алладтзна ваа сарид̇аа. вуд̇д̇ан̃хзд̇ам̣ – ‘‘сарид̇аани синзхид̇аани жа соманассаани бхаванд̇и ж̇анд̇уно’’д̇и (д̇ха. ба. 341). аллаани жзва синид̣̇д̇хаани жаад̇и аяан̃хзд̇т̇а ад̇т̇о. висад̇аад̇и висад̇д̇игаа. висадаад̇и висад̇д̇игаа. висаалаад̇и висад̇д̇игаа. висаггад̇ийд̇и висад̇д̇игаа. висам̣ваад̣̇игаад̇и висад̇д̇игаа. висам̣харад̇ийд̇и висад̇д̇игаа. висамуулаад̇и висад̇д̇игаа. висапалаад̇и висад̇д̇игаа. висабарибхог̇аад̇и висад̇д̇игаа. висад̇аа ваа бана саа д̇ан̣хаа руубз сад̣̇д̣̇з г̇анд̇хз расз подтаб̣б̣з д̇хаммз гулз г̇ан̣з вид̇т̇ад̇аад̇и висад̇д̇игаа (махаани. 3). анаяаб̣яасанабаабанадтзна гуммаануб̣анд̇хасуд̇д̇агам̣ вияаад̇и суд̇д̇ам̣. вуд̇д̇ан̃хзд̇ам̣ – ‘‘суд̇д̇аганд̇и ко, бхигкавз, нанд̣̇ийрааг̇ассзд̇ам̣ ад̇хиважана’’нд̇и (сам̣. ни. 2.159). руубаад̣̇ийсу вид̇т̇ад̇адтзна висадаа. д̇асса д̇асса бадилаабхад̇т̇ааяа сад̇д̇з ааяуухаабзд̇ийд̇и ааяуухиний. угган̣тид̇ум̣ аббад̣̇аанад̇о сахааяадтзна д̣̇уд̇ияаа. аяан̃хи сад̇д̇аанам̣ ваддасмим̣ угган̣тид̇ум̣ на д̣̇зд̇и, г̇ад̇аг̇ад̇адтаанз бияасахааяо вияа абхирамаабзд̇и. д̇зна вуд̇д̇ам̣ –

    Ākaḍḍhanaṭṭhena sīghasotā saritā viyāti saritā. Allaṭṭhena vā saritā. Vuttañhetaṃ – ‘‘saritāni sinehitāni ca somanassāni bhavanti jantuno’’ti (dha. pa. 341). Allāni ceva siniddhāni cāti ayañhettha attho. Visatāti visattikā. Visaṭāti visattikā. Visālāti visattikā. Visakkatīti visattikā. Visaṃvādikāti visattikā. Visaṃharatīti visattikā. Visamūlāti visattikā. Visaphalāti visattikā. Visaparibhogāti visattikā. Visatā vā pana sā taṇhā rūpe sadde gandhe rase phoṭṭhabbe dhamme kule gaṇe vitthatāti visattikā (mahāni. 3). Anayabyasanapāpanaṭṭhena kummānubandhasuttakaṃ viyāti suttaṃ. Vuttañhetaṃ – ‘‘suttakanti kho, bhikkhave, nandīrāgassetaṃ adhivacana’’nti (saṃ. ni. 2.159). Rūpādīsu vitthataṭṭhena visaṭā. Tassa tassa paṭilābhatthāya satte āyūhāpetīti āyūhinī. Ukkaṇṭhituṃ appadānato sahāyaṭṭhena dutiyā. Ayañhi sattānaṃ vaṭṭasmiṃ ukkaṇṭhituṃ na deti, gatagataṭṭhāne piyasahāyo viya abhiramāpeti. Tena vuttaṃ –

    ‘‘д̇ан̣хаад̣̇уд̇ияо бурисо, д̣̇ийгхамад̣̇д̇хаана сам̣сарам̣;

    ‘‘Taṇhādutiyo puriso, dīghamaddhāna saṃsaraṃ;

    ид̇т̇абхааван̃н̃ат̇аабхаавам̣, сам̣саарам̣ наад̇ивад̇д̇ад̇ий’’д̇и. (а. ни. 4.9; ид̇иву. 15; махаани. 191; жуул̣ани. баарааяанаануг̇ийд̇иг̇аат̇аанид̣̇д̣̇зса 107);

    Itthabhāvaññathābhāvaṃ, saṃsāraṃ nātivattatī’’ti. (a. ni. 4.9; itivu. 15; mahāni. 191; cūḷani. pārāyanānugītigāthāniddesa 107);

    бан̣ид̇хаанагавасзна бан̣ид̇хи. бхаванзд̇д̇ийд̇и бхавараж̇ж̇у. зд̇ааяа хи сад̇д̇аа, раж̇ж̇уяаа г̇ийвааяа б̣ад̣̇д̇хаа г̇он̣аа вияа, ижчид̇ижчид̇адтаанам̣ нияяанд̇и. д̇ам̣ д̇ам̣ аарамман̣ам̣ ванад̇и бхаж̇ад̇и аллийяад̇ийд̇и ванам̣. ванад̇и яаажад̇ийд̇и ваа ванам̣. ванат̇од̇и б̣яан̃ж̇анзна бад̣̇ам̣ вад̣дхид̇ам̣. анад̇т̇ад̣̇угкаанам̣ ваа самудтаабанадтзна г̇аханадтзна жа ванам̣ вияаад̇и ‘ванам̣’; б̣алавад̇ан̣хааязд̇ам̣ наамам̣. г̇аханад̇арадтзна бана д̇ад̇о б̣алавад̇аро ‘ванат̇о’ наама. д̇зна вуд̇д̇ам̣ –

    Paṇidhānakavasena paṇidhi. Bhavanettīti bhavarajju. Etāya hi sattā, rajjuyā gīvāya baddhā goṇā viya, icchiticchitaṭṭhānaṃ niyyanti. Taṃ taṃ ārammaṇaṃ vanati bhajati allīyatīti vanaṃ. Vanati yācatīti vā vanaṃ. Vanathoti byañjanena padaṃ vaḍḍhitaṃ. Anatthadukkhānaṃ vā samuṭṭhāpanaṭṭhena gahanaṭṭhena ca vanaṃ viyāti ‘vanaṃ’; balavataṇhāyetaṃ nāmaṃ. Gahanataraṭṭhena pana tato balavataro ‘vanatho’ nāma. Tena vuttaṃ –

    ‘‘ванам̣ чинд̣̇ат̇а маа ругкам̣, ванад̇о ж̇ааяад̇з бхаяам̣;

    ‘‘Vanaṃ chindatha mā rukkhaṃ, vanato jāyate bhayaṃ;

    чзд̇ваа ванан̃жа ванат̇ан̃жа, ниб̣б̣анаа хот̇а бхигкаво’’д̇и. (д̇ха. ба. 283);

    Chetvā vanañca vanathañca, nibbanā hotha bhikkhavo’’ti. (dha. pa. 283);

    сант̇аванавасзна сант̇аво; сам̣саг̇г̇од̇и ад̇т̇о. со д̣̇увид̇хо – д̇ан̣хаасант̇аво мид̇д̇асант̇аво жа. д̇зсу ид̇ха д̇ан̣хаасант̇аво ад̇хиббзд̇о. синзхавасзна синзхо. аалаяагаран̣авасзна абзгкад̇ийд̇и абзгкаа. вуд̇д̇амби жзд̇ам̣ – ‘‘имаани д̇з д̣̇зва жад̇ураасийд̇инаг̇арасахассаани гусаавад̇ийрааж̇ад̇хаанийбамукаани. зд̇т̇а д̣̇зва чанд̣̇ам̣ ж̇анзхи, ж̇ийвид̇з абзгкам̣ гарохий’’д̇и (д̣̇ий. ни. 2.266). аалаяам̣ гарохийд̇и аяан̃хзд̇т̇а ад̇т̇о. баадиязггз баадиязггз аарамман̣з б̣анд̇хад̇ийд̇и бадиб̣анд̇ху. н̃аад̇агадтзна ваа баадиязгго б̣анд̇хууд̇иби бадиб̣анд̇ху. нижжасанниссид̇адтзна хи сад̇д̇аанам̣ д̇ан̣хаасамо б̣анд̇ху наама над̇т̇и.

    Santhavanavasena santhavo; saṃsaggoti attho. So duvidho – taṇhāsanthavo mittasanthavo ca. Tesu idha taṇhāsanthavo adhippeto. Sinehavasena sineho. Ālayakaraṇavasena apekkhatīti apekkhā. Vuttampi cetaṃ – ‘‘imāni te deva caturāsītinagarasahassāni kusāvatīrājadhānīpamukhāni. Ettha deva chandaṃ janehi, jīvite apekkhaṃ karohī’’ti (dī. ni. 2.266). Ālayaṃ karohīti ayañhettha attho. Pāṭiyekke pāṭiyekke ārammaṇe bandhatīti paṭibandhu. Ñātakaṭṭhena vā pāṭiyekko bandhūtipi paṭibandhu. Niccasannissitaṭṭhena hi sattānaṃ taṇhāsamo bandhu nāma natthi.

    аарамман̣аанам̣ асанад̇о аасаа. аж̇жход̇т̇аран̣ад̇о жзва д̇ид̇д̇им̣ анубаг̇анд̇ваава барибхун̃ж̇анад̇о жаад̇и ад̇т̇о. аасисанавасзна аасисанаа. аасисид̇асса бхааво аасисид̇ад̇д̇ам̣. ид̣̇аани д̇ассаа бавад̇д̇идтаанам̣ д̣̇ассзд̇ум̣ руубаасаад̇иаад̣̇и вуд̇д̇ам̣. д̇ад̇т̇а аасисанавасзна аасаад̇и аасааяа ад̇т̇ам̣ г̇ахзд̇ваа руубз аасаа руубаасаад̇и звам̣ наваби бад̣̇аани взд̣̇ид̇аб̣б̣аани. зд̇т̇а жа буримаани бан̃жа бан̃жагаамаг̇ун̣авасзна вуд̇д̇аани. баригкааралобхавасзна чадтам̣. д̇ам̣ висзсад̇о баб̣б̣аж̇ид̇аанам̣. д̇ад̇о бараани д̇ийн̣и ад̇ид̇д̇ияавад̇т̇увасзна г̇ахадтаанам̣. на хи д̇зсам̣ д̇ханабуд̇д̇аж̇ийвид̇зхи ан̃н̃ам̣ бияад̇арам̣ ад̇т̇и. ‘зд̇ам̣ маяхам̣ зд̇ам̣ маяха’нд̇и ваа ‘асугзна мз ид̣̇ам̣ д̣̇иннам̣ ид̣̇ам̣ д̣̇инна’нд̇и ваа звам̣ сад̇д̇з ж̇аббаабзд̇ийд̇и ж̇аббаа. барад̇о д̣̇вз бад̣̇аани убасаг̇г̇зна вад̣дхид̇аани. д̇ад̇о барам̣ ан̃н̃знаагаарзна вибхаж̇ид̇ум̣ аарад̣̇д̇хад̇д̇аа буна ж̇аббаад̇и вуд̇д̇ам̣. ж̇аббанаагааро ж̇аббанаа. ж̇аббид̇асса бхааво ж̇аббид̇ад̇д̇ам̣. бунаббунам̣ висаяз лумбад̇и аагад̣дхад̇ийд̇и лолубо. лолубасса бхааво лолуббам̣. лолуббаагааро лолуббааяанаа. лолуббасаман̇г̇ино бхааво лолуббааяид̇ад̇д̇ам̣.

    Ārammaṇānaṃ asanato āsā. Ajjhottharaṇato ceva tittiṃ anupagantvāva paribhuñjanato cāti attho. Āsisanavasena āsisanā. Āsisitassa bhāvo āsisitattaṃ. Idāni tassā pavattiṭṭhānaṃ dassetuṃ rūpāsātiādi vuttaṃ. Tattha āsisanavasena āsāti āsāya atthaṃ gahetvā rūpe āsā rūpāsāti evaṃ navapi padāni veditabbāni. Ettha ca purimāni pañca pañcakāmaguṇavasena vuttāni. Parikkhāralobhavasena chaṭṭhaṃ. Taṃ visesato pabbajitānaṃ. Tato parāni tīṇi atittiyavatthuvasena gahaṭṭhānaṃ. Na hi tesaṃ dhanaputtajīvitehi aññaṃ piyataraṃ atthi. ‘Etaṃ mayhaṃ etaṃ mayha’nti vā ‘asukena me idaṃ dinnaṃ idaṃ dinna’nti vā evaṃ satte jappāpetīti jappā. Parato dve padāni upasaggena vaḍḍhitāni. Tato paraṃ aññenākārena vibhajituṃ āraddhattā puna jappāti vuttaṃ. Jappanākāro jappanā. Jappitassa bhāvo jappitattaṃ. Punappunaṃ visaye lumpati ākaḍḍhatīti lolupo. Lolupassa bhāvo loluppaṃ. Loluppākāro loluppāyanā. Loluppasamaṅgino bhāvo loluppāyitattaṃ.

    бужчан̃ж̇игад̇аад̇и яааяа д̇ан̣хааяа лаабхадтаанзсу, бужчам̣ жаалаяамаанаа сунакаа вияа, гамбамаанаа вижаранд̇и, д̇ам̣ д̇ассаа гамбанад̇ан̣хааяа наамам̣. саад̇ху манаабаманаабз висаяз гаамзд̇ийд̇и саад̇хугаамо. д̇асса бхааво саад̇хугамяад̇аа. маад̇аа маад̇ужчаад̇иаад̣̇игз аяуд̇д̇адтаанз рааг̇од̇и ад̇хаммарааг̇о. яуд̇д̇адтаанзби б̣алаваа худ̇ваа уббанналобхо висамалобхо. ‘‘рааг̇о висама’’нд̇иаад̣̇иважанад̇о (вибха. 924) ваа яуд̇д̇адтаанз ваа аяуд̇д̇адтаанз ваа уббанно чанд̣̇арааг̇о ад̇хаммадтзна ‘ад̇хаммарааг̇о’, висамадтзна ‘висамалобхо’д̇и взд̣̇ид̇аб̣б̣о.

    Pucchañjikatāti yāya taṇhāya lābhaṭṭhānesu, pucchaṃ cālayamānā sunakhā viya, kampamānā vicaranti, taṃ tassā kampanataṇhāya nāmaṃ. Sādhu manāpamanāpe visaye kāmetīti sādhukāmo. Tassa bhāvo sādhukamyatā. Mātā mātucchātiādike ayuttaṭṭhāne rāgoti adhammarāgo. Yuttaṭṭhānepi balavā hutvā uppannalobho visamalobho. ‘‘Rāgo visama’’ntiādivacanato (vibha. 924) vā yuttaṭṭhāne vā ayuttaṭṭhāne vā uppanno chandarāgo adhammaṭṭhena ‘adhammarāgo’, visamaṭṭhena ‘visamalobho’ti veditabbo.

    аарамман̣аанам̣ нигааманавасзна ниганд̇и. нигааманаагааро нигааманаа. бад̇т̇анаавасзна бад̇т̇анаа. бихааяанавасзна биханаа. судту бад̇т̇анаа самбад̇т̇анаа. бан̃жасу гаамаг̇ун̣зсу д̇ан̣хаа гаамад̇ан̣хаа. руубааруубабхавз д̇ан̣хаа бхавад̇ан̣хаа. ужчзд̣̇асан̇каад̇з вибхавз д̇ан̣хаа вибхавад̇ан̣хаа. суд̣̇д̇хз руубабхавасмим̣язва д̇ан̣хаа руубад̇ан̣хаа. аруубабхавз д̇ан̣хаа аруубад̇ан̣хаа. ужчзд̣̇ад̣̇идтисахаг̇ад̇о рааг̇о д̣̇идтирааг̇о. нирод̇хз д̇ан̣хаа нирод̇хад̇ан̣хаа. руубз д̇ан̣хаа руубад̇ан̣хаа. сад̣̇д̣̇з д̇ан̣хаа сад̣̇д̣̇ад̇ан̣хаа. г̇анд̇хад̇ан̣хаад̣̇ийсуби зсзва наяо. огхаад̣̇аяо вуд̇д̇ад̇т̇аава.

    Ārammaṇānaṃ nikāmanavasena nikanti. Nikāmanākāro nikāmanā. Patthanāvasena patthanā. Pihāyanavasena pihanā. Suṭṭhu patthanā sampatthanā. Pañcasu kāmaguṇesu taṇhā kāmataṇhā. Rūpārūpabhave taṇhā bhavataṇhā. Ucchedasaṅkhāte vibhave taṇhā vibhavataṇhā. Suddhe rūpabhavasmiṃyeva taṇhā rūpataṇhā. Arūpabhave taṇhā arūpataṇhā. Ucchedadiṭṭhisahagato rāgo diṭṭhirāgo. Nirodhe taṇhā nirodhataṇhā. Rūpe taṇhā rūpataṇhā. Sadde taṇhā saddataṇhā. Gandhataṇhādīsupi eseva nayo. Oghādayo vuttatthāva.

    гусалад̇хаммз ааварад̇ийд̇и ааваран̣ам̣. чаад̣̇анавасзна чаад̣̇анам̣. сад̇д̇з ваддасмим̣ б̣анд̇хад̇ийд̇и б̣анд̇ханам̣. жид̇д̇ам̣ убаг̇анд̇ваа гилиссад̇и сам̣гилидтам̣ гарод̇ийд̇и убаггилзсо. т̇аамаг̇ад̇адтзна анусзд̇ийд̇и анусаяо. уббаж̇ж̇амаанаа жид̇д̇ам̣ барияудтаад̇ийд̇и барияудтаанам̣; уббаж̇ж̇ид̇ум̣ аббад̣̇аанзна гусалажаарам̣ г̇ан̣хаад̇ийд̇и ад̇т̇о. ‘‘жораа маг̇г̇з барияудтим̣су д̇худ̇д̇аа маг̇г̇з барияудтим̣суу’’д̇иаад̣̇ийсу (жуул̣ава. 430) хи маг̇г̇ам̣ г̇ан̣хим̣сууд̇и ад̇т̇о. звамид̇хааби г̇ахан̣адтзна барияудтаанам̣ взд̣̇ид̇аб̣б̣ам̣. баливзтанадтзна лад̇аа вияаад̇и лад̇аа. ‘‘лад̇аа уб̣бхиж̇ж̇а д̇идтад̇ий’’д̇и (д̇ха. ба. 340) ааг̇ад̇адтаанзби аяам̣ д̇ан̣хаа лад̇аад̇и вуд̇д̇аа. вивид̇хаани вад̇т̇ууни ижчад̇ийд̇и взвижчам̣. ваддад̣̇угкасса мууланд̇и д̣̇угкамуулам̣. д̇ассзва д̣̇угкасса нид̣̇аананд̇и д̣̇угканид̣̇аанам̣. д̇ам̣ д̣̇угкам̣ ид̇о бабхавад̇ийд̇и д̣̇угкаббабхаво. б̣анд̇ханадтзна баасо вияаад̇и баасо. маарасса баасо маарабаасо. д̣̇уруг̇г̇иланадтзна б̣ал̣исам̣ вияаад̇и б̣ал̣исам̣. маарасса б̣ал̣исам̣ маараб̣ал̣исам̣. д̇ан̣хаабхибхууд̇аа маарасса висаяам̣ наад̇иггаманд̇и, д̇зсам̣ убари мааро васам̣ вад̇д̇зд̇ийд̇и иминаа барияааязна маарасса висаяод̇и маарависаяо . санд̣̇анадтзна д̇ан̣хаава над̣̇ий д̇ан̣хаанад̣̇ий. аж̇жход̇т̇аран̣адтзна д̇ан̣хаава ж̇аалам̣ д̇ан̣хааж̇аалам̣. яат̇аа сунакаа г̇ад̣̇д̣̇улаб̣ад̣̇д̇хаа яад̣̇ижчагам̣ нийяанд̇и, звам̣ д̇ан̣хааб̣ад̣̇д̇хаа сад̇д̇аабийд̇и д̣̇ал̣хаб̣анд̇ханадтзна г̇ад̣̇д̣̇улам̣ вияаад̇и г̇ад̣̇д̣̇улам̣. д̇ан̣хаава г̇ад̣̇д̣̇улам̣ д̇ан̣хааг̇ад̣̇д̣̇улам̣. д̣̇уббууран̣адтзна д̇ан̣хаава самуд̣̇д̣̇о д̇ан̣хаасамуд̣̇д̣̇о.

    Kusaladhamme āvaratīti āvaraṇaṃ. Chādanavasena chādanaṃ. Satte vaṭṭasmiṃ bandhatīti bandhanaṃ. Cittaṃ upagantvā kilissati saṃkiliṭṭhaṃ karotīti upakkileso. Thāmagataṭṭhena anusetīti anusayo. Uppajjamānā cittaṃ pariyuṭṭhātīti pariyuṭṭhānaṃ; uppajjituṃ appadānena kusalacāraṃ gaṇhātīti attho. ‘‘Corā magge pariyuṭṭhiṃsu dhuttā magge pariyuṭṭhiṃsū’’tiādīsu (cūḷava. 430) hi maggaṃ gaṇhiṃsūti attho. Evamidhāpi gahaṇaṭṭhena pariyuṭṭhānaṃ veditabbaṃ. Paliveṭhanaṭṭhena latā viyāti latā. ‘‘Latā ubbhijja tiṭṭhatī’’ti (dha. pa. 340) āgataṭṭhānepi ayaṃ taṇhā latāti vuttā. Vividhāni vatthūni icchatīti vevicchaṃ. Vaṭṭadukkhassa mūlanti dukkhamūlaṃ. Tasseva dukkhassa nidānanti dukkhanidānaṃ. Taṃ dukkhaṃ ito pabhavatīti dukkhappabhavo. Bandhanaṭṭhena pāso viyāti pāso. Mārassa pāso mārapāso. Duruggilanaṭṭhena baḷisaṃ viyāti baḷisaṃ. Mārassa baḷisaṃ mārabaḷisaṃ. Taṇhābhibhūtā mārassa visayaṃ nātikkamanti, tesaṃ upari māro vasaṃ vattetīti iminā pariyāyena mārassa visayoti māravisayo. Sandanaṭṭhena taṇhāva nadī taṇhānadī. Ajjhottharaṇaṭṭhena taṇhāva jālaṃ taṇhājālaṃ. Yathā sunakhā gaddulabaddhā yadicchakaṃ nīyanti, evaṃ taṇhābaddhā sattāpīti daḷhabandhanaṭṭhena gaddulaṃ viyāti gaddulaṃ. Taṇhāva gaddulaṃ taṇhāgaddulaṃ. Duppūraṇaṭṭhena taṇhāva samuddo taṇhāsamuddo.

    1066. д̣̇осанид̣̇д̣̇зсз анад̇т̇ам̣ мз ажарийд̇и авуд̣дхим̣ мз агааси. иминаа убааязна саб̣б̣абад̣̇зсу ад̇т̇о взд̣̇ид̇аб̣б̣о. адтаанз ваа бана аагхаад̇од̇и агааран̣з гобо – згажжо хи ‘д̣̇зво ад̇ивассад̇ий’д̇и губбад̇и, ‘на вассад̇ий’д̇и губбад̇и, ‘суурияо д̇аббад̇ий’д̇и губбад̇и, ‘на д̇аббад̇ий’д̇и губбад̇и, ваад̇з вааяанд̇зби губбад̇и, авааяанд̇зби губбад̇и, саммаж̇ж̇ид̇ум̣ асаггонд̇о б̣од̇хибан̣н̣аанам̣ губбад̇и, жийварам̣ баарубид̇ум̣ асаггонд̇о ваад̇асса губбад̇и, убагкалид̇ваа каан̣угасса губбад̇и ид̣̇ам̣ санд̇хааяа вуд̇д̇ам̣ – адтаанз ваа бана аагхаад̇о ж̇ааяад̇ийд̇и. д̇ад̇т̇а хздтаа навасу таанзсу сад̇д̇з аараб̣бха уббаннад̇д̇аа гаммабат̇абхзд̣̇о ход̇и. адтаанаагхаад̇о бана сан̇каарзсу уббанно гаммабат̇абхзд̣̇ам̣ на гарод̇и. жид̇д̇ам̣ аагхаад̇знд̇о уббаннод̇и жид̇д̇асса аагхаад̇о. д̇ад̇о б̣алавад̇аро бадигхаад̇о. бадихан̃н̃анавасзна бадигхам̣. бадивируж̇жхад̇ийд̇и бадивирод̇хо. губбанавасзна гобо. багобо самбагобод̇и убасаг̇г̇зна бад̣̇ам̣ вад̣дхид̇ам̣. д̣̇уссанавасзна д̣̇осо. бад̣̇осо самбад̣̇осод̇и убасаг̇г̇зна бад̣̇ам̣ вад̣дхид̇ам̣. жид̇д̇асса б̣яаабад̇д̇ийд̇и жид̇д̇асса вибаннад̇аа, вибаривад̇д̇анаагааро. манам̣ бад̣̇уусаяамаано уббаж̇ж̇ад̇ийд̇и манобад̣̇осо. гуж̇жханавасзна год̇хо. гуж̇жханаагааро гуж̇жханаа. гуж̇жхид̇асса бхааво гуж̇жхид̇ад̇д̇ам̣.

    1066. Dosaniddese anatthaṃ me acarīti avuḍḍhiṃ me akāsi. Iminā upāyena sabbapadesu attho veditabbo. Aṭṭhāne vā pana āghātoti akāraṇe kopo – ekacco hi ‘devo ativassatī’ti kuppati, ‘na vassatī’ti kuppati, ‘sūriyo tappatī’ti kuppati, ‘na tappatī’ti kuppati, vāte vāyantepi kuppati, avāyantepi kuppati, sammajjituṃ asakkonto bodhipaṇṇānaṃ kuppati, cīvaraṃ pārupituṃ asakkonto vātassa kuppati, upakkhalitvā khāṇukassa kuppati idaṃ sandhāya vuttaṃ – aṭṭhāne vā pana āghāto jāyatīti. Tattha heṭṭhā navasu ṭhānesu satte ārabbha uppannattā kammapathabhedo hoti. Aṭṭhānāghāto pana saṅkhāresu uppanno kammapathabhedaṃ na karoti. Cittaṃ āghātento uppannoti cittassa āghāto. Tato balavataro paṭighāto. Paṭihaññanavasena paṭighaṃ. Paṭivirujjhatīti paṭivirodho. Kuppanavasena kopo. Pakopo sampakopoti upasaggena padaṃ vaḍḍhitaṃ. Dussanavasena doso. Padoso sampadosoti upasaggena padaṃ vaḍḍhitaṃ. Cittassa byāpattīti cittassa vipannatā, viparivattanākāro. Manaṃ padūsayamāno uppajjatīti manopadoso. Kujjhanavasena kodho. Kujjhanākāro kujjhanā. Kujjhitassa bhāvo kujjhitattaṃ.

    ид̣̇аани агусаланид̣̇д̣̇зсз вуд̇д̇анаяам̣ д̣̇ассзд̇ум̣ д̣̇осо д̣̇уссанаад̇иаад̣̇и вуд̇д̇ам̣. д̇асмаа ‘‘яо зваруубо жид̇д̇асса аагхаад̇о…бз… гуж̇жхид̇ад̇д̇а’’нд̇и жа ид̇ха вуд̇д̇о, ‘‘д̣̇осо д̣̇уссанаа’’д̇иаад̣̇инаа наязна хздтаа вуд̇д̇о, аяам̣ вужжад̇и д̣̇осод̇и. звамзд̇т̇а яож̇анаа гаад̇аб̣б̣аа. зван̃хи сад̇и бунаруд̇д̇ид̣̇осо бадисзд̇хид̇о ход̇и. моханид̣̇д̣̇зсо амоханид̣̇д̣̇зсз вуд̇д̇абадибагканаязна взд̣̇ид̇аб̣б̣о. саб̣б̣аагаарзна банзса вибхан̇г̇адтагат̇ааяам̣ аави бхависсад̇и.

    Idāni akusalaniddese vuttanayaṃ dassetuṃ doso dussanātiādi vuttaṃ. Tasmā ‘‘yo evarūpo cittassa āghāto…pe… kujjhitatta’’nti ca idha vutto, ‘‘doso dussanā’’tiādinā nayena heṭṭhā vutto, ayaṃ vuccati dosoti. Evamettha yojanā kātabbā. Evañhi sati punaruttidoso paṭisedhito hoti. Mohaniddeso amohaniddese vuttapaṭipakkhanayena veditabbo. Sabbākārena panesa vibhaṅgaṭṭhakathāyaṃ āvi bhavissati.

    1079. д̇зхи д̇хаммзхи яз д̇хаммаа сахзд̇угаад̇и д̇зхи хзд̇уд̇хаммзхи яз ан̃н̃з хзд̇уд̇хаммаа ваа нахзд̇уд̇хаммаа ваа д̇з сахзд̇угаа. ахзд̇угабад̣̇зби зсзва наяо. зд̇т̇а жа хзд̇у хзд̇уязва жа ход̇и, д̇ин̣н̣ам̣ ваа д̣̇виннам̣ ваа згад̇о уббад̇д̇ияам̣ сахзд̇уго жа. вижигижчуд̣̇д̇хажжасахаг̇ад̇о бана мохо хзд̇у ахзд̇уго. хзд̇усамбаяуд̇д̇ад̣̇уганид̣̇д̣̇зсзби зсзва наяо.

    1079. Tehidhammehi ye dhammā sahetukāti tehi hetudhammehi ye aññe hetudhammā vā nahetudhammā vā te sahetukā. Ahetukapadepi eseva nayo. Ettha ca hetu hetuyeva ca hoti, tiṇṇaṃ vā dvinnaṃ vā ekato uppattiyaṃ sahetuko ca. Vicikicchuddhaccasahagato pana moho hetu ahetuko. Hetusampayuttadukaniddesepi eseva nayo.

    1091. сан̇кад̇ад̣̇уганид̣̇д̣̇зсз буримад̣̇угз вуд̇д̇ам̣ асан̇кад̇ад̇хаад̇ум̣ санд̇хааяа яо зва со д̇хаммод̇и згаважананид̣̇д̣̇зсо гад̇о. буримад̣̇угз бана б̣ахуважанавасзна бужчааяа уд̣̇д̇хадад̇д̇аа имз д̇хаммаа аббажжаяаад̇и бужчаанусанд̇хинаязна б̣ахуважанам̣ гад̇ам̣. имз д̇хаммаа санид̣̇ассанаад̇иаад̣̇ийсуби зсзва наяо.

    1091. Saṅkhatadukaniddese purimaduke vuttaṃ asaṅkhatadhātuṃ sandhāya yo eva so dhammoti ekavacananiddeso kato. Purimaduke pana bahuvacanavasena pucchāya uddhaṭattā ime dhammā appaccayāti pucchānusandhinayena bahuvacanaṃ kataṃ. Ime dhammā sanidassanātiādīsupi eseva nayo.

    1101. гзнажи вин̃н̃зяяад̣̇уганид̣̇д̣̇зсз жагкувин̃н̃зяяаад̇и жагкувин̃н̃аан̣зна виж̇аанид̇аб̣б̣аа. сзсабад̣̇зсуби зсзва наяо. зд̇т̇а жа гзнажи вин̃н̃зяяаад̇и жагкувин̃н̃аан̣аад̣̇ийсу гзнажи згзна жагкувин̃н̃аан̣зна ваа сод̇авин̃н̃аан̣зна ваа виж̇аанид̇аб̣б̣аа. гзнажи на вин̃н̃зяяаад̇и д̇знзва жагкувин̃н̃аан̣зна ваа сод̇авин̃н̃аан̣зна ваа на виж̇аанид̇аб̣б̣аа. ‘звам̣ санд̇з д̣̇виннамби бад̣̇аанам̣ ад̇т̇анаанад̇д̇ад̇о д̣̇уго ход̇ий’д̇и хздтаа вуд̇д̇ад̇д̇аа ‘яз д̇з д̇хаммаа жагкувин̃н̃зяяаа на д̇з д̇хаммаа сод̇авин̃н̃зяяаа’д̇и аяам̣ д̣̇уго на ход̇и. руубам̣ бана жагкувин̃н̃зяяам̣ сад̣̇д̣̇о на жагкувин̃н̃зяяод̇и имамад̇т̇ам̣ г̇ахзд̇ваа ‘яз д̇з д̇хаммаа жагкувин̃н̃зяяаа на д̇з д̇хаммаа сод̇авин̃н̃зяяаа, яз ваа бана д̇з д̇хаммаа сод̇авин̃н̃зяяаа на д̇з д̇хаммаа жагкувин̃н̃зяяаа’д̇и аяамзго д̣̇угод̇и взд̣̇ид̇аб̣б̣о. звам̣ згзгаинд̣̇рияамуулагз жад̇д̇ааро жад̇д̇ааро гад̇ваа вийсад̇и д̣̇угаа вибхад̇д̇аад̇и взд̣̇ид̇аб̣б̣аа.

    1101. Kenaci viññeyyadukaniddese cakkhuviññeyyāti cakkhuviññāṇena vijānitabbā. Sesapadesupi eseva nayo. Ettha ca kenaci viññeyyāti cakkhuviññāṇādīsu kenaci ekena cakkhuviññāṇena vā sotaviññāṇena vā vijānitabbā. Kenaci na viññeyyāti teneva cakkhuviññāṇena vā sotaviññāṇena vā na vijānitabbā. ‘Evaṃ sante dvinnampi padānaṃ atthanānattato duko hotī’ti heṭṭhā vuttattā ‘ye te dhammā cakkhuviññeyyā na te dhammā sotaviññeyyā’ti ayaṃ duko na hoti. Rūpaṃ pana cakkhuviññeyyaṃ saddo na cakkhuviññeyyoti imamatthaṃ gahetvā ‘ye te dhammā cakkhuviññeyyā na te dhammā sotaviññeyyā, ye vā pana te dhammā sotaviññeyyā na te dhammā cakkhuviññeyyā’ti ayameko dukoti veditabbo. Evaṃ ekekaindriyamūlake cattāro cattāro katvā vīsati dukā vibhattāti veditabbā.

    гим̣ бана ‘мановин̃н̃аан̣зна гзнажи вин̃н̃зяяаа гзнажи на вин̃н̃зяяаа’ над̇т̇и? д̇знзд̇т̇а д̣̇угаа на вуд̇д̇аад̇и? но над̇т̇и, вавад̇т̇аанаабхаавад̇о бана на вуд̇д̇аа. на хи, яат̇аа жагкувин̃н̃аан̣зна авин̃н̃зяяаа зваад̇и вавад̇т̇аанам̣ ад̇т̇и, звам̣ мановин̃н̃аан̣знаабийд̇и вавад̇т̇аанаабхаавад̇о зд̇т̇а д̣̇угаа на вуд̇д̇аа. мановин̃н̃аан̣зна бана гзнажи вин̃н̃зяяаа жзва авин̃н̃зяяаа жаад̇и аяамад̇т̇о ад̇т̇и. д̇асмаа со авуд̇д̇оби яат̇аалаабхавасзна взд̣̇ид̇аб̣б̣о. мановин̃н̃аан̣анд̇и хи сан̇кяам̣ г̇ад̇зхи гаамааважарад̇хаммзхи гаамааважарад̇хаммаа зва д̇аава гзхижи вин̃н̃зяяаа гзхижи авин̃н̃зяяаа. д̇зхиязва руубааважараад̣̇ид̇хаммааби гзхижи вин̃н̃зяяаа гзхижи авин̃н̃зяяаа. руубааважарзхиби гаамааважараа гзхижи вин̃н̃зяяаа гзхижи авин̃н̃зяяаа. д̇зхзва руубааважараад̣̇аяоби гзхижи вин̃н̃зяяаа гзхижи авин̃н̃зяяаа. аруубааважарзхи бана гаамааважараа руубааважараа абарияаабаннаа жа нзва вин̃н̃зяяаа. аруубааважараа бана гзхижи вин̃н̃зяяаа гзхижи авин̃н̃зяяаа. д̇зби жа гзжид̣̇зва вин̃н̃зяяаа гзжи авин̃н̃зяяаа. абарияаабаннзхи гаамааважараад̣̇аяо нзва вин̃н̃зяяаа. абарияаабаннаа бана ниб̣б̣аанзна авин̃н̃зяяад̇д̇аа гзхижи вин̃н̃зяяаа гзхижи авин̃н̃зяяаа. д̇зби жа маг̇г̇апалаанам̣ авин̃н̃зяяад̇д̇аа гзжид̣̇зва вин̃н̃зяяаа гзжи авин̃н̃зяяаад̇и.

    Kiṃ pana ‘manoviññāṇena kenaci viññeyyā kenaci na viññeyyā’ natthi? Tenettha dukā na vuttāti? No natthi, vavatthānābhāvato pana na vuttā. Na hi, yathā cakkhuviññāṇena aviññeyyā evāti vavatthānaṃ atthi, evaṃ manoviññāṇenāpīti vavatthānābhāvato ettha dukā na vuttā. Manoviññāṇena pana kenaci viññeyyā ceva aviññeyyā cāti ayamattho atthi. Tasmā so avuttopi yathālābhavasena veditabbo. Manoviññāṇanti hi saṅkhyaṃ gatehi kāmāvacaradhammehi kāmāvacaradhammā eva tāva kehici viññeyyā kehici aviññeyyā. Tehiyeva rūpāvacarādidhammāpi kehici viññeyyā kehici aviññeyyā. Rūpāvacarehipi kāmāvacarā kehici viññeyyā kehici aviññeyyā. Teheva rūpāvacarādayopi kehici viññeyyā kehici aviññeyyā. Arūpāvacarehi pana kāmāvacarā rūpāvacarā apariyāpannā ca neva viññeyyā. Arūpāvacarā pana kehici viññeyyā kehici aviññeyyā. Tepi ca kecideva viññeyyā keci aviññeyyā. Apariyāpannehi kāmāvacarādayo neva viññeyyā. Apariyāpannā pana nibbānena aviññeyyattā kehici viññeyyā kehici aviññeyyā. Tepi ca maggaphalānaṃ aviññeyyattā kecideva viññeyyā keci aviññeyyāti.

    1102. аасаванид̣̇д̣̇зсз бан̃жагаамаг̇ун̣иго рааг̇о гаамаасаво наама. руубааруубабхавзсу чанд̣̇арааг̇о жхаананиганд̇и сассад̇ад̣̇идтисахаж̇аад̇о рааг̇о бхававасзна бад̇т̇анаа бхаваасаво наама. д̣̇ваасадти д̣̇идтияо д̣̇идтаасаво наама. адтасу таанзсу ан̃н̃аан̣ам̣ авиж̇ж̇аасаво наама. д̇ад̇т̇а д̇ад̇т̇а ааг̇ад̇зсу бана аасавзсу асаммохад̇т̇ам̣ згавид̇хаад̣̇ибхзд̣̇о взд̣̇ид̇аб̣б̣о. ад̇т̇ад̇о хзд̇з жирабаариваасияадтзна аасаваад̇и звам̣ згавид̇хаава хонд̇и. винаяз бана ‘‘д̣̇идтад̇хаммигаанам̣ аасаваанам̣ сам̣варааяа самбарааяигаанам̣ аасаваанам̣ бадигхаад̇ааяаа’’д̇и (баараа. 39) д̣̇увид̇хзна ааг̇ад̇аа. суд̇д̇анд̇з сал̣ааяад̇анз д̇аава ‘‘д̇аяомз, аавусо, аасаваа – гаамаасаво бхаваасаво авиж̇ж̇аасаво’’д̇и (сам̣. ни. 4.321) д̇ивид̇хзна ааг̇ад̇аа. ниб̣б̣зд̇хигабарияааяз ‘‘ад̇т̇и, бхигкавз, аасаваа нираяаг̇аманийяаа , ад̇т̇и аасаваа д̇иражчаанаяониг̇аманийяаа, ад̇т̇и аасаваа бзд̇д̇ивисаяаг̇аманийяаа, ад̇т̇и аасаваа мануссалогаг̇аманийяаа, ад̇т̇и аасаваа д̣̇звалогаг̇аманийяаа’’д̇и (а. ни. 6.63) бан̃жавид̇хзна ааг̇ад̇аа. чагганибаад̇з аахунзяяасуд̇д̇з – ‘‘ад̇т̇и аасаваа сам̣вараа бахаад̇аб̣б̣аа, ад̇т̇и аасаваа бадисзванаа бахаад̇аб̣б̣аа, ад̇т̇и аасаваа ад̇хиваасанаа бахаад̇аб̣б̣аа, ад̇т̇и аасаваа бариваж̇ж̇анаа бахаад̇аб̣б̣аа, ад̇т̇и аасаваа винод̣̇анаа бахаад̇аб̣б̣аа, ад̇т̇и аасаваа бхааванаа бахаад̇аб̣б̣аа’’д̇и (а. ни. 6.58) чаб̣б̣ид̇хзна ааг̇ад̇аа. саб̣б̣аасавабарияааяз (ма. ни. 1.14 аад̣̇аяо) ‘д̣̇ассанабахаад̇аб̣б̣зхи’ сад̣̇д̇хим̣ сад̇д̇авид̇хзна ааг̇ад̇аа. ид̇ха банзд̇з гаамаасаваад̣̇ибхзд̣̇ад̇о жад̇уб̣б̣ид̇хзна ааг̇ад̇аа. д̇ад̇рааяам̣ важанад̇т̇о – бан̃жагаамаг̇ун̣асан̇каад̇з гаамз аасаво ‘гаамаасаво’. руубааруубасан̇каад̇з гаммад̇о жа убабад̇д̇ид̇о жа д̣̇увид̇хзби бхавз аасаво ‘бхаваасаво’. д̣̇идти зва аасаво ‘д̣̇идтаасаво’. авиж̇ж̇аава аасаво ‘авиж̇ж̇аасаво’.

    1102. Āsavaniddese pañcakāmaguṇiko rāgo kāmāsavo nāma. Rūpārūpabhavesu chandarāgo jhānanikanti sassatadiṭṭhisahajāto rāgo bhavavasena patthanā bhavāsavo nāma. Dvāsaṭṭhi diṭṭhiyo diṭṭhāsavo nāma. Aṭṭhasu ṭhānesu aññāṇaṃ avijjāsavo nāma. Tattha tattha āgatesu pana āsavesu asammohatthaṃ ekavidhādibhedo veditabbo. Atthato hete cirapārivāsiyaṭṭhena āsavāti evaṃ ekavidhāva honti. Vinaye pana ‘‘diṭṭhadhammikānaṃ āsavānaṃ saṃvarāya samparāyikānaṃ āsavānaṃ paṭighātāyā’’ti (pārā. 39) duvidhena āgatā. Suttante saḷāyatane tāva ‘‘tayome, āvuso, āsavā – kāmāsavo bhavāsavo avijjāsavo’’ti (saṃ. ni. 4.321) tividhena āgatā. Nibbedhikapariyāye ‘‘atthi, bhikkhave, āsavā nirayagamanīyā , atthi āsavā tiracchānayonigamanīyā, atthi āsavā pettivisayagamanīyā, atthi āsavā manussalokagamanīyā, atthi āsavā devalokagamanīyā’’ti (a. ni. 6.63) pañcavidhena āgatā. Chakkanipāte āhuneyyasutte – ‘‘atthi āsavā saṃvarā pahātabbā, atthi āsavā paṭisevanā pahātabbā, atthi āsavā adhivāsanā pahātabbā, atthi āsavā parivajjanā pahātabbā, atthi āsavā vinodanā pahātabbā, atthi āsavā bhāvanā pahātabbā’’ti (a. ni. 6.58) chabbidhena āgatā. Sabbāsavapariyāye (ma. ni. 1.14 ādayo) ‘dassanapahātabbehi’ saddhiṃ sattavidhena āgatā. Idha panete kāmāsavādibhedato catubbidhena āgatā. Tatrāyaṃ vacanattho – pañcakāmaguṇasaṅkhāte kāme āsavo ‘kāmāsavo’. Rūpārūpasaṅkhāte kammato ca upapattito ca duvidhepi bhave āsavo ‘bhavāsavo’. Diṭṭhi eva āsavo ‘diṭṭhāsavo’. Avijjāva āsavo ‘avijjāsavo’.

    1103. гаамзсууд̇и бан̃жасу гаамаг̇ун̣зсу. гаамажчанд̣̇од̇и гаамасан̇каад̇о чанд̣̇о, на гад̇д̇угамяад̇аачанд̣̇о, на д̇хаммажчанд̣̇о. гааманавасзна раж̇ж̇анавасзна жа гаамоязва рааг̇о гаамарааг̇о. гааманавасзна нанд̣̇анавасзна жа гаамова нанд̣̇ийд̇и гаамананд̣̇ий. звам̣ саб̣б̣ад̇т̇а гаамад̇т̇ам̣ вид̣̇ид̇ваа д̇ан̣хааяанадтзна гаамад̇ан̣хаа, синзханадтзна гаамасинзхо, барид̣аяханадтзна гаамабарил̣аахо, мужчанадтзна гаамамужчаа, г̇илид̇ваа баринидтаабанадтзна гаамаж̇жхосаананд̇и взд̣̇ид̇аб̣б̣ам̣. аяам̣ вужжад̇ийд̇и аяам̣ адтахи бад̣̇зхи вибхад̇д̇о гаамаасаво наама вужжад̇и.

    1103. Kāmesūti pañcasu kāmaguṇesu. Kāmacchandoti kāmasaṅkhāto chando, na kattukamyatāchando, na dhammacchando. Kāmanavasena rajjanavasena ca kāmoyeva rāgo kāmarāgo. Kāmanavasena nandanavasena ca kāmova nandīti kāmanandī. Evaṃ sabbattha kāmatthaṃ viditvā taṇhāyanaṭṭhena kāmataṇhā, sinehanaṭṭhena kāmasineho, pariḍayhanaṭṭhena kāmapariḷāho, mucchanaṭṭhena kāmamucchā, gilitvā pariniṭṭhāpanaṭṭhena kāmajjhosānanti veditabbaṃ. Ayaṃ vuccatīti ayaṃ aṭṭhahi padehi vibhatto kāmāsavo nāma vuccati.

    1104. бхавзсу бхавачанд̣̇од̇и руубааруубабхавзсу бхавабад̇т̇анаавасзнзва бавад̇д̇о чанд̣̇о ‘бхавачанд̣̇о’. сзсабад̣̇ааниби иминаава наязна взд̣̇ид̇аб̣б̣аани.

    1104. Bhavesu bhavachandoti rūpārūpabhavesu bhavapatthanāvaseneva pavatto chando ‘bhavachando’. Sesapadānipi imināva nayena veditabbāni.

    1105. сассад̇о логод̇и ваад̇иаад̣̇ийхи д̣̇асахаагаарзхи д̣̇идтиббабхзд̣̇ова вуд̇д̇о. д̇ад̇т̇а сассад̇о логод̇и зд̇т̇а канд̇хабан̃жагам̣ логод̇и г̇ахзд̇ваа ‘аяам̣ лого нижжо д̇хуво саб̣б̣агаалиго’д̇и г̇ан̣ханд̇асса ‘сассад̇а’нд̇и г̇ахан̣аагаараббавад̇д̇аа д̣̇идти. асассад̇од̇и д̇амзва логам̣ ‘ужчиж̇ж̇ад̇и винассад̇ий’д̇и г̇ан̣ханд̇асса ужчзд̣̇аг̇ахан̣аагаараббавад̇д̇аа д̣̇идти. анд̇аваад̇и барид̇д̇агасин̣алаабхино ‘суббамад̇д̇з ваа сараавамад̇д̇з ваа’ гасин̣з самаабаннасса анд̇осамаабад̇д̇ияам̣ бавад̇д̇ид̇аруубааруубад̇хаммз логод̇и жа гасин̣абарижчзд̣̇анд̇зна жа ‘анд̇аваа’д̇и г̇ан̣ханд̇асса ‘анд̇аваа лого’д̇и г̇ахан̣аагаараббавад̇д̇аа д̣̇идти. саа сассад̇ад̣̇идтиби ход̇и ужчзд̣̇ад̣̇идтиби. вибулагасин̣алаабхино бана д̇асмим̣ гасин̣з самаабаннасса анд̇осамаабад̇д̇ияам̣ бавад̇д̇ид̇аруубааруубад̇хаммз логод̇и жа гасин̣абарижчзд̣̇анд̇зна жа ‘ананд̇о’д̇и г̇ан̣ханд̇асса ‘ананд̇аваа лого’д̇и г̇ахан̣аагаараббавад̇д̇аа д̣̇идти. саа сассад̇ад̣̇идтиби ход̇и, ужчзд̣̇ад̣̇идтиби.

    1105. Sassato lokoti vātiādīhi dasahākārehi diṭṭhippabhedova vutto. Tattha sassato lokoti ettha khandhapañcakaṃ lokoti gahetvā ‘ayaṃ loko nicco dhuvo sabbakāliko’ti gaṇhantassa ‘sassata’nti gahaṇākārappavattā diṭṭhi. Asassatoti tameva lokaṃ ‘ucchijjati vinassatī’ti gaṇhantassa ucchedagahaṇākārappavattā diṭṭhi. Antavāti parittakasiṇalābhino ‘suppamatte vā sarāvamatte vā’ kasiṇe samāpannassa antosamāpattiyaṃ pavattitarūpārūpadhamme lokoti ca kasiṇaparicchedantena ca ‘antavā’ti gaṇhantassa ‘antavā loko’ti gahaṇākārappavattā diṭṭhi. Sā sassatadiṭṭhipi hoti ucchedadiṭṭhipi. Vipulakasiṇalābhino pana tasmiṃ kasiṇe samāpannassa antosamāpattiyaṃ pavattitarūpārūpadhamme lokoti ca kasiṇaparicchedantena ca ‘ananto’ti gaṇhantassa ‘anantavā loko’ti gahaṇākārappavattā diṭṭhi. Sā sassatadiṭṭhipi hoti, ucchedadiṭṭhipi.

    д̇ам̣ ж̇ийвам̣ д̇ам̣ сарийранд̇и бхзд̣̇анад̇хаммасса сарийрассзва ‘ж̇ийва’нд̇и г̇ахид̇ад̇д̇аа сарийрз ужчиж̇ж̇амаанз ‘ж̇ийвамби ужчиж̇ж̇ад̇ий’д̇и ужчзд̣̇аг̇ахан̣аагаараббавад̇д̇аа д̣̇идти. д̣̇уд̇ияабад̣̇з сарийрад̇о ан̃н̃асса ж̇ийвасса г̇ахид̇ад̇д̇аа сарийрз ужчиж̇ж̇амаанзби ‘ж̇ийвам̣ на ужчиж̇ж̇ад̇ий’д̇и сассад̇аг̇ахан̣аагаараббавад̇д̇аа д̣̇идти. ход̇и д̇ат̇ааг̇ад̇о барам̣ маран̣аад̇иаад̣̇ийсу сад̇д̇о д̇ат̇ааг̇ад̇о наама. со барам̣ маран̣аа ход̇ийд̇и г̇ан̣хад̇о батамаа сассад̇ад̣̇идти. на ход̇ийд̇и г̇ан̣хад̇о д̣̇уд̇ияаа ужчзд̣̇ад̣̇идти. ход̇и жа на жа ход̇ийд̇и г̇ан̣хад̇о д̇ад̇ияаа згажжасассад̇ад̣̇идти. нзва ход̇и на наход̇ийд̇и г̇ан̣хад̇о жад̇уд̇т̇аа амараавигкзбад̣̇идти. имз д̇хаммаа аасаваад̇и имз гаамаасаван̃жа бхаваасаван̃жа рааг̇авасзна згад̇о гад̇ваа, сан̇кзбад̇о д̇аяо, вид̇т̇аарад̇о жад̇д̇ааро д̇хаммаа аасаваа наама.

    Taṃ jīvaṃ taṃ sarīranti bhedanadhammassa sarīrasseva ‘jīva’nti gahitattā sarīre ucchijjamāne ‘jīvampi ucchijjatī’ti ucchedagahaṇākārappavattā diṭṭhi. Dutiyapade sarīrato aññassa jīvassa gahitattā sarīre ucchijjamānepi ‘jīvaṃ na ucchijjatī’ti sassatagahaṇākārappavattā diṭṭhi. Hoti tathāgato paraṃ maraṇātiādīsu satto tathāgato nāma. So paraṃ maraṇā hotīti gaṇhato paṭhamā sassatadiṭṭhi. Na hotīti gaṇhato dutiyā ucchedadiṭṭhi. Hoti ca na ca hotīti gaṇhato tatiyā ekaccasassatadiṭṭhi. Neva hoti na nahotīti gaṇhato catutthā amarāvikkhepadiṭṭhi. Ime dhammā āsavāti ime kāmāsavañca bhavāsavañca rāgavasena ekato katvā, saṅkhepato tayo, vitthārato cattāro dhammā āsavā nāma.

    яо бана б̣рахмаанам̣ вимаанагаббаругкааабхаран̣зсу чанд̣̇арааг̇о уббаж̇ж̇ад̇и, со гаамаасаво ход̇и на ход̇ийд̇и? на ход̇и. гасмаа? бан̃жагаамаг̇ун̣игасса рааг̇асса ид̇хзва бахийнад̇д̇аа. хзд̇уг̇ожчагам̣ бана бад̇ваа лобхо хзд̇у наама ход̇и. г̇ант̇аг̇ожчагам̣ бад̇ваа абхиж̇жхаагааяаг̇ант̇о наама. гилзсаг̇ожчагам̣ бад̇ваа лобхо гилзсо наама ход̇и. д̣̇идтисахаж̇аад̇о бана рааг̇о гаамаасаво ход̇и на ход̇ийд̇и? на ход̇и; д̣̇идтирааг̇о наама ход̇и. вуд̇д̇ан̃хзд̇ам̣ ‘‘д̣̇идтирааг̇арад̇д̇з бурисабуг̇г̇алз д̣̇иннад̣̇аанам̣ на махабпалам̣ ход̇и, на махаанисам̣са’’нд̇и (бади. ма. 1.129).

    Yo pana brahmānaṃ vimānakapparukkhaābharaṇesu chandarāgo uppajjati, so kāmāsavo hoti na hotīti? Na hoti. Kasmā? Pañcakāmaguṇikassa rāgassa idheva pahīnattā. Hetugocchakaṃ pana patvā lobho hetu nāma hoti. Ganthagocchakaṃ patvā abhijjhākāyagantho nāma. Kilesagocchakaṃ patvā lobho kileso nāma hoti. Diṭṭhisahajāto pana rāgo kāmāsavo hoti na hotīti? Na hoti; diṭṭhirāgo nāma hoti. Vuttañhetaṃ ‘‘diṭṭhirāgaratte purisapuggale dinnadānaṃ na mahapphalaṃ hoti, na mahānisaṃsa’’nti (paṭi. ma. 1.129).

    имз бана аасавз гилзсабадибаадияааби аахарид̇ум̣ ваддад̇и, маг̇г̇абадибаадияааби. гилзсабадибаадияаа гаамаасаво анааг̇аамимаг̇г̇зна бахийяад̇и, бхаваасаво арахад̇д̇амаг̇г̇зна, д̣̇идтаасаво сод̇аабад̇д̇имаг̇г̇зна, авиж̇ж̇аасаво арахад̇д̇амаг̇г̇зна. маг̇г̇абадибаадияаа сод̇аабад̇д̇имаг̇г̇зна д̣̇идтаасаво бахийяад̇и, анааг̇аамимаг̇г̇зна гаамаасаво, арахад̇д̇амаг̇г̇зна бхаваасаво авиж̇ж̇аасаво жаад̇и.

    Ime pana āsave kilesapaṭipāṭiyāpi āharituṃ vaṭṭati, maggapaṭipāṭiyāpi. Kilesapaṭipāṭiyā kāmāsavo anāgāmimaggena pahīyati, bhavāsavo arahattamaggena, diṭṭhāsavo sotāpattimaggena, avijjāsavo arahattamaggena. Maggapaṭipāṭiyā sotāpattimaggena diṭṭhāsavo pahīyati, anāgāmimaggena kāmāsavo, arahattamaggena bhavāsavo avijjāsavo cāti.

    1121. сам̣яож̇анзсу маананид̣̇д̣̇зсз сзяяохамасмийд̇и маанод̇и уд̇д̇амадтзна ‘ахам̣ сзяяо’д̇и звам̣ уббаннамаано. сад̣̇исохамасмийд̇и маанод̇и самасамадтзна ‘ахам̣ сад̣̇исо’д̇и звам̣ уббаннамаано. хийнохамасмийд̇и маанод̇и лаамагадтзна ‘ахам̣ хийно’д̇и звам̣ уббаннамаано. звам̣ сзяяамаано сад̣̇исамаано хийнамаанод̇и имз д̇аяо маанаа д̇ин̣н̣ам̣ ж̇анаанам̣ уббаж̇ж̇анд̇и. сзяяассааби хи ‘ахам̣ сзяяо сад̣̇исо хийно’д̇и д̇аяо маанаа уббаж̇ж̇анд̇и. сад̣̇исассааби, хийнассааби. д̇ад̇т̇а сзяяасса сзяяамаанова яаат̇аавамаано, ид̇арз д̣̇вз аяаат̇аавамаанаа. сад̣̇исасса сад̣̇исамаанова…бз… хийнасса хийнамаанова яаат̇аавамаано, ид̇арз д̣̇вз аяаат̇аавамаанаа. иминаа гим̣ гат̇ид̇ам̣? згасса д̇аяо маанаа уббаж̇ж̇анд̇ийд̇и гат̇ид̇ам̣. куд̣̇д̣̇агавад̇т̇угз бана батамагамаанабхааж̇анийяз зго маано д̇ин̣н̣ам̣ ж̇анаанам̣ уббаж̇ж̇ад̇ийд̇и гат̇ид̇о.

    1121. Saṃyojanesu mānaniddese seyyohamasmīti mānoti uttamaṭṭhena ‘ahaṃ seyyo’ti evaṃ uppannamāno. Sadisohamasmīti mānoti samasamaṭṭhena ‘ahaṃ sadiso’ti evaṃ uppannamāno. Hīnohamasmīti mānoti lāmakaṭṭhena ‘ahaṃ hīno’ti evaṃ uppannamāno. Evaṃ seyyamāno sadisamāno hīnamānoti ime tayo mānā tiṇṇaṃ janānaṃ uppajjanti. Seyyassāpi hi ‘ahaṃ seyyo sadiso hīno’ti tayo mānā uppajjanti. Sadisassāpi, hīnassāpi. Tattha seyyassa seyyamānova yāthāvamāno, itare dve ayāthāvamānā. Sadisassa sadisamānova…pe… hīnassa hīnamānova yāthāvamāno, itare dve ayāthāvamānā. Iminā kiṃ kathitaṃ? Ekassa tayo mānā uppajjantīti kathitaṃ. Khuddakavatthuke pana paṭhamakamānabhājanīye eko māno tiṇṇaṃ janānaṃ uppajjatīti kathito.

    маанагаран̣авасзна маано. ман̃н̃анаа ман̃н̃ид̇ад̇д̇анд̇и аагаарабхааванид̣̇д̣̇зсаа. уссид̇адтзна уннад̇и. яассуббаж̇ж̇ад̇и д̇ам̣ буг̇г̇алам̣ уннаамзд̇и, угкибид̇ваа табзд̇ийд̇и уннамо. самуссид̇адтзна д̇хаж̇о. угкибанадтзна жид̇д̇ам̣ самбаг̇г̇ан̣хаад̇ийд̇и самбаг̇г̇аахо. гзд̇у вужжад̇и б̣ахуусу д̇хаж̇зсу ажжуг̇г̇ад̇ад̇хаж̇о. мааноби бунаббунам̣ уббаж̇ж̇амаано абараабарз убаад̣̇ааяа ажжуг̇г̇ад̇адтзна гзд̇у вияаад̇и ‘гзд̇у’. гзд̇ум̣ ижчад̇ийд̇и гзд̇угамяам̣, д̇асса бхааво гзд̇угамяад̇аа. саа бана жид̇д̇асса, на ад̇д̇ано. д̇зна вуд̇д̇ам̣ – ‘гзд̇угамяад̇аа жид̇д̇ассаа’д̇и. маанасамбаяуд̇д̇ан̃хи жид̇д̇ам̣ гзд̇ум̣ ижчад̇и. д̇асса жа бхааво гзд̇угамяад̇аа; гзд̇усан̇каад̇о маанод̇и.

    Mānakaraṇavasena māno. Maññanā maññitattanti ākārabhāvaniddesā. Ussitaṭṭhena unnati. Yassuppajjati taṃ puggalaṃ unnāmeti, ukkhipitvā ṭhapetīti unnamo. Samussitaṭṭhena dhajo. Ukkhipanaṭṭhena cittaṃ sampaggaṇhātīti sampaggāho. Ketu vuccati bahūsu dhajesu accuggatadhajo. Mānopi punappunaṃ uppajjamāno aparāpare upādāya accuggataṭṭhena ketu viyāti ‘ketu’. Ketuṃ icchatīti ketukamyaṃ, tassa bhāvo ketukamyatā. Sā pana cittassa, na attano. Tena vuttaṃ – ‘ketukamyatā cittassā’ti. Mānasampayuttañhi cittaṃ ketuṃ icchati. Tassa ca bhāvo ketukamyatā; ketusaṅkhāto mānoti.

    1126. иссаанид̣̇д̣̇зсз яаа баралаабхасаггаараг̇аругаарамаананаванд̣̇анабууж̇анаасу иссаад̇и яаа зд̇зсу барзсам̣ лаабхаад̣̇ийсу ‘гим̣ иминаа имзса’нд̇и барасамбад̇д̇икияяаналагкан̣аа иссаа. д̇ад̇т̇а лаабход̇и жийвараад̣̇ийнам̣ жад̇уннам̣ бажжаяаанам̣ бадилаабхо. иссугий хи буг̇г̇ало барасса д̇ам̣ лаабхам̣ кияяад̇и, ‘гим̣ имасса иминаа’д̇и на ижчад̇и. саггаарод̇и д̇зсам̣язва бажжаяаанам̣ сугад̇аанам̣ сунд̣̇араанам̣ бадилаабхо. г̇аругаарод̇и г̇аругирияаа, бхаарияагаран̣ам̣. маанананд̇и манзна бияагаран̣ам̣. ванд̣̇ананд̇и бан̃жабад̇идтид̇зна ванд̣̇анам̣. бууж̇анаад̇и г̇анд̇хамаалаад̣̇ийхи бууж̇анаа. иссааяанавасзна иссаа. иссаагааро иссааяанаа. иссааяид̇абхааво иссааяид̇ад̇д̇ам̣. усууяаад̣̇ийни иссаад̣̇ивзважанаани.

    1126. Issāniddese yā paralābhasakkāragarukāramānanavandanapūjanāsu issāti yā etesu paresaṃ lābhādīsu ‘kiṃ iminā imesa’nti parasampattikhiyyanalakkhaṇā issā. Tattha lābhoti cīvarādīnaṃ catunnaṃ paccayānaṃ paṭilābho. Issukī hi puggalo parassa taṃ lābhaṃ khiyyati, ‘kiṃ imassa iminā’ti na icchati. Sakkāroti tesaṃyeva paccayānaṃ sukatānaṃ sundarānaṃ paṭilābho. Garukāroti garukiriyā, bhāriyakaraṇaṃ. Mānananti manena piyakaraṇaṃ. Vandananti pañcapatiṭṭhitena vandanaṃ. Pūjanāti gandhamālādīhi pūjanā. Issāyanavasena issā. Issākāro issāyanā. Issāyitabhāvo issāyitattaṃ. Usūyādīni issādivevacanāni.

    имиссаа бана иссааяа кияяаналагкан̣ам̣ ааг̇ааригзнааби анааг̇ааригзнааби д̣̇ийбзд̇аб̣б̣ам̣. ааг̇аариго хи згажжо гасиван̣иж̇ж̇аад̣̇ийсу ан̃н̃ад̇арзна ааж̇ийвзна ад̇д̇ано бурисагаарам̣ ниссааяа бхад̣̇д̣̇агам̣ яаанам̣ ваа вааханам̣ ваа рад̇анам̣ ваа лабхад̇и. абаро д̇асса алаабхад̇т̇иго д̇зна лаабхзна на д̇уссад̇и. ‘гад̣̇аа ну ко зса имааяа самбад̇д̇ияаа барихааяид̇ваа габан̣о худ̇ваа жариссад̇ий’д̇и жинд̇зд̇ваа згзна гааран̣зна д̇асмим̣ д̇ааяа самбад̇д̇ияаа барихийнз ад̇д̇амано ход̇и. анааг̇ааригоби зго иссааманаго ан̃н̃ам̣ ад̇д̇ано суд̇абарияад̇д̇иаад̣̇ийни ниссааяа уббанналаабхаад̣̇исамбад̇д̇им̣ д̣̇исваа ‘гад̣̇аа ну ко зсо имзхи лаабхаад̣̇ийхи барихааяиссад̇ий’д̇и жинд̇зд̇ваа, яад̣̇аа д̇ам̣ згзна гааран̣зна барихийнам̣ бассад̇и, д̇ад̣̇аа ад̇д̇амано ход̇и. звам̣ барасамбад̇д̇икияяаналагкан̣аа ‘иссаа’д̇и взд̣̇ид̇аб̣б̣аа.

    Imissā pana issāya khiyyanalakkhaṇaṃ āgārikenāpi anāgārikenāpi dīpetabbaṃ. Āgāriko hi ekacco kasivaṇijjādīsu aññatarena ājīvena attano purisakāraṃ nissāya bhaddakaṃ yānaṃ vā vāhanaṃ vā ratanaṃ vā labhati. Aparo tassa alābhatthiko tena lābhena na tussati. ‘Kadā nu kho esa imāya sampattiyā parihāyitvā kapaṇo hutvā carissatī’ti cintetvā ekena kāraṇena tasmiṃ tāya sampattiyā parihīne attamano hoti. Anāgārikopi eko issāmanako aññaṃ attano sutapariyattiādīni nissāya uppannalābhādisampattiṃ disvā ‘kadā nu kho eso imehi lābhādīhi parihāyissatī’ti cintetvā, yadā taṃ ekena kāraṇena parihīnaṃ passati, tadā attamano hoti. Evaṃ parasampattikhiyyanalakkhaṇā ‘issā’ti veditabbā.

    1127. мажчарияанид̣̇д̣̇зсз вад̇т̇уд̇о мажчарияад̣̇ассанад̇т̇ам̣ ‘бан̃жа мажчарияаани ааваасамажчарияа’нд̇иаад̣̇и вуд̇д̇ам̣. д̇ад̇т̇а ааваасз мажчарияам̣ ааваасамажчарияам̣. сзсабад̣̇зсуби зсзва наяо.

    1127. Macchariyaniddese vatthuto macchariyadassanatthaṃ ‘pañca macchariyāni āvāsamacchariya’ntiādi vuttaṃ. Tattha āvāse macchariyaṃ āvāsamacchariyaṃ. Sesapadesupi eseva nayo.

    ааваасо наама сагалаараамоби баривзн̣амби зговарагоби рад̇д̇идтаанад̣̇иваадтаанаад̣̇ийниби. д̇зсу васанд̇аа сукам̣ васанд̇и бажжаяз лабханд̇и. зго бхигку вад̇д̇асамбаннассзва бзсаласса бхигкуно д̇ад̇т̇а ааг̇аманам̣ на ижчад̇и. ааг̇ад̇оби ‘киббам̣ г̇ажчад̇уу’д̇и жинд̇зд̇и. ид̣̇ам̣ ‘ааваасамажчарияам̣’ наама. бхан̣д̣анагаарагаад̣̇ийнам̣ бана д̇ад̇т̇а ваасам̣ анижчад̇о ааваасамажчарияам̣ наама на ход̇и.

    Āvāso nāma sakalārāmopi pariveṇampi ekovarakopi rattiṭṭhānadivāṭṭhānādīnipi. Tesu vasantā sukhaṃ vasanti paccaye labhanti. Eko bhikkhu vattasampannasseva pesalassa bhikkhuno tattha āgamanaṃ na icchati. Āgatopi ‘khippaṃ gacchatū’ti cinteti. Idaṃ ‘āvāsamacchariyaṃ’ nāma. Bhaṇḍanakārakādīnaṃ pana tattha vāsaṃ anicchato āvāsamacchariyaṃ nāma na hoti.

    гуланд̇и убадтаагагуламби н̃аад̇игуламби. д̇ад̇т̇а ан̃н̃асса убасан̇гаманам̣ анижчад̇о гуламажчарияам̣ ход̇и. баабабуг̇г̇аласса бана убасан̇гаманам̣ анижчанд̇оби мажчарий наама на ход̇и. со хи д̇зсам̣ басаад̣̇абхзд̣̇ааяа бадибаж̇ж̇ад̇и. басаад̣̇ам̣ рагкид̇ум̣ самад̇т̇ассзва бана бхигкуно д̇ад̇т̇а убасан̇гаманам̣ анижчанд̇о мажчарий наама ход̇и.

    Kulanti upaṭṭhākakulampi ñātikulampi. Tattha aññassa upasaṅkamanaṃ anicchato kulamacchariyaṃ hoti. Pāpapuggalassa pana upasaṅkamanaṃ anicchantopi maccharī nāma na hoti. So hi tesaṃ pasādabhedāya paṭipajjati. Pasādaṃ rakkhituṃ samatthasseva pana bhikkhuno tattha upasaṅkamanaṃ anicchanto maccharī nāma hoti.

    лаабход̇и жад̇убажжаяалаабхова. д̇ам̣ ан̃н̃асмим̣ сийлаванд̇зязва лабханд̇з ‘маа лабхад̇уу’д̇и жинд̇знд̇асса лаабхамажчарияам̣ ход̇и. яо бана сад̣̇д̇хаад̣̇зяяам̣ винибаад̇зд̇и, абарибхог̇ад̣̇уббарибхог̇аад̣̇ивасзна винаасзд̇и, бууд̇ибхаавам̣ г̇ажчанд̇амби ан̃н̃асса на д̣̇зд̇и, д̇ам̣ д̣̇исваа ‘сажз имам̣ зса на лабхзяяа , ан̃н̃о сийлаваа лабхзяяа, барибхог̇ам̣ г̇ажчзяяаа’д̇и жинд̇знд̇асса мажчарияам̣ наама над̇т̇и.

    Lābhoti catupaccayalābhova. Taṃ aññasmiṃ sīlavanteyeva labhante ‘mā labhatū’ti cintentassa lābhamacchariyaṃ hoti. Yo pana saddhādeyyaṃ vinipāteti, aparibhogadupparibhogādivasena vināseti, pūtibhāvaṃ gacchantampi aññassa na deti, taṃ disvā ‘sace imaṃ esa na labheyya , añño sīlavā labheyya, paribhogaṃ gaccheyyā’ti cintentassa macchariyaṃ nāma natthi.

    ван̣н̣о наама сарийраван̣н̣оби г̇ун̣аван̣н̣оби. д̇ад̇т̇а сарийраван̣н̣з мажчарибуг̇г̇ало ‘баро баасаад̣̇иго руубаваа’д̇и вуд̇д̇з д̇ам̣ на гат̇зд̇угаамо ход̇и. г̇ун̣аван̣н̣амажчарий сийлзна д̇худ̇ан̇г̇зна бадибад̣̇ааяа аажаарзна ван̣н̣ам̣ на гат̇зд̇угаамо ход̇и.

    Vaṇṇo nāma sarīravaṇṇopi guṇavaṇṇopi. Tattha sarīravaṇṇe maccharipuggalo ‘paro pāsādiko rūpavā’ti vutte taṃ na kathetukāmo hoti. Guṇavaṇṇamaccharī sīlena dhutaṅgena paṭipadāya ācārena vaṇṇaṃ na kathetukāmo hoti.

    д̇хаммод̇и барияад̇д̇ид̇хаммо жа бадивзд̇хад̇хаммо жа. д̇ад̇т̇а арияасаавагаа бадивзд̇хад̇хаммам̣ на мажчарааяанд̇и, ад̇д̇анаа бадивид̣̇д̇хад̇хаммз сад̣̇звагасса логасса бадивзд̇хам̣ ижчанд̇и. д̇ам̣ бана бадивзд̇хам̣ ‘барз ж̇аананд̇уу’д̇и ижчанд̇и. д̇анд̇ид̇хаммзязва бана д̇хаммамажчарияам̣ наама ход̇и. д̇зна саманнааг̇ад̇о буг̇г̇ало яам̣ г̇ул̣хам̣ г̇ант̇ам̣ ваа гат̇аамаг̇г̇ам̣ ваа ж̇аанаад̇и д̇ам̣ ан̃н̃ам̣ на ж̇аанаабзд̇угаамо ход̇и. яо бана буг̇г̇алам̣ убабаригкид̇ваа д̇хаммаануг̇г̇ахзна, д̇хаммам̣ ваа убабаригкид̇ваа буг̇г̇алаануг̇г̇ахзна на д̣̇зд̇и, аяам̣ д̇хаммамажчарий наама на ход̇и.

    Dhammoti pariyattidhammo ca paṭivedhadhammo ca. Tattha ariyasāvakā paṭivedhadhammaṃ na maccharāyanti, attanā paṭividdhadhamme sadevakassa lokassa paṭivedhaṃ icchanti. Taṃ pana paṭivedhaṃ ‘pare jānantū’ti icchanti. Tantidhammeyeva pana dhammamacchariyaṃ nāma hoti. Tena samannāgato puggalo yaṃ guḷhaṃ ganthaṃ vā kathāmaggaṃ vā jānāti taṃ aññaṃ na jānāpetukāmo hoti. Yo pana puggalaṃ upaparikkhitvā dhammānuggahena, dhammaṃ vā upaparikkhitvā puggalānuggahena na deti, ayaṃ dhammamaccharī nāma na hoti.

    д̇ад̇т̇а згажжо буг̇г̇ало лоло ход̇и, гаалзна саман̣о ход̇и, гаалзна б̣раахман̣о, гаалзна ниг̇ан̣то. яо хи бхигку ‘аяам̣ буг̇г̇ало бавзн̣иааг̇ад̇ам̣ д̇анд̇им̣ сан̣хам̣ сукумам̣ д̇хамманд̇арам̣ бхинд̣̇ид̇ваа аалул̣иссад̇ий’д̇и на д̣̇зд̇и, аяам̣ буг̇г̇алам̣ убабаригкид̇ваа д̇хаммаануг̇г̇ахзна на д̣̇зд̇и наама . яо бана ‘аяам̣ д̇хаммо сан̣хо сукумо, сажааяам̣ буг̇г̇ало г̇ан̣хиссад̇и ан̃н̃ам̣ б̣яаагарид̇ваа ад̇д̇аанам̣ аавигад̇ваа нассиссад̇ий’д̇и на д̣̇зд̇и, аяам̣ д̇хаммам̣ убабаригкид̇ваа буг̇г̇алаануг̇г̇ахзна на д̣̇зд̇и наама. яо бана ‘сажааяам̣ имам̣ д̇хаммам̣ г̇ан̣хиссад̇и, амхаагам̣ самаяам̣ бхинд̣̇ид̇ум̣ самад̇т̇о бхависсад̇ий’д̇и на д̣̇зд̇и, аяам̣ д̇хаммамажчарий наама ход̇и.

    Tattha ekacco puggalo lolo hoti, kālena samaṇo hoti, kālena brāhmaṇo, kālena nigaṇṭho. Yo hi bhikkhu ‘ayaṃ puggalo paveṇiāgataṃ tantiṃ saṇhaṃ sukhumaṃ dhammantaraṃ bhinditvā āluḷissatī’ti na deti, ayaṃ puggalaṃ upaparikkhitvā dhammānuggahena na deti nāma . Yo pana ‘ayaṃ dhammo saṇho sukhumo, sacāyaṃ puggalo gaṇhissati aññaṃ byākaritvā attānaṃ āvikatvā nassissatī’ti na deti, ayaṃ dhammaṃ upaparikkhitvā puggalānuggahena na deti nāma. Yo pana ‘sacāyaṃ imaṃ dhammaṃ gaṇhissati, amhākaṃ samayaṃ bhindituṃ samattho bhavissatī’ti na deti, ayaṃ dhammamaccharī nāma hoti.

    имзсу бан̃жасу мажчариязсу ааваасамажчариязна д̇аава яагко ваа бзд̇о ваа худ̇ваа д̇ассзва ааваасасса сан̇гаарам̣ сийсзна угкибид̇ваа вижарад̇и. гуламажчариязна д̇асмим̣ гулз ан̃н̃зсам̣ д̣̇аанамаананаад̣̇ийни гаронд̇з д̣̇исваа ‘бхиннам̣ вад̇ид̣̇ам̣ гулам̣ мамаа’д̇и жинд̇аяад̇о лохид̇амби мукад̇о уг̇г̇ажчад̇и, гужчивирзжанамби ход̇и, анд̇ааниби кан̣д̣аакан̣д̣аани худ̇ваа нигкаманд̇и. лаабхамажчариязна сан̇гхасса ваа г̇ан̣асса ваа санд̇агз лаабхз мажчарааяид̇ваа буг̇г̇алигабарибхог̇ам̣ вияа барибхун̃ж̇ид̇ваа яагко ваа бзд̇о ваа махаааж̇аг̇аро ваа худ̇ваа ниб̣б̣ад̇д̇ад̇и. сарийраван̣н̣аг̇ун̣аван̣н̣амажчарзна барияад̇д̇ид̇хаммамажчариязна жа ад̇д̇анова ван̣н̣ам̣ ван̣н̣зд̇и, барзсам̣ ван̣н̣з ‘гим̣ ван̣н̣о зсо’д̇и д̇ам̣ д̇ам̣ д̣̇осам̣ вад̣̇анд̇о барияад̇д̇ид̇хамман̃жа гассажи гин̃жи ад̣̇знд̇о д̣̇уб̣б̣ан̣н̣о жзва зл̣амууг̇о жа ход̇и.

    Imesu pañcasu macchariyesu āvāsamacchariyena tāva yakkho vā peto vā hutvā tasseva āvāsassa saṅkāraṃ sīsena ukkhipitvā vicarati. Kulamacchariyena tasmiṃ kule aññesaṃ dānamānanādīni karonte disvā ‘bhinnaṃ vatidaṃ kulaṃ mamā’ti cintayato lohitampi mukhato uggacchati, kucchivirecanampi hoti, antānipi khaṇḍākhaṇḍāni hutvā nikkhamanti. Lābhamacchariyena saṅghassa vā gaṇassa vā santake lābhe maccharāyitvā puggalikaparibhogaṃ viya paribhuñjitvā yakkho vā peto vā mahāajagaro vā hutvā nibbattati. Sarīravaṇṇaguṇavaṇṇamaccharena pariyattidhammamacchariyena ca attanova vaṇṇaṃ vaṇṇeti, paresaṃ vaṇṇe ‘kiṃ vaṇṇo eso’ti taṃ taṃ dosaṃ vadanto pariyattidhammañca kassaci kiñci adento dubbaṇṇo ceva eḷamūgo ca hoti.

    абижа ааваасамажчариязна лохаг̇зхз бажжад̇и. гуламажчариязна аббалаабхо ход̇и. лаабхамажчариязна г̇уут̇анираяз ниб̣б̣ад̇д̇ад̇и. ван̣н̣амажчариязна бхавз бхавз ниб̣б̣ад̇д̇асса ван̣н̣о наама на ход̇и. д̇хаммамажчариязна гуггул̣анираяз ниб̣б̣ад̇д̇ад̇ийд̇и.

    Apica āvāsamacchariyena lohagehe paccati. Kulamacchariyena appalābho hoti. Lābhamacchariyena gūthaniraye nibbattati. Vaṇṇamacchariyena bhave bhave nibbattassa vaṇṇo nāma na hoti. Dhammamacchariyena kukkuḷaniraye nibbattatīti.

    мажчарааяанавасзна мажчзрам̣. мажчарааяанаагааро мажчарааяанаа. мажчарзна аяид̇асса мажчзрасаман̇г̇ино бхааво мажчарааяид̇ад̇д̇ам̣. ‘маяхамзва хонд̇у маа ан̃н̃ассаа’д̇и саб̣б̣ааби ад̇д̇ано самбад̇д̇ияо б̣яаабзд̇ум̣ на ижчад̇ийд̇и вивижчо. вивижчасса бхааво взвижчам̣, муд̣̇умажчарияассзд̇ам̣ наамам̣. гад̣̇арияо вужжад̇и анаад̣̇аро. д̇асса бхааво гад̣̇арияам̣. т̇ад̣̇д̇хамажчарияассзд̇ам̣ наамам̣. д̇зна хи саманнааг̇ад̇о буг̇г̇ало барамби барзсам̣ д̣̇ад̣̇амаанам̣ ниваарзд̇и. вуд̇д̇амби жзд̇ам̣ –

    Maccharāyanavasena maccheraṃ. Maccharāyanākāro maccharāyanā. Maccharena ayitassa maccherasamaṅgino bhāvo maccharāyitattaṃ. ‘Mayhameva hontu mā aññassā’ti sabbāpi attano sampattiyo byāpetuṃ na icchatīti viviccho. Vivicchassa bhāvo vevicchaṃ, mudumacchariyassetaṃ nāmaṃ. Kadariyo vuccati anādaro. Tassa bhāvo kadariyaṃ. Thaddhamacchariyassetaṃ nāmaṃ. Tena hi samannāgato puggalo parampi paresaṃ dadamānaṃ nivāreti. Vuttampi cetaṃ –

    гад̣̇арияо баабасан̇габбо, мижчаад̣̇идти анаад̣̇аро;

    Kadariyo pāpasaṅkappo, micchādiṭṭhi anādaro;

    д̣̇ад̣̇амаанам̣ ниваарзд̇и, яаажамаанаана бхож̇ананд̇и. (сам̣. ни. 1.132);

    Dadamānaṃ nivāreti, yācamānāna bhojananti. (saṃ. ni. 1.132);

    яаажагз д̣̇исваа гадугабхаавзна жид̇д̇ам̣ ан̃жад̇и сан̇гожзд̇ийд̇и гадуган̃жуго. д̇асса бхааво гадуган̃жугад̇аа. абаро наяо – гадуган̃жугад̇аа вужжад̇и гадажчуг̇г̇аахо. самад̇ид̇д̇игабун̣н̣ааяа хи угкалияаа бхад̇д̇ам̣ г̇ан̣ханд̇о саб̣б̣ад̇обхааг̇зна сан̇гудид̇зна аг̇г̇агадажчунаа г̇ан̣хаад̇и, буурзд̇ваа г̇ахзд̇ум̣ на саггод̇и; звам̣ мажчарибуг̇г̇аласса жид̇д̇ам̣ сан̇гужад̇и. д̇асмим̣ сан̇гужид̇з гааяоби д̇ат̇зва сан̇гужад̇и, бадигудад̇и, бадинивад̇д̇ад̇и, на самбасаарияад̇ийд̇и мажчзрам̣ ‘гадуган̃жугад̇аа’д̇и вуд̇д̇ам̣.

    Yācake disvā kaṭukabhāvena cittaṃ añcati saṅkocetīti kaṭukañcuko. Tassa bhāvo kaṭukañcukatā. Aparo nayo – kaṭukañcukatā vuccati kaṭacchuggāho. Samatittikapuṇṇāya hi ukkhaliyā bhattaṃ gaṇhanto sabbatobhāgena saṅkuṭitena aggakaṭacchunā gaṇhāti, pūretvā gahetuṃ na sakkoti; evaṃ maccharipuggalassa cittaṃ saṅkucati. Tasmiṃ saṅkucite kāyopi tatheva saṅkucati, paṭikuṭati, paṭinivattati, na sampasāriyatīti maccheraṃ ‘kaṭukañcukatā’ti vuttaṃ.

    аг̇г̇ахид̇ад̇д̇ам̣ жид̇д̇ассаад̇и барзсам̣ убагаарагаран̣з д̣̇аанаад̣̇инаа аагаарзна яат̇аа на самбасаарияад̇и, звам̣ ааварид̇ваа г̇ахид̇абхааво жид̇д̇асса. яасмаа бана мажчарибуг̇г̇ало ад̇д̇ано санд̇агам̣ барзсам̣ ад̣̇аад̇угаамо ход̇и барасанд̇агам̣ г̇ан̣хид̇угаамо, д̇асмаа ‘ид̣̇ам̣ ажчарияам̣ маяхамзва ход̇у, маа ан̃н̃ассаа’д̇и бавад̇д̇ивасзнасса ад̇д̇асамбад̇д̇иниг̇ууханалагкан̣ад̇аа ад̇д̇асамбад̇д̇иг̇г̇ахан̣алагкан̣ад̇аа ваа взд̣̇ид̇аб̣б̣аа. сзсам̣ имасмим̣ г̇ожчагз уд̇д̇аанад̇т̇амзва.

    Aggahitattaṃ cittassāti paresaṃ upakārakaraṇe dānādinā ākārena yathā na sampasāriyati, evaṃ āvaritvā gahitabhāvo cittassa. Yasmā pana maccharipuggalo attano santakaṃ paresaṃ adātukāmo hoti parasantakaṃ gaṇhitukāmo, tasmā ‘idaṃ acchariyaṃ mayhameva hotu, mā aññassā’ti pavattivasenassa attasampattinigūhanalakkhaṇatā attasampattiggahaṇalakkhaṇatā vā veditabbā. Sesaṃ imasmiṃ gocchake uttānatthameva.

    имаани бана сам̣яож̇анаани гилзсабадибаадияааби аахарид̇ум̣ ваддад̇и маг̇г̇абадибаадияааби. гилзсабадибаадияаа гаамарааг̇абадигхасам̣яож̇анаани анааг̇аамимаг̇г̇зна бахийяанд̇и, маанасам̣яож̇анам̣ арахад̇д̇амаг̇г̇зна, д̣̇идтивижигижчаасийлаб̣б̣ад̇абараамаасаа сод̇аабад̇д̇имаг̇г̇зна, бхаварааг̇асам̣яож̇анам̣ арахад̇д̇амаг̇г̇зна, иссаамажчарияаани сод̇аабад̇д̇имаг̇г̇зна, авиж̇ж̇аа арахад̇д̇амаг̇г̇зна. маг̇г̇абадибаадияаа д̣̇идтивижигижчаасийлаб̣б̣ад̇абараамаасаиссаамажчарияаани сод̇аабад̇д̇имаг̇г̇зна бахийяанд̇и, гаамарааг̇абадигхаа анааг̇аамимаг̇г̇зна, маанабхаварааг̇аавиж̇ж̇аа арахад̇д̇амаг̇г̇знаад̇и.

    Imāni pana saṃyojanāni kilesapaṭipāṭiyāpi āharituṃ vaṭṭati maggapaṭipāṭiyāpi. Kilesapaṭipāṭiyā kāmarāgapaṭighasaṃyojanāni anāgāmimaggena pahīyanti, mānasaṃyojanaṃ arahattamaggena, diṭṭhivicikicchāsīlabbataparāmāsā sotāpattimaggena, bhavarāgasaṃyojanaṃ arahattamaggena, issāmacchariyāni sotāpattimaggena, avijjā arahattamaggena. Maggapaṭipāṭiyā diṭṭhivicikicchāsīlabbataparāmāsaissāmacchariyāni sotāpattimaggena pahīyanti, kāmarāgapaṭighā anāgāmimaggena, mānabhavarāgaavijjā arahattamaggenāti.

    1140. г̇ант̇аг̇ожчагз наамагааяам̣ г̇ант̇зд̇и, жуд̇ибадисанд̇хивасзна ваддасмим̣ гхадзд̇ийд̇и гааяаг̇ант̇о. саб̣б̣ан̃н̃убхаасид̇амби бадигкибид̇ваа сассад̇о лого ид̣̇амзва сажжам̣ могхаман̃н̃анд̇и иминаа аагаарзна абхинивисад̇ийд̇и ид̣̇ам̣сажжаабхинивзсо. яасмаа бана абхиж̇жхаагаамарааг̇аанам̣ висзсо ад̇т̇и, д̇асмаа абхиж̇жхаагааяаг̇ант̇асса бад̣̇абхааж̇анз ‘‘яо гаамзсу гаамажчанд̣̇о гаамарааг̇о’’д̇и авад̇ваа яо рааг̇о саарааг̇од̇иаад̣̇и вуд̇д̇ам̣. иминаа яам̣ хздтаа вуд̇д̇ам̣ ‘б̣рахмаанам̣ вимаанаад̣̇ийсу чанд̣̇арааг̇о гаамаасаво на ход̇и, г̇ант̇аг̇ожчагам̣ бад̇ваа абхиж̇жхаагааяаг̇ант̇о ход̇ий’д̇и д̇ам̣ сувуд̇д̇анд̇и взд̣̇ид̇аб̣б̣ам̣. барад̇о гилзсаг̇ожчагзби зсзва наяо. табзд̇ваа сийлаб̣б̣ад̇абараамаасанд̇и ид̣̇ам̣ яасмаа сийлаб̣б̣ад̇абараамаасо ‘ид̣̇амзва сажжа’нд̇иаад̣̇инаа аагаарзна наабхинивисад̇и, ‘сийлзна суд̣̇д̇хий’д̇иаад̣̇инаа зва бана абхинивисад̇и, д̇асмаа мижчаад̣̇идтибхууд̇амби д̇ам̣ бадигкибанд̇о ‘табзд̇ваа’д̇и ааха.

    1140. Ganthagocchake nāmakāyaṃ gantheti, cutipaṭisandhivasena vaṭṭasmiṃ ghaṭetīti kāyagantho. Sabbaññubhāsitampi paṭikkhipitvā sassato loko idameva saccaṃ moghamaññanti iminā ākārena abhinivisatīti idaṃsaccābhiniveso. Yasmā pana abhijjhākāmarāgānaṃ viseso atthi, tasmā abhijjhākāyaganthassa padabhājane ‘‘yo kāmesu kāmacchando kāmarāgo’’ti avatvā yo rāgo sārāgotiādi vuttaṃ. Iminā yaṃ heṭṭhā vuttaṃ ‘brahmānaṃ vimānādīsu chandarāgo kāmāsavo na hoti, ganthagocchakaṃ patvā abhijjhākāyagantho hotī’ti taṃ suvuttanti veditabbaṃ. Parato kilesagocchakepi eseva nayo. Ṭhapetvā sīlabbataparāmāsanti idaṃ yasmā sīlabbataparāmāso ‘idameva sacca’ntiādinā ākārena nābhinivisati, ‘sīlena suddhī’tiādinā eva pana abhinivisati, tasmā micchādiṭṭhibhūtampi taṃ paṭikkhipanto ‘ṭhapetvā’ti āha.

    1162. нийваран̣аг̇ожчагасса т̇инамид̣̇д̇ханид̣̇д̣̇зсз жид̇д̇асса агаллад̇аад̇и жид̇д̇асса г̇илаанабхааво. г̇илаано хи агаллагод̇и вужжад̇и. винаязби вуд̇д̇ам̣ – ‘‘наахам̣, бханд̇з, агаллаго’’д̇и (баараа. 151). агамман̃н̃ад̇аад̇и жид̇д̇аг̇злан̃н̃асан̇каад̇ова агамман̃н̃ад̇аагааро. олийяанаад̇и олийяанаагааро. ирияаабат̇игажид̇д̇ан̃хи ирияаабат̇ам̣ санд̇хаарзд̇ум̣ асаггонд̇ам̣, ругкз ваг̇г̇ули вияа, кийлз лаг̇г̇ид̇апаан̣ид̇аваараго вияа жа, олийяад̇и. д̇асса д̇ам̣ аагаарам̣ санд̇хааяа олийяанаад̇и вуд̇д̇ам̣. д̣̇уд̇ияабад̣̇ам̣ убасаг̇г̇авасзна вад̣дхид̇ам̣. лийнанд̇и авибпааригад̇ааяа бадигудид̇ам̣. ид̇арз д̣̇вз аагаарабхааванид̣̇д̣̇зсаа. т̇инанд̇и саббибин̣д̣о вияа авибпааригад̇ааяа гханабхаавзна тид̇ам̣. т̇ияанаад̇и аагааранид̣̇д̣̇зсо. т̇ияид̇абхааво т̇ияид̇ад̇д̇ам̣, авибпааравасзнзва т̇ад̣̇д̇хад̇аад̇и ад̇т̇о.

    1162. Nīvaraṇagocchakassa thinamiddhaniddese cittassa akallatāti cittassa gilānabhāvo. Gilāno hi akallakoti vuccati. Vinayepi vuttaṃ – ‘‘nāhaṃ, bhante, akallako’’ti (pārā. 151). Akammaññatāti cittagelaññasaṅkhātova akammaññatākāro. Olīyanāti olīyanākāro. Iriyāpathikacittañhi iriyāpathaṃ sandhāretuṃ asakkontaṃ, rukkhe vagguli viya, khīle laggitaphāṇitavārako viya ca, olīyati. Tassa taṃ ākāraṃ sandhāya olīyanāti vuttaṃ. Dutiyapadaṃ upasaggavasena vaḍḍhitaṃ. Līnanti avipphārikatāya paṭikuṭitaṃ. Itare dve ākārabhāvaniddesā. Thinanti sappipiṇḍo viya avipphārikatāya ghanabhāvena ṭhitaṃ. Thiyanāti ākāraniddeso. Thiyitabhāvo thiyitattaṃ, avipphāravaseneva thaddhatāti attho.

    1163. гааяассаад̇и канд̇хад̇д̇аяасан̇каад̇асса наамагааяасса. агаллад̇аа агамман̃н̃ад̇аад̇и хздтаа вуд̇д̇анаяамзва. мзгхо вияа аагаасам̣ гааяам̣ онаяхад̇ийд̇и онаахо. саб̣б̣ад̇обхааг̇зна онаахо барияонаахо. аб̣бханд̇арз саморунд̇хад̇ийд̇и анд̇осамород̇хо. яат̇аа хи наг̇арз рунд̇хид̇ваа г̇ахид̇з мануссаа б̣ахи нигкамид̇ум̣ на лабханд̇и, звамби мид̣̇д̇хзна саморуд̣̇д̇хаа д̇хаммаа вибпааравасзна нигкамид̇ум̣ на лабханд̇и. д̇асмаа анд̇осамород̇ход̇и вуд̇д̇ам̣. мзд̇хад̇ийд̇и мид̣̇д̇хам̣; агамман̃н̃абхаавзна вихим̣сад̇ийд̇и ад̇т̇о. субанд̇и д̇знаад̇и соббам̣. агкид̣̇алаад̣̇ийнам̣ бажалабхаавам̣ гарод̇ийд̇и бажалааяигаа. субанаа субид̇ад̇д̇анд̇и аагаарабхааванид̣̇д̣̇зсаа. яам̣ бана д̇зсам̣ бурад̇о соббабад̣̇ам̣ д̇асса бунаважанз гааран̣ам̣ вуд̇д̇амзва. ид̣̇ам̣ вужжад̇и т̇инамид̣̇д̇ханийваран̣анд̇и ид̣̇ам̣ т̇инан̃жа мид̣̇д̇хан̃жа згад̇о гад̇ваа ааваран̣адтзна т̇инамид̣̇д̇ханийваран̣анд̇и вужжад̇и. яам̣ язбхуяязна сзгкабут̇уж̇ж̇анаанам̣ нид̣̇д̣̇ааяа буб̣б̣абхааг̇аабарабхааг̇зсу уббаж̇ж̇ад̇и д̇ам̣ арахад̇д̇амаг̇г̇зна самужчиж̇ж̇ад̇и. кийн̣аасаваанам̣ бана гараж̇агааяасса д̣̇уб̣б̣алабхаавзна бхаван̇г̇од̇аран̣ам̣ ход̇и, д̇асмим̣ асаммиссз вад̇д̇амаанз д̇з субанд̇и, саа нзсам̣ нид̣̇д̣̇аа наама ход̇и. д̇знааха бхаг̇аваа – ‘‘абхиж̇аанаами ко банаахам̣, аг̇г̇ивзссана, г̇имхаанам̣ бажчимз маасз жад̇уг̇г̇ун̣ам̣ сан̇гхаадим̣ бан̃н̃абзд̇ваа д̣̇агкин̣зна бассзна сад̇о самбаж̇аано нид̣̇д̣̇ам̣ оггамид̇аа’’д̇и (ма. ни. 1.387). зваруубо банааяам̣ гараж̇агааяасса д̣̇уб̣б̣алабхааво на маг̇г̇аваж̇жхо, убаад̣̇иннагзби анубаад̣̇иннагзби лаб̣бхад̇и. убаад̣̇иннагз лаб̣бхамаано яад̣̇аа кийн̣аасаво д̣̇ийгхамаг̇г̇ам̣ г̇ад̇о ход̇и, ан̃н̃ад̇арам̣ ваа бана гаммам̣ гад̇ваа гиланд̇о, зваруубз гаалз лаб̣бхад̇и. анубаад̣̇иннагз лаб̣бхамаано бан̣н̣абубпзсу лаб̣бхад̇и. згажжаанан̃хи ругкаанам̣ бан̣н̣аани суурияаад̇абзна басаарияанд̇и рад̇д̇им̣ бадигуданд̇и, бад̣̇умабубпаад̣̇ийни суурияаад̇абзна бубпанд̇и, рад̇д̇им̣ буна бадигуданд̇и . ид̣̇ам̣ бана мид̣̇д̇хам̣ агусалад̇д̇аа кийн̣аасаваанам̣ на ход̇ийд̇и.

    1163. Kāyassāti khandhattayasaṅkhātassa nāmakāyassa. Akallatā akammaññatāti heṭṭhā vuttanayameva. Megho viya ākāsaṃ kāyaṃ onayhatīti onāho. Sabbatobhāgena onāho pariyonāho. Abbhantare samorundhatīti antosamorodho. Yathā hi nagare rundhitvā gahite manussā bahi nikkhamituṃ na labhanti, evampi middhena samoruddhā dhammā vipphāravasena nikkhamituṃ na labhanti. Tasmā antosamorodhoti vuttaṃ. Medhatīti middhaṃ; akammaññabhāvena vihiṃsatīti attho. Supanti tenāti soppaṃ. Akkhidalādīnaṃ pacalabhāvaṃ karotīti pacalāyikā. Supanā supitattanti ākārabhāvaniddesā. Yaṃ pana tesaṃ purato soppapadaṃ tassa punavacane kāraṇaṃ vuttameva. Idaṃ vuccati thinamiddhanīvaraṇanti idaṃ thinañca middhañca ekato katvā āvaraṇaṭṭhena thinamiddhanīvaraṇanti vuccati. Yaṃ yebhuyyena sekkhaputhujjanānaṃ niddāya pubbabhāgaaparabhāgesu uppajjati taṃ arahattamaggena samucchijjati. Khīṇāsavānaṃ pana karajakāyassa dubbalabhāvena bhavaṅgotaraṇaṃ hoti, tasmiṃ asammisse vattamāne te supanti, sā nesaṃ niddā nāma hoti. Tenāha bhagavā – ‘‘abhijānāmi kho panāhaṃ, aggivessana, gimhānaṃ pacchime māse catugguṇaṃ saṅghāṭiṃ paññapetvā dakkhiṇena passena sato sampajāno niddaṃ okkamitā’’ti (ma. ni. 1.387). Evarūpo panāyaṃ karajakāyassa dubbalabhāvo na maggavajjho, upādinnakepi anupādinnakepi labbhati. Upādinnake labbhamāno yadā khīṇāsavo dīghamaggaṃ gato hoti, aññataraṃ vā pana kammaṃ katvā kilanto, evarūpe kāle labbhati. Anupādinnake labbhamāno paṇṇapupphesu labbhati. Ekaccānañhi rukkhānaṃ paṇṇāni sūriyātapena pasāriyanti rattiṃ paṭikuṭanti, padumapupphādīni sūriyātapena pupphanti, rattiṃ puna paṭikuṭanti . Idaṃ pana middhaṃ akusalattā khīṇāsavānaṃ na hotīti.

    д̇ад̇т̇а сияаа – ‘‘на мид̣̇д̇хам̣ агусалам̣. гасмаа? руубад̇д̇аа. руубан̃хи аб̣яаагад̇ам̣. ид̣̇ан̃жа руубам̣. д̇знзвзд̇т̇а ‘гааяасса агаллад̇аа агамман̃н̃ад̇аа’д̇и гааяаг̇г̇ахан̣ам̣ гад̇а’’нд̇и. яад̣̇и ‘гааяассаа’д̇и вуд̇д̇амад̇д̇знзвзд̇ам̣ руубам̣, гааяабассад̣̇д̇хаад̣̇аяоби д̇хаммаа руубамзва бхавзяяум̣. ‘сукан̃жа гааязна бадисам̣взд̣̇зд̇и’ (д̇ха. са. 163; д̣̇ий. ни. 1.230) ‘гааязна жзва барамасажжам̣ сажчигарод̇ий’д̇и (ма. ни. 2.183; а. ни. 4.113) сукабадисам̣взд̣̇анабарамад̇т̇асажжасажчигаран̣ааниби руубагааязнзва сияум̣. д̇асмаа на вад̇д̇аб̣б̣амзд̇ам̣ ‘руубам̣ мид̣̇д̇ха’нд̇и. наамагааяо хзд̇т̇а гааяо наама. яад̣̇и наамагааяо, ат̇а гасмаа ‘соббам̣ бажалааяигаа’д̇и вуд̇д̇ам̣? на хи наамагааяо субад̇и, на жа бажалааяад̇ийд̇и. ‘лин̇г̇аад̣̇ийни вияа инд̣̇рияасса, д̇асса палад̇д̇аа. яат̇аа хи ‘ид̇т̇илин̇г̇ам̣ ид̇т̇инимид̇д̇ам̣ ид̇т̇игуд̇д̇ам̣ ид̇т̇аагаббо’д̇и имаани лин̇г̇аад̣̇ийни ид̇т̇инд̣̇рияасса палад̇д̇аа вуд̇д̇аани, звам̣ имассааби наамагааяаг̇злан̃н̃асан̇каад̇асса мид̣̇д̇хасса палад̇д̇аа соббаад̣̇ийни вуд̇д̇аани. мид̣̇д̇хз хи сад̇и д̇аани хонд̇ийд̇и. палуубажаарзна, мид̣̇д̇хам̣ аруубамби самаанам̣ ‘соббам̣ бажалааяигаа субанаа субид̇ад̇д̇а’нд̇и вуд̇д̇ам̣.

    Tattha siyā – ‘‘na middhaṃ akusalaṃ. Kasmā? Rūpattā. Rūpañhi abyākataṃ. Idañca rūpaṃ. Tenevettha ‘kāyassa akallatā akammaññatā’ti kāyaggahaṇaṃ kata’’nti. Yadi ‘kāyassā’ti vuttamattenevetaṃ rūpaṃ, kāyapassaddhādayopi dhammā rūpameva bhaveyyuṃ. ‘Sukhañca kāyena paṭisaṃvedeti’ (dha. sa. 163; dī. ni. 1.230) ‘kāyena ceva paramasaccaṃ sacchikarotī’ti (ma. ni. 2.183; a. ni. 4.113) sukhapaṭisaṃvedanaparamatthasaccasacchikaraṇānipi rūpakāyeneva siyuṃ. Tasmā na vattabbametaṃ ‘rūpaṃ middha’nti. Nāmakāyo hettha kāyo nāma. Yadi nāmakāyo, atha kasmā ‘soppaṃ pacalāyikā’ti vuttaṃ? Na hi nāmakāyo supati, na ca pacalāyatīti. ‘Liṅgādīni viya indriyassa, tassa phalattā. Yathā hi ‘itthiliṅgaṃ itthinimittaṃ itthikuttaṃ itthākappo’ti imāni liṅgādīni itthindriyassa phalattā vuttāni, evaṃ imassāpi nāmakāyagelaññasaṅkhātassa middhassa phalattā soppādīni vuttāni. Middhe hi sati tāni hontīti. Phalūpacārena, middhaṃ arūpampi samānaṃ ‘soppaṃ pacalāyikā supanā supitatta’nti vuttaṃ.

    ‘агкид̣̇алаад̣̇ийнам̣ бажалабхаавам̣ гарод̇ийд̇и бажалааяигаа’д̇и важанад̇т̇знааби жааяамад̇т̇о саад̇хид̇оязваад̇и на руубам̣ мид̣̇д̇хам̣. онаахаад̣̇ийхиби жасса аруубабхааво д̣̇ийбид̇оязва. на хи руубам̣ наамагааяасса ‘онаахо барияонаахо анд̇осамород̇хо’ ход̇ийд̇и. ‘нану жа иминаава гааран̣знзд̇ам̣ руубам̣? на хи аруубам̣ гассажи онаахо, на барияонаахо, на анд̇осамород̇хо ход̇ий’д̇и. яад̣̇и звам̣, ааваран̣амби на бхавзяяа. д̇асмаа. яат̇аа гаамажчанд̣̇аад̣̇аяо аруубад̇хаммаа ааваран̣адтзна нийваран̣аа, звам̣ имассааби онааханаад̣̇иад̇т̇зна онаахаад̣̇ид̇аа взд̣̇ид̇аб̣б̣аа. абижа ‘‘бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з’’д̇и (д̣̇ий. ни. 2.146; сам̣. ни. 5.233) важанад̇обзд̇ам̣ аруубам̣. на хи руубам̣ жид̇д̇убаггилзсо, на бан̃н̃ааяа д̣̇уб̣б̣алийгаран̣ам̣ ход̇ийд̇и.

    ‘Akkhidalādīnaṃ pacalabhāvaṃ karotīti pacalāyikā’ti vacanatthenāpi cāyamattho sādhitoyevāti na rūpaṃ middhaṃ. Onāhādīhipi cassa arūpabhāvo dīpitoyeva. Na hi rūpaṃ nāmakāyassa ‘onāho pariyonāho antosamorodho’ hotīti. ‘Nanu ca imināva kāraṇenetaṃ rūpaṃ? Na hi arūpaṃ kassaci onāho, na pariyonāho, na antosamorodho hotī’ti. Yadi evaṃ, āvaraṇampi na bhaveyya. Tasmā. Yathā kāmacchandādayo arūpadhammā āvaraṇaṭṭhena nīvaraṇā, evaṃ imassāpi onāhanādiatthena onāhāditā veditabbā. Apica ‘‘pañca nīvaraṇe pahāya cetaso upakkilese paññāya dubbalīkaraṇe’’ti (dī. ni. 2.146; saṃ. ni. 5.233) vacanatopetaṃ arūpaṃ. Na hi rūpaṃ cittupakkileso, na paññāya dubbalīkaraṇaṃ hotīti.

    гасмаа на ход̇и? нану вуд̇д̇ам̣ –

    Kasmā na hoti? Nanu vuttaṃ –

    ‘‘санд̇и, бхигкавз, згз саман̣аб̣раахман̣аа сурам̣ биванд̇и мзраяам̣, сураамзраяабаанаа аббадивирад̇аа, аяам̣, бхигкавз, батамо саман̣аб̣раахман̣аанам̣ убаггилзсо’’д̇и (а. ни. 4.50).

    ‘‘Santi, bhikkhave, eke samaṇabrāhmaṇā suraṃ pivanti merayaṃ, surāmerayapānā appaṭiviratā, ayaṃ, bhikkhave, paṭhamo samaṇabrāhmaṇānaṃ upakkileso’’ti (a. ni. 4.50).

    абарамби вуд̇д̇ам̣ ‘‘ча комз, г̇ахабад̇ибуд̇д̇а, аад̣̇ийнаваа сураамзраяамаж̇ж̇абамаад̣̇адтаанаануяог̇з – санд̣̇идтигаа д̇ханаж̇аани, галахаббавад̣дханий, рог̇аанам̣ ааяад̇анам̣, агид̇д̇исан̃ж̇ананий, гобийнанид̣̇ам̣саний, бан̃н̃ааяа д̣̇уб̣б̣алийгаран̣ийд̇взва чадтам̣ бад̣̇ам̣ бхавад̇ий’’д̇и (д̣̇ий. ни. 3.248). бажжагкад̇оби жзд̇ам̣ сид̣̇д̇хамзва. яат̇аа маж̇ж̇з уд̣̇араг̇ад̇з, жид̇д̇ам̣ сам̣гилиссад̇и, бан̃н̃аа д̣̇уб̣б̣алаа ход̇и, д̇асмаа маж̇ж̇ам̣ вияа мид̣̇д̇хамби жид̇д̇асам̣гилзсо жзва бан̃н̃ааяа д̣̇уб̣б̣алийгаран̣ан̃жа сияаад̇и. на, бажжаяанид̣̇д̣̇зсад̇о. яад̣̇и хи маж̇ж̇ам̣ сам̣гилзсо бхавзяяа, со ‘‘имз бан̃жа нийваран̣з бахааяа жзд̇асо убаггилзсз’’д̇и (ма. ни. 1.297) ваа, ‘‘звамзва ко, бхигкавз, бан̃жимз жид̇д̇асса убаггилзсаа, язхи убаггилзсзхи убаггилидтам̣ жид̇д̇ам̣ на жзва муд̣̇у ход̇и, на жа гамманияам̣, на жа бабхассарам̣, бабхан̇г̇у жа, на жа саммаа самаад̇хияад̇и аасаваанам̣ каяааяа. гад̇амз бан̃жа? гаамажчанд̣̇о, бхигкавз, жид̇д̇асса убаггилзсо’’д̇и (сам̣. ни. 5.214) ваа, ‘‘гад̇амз жа, бхигкавз, жид̇д̇асса убаггилзсаа? абхиж̇жхаа висамалобхо жид̇д̇асса убаггилзсо’’д̇и (ма. ни. 1.71) ваа – звамаад̣̇ийсу убаггилзсанид̣̇д̣̇зсзсу нид̣̇д̣̇зсам̣ ааг̇ажчзяяа. яасмаа бана д̇асмим̣ бийд̇з убаггилзсаа уббаж̇ж̇анд̇и яз жид̇д̇асам̣гилзсаа жзва бан̃н̃ааяа жа д̣̇уб̣б̣алийгаран̣аа хонд̇и, д̇асмаа д̇ам̣ д̇зсам̣ бажжаяад̇д̇аа бажжаяанид̣̇д̣̇зсад̇о звам̣ вуд̇д̇ам̣. мид̣̇д̇хам̣ бана саяамзва жид̇д̇асса сам̣гилзсо жзва бан̃н̃ааяа д̣̇уб̣б̣алийгаран̣ан̃жаад̇и аруубамзва мид̣̇д̇хам̣.

    Aparampi vuttaṃ ‘‘cha khome, gahapatiputta, ādīnavā surāmerayamajjapamādaṭṭhānānuyoge – sandiṭṭhikā dhanajāni, kalahappavaḍḍhanī, rogānaṃ āyatanaṃ, akittisañjananī, kopīnanidaṃsanī, paññāya dubbalīkaraṇītveva chaṭṭhaṃ padaṃ bhavatī’’ti (dī. ni. 3.248). Paccakkhatopi cetaṃ siddhameva. Yathā majje udaragate, cittaṃ saṃkilissati, paññā dubbalā hoti, tasmā majjaṃ viya middhampi cittasaṃkileso ceva paññāya dubbalīkaraṇañca siyāti. Na, paccayaniddesato. Yadi hi majjaṃ saṃkileso bhaveyya, so ‘‘ime pañca nīvaraṇe pahāya cetaso upakkilese’’ti (ma. ni. 1.297) vā, ‘‘evameva kho, bhikkhave, pañcime cittassa upakkilesā, yehi upakkilesehi upakkiliṭṭhaṃ cittaṃ na ceva mudu hoti, na ca kammaniyaṃ, na ca pabhassaraṃ, pabhaṅgu ca, na ca sammā samādhiyati āsavānaṃ khayāya. Katame pañca? Kāmacchando, bhikkhave, cittassa upakkileso’’ti (saṃ. ni. 5.214) vā, ‘‘katame ca, bhikkhave, cittassa upakkilesā? Abhijjhā visamalobho cittassa upakkileso’’ti (ma. ni. 1.71) vā – evamādīsu upakkilesaniddesesu niddesaṃ āgaccheyya. Yasmā pana tasmiṃ pīte upakkilesā uppajjanti ye cittasaṃkilesā ceva paññāya ca dubbalīkaraṇā honti, tasmā taṃ tesaṃ paccayattā paccayaniddesato evaṃ vuttaṃ. Middhaṃ pana sayameva cittassa saṃkileso ceva paññāya dubbalīkaraṇañcāti arūpameva middhaṃ.

    гин̃жа бхияяо? самбаяог̇аважанад̇о. ‘‘т̇инамид̣̇д̇ханийваран̣ам̣ авиж̇ж̇аанийваран̣зна нийваран̣ан̃жзва нийваран̣асамбаяуд̇д̇ан̃жаа’’д̇и (д̇ха. са. 1176) хи вуд̇д̇ам̣. д̇асмаа самбаяог̇аважанад̇о наяид̣̇ам̣ руубам̣. на хи руубам̣ самбаяуд̇д̇асан̇кяам̣ лабхад̇ийд̇и. ат̇ааби сияаа – ‘яат̇аалаабхавасзнзд̇ам̣ вуд̇д̇ам̣. яат̇аа хи ‘‘сиббисамб̣угамби сагкарагат̇аламби мажчаг̇умб̣амби жаранд̇амби д̇идтанд̇амбий’’д̇и (д̣̇ий. ни. 1.249; ма. ни. 1.433) звам̣ згад̇о гад̇ваа яат̇аалаабхавасзна вуд̇д̇ам̣. сагкарагат̇алан̃хи д̇идтад̇и язва на жарад̇и, ид̇арад̣̇ваяам̣ д̇идтад̇иби жарад̇иби. звамид̇хааби мид̣̇д̇хам̣ нийваран̣амзва, на самбаяуд̇д̇ам̣ , т̇инам̣ нийваран̣амби самбаяуд̇д̇амбийд̇и саб̣б̣ам̣ згад̇о гад̇ваа яат̇аалаабхавасзна ‘‘нийваран̣ан̃жзва нийваран̣асамбаяуд̇д̇ан̃жаа’’д̇и вуд̇д̇ам̣. мид̣̇д̇хам̣ бана яат̇аа сагкарагат̇алам̣ д̇идтад̇зва на жарад̇и, звам̣ нийваран̣амзва, на самбаяуд̇д̇ам̣. д̇асмаа руубамзва мид̣̇д̇ханд̇и. на, руубабхааваасид̣̇д̇хид̇о. сагкарагат̇алан̃хи на жарад̇ийд̇и винааби суд̇д̇зна сид̣̇д̇хам̣. д̇асмаа д̇ад̇т̇а яат̇аалаабхавасзнад̇т̇о ход̇у . мид̣̇д̇хам̣ бана руубанд̇и асид̣̇д̇хамзд̇ам̣. на саггаа д̇асса иминаа суд̇д̇зна руубабхааво саад̇хзд̇унд̇и мид̣̇д̇хасса руубабхааваасид̣̇д̇хид̇о на ид̣̇ам̣ яат̇аалаабхавасзна вуд̇д̇анд̇и аруубамзва мид̣̇д̇хам̣.

    Kiñca bhiyyo? Sampayogavacanato. ‘‘Thinamiddhanīvaraṇaṃ avijjānīvaraṇena nīvaraṇañceva nīvaraṇasampayuttañcā’’ti (dha. sa. 1176) hi vuttaṃ. Tasmā sampayogavacanato nayidaṃ rūpaṃ. Na hi rūpaṃ sampayuttasaṅkhyaṃ labhatīti. Athāpi siyā – ‘yathālābhavasenetaṃ vuttaṃ. Yathā hi ‘‘sippisambukampi sakkharakathalampi macchagumbampi carantampi tiṭṭhantampī’’ti (dī. ni. 1.249; ma. ni. 1.433) evaṃ ekato katvā yathālābhavasena vuttaṃ. Sakkharakathalañhi tiṭṭhati yeva na carati, itaradvayaṃ tiṭṭhatipi caratipi. Evamidhāpi middhaṃ nīvaraṇameva, na sampayuttaṃ , thinaṃ nīvaraṇampi sampayuttampīti sabbaṃ ekato katvā yathālābhavasena ‘‘nīvaraṇañceva nīvaraṇasampayuttañcā’’ti vuttaṃ. Middhaṃ pana yathā sakkharakathalaṃ tiṭṭhateva na carati, evaṃ nīvaraṇameva, na sampayuttaṃ. Tasmā rūpameva middhanti. Na, rūpabhāvāsiddhito. Sakkharakathalañhi na caratīti vināpi suttena siddhaṃ. Tasmā tattha yathālābhavasenattho hotu . Middhaṃ pana rūpanti asiddhametaṃ. Na sakkā tassa iminā suttena rūpabhāvo sādhetunti middhassa rūpabhāvāsiddhito na idaṃ yathālābhavasena vuttanti arūpameva middhaṃ.

    гин̃жа бхияяо? ‘жад̇д̇ад̇д̇аа’д̇иаад̣̇иважанад̇о. вибхан̇г̇асмин̃хи ‘‘виг̇ад̇ат̇инамид̣̇д̇ход̇и д̇асса т̇инамид̣̇д̇хасса жад̇д̇ад̇д̇аа ванд̇ад̇д̇аа муд̇д̇ад̇д̇аа бахийнад̇д̇аа бадиниссадтад̇д̇аа, д̇зна вужжад̇и виг̇ад̇ат̇инамид̣̇д̇хо’’д̇и (вибха. 547) жа, ‘‘ид̣̇ам̣ жид̇д̇ам̣ имамхаа т̇инамид̣̇д̇хаа сод̇хзд̇и висод̇хзд̇и барисод̇хзд̇и можзд̇и виможзд̇и бариможзд̇и, д̇зна вужжад̇и т̇инамид̣̇д̇хаа жид̇д̇ам̣ барисод̇хзд̇и’’ жаад̇и (вибха. 551) – звам̣ ‘жад̇д̇ад̇д̇аа’д̇иаад̣̇и вуд̇д̇ам̣. на жа ‘руубам̣’ звам̣ вужжад̇и, д̇асмааби аруубамзва мид̣̇д̇ханд̇и. на, жид̇д̇аж̇ассаасамбхававажанад̇о. д̇ивид̇хан̃хи мид̣̇д̇хам̣ – жид̇д̇аж̇ам̣ уд̇уж̇ам̣ аахаараж̇ан̃жа. д̇асмаа яам̣ д̇ад̇т̇а жид̇д̇аж̇ам̣ д̇асса вибхан̇г̇з жхаанажид̇д̇зхи асамбхаво вуд̇д̇о, на аруубабхааво саад̇хид̇од̇и руубамзва мид̣̇д̇ханд̇и. на, руубабхааваасид̣̇д̇хид̇ова. мид̣̇д̇хасса хи руубабхаавз сид̣̇д̇хз саггаа зд̇ам̣ лад̣̇д̇хум̣. д̇ад̇т̇а жид̇д̇аж̇ассаасамбхаво вуд̇д̇о. со зва жа на сиж̇жхад̇ийд̇и аруубамзва мид̣̇д̇хам̣.

    Kiñca bhiyyo? ‘Cattattā’tiādivacanato. Vibhaṅgasmiñhi ‘‘vigatathinamiddhoti tassa thinamiddhassa cattattā vantattā muttattā pahīnattā paṭinissaṭṭhattā, tena vuccati vigatathinamiddho’’ti (vibha. 547) ca, ‘‘idaṃ cittaṃ imamhā thinamiddhā sodheti visodheti parisodheti moceti vimoceti parimoceti, tena vuccati thinamiddhā cittaṃ parisodheti’’ cāti (vibha. 551) – evaṃ ‘cattattā’tiādi vuttaṃ. Na ca ‘rūpaṃ’ evaṃ vuccati, tasmāpi arūpameva middhanti. Na, cittajassāsambhavavacanato. Tividhañhi middhaṃ – cittajaṃ utujaṃ āhārajañca. Tasmā yaṃ tattha cittajaṃ tassa vibhaṅge jhānacittehi asambhavo vutto, na arūpabhāvo sādhitoti rūpameva middhanti. Na, rūpabhāvāsiddhitova. Middhassa hi rūpabhāve siddhe sakkā etaṃ laddhuṃ. Tattha cittajassāsambhavo vutto. So eva ca na sijjhatīti arūpameva middhaṃ.

    гин̃жа бхияяо? бахаанаважанад̇о. бхаг̇авад̇аа хи ‘‘ча, бхигкавз, д̇хаммз бахааяа бхаб̣б̣о батамаж̇жхаанам̣ убасамбаж̇ж̇а вихарид̇ум̣; гад̇амз ча? гаамажчанд̣̇ам̣, б̣яаабаад̣̇ам̣, т̇инамид̣̇д̇хам̣, уд̣̇д̇хажжам̣, гаггужжам̣, вижигижчам̣; гаамзсу ко банасса аад̣̇ийнаво саммабан̃н̃ааяа суд̣̇идто ход̇ий’’д̇и (а. ни. 6.73) жа, ‘‘имз бан̃жа нийваран̣з бахааяа б̣алавад̇ияаа бан̃н̃ааяа ад̇д̇ад̇т̇ам̣ ваа барад̇т̇ам̣ ваа н̃ассад̇ий’’д̇и (а. ни. 5.51) жа аад̣̇ийсу мид̣̇д̇хассааби бахаанам̣ вуд̇д̇ам̣. на жа руубам̣ бахаад̇аб̣б̣ам̣. яат̇ааха – ‘‘руубагканд̇хо абхин̃н̃зяяо, барин̃н̃зяяо, на бахаад̇аб̣б̣о, на бхаавзд̇аб̣б̣о на сажчигаад̇аб̣б̣о’’д̇и (вибха. 1031) имассааби бахаанаважанад̇о аруубамзва мид̣̇д̇ханд̇и. на, руубассааби бахаанаважанад̇о. ‘‘руубам̣, бхигкавз, на д̇умхаагам̣, д̇ам̣ баж̇ахат̇аа’’д̇и (ма. ни. 1.247; сам̣. ни. 3.33). зд̇т̇а хи руубассааби бахаанам̣ вуд̇д̇амзва. д̇асмаа агааран̣амзд̇анд̇и. на, ан̃н̃ат̇аа вуд̇д̇ад̇д̇аа. д̇асмин̃хи суд̇д̇з ‘‘яо, бхигкавз, руубз чанд̣̇арааг̇авинаяо д̇ам̣ д̇ад̇т̇а бахаана’’нд̇и (сам̣. ни. 3.25) звам̣ чанд̣̇арааг̇аббахаанавасзна руубасса бахаанам̣ вуд̇д̇ам̣, на яат̇аа ‘‘ча д̇хаммз бахааяа бан̃жа нийваран̣з бахааяаа’’д̇и звам̣ бахаад̇аб̣б̣амзва вуд̇д̇анд̇и, ан̃н̃ат̇аа вуд̇д̇ад̇д̇аа, на руубам̣ мид̣̇д̇хам̣. д̇асмаа яаанзд̇аани ‘‘со имз бан̃жа нийваран̣з бахааяа жзд̇асо убаггилзсз’’д̇иаад̣̇ийни суд̇д̇аани вуд̇д̇аани, зд̇зхи жзва ан̃н̃зхи жа суд̇д̇зхи аруубамзва мид̣̇д̇ханд̇и взд̣̇ид̇аб̣б̣ам̣. д̇ат̇аа хи –

    Kiñca bhiyyo? Pahānavacanato. Bhagavatā hi ‘‘cha, bhikkhave, dhamme pahāya bhabbo paṭhamajjhānaṃ upasampajja viharituṃ; katame cha? Kāmacchandaṃ, byāpādaṃ, thinamiddhaṃ, uddhaccaṃ, kakkuccaṃ, vicikicchaṃ; kāmesu kho panassa ādīnavo sammapaññāya sudiṭṭho hotī’’ti (a. ni. 6.73) ca, ‘‘ime pañca nīvaraṇe pahāya balavatiyā paññāya attatthaṃ vā paratthaṃ vā ñassatī’’ti (a. ni. 5.51) ca ādīsu middhassāpi pahānaṃ vuttaṃ. Na ca rūpaṃ pahātabbaṃ. Yathāha – ‘‘rūpakkhandho abhiññeyyo, pariññeyyo, na pahātabbo, na bhāvetabbo na sacchikātabbo’’ti (vibha. 1031) imassāpi pahānavacanato arūpameva middhanti. Na, rūpassāpi pahānavacanato. ‘‘Rūpaṃ, bhikkhave, na tumhākaṃ, taṃ pajahathā’’ti (ma. ni. 1.247; saṃ. ni. 3.33). Ettha hi rūpassāpi pahānaṃ vuttameva. Tasmā akāraṇametanti. Na, aññathā vuttattā. Tasmiñhi sutte ‘‘yo, bhikkhave, rūpe chandarāgavinayo taṃ tattha pahāna’’nti (saṃ. ni. 3.25) evaṃ chandarāgappahānavasena rūpassa pahānaṃ vuttaṃ, na yathā ‘‘cha dhamme pahāya pañca nīvaraṇe pahāyā’’ti evaṃ pahātabbameva vuttanti, aññathā vuttattā, na rūpaṃ middhaṃ. Tasmā yānetāni ‘‘so ime pañca nīvaraṇe pahāya cetaso upakkilese’’tiādīni suttāni vuttāni, etehi ceva aññehi ca suttehi arūpameva middhanti veditabbaṃ. Tathā hi –

    ‘‘бан̃жимз, бхигкавз, ааваран̣аа нийваран̣аа жзд̇асо аж̇жхаарухаа бан̃н̃ааяа д̣̇уб̣б̣алийгаран̣аа. гад̇амз бан̃жа? гаамажчанд̣̇о, бхигкавз, ааваран̣о нийваран̣о…бз… т̇инамид̣̇д̇хам̣, бхигкавз, ааваран̣ам̣ нийваран̣ам̣ жзд̇асо аж̇жхаарухам̣ бан̃н̃ааяа д̣̇уб̣б̣алийгаран̣а’’нд̇и (сам̣. ни. 5.220) жа, ‘‘т̇инамид̣̇д̇ханийваран̣ам̣, бхигкавз, анд̇хагаран̣ам̣ ажагкугаран̣ам̣ ан̃н̃аан̣агаран̣ам̣ бан̃н̃аанирод̇хигам̣ вигхаад̇абагкигам̣ аниб̣б̣аанасам̣вад̇д̇анига’’нд̇и (сам̣. ни. 5.221) жа, ‘‘звамзва ко, б̣раахман̣а, яасмим̣ самаяз т̇инамид̣̇д̇хабарияудтид̇зна жзд̇асаа вихарад̇и т̇инамид̣̇д̇хабарзд̇знаа’’д̇и (сам̣. ни. 5.236) жа, ‘‘аяонисо, бхигкавз, манасигарод̇о ануббанно жзва гаамажчанд̣̇о уббаж̇ж̇ад̇и…бз… ануббаннан̃жзва т̇инамид̣̇д̇хам̣ уббаж̇ж̇ад̇ий’’д̇и (сам̣. ни. 5.216) жа, ‘‘гзвалохааяам̣, бхигкавз, агусаларааси яад̣̇ид̣̇ам̣ бан̃жа нийваран̣аа’’д̇и (сам̣. ни. 5.371) жа –

    ‘‘Pañcime, bhikkhave, āvaraṇā nīvaraṇā cetaso ajjhāruhā paññāya dubbalīkaraṇā. Katame pañca? Kāmacchando, bhikkhave, āvaraṇo nīvaraṇo…pe… thinamiddhaṃ, bhikkhave, āvaraṇaṃ nīvaraṇaṃ cetaso ajjhāruhaṃ paññāya dubbalīkaraṇa’’nti (saṃ. ni. 5.220) ca, ‘‘thinamiddhanīvaraṇaṃ, bhikkhave, andhakaraṇaṃ acakkhukaraṇaṃ aññāṇakaraṇaṃ paññānirodhikaṃ vighātapakkhikaṃ anibbānasaṃvattanika’’nti (saṃ. ni. 5.221) ca, ‘‘evameva kho, brāhmaṇa, yasmiṃ samaye thinamiddhapariyuṭṭhitena cetasā viharati thinamiddhaparetenā’’ti (saṃ. ni. 5.236) ca, ‘‘ayoniso, bhikkhave, manasikaroto anuppanno ceva kāmacchando uppajjati…pe… anuppannañceva thinamiddhaṃ uppajjatī’’ti (saṃ. ni. 5.216) ca, ‘‘kevalohāyaṃ, bhikkhave, akusalarāsi yadidaṃ pañca nīvaraṇā’’ti (saṃ. ni. 5.371) ca –

    звамаад̣̇ийни жа анзгаани зд̇асса аруубабхааваж̇од̇агаанзва суд̇д̇аани вуд̇д̇аани. яасмаа жзд̇ам̣ аруубам̣ д̇асмаа ааруббзби уббаж̇ж̇ад̇и. вуд̇д̇ан̃хзд̇ам̣ махаабагаран̣з бадтаанз – ‘‘нийваран̣ам̣ д̇хаммам̣ бадижжа нийваран̣о д̇хаммо уббаж̇ж̇ад̇и, на бурзж̇аад̇абажжаяаа’’д̇и зд̇асса вибхан̇г̇з ‘‘ааруббз гаамажчанд̣̇анийваран̣ам̣ бадижжа т̇инамид̣̇д̇хам̣… уд̣̇д̇хажжам̣ авиж̇ж̇аанийваран̣а’’нд̇и (бадтаа. 3.8.8) саб̣б̣ам̣ вид̇т̇аарзд̇аб̣б̣ам̣. д̇асмаа саннидтаанамзд̇т̇а г̇анд̇аб̣б̣ам̣ аруубамзва мид̣̇д̇ханд̇и.

    Evamādīni ca anekāni etassa arūpabhāvajotakāneva suttāni vuttāni. Yasmā cetaṃ arūpaṃ tasmā āruppepi uppajjati. Vuttañhetaṃ mahāpakaraṇe paṭṭhāne – ‘‘nīvaraṇaṃ dhammaṃ paṭicca nīvaraṇo dhammo uppajjati, na purejātapaccayā’’ti etassa vibhaṅge ‘‘āruppe kāmacchandanīvaraṇaṃ paṭicca thinamiddhaṃ… uddhaccaṃ avijjānīvaraṇa’’nti (paṭṭhā. 3.8.8) sabbaṃ vitthāretabbaṃ. Tasmā sanniṭṭhānamettha gantabbaṃ arūpameva middhanti.

    1166. гуггужжанид̣̇д̣̇зсз агаббияз габбияасан̃н̃ид̇аад̇иаад̣̇ийни муулад̇о гуггужжад̣̇ассанад̇т̇ам̣ вуд̇д̇аани. звам̣сан̃н̃ид̇ааяа хи гад̇з вийд̇игаммз, нидтид̇з вад̇т̇уж̇жхаажаарз, буна сан̃ж̇аад̇асад̇иноби ‘д̣̇удту маяаа гад̇а’нд̇и звам̣ ануд̇аббамаанасса бажчаануд̇аабавасзнзд̇ам̣ уббаж̇ж̇ад̇и. д̇зна д̇ам̣ муулад̇о д̣̇ассзд̇ум̣ ‘агаббияз габбияасан̃н̃ид̇аа’д̇иаад̣̇и вуд̇д̇ам̣. д̇ад̇т̇а агаббияабхож̇анам̣ габбияасан̃н̃ий худ̇ваа барибхун̃ж̇ад̇и, агаббияамам̣сам̣ габбияамам̣сасан̃н̃ий худ̇ваа, ажчамам̣сам̣ суугарамам̣санд̇и, д̣̇ийбимам̣сам̣ ваа миг̇амам̣санд̇и каад̣̇ад̇и; гаалз вийд̇ивад̇д̇з гааласан̃н̃ааяа, баваарзд̇ваа аббаваарид̇асан̃н̃ааяа, бад̇д̇асмим̣ раж̇з бад̇ид̇з бадиг̇г̇ахид̇асан̃н̃ааяа бхун̃ж̇ад̇и – звам̣ ‘агаббияз габбияасан̃н̃ааяа’ вийд̇иггамам̣ гарод̇и наама. суугарамам̣сам̣ бана ажчамам̣сасан̃н̃ааяа каад̣̇амаано, гаалз жа вигааласан̃н̃ааяа бхун̃ж̇амаано ‘габбияз агаббияасан̃н̃ид̇ааяа’ вийд̇иггамам̣ гарод̇и наама. анаваж̇ж̇ам̣ бана гин̃жид̣̇зва важ̇ж̇асан̃н̃ид̇ааяа, важ̇ж̇ан̃жа анаваж̇ж̇асан̃н̃ид̇ааяа гаронд̇о ‘анаваж̇ж̇з важ̇ж̇асан̃н̃ааяа важ̇ж̇з жа анаваж̇ж̇асан̃н̃ааяа’ вийд̇иггамам̣ гарод̇и наама. яасмаа банзд̇ам̣ ‘‘агад̇ам̣ вад̇а мз галяаан̣ам̣, агад̇ам̣ гусалам̣, агад̇ам̣ бхийруд̇д̇аан̣ам̣, гад̇ам̣ баабам̣, гад̇ам̣ луд̣̇д̣̇ам̣, гад̇ам̣ гиб̣б̣иса’’нд̇и звам̣ анаваж̇ж̇з важ̇ж̇асан̃н̃ид̇ааяаби гад̇з вийд̇иггамз уббаж̇ж̇ад̇и, д̇асмаасса ан̃н̃амби вад̇т̇ум̣ ануж̇аананд̇о яам̣ зваруубанд̇иаад̣̇имааха.

    1166. Kukkuccaniddese akappiye kappiyasaññitātiādīni mūlato kukkuccadassanatthaṃ vuttāni. Evaṃsaññitāya hi kate vītikamme, niṭṭhite vatthujjhācāre, puna sañjātasatinopi ‘duṭṭhu mayā kata’nti evaṃ anutappamānassa pacchānutāpavasenetaṃ uppajjati. Tena taṃ mūlato dassetuṃ ‘akappiye kappiyasaññitā’tiādi vuttaṃ. Tattha akappiyabhojanaṃ kappiyasaññī hutvā paribhuñjati, akappiyamaṃsaṃ kappiyamaṃsasaññī hutvā, acchamaṃsaṃ sūkaramaṃsanti, dīpimaṃsaṃ vā migamaṃsanti khādati; kāle vītivatte kālasaññāya, pavāretvā appavāritasaññāya, pattasmiṃ raje patite paṭiggahitasaññāya bhuñjati – evaṃ ‘akappiye kappiyasaññāya’ vītikkamaṃ karoti nāma. Sūkaramaṃsaṃ pana acchamaṃsasaññāya khādamāno, kāle ca vikālasaññāya bhuñjamāno ‘kappiye akappiyasaññitāya’ vītikkamaṃ karoti nāma. Anavajjaṃ pana kiñcideva vajjasaññitāya, vajjañca anavajjasaññitāya karonto ‘anavajje vajjasaññāya vajje ca anavajjasaññāya’ vītikkamaṃ karoti nāma. Yasmā panetaṃ ‘‘akataṃ vata me kalyāṇaṃ, akataṃ kusalaṃ, akataṃ bhīruttāṇaṃ, kataṃ pāpaṃ, kataṃ luddaṃ, kataṃ kibbisa’’nti evaṃ anavajje vajjasaññitāyapi kate vītikkame uppajjati, tasmāssa aññampi vatthuṃ anujānanto yaṃ evarūpantiādimāha.

    д̇ад̇т̇а гуггужжабад̣̇ам̣ вуд̇д̇ад̇т̇амзва. гуггужжааяанаагааро гуггужжааяанаа. гуггужжзна аяид̇асса бхааво гуггужжааяид̇ад̇д̇ам̣. жзд̇асо виббадисаарод̇и зд̇т̇а гад̇аагад̇асса сааваж̇ж̇аанаваж̇ж̇асса ваа абхимукаг̇аманам̣ ‘виббадисааро’ наама. яасмаа бана со гад̇ам̣ ваа баабам̣ агад̇ам̣ на гарод̇и, агад̇ам̣ ваа галяаан̣ам̣ гад̇ам̣ на гарод̇и, д̇асмаа вируубо гужчид̇о ваа бадисаарод̇и ‘виббадисааро’. со бана жзд̇асо, на сад̇д̇ассаад̇и н̃аабанад̇т̇ам̣ ‘жзд̇асо’ виббадисаарод̇и вуд̇д̇ам̣. аяамасса сабхааванид̣̇д̣̇зсо. уббаж̇ж̇амаанам̣ бана гуггужжам̣ аараг̇г̇амива гам̣сабад̇д̇ам̣ манам̣ виликамаанамзва уббаж̇ж̇ад̇и, д̇асмаа мановилзкод̇и вуд̇д̇ам̣. аяамасса гижжанид̣̇д̣̇зсо. яам̣ бана винаяз ‘‘ат̇а ко ааяасмаа саарибуд̇д̇о бхаг̇авад̇аа бадигкид̇д̇ам̣ анувасид̇ваа анувасид̇ваа аавасат̇абин̣д̣ам̣ барибхун̃ж̇ид̇у’’нд̇и гуггужжааяанд̇о на бадиг̇г̇ахзсийд̇и (баажи. 204) гуггужжам̣ ааг̇ад̇ам̣, на д̇ам̣ нийваран̣ам̣. на хи арахад̇о ‘д̣̇удту маяаа ид̣̇ам̣ гад̇а’нд̇и звам̣ ануд̇аабо ад̇т̇и. нийваран̣абад̇ируубагам̣ банзд̇ам̣ ‘габбад̇и на габбад̇ий’д̇и виймам̣санасан̇каад̇ам̣ винаяагуггужжам̣ наама.

    Tattha kukkuccapadaṃ vuttatthameva. Kukkuccāyanākāro kukkuccāyanā. Kukkuccena ayitassa bhāvo kukkuccāyitattaṃ. Cetaso vippaṭisāroti ettha katākatassa sāvajjānavajjassa vā abhimukhagamanaṃ ‘vippaṭisāro’ nāma. Yasmā pana so kataṃ vā pāpaṃ akataṃ na karoti, akataṃ vā kalyāṇaṃ kataṃ na karoti, tasmā virūpo kucchito vā paṭisāroti ‘vippaṭisāro’. So pana cetaso, na sattassāti ñāpanatthaṃ ‘cetaso’ vippaṭisāroti vuttaṃ. Ayamassa sabhāvaniddeso. Uppajjamānaṃ pana kukkuccaṃ āraggamiva kaṃsapattaṃ manaṃ vilikhamānameva uppajjati, tasmā manovilekhoti vuttaṃ. Ayamassa kiccaniddeso. Yaṃ pana vinaye ‘‘atha kho āyasmā sāriputto bhagavatā paṭikkhittaṃ anuvasitvā anuvasitvā āvasathapiṇḍaṃ paribhuñjitu’’nti kukkuccāyanto na paṭiggahesīti (pāci. 204) kukkuccaṃ āgataṃ, na taṃ nīvaraṇaṃ. Na hi arahato ‘duṭṭhu mayā idaṃ kata’nti evaṃ anutāpo atthi. Nīvaraṇapatirūpakaṃ panetaṃ ‘kappati na kappatī’ti vīmaṃsanasaṅkhātaṃ vinayakukkuccaṃ nāma.

    1176. ‘‘гад̇амз д̇хаммаа нийваран̣аа жзва нийваран̣асамбаяуд̇д̇аа жаа’’д̇и бад̣̇асса нид̣̇д̣̇зсз яасмаа т̇инамид̣̇д̇хам̣ ан̃н̃аман̃н̃ам̣ на виж̇ахад̇и, д̇асмаа т̇инамид̣̇д̇ханийваран̣ам̣ авиж̇ж̇аанийваран̣зна нийваран̣ан̃жзва нийваран̣асамбаяуд̇д̇ан̃жаад̇и абхинд̣̇ид̇ваа вуд̇д̇ам̣. яасмаа бана уд̣̇д̇хажжз сад̇иби гуггужжасса абхааваа гуггужжзна винааби уд̣̇д̇хажжам̣ уббаж̇ж̇ад̇и, д̇асмаа д̇ам̣ бхинд̣̇ид̇ваа вуд̇д̇ам̣. яан̃жа язна самбаяог̇ам̣ на г̇ажчад̇и, д̇ам̣ на яож̇ид̇анд̇и взд̣̇ид̇аб̣б̣ам̣.

    1176. ‘‘Katame dhammā nīvaraṇā ceva nīvaraṇasampayuttā cā’’ti padassa niddese yasmā thinamiddhaṃ aññamaññaṃ na vijahati, tasmā thinamiddhanīvaraṇaṃ avijjānīvaraṇena nīvaraṇañceva nīvaraṇasampayuttañcāti abhinditvā vuttaṃ. Yasmā pana uddhacce satipi kukkuccassa abhāvā kukkuccena vināpi uddhaccaṃ uppajjati, tasmā taṃ bhinditvā vuttaṃ. Yañca yena sampayogaṃ na gacchati, taṃ na yojitanti veditabbaṃ.

    имз бана нийваран̣з гилзсабадибаадияааби аахарид̇ум̣ ваддад̇и маг̇г̇абадибаадияааби. гилзсабадибаадияаа гаамажчанд̣̇аб̣яаабаад̣̇аа анааг̇аамимаг̇г̇зна бахийяанд̇и, т̇инамид̣̇д̇худ̣̇д̇хажжаани арахад̇д̇амаг̇г̇зна, гуггужжавижигижчаа сод̇аабад̇д̇имаг̇г̇зна, авиж̇ж̇аа арахад̇д̇амаг̇г̇зна. маг̇г̇абадибаадияаа сод̇аабад̇д̇имаг̇г̇зна гуггужжавижигижчаа бахийяанд̇и, анааг̇аамимаг̇г̇зна гаамажчанд̣̇аб̣яаабаад̣̇аа, арахад̇д̇амаг̇г̇зна т̇инамид̣̇д̇худ̣̇д̇хажжаавиж̇ж̇аад̇и.

    Ime pana nīvaraṇe kilesapaṭipāṭiyāpi āharituṃ vaṭṭati maggapaṭipāṭiyāpi. Kilesapaṭipāṭiyā kāmacchandabyāpādā anāgāmimaggena pahīyanti, thinamiddhuddhaccāni arahattamaggena, kukkuccavicikicchā sotāpattimaggena, avijjā arahattamaggena. Maggapaṭipāṭiyā sotāpattimaggena kukkuccavicikicchā pahīyanti, anāgāmimaggena kāmacchandabyāpādā, arahattamaggena thinamiddhuddhaccāvijjāti.

    1182. бараамаасаг̇ожчагз д̇з д̇хаммз табзд̇ваад̇и бужчаасабхааг̇зна б̣ахуважанам̣ гад̇ам̣.

    1182. Parāmāsagocchake te dhamme ṭhapetvāti pucchāsabhāgena bahuvacanaṃ kataṃ.

    1219. убаад̣̇аананид̣̇д̣̇зсз вад̇т̇усан̇каад̇ам̣ гаамам̣ убаад̣̇ияад̇ийд̇и гаамубаад̣̇аанам̣ гаамо жа со убаад̣̇аанан̃жаад̇иби гаамубаад̣̇аанам̣. убаад̣̇аананд̇и д̣̇ал̣хаг̇г̇ахан̣ам̣. д̣̇ал̣хад̇т̇о хи зд̇т̇а убасад̣̇д̣̇о убааяаасаубагадтаад̣̇ийсу вияа. д̇ат̇аа д̣̇идти жа саа убаад̣̇аанан̃жаад̇и д̣̇идтубаад̣̇аанам̣. д̣̇идтим̣ убаад̣̇ияад̇ийд̇и д̣̇идтубаад̣̇аанам̣. ‘сассад̇о ад̇д̇аа жа лого жаа’д̇иаад̣̇ийсу (д̣̇ий. ни. 1.31) хи буримад̣̇идтим̣ уд̇д̇арад̣̇идти убаад̣̇ияахи. д̇ат̇аа сийлаб̣б̣ад̇ам̣ убаад̣̇ияад̇ийд̇и сийлаб̣б̣ад̇убаад̣̇аанам̣. сийлаб̣б̣ад̇ан̃жа д̇ам̣ убаад̣̇аанан̃жаад̇иби сийлаб̣б̣ад̇убаад̣̇аанам̣. г̇осийлаг̇овад̇аад̣̇ийни хи ‘звам̣ суд̣̇д̇хий’д̇и абхинивзсад̇о саяамзва убаад̣̇аанаани. д̇ат̇аа, вад̣̇анд̇и зд̇знаад̇и ‘ваад̣̇о’; убаад̣̇ияанд̇и зд̇знаад̇и ‘убаад̣̇аанам̣’. гим̣ вад̣̇анд̇и, убаад̣̇ияанд̇и ваа? ад̇д̇аанам̣. ад̇д̇ано ваад̣̇убаад̣̇аанам̣ ад̇д̇аваад̣̇убаад̣̇аанам̣; ‘ад̇д̇аваад̣̇амад̇д̇амзва ваа ад̇д̇аа’д̇и убаад̣̇ияанд̇и зд̇знаад̇и ад̇д̇аваад̣̇убаад̣̇аанам̣.

    1219. Upādānaniddese vatthusaṅkhātaṃ kāmaṃ upādiyatīti kāmupādānaṃ kāmo ca so upādānañcātipi kāmupādānaṃ. Upādānanti daḷhaggahaṇaṃ. Daḷhattho hi ettha upasaddo upāyāsaupakaṭṭhādīsu viya. Tathā diṭṭhi ca sā upādānañcāti diṭṭhupādānaṃ. Diṭṭhiṃ upādiyatīti diṭṭhupādānaṃ. ‘Sassato attā ca loko cā’tiādīsu (dī. ni. 1.31) hi purimadiṭṭhiṃ uttaradiṭṭhi upādiyahi. Tathā sīlabbataṃ upādiyatīti sīlabbatupādānaṃ. Sīlabbatañca taṃ upādānañcātipi sīlabbatupādānaṃ. Gosīlagovatādīni hi ‘evaṃ suddhī’ti abhinivesato sayameva upādānāni. Tathā, vadanti etenāti ‘vādo’; upādiyanti etenāti ‘upādānaṃ’. Kiṃ vadanti, upādiyanti vā? Attānaṃ. Attano vādupādānaṃ attavādupādānaṃ; ‘attavādamattameva vā attā’ti upādiyanti etenāti attavādupādānaṃ.

    1220. яо гаамзсу гаамажчанд̣̇од̇и зд̇т̇ааби вад̇т̇угаамаава анавасзсад̇о гаамаад̇и ад̇хиббзд̇аа. д̇асмаа вад̇т̇угаамзсу гаамажчанд̣̇о ид̇ха гаамубаад̣̇аананд̇и анааг̇ааминоби д̇ам̣ сид̣̇д̇хам̣ ход̇и. бан̃жагаамаг̇ун̣авад̇т̇уго банасса гаамарааг̇ова над̇т̇ийд̇и.

    1220. Yo kāmesu kāmacchandoti etthāpi vatthukāmāva anavasesato kāmāti adhippetā. Tasmā vatthukāmesu kāmacchando idha kāmupādānanti anāgāminopi taṃ siddhaṃ hoti. Pañcakāmaguṇavatthuko panassa kāmarāgova natthīti.

    1221. д̣̇идтубаад̣̇аананид̣̇д̣̇зсз над̇т̇и д̣̇иннанд̇и. д̣̇иннам̣ наама ад̇т̇и, саггаа гассажи гин̃жи д̣̇аад̇унд̇и ж̇аанаад̇и; д̣̇иннасса бана палам̣ вибааго над̇т̇ийд̇и г̇ан̣хаад̇и. над̇т̇и яидтанд̇и. яидтам̣ вужжад̇и махааяааг̇о. д̇ам̣ яаж̇ид̇ум̣ саггаад̇и ж̇аанаад̇и; яидтасса бана палам̣ вибааго над̇т̇ийд̇и г̇ан̣хаад̇и. над̇т̇и худ̇анд̇и аахунабаахунаман̇г̇алагирияаа. д̇ам̣ гаад̇ум̣ саггаад̇и ж̇аанаад̇и; д̇асса бана палам̣ вибааго над̇т̇ийд̇и г̇ан̣хаад̇и. над̇т̇и, сугад̇ад̣̇уггадаананд̇и зд̇т̇а д̣̇аса гусалагаммабат̇аа сугад̇агаммаани наама. д̣̇аса агусалагаммабат̇аа д̣̇уггадагаммаани наама. д̇зсам̣ ад̇т̇ибхаавам̣ ж̇аанаад̇и палам̣ вибааго бана над̇т̇ийд̇и г̇ан̣хаад̇и. над̇т̇и аяам̣ логод̇и баралогз тид̇о имам̣ логам̣ над̇т̇ийд̇и г̇ан̣хаад̇и. над̇т̇и баралогод̇и ид̇ха логз тид̇о баралогам̣ над̇т̇ийд̇и г̇ан̣хаад̇и. над̇т̇и маад̇аа над̇т̇и бид̇аад̇и маад̇аабид̇уунам̣ ад̇т̇ибхаавам̣ ж̇аанаад̇и, д̇зсу гад̇абажжаязна гожи палам̣ вибааго над̇т̇ийд̇и г̇ан̣хаад̇и. над̇т̇и сад̇д̇аа обабаад̇игаад̇и жаванагаубабаж̇ж̇анагаа сад̇д̇аа над̇т̇ийд̇и г̇ан̣хаад̇и. саммаг̇г̇ад̇аа саммаа бадибаннаад̇и ануломабадибад̣̇ам̣ бадибаннаа д̇хаммигасаман̣аб̣раахман̣аа логасмим̣ над̇т̇ийд̇и г̇ан̣хаад̇и. яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ийд̇и иман̃жа логам̣ баран̃жа логам̣ ад̇д̇анаава абхивисидтзна н̃аан̣зна н̃ад̇ваа бавзд̣̇анасамад̇т̇о саб̣б̣ан̃н̃уу б̣уд̣̇д̇хо наама над̇т̇ийд̇и г̇ан̣хаад̇и.

    1221. Diṭṭhupādānaniddese natthi dinnanti. Dinnaṃ nāma atthi, sakkā kassaci kiñci dātunti jānāti; dinnassa pana phalaṃ vipāko natthīti gaṇhāti. Natthi yiṭṭhanti. Yiṭṭhaṃ vuccati mahāyāgo. Taṃ yajituṃ sakkāti jānāti; yiṭṭhassa pana phalaṃ vipāko natthīti gaṇhāti. Natthi hutanti āhunapāhunamaṅgalakiriyā. Taṃ kātuṃ sakkāti jānāti; tassa pana phalaṃ vipāko natthīti gaṇhāti. Natthi, sukatadukkaṭānanti ettha dasa kusalakammapathā sukatakammāni nāma. Dasa akusalakammapathā dukkaṭakammāni nāma. Tesaṃ atthibhāvaṃ jānāti phalaṃ vipāko pana natthīti gaṇhāti. Natthi ayaṃ lokoti paraloke ṭhito imaṃ lokaṃ natthīti gaṇhāti. Natthi paralokoti idha loke ṭhito paralokaṃ natthīti gaṇhāti. Natthi mātā natthi pitāti mātāpitūnaṃ atthibhāvaṃ jānāti, tesu katapaccayena koci phalaṃ vipāko natthīti gaṇhāti. Natthi sattā opapātikāti cavanakaupapajjanakā sattā natthīti gaṇhāti. Sammaggatā sammā paṭipannāti anulomapaṭipadaṃ paṭipannā dhammikasamaṇabrāhmaṇā lokasmiṃ natthīti gaṇhāti. Ye imañca lokaṃ parañca lokaṃ sayaṃ abhiññā sacchikatvā pavedentīti imañca lokaṃ parañca lokaṃ attanāva abhivisiṭṭhena ñāṇena ñatvā pavedanasamattho sabbaññū buddho nāma natthīti gaṇhāti.

    имаани бана убаад̣̇аанаани гилзсабадибаадияааби аахарид̇ум̣ ваддад̇и маг̇г̇абадибаадияааби. гилзсабадибаадияаа гаамубаад̣̇аанам̣ жад̇уухи маг̇г̇зхи бахийяад̇и, сзсаани д̇ийн̣и сод̇аабад̇д̇имаг̇г̇зна. маг̇г̇абадибаадияаа сод̇аабад̇д̇имаг̇г̇зна д̣̇идтубаад̣̇аанаад̣̇ийни бахийяанд̇и, жад̇уухи маг̇г̇зхи гаамубаад̣̇аананд̇и.

    Imāni pana upādānāni kilesapaṭipāṭiyāpi āharituṃ vaṭṭati maggapaṭipāṭiyāpi. Kilesapaṭipāṭiyā kāmupādānaṃ catūhi maggehi pahīyati, sesāni tīṇi sotāpattimaggena. Maggapaṭipāṭiyā sotāpattimaggena diṭṭhupādānādīni pahīyanti, catūhi maggehi kāmupādānanti.

    1235. гилзсаг̇ожчагз гилзсаа зва гилзсавад̇т̇ууни. васанд̇и ваа зд̇т̇а акийн̣аасаваа сад̇д̇аа лобхаад̣̇ийсу бад̇идтид̇ад̇д̇аад̇и ‘вад̇т̇ууни’. гилзсаа жа д̇з д̇аббад̇идтаанам̣ сад̇д̇аанам̣ вад̇т̇ууни жаад̇и ‘гилзсавад̇т̇ууни’. яасмаа жзд̇т̇а ананд̇арабажжаяаад̣̇ибхаавзна уббаж̇ж̇амаанаа гилзсааби васанд̇и зва наама, д̇асмаа гилзсаанам̣ вад̇т̇уунийд̇иби ‘гилзсавад̇т̇ууни’.

    1235. Kilesagocchake kilesā eva kilesavatthūni. Vasanti vā ettha akhīṇāsavā sattā lobhādīsu patiṭṭhitattāti ‘vatthūni’. Kilesā ca te tappatiṭṭhānaṃ sattānaṃ vatthūni cāti ‘kilesavatthūni’. Yasmā cettha anantarapaccayādibhāvena uppajjamānā kilesāpi vasanti eva nāma, tasmā kilesānaṃ vatthūnītipi ‘kilesavatthūni’.

    1236. д̇ад̇т̇а гад̇амо лобхо? яо рааг̇о саарааг̇од̇и аяам̣ бана лобхо хзд̇уг̇ожчагз г̇ант̇аг̇ожчагз имасмим̣ гилзсаг̇ожчагзд̇и д̇ийсу таанзсу ад̇ирзгабад̣̇асад̇зна нид̣̇д̣̇идто. аасавасам̣яож̇анаогхаяог̇анийваран̣аубаад̣̇аанаг̇ожчагзсу адтахи адтахи бад̣̇зхи нид̣̇д̣̇идто. свааяам̣ ад̇ирзгабад̣̇асад̇зна нид̣̇д̣̇идтадтаанзби адтахи адтахи бад̣̇зхи нид̣̇д̣̇идтадтаанзби ниббад̣̇зсад̇ова г̇ахид̇од̇и взд̣̇ид̇аб̣б̣о. д̇зсу хзд̇уг̇ант̇анийваран̣аубаад̣̇аанагилзсаг̇ожчагзсу жад̇умаг̇г̇аваж̇жхаа д̇ан̣хаа згзнзва годтаасзна тид̇аа. аасавасам̣яож̇анаогхаяог̇зсу жад̇умаг̇г̇аваж̇жхааби д̣̇вз годтаасаа худ̇ваа тид̇аа. гат̇ам̣? аасавзсу гаамаасаво бхаваасавод̇и, сам̣яож̇анзсу гаамарааг̇асам̣яож̇анам̣ бхаварааг̇асам̣яож̇ананд̇и, огхзсу гаамогхо бхавогход̇и, яог̇зсу гаамаяог̇о бхаваяог̇од̇и.

    1236. Tattha katamo lobho? Yo rāgo sārāgoti ayaṃ pana lobho hetugocchake ganthagocchake imasmiṃ kilesagocchaketi tīsu ṭhānesu atirekapadasatena niddiṭṭho. Āsavasaṃyojanaoghayoganīvaraṇaupādānagocchakesu aṭṭhahi aṭṭhahi padehi niddiṭṭho. Svāyaṃ atirekapadasatena niddiṭṭhaṭṭhānepi aṭṭhahi aṭṭhahi padehi niddiṭṭhaṭṭhānepi nippadesatova gahitoti veditabbo. Tesu hetuganthanīvaraṇaupādānakilesagocchakesu catumaggavajjhā taṇhā ekeneva koṭṭhāsena ṭhitā. Āsavasaṃyojanaoghayogesu catumaggavajjhāpi dve koṭṭhāsā hutvā ṭhitā. Kathaṃ? Āsavesu kāmāsavo bhavāsavoti, saṃyojanesu kāmarāgasaṃyojanaṃ bhavarāgasaṃyojananti, oghesu kāmogho bhavoghoti, yogesu kāmayogo bhavayogoti.

    имаани бана гилзсавад̇т̇ууни гилзсабадибаадияааби аахарид̇ум̣ ваддад̇и маг̇г̇абадибаадияааби. гилзсабадибаадияаа лобхо жад̇уухи маг̇г̇зхи бахийяад̇и, д̣̇осо анааг̇аамимаг̇г̇зна, мохамаанаа арахад̇д̇амаг̇г̇зна, д̣̇идтивижигижчаа сод̇аабад̇д̇имаг̇г̇зна, т̇инаад̣̇ийни арахад̇д̇амаг̇г̇зна. маг̇г̇абадибаадияаа сод̇аабад̇д̇имаг̇г̇зна д̣̇идтивижигижчаа бахийяанд̇и, анааг̇аамимаг̇г̇зна д̣̇осо, арахад̇д̇амаг̇г̇зна сзсаа сад̇д̇аад̇и.

    Imāni pana kilesavatthūni kilesapaṭipāṭiyāpi āharituṃ vaṭṭati maggapaṭipāṭiyāpi. Kilesapaṭipāṭiyā lobho catūhi maggehi pahīyati, doso anāgāmimaggena, mohamānā arahattamaggena, diṭṭhivicikicchā sotāpattimaggena, thinādīni arahattamaggena. Maggapaṭipāṭiyā sotāpattimaggena diṭṭhivicikicchā pahīyanti, anāgāmimaggena doso, arahattamaggena sesā sattāti.

    1287. гаамааважаранид̣̇д̣̇зсз хздтад̇од̇и хздтаабхааг̇зна. авийжинираяанд̇и ваа аг̇г̇иж̇аалаанам̣ ваа сад̇д̇аанам̣ ваа д̣̇угкавзд̣̇анааяа вийжи, анд̇арам̣, чид̣̇д̣̇ам̣ зд̇т̇а над̇т̇ийд̇и авийжи. сукасан̇каад̇о аяо зд̇т̇а над̇т̇ийд̇и нираяо. нирад̇иад̇т̇знаби нирассаад̣̇ад̇т̇знаби нираяо. барияанд̇ам̣ гарид̇ваад̇и д̇ам̣ авийжисан̇каад̇ам̣ нираяам̣ анд̇ам̣ гад̇ваа. убарид̇од̇и убарибхааг̇зна. бараниммид̇авасавад̇д̇ид̣̇звзд̇и бараниммид̇зсу гаамзсу васам̣ вад̇д̇анад̇о звам̣лад̣̇д̇хавохаарз д̣̇звз. анд̇о гарид̇ваад̇и анд̇о багкибид̇ваа. яам̣ зд̇асмим̣ анд̇арзд̇и яз зд̇асмим̣ огаасз. зд̇т̇ааважараад̇и иминаа яасмаа зд̇асмим̣ анд̇арз ан̃н̃зби жаранд̇и гад̣̇аажи гад̇т̇ажи самбхавад̇о, д̇асмаа д̇зсам̣ асан̇г̇ан̣ханад̇т̇ам̣ ‘аважараа’д̇и вуд̇д̇ам̣. д̇зна яз зд̇асмим̣ анд̇арз ог̇аал̣хаа худ̇ваа жаранд̇и саб̣б̣ад̇т̇а сад̣̇аа жа самбхавад̇о, ад̇хобхааг̇з жаранд̇и авийжинираяасса хздтаа бхууд̇убаад̣̇ааяабавад̇д̇ибхаавзна, д̇зсам̣ сан̇г̇ахо гад̇о ход̇и. д̇з хи аваг̇аал̣хаава жаранд̇и, ад̇хобхааг̇зва жаранд̇ийд̇и аважараа. зд̇т̇а барияаабаннаад̇и иминаа бана яасмаа зд̇з зд̇т̇ааважараа ан̃н̃ад̇т̇ааби аважаранд̇и, на бана д̇ад̇т̇а барияаабаннаа хонд̇и, д̇асмаа д̇зсам̣ ан̃н̃ад̇т̇ааби аважаранд̇аанам̣ бариг̇г̇ахо гад̇о ход̇и. ид̣̇аани д̇з зд̇т̇а барияаабаннад̇хаммз раасисун̃н̃ад̇абажжаяабхаавад̇о жзва сабхаавад̇о жа д̣̇ассзнд̇о канд̇хаад̇иаад̣̇имааха.

    1287. Kāmāvacaraniddese heṭṭhatoti heṭṭhābhāgena. Avīcinirayanti vā aggijālānaṃ vā sattānaṃ vā dukkhavedanāya vīci, antaraṃ, chiddaṃ ettha natthīti avīci. Sukhasaṅkhāto ayo ettha natthīti nirayo. Niratiatthenapi nirassādatthenapi nirayo. Pariyantaṃ karitvāti taṃ avīcisaṅkhātaṃ nirayaṃ antaṃ katvā. Uparitoti uparibhāgena. Paranimmitavasavattideveti paranimmitesu kāmesu vasaṃ vattanato evaṃladdhavohāre deve. Anto karitvāti anto pakkhipitvā. Yaṃ etasmiṃ antareti ye etasmiṃ okāse. Etthāvacarāti iminā yasmā etasmiṃ antare aññepi caranti kadāci katthaci sambhavato, tasmā tesaṃ asaṅgaṇhanatthaṃ ‘avacarā’ti vuttaṃ. Tena ye etasmiṃ antare ogāḷhā hutvā caranti sabbattha sadā ca sambhavato, adhobhāge caranti avīcinirayassa heṭṭhā bhūtupādāyapavattibhāvena, tesaṃ saṅgaho kato hoti. Te hi avagāḷhāva caranti, adhobhāgeva carantīti avacarā. Ettha pariyāpannāti iminā pana yasmā ete etthāvacarā aññatthāpi avacaranti, na pana tattha pariyāpannā honti, tasmā tesaṃ aññatthāpi avacarantānaṃ pariggaho kato hoti. Idāni te ettha pariyāpannadhamme rāsisuññatapaccayabhāvato ceva sabhāvato ca dassento khandhātiādimāha.

    1289. руубааважаранид̣̇д̣̇зсз б̣рахмалоганд̇и батамаж̇жхаанабхуумисан̇каад̇ам̣ б̣рахмадтаанам̣. сзсамзд̇т̇а гаамааважаранид̣̇д̣̇зсз вуд̇д̇анаязнзва взд̣̇ид̇аб̣б̣ам̣. самаабаннасса ваад̇иаад̣̇ийсу батамабад̣̇зна гусалаж̇жхаанам̣ вуд̇д̇ам̣, д̣̇уд̇иязна вибаагаж̇жхаанам̣, вуд̇д̇ам̣ д̇ад̇иязна гирияаж̇жхаанам̣ вуд̇д̇анд̇и взд̣̇ид̇аб̣б̣ам̣.

    1289. Rūpāvacaraniddese brahmalokanti paṭhamajjhānabhūmisaṅkhātaṃ brahmaṭṭhānaṃ. Sesamettha kāmāvacaraniddese vuttanayeneva veditabbaṃ. Samāpannassa vātiādīsu paṭhamapadena kusalajjhānaṃ vuttaṃ, dutiyena vipākajjhānaṃ, vuttaṃ tatiyena kiriyajjhānaṃ vuttanti veditabbaṃ.

    1291. аруубааважаранид̣̇д̣̇зсз аагаасаанан̃жааяад̇ануубаг̇зд̇и аагаасаанан̃жааяад̇анасан̇каад̇ам̣ бхавам̣ убаг̇ад̇з. д̣̇уд̇ияабад̣̇зби зсзва наяо. сзсам̣ хздтаа вуд̇д̇анаязнзва взд̣̇ид̇аб̣б̣ам̣.

    1291. Arūpāvacaraniddese ākāsānañcāyatanūpageti ākāsānañcāyatanasaṅkhātaṃ bhavaṃ upagate. Dutiyapadepi eseva nayo. Sesaṃ heṭṭhā vuttanayeneva veditabbaṃ.

    1301. саран̣ад̣̇уганид̣̇д̣̇зсз явааяам̣ д̇ийсу агусаламуулзсу мохо, со лобхасамбаяуд̇д̇о жа лобхзна саран̣о, д̣̇осасамбаяуд̇д̇о жа д̣̇осзна саран̣о. вижигижчуд̣̇д̇хажжасамбаяуд̇д̇о бана мохо д̣̇идтисамбаяуд̇д̇зна жзва руубарааг̇ааруубарааг̇асан̇каад̇зна жа рааг̇аран̣зна бахаанзгадтабхаавад̇о саран̣о сараж̇од̇и взд̣̇ид̇аб̣б̣о.

    1301. Saraṇadukaniddese yvāyaṃ tīsu akusalamūlesu moho, so lobhasampayutto ca lobhena saraṇo, dosasampayutto ca dosena saraṇo. Vicikicchuddhaccasampayutto pana moho diṭṭhisampayuttena ceva rūparāgaarūparāgasaṅkhātena ca rāgaraṇena pahānekaṭṭhabhāvato saraṇo sarajoti veditabbo.




    Next: суд̇д̇анд̇игад̣̇уганигкзбагат̇аа • Suttantikadukanikkhepakathā




    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇уганигкзбам̣ • Dukanikkhepaṃ

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̣̇уганигкзбагат̇ааван̣н̣анаа • Dukanikkhepakathāvaṇṇanā

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̣̇уганигкзбагат̇ааван̣н̣анаа • Dukanikkhepakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact