| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
д̣̇уганигкзбагат̇ааван̣н̣анаа
Dukanikkhepakathāvaṇṇanā
1062. мзд̇д̇ааяанавасзнаад̇и мзд̇д̇аапаран̣авасзна. ‘‘мзд̇д̇аяанавасзнаа’’д̇и вад̇д̇аб̣б̣з д̣̇ийгхам̣ гад̇ваа вуд̇д̇анд̇и д̣̇адтаб̣б̣ам̣. мзд̇д̇аа, мзд̣̇анам̣ ваа мзд̇д̇ааяанам̣, д̇ан̃жа синзхавасзна. ануд̣̇аяад̇ийд̇и ануд̣̇аад̇и вад̇д̇аб̣б̣з ‘‘ануд̣̇д̣̇аа’’д̇и д̣̇а-гаарааг̇аманам̣ гад̇ваа вуд̇д̇ам̣. ануд̣̇д̣̇ааяанаагаарод̇и анурагкан̣аагааро. рагкан̣ан̃хи д̣̇ааяанаа. ануд̣̇д̣̇ааяид̇ассаад̇и ануд̣̇д̣̇ааяа аяид̇асса. ‘‘ж̇аад̇иби д̣̇угкаа’’д̇иаад̣̇им̣ сун̣анд̇асса саванз, анижжаад̣̇ид̇о саммасанд̇асса саммасанз, маг̇г̇знзд̇т̇а саммохам̣ вид̣̇д̇хам̣сзнд̇асса бадивзд̇хз, бадивиж̇жхид̇ваа бажжавзгканд̇асса бажжавзгкан̣зд̇и жад̇уусу гаалзсу д̣̇угкз н̃аан̣ам̣ вад̇д̇ад̇и.
1062. Mettāyanavasenāti mettāpharaṇavasena. ‘‘Mettayanavasenā’’ti vattabbe dīghaṃ katvā vuttanti daṭṭhabbaṃ. Mettā, medanaṃ vā mettāyanaṃ, tañca sinehavasena. Anudayatīti anudāti vattabbe ‘‘anuddā’’ti da-kārāgamanaṃ katvā vuttaṃ. Anuddāyanākāroti anurakkhaṇākāro. Rakkhaṇañhi dāyanā. Anuddāyitassāti anuddāya ayitassa. ‘‘Jātipi dukkhā’’tiādiṃ suṇantassa savane, aniccādito sammasantassa sammasane, maggenettha sammohaṃ viddhaṃsentassa paṭivedhe, paṭivijjhitvā paccavekkhantassa paccavekkhaṇeti catūsu kālesu dukkhe ñāṇaṃ vattati.
1065. жид̇д̇асса сам̣ран̃ж̇анам̣ жид̇д̇асса саарааг̇о. г̇иж̇жханд̇ийд̇и абхиган̇канд̇и. сан̃ж̇ам̣нд̇ийд̇и б̣анд̇ханд̇и. лаг̇г̇анадтзнаад̇и сам̣варан̣адтзна, оламб̣анадтзна ваа. д̇асса д̇ассзва бхавассаад̇и гаамабхаваад̣̇исан̇каад̇асса вибаагагадад̇д̇ааруубасса абхиниб̣б̣ад̇д̇иад̇т̇ам̣ бадисанд̇хияаа бажжаяабхаававасзна баригад̣дхад̇и. жид̇д̇амасса бхаванд̇арз вид̇хаавад̇и ниб̣б̣ад̇д̇ад̇и. д̇ан̣хаавибпанд̣̇ид̇анивзсо адтасад̇ад̇ан̣хаавижарид̇аад̣̇ибхаавзна д̇ан̣хаабавад̇д̇иязва.
1065. Cittassa saṃrañjanaṃ cittassa sārāgo. Gijjhantīti abhikaṅkhanti. Sañjaṃntīti bandhanti. Lagganaṭṭhenāti saṃvaraṇaṭṭhena, olambanaṭṭhena vā. Tassa tasseva bhavassāti kāmabhavādisaṅkhātassa vipākakaṭattārūpassa abhinibbattiatthaṃ paṭisandhiyā paccayabhāvavasena parikaḍḍhati. Cittamassa bhavantare vidhāvati nibbattati. Taṇhāvipphanditaniveso aṭṭhasatataṇhāvicaritādibhāvena taṇhāpavattiyeva.
сарид̇аанийд̇и рааг̇авасзна аллаани. д̇ам̣самбаяуд̇д̇абийд̇ивасзна синид̣̇д̇хаани синзхид̇аани. висад̇аад̇и вид̇т̇ад̇аа. руубаад̣̇ийсу д̇збхуумагад̇хаммзсу б̣яаабанавасзна висадаа. буримаважанамзва д̇а-гаарасса да-гаарам̣ гад̇ваа вуд̇д̇ам̣. висаалаад̇и вибулаа. висаггад̇ийд̇и барисаббад̇и, сахад̇и ваа. рад̇д̇о хи рааг̇авад̇т̇унаа баад̣̇зна д̇аалияамааноби сахад̇ийд̇и. осагганам̣, вибпанд̣̇анам̣ ваа висаггананд̇и вад̣̇анд̇и . анижжаад̣̇им̣ нижжаад̣̇ид̇о г̇ан̣ханд̇ий висам̣ваад̣̇игаа ход̇и. висам̣харад̇ийд̇и д̇ат̇аа д̇ат̇аа гаамзсу аанисам̣сам̣ бассанд̇ий вивид̇хзхаагаарзхи нзгкаммаабхимукаббавад̇д̇ид̇о жид̇д̇ам̣ сам̣харад̇и сан̇кибад̇и. висам̣ ваа д̣̇угкам̣, д̇ам̣ харад̇и вахад̇ийд̇и ад̇т̇о. д̣̇угканиб̣б̣ад̇д̇агасса гаммасса хзд̇убхаавад̇о висамуулаа, висам̣ ваа д̣̇угкавзд̣̇анаамуулам̣ зд̇иссаад̇и висамуулаа. д̣̇угкасамуд̣̇аяад̇д̇аа висам̣ палам̣ зд̇иссаад̇и висапалаа. д̇ан̣хааяа руубаад̣̇игасса д̣̇угкассзва барибхог̇о ход̇и, на амад̇ассаад̇и саа ‘‘висабарибхог̇аа’’д̇и вуд̇д̇аа. саб̣б̣ад̇т̇а нируд̇д̇ивасзна бад̣̇асид̣̇д̇хи взд̣̇ид̇аб̣б̣аа. яо банзд̇т̇а бад̇хаано ад̇т̇о, д̇ам̣ д̣̇ассзд̇ум̣ буна ‘‘висад̇аа ваа банаа’’д̇иаад̣̇и вуд̇д̇ам̣. ид̇т̇абхааван̃н̃ат̇аабхааванд̇и мануссабхаавад̣̇зваад̣̇ибхаавабхууд̇ам̣.
Saritānīti rāgavasena allāni. Taṃsampayuttapītivasena siniddhāni sinehitāni. Visatāti vitthatā. Rūpādīsu tebhūmakadhammesu byāpanavasena visaṭā. Purimavacanameva ta-kārassa ṭa-kāraṃ katvā vuttaṃ. Visālāti vipulā. Visakkatīti parisappati, sahati vā. Ratto hi rāgavatthunā pādena tāliyamānopi sahatīti. Osakkanaṃ, vipphandanaṃ vā visakkananti vadanti . Aniccādiṃ niccādito gaṇhantī visaṃvādikā hoti. Visaṃharatīti tathā tathā kāmesu ānisaṃsaṃ passantī vividhehākārehi nekkhammābhimukhappavattito cittaṃ saṃharati saṅkhipati. Visaṃ vā dukkhaṃ, taṃ harati vahatīti attho. Dukkhanibbattakassa kammassa hetubhāvato visamūlā, visaṃ vā dukkhavedanāmūlaṃ etissāti visamūlā. Dukkhasamudayattā visaṃ phalaṃ etissāti visaphalā. Taṇhāya rūpādikassa dukkhasseva paribhogo hoti, na amatassāti sā ‘‘visaparibhogā’’ti vuttā. Sabbattha niruttivasena padasiddhi veditabbā. Yo panettha padhāno attho, taṃ dassetuṃ puna ‘‘visatā vā panā’’tiādi vuttaṃ. Itthabhāvaññathābhāvanti manussabhāvadevādibhāvabhūtaṃ.
бан̣ид̇хаанагавасзнаад̇и жид̇д̇асса руубаад̣̇ийсу табанагавасзна. ан̃н̃оби б̣анд̇ху д̇ан̣хааяа зва ход̇и, со бана аб̣анд̇хуби ход̇и. д̇ан̣хаа бана нижжасанниссид̇аад̇и ‘‘баадиязгго б̣анд̇хуу’’д̇и вуд̇д̇аа. асанад̇од̇и б̣яаабанад̇о бхун̃ж̇анад̇о жа. д̇ад̣̇убхаяам̣ д̣̇ассзд̇и ‘‘аж̇жход̇т̇аран̣ад̇о’’д̇иаад̣̇инаа. аасийсанавасзнаад̇и ижчанавасзна. ан̃н̃знаагаарзнаад̇и ж̇аббанааж̇аббид̇ад̇д̇аанам̣ ж̇аббааяа анан̃н̃ад̇д̇ад̣̇ассанаагаарзна. жид̇д̇ам̣ барияудтаад̇ийд̇и жид̇д̇ам̣ муусад̇и. маарабаасод̇и маарзна г̇ахид̇ад̇ааяа рааг̇о маарабаасо.
Paṇidhānakavasenāti cittassa rūpādīsu ṭhapanakavasena. Aññopi bandhu taṇhāya eva hoti, so pana abandhupi hoti. Taṇhā pana niccasannissitāti ‘‘pāṭiyekko bandhū’’ti vuttā. Asanatoti byāpanato bhuñjanato ca. Tadubhayaṃ dasseti ‘‘ajjhottharaṇato’’tiādinā. Āsīsanavasenāti icchanavasena. Aññenākārenāti jappanājappitattānaṃ jappāya anaññattadassanākārena. Cittaṃ pariyuṭṭhātīti cittaṃ mūsati. Mārapāsoti mārena gahitatāya rāgo mārapāso.
1066. сан̇каарзсу уббанно гаммабат̇абхзд̣̇ам̣ на гарод̇ийд̇и зд̇зна сад̇д̇зсу уббанно адтаанагобо гарод̇ийд̇и вин̃н̃ааяад̇и. ‘‘ад̇т̇ам̣ мз наажари , на жарад̇и, на жариссад̇и, бияасса мз манаабасса ад̇т̇ам̣ наажари, на жарад̇и, на жариссад̇и, аббияасса мз аманаабасса анад̇т̇ам̣ наажари, на жарад̇и, на жариссад̇ий’’д̇и уббаж̇ж̇амааноби хи гобо авад̇т̇усмим̣ уббаннад̇д̇аа адтаанагобо зва бхавид̇ум̣ яуд̇д̇о. аагхаад̇знд̇од̇и хананд̇о. бунаруд̇д̇ид̣̇осо бадисзд̇хид̇од̇и д̣̇оса-бад̣̇асса бадивирод̇ха-бад̣̇асса жа д̣̇вигкад̇д̇ум̣ ааг̇ад̇ад̇д̇аа вуд̇д̇ам̣. бадигхасса ваа висзсанад̇т̇ам̣ буб̣б̣з ‘‘бадивирод̇хо’’д̇и, бад̣̇осаад̣̇ивисзсанад̇т̇ам̣ ‘‘д̣̇осо’’д̇и жа вуд̇д̇ам̣, д̣̇уссанаад̣̇ивисзсанад̇т̇ам̣ бажчаа ‘‘д̣̇осо’’д̇и, вирод̇хависзсанад̇т̇ан̃жа ‘‘бадивирод̇хо’’д̇и вуд̇д̇анд̇и над̇т̇и бунаруд̇д̇ид̣̇осо.
1066. Saṅkhāresu uppanno kammapathabhedaṃ na karotīti etena sattesu uppanno aṭṭhānakopo karotīti viññāyati. ‘‘Atthaṃ me nācari , na carati, na carissati, piyassa me manāpassa atthaṃ nācari, na carati, na carissati, appiyassa me amanāpassa anatthaṃ nācari, na carati, na carissatī’’ti uppajjamānopi hi kopo avatthusmiṃ uppannattā aṭṭhānakopo eva bhavituṃ yutto. Āghātentoti hananto. Punaruttidoso paṭisedhitoti dosa-padassa paṭivirodha-padassa ca dvikkhattuṃ āgatattā vuttaṃ. Paṭighassa vā visesanatthaṃ pubbe ‘‘paṭivirodho’’ti, padosādivisesanatthaṃ ‘‘doso’’ti ca vuttaṃ, dussanādivisesanatthaṃ pacchā ‘‘doso’’ti, virodhavisesanatthañca ‘‘paṭivirodho’’ti vuttanti natthi punaruttidoso.
1091. анид̣̇д̇хаарид̇абарижчзд̣̇з д̇хаммаанам̣ ад̇т̇ид̇аамад̇д̇ад̣̇ийбагз маад̇игуд̣̇д̣̇зсз абарижчзд̣̇зна б̣ахуважанзна уд̣̇д̣̇зсо гад̇од̇и б̣ахуважанзнзва бужчад̇и – ‘‘гад̇амз д̇хаммаа аббажжаяаа’’д̇и. сабхаавасан̇каабарижчзд̣̇аад̣̇ивасзна хи д̇хаммз аж̇аананд̇асса васзна уд̣̇д̣̇зсо бужчаа жа гарийяад̇ийд̇и. д̇асмаа барижчзд̣̇ам̣ агад̇ваа уд̣̇д̣̇идтаа бужчид̇аа жа. имзд̇и асан̇кад̇ад̇хаад̇уд̇о уд̣̇д̇хам̣ над̇т̇ийд̇и д̣̇ийбанад̇т̇ам̣ згамби д̇ам̣ нид̣̇д̣̇исид̇ваа б̣ахуважанзнзва ниг̇аманам̣ гад̇ам̣ нид̣̇д̣̇зсад̇о буб̣б̣з б̣од̇ханзяяасса аж̇аананагаалам̣ убаад̣̇ааяа.
1091. Aniddhāritaparicchede dhammānaṃ atthitāmattadīpake mātikuddese aparicchedena bahuvacanena uddeso katoti bahuvacaneneva pucchati – ‘‘katame dhammā appaccayā’’ti. Sabhāvasaṅkhāparicchedādivasena hi dhamme ajānantassa vasena uddeso pucchā ca karīyatīti. Tasmā paricchedaṃ akatvā uddiṭṭhā pucchitā ca. Imeti asaṅkhatadhātuto uddhaṃ natthīti dīpanatthaṃ ekampi taṃ niddisitvā bahuvacaneneva nigamanaṃ kataṃ niddesato pubbe bodhaneyyassa ajānanakālaṃ upādāya.
1101. гим̣ бана над̇т̇и, гим̣ д̇зна на вуд̇д̇аад̇и яож̇анаа гаад̇аб̣б̣аа. ид̣̇амзва мановин̃н̃зяяанд̇и нияамаабхааво вавад̇т̇аанаабхааво. жагкувин̃н̃аан̣аад̣̇ивин̃н̃зяяамзва жагкаад̣̇ивин̃н̃зяяанд̇и баал̣ияам̣ вуд̇д̇анд̇и мановин̃н̃аан̣авин̃н̃зяязнаби мановин̃н̃зяязна бхавид̇аб̣б̣анд̇и гад̇ваа адтагат̇ааяа ‘‘гим̣ бана мановин̃н̃аан̣знаа’’д̇иаад̣̇и вуд̇д̇ам̣. гзхижи вин̃н̃зяяаа гзхижи авин̃н̃зяяаад̇и ид̣̇ам̣ гаамааважарам̣ мановин̃н̃аан̣ам̣ аарамман̣аад̣̇ивасзна бхинд̣̇ид̇ваа яож̇зд̇аб̣б̣ам̣. руубааважараад̣̇иаарамман̣зна хи гаамааважарамановин̃н̃аан̣зна руубарааг̇аад̣̇исамбаяуд̇д̇зна жа гаамааважарад̇хаммаа на вин̃н̃зяяаа, ид̇арзна жа вин̃н̃зяяаа. звам̣ гаамааважараанамзва аарамман̣аанам̣ гзсан̃жи сад̣̇д̣̇аад̣̇ийнам̣ руубаарамман̣аад̣̇ийхи авин̃н̃зяяад̇аа вин̃н̃зяяад̇аа жа яож̇зд̇аб̣б̣аа, д̇ат̇аа д̣̇ваарабхзд̣̇авасзна. ат̇а ваа соманассасахаг̇ад̇асанд̇ийран̣ам̣ идтаарамман̣амзваад̇и ид̇арам̣ д̇зна на вин̃н̃зяяам̣. звам̣ убзгкаасахаг̇ад̇з гусалавибаагз агусалавибаагз жаад̇и саб̣б̣ад̇т̇а яат̇ааяог̇ам̣ яож̇зд̇аб̣б̣ам̣. руубааважараад̣̇аяо гаамааважаравибаагаад̣̇ийхи авин̃н̃зяяаа, гзжид̣̇зва вин̃н̃зяяаа аруубааважарзхийд̇и яож̇зд̇аб̣б̣ам̣ анувад̇д̇амаанад̇д̇аа. ниб̣б̣аанзна авин̃н̃зяяад̇д̇аад̇и ‘‘гзхижи авин̃н̃зяяаа’’д̇и имасса бад̣̇асса ад̇т̇асамбхавамад̇д̇ам̣ санд̇хааяа вуд̇д̇ам̣, на ниб̣б̣аанасса анувад̇д̇амаанамановин̃н̃аан̣абхаавад̇о.
1101. Kiṃ pana natthi, kiṃ tena na vuttāti yojanā kātabbā. Idameva manoviññeyyanti niyamābhāvo vavatthānābhāvo. Cakkhuviññāṇādiviññeyyameva cakkhādiviññeyyanti pāḷiyaṃ vuttanti manoviññāṇaviññeyyenapi manoviññeyyena bhavitabbanti katvā aṭṭhakathāya ‘‘kiṃ pana manoviññāṇenā’’tiādi vuttaṃ. Kehici viññeyyā kehici aviññeyyāti idaṃ kāmāvacaraṃ manoviññāṇaṃ ārammaṇādivasena bhinditvā yojetabbaṃ. Rūpāvacarādiārammaṇena hi kāmāvacaramanoviññāṇena rūparāgādisampayuttena ca kāmāvacaradhammā na viññeyyā, itarena ca viññeyyā. Evaṃ kāmāvacarānameva ārammaṇānaṃ kesañci saddādīnaṃ rūpārammaṇādīhi aviññeyyatā viññeyyatā ca yojetabbā, tathā dvārabhedavasena. Atha vā somanassasahagatasantīraṇaṃ iṭṭhārammaṇamevāti itaraṃ tena na viññeyyaṃ. Evaṃ upekkhāsahagate kusalavipāke akusalavipāke cāti sabbattha yathāyogaṃ yojetabbaṃ. Rūpāvacarādayo kāmāvacaravipākādīhi aviññeyyā, kecideva viññeyyā arūpāvacarehīti yojetabbaṃ anuvattamānattā. Nibbānena aviññeyyattāti ‘‘kehici aviññeyyā’’ti imassa padassa atthasambhavamattaṃ sandhāya vuttaṃ, na nibbānassa anuvattamānamanoviññāṇabhāvato.
1102. бан̃жагаамаг̇ун̣игарааг̇од̇и уггадтавасзна вуд̇д̇ам̣. бхаваасавам̣ табзд̇ваа саб̣б̣о лобхо гаамаасавод̇и яуд̇д̇ам̣ сияаа. сассад̇ад̣̇идтисахаг̇ад̇о рааг̇о бхавад̣̇идтисамбаяуд̇д̇ад̇д̇аа ‘‘бхаваасаво’’д̇и адтагат̇ааяам̣ вуд̇д̇о. бхаваасаво бана ‘‘д̣̇идтиг̇ад̇авиббаяуд̇д̇зсу зва уббаж̇ж̇ад̇ий’’д̇и баал̣ияам̣ вуд̇д̇о. соби рааг̇о гаамаасаво бхавид̇ум̣ яуд̇д̇о. д̣̇идтад̇хаммигасамбарааяигад̣̇угкаанам̣ гааран̣абхууд̇аа гаамаасаваад̣̇аяоби д̣̇вид̇хаа вуд̇д̇аа.
1102. Pañcakāmaguṇikarāgoti ukkaṭṭhavasena vuttaṃ. Bhavāsavaṃ ṭhapetvā sabbo lobho kāmāsavoti yuttaṃ siyā. Sassatadiṭṭhisahagato rāgo bhavadiṭṭhisampayuttattā ‘‘bhavāsavo’’ti aṭṭhakathāyaṃ vutto. Bhavāsavo pana ‘‘diṭṭhigatavippayuttesu eva uppajjatī’’ti pāḷiyaṃ vutto. Sopi rāgo kāmāsavo bhavituṃ yutto. Diṭṭhadhammikasamparāyikadukkhānaṃ kāraṇabhūtā kāmāsavādayopi dvidhā vuttā.
1103. гаамаасаванид̣̇д̣̇зсз жа гаамзсууд̇и гаамарааг̇ад̣̇идтирааг̇аад̣̇иаарамман̣абхууд̇зсу д̇збхуумагзсу вад̇т̇угаамзсууд̇и ад̇т̇о самбхавад̇и. д̇ад̇т̇а хи уббаж̇ж̇амаанаа саа д̇ан̣хаа саб̣б̣ааби на гаамажчанд̣̇аад̣̇инаамам̣ на лабхад̇ийд̇и. гад̇д̇угамяад̇аачанд̣̇о агусалзби уббаж̇ж̇ад̇и, на бана д̇хаммажчанд̣̇о.
1103. Kāmāsavaniddese ca kāmesūti kāmarāgadiṭṭhirāgādiārammaṇabhūtesu tebhūmakesu vatthukāmesūti attho sambhavati. Tattha hi uppajjamānā sā taṇhā sabbāpi na kāmacchandādināmaṃ na labhatīti. Kattukamyatāchando akusalepi uppajjati, na pana dhammacchando.
1105. ан̃н̃ам̣ ж̇ийванд̇и г̇ахан̣ам̣ яад̣̇иби убаад̣̇аанагканд̇хзсвзва бавад̇д̇ад̇и, руубз…бз… вин̃н̃аан̣з ваа бана на бад̇идтаад̇и. д̇ад̇о ан̃н̃ам̣ гад̇ваа ж̇ийвам̣ г̇ан̣хаад̇ийд̇и сассад̇ад̣̇идти ход̇ийд̇и. б̣рахмаад̣̇им̣ згажжам̣ ад̇д̇аанам̣ ‘‘ход̇ий’’д̇и нижжад̇о ан̃н̃ан̃жа ‘‘на ход̇ий’’д̇и анижжад̇о г̇ан̣ханд̇асса ‘‘ход̇и жа на жа ход̇ий’’д̇и згажжасассад̇ад̣̇идти. ‘‘ход̇ий’’д̇и жа будтз ‘‘нзваа’’д̇и, ‘‘на ход̇ий’’д̇и жа будтз ‘‘на’’ид̇и саб̣б̣ад̇т̇а бадигкибанд̇асса амараавигкзбад̣̇идти, амараа анубажчзд̣̇аа, амарамажчасад̣̇исий ваа вигкзбад̣̇идтийд̇и ад̇т̇о.
1105. Aññaṃ jīvanti gahaṇaṃ yadipi upādānakkhandhesveva pavattati, rūpe…pe… viññāṇe vā pana na patiṭṭhāti. Tato aññaṃ katvā jīvaṃ gaṇhātīti sassatadiṭṭhi hotīti. Brahmādiṃ ekaccaṃ attānaṃ ‘‘hotī’’ti niccato aññañca ‘‘na hotī’’ti aniccato gaṇhantassa ‘‘hoti ca na ca hotī’’ti ekaccasassatadiṭṭhi. ‘‘Hotī’’ti ca puṭṭhe ‘‘nevā’’ti, ‘‘na hotī’’ti ca puṭṭhe ‘‘na’’iti sabbattha paṭikkhipantassa amarāvikkhepadiṭṭhi, amarā anupacchedā, amaramacchasadisī vā vikkhepadiṭṭhīti attho.
бан̃жагаамаг̇ун̣иго рааг̇о гаамаасавод̇и вуд̇д̇од̇и гад̇ваа б̣рахмаанам̣ вимаанаад̣̇ийсу рааг̇асса д̣̇идтирааг̇асса жа гаамаасавабхаавам̣ бадигкибад̇и. яад̣̇и бана лобхо гаамаасавабхаваасававинимуд̇д̇о ад̇т̇и, со яад̣̇аа д̣̇идтиг̇ад̇авиббаяуд̇д̇зсу уббаж̇ж̇ад̇и, д̇ад̣̇аа д̇зна самбаяуд̇д̇о авиж̇ж̇аасаво аасававиббаяуд̇д̇од̇и д̣̇оманассавижигижчуд̣̇д̇хажжасамбаяуд̇д̇асса вияа д̇ассаби аасававиббаяуд̇д̇ад̇аа вад̇д̇аб̣б̣аа сияаа ‘‘жад̇уусу д̣̇идтиг̇ад̇авиббаяуд̇д̇зсу лобхасахаг̇ад̇зсу жид̇д̇уббаад̣̇зсу уббанно мохо сияаа аасавасамбаяуд̇д̇о сияаа аасававиббаяуд̇д̇о’’д̇и. ‘‘гаамаасаво адтасу лобхасахаг̇ад̇зсу жид̇д̇уббаад̣̇зсу уббаж̇ж̇ад̇ий’’д̇и, ‘‘гаамаасавам̣ бадижжа д̣̇идтаасаво авиж̇ж̇аасаво’’д̇и (бадтаа. 3.3.1) жа важанад̇о д̣̇идтисахаг̇ад̇о рааг̇о гаамаасаво на ход̇ийд̇и на саггаа вад̇д̇ум̣. гилзсабадибаадияааби аахарид̇ум̣ ваддад̇ийд̇и аасаваанам̣ важанам̣ бахаад̇аб̣б̣ад̣̇ассанад̇т̇анд̇и гад̇ваа д̇з бахаанз аахарияамаанаа бахаад̇аб̣б̣аанамби д̇зсам̣ гилзсаанам̣ уд̣̇д̣̇зсаггамзна аахарид̇ум̣ вадданд̇и баж̇аханагаанам̣ маг̇г̇аанамбийд̇и ад̇т̇о.
Pañcakāmaguṇiko rāgo kāmāsavoti vuttoti katvā brahmānaṃ vimānādīsu rāgassa diṭṭhirāgassa ca kāmāsavabhāvaṃ paṭikkhipati. Yadi pana lobho kāmāsavabhavāsavavinimutto atthi, so yadā diṭṭhigatavippayuttesu uppajjati, tadā tena sampayutto avijjāsavo āsavavippayuttoti domanassavicikicchuddhaccasampayuttassa viya tassapi āsavavippayuttatā vattabbā siyā ‘‘catūsu diṭṭhigatavippayuttesu lobhasahagatesu cittuppādesu uppanno moho siyā āsavasampayutto siyā āsavavippayutto’’ti. ‘‘Kāmāsavo aṭṭhasu lobhasahagatesu cittuppādesu uppajjatī’’ti, ‘‘kāmāsavaṃ paṭicca diṭṭhāsavo avijjāsavo’’ti (paṭṭhā. 3.3.1) ca vacanato diṭṭhisahagato rāgo kāmāsavo na hotīti na sakkā vattuṃ. Kilesapaṭipāṭiyāpi āharituṃ vaṭṭatīti āsavānaṃ vacanaṃ pahātabbadassanatthanti katvā te pahāne āhariyamānā pahātabbānampi tesaṃ kilesānaṃ uddesakkamena āharituṃ vaṭṭanti pajahanakānaṃ maggānampīti attho.
1121. батамагамаанабхааж̇анийязд̇и ‘‘сзяяохамасмий’’д̇и маанасса нид̣̇д̣̇зсз. д̇ад̇т̇а хи ‘‘згажжо ж̇аад̇ияаа ваа г̇од̇д̇зна ваа голабуд̇д̇иязна ваа ван̣н̣абогкарад̇ааяа ваа д̇ханзна ваа аж̇жхзнзна ваа гаммааяад̇анзна ваа сиббааяад̇анзна ваа виж̇ж̇аадтаанзна ваа суд̇зна ваа бадибхаанзна ваа ан̃н̃ад̇аран̃н̃ад̇арзна ваа вад̇т̇унаа маанам̣ ж̇аббзд̇и, яо зваруубо маано ман̃н̃анаа…бз… гзд̇угамяад̇аа жид̇д̇ассаа’’д̇и (вибха. 866) сзяяасса сад̣̇исасса хийнасса жа бавад̇д̇амаано буг̇г̇алависзсам̣ анаамасид̇ваа сзяяамаано вибхад̇д̇од̇и имамад̇т̇ам̣ санд̇хааяа ‘‘зго маано д̇ин̣н̣ам̣ ж̇анаанам̣ уббаж̇ж̇ад̇ийд̇и гат̇ид̇о’’д̇и ааха. на гзвалан̃жааяам̣ батамагамаанабхааж̇анийяз зва звам̣ гат̇ид̇о, д̣̇уд̇ияагад̇ад̇ияагамаанабхааж̇анийязби гат̇ид̇о зваад̇и нид̣̇ассанамад̇т̇ам̣ зд̇ам̣ д̣̇адтаб̣б̣ам̣. ат̇а ваа буг̇г̇алз аниссааяа вуд̇д̇аанам̣ д̇ин̣н̣амби маанаанам̣ бхааж̇анийяам̣ ‘‘батамагамаанабхааж̇анийяз’’д̇и ааха. сзяяасса ‘‘сзяяохамасмийд̇и маано’’д̇иаад̣̇ийнан̃хи буг̇г̇алам̣ аамасид̇ваа вуд̇д̇аанам̣ наваннам̣ маанаанам̣ бхааж̇анийяам̣ д̣̇уд̇ияагамаанабхааж̇анийяам̣ ход̇и, д̇асса маанараасисса буг̇г̇алам̣ анаамасид̇ваа вуд̇д̇амаанараасид̇о д̣̇уд̇ияад̇ад̇ияагад̇д̇аад̇и, ат̇ааби жа яат̇аавуд̇д̇з д̣̇уд̇ияагамаанабхааж̇анийяз ‘‘згзгасса д̇аяо д̇аяо маанаа уббаж̇ж̇анд̇ийд̇и гат̇ид̇а’’нд̇и ид̇ха вуд̇д̇ааяа ад̇т̇аван̣н̣анааяа самаанад̣̇ассанад̇т̇ам̣ ‘‘батамагамаанабхааж̇анийяз’’д̇и вуд̇д̇ам̣. со зва маано ид̇хааг̇ад̇од̇и д̇ад̇т̇а гат̇ид̇о зва ад̇т̇о яуж̇ж̇ад̇ийд̇и ад̇хиббааяо. маанагаран̣авасзнаад̇и ‘‘сзяяо’’д̇иаад̣̇игижжагаран̣авасзна. абараабарз убаад̣̇ааяаад̇и ид̣̇ам̣ буримабуримаа маанаа абараабарз убаниссаяабхаавзна д̇з уббаад̣̇знд̇аа ажжуг̇г̇ажчанд̇ийд̇и имамад̇т̇ам̣ санд̇хааяа вуд̇д̇ам̣. гзд̇угамяад̇аажид̇д̇ам̣ ажжуг̇г̇ад̇абхаавам̣ г̇ажчад̇ийд̇и гад̇ваа жид̇д̇знзва висзсид̇ам̣.
1121. Paṭhamakamānabhājanīyeti ‘‘seyyohamasmī’’ti mānassa niddese. Tattha hi ‘‘ekacco jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vā vatthunā mānaṃ jappeti, yo evarūpo māno maññanā…pe… ketukamyatā cittassā’’ti (vibha. 866) seyyassa sadisassa hīnassa ca pavattamāno puggalavisesaṃ anāmasitvā seyyamāno vibhattoti imamatthaṃ sandhāya ‘‘eko māno tiṇṇaṃ janānaṃ uppajjatīti kathito’’ti āha. Na kevalañcāyaṃ paṭhamakamānabhājanīye eva evaṃ kathito, dutiyakatatiyakamānabhājanīyepi kathito evāti nidassanamatthaṃ etaṃ daṭṭhabbaṃ. Atha vā puggale anissāya vuttānaṃ tiṇṇampi mānānaṃ bhājanīyaṃ ‘‘paṭhamakamānabhājanīye’’ti āha. Seyyassa ‘‘seyyohamasmīti māno’’tiādīnañhi puggalaṃ āmasitvā vuttānaṃ navannaṃ mānānaṃ bhājanīyaṃ dutiyakamānabhājanīyaṃ hoti, tassa mānarāsissa puggalaṃ anāmasitvā vuttamānarāsito dutiyatatiyakattāti, athāpi ca yathāvutte dutiyakamānabhājanīye ‘‘ekekassa tayo tayo mānā uppajjantīti kathita’’nti idha vuttāya atthavaṇṇanāya samānadassanatthaṃ ‘‘paṭhamakamānabhājanīye’’ti vuttaṃ. So eva māno idhāgatoti tattha kathito eva attho yujjatīti adhippāyo. Mānakaraṇavasenāti ‘‘seyyo’’tiādikiccakaraṇavasena. Aparāpare upādāyāti idaṃ purimapurimā mānā aparāpare upanissayabhāvena te uppādentā accuggacchantīti imamatthaṃ sandhāya vuttaṃ. Ketukamyatācittaṃ accuggatabhāvaṃ gacchatīti katvā citteneva visesitaṃ.
1126. агкаманабхааваббагаасанам̣ кияяанам̣. манзна бияагаран̣анд̇и звам̣багаарам̣ бууж̇анам̣ маанананд̇и вужжад̇ийд̇и ад̇т̇о. иссаагаран̣авасзнаад̇и лаабхаад̣̇иагкаманагижжавасзна.
1126. Akkhamanabhāvappakāsanaṃ khiyyanaṃ. Manena piyakaraṇanti evaṃpakāraṃ pūjanaṃ mānananti vuccatīti attho. Issākaraṇavasenāti lābhādiakkhamanakiccavasena.
1127. арияасаавагаад̇и важанам̣ ‘‘арияасаавагаанам̣язва бадивзд̇хо ад̇т̇и, д̇з жа д̇ам̣ на мажчарааяанд̇ий’’д̇и бадивзд̇хад̇хаммз мажчарияаабхаавад̣̇ассанад̇т̇ам̣. г̇ант̇од̇и баал̣и. гат̇аамаг̇г̇од̇и адтагат̇аабаб̣анд̇хо. д̇хамманд̇аранд̇и гусалаад̣̇ид̇хаммам̣ бхинд̣̇ид̇ваа агусалаад̣̇им̣ ад̇д̇ано лолад̇ааяа д̇ат̇ааг̇ад̇абхаасид̇ам̣ д̇ид̇т̇ияабхаасид̇ам̣ ваа гаронд̇о аалолзссад̇и. ад̇д̇аанам̣ аавигад̇ваад̇и ад̇д̇аанам̣ ан̃н̃ат̇аа санд̇ам̣ ан̃н̃ат̇аа бавзд̣̇аяид̇ваа. яо банаад̇и д̇ид̇т̇ияо г̇ахадто ваа ад̇д̇ано самаяасса сад̣̇осабхаавам̣ д̣̇адтум̣ анижчанд̇о ан̃н̃аан̣зна абхинивзсзна ваа.
1127. Ariyasāvakāti vacanaṃ ‘‘ariyasāvakānaṃyeva paṭivedho atthi, te ca taṃ na maccharāyantī’’ti paṭivedhadhamme macchariyābhāvadassanatthaṃ. Ganthoti pāḷi. Kathāmaggoti aṭṭhakathāpabandho. Dhammantaranti kusalādidhammaṃ bhinditvā akusalādiṃ attano lolatāya tathāgatabhāsitaṃ titthiyabhāsitaṃ vā karonto ālolessati. Attānaṃ āvikatvāti attānaṃ aññathā santaṃ aññathā pavedayitvā. Yo panāti titthiyo gahaṭṭho vā attano samayassa sadosabhāvaṃ daṭṭhuṃ anicchanto aññāṇena abhinivesena vā.
б̣яаабид̇уманижчод̇и вивижчо, д̇асса бхааво взвижчам̣. анаад̣̇арод̇и мажчариязна д̣̇аанз аад̣̇арарахид̇о. гадажчунаа г̇аахо бхад̇д̇асса гадажчуг̇г̇аахо, гадажчуг̇г̇аахо вияа гадажчуг̇г̇аахо. яат̇аа хи гадажчуг̇г̇аахо яат̇аавуд̇д̇з бхад̇д̇з на сам̣басаараяад̇и, звам̣ мажчарияамби ааваасаад̣̇ийсууд̇и. г̇аяхад̇и зд̇знаад̇и ваа г̇аахо, гадажчу зва г̇аахо гадажчуг̇г̇аахо. со яат̇аа сан̇гудид̇аг̇г̇о на сам̣басаараяад̇и, звам̣ мажчарияамбийд̇и. ааварид̇ваа г̇ахид̇ам̣ аг̇г̇ахид̇ам̣, д̇асса бхааво аг̇г̇ахид̇ад̇д̇ам̣, мажчарияам̣. ‘‘ааваасаад̣̇и барзхи саад̇хааран̣амасаад̇хааран̣ам̣ ваа маяхзва ход̇уу’’д̇и бавад̇д̇ивасзна ад̇д̇асамбад̇д̇иг̇г̇ахан̣алагкан̣ад̇аа, ‘‘маа ан̃н̃ассаа’’д̇и бавад̇д̇ивасзна ад̇д̇асамбад̇д̇иниг̇уухан̣алагкан̣ад̇аа жа яож̇зд̇аб̣б̣аа. яам̣ бана ‘‘барасанд̇агам̣ г̇ан̣хид̇угаамо’’д̇и вуд̇д̇ам̣, д̇ам̣ мажчарияасса барасанд̇агалобхасса убаниссаяабхаавам̣ д̣̇ассзд̇ум̣ вуд̇д̇анд̇и д̣̇адтаб̣б̣ам̣. яад̣̇и хи д̇ам̣ мажчарияаббавад̇д̇ид̣̇ассанам̣, барасамбад̇д̇иг̇г̇ахан̣алагкан̣ад̇аа жа вад̇д̇аб̣б̣аа сияаад̇и.
Byāpitumanicchoti viviccho, tassa bhāvo vevicchaṃ. Anādaroti macchariyena dāne ādararahito. Kaṭacchunā gāho bhattassa kaṭacchuggāho, kaṭacchuggāho viya kaṭacchuggāho. Yathā hi kaṭacchuggāho yathāvutte bhatte na saṃpasārayati, evaṃ macchariyampi āvāsādīsūti. Gayhati etenāti vā gāho, kaṭacchu eva gāho kaṭacchuggāho. So yathā saṅkuṭitaggo na saṃpasārayati, evaṃ macchariyampīti. Āvaritvā gahitaṃ aggahitaṃ, tassa bhāvo aggahitattaṃ, macchariyaṃ. ‘‘Āvāsādi parehi sādhāraṇamasādhāraṇaṃ vā mayheva hotū’’ti pavattivasena attasampattiggahaṇalakkhaṇatā, ‘‘mā aññassā’’ti pavattivasena attasampattinigūhaṇalakkhaṇatā ca yojetabbā. Yaṃ pana ‘‘parasantakaṃ gaṇhitukāmo’’ti vuttaṃ, taṃ macchariyassa parasantakalobhassa upanissayabhāvaṃ dassetuṃ vuttanti daṭṭhabbaṃ. Yadi hi taṃ macchariyappavattidassanaṃ, parasampattiggahaṇalakkhaṇatā ca vattabbā siyāti.
1140. абхиж̇жхаагаамарааг̇аанам̣ висзсо аасавад̣̇ваяазгаасавабхааво сияаа, наабхиж̇жхааяа ноаасавабхааво жаад̇и ноаасавалобхасса саб̣бхааво вижаарзд̇аб̣б̣о. на хи ад̇т̇и ‘‘аасаво жа ноаасаво жа д̇хаммаа аасавасса д̇хаммасса аасавасса жа ноаасавасса жа д̇хаммасса хзд̇убажжаязна бажжаяо’’д̇и сад̇д̇амо жа навамо жа бан̃хо. г̇ан̣анааяа жа ‘‘хзд̇уяаа сад̇д̇аа’’д̇и вуд̇д̇ам̣, на ‘‘наваа’’д̇и. д̣̇идтисамбаяуд̇д̇з бана лобхз ноаасавз виж̇ж̇амаанз сад̇д̇аманавамааби бан̃хависсаж̇ж̇анам̣ лабхзяяум̣, г̇ан̣анаа жа ‘‘хзд̇уяаа наваа’’д̇и вад̇д̇аб̣б̣аа сияаа. д̣̇идтивиббаяуд̇д̇з жа лобхз ноаасавз виж̇ж̇амаанз буб̣б̣з д̣̇ассид̇о д̣̇осод̇и.
1140. Abhijjhākāmarāgānaṃ viseso āsavadvayaekāsavabhāvo siyā, naabhijjhāya noāsavabhāvo cāti noāsavalobhassa sabbhāvo vicāretabbo. Na hi atthi ‘‘āsavo ca noāsavo ca dhammā āsavassa dhammassa āsavassa ca noāsavassa ca dhammassa hetupaccayena paccayo’’ti sattamo ca navamo ca pañho. Gaṇanāya ca ‘‘hetuyā sattā’’ti vuttaṃ, na ‘‘navā’’ti. Diṭṭhisampayutte pana lobhe noāsave vijjamāne sattamanavamāpi pañhavissajjanaṃ labheyyuṃ, gaṇanā ca ‘‘hetuyā navā’’ti vattabbā siyā. Diṭṭhivippayutte ca lobhe noāsave vijjamāne pubbe dassito dosoti.
1159. гаамажчанд̣̇анийваран̣анид̣̇д̣̇зсз гаамзсууд̇и д̇збхуумагзсу саасавзсу саб̣б̣зсу вад̇т̇угаамзсу. саб̣б̣о хи лобхо гаамажчанд̣̇анийваран̣ам̣. д̇знзва д̇асса ааруббз уббад̇д̇и вуд̇д̇аа ‘‘нийваран̣ам̣ д̇хаммам̣ бадижжа нийваран̣о д̇хаммо уббаж̇ж̇ад̇и на бурзж̇аад̇абажжаяаа. ааруббз гаамажчанд̣̇анийваран̣ам̣ бадижжа уд̣̇д̇хажжанийваран̣ам̣ авиж̇ж̇аанийваран̣ам̣. ааруббз гаамажчанд̣̇анийваран̣ам̣ бадижжа т̇инамид̣̇д̇ханийваран̣ам̣ уд̣̇д̇хажжанийваран̣ам̣ авиж̇ж̇аанийваран̣а’’нд̇и (бадтаа. 3.8.1).
1159. Kāmacchandanīvaraṇaniddese kāmesūti tebhūmakesu sāsavesu sabbesu vatthukāmesu. Sabbo hi lobho kāmacchandanīvaraṇaṃ. Teneva tassa āruppe uppatti vuttā ‘‘nīvaraṇaṃ dhammaṃ paṭicca nīvaraṇo dhammo uppajjati na purejātapaccayā. Āruppe kāmacchandanīvaraṇaṃ paṭicca uddhaccanīvaraṇaṃ avijjānīvaraṇaṃ. Āruppe kāmacchandanīvaraṇaṃ paṭicca thinamiddhanīvaraṇaṃ uddhaccanīvaraṇaṃ avijjānīvaraṇa’’nti (paṭṭhā. 3.8.1).
1162. ирияаабат̇игажид̇д̇анд̇и ирияаабат̇уубад̇т̇амбхагам̣ адтабан̃н̃аасавид̇хам̣ жид̇д̇ам̣. д̇ад̇т̇а бана б̣алават̇инамид̣̇д̇хасахаг̇ад̇ам̣ жид̇д̇ам̣ ‘‘ирияаабат̇ам̣ санд̇хаарзд̇ум̣ асаггонд̇а’’нд̇и вуд̇д̇ам̣. олийяад̇ийд̇и оламб̣ад̇и.
1162. Iriyāpathikacittanti iriyāpathūpatthambhakaṃ aṭṭhapaññāsavidhaṃ cittaṃ. Tattha pana balavathinamiddhasahagataṃ cittaṃ ‘‘iriyāpathaṃ sandhāretuṃ asakkonta’’nti vuttaṃ. Olīyatīti olambati.
1163. онаяхад̇ийд̇и чаад̣̇зд̇и, авад̇т̇арад̇и ваа. наанаарамман̣зсу бавад̇д̇инивааран̣зна, вибпааригад̇аанивааран̣знзва ваа анд̇осамород̇хо. згажжаананд̇и сирийсаад̣̇иругкаанам̣. руубагааязнзва сияум̣, д̇зна сукаббадисам̣взд̣̇ананиб̣б̣аанасажчигирияаанам̣ руубад̇аабад̇д̇и сияаад̇и ад̇хиббааяо. д̇асмаад̇и ‘‘гааяассаа’’д̇и важанасса руубад̇д̇аасаад̇хагад̇д̇аа. на хи наамагааяо субад̇ийд̇и ид̣̇ам̣ т̇инамид̣̇д̇хасамудтид̇аруубзхи руубагааяасса г̇арубхааваббад̇д̇ам̣ ан̇г̇абажжан̇г̇аад̣̇ийнам̣ сам̣сийд̣̇анам̣ соббанд̇и санд̇хааяа вуд̇д̇ам̣, на ж̇ааг̇аран̣ажид̇д̇арахид̇ам̣ бхаван̇г̇асанд̇ад̇инд̇и. д̇асса палад̇д̇аад̇и палуубажаарзна инд̣̇рияам̣ вияа мид̣̇д̇хам̣ д̣̇ассзд̇ум̣ мид̣̇д̇хасса палад̇д̇аа инд̣̇рияанид̣̇д̣̇зсз вияа лин̇г̇аад̣̇ийни мид̣̇д̇ханид̣̇д̣̇зсзби соббаад̣̇ийни вуд̇д̇аанийд̇и ад̇т̇о.
1163. Onayhatīti chādeti, avattharati vā. Nānārammaṇesu pavattinivāraṇena, vipphārikatānivāraṇeneva vā antosamorodho. Ekaccānanti sirīsādirukkhānaṃ. Rūpakāyeneva siyuṃ, tena sukhappaṭisaṃvedananibbānasacchikiriyānaṃ rūpatāpatti siyāti adhippāyo. Tasmāti ‘‘kāyassā’’ti vacanassa rūpattāsādhakattā. Na hi nāmakāyo supatīti idaṃ thinamiddhasamuṭṭhitarūpehi rūpakāyassa garubhāvappattaṃ aṅgapaccaṅgādīnaṃ saṃsīdanaṃ soppanti sandhāya vuttaṃ, na jāgaraṇacittarahitaṃ bhavaṅgasantatinti. Tassa phalattāti phalūpacārena indriyaṃ viya middhaṃ dassetuṃ middhassa phalattā indriyaniddese viya liṅgādīni middhaniddesepi soppādīni vuttānīti attho.
руубагааяасса анд̇осамород̇хо над̇т̇ийд̇и со наамагааяз вуд̇д̇од̇и вин̃н̃ааяад̇и. д̇зна саха вуд̇д̇аа онаахабарияонаахаа жа. руубагааяасса ваа вибпааригаавибпааригабхааво наама ад̇д̇ано сабхаавзна над̇т̇и, наамагааяасса наамагааяз вибпааригз лахуго, авибпааригз г̇аругод̇и авибпааригабхаавзна онааханаад̣̇и наамагааяассзва ход̇ийд̇и онааханаад̣̇аяоби наамагааяз вин̃н̃ааяанд̇и. д̇знааха ‘‘на хи руубам̣ наамагааяасса онаахо…бз… ход̇ий’’д̇и. ааваран̣абхааво вияа хи онааханаад̣̇ибхаавоби наамагааяассзва ход̇ийд̇и. ид̇аро ад̇хиббааяам̣ аж̇аананд̇о мзгхаад̣̇ийхи руубзхи руубаанам̣ онааханаад̣̇им̣ бассанд̇о ‘‘нану жаа’’д̇иаад̣̇имааха. яад̣̇и званд̇и яад̣̇и руубасса онааханаад̣̇ид̇аа сид̣̇д̇хаа, аруубасса на сияаа , сзд̇уб̣анд̇хаад̣̇ийсу руубасса ааваран̣ам̣ д̣̇идтанд̇и ааваран̣амби аруубасса на бхавзяяаад̇и ад̇т̇о.
Rūpakāyassa antosamorodho natthīti so nāmakāye vuttoti viññāyati. Tena saha vuttā onāhapariyonāhā ca. Rūpakāyassa vā vipphārikāvipphārikabhāvo nāma attano sabhāvena natthi, nāmakāyassa nāmakāye vipphārike lahuko, avipphārike garukoti avipphārikabhāvena onāhanādi nāmakāyasseva hotīti onāhanādayopi nāmakāye viññāyanti. Tenāha ‘‘na hi rūpaṃ nāmakāyassa onāho…pe… hotī’’ti. Āvaraṇabhāvo viya hi onāhanādibhāvopi nāmakāyasseva hotīti. Itaro adhippāyaṃ ajānanto meghādīhi rūpehi rūpānaṃ onāhanādiṃ passanto ‘‘nanu cā’’tiādimāha. Yadi evanti yadi rūpassa onāhanāditā siddhā, arūpassa na siyā , setubandhādīsu rūpassa āvaraṇaṃ diṭṭhanti āvaraṇampi arūpassa na bhaveyyāti attho.
сураамзраяабаанам̣ агусаланд̇и гад̇ваа яуд̇д̇о д̇асса убаггилзсабхааво, сураа…бз… бамаад̣̇адтаанаануяог̇асса жа агусалад̇д̇аа бан̃н̃ааяа д̣̇уб̣б̣алийгаран̣абхааво яуд̇д̇о, д̇ат̇ааби барасса ад̇хиббааяам̣ ануж̇аанид̇ваа сураамзраяасса убаггилзсад̇аа бан̃н̃ааяа д̣̇уб̣б̣алийгаран̣ад̇аа жа убаггилзсаанам̣ бан̃н̃ааяа д̣̇уб̣б̣алийгаран̣аанан̃жа бажжаяад̇д̇аа палавохаарзна вуд̇д̇аад̇и д̣̇ассзнд̇о ааха ‘‘на, бажжаяанид̣̇д̣̇зсад̇о’’д̇и. звамзва код̇и яат̇аа ж̇аад̇аруубасса аяо лохам̣ д̇ибу сийсам̣ саж̇ж̇анд̇и бан̃жубаггилзсзхи убаггилидтам̣ ж̇аад̇аруубам̣ на жзва муд̣̇у ход̇и, на жа гамманияам̣, на жа бабхассарам̣ бабхан̇г̇у жа, на жа саммаа убзд̇и гаммааяа, звамзва. бажжаяанид̣̇д̣̇зсад̇од̇и убаггилзсабан̃н̃аад̣̇уб̣б̣алийгаран̣аанам̣ бажжаяабхааванид̣̇д̣̇зсад̇о, бажжаяз паланид̣̇д̣̇зсад̇од̇и ад̇т̇о. саяамзва гилзсо убаггилзсанид̣̇д̣̇зсзсу нид̣̇д̣̇идтод̇и ад̇хиббааяо.
Surāmerayapānaṃ akusalanti katvā yutto tassa upakkilesabhāvo, surā…pe… pamādaṭṭhānānuyogassa ca akusalattā paññāya dubbalīkaraṇabhāvo yutto, tathāpi parassa adhippāyaṃ anujānitvā surāmerayassa upakkilesatā paññāya dubbalīkaraṇatā ca upakkilesānaṃ paññāya dubbalīkaraṇānañca paccayattā phalavohārena vuttāti dassento āha ‘‘na, paccayaniddesato’’ti. Evameva khoti yathā jātarūpassa ayo lohaṃ tipu sīsaṃ sajjanti pañcupakkilesehi upakkiliṭṭhaṃ jātarūpaṃ na ceva mudu hoti, na ca kammaniyaṃ, na ca pabhassaraṃ pabhaṅgu ca, na ca sammā upeti kammāya, evameva. Paccayaniddesatoti upakkilesapaññādubbalīkaraṇānaṃ paccayabhāvaniddesato, paccaye phalaniddesatoti attho. Sayameva kileso upakkilesaniddesesu niddiṭṭhoti adhippāyo.
нийваран̣ам̣ худ̇ваава нийваран̣асамбаяуд̇д̇з д̣̇ассияамаанз на нийваран̣ад̇аад̣̇ассанад̇т̇о аарамбхо, ат̇а ко сид̣̇д̇ханийваран̣абхаавасса нийваран̣асамбаяуд̇д̇ад̇аад̣̇ассанад̇т̇од̇и яат̇аалаабхавасзна жа асамбаяуд̇д̇асса важанам̣ на яуж̇ж̇ад̇и. яат̇аа хи д̇идтанд̇амби жаранд̇амбийд̇и сиббисамб̣угаад̣̇ийсу яат̇аалаабхасамбхавам̣ д̇ам̣ д̣̇ваяам̣ вуд̇д̇ам̣, на звам̣ ‘‘т̇инамид̣̇д̇ханийваран̣ам̣ самбаяуд̇д̇амби асамбаяуд̇д̇амбий’’д̇и важанам̣ ад̇т̇и, яам̣ яат̇аалаабхам̣ самбхавзяяаад̇и. жид̇д̇аж̇ассаасамбхававажанад̇од̇и ‘‘жад̇д̇ад̇д̇аа’’д̇иаад̣̇иважанасса жхаанагкан̣з жид̇д̇аж̇асса т̇инамид̣̇д̇хасса асамбхававажанабхаавад̇од̇и ад̇т̇о, ‘‘жад̇д̇ад̇д̇аа’’д̇иаад̣̇иважанзна ваа асамбхавасса важанад̇о багаасанад̇од̇и ад̇т̇о.
Nīvaraṇaṃ hutvāva nīvaraṇasampayutte dassiyamāne na nīvaraṇatādassanattho ārambho, atha kho siddhanīvaraṇabhāvassa nīvaraṇasampayuttatādassanatthoti yathālābhavasena ca asampayuttassa vacanaṃ na yujjati. Yathā hi tiṭṭhantampi carantampīti sippisambukādīsu yathālābhasambhavaṃ taṃ dvayaṃ vuttaṃ, na evaṃ ‘‘thinamiddhanīvaraṇaṃ sampayuttampi asampayuttampī’’ti vacanaṃ atthi, yaṃ yathālābhaṃ sambhaveyyāti. Cittajassāsambhavavacanatoti ‘‘cattattā’’tiādivacanassa jhānakkhaṇe cittajassa thinamiddhassa asambhavavacanabhāvatoti attho, ‘‘cattattā’’tiādivacanena vā asambhavassa vacanato pakāsanatoti attho.
гаамзсу ко бана…бз… суд̣̇идтод̇и иминаа гаамаад̣̇ийнавз ан̃н̃аан̣асса бахаанамааха. д̇ам̣ д̇ад̇т̇а бахаананд̇и д̇ам̣ д̇ад̇т̇а руубз бахаананд̇и бахаанам̣ абзгкид̇ваа ‘‘д̇а’’нд̇и вуд̇д̇ам̣, д̇ам̣ винаяананд̇и ваа ад̇т̇о. д̇зна руубасса аббахаад̇аб̣б̣ад̇д̇амзва д̣̇ассзд̇и, на бана ‘‘ча д̇хаммз бахааяаа’’д̇иаад̣̇ийсу мид̣̇д̇хасса аббахаад̇аб̣б̣ад̇аад̣̇ассанад̇о ан̃н̃о багааро вуд̇д̇о. на яат̇аа…бз… вуд̇д̇анд̇и ча д̇хаммаа бан̃жа нийваран̣аани жа яат̇аа бахаад̇аб̣б̣аанзва хонд̇аани ‘‘бахаад̇аб̣б̣ааний’’д̇и вуд̇д̇аани, на звам̣ руубам̣ бахаад̇аб̣б̣амзва хонд̇ам̣ ‘‘бахаад̇аб̣б̣а’’нд̇и вуд̇д̇анд̇и ад̇т̇о.
Kāmesu kho pana…pe… sudiṭṭhoti iminā kāmādīnave aññāṇassa pahānamāha. Taṃ tatthapahānanti taṃ tattha rūpe pahānanti pahānaṃ apekkhitvā ‘‘ta’’nti vuttaṃ, taṃ vinayananti vā attho. Tena rūpassa appahātabbattameva dasseti, na pana ‘‘cha dhamme pahāyā’’tiādīsu middhassa appahātabbatādassanato añño pakāro vutto. Na yathā…pe… vuttanti cha dhammā pañca nīvaraṇāni ca yathā pahātabbāneva hontāni ‘‘pahātabbānī’’ti vuttāni, na evaṃ rūpaṃ pahātabbameva hontaṃ ‘‘pahātabba’’nti vuttanti attho.
ан̃н̃зхи жа суд̇д̇зхийд̇и вуд̇д̇асуд̇д̇аанам̣ д̣̇ассанад̇т̇ам̣ ‘‘д̇ат̇аа хий’’д̇иаад̣̇имааха. гусалаббавад̇д̇им̣ ааваранд̇ийд̇и ааваран̣аа. нийваарзнд̇ийд̇и нийваран̣аа. жид̇д̇ам̣ абхибхаванд̇аа аароханд̇ийд̇и жзд̇асо аж̇жхаарухаа. ааваран̣аад̣̇игижжан̃жа аруубассзва яуж̇ж̇ад̇и, д̇ат̇аа анд̇хагаран̣аад̣̇игижжам̣. д̇ад̇т̇а жад̇уусу бад̣̇зсу буримабуримасса бажчимабажчимо ад̇т̇о. сам̣саарад̣̇угкам̣ вигхаад̇о, д̇ам̣ж̇анагад̇ааяа вигхаад̇абагкигам̣. жзд̇асо барияудтаанам̣ аяонисоманасигаарад̇о уббад̇д̇и агусалараасибхааво жа аруубассзва ход̇ийд̇и аруубамзва мид̣̇д̇хам̣.
Aññehi ca suttehīti vuttasuttānaṃ dassanatthaṃ ‘‘tathā hī’’tiādimāha. Kusalappavattiṃ āvarantīti āvaraṇā. Nīvārentīti nīvaraṇā. Cittaṃ abhibhavantā ārohantīti cetaso ajjhāruhā. Āvaraṇādikiccañca arūpasseva yujjati, tathā andhakaraṇādikiccaṃ. Tattha catūsu padesu purimapurimassa pacchimapacchimo attho. Saṃsāradukkhaṃ vighāto, taṃjanakatāya vighātapakkhikaṃ. Cetaso pariyuṭṭhānaṃ ayonisomanasikārato uppatti akusalarāsibhāvo ca arūpasseva hotīti arūpameva middhaṃ.
1166. г̇ан̣абхож̇анаад̣̇иагаббияабхож̇анам̣ габбияасан̃н̃ий бхун̃ж̇ид̇ваа буна ж̇аанид̇ваа гожи виббадисаарий ход̇и, анаваж̇ж̇ан̃жа бхигкуд̣̇ассанажзд̇ияаванд̣̇анаад̣̇им̣ важ̇ж̇асан̃н̃ий агад̇ваа гад̇ваа жа гожи ассад̣̇д̇хо виббадисаарий ход̇и. вад̇т̇унд̇и муулам̣. зваруубанд̇и муулавасзна звам̣багааранд̇и ад̇т̇о. гуггужжабад̣̇ам̣ язваабанагзсу ‘‘гужчид̇ам̣ гад̇ам̣ гугад̇ам̣, д̇асса бхааво’’д̇и вуд̇д̇ад̇т̇амзва. гуггужжааяанаагаарод̇и гуггужжабхааванаагааро гуггужжагаран̣аагааро гуггужжаг̇аманаагааро ваа. зд̇зна гуггужжам̣ гирияабхаавзна д̣̇ассзд̇и. ‘‘габбад̇и на габбад̇ий’’д̇и бавад̇д̇ажид̇д̇уббаад̣̇ова винаяагуггужжам̣.
1166. Gaṇabhojanādiakappiyabhojanaṃ kappiyasaññī bhuñjitvā puna jānitvā koci vippaṭisārī hoti, anavajjañca bhikkhudassanacetiyavandanādiṃ vajjasaññī akatvā katvā ca koci assaddho vippaṭisārī hoti. Vatthunti mūlaṃ. Evarūpanti mūlavasena evaṃpakāranti attho. Kukkuccapadaṃ yevāpanakesu ‘‘kucchitaṃ kataṃ kukataṃ, tassa bhāvo’’ti vuttatthameva. Kukkuccāyanākāroti kukkuccabhāvanākāro kukkuccakaraṇākāro kukkuccagamanākāro vā. Etena kukkuccaṃ kiriyabhāvena dasseti. ‘‘Kappati na kappatī’’ti pavattacittuppādova vinayakukkuccaṃ.
1176. жид̇д̇авигкибанагижжасааман̃н̃зна уд̣̇д̇хажжам̣ гуггужжан̃жа саха вуд̇д̇анд̇и взд̣̇ид̇аб̣б̣ам̣. гаамажчанд̣̇асса анааг̇аамимаг̇г̇зна бахаанам̣ уггадтанийваран̣авасзна вуд̇д̇анд̇и взд̣̇ид̇аб̣б̣ам̣. яад̣̇и хи лобхо нонийваран̣о сияаа, ‘‘нонийваран̣о д̇хаммо нийваран̣асса д̇хаммасса хзд̇убажжаязна бажжаяо’’д̇иаад̣̇и вад̇д̇аб̣б̣ам̣ сияаа, на жзд̇ам̣ вуд̇д̇ам̣. г̇ан̣анааяа жа ‘‘хзд̇уяаа жад̇д̇аарий’’д̇и вуд̇д̇ам̣, на ‘‘наваа’’д̇и. д̇асмаа саб̣б̣о лобхо гаамажчанд̣̇анийваран̣анд̇и арахад̇д̇амаг̇г̇знасса бахаанаважанам̣ яуд̇д̇ам̣.
1176. Cittavikkhipanakiccasāmaññena uddhaccaṃ kukkuccañca saha vuttanti veditabbaṃ. Kāmacchandassa anāgāmimaggena pahānaṃ ukkaṭṭhanīvaraṇavasena vuttanti veditabbaṃ. Yadi hi lobho nonīvaraṇo siyā, ‘‘nonīvaraṇo dhammo nīvaraṇassa dhammassa hetupaccayena paccayo’’tiādi vattabbaṃ siyā, na cetaṃ vuttaṃ. Gaṇanāya ca ‘‘hetuyā cattārī’’ti vuttaṃ, na ‘‘navā’’ti. Tasmā sabbo lobho kāmacchandanīvaraṇanti arahattamaggenassa pahānavacanaṃ yuttaṃ.
1219. гаамо жаад̇и гилзсагаамо жа. буримад̣̇идтим̣ уд̇д̇арад̣̇идти убаад̣̇ияад̇ийд̇и буримад̣̇идтим̣ ‘‘сассад̇о’’д̇и г̇ан̣ханд̇ий убаад̣̇ияад̇и, буримад̣̇идтиаагаарзнзва ваа уббаж̇ж̇амаанаа уд̇д̇арад̣̇идти д̇знзва буримад̣̇идтим̣ д̣̇ал̣хам̣ гаронд̇ий д̇ам̣ убаад̣̇ияад̇ийд̇и вуд̇д̇ам̣. г̇осийлаг̇овад̇аад̣̇ийнийд̇и д̇ат̇аабхууд̇ам̣ д̣̇идтимааха. абхинивзсад̇од̇и абхинивзсабхаавад̇о, абхинивисанад̇о ваа. ад̇д̇аваад̣̇амад̇д̇амзваад̇и ад̇д̇асса абхааваа ‘‘ад̇д̇аа’’д̇и ид̣̇ам̣ важанамад̇д̇амзва. убаад̣̇ияанд̇и д̣̇ал̣хам̣ г̇ан̣ханд̇и. гат̇ам̣? ад̇д̇аад̇и. ад̇д̇аад̇и хи абхинивисанд̇аа важанамзва д̣̇ал̣хам̣ гад̇ваа г̇ан̣ханд̇ийд̇и ад̇т̇о. звам̣ ад̇д̇аваад̣̇амад̇д̇амзва убаад̣̇ияанд̇ийд̇и вуд̇д̇ам̣. ‘‘ад̇д̇аваад̣̇амад̇д̇а’’нд̇и ваа ваажаавад̇т̇умад̇д̇амааха. ваажаавад̇т̇умад̇д̇амзва хи ‘‘ад̇д̇аа’’д̇и убаад̣̇ияанд̇и ад̇т̇асса абхааваад̇и.
1219. Kāmo cāti kilesakāmo ca. Purimadiṭṭhiṃ uttaradiṭṭhi upādiyatīti purimadiṭṭhiṃ ‘‘sassato’’ti gaṇhantī upādiyati, purimadiṭṭhiākāreneva vā uppajjamānā uttaradiṭṭhi teneva purimadiṭṭhiṃ daḷhaṃ karontī taṃ upādiyatīti vuttaṃ. Gosīlagovatādīnīti tathābhūtaṃ diṭṭhimāha. Abhinivesatoti abhinivesabhāvato, abhinivisanato vā. Attavādamattamevāti attassa abhāvā ‘‘attā’’ti idaṃ vacanamattameva. Upādiyanti daḷhaṃ gaṇhanti. Kathaṃ? Attāti. Attāti hi abhinivisantā vacanameva daḷhaṃ katvā gaṇhantīti attho. Evaṃ attavādamattameva upādiyantīti vuttaṃ. ‘‘Attavādamatta’’nti vā vācāvatthumattamāha. Vācāvatthumattameva hi ‘‘attā’’ti upādiyanti atthassa abhāvāti.
1221. д̣̇иннанд̇и д̣̇аанамааха, д̇ам̣ апалад̇д̇аа руубам̣ вияа д̣̇аанам̣ наама на ход̇ийд̇и бадигкибад̇и. махаавиж̇ид̇аяан̃н̃асад̣̇исо яан̃н̃о махааяааг̇о. ааманд̇зд̇ваа хаванам̣ д̣̇аанам̣ аахунам̣, баахунаанам̣ ад̇ит̇ийнам̣ ад̇ит̇игирияаа баахунам̣, ааваахаад̣̇ийсу ман̇г̇алад̇т̇ам̣ д̣̇аанам̣ ман̇г̇алагирияаа. баралогз тид̇о имам̣ логам̣ ‘‘над̇т̇ий’’д̇и г̇ан̣хаад̇ийд̇и имам̣ логам̣ авзгкид̇ваа баралого, баран̃жа авзгкид̇ваа аяам̣ лого ход̇и г̇анд̇аб̣б̣ад̇о ааг̇анд̇аб̣б̣ад̇о жаад̇и баралогад̇о ид̇хааг̇аманасса абхааваа д̇ад̇т̇зва ужчиж̇ж̇анад̇о жид̇д̇зна баралогз тид̇о имам̣ логам̣ ‘‘над̇т̇ий’’д̇и г̇ан̣хаад̇ийд̇и ад̇т̇о взд̣̇ид̇аб̣б̣о. на хи аяам̣ д̣̇идти баралогз ниб̣б̣ад̇д̇ассзва ход̇ийд̇и. ид̇халогз тид̇од̇и зд̇т̇ааби аяамзва наяо. аяам̣ ваа зд̇т̇а ад̇т̇о ‘‘сам̣саран̣аббад̣̇зсо ид̇халого жа баралого жа наама гожи над̇т̇и сам̣саран̣асса абхааваа д̇ад̇т̇а д̇ад̇т̇зва ужчиж̇ж̇анад̇о’’д̇и. буримабхавад̇о бажчимабхавз убабад̇анам̣ убабаад̇о, со язсам̣ сийлам̣, д̇з обабаад̇игаа. д̇з бана жаванагаа убабаж̇ж̇анагаа хонд̇ийд̇и гад̇ваа ааха ‘‘жаванагаубабаж̇ж̇анагасад̇д̇аа над̇т̇ийд̇и г̇ан̣хаад̇ий’’д̇и. ануломаббадибад̣̇анд̇и ниб̣б̣аанаанугуулам̣ сийлаад̣̇иббадибад̣̇ам̣.
1221. Dinnanti dānamāha, taṃ aphalattā rūpaṃ viya dānaṃ nāma na hotīti paṭikkhipati. Mahāvijitayaññasadiso yañño mahāyāgo. Āmantetvā havanaṃ dānaṃ āhunaṃ, pāhunānaṃ atithīnaṃ atithikiriyā pāhunaṃ, āvāhādīsu maṅgalatthaṃ dānaṃ maṅgalakiriyā. Paraloke ṭhito imaṃ lokaṃ ‘‘natthī’’ti gaṇhātīti imaṃ lokaṃ avekkhitvā paraloko, parañca avekkhitvā ayaṃ loko hoti gantabbato āgantabbato cāti paralokato idhāgamanassa abhāvā tattheva ucchijjanato cittena paraloke ṭhito imaṃ lokaṃ ‘‘natthī’’ti gaṇhātīti attho veditabbo. Na hi ayaṃ diṭṭhi paraloke nibbattasseva hotīti. Idhaloke ṭhitoti etthāpi ayameva nayo. Ayaṃ vā ettha attho ‘‘saṃsaraṇappadeso idhaloko ca paraloko ca nāma koci natthi saṃsaraṇassa abhāvā tattha tattheva ucchijjanato’’ti. Purimabhavato pacchimabhave upapatanaṃ upapāto, so yesaṃ sīlaṃ, te opapātikā. Te pana cavanakā upapajjanakā hontīti katvā āha ‘‘cavanakaupapajjanakasattā natthīti gaṇhātī’’ti. Anulomappaṭipadanti nibbānānukūlaṃ sīlādippaṭipadaṃ.
1236. ниббад̣̇зсад̇ова г̇ахид̇од̇и иминаа яам̣ аасаваг̇ожчагз б̣рахмаанам̣ габбаругкаад̣̇ийсу рааг̇асса жа д̣̇идтирааг̇асса жа асан̇г̇ахан̣зна нийваран̣аг̇ожчагз жа гаамажчанд̣̇асса анааг̇аамимаг̇г̇зна бахаад̇аб̣б̣ад̇аад̣̇ассанзна саббад̣̇зсад̇д̇ам̣ вуд̇д̇ам̣, д̇ам̣ ниваарид̇ам̣ ход̇и. арахад̇д̇амаг̇г̇знаад̇и важанзна жад̇уухи маг̇г̇зхи бахаад̇аб̣б̣ад̇аа вуд̇д̇аад̇и д̣̇адтаб̣б̣ам̣. на хи буримзхи ад̇анугад̇аа мохаад̣̇аяо арахад̇д̇амаг̇г̇зна бахийяанд̇ийд̇и.
1236. Nippadesatova gahitoti iminā yaṃ āsavagocchake brahmānaṃ kapparukkhādīsu rāgassa ca diṭṭhirāgassa ca asaṅgahaṇena nīvaraṇagocchake ca kāmacchandassa anāgāmimaggena pahātabbatādassanena sappadesattaṃ vuttaṃ, taṃ nivāritaṃ hoti. Arahattamaggenāti vacanena catūhi maggehi pahātabbatā vuttāti daṭṭhabbaṃ. Na hi purimehi atanukatā mohādayo arahattamaggena pahīyantīti.
1287. нирад̇иад̇т̇знаад̇и бийд̇ивирахзна, б̣алаваниганд̇ивирахзна ваа. на хи д̣̇угкааяа взд̣̇анааяа раж̇ж̇анд̇ийд̇и. ава-сад̣̇д̣̇зна аваг̇аахад̇т̇о ад̇хоад̇т̇о жаад̇и д̣̇вид̇хаа ава-сад̣̇д̣̇асса ад̇т̇о вуд̇д̇о.
1287. Niratiatthenāti pītivirahena, balavanikantivirahena vā. Na hi dukkhāya vedanāya rajjantīti. Ava-saddena avagāhattho adhoattho cāti dvidhā ava-saddassa attho vutto.
1301. вижигижчаасахаг̇ад̇о мохаран̣о бахаанзгадтзна д̣̇идтисамбаяуд̇д̇зна рааг̇аран̣зна саран̣о, уд̣̇д̇хажжасахаг̇ад̇о руубарааг̇ааруубарааг̇асан̇каад̇зна. аран̣авибхан̇г̇асуд̇д̇з (ма. ни. 3.333) бана ‘‘яо гаамабадисанд̇хисукино соманассаануяог̇о хийно г̇аммо бот̇уж̇ж̇аниго анарияо анад̇т̇асам̣хид̇о, сад̣̇угко зсо д̇хаммо саубагхаад̇о саубааяаасо сабарил̣аахо мижчаабадибад̣̇аа. д̇асмаа зсо д̇хаммо саран̣о’’д̇иаад̣̇иважанад̇о палабхууд̇ад̣̇угкаубагхаад̇аубааяаасабарил̣аахасабхаавабхууд̇о мижчаабадибад̣̇аабхаавова ‘‘саран̣о’’д̇и вин̃н̃ааяад̇ийд̇и д̇зхи саб̣б̣аагусалаанам̣ саран̣ад̇аа сид̣̇д̇хаа ход̇ийд̇и.
1301. Vicikicchāsahagato moharaṇo pahānekaṭṭhena diṭṭhisampayuttena rāgaraṇena saraṇo, uddhaccasahagato rūparāgaarūparāgasaṅkhātena. Araṇavibhaṅgasutte (ma. ni. 3.333) pana ‘‘yo kāmapaṭisandhisukhino somanassānuyogo hīno gammo pothujjaniko anariyo anatthasaṃhito, sadukkho eso dhammo saupaghāto saupāyāso sapariḷāho micchāpaṭipadā. Tasmā eso dhammo saraṇo’’tiādivacanato phalabhūtadukkhaupaghātaupāyāsapariḷāhasabhāvabhūto micchāpaṭipadābhāvova ‘‘saraṇo’’ti viññāyatīti tehi sabbākusalānaṃ saraṇatā siddhā hotīti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇уганигкзбам̣ • Dukanikkhepaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̣̇уганигкзбагат̇аа • Dukanikkhepakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / д̣̇уганигкзбагат̇ааван̣н̣анаа • Dukanikkhepakathāvaṇṇanā
