| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
д̣̇уганигкзбагат̇ааван̣н̣анаа
Dukanikkhepakathāvaṇṇanā
1062. мзд̇д̇ааяа аяанам̣ убаг̇аманам̣ мзд̇д̇ааяанам̣, д̇ан̃жа ад̇д̇ано санд̇аанз мзд̇д̇ааяа лаабхо уббаад̣̇анам̣ сад̇д̇аанам̣ анубаг̇амо ад̇т̇ад̇о маж̇ж̇анамзваад̇и ‘‘мзд̇д̇аа, мзд̣̇ана’’нд̇и вад̇ваа ‘‘синзхана’’нд̇и ааха.
1062. Mettāya ayanaṃ upagamanaṃ mettāyanaṃ, tañca attano santāne mettāya lābho uppādanaṃ sattānaṃ anupagamo atthato majjanamevāti ‘‘mettā, medana’’nti vatvā ‘‘sinehana’’nti āha.
1065. д̇асмим̣ д̇асмим̣ висаяз жид̇д̇ам̣ сам̣ран̃ж̇ад̇ийд̇и жид̇д̇асса сам̣ран̃ж̇анам̣. д̇ан̣хаавижарид̇аад̣̇ийд̇и аад̣̇и-сад̣̇д̣̇зна зсанаад̣̇аяо сан̇г̇ахид̇аа. д̇ан̣хааяа вибулад̇аа висаяавасзна бавад̇д̇ивасзна ваа взд̣̇ид̇аб̣б̣аа. анижжаад̣̇исабхаавасса руубаад̣̇игасса нижжаад̣̇ид̇о г̇ахан̣ам̣ абхинивзсо висзсад̇о д̇ан̣хаавасзна ход̇и д̇ан̣хаарахид̇ааяа д̣̇идтияаа абхааваад̇и убажааравасзна нимид̇д̇асса гад̇д̇убхаавамааха ‘‘нижжаад̣̇ид̇о г̇ан̣ханд̇ий висам̣ваад̣̇игаа ход̇ий’’д̇и. баагадзна сад̣̇д̣̇зна лаб̣бхамаанад̇д̇аа яат̇ааруд̇авин̃н̃ааяамаанад̇д̇аа жа висад̇д̇игаасад̣̇д̣̇асса висад̇асабхааво ‘‘бад̇хаано ад̇т̇о’’д̇и вуд̇д̇о. ‘‘анд̇алигкажаро баасо, явааяам̣ жарад̇и маанасо. д̇зна д̇ам̣ б̣аад̇хаяиссаамий’’д̇иаад̣̇ивасзна (сам̣. ни. 1.151; махаава. 33) маарзна г̇ахид̇ад̇ааяа.
1065. Tasmiṃ tasmiṃ visaye cittaṃ saṃrañjatīti cittassa saṃrañjanaṃ. Taṇhāvicaritādīti ādi-saddena esanādayo saṅgahitā. Taṇhāya vipulatā visayavasena pavattivasena vā veditabbā. Aniccādisabhāvassa rūpādikassa niccādito gahaṇaṃ abhiniveso visesato taṇhāvasena hoti taṇhārahitāya diṭṭhiyā abhāvāti upacāravasena nimittassa kattubhāvamāha ‘‘niccādito gaṇhantī visaṃvādikā hotī’’ti. Pākaṭena saddena labbhamānattā yathārutaviññāyamānattā ca visattikāsaddassa visatasabhāvo ‘‘padhāno attho’’ti vutto. ‘‘Antalikkhacaro pāso, yvāyaṃ carati mānaso. Tena taṃ bādhayissāmī’’tiādivasena (saṃ. ni. 1.151; mahāva. 33) mārena gahitatāya.
1066. анад̇т̇ажаран̣аад̣̇ианабхисанд̇хаанагад̇ааяа адтаанабхууд̇зсу жа вассаваад̇аад̣̇исан̇каарзсу уббаннагобо вияа сад̇д̇зсу ад̇т̇аажаран̣аад̣̇инаа ааробанаад̇хиббааязсуязва д̇ад̣̇аж̇жхааробанавасзна бавад̇д̇о яад̣̇иби анааяад̇ануббад̇д̇ияаа адтаанаагхаад̇оязва ход̇и, сад̇д̇ависаяад̇д̇аа бана сад̇и жид̇д̇асса зганд̇аб̣яаабад̇д̇ияам̣ гаммабат̇абхзд̣̇о ход̇иязваад̇и саггаа вин̃н̃аад̇ум̣, адтаануббад̇д̇ияам̣ банасса на сияаа гаммабат̇абхзд̣̇од̇и ааха ‘‘сад̇д̇зсу уббанно адтаанагобо гарод̇ий’’д̇и. бадигхаад̣̇ибад̣̇аанам̣ гхадданаабуримаяаамавигааруббад̇д̇исаман̃н̃аад̣̇ийсуби д̣̇ассанад̇о ‘‘бадивирод̇хаад̣̇ибад̣̇аани д̇зсам̣ висзсанад̇т̇ааний’’д̇и вуд̇д̇ам̣.
1066. Anatthacaraṇādianabhisandhānakatāya aṭṭhānabhūtesu ca vassavātādisaṅkhāresu uppannakopo viya sattesu atthācaraṇādinā āropanādhippāyesuyeva tadajjhāropanavasena pavatto yadipi anāyatanuppattiyā aṭṭhānāghātoyeva hoti, sattavisayattā pana sati cittassa ekantabyāpattiyaṃ kammapathabhedo hotiyevāti sakkā viññātuṃ, aṭṭhānuppattiyaṃ panassa na siyā kammapathabhedoti āha ‘‘sattesu uppanno aṭṭhānakopo karotī’’ti. Paṭighādipadānaṃ ghaṭṭanāpurimayāmavikāruppattisamaññādīsupi dassanato ‘‘paṭivirodhādipadāni tesaṃ visesanatthānī’’ti vuttaṃ.
1091. д̣̇вз д̇хаммаа д̇аяо д̇хаммаад̇и сад̣̇д̣̇анд̇арасаннид̇хаанзна барижчзд̣̇авад̇о б̣ахуважанасса д̣̇ассанад̇о ‘‘абарижчзд̣̇зна б̣ахуважанзнаа’’д̇и вуд̇д̇ам̣. уд̣̇д̣̇зсо гад̇од̇и ид̇и-сад̣̇д̣̇о хзд̇уад̇т̇о. д̇зна б̣ахуважанзна уд̣̇д̣̇зсагаран̣ам̣ б̣ахуважанзна бужчааяа гааран̣анд̇и д̣̇ийбзд̇и. уд̣̇д̣̇зсаанувид̇хааяиний хи бужчаад̇и. д̇ат̇аа хи сан̇каабарижчиннз уд̣̇д̣̇зсз ‘‘гад̇амз ваа д̇аяо’’д̇и сан̇каабарижчиннаава бужчаа гарийяад̇ийд̇и. уд̣̇д̣̇зсзна д̇хаммаанам̣ ад̇т̇ид̇аамад̇д̇аважанижчааяам̣ сабхаавабхуумигааран̣апалаад̣̇ибарижчзд̣̇о вияа сан̇каабарижчзд̣̇оби на гаад̇аб̣б̣од̇и ад̇хиббааязна ‘‘анид̣̇д̇хаарид̇абарижчзд̣̇з’’д̇иаад̣̇и вуд̇д̇ам̣. ‘‘абажжаяаа д̇хаммаа’’д̇и бад̣̇ад̇о бана хздтаа анзгабхзд̣̇абхиннаа д̇хаммаа абарижчзд̣̇зна б̣ахуважанзнзва уд̣̇д̣̇идтаа, уд̣̇д̇хан̃жа д̇ат̇аа уд̣̇д̣̇исийяанд̇ийд̇и д̇ам̣ сод̇абад̇ид̇ад̇ааяа бхзд̣̇аабхаавзби барамад̇т̇ад̇о аббажжаяад̇хаммасса асан̇кад̇ад̇хаммасса жа собаад̣̇исзсанирубаад̣̇исзсарааг̇агкаяаад̣̇иасан̇кад̇аад̣̇иважанаважанийяабхаавзна убажарид̇абхзд̣̇зг̇ахид̇з бад̣̇ад̣̇ваязна ад̇т̇и гаажи бхзд̣̇амад̇д̇аад̇и абарижчзд̣̇зна б̣ахуважанзна уд̣̇д̣̇зсо гад̇од̇и яуд̇д̇ам̣ сияаа. уд̣̇д̣̇зсаанусаарийни бужчааниг̇аманаанийд̇и д̇ааниби д̇ат̇аа бавад̇д̇аани. нид̣̇д̣̇зсо бана яат̇аад̇хиббзд̇асабхааваад̣̇ибарижчзд̣̇авибхааванавасзнзва гаад̇аб̣б̣од̇и асан̇кад̇аа д̇хаад̇у ижжзва гад̇о барамад̇т̇ад̇о бхзд̣̇аабхаавад̣̇ийбанад̇т̇анд̇и д̣̇адтаб̣б̣ам̣. гат̇зд̇угаамад̇аавасзна бужчанд̇о яасса гат̇зд̇и, д̇зна гаад̇аб̣б̣абужчааяа гаран̣ад̇о д̇аг̇г̇ад̇ам̣ аж̇аананам̣ сам̣саяам̣ ваа анувид̇хааяаязва бужчад̇ийд̇и ‘‘сабхаава…бз… аж̇аананд̇асса васзна бужчаа гарийяад̇ий’’д̇и вуд̇д̇ам̣. нид̣̇д̣̇зсад̇о буб̣б̣зд̇иаад̣̇инаа адтагат̇ааяам̣ вуд̇д̇ам̣ бужчаанусанд̇хим̣язва вибхаавзд̇и.
1091. Dve dhammā tayo dhammāti saddantarasannidhānena paricchedavato bahuvacanassa dassanato ‘‘aparicchedena bahuvacanenā’’ti vuttaṃ. Uddeso katoti iti-saddo hetuattho. Tena bahuvacanena uddesakaraṇaṃ bahuvacanena pucchāya kāraṇanti dīpeti. Uddesānuvidhāyinī hi pucchāti. Tathā hi saṅkhāparicchinne uddese ‘‘katame vā tayo’’ti saṅkhāparicchinnāva pucchā karīyatīti. Uddesena dhammānaṃ atthitāmattavacanicchāyaṃ sabhāvabhūmikāraṇaphalādiparicchedo viya saṅkhāparicchedopi na kātabboti adhippāyena ‘‘aniddhāritaparicchede’’tiādi vuttaṃ. ‘‘Apaccayā dhammā’’ti padato pana heṭṭhā anekabhedabhinnā dhammā aparicchedena bahuvacaneneva uddiṭṭhā, uddhañca tathā uddisīyantīti taṃ sotapatitatāya bhedābhāvepi paramatthato appaccayadhammassa asaṅkhatadhammassa ca sopādisesanirupādisesarāgakkhayādiasaṅkhatādivacanavacanīyabhāvena upacaritabhedegahite padadvayena atthi kāci bhedamattāti aparicchedena bahuvacanena uddeso katoti yuttaṃ siyā. Uddesānusārīni pucchānigamanānīti tānipi tathā pavattāni. Niddeso pana yathādhippetasabhāvādiparicchedavibhāvanavaseneva kātabboti asaṅkhatā dhātu icceva kato paramatthato bhedābhāvadīpanatthanti daṭṭhabbaṃ. Kathetukāmatāvasena pucchanto yassa katheti, tena kātabbapucchāya karaṇato taggataṃ ajānanaṃ saṃsayaṃ vā anuvidhāyayeva pucchatīti ‘‘sabhāva…pe… ajānantassa vasena pucchā karīyatī’’ti vuttaṃ. Niddesato pubbetiādinā aṭṭhakathāyaṃ vuttaṃ pucchānusandhiṃyeva vibhāveti.
1101. бхинд̣̇ид̇ваад̇и вибхаж̇ид̇ваа. руубаава…бз… вин̃н̃зяяаад̇и гаамааважарагусаламахаагирияавин̃н̃аан̣зна махаг̇г̇ад̇ад̇хаммаанам̣ саммасанавасзна яат̇ааяог̇ам̣ махаг̇г̇ад̇аббамаан̣ад̇хаммаанам̣ бажжавзгкан̣аад̣̇ивасзна руубарааг̇ааруубарааг̇асамбаяуд̇д̇зна агусаламановин̃н̃аан̣зна махаг̇г̇ад̇ад̇хаммаанам̣ абхинивзсанаассаад̣̇анавасзна д̇ам̣д̇ам̣бан̃н̃ад̇д̇ияан̃жа д̇ам̣д̇ам̣вохааравасзна бавад̇д̇зна ааваж̇ж̇анзна жа яат̇аавуд̇д̇авин̃н̃аан̣аанам̣ бурзжааригзна гаамааважарад̇хаммаа на вин̃н̃зяяаа. ид̇арзнаад̇и барид̇д̇аарамман̣зна. гаамааважараанамзва аарамман̣аананд̇и нид̣̇д̇хааран̣з саамиважанам̣. руубаарамман̣аад̣̇ийхи вин̃н̃аан̣зхи д̇ад̇т̇а руубаарамман̣зна вин̃н̃аан̣знаби сад̣̇д̣̇аад̣̇ийнам̣ авин̃н̃зяяад̇аа руубасса жа вин̃н̃зяяад̇аа. звам̣ сзсзсуби яож̇анаа д̣̇адтаб̣б̣аа. жагкуд̣̇вааригзна сад̣̇д̣̇аад̣̇ийнам̣ авин̃н̃зяяад̇аа руубасса вин̃н̃зяяад̇аад̇иаад̣̇инаа д̣̇ваарабхзд̣̇авасзна яож̇зд̇аб̣б̣ам̣. ид̇аранд̇и идтамаж̇жхад̇д̇ам̣ анидтаманидтамаж̇жхад̇д̇ан̃жа. руубааважараад̣̇аяо гаамааважаравибаагаад̣̇ийхийд̇и руубааважарааруубааважаралогуд̇д̇арабан̃н̃ад̇д̇ияо гаамааважаравибаагзхи логуд̇д̇араа гаамааважарад̇о н̃аан̣авиббаяуд̇д̇агусалагириязхи агусалзхи жа авин̃н̃зяяаад̇и яож̇зд̇аб̣б̣ам̣. ниб̣б̣аанасса авиж̇аананасабхааво зва ад̇д̇асамбхаво.
1101. Bhinditvāti vibhajitvā. Rūpāva…pe… viññeyyāti kāmāvacarakusalamahākiriyaviññāṇena mahaggatadhammānaṃ sammasanavasena yathāyogaṃ mahaggatappamāṇadhammānaṃ paccavekkhaṇādivasena rūparāgārūparāgasampayuttena akusalamanoviññāṇena mahaggatadhammānaṃ abhinivesanaassādanavasena taṃtaṃpaññattiyañca taṃtaṃvohāravasena pavattena āvajjanena ca yathāvuttaviññāṇānaṃ purecārikena kāmāvacaradhammā na viññeyyā. Itarenāti parittārammaṇena. Kāmāvacarānameva ārammaṇānanti niddhāraṇe sāmivacanaṃ. Rūpārammaṇādīhi viññāṇehi tattha rūpārammaṇena viññāṇenapi saddādīnaṃ aviññeyyatā rūpassa ca viññeyyatā. Evaṃ sesesupi yojanā daṭṭhabbā. Cakkhudvārikena saddādīnaṃ aviññeyyatā rūpassa viññeyyatātiādinā dvārabhedavasena yojetabbaṃ. Itaranti iṭṭhamajjhattaṃ aniṭṭhamaniṭṭhamajjhattañca. Rūpāvacarādayo kāmāvacaravipākādīhīti rūpāvacarārūpāvacaralokuttarapaññattiyo kāmāvacaravipākehi lokuttarā kāmāvacarato ñāṇavippayuttakusalakiriyehi akusalehi ca aviññeyyāti yojetabbaṃ. Nibbānassa avijānanasabhāvo eva attasambhavo.
1102. руубааруубааважарагаммуубабад̇д̇ибхавз д̣̇идтирахид̇о лобхо бхаваасавод̇и яат̇аавуд̇д̇ависаяо д̣̇идтисахид̇о саб̣б̣агаамааважарад̇хаммависаяо жа лобхо гаамаасаво бхавид̇ум̣ яуд̇д̇од̇и вуд̇д̇ам̣ ‘‘бхаваасавам̣…бз… сияаа’’д̇и. гаамаасавабхаваасававинимуд̇д̇асса хи лобхасса абхаавам̣ саяамзва вагкад̇ийд̇и. баал̣ияанд̇и адтагат̇ааган̣д̣абаал̣ияам̣. д̇ад̇т̇а яат̇аа ‘‘гаамаасаво адтасу лобхасахаг̇ад̇ажид̇д̇уббаад̣̇зсу уббаж̇ж̇ад̇ий’’д̇и вуд̇д̇ам̣, звам̣ ‘‘бхаваасаво адтасу лобхасахаг̇ад̇ажид̇д̇уббаад̣̇зсу уббаж̇ж̇ад̇ий’’д̇и авад̇ваа ‘‘жад̇уусуд̣̇идтиг̇ад̇авиббаяуд̇д̇алобхасахаг̇ад̇ажид̇д̇уббаад̣̇зсу уббаж̇ж̇ад̇ий’’д̇и (д̇ха. са. 1465) вуд̇д̇ад̇д̇аа ‘‘бхаваасаво…бз… яуд̇д̇зсу зва уббаж̇ж̇ад̇ий’’д̇и баал̣ияам̣ вуд̇д̇од̇и саавад̇хааран̣ам̣ вуд̇д̇ам̣. д̇ат̇аа жа вагкад̇и ‘‘бхаваасаво жад̇уусу д̣̇идтиг̇ад̇авиббаяуд̇д̇зсу авиж̇ж̇аасавзна сад̣̇д̇хим̣ згад̇хаава згад̇о уббаж̇ж̇ад̇ий’’д̇и (д̇ха. са. адта. 1473). соби рааг̇од̇и сассад̇ад̣̇идтисахаг̇ад̇о рааг̇о. гаамабхавабад̇т̇анаа вияа гаамаасавод̇и яуд̇д̇ам̣ вад̇д̇ум̣. сассад̇ад̣̇идтисахаг̇ад̇арааг̇агаамабхавабад̇т̇анаанамби хи бхаваасавод̇и вад̇д̇аб̣б̣абарияааяо ад̇т̇ийд̇и ‘‘сассад̇ад̣̇идтисахаг̇ад̇о рааг̇о бхаварааг̇авасзна бад̇т̇анаа бхаваасаво наамаа’’д̇и вуд̇д̇ам̣, на д̇зсам̣ ид̇ха ад̇хиббзд̇абхаваасавабхаавад̣̇ассанад̇т̇анд̇и адтагат̇ааяам̣ ад̇хиббааяо д̣̇адтаб̣б̣о. д̇ат̇аа хи ‘‘руубааруубасан̇каад̇з гаммад̇о жа убабад̇д̇ид̇о жа д̣̇увид̇хзби бхавз аасаво бхаваасаво’’д̇и вуд̇д̇анд̇и. д̇ад̇т̇а гаамабхавабад̇т̇анааяа д̇аава гаамаасавабхааво ход̇у, руубааруубабхавзсу сассад̇аабхинивзсасахаг̇ад̇арааг̇асса гат̇анд̇и? соби яат̇аавуд̇д̇ависаяз гааманавасзна бавад̇д̇ид̇о гаамаасавоязва наама. саб̣б̣зби хи д̇збхуумагаа д̇хаммаа гаманийяадтзна гаамаад̇и. на жзд̇т̇а анидтаббасан̇г̇о д̣̇идтивиббаяуд̇д̇алобхасса бхаваасавабхаавзна висум̣ уд̣̇д̇хадад̇д̇аа. авассан̃жзд̇амзвам̣ вин̃н̃аад̇аб̣б̣ам̣, ид̇арат̇аа руубааруубабхавзсу ужчзд̣̇ад̣̇идтисахаг̇ад̇ассаби лобхасса бхаваасавабхааво аабаж̇ж̇зяяаад̇и. гаамаасаваад̣̇аяо зва д̣̇идтад̇хаммигасамбарааяигаасавабхаавзна д̣̇вид̇хаа вуд̇д̇аа.
1102. Rūpārūpāvacarakammūpapattibhave diṭṭhirahito lobho bhavāsavoti yathāvuttavisayo diṭṭhisahito sabbakāmāvacaradhammavisayo ca lobho kāmāsavo bhavituṃ yuttoti vuttaṃ ‘‘bhavāsavaṃ…pe… siyā’’ti. Kāmāsavabhavāsavavinimuttassa hi lobhassa abhāvaṃ sayameva vakkhatīti. Pāḷiyanti aṭṭhakathākaṇḍapāḷiyaṃ. Tattha yathā ‘‘kāmāsavo aṭṭhasu lobhasahagatacittuppādesu uppajjatī’’ti vuttaṃ, evaṃ ‘‘bhavāsavo aṭṭhasu lobhasahagatacittuppādesu uppajjatī’’ti avatvā ‘‘catūsudiṭṭhigatavippayuttalobhasahagatacittuppādesu uppajjatī’’ti (dha. sa. 1465) vuttattā ‘‘bhavāsavo…pe… yuttesu eva uppajjatī’’ti pāḷiyaṃ vuttoti sāvadhāraṇaṃ vuttaṃ. Tathā ca vakkhati ‘‘bhavāsavo catūsu diṭṭhigatavippayuttesu avijjāsavena saddhiṃ ekadhāva ekato uppajjatī’’ti (dha. sa. aṭṭha. 1473). Sopi rāgoti sassatadiṭṭhisahagato rāgo. Kāmabhavapatthanā viya kāmāsavoti yuttaṃ vattuṃ. Sassatadiṭṭhisahagatarāgakāmabhavapatthanānampi hi bhavāsavoti vattabbapariyāyo atthīti ‘‘sassatadiṭṭhisahagato rāgo bhavarāgavasena patthanā bhavāsavo nāmā’’ti vuttaṃ, na tesaṃ idha adhippetabhavāsavabhāvadassanatthanti aṭṭhakathāyaṃ adhippāyo daṭṭhabbo. Tathā hi ‘‘rūpārūpasaṅkhāte kammato ca upapattito ca duvidhepi bhave āsavo bhavāsavo’’ti vuttanti. Tattha kāmabhavapatthanāya tāva kāmāsavabhāvo hotu, rūpārūpabhavesu sassatābhinivesasahagatarāgassa kathanti? Sopi yathāvuttavisaye kāmanavasena pavattito kāmāsavoyeva nāma. Sabbepi hi tebhūmakā dhammā kamanīyaṭṭhena kāmāti. Na cettha aniṭṭhappasaṅgo diṭṭhivippayuttalobhassa bhavāsavabhāvena visuṃ uddhaṭattā. Avassañcetamevaṃ viññātabbaṃ, itarathā rūpārūpabhavesu ucchedadiṭṭhisahagatassapi lobhassa bhavāsavabhāvo āpajjeyyāti. Kāmāsavādayo eva diṭṭhadhammikasamparāyikāsavabhāvena dvidhā vuttā.
1103. ид̇ха баал̣ияааби бхаваасававинимуд̇д̇алобхасса гаамаасавабхааво на на саггаа яож̇зд̇унд̇и д̣̇ассзд̇ум̣ ‘‘гаамаасаванид̣̇д̣̇зсз жаа’’д̇иаад̣̇и вуд̇д̇ам̣. ‘‘д̇хаммажчанд̣̇о сад̣̇д̇хаа’’д̇и гзжи.
1103. Idha pāḷiyāpi bhavāsavavinimuttalobhassa kāmāsavabhāvo na na sakkā yojetunti dassetuṃ ‘‘kāmāsavaniddese cā’’tiādi vuttaṃ. ‘‘Dhammacchando saddhā’’ti keci.
1105. убаад̣̇аанагканд̇хзсвзва бавад̇д̇ад̇и д̇аб̣б̣инимуд̇д̇асса д̇хаммасса ж̇ийваг̇г̇ахан̣ависаяасса барамад̇т̇ад̇о абхааваа. руубз…бз… вин̃н̃аан̣з ваа бана на бад̇идтаад̇и руубаад̣̇ийнам̣ авибарийд̇асабхаавамад̇д̇з адтад̇ваа саяам̣ самааробид̇асса д̇зсу баригаббанаамад̇д̇асид̣̇д̇хасса гассажи аагаарасса абхинивзсанад̇о. д̇знзвааха ‘‘д̇ад̇о ан̃н̃ам̣ гад̇ваа’’д̇и. д̇ад̇о убаад̣̇аанагканд̇хад̇о. взд̣̇анаад̣̇аяоби хи гзжи д̣̇идтиг̇ад̇игаа анижжаад̇и бассанд̇ийд̇и. д̇ад̇од̇и ваа сарийрасан̇каад̇аруубагканд̇хад̇о. ‘‘ан̃н̃ам̣ ж̇ийвам̣ ан̃н̃ам̣ сарийра’’нд̇и хи вуд̇д̇ам̣. ход̇ийд̇и бхавад̇и сассад̇ам̣ ад̇д̇аад̇и ад̇т̇о. ан̃н̃анд̇и б̣рахмаиссараад̣̇ид̇о ан̃н̃ам̣.
1105. Upādānakkhandhesvevapavattati tabbinimuttassa dhammassa jīvaggahaṇavisayassa paramatthato abhāvā. Rūpe…pe… viññāṇe vā pana na patiṭṭhāti rūpādīnaṃ aviparītasabhāvamatte aṭṭhatvā sayaṃ samāropitassa tesu parikappanāmattasiddhassa kassaci ākārassa abhinivesanato. Tenevāha ‘‘tato aññaṃ katvā’’ti. Tato upādānakkhandhato. Vedanādayopi hi keci diṭṭhigatikā aniccāti passantīti. Tatoti vā sarīrasaṅkhātarūpakkhandhato. ‘‘Aññaṃ jīvaṃ aññaṃ sarīra’’nti hi vuttaṃ. Hotīti bhavati sassataṃ attāti attho. Aññanti brahmaissarādito aññaṃ.
аруубабхаво вияа руубарааг̇аббахаанзна руубабхаво гаамарааг̇аббахаанзна бад̇д̇аб̣б̣о. руубийб̣рахмаанан̃жа бан̃жагаамаг̇ун̣иго рааг̇о бахийяад̇и, на вимаанаад̣̇ийсу рааг̇од̇и со агаамарааг̇од̇и гад̇ваа гаамаасаво на ход̇ийд̇и адтагат̇ааяам̣ бадигкид̇д̇ам̣. дийгаагаарзхи бана гаамаасавабхаваасававинимуд̇д̇алобхаабхаавад̣̇ассанзна руубийб̣рахмаанам̣ вимаанаад̣̇ирааг̇ассаби гаамажчанд̣̇аад̣̇ибхаавад̇о д̣̇идтивиббаяуд̇д̇аруубааруубабхаварааг̇авинимуд̇д̇о саб̣б̣о лобхо гаамаасавод̇и д̣̇ассид̇о. д̇ад̇т̇а яуд̇д̇ам̣ вижаарзд̇ваа г̇ахзд̇аб̣б̣ам̣. сияаа аасавасамбаяуд̇д̇о гаамарааг̇зна бхаварааг̇зна ваа сахуббад̇д̇ияам̣, сияаа аасававиббаяуд̇д̇о д̇ад̣̇ан̃н̃арааг̇зна сахуббад̇д̇ияам̣, ‘‘жад̇уусу д̣̇идтиг̇ад̇аа’’д̇иаад̣̇ибаал̣ияаа абхаавад̣̇ассанзна гаамаасавабхаваасававинимуд̇д̇алобхаабхаавам̣ д̣̇ассзд̇ваа ‘‘гаамаасаво’’д̇иаад̣̇ибаал̣ид̣̇ассанзна д̣̇идтирааг̇асса гаамаасавабхаавам̣ саад̇хзд̇и. бахаад̇аб̣б̣ад̣̇ассанад̇т̇анд̇и бахаад̇аб̣б̣ад̇аад̣̇ассанад̇т̇ам̣. бахаанзд̇и бахаананимид̇д̇ам̣.
Arūpabhavo viya rūparāgappahānena rūpabhavo kāmarāgappahānena pattabbo. Rūpībrahmānañca pañcakāmaguṇiko rāgo pahīyati, na vimānādīsu rāgoti so akāmarāgoti katvā kāmāsavo na hotīti aṭṭhakathāyaṃ paṭikkhittaṃ. Ṭīkākārehi pana kāmāsavabhavāsavavinimuttalobhābhāvadassanena rūpībrahmānaṃ vimānādirāgassapi kāmacchandādibhāvato diṭṭhivippayuttarūpārūpabhavarāgavinimutto sabbo lobho kāmāsavoti dassito. Tattha yuttaṃ vicāretvā gahetabbaṃ. Siyā āsavasampayutto kāmarāgena bhavarāgena vā sahuppattiyaṃ, siyā āsavavippayutto tadaññarāgena sahuppattiyaṃ, ‘‘catūsu diṭṭhigatā’’tiādipāḷiyā abhāvadassanena kāmāsavabhavāsavavinimuttalobhābhāvaṃ dassetvā ‘‘kāmāsavo’’tiādipāḷidassanena diṭṭhirāgassa kāmāsavabhāvaṃ sādheti. Pahātabbadassanatthanti pahātabbatādassanatthaṃ. Pahāneti pahānanimittaṃ.
1121. ж̇аад̇ияаад̇и кад̇д̇ияасабхааваад̣̇иж̇аад̇исамбад̇д̇ияаа. г̇од̇д̇знаад̇и г̇од̇амаг̇од̇д̇аад̣̇иуггадтаг̇од̇д̇зна. голабуд̇д̇иязнаад̇и махаагулабхаавзна. ван̣н̣абогкарад̇ааяаад̇и ван̣н̣асамбаннасарийрад̇ааяа. ‘‘богкара’’нд̇и хи сарийрам̣ вужжад̇ийд̇и. маанам̣ ж̇аббзд̇ийд̇и маанам̣ бавад̇д̇зд̇и гарод̇и. бавад̇д̇о маано бавад̇д̇амаано. буг̇г̇алависзсанд̇и сзяяасса сзяяод̇иаад̣̇ибхзд̣̇ам̣ буг̇г̇алависзсам̣. сзяяам̣ бхинд̣̇ид̇ваа бавад̇д̇амаано сзяяамаано. д̇ин̣н̣анд̇и сзяяасса сзяяаад̣̇ийнам̣ д̇ин̣н̣ам̣ ‘‘сзяяохамасмий’’д̇иаад̣̇инаа ан̃н̃ам̣ буг̇г̇алам̣ аниссааяа вуд̇д̇аанам̣. сзяяаад̣̇ивасзна ад̇д̇ано мананам̣ баг̇г̇ахо маано, д̇асса гаран̣ам̣ сзяяохамасмийд̇иаад̣̇ибавад̇д̇иязваад̇и вуд̇д̇ам̣ ‘‘сзяяод̇и аад̣̇игижжагаран̣а’’нд̇и.
1121. Jātiyāti khattiyasabhāvādijātisampattiyā. Gottenāti gotamagottādiukkaṭṭhagottena. Kolaputtiyenāti mahākulabhāvena. Vaṇṇapokkharatāyāti vaṇṇasampannasarīratāya. ‘‘Pokkhara’’nti hi sarīraṃ vuccatīti. Mānaṃ jappetīti mānaṃ pavatteti karoti. Pavatto māno pavattamāno. Puggalavisesanti seyyassa seyyotiādibhedaṃ puggalavisesaṃ. Seyyaṃ bhinditvā pavattamāno seyyamāno. Tiṇṇanti seyyassa seyyādīnaṃ tiṇṇaṃ ‘‘seyyohamasmī’’tiādinā aññaṃ puggalaṃ anissāya vuttānaṃ. Seyyādivasena attano mananaṃ paggaho māno, tassa karaṇaṃ seyyohamasmītiādipavattiyevāti vuttaṃ ‘‘seyyoti ādikiccakaraṇa’’nti.
1140. саб̣б̣оби лобхо абхиж̇жхаасабхаавод̇и абхиж̇жхаа аасавад̣̇ваяасабхааваа, гаамарааг̇о гаамаасавасабхааво зваад̇и аасавад̣̇ваяазгаасавабхааво абхиж̇жхаагаамарааг̇аанам̣ висзсо вуд̇д̇о. на абхиж̇жхаа жа д̇хаммаа табзд̇ваа д̣̇идтим̣ авиж̇ж̇ан̃жа ноаасавасабхааваа. абхиж̇жхаа жа аасавад̣̇ваяасабхааваа зва, наабхиж̇жхаасабхааво жа лобхо над̇т̇ийд̇и ад̇хиббааязна ‘‘ноаасавалобхасса саб̣бхааво вижаарзд̇аб̣б̣о’’д̇и ааха. г̇ан̣анааяа хзд̇уяаа сад̇д̇аад̇и вуд̇д̇анд̇и бан̃хааваарабаатам̣ санд̇хааяа вуд̇д̇ам̣. д̇ад̇т̇а хи ‘‘аасаво д̇хаммо аасавасса д̇хаммасса хзд̇убажжаязна бажжаяо. аасаво д̇хаммо ноаасавасса д̇хаммасса. аасаво д̇хаммо аасавасса жа ноаасавасса жа. ноаасаво д̇хаммо ноаасавасса. ноаасаво д̇хаммо аасавасса. ноаасаво д̇хаммо аасавасса жа ноаасавасса жа. аасаво жа ноаасаво жа д̇хаммаа ноаасавасса хзд̇убажжаязна бажжаяо’’д̇и (бадтаа. 3.3.16) имзсам̣ ваараанам̣ васзна ‘‘г̇ан̣анааяа сад̇д̇аа’’д̇и вуд̇д̇ам̣. д̇ад̇т̇а яад̣̇и ноаасавасабхаавоби лобхо сияаа, д̣̇идтисамбаяуд̇д̇ажид̇д̇асса васзна ‘‘аасаво жа ноаасаво жа д̇хаммаа мохаяат̇аавуд̇д̇алобхаа аасавасса д̇хаммасса д̣̇идтияаа хзд̇убажжаязна бажжаяо’’д̇и сад̇д̇амо, баал̣ияам̣ ааг̇ад̇ам̣ сад̇д̇амам̣ адтамам̣ гад̇ваа ‘‘аасаво жа ноаасаво жа д̇хаммаа аасавасса жа ноаасавасса жа д̇хаммасса хзд̇убажжаязна бажжаяо’’д̇и навамо бан̃хо вужжзяяа, на бана вуд̇д̇од̇и. звам̣ д̣̇идтисамбаяуд̇д̇алобхасса ноаасавабхааваабхаавам̣ д̣̇ассзд̇ваа ид̇арассаби д̇ам̣ д̣̇ассзд̇ум̣ ‘‘д̣̇идтивиббаяуд̇д̇з жаа’’д̇иаад̣̇и вуд̇д̇ам̣.
1140. Sabbopi lobho abhijjhāsabhāvoti abhijjhā āsavadvayasabhāvā, kāmarāgo kāmāsavasabhāvo evāti āsavadvayaekāsavabhāvo abhijjhākāmarāgānaṃ viseso vutto. Na abhijjhā ca dhammā ṭhapetvā diṭṭhiṃ avijjañca noāsavasabhāvā. Abhijjhā ca āsavadvayasabhāvā eva, naabhijjhāsabhāvo ca lobho natthīti adhippāyena ‘‘noāsavalobhassa sabbhāvo vicāretabbo’’ti āha. Gaṇanāya hetuyā sattāti vuttanti pañhāvārapāṭhaṃ sandhāya vuttaṃ. Tattha hi ‘‘āsavo dhammo āsavassa dhammassa hetupaccayena paccayo. Āsavo dhammo noāsavassa dhammassa. Āsavo dhammo āsavassa ca noāsavassa ca. Noāsavo dhammo noāsavassa. Noāsavo dhammo āsavassa. Noāsavo dhammo āsavassa ca noāsavassa ca. Āsavo ca noāsavo ca dhammā noāsavassa hetupaccayena paccayo’’ti (paṭṭhā. 3.3.16) imesaṃ vārānaṃ vasena ‘‘gaṇanāya sattā’’ti vuttaṃ. Tattha yadi noāsavasabhāvopi lobho siyā, diṭṭhisampayuttacittassa vasena ‘‘āsavo ca noāsavo ca dhammā mohayathāvuttalobhā āsavassa dhammassa diṭṭhiyā hetupaccayena paccayo’’ti sattamo, pāḷiyaṃ āgataṃ sattamaṃ aṭṭhamaṃ katvā ‘‘āsavo ca noāsavo ca dhammā āsavassa ca noāsavassa ca dhammassa hetupaccayena paccayo’’ti navamo pañho vucceyya, na pana vuttoti. Evaṃ diṭṭhisampayuttalobhassa noāsavabhāvābhāvaṃ dassetvā itarassapi taṃ dassetuṃ ‘‘diṭṭhivippayutte cā’’tiādi vuttaṃ.
1162. яат̇ааруубз руубаббаб̣анд̇хз вад̇д̇амаанз буг̇г̇ало г̇ажчад̇и д̇идтад̇и нисийд̣̇ад̇ийд̇и вужжад̇и, д̇ат̇аа висад̣̇аруубасса уббаад̣̇агам̣ жид̇д̇ам̣ ирияаабат̇уубад̇т̇амбхагам̣. д̇ам̣ бана гусалад̇о гирияад̇о жа бан̃жамаж̇жхаанажид̇д̇ам̣ абхин̃н̃ааббад̇д̇ам̣ аббад̇д̇ан̃жа бхинд̣̇ид̇ваа сад̇д̇абан̃н̃ааса ж̇аванаани водтаб̣б̣анан̃жаад̇и адтабан̃н̃аасавид̇хам̣. сахаж̇аад̇ад̇хаммаанам̣ агамман̃н̃абхаавагарад̇д̇аа т̇инамид̣̇д̇хасахаг̇ад̇ажид̇д̇ам̣ висад̣̇аани руубаани на самудтабзд̇и на убад̇т̇амбхзд̇и жаад̇и вуд̇д̇ам̣ ‘‘ирияаабат̇ам̣ санд̇хаарзд̇ум̣ асаггонд̇а’’нд̇и.
1162. Yathārūpe rūpappabandhe vattamāne puggalo gacchati tiṭṭhati nisīdatīti vuccati, tathā visadarūpassa uppādakaṃ cittaṃ iriyāpathūpatthambhakaṃ. Taṃ pana kusalato kiriyato ca pañcamajjhānacittaṃ abhiññāppattaṃ appattañca bhinditvā sattapaññāsa javanāni voṭṭhabbanañcāti aṭṭhapaññāsavidhaṃ. Sahajātadhammānaṃ akammaññabhāvakarattā thinamiddhasahagatacittaṃ visadāni rūpāni na samuṭṭhapeti na upatthambheti cāti vuttaṃ ‘‘iriyāpathaṃ sandhāretuṃ asakkonta’’nti.
1163. вибагкзби бхаавад̇о анзганд̇игад̇д̇аа руубад̇д̇аасаад̇хагад̇д̇ам̣. г̇арубхааваббад̇д̇и лахуд̇аавирахо д̣̇адтаб̣б̣о. сад̇иби ан̃н̃зсамби агусалаад̣̇ийнам̣ лахуд̇аавирахз т̇инамид̣̇д̇хаанам̣ зганд̇ад̇о лахуд̇аабадибагкад̇д̇аа гааран̣аануруубад̇д̇аа жа паласса ‘‘т̇инамид̣̇д̇хасамудтид̇аруубзхий’’д̇и вуд̇д̇ам̣. на ж̇ааг̇ара…бз… санд̇ад̇инд̇и зд̇зна наамагааяз субанасса асид̣̇д̇хад̇ам̣ д̣̇ассзд̇и. мид̣̇д̇хасса палад̇д̇аад̇и зд̇т̇а мид̣̇д̇хам̣язва нид̣̇д̣̇аагааран̣анд̇и нааяам̣ нияамо ижчид̇о, нид̣̇д̣̇аагааран̣амзва бана мид̣̇д̇ханд̇и нияамо ижчид̇од̇и д̣̇адтаб̣б̣о. д̇ат̇аа хи кийн̣аасаваанам̣ нид̣̇д̣̇ааяа мид̣̇д̇хад̇о ан̃н̃ам̣ гааран̣ам̣ гараж̇агааяасса д̣̇уб̣б̣алабхааво адтагат̇ааяам̣ д̣̇ассид̇од̇и.
1163. Vipakkhepi bhāvato anekantikattā rūpattāsādhakattaṃ. Garubhāvappatti lahutāviraho daṭṭhabbo. Satipi aññesampi akusalādīnaṃ lahutāvirahe thinamiddhānaṃ ekantato lahutāpaṭipakkhattā kāraṇānurūpattā ca phalassa ‘‘thinamiddhasamuṭṭhitarūpehī’’ti vuttaṃ. Na jāgara…pe… santatinti etena nāmakāye supanassa asiddhataṃ dasseti. Middhassa phalattāti ettha middhaṃyeva niddākāraṇanti nāyaṃ niyamo icchito, niddākāraṇameva pana middhanti niyamo icchitoti daṭṭhabbo. Tathā hi khīṇāsavānaṃ niddāya middhato aññaṃ kāraṇaṃ karajakāyassa dubbalabhāvo aṭṭhakathāyaṃ dassitoti.
чаад̣̇анам̣ , авад̇т̇аран̣ам̣ ваа онаахо, со руубассзва сабхаавод̇и барасса аасан̇гам̣ манаси гад̇ваа ааха ‘‘д̇зна саха вуд̇д̇аа онаахабарияонаахаа жаа’’д̇и. асан̇гожавасзна висад̣̇аа бавад̇д̇и вибпааригабхааво. ааваран̣абхааво вияаад̇и зд̇зна ааваран̣асабхаавад̇д̇зби мид̣̇д̇хасса д̇аб̣б̣ид̇хуро анан̃н̃асаад̇хааран̣ад̇д̇аа онаханаад̣̇ибхаавод̇и д̣̇ассзд̇и. сааман̃н̃ан̃хи бан̃жаннамби гаамажчанд̣̇аад̣̇ийнам̣ ааваран̣асабхаавод̇и ааваран̣абхаавасад̣̇исасса онаханаад̣̇ибхаавасса наамагааяз лаб̣бхамаанасса г̇ахид̇ад̇аад̇и зд̇т̇аад̇хиббааяо.
Chādanaṃ , avattharaṇaṃ vā onāho, so rūpasseva sabhāvoti parassa āsaṅkaṃ manasi katvā āha ‘‘tena saha vuttā onāhapariyonāhā cā’’ti. Asaṅkocavasena visadā pavatti vipphārikabhāvo. Āvaraṇabhāvo viyāti etena āvaraṇasabhāvattepi middhassa tabbidhuro anaññasādhāraṇattā onahanādibhāvoti dasseti. Sāmaññañhi pañcannampi kāmacchandādīnaṃ āvaraṇasabhāvoti āvaraṇabhāvasadisassa onahanādibhāvassa nāmakāye labbhamānassa gahitatāti etthādhippāyo.
баананд̇и ануяог̇од̇и жа д̇ам̣гирияаасаад̇хигаа жзд̇анаа ад̇хиббзд̇аад̇и сураабаанасса сураа…бз… яог̇асса жа агусалабхаавзна убаггилзсад̣̇уб̣б̣алийгаран̣абхааво яуд̇д̇од̇и вуд̇д̇о. ‘‘сураамзраяасса аж̇жхохаран̣ам̣ баанам̣ бамаад̣̇адтаанаануяог̇о жаа’’д̇и барасса ад̇хиббааяо. нийваран̣ам̣ худ̇ваа ваад̇иаад̣̇инаа ид̣̇ам̣ д̣̇ассзд̇и ‘‘нийваран̣асабхааваанам̣ нийваран̣асамбаяуд̇д̇абхаавад̣̇ассанабарааяа жод̣̇анааяа нийваран̣анд̇и гад̇т̇ажи ад̣̇идтабаяог̇асса асамбаяуд̇д̇асса руубасса яат̇аалаабхад̇о г̇ахан̣ам̣ н̃ааяоязва на ход̇и, сид̣̇д̇ханийваран̣абхаавасамбаяуд̇д̇асабхааваанам̣язва бана г̇ахан̣анд̇и д̇ам̣сабхааваа аруубад̇хаммааязва д̣̇ассид̇аа, на руубанд̇и т̇инам̣ вияа мид̣̇д̇хамби аруубамзваад̇и вин̃н̃ааяад̇ий’’д̇и. яанд̇и язна важанзна. асамбхававажанад̇од̇и асамбхававажанабхаавад̇о.
Pānanti anuyogoti ca taṃkiriyāsādhikā cetanā adhippetāti surāpānassa surā…pe… yogassa ca akusalabhāvena upakkilesadubbalīkaraṇabhāvo yuttoti vutto. ‘‘Surāmerayassa ajjhoharaṇaṃ pānaṃ pamādaṭṭhānānuyogo cā’’ti parassa adhippāyo. Nīvaraṇaṃ hutvā vātiādinā idaṃ dasseti ‘‘nīvaraṇasabhāvānaṃ nīvaraṇasampayuttabhāvadassanaparāya codanāya nīvaraṇanti katthaci adiṭṭhapayogassa asampayuttassa rūpassa yathālābhato gahaṇaṃ ñāyoyeva na hoti, siddhanīvaraṇabhāvasampayuttasabhāvānaṃyeva pana gahaṇanti taṃsabhāvā arūpadhammāyeva dassitā, na rūpanti thinaṃ viya middhampi arūpamevāti viññāyatī’’ti. Yanti yena vacanena. Asambhavavacanatoti asambhavavacanabhāvato.
д̇знаад̇и д̇зна руубаарамман̣асса чанд̣̇арааг̇асса бахаанаважанзна. руубаббахаанад̇о ан̃н̃од̇и гад̇ваа руубз чанд̣̇арааг̇аббахаанам̣ ‘‘ан̃н̃о гааро’’д̇и вуд̇д̇ам̣. яам̣ адтагат̇ааяам̣ ‘‘ан̃н̃ат̇аа’’д̇и вуд̇д̇ам̣. ид̣̇анд̇иаад̣̇инаа ‘‘д̇ам̣ баж̇ахат̇аа’’д̇и баал̣ияаа на ниббарияааяаббахаанам̣ ад̇хиббзд̇анд̇и д̣̇ассзд̇и. аруубассзва яуж̇ж̇ад̇ийд̇и суд̣̇уд̣̇д̣̇асам̣ д̣̇ууран̇г̇амаад̣̇иббавад̇д̇агам̣ жид̇д̇ам̣ д̇ам̣самбаяуд̇д̇о аруубад̇хаммоязва виб̣анд̇хид̇ум̣ самад̇т̇од̇и д̣̇ассзд̇и. жзд̇асо барияудтаананд̇и гусалажид̇д̇асса г̇ахан̣ам̣. нийваран̣аани хи уббаж̇ж̇амаанаани уббаж̇ж̇ид̇ум̣ аббад̣̇аанзна гусалаваарам̣ г̇ан̣ханд̇ийд̇и вужжанд̇и. г̇ахан̣ан̃жзд̇т̇а барияудтаанам̣ ‘‘жораа маг̇г̇з барияудтим̣суу’’д̇иаад̣̇ийсу вияа.
Tenāti tena rūpārammaṇassa chandarāgassa pahānavacanena. Rūpappahānato aññoti katvā rūpe chandarāgappahānaṃ ‘‘añño kāro’’ti vuttaṃ. Yaṃ aṭṭhakathāyaṃ ‘‘aññathā’’ti vuttaṃ. Idantiādinā ‘‘taṃ pajahathā’’ti pāḷiyā na nippariyāyappahānaṃ adhippetanti dasseti. Arūpasseva yujjatīti sududdasaṃ dūraṅgamādippavattakaṃ cittaṃ taṃsampayutto arūpadhammoyeva vibandhituṃ samatthoti dasseti. Cetaso pariyuṭṭhānanti kusalacittassa gahaṇaṃ. Nīvaraṇāni hi uppajjamānāni uppajjituṃ appadānena kusalavāraṃ gaṇhantīti vuccanti. Gahaṇañcettha pariyuṭṭhānaṃ ‘‘corā magge pariyuṭṭhiṃsū’’tiādīsu viya.
1176. уд̣̇д̇хажжам̣ гуггужжан̃жа саха вуд̇д̇анд̇и уд̣̇д̣̇зсабужчааниг̇аманз санд̇хааяа вуд̇д̇ам̣. яам̣ бана адтагат̇ааяам̣ уд̣̇д̇хажжасса гуггужжзна винаабхаавагааран̣ам̣ вад̇ваа ‘‘бхинд̣̇ид̇ваа вуд̇д̇а’’нд̇и вуд̇д̇ам̣, д̇ам̣ ‘‘нийваран̣аа жзва нийваран̣асамбаяуд̇д̇аа жаа’’д̇и бад̣̇асса нид̣̇д̣̇зсз уд̣̇д̇хажжагуггужжаанам̣ висум̣ нид̣̇д̣̇идтад̇ам̣ санд̇хааяа вуд̇д̇ам̣. гаамажчанд̣̇асса уггадтанийваран̣ад̇аа орамбхааг̇ияабхааво. со хи руубарааг̇ааруубарааг̇аббагаарагаамажчанд̣̇ам̣ убаад̣̇ааяа д̇ад̇о д̇иб̣б̣агижжад̇ааяа ‘‘уггадтанийваран̣а’’нд̇и вужжад̇и. гаамажчанд̣̇анийваран̣анд̇взва лобхо вуд̇д̇о, на бхинд̣̇ид̇ваа. гаамажчанд̣̇анийваран̣асса жа анавасзсад̇о анааг̇аамимаг̇г̇зна бахаанз вужжамаанз жад̇уд̇т̇амаг̇г̇аваж̇жхо лобхо анийваран̣асабхааво аабаж̇ж̇ад̇ийд̇и ааха ‘‘яад̣̇и…бз… сияаа’’д̇и. нонийваран̣о руубарааг̇ааруубарааг̇аббагааро лобхад̇хаммо нийваран̣асса авиж̇ж̇аад̣̇игасса. аад̣̇и-сад̣̇д̣̇зна ‘‘нонийваран̣о д̇хаммо нийваран̣асса жа нонийваран̣асса жа д̇хаммасса. нийваран̣о жа нонийваран̣о жа д̇хаммаа нийваран̣асса д̇хаммасса. нийваран̣о жа нонийваран̣о жа д̇хаммаа нонийваран̣асса д̇хаммасса. нийваран̣о жа нонийваран̣о жа д̇хаммаа нийваран̣асса жа нонийваран̣асса жа д̇хаммасса хзд̇убажжаязна бажжаяо’’д̇и (бадтаа. 3.8.25) имз бан̃хз сан̇г̇ан̣хаад̇и. жад̇д̇аарийд̇и вуд̇д̇ам̣ нийваран̣абад̣̇амуулагаанам̣ д̇ин̣н̣ам̣ нонийваран̣амуулагасса згасса васзна. нийваран̣анонийваран̣ад̇ад̣̇убхаяамуулагаанам̣ бана д̇ин̣н̣ам̣ д̇ин̣н̣ам̣ васзна наваад̇и вуд̇д̇ам̣. д̇асмаад̇и яат̇аад̣̇ассид̇анаяааяа баал̣ияаа абхааваа нонийваран̣алобхаабхааваа.
1176. Uddhaccaṃ kukkuccañca saha vuttanti uddesapucchānigamane sandhāya vuttaṃ. Yaṃ pana aṭṭhakathāyaṃ uddhaccassa kukkuccena vinābhāvakāraṇaṃ vatvā ‘‘bhinditvā vutta’’nti vuttaṃ, taṃ ‘‘nīvaraṇā ceva nīvaraṇasampayuttā cā’’ti padassa niddese uddhaccakukkuccānaṃ visuṃ niddiṭṭhataṃ sandhāya vuttaṃ. Kāmacchandassa ukkaṭṭhanīvaraṇatā orambhāgiyabhāvo. So hi rūparāgārūparāgappakārakāmacchandaṃ upādāya tato tibbakiccatāya ‘‘ukkaṭṭhanīvaraṇa’’nti vuccati. Kāmacchandanīvaraṇantveva lobho vutto, na bhinditvā. Kāmacchandanīvaraṇassa ca anavasesato anāgāmimaggena pahāne vuccamāne catutthamaggavajjho lobho anīvaraṇasabhāvo āpajjatīti āha ‘‘yadi…pe… siyā’’ti. Nonīvaraṇo rūparāgārūparāgappakāro lobhadhammo nīvaraṇassa avijjādikassa. Ādi-saddena ‘‘nonīvaraṇo dhammo nīvaraṇassa ca nonīvaraṇassa ca dhammassa. Nīvaraṇo ca nonīvaraṇo ca dhammā nīvaraṇassa dhammassa. Nīvaraṇo ca nonīvaraṇo ca dhammā nonīvaraṇassa dhammassa. Nīvaraṇo ca nonīvaraṇo ca dhammā nīvaraṇassa ca nonīvaraṇassa ca dhammassa hetupaccayena paccayo’’ti (paṭṭhā. 3.8.25) ime pañhe saṅgaṇhāti. Cattārīti vuttaṃ nīvaraṇapadamūlakānaṃ tiṇṇaṃ nonīvaraṇamūlakassa ekassa vasena. Nīvaraṇanonīvaraṇatadubhayamūlakānaṃ pana tiṇṇaṃ tiṇṇaṃ vasena navāti vuttaṃ. Tasmāti yathādassitanayāya pāḷiyā abhāvā nonīvaraṇalobhābhāvā.
1219. д̇знзваад̇и буримад̣̇идтиаагаарзнзва уббаж̇ж̇амаанзна. д̣̇идтиг̇ад̇игзхи вужжамаанаанам̣ ‘‘нижжам̣ субха’’нд̇и звамаад̣̇иважанаанам̣, д̣̇идтирахид̇зхи вужжамаанаанам̣ г̇аг̇анагусумаад̣̇илогавохаараважанаанан̃жа вад̇т̇ууни ваажаавад̇т̇умад̇д̇аанийд̇и ааха ‘‘ваажаа…бз… ваа’’д̇и.
1219. Tenevāti purimadiṭṭhiākāreneva uppajjamānena. Diṭṭhigatikehi vuccamānānaṃ ‘‘niccaṃ subha’’nti evamādivacanānaṃ, diṭṭhirahitehi vuccamānānaṃ gaganakusumādilokavohāravacanānañca vatthūni vācāvatthumattānīti āha ‘‘vācā…pe… vā’’ti.
1221. жид̇д̇зна баралогз тид̇од̇и яасмим̣ логз ниб̣б̣ад̇д̇ивасзна саяам̣ тид̇о, д̇ад̇о ан̃н̃ам̣ логам̣ баралогод̇и жид̇д̇зна г̇ахзд̇ваа тид̇о.
1221. Cittenaparaloke ṭhitoti yasmiṃ loke nibbattivasena sayaṃ ṭhito, tato aññaṃ lokaṃ paralokoti cittena gahetvā ṭhito.
1236. на хи буримзхийд̇иаад̣̇инаа батамамаг̇г̇аад̣̇ийхи самуг̇гхаадид̇аабааяаг̇аманийяабхааваад̣̇игаа зва рааг̇аад̣̇аяо д̣̇уд̇ияамаг̇г̇аад̣̇ийхи бахийяанд̇ийд̇и д̣̇ассзд̇и.
1236. Na hi purimehītiādinā paṭhamamaggādīhi samugghāṭitaapāyagamanīyabhāvādikā eva rāgādayo dutiyamaggādīhi pahīyantīti dasseti.
1287. убадтид̇зби д̣̇уг̇г̇ад̇инимид̇д̇аад̣̇игз на д̇ат̇аа д̇иб̣б̣о лобхо уббаж̇ж̇ад̇и, яат̇аа суг̇ад̇инимид̇д̇аад̣̇игзд̇и ааха ‘‘б̣алаваниганд̇ивирахзнаа’’д̇и.
1287. Upaṭṭhitepi duggatinimittādike na tathā tibbo lobho uppajjati, yathā sugatinimittādiketi āha ‘‘balavanikantivirahenā’’ti.
1301. згасмим̣ жид̇д̇уббаад̣̇з уббаннаанам̣ вияа згасмим̣ санд̇аанз уббаннаанамби сахабавад̇д̇ибарияааяо ад̇т̇ийд̇и бахаанзгадтзна рааг̇аран̣зна вижигижчуд̣̇д̇хажжасахаг̇ад̇амохасса саран̣ад̇аа вуд̇д̇аа. уд̣̇д̇хажжавижигижчаахи яо мохо сахаж̇аад̇о бхавз, соби рааг̇зна саран̣о бахаанзгадтабхаавад̇од̇и . лобхад̣̇осамохад̇ад̣̇згадтагилзсад̇ам̣самбаяуд̇д̇агканд̇хад̇ам̣самудтаанагаммабхзд̣̇ад̇о саб̣б̣ассаби агусаласса сан̇г̇ахан̣авасзна бавад̇д̇о саран̣абад̣̇анид̣̇д̣̇зсо аран̣авибхан̇г̇асуд̇д̇знаби ан̃н̃ад̣̇ад̇т̇у сам̣санд̣̇ад̇ийд̇и д̣̇ассзд̇ум̣ ‘‘аран̣авибхан̇г̇асуд̇д̇з’’д̇иаад̣̇имааха. яам̣ бана адтагат̇ааяам̣ самбаяог̇аббахаанзгадтабхаавад̣̇ийбанзна рааг̇аад̣̇ийнам̣ саб̣б̣зсам̣ ваа агусалад̇хаммаанам̣ саран̣абхаавад̣̇ассанам̣, д̇ам̣ баал̣ияаа яат̇аад̣̇ассид̇ад̇хаммаанам̣ ан̃н̃аман̃н̃асаран̣абхаавад̣̇ассанабарам̣, д̇ад̣̇ан̃н̃ад̇хаммаанам̣ саран̣абхаавабадисзд̇ханабаранд̇и аран̣авибхан̇г̇асуд̇д̇авирод̇ход̇и д̣̇адтаб̣б̣ам̣. суд̇д̇анд̇ад̣̇зсанааяа ваа барияааяагат̇аабхаавад̇о ниббарияааяад̇о саран̣абхааво вияа аран̣абхаавоби агусалад̇хаммаанам̣язваад̇и д̇ат̇аабавад̇д̇ааяа адтагат̇ааяа на гожи суд̇д̇авирод̇ход̇и д̣̇адтаб̣б̣ам̣.
1301. Ekasmiṃ cittuppāde uppannānaṃ viya ekasmiṃ santāne uppannānampi sahapavattipariyāyo atthīti pahānekaṭṭhena rāgaraṇena vicikicchuddhaccasahagatamohassa saraṇatā vuttā. Uddhaccavicikicchāhi yo moho sahajāto bhave, sopi rāgena saraṇo pahānekaṭṭhabhāvatoti . Lobhadosamohatadekaṭṭhakilesataṃsampayuttakkhandhataṃsamuṭṭhānakammabhedato sabbassapi akusalassa saṅgahaṇavasena pavatto saraṇapadaniddeso araṇavibhaṅgasuttenapi aññadatthu saṃsandatīti dassetuṃ ‘‘araṇavibhaṅgasutte’’tiādimāha. Yaṃ pana aṭṭhakathāyaṃ sampayogappahānekaṭṭhabhāvadīpanena rāgādīnaṃ sabbesaṃ vā akusaladhammānaṃ saraṇabhāvadassanaṃ, taṃ pāḷiyā yathādassitadhammānaṃ aññamaññasaraṇabhāvadassanaparaṃ, tadaññadhammānaṃ saraṇabhāvapaṭisedhanaparanti araṇavibhaṅgasuttavirodhoti daṭṭhabbaṃ. Suttantadesanāya vā pariyāyakathābhāvato nippariyāyato saraṇabhāvo viya araṇabhāvopi akusaladhammānaṃyevāti tathāpavattāya aṭṭhakathāya na koci suttavirodhoti daṭṭhabbaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇уганигкзбам̣ • Dukanikkhepaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̣̇уганигкзбагат̇аа • Dukanikkhepakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̣̇уганигкзбагат̇ааван̣н̣анаа • Dukanikkhepakathāvaṇṇanā
