Library / Tipiṭaka / திபிடக • Tipiṭaka / த⁴ம்மஸங்க³ணீபாளி • Dhammasaṅgaṇīpāḷi

து³கனிக்கே²பங்

Dukanikkhepaṃ

ஹேதுகொ³ச்ச²கங்

Hetugocchakaṃ

1059. கதமே த⁴ம்மா ஹேதூ? தயோ குஸலஹேதூ, தயோ அகுஸலஹேதூ, தயோ அப்³யாகதஹேதூ, நவ காமாவசரஹேதூ ச² ரூபாவசரஹேதூ, ச² அரூபாவசரஹேதூ, ச² அபரியாபன்னஹேதூ.

1059. Katame dhammā hetū? Tayo kusalahetū, tayo akusalahetū, tayo abyākatahetū, nava kāmāvacarahetū cha rūpāvacarahetū, cha arūpāvacarahetū, cha apariyāpannahetū.

1060. தத்த² கதமே தயோ குஸலஹேதூ? அலோபோ⁴, அதோ³ஸோ, அமோஹோ.

1060. Tattha katame tayo kusalahetū? Alobho, adoso, amoho.

1061. தத்த² கதமோ அலோபோ⁴? யோ அலோபோ⁴ அலுப்³ப⁴னா அலுப்³பி⁴தத்தங் அஸாராகோ³ அஸாரஜ்ஜனா அஸாரஜ்ஜிதத்தங் அனபி⁴ஜ்ஜா² அலோபோ⁴ குஸலமூலங் – அயங் வுச்சதி அலோபோ⁴.

1061. Tattha katamo alobho? Yo alobho alubbhanā alubbhitattaṃ asārāgo asārajjanā asārajjitattaṃ anabhijjhā alobho kusalamūlaṃ – ayaṃ vuccati alobho.

1062. தத்த² கதமோ அதோ³ஸோ? யோ அதோ³ஸோ அது³ஸ்ஸனா அது³ஸ்ஸிதத்தங் மெத்தி மெத்தாயனா மெத்தாயிதத்தங் அனுத்³தா³ அனுத்³தா³யனா அனுதா³யிதத்தங் ஹிதேஸிதா அனுகம்பா அப்³யாபாதோ³ அப்³யாபஜ்ஜோ அதோ³ஸோ குஸலமூலங் – அயங் வுச்சதி அதோ³ஸோ.

1062. Tattha katamo adoso? Yo adoso adussanā adussitattaṃ metti mettāyanā mettāyitattaṃ anuddā anuddāyanā anudāyitattaṃ hitesitā anukampā abyāpādo abyāpajjo adoso kusalamūlaṃ – ayaṃ vuccati adoso.

1063. தத்த² கதமோ அமோஹோ? து³க்கே² ஞாணங், து³க்க²ஸமுத³யே ஞாணங், து³க்க²னிரோதே⁴ ஞாணங், து³க்க²னிரோத⁴கா³மினியா படிபதா³ய ஞாணங், புப்³ப³ந்தே ஞாணங், அபரந்தே ஞாணங், புப்³ப³ந்தாபரந்தே ஞாணங், இத³ப்பச்சயதா படிச்சஸமுப்பன்னேஸு த⁴ம்மேஸு ஞாணங், யா ஏவரூபா பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² – அயங் வுச்சதி அமோஹோ.

1063. Tattha katamo amoho? Dukkhe ñāṇaṃ, dukkhasamudaye ñāṇaṃ, dukkhanirodhe ñāṇaṃ, dukkhanirodhagāminiyā paṭipadāya ñāṇaṃ, pubbante ñāṇaṃ, aparante ñāṇaṃ, pubbantāparante ñāṇaṃ, idappaccayatā paṭiccasamuppannesu dhammesu ñāṇaṃ, yā evarūpā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi – ayaṃ vuccati amoho.

இமே தயோ குஸலஹேதூ.

Ime tayo kusalahetū.

1064. தத்த² கதமே தயோ அகுஸலஹேதூ? லோபோ⁴, தோ³ஸோ, மோஹோ.

1064. Tattha katame tayo akusalahetū? Lobho, doso, moho.

1065. தத்த² கதமோ லோபோ⁴? யோ ராகோ³ ஸாராகோ³ அனுனயோ அனுரோதோ⁴ நந்தீ³ நந்தீ³ராகோ³ ¹ சித்தஸ்ஸ ஸாராகோ³ இச்சா² முச்சா² அஜ்ஜோ²ஸானங் கே³தோ⁴ பலிகே³தோ⁴ ஸங்கோ³ பங்கோ ஏஜா மாயா ஜனிகா ஸஞ்ஜனநீ ஸிப்³பி³னீ ² ஜாலினீ ஸரிதா விஸத்திகா ஸுத்தங் விஸடா ஆயூஹினீ ³ து³தியா பணிதி⁴ ப⁴வனெத்தி வனங் வனதோ² ஸந்த²வோ ஸினேஹோ அபெக்கா² படிப³ந்து⁴ ஆஸா ஆஸிஸனா ஆஸிஸிதத்தங் ⁴ ரூபாஸா ஸத்³தா³ஸா க³ந்தா⁴ஸா ரஸாஸா பொ²ட்ட²ப்³பா³ஸா லாபா⁴ஸா த⁴னாஸா புத்தாஸா ஜீவிதாஸா ஜப்பா பஜப்பா அபி⁴ஜப்பா ஜப்பா ஜப்பனா ஜப்பிதத்தங் லோலுப்பங் லோலுப்பாயனா லோலுப்பாயிதத்தங் புச்ச²ஞ்ஜிகதா ⁵ ஸாது⁴கம்யதா அத⁴ம்மராகோ³ விஸமலோபோ⁴ நிகந்தி நிகாமனா பத்த²னா பிஹனா ஸம்பத்த²னா காமதண்ஹா ப⁴வதண்ஹா விப⁴வதண்ஹா ரூபதண்ஹா அரூபதண்ஹா நிரோத⁴தண்ஹா ரூபதண்ஹா ஸத்³த³தண்ஹா க³ந்த⁴தண்ஹா ரஸதண்ஹா பொ²ட்ட²ப்³ப³தண்ஹா த⁴ம்மதண்ஹா ஓகோ⁴ யோகோ³ க³ந்தோ² உபாதா³னங் ஆவரணங் நீவரணங் சா²த³னங் ப³ந்த⁴னங் உபக்கிலேஸோ அனுஸயோ பரியுட்டா²னங் லதா வேவிச்ச²ங் து³க்க²மூலங் து³க்க²னிதா³னங் து³க்க²ப்பப⁴வோ மாரபாஸோ மாரப³ளிஸங் மாரவிஸயோ தண்ஹானதீ³ தண்ஹாஜாலங் தண்ஹாக³த்³து³லங் தண்ஹாஸமுத்³தோ³ அபி⁴ஜ்ஜா² லோபோ⁴ அகுஸலமூலங் – அயங் வுச்சதி லோபோ⁴.

1065. Tattha katamo lobho? Yo rāgo sārāgo anunayo anurodho nandī nandīrāgo ⁶ cittassa sārāgo icchā mucchā ajjhosānaṃ gedho paligedho saṅgo paṅko ejā māyā janikā sañjananī sibbinī ⁷ jālinī saritā visattikā suttaṃ visaṭā āyūhinī ⁸ dutiyā paṇidhi bhavanetti vanaṃ vanatho santhavo sineho apekkhā paṭibandhu āsā āsisanā āsisitattaṃ ⁹ rūpāsā saddāsā gandhāsā rasāsā phoṭṭhabbāsā lābhāsā dhanāsā puttāsā jīvitāsā jappā pajappā abhijappā jappā jappanā jappitattaṃ loluppaṃ loluppāyanā loluppāyitattaṃ pucchañjikatā ¹⁰ sādhukamyatā adhammarāgo visamalobho nikanti nikāmanā patthanā pihanā sampatthanā kāmataṇhā bhavataṇhā vibhavataṇhā rūpataṇhā arūpataṇhā nirodhataṇhā rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā ogho yogo gantho upādānaṃ āvaraṇaṃ nīvaraṇaṃ chādanaṃ bandhanaṃ upakkileso anusayo pariyuṭṭhānaṃ latā vevicchaṃ dukkhamūlaṃ dukkhanidānaṃ dukkhappabhavo mārapāso mārabaḷisaṃ māravisayo taṇhānadī taṇhājālaṃ taṇhāgaddulaṃ taṇhāsamuddo abhijjhā lobho akusalamūlaṃ – ayaṃ vuccati lobho.

1066. தத்த² கதமோ தோ³ஸோ? அனத்த²ங் மே அசரீதி ஆகா⁴தோ ஜாயதி, அனத்த²ங் மே சரதீதி ஆகா⁴தோ ஜாயதி, அனத்த²ங் மே சரிஸ்ஸதீதி ஆகா⁴தோ ஜாயதி, பியஸ்ஸ மே மனாபஸ்ஸ அனத்த²ங் அசரி…பே॰… அனத்த²ங் சரதி…பே॰… அனத்த²ங் சரிஸ்ஸதீதி ஆகா⁴தோ ஜாயதி, அப்பியஸ்ஸ மே அமனாபஸ்ஸ அத்த²ங் அசரி…பே॰… அத்த²ங் சரதி…பே॰… அத்த²ங் சரிஸ்ஸதீதி ஆகா⁴தோ ஜாயதி, அட்டா²னே வா பன ஆகா⁴தோ ஜாயதி. யோ ஏவரூபோ சித்தஸ்ஸ ஆகா⁴தோ படிகா⁴தோ படிக⁴ங் படிவிரோதோ⁴ கோபோ பகோபோ ஸம்பகோபோ தோ³ஸோ பதோ³ஸோ ஸம்பதோ³ஸோ சித்தஸ்ஸ ப்³யாபத்தி மனோபதோ³ஸோ கோதோ⁴ குஜ்ஜ²னா குஜ்ஜி²தத்தங் தோ³ஸோ து³ஸ்ஸனா து³ஸ்ஸிதத்தங் ப்³யாபத்தி ப்³யாபஜ்ஜனா ப்³யாபஜ்ஜிதத்தங் விரோதோ⁴ படிவிரோதோ⁴ சண்டி³க்கங் அஸுரோபோ அனத்தமனதா சித்தஸ்ஸ – அயங் வுச்சதி தோ³ஸோ.

1066. Tattha katamo doso? Anatthaṃ me acarīti āghāto jāyati, anatthaṃ me caratīti āghāto jāyati, anatthaṃ me carissatīti āghāto jāyati, piyassa me manāpassa anatthaṃ acari…pe… anatthaṃ carati…pe… anatthaṃ carissatīti āghāto jāyati, appiyassa me amanāpassa atthaṃ acari…pe… atthaṃ carati…pe… atthaṃ carissatīti āghāto jāyati, aṭṭhāne vā pana āghāto jāyati. Yo evarūpo cittassa āghāto paṭighāto paṭighaṃ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṃ doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassa – ayaṃ vuccati doso.

1067. தத்த² கதமோ மோஹோ? து³க்கே² அஞ்ஞாணங், து³க்க²ஸமுத³யே அஞ்ஞாணங், து³க்க²னிரோதே⁴ அஞ்ஞாணங், து³க்க²னிரோத⁴கா³மினியா படிபதா³ய அஞ்ஞாணங், புப்³ப³ந்தே அஞ்ஞாணங், அபரந்தே அஞ்ஞாணங், புப்³ப³ந்தாபரந்தே அஞ்ஞாணங், இத³ப்பச்சயதா படிச்சஸமுப்பன்னேஸு த⁴ம்மேஸு அஞ்ஞாணங், யங் ஏவரூபங் அஞ்ஞாணங் அத³ஸ்ஸனங் அனபி⁴ஸமயோ அனநுபோ³தோ⁴ அஸம்போ³தோ⁴ அப்படிவேதோ⁴ அஸங்கா³ஹனா அபரியோகா³ஹனா அஸமபெக்க²னா அபச்சவெக்க²ணா அபச்சக்க²கம்மங் து³ம்மெஜ்ஜ²ங் பா³ல்யங் அஸம்பஜஞ்ஞங் மோஹோ பமோஹோ ஸம்மோஹோ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னங் அவிஜ்ஜாலங்கீ³ மோஹோ அகுஸலமூலங் – அயங் வுச்சதி மோஹோ.

1067. Tattha katamo moho? Dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇaṃ, pubbante aññāṇaṃ, aparante aññāṇaṃ, pubbantāparante aññāṇaṃ, idappaccayatā paṭiccasamuppannesu dhammesu aññāṇaṃ, yaṃ evarūpaṃ aññāṇaṃ adassanaṃ anabhisamayo ananubodho asambodho appaṭivedho asaṃgāhanā apariyogāhanā asamapekkhanā apaccavekkhaṇā apaccakkhakammaṃ dummejjhaṃ bālyaṃ asampajaññaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjālaṅgī moho akusalamūlaṃ – ayaṃ vuccati moho.

இமே தயோ அகுஸலஹேதூ.

Ime tayo akusalahetū.

1068. தத்த² கதமே தயோ அப்³யாகதஹேதூ? குஸலானங் வா த⁴ம்மானங் விபாகதோ கிரியாப்³யாகதேஸு வா த⁴ம்மேஸு அலோபோ⁴ அதோ³ஸோ அமோஹோ – இமே தயோ அப்³யாகதஹேதூ.

1068. Tattha katame tayo abyākatahetū? Kusalānaṃ vā dhammānaṃ vipākato kiriyābyākatesu vā dhammesu alobho adoso amoho – ime tayo abyākatahetū.

1069. தத்த² கதமே நவ காமாவசரஹேதூ? தயோ குஸலஹேதூ, தயோ அகுஸலஹேதூ, தயோ அப்³யாகதஹேதூ – இமே நவ காமாவசரஹேதூ.

1069. Tattha katame nava kāmāvacarahetū? Tayo kusalahetū, tayo akusalahetū, tayo abyākatahetū – ime nava kāmāvacarahetū.

1070. தத்த² கதமே ச² ரூபாவசரஹேதூ? தயோ குஸலஹேதூ, தயோ அப்³யாகதஹேதூ – இமே ச² ரூபாவசரஹேதூ.

1070. Tattha katame cha rūpāvacarahetū? Tayo kusalahetū, tayo abyākatahetū – ime cha rūpāvacarahetū.

1071. தத்த² கதமே ச² அரூபாவசரஹேதூ? தயோ குஸலஹேதூ, தயோ அப்³யாகதஹேதூ – இமே ச² அரூபாவசரஹேதூ.

1071. Tattha katame cha arūpāvacarahetū? Tayo kusalahetū, tayo abyākatahetū – ime cha arūpāvacarahetū.

1072. தத்த² கதமே ச² அபரியாபன்னஹேதூ? தயோ குஸலஹேதூ, தயோ அப்³யாகதஹேதூ – இமே ச² அபரியாபன்னஹேதூ.

1072. Tattha katame cha apariyāpannahetū? Tayo kusalahetū, tayo abyākatahetū – ime cha apariyāpannahetū.

1073. தத்த² கதமே தயோ குஸலஹேதூ? அலோபோ⁴, அதோ³ஸோ, அமோஹோ.

1073. Tattha katame tayo kusalahetū? Alobho, adoso, amoho.

1074. தத்த² கதமோ அலோபோ⁴? யோ அலோபோ⁴ அலுப்³ப⁴னா அலுப்³பி⁴தத்தங் அஸாராகோ³ அஸாரஜ்ஜனா அஸாரஜ்ஜிதத்தங் அனபி⁴ஜ்ஜா² அலோபோ⁴ குஸலமூலங் – அயங் வுச்சதி அலோபோ⁴.

1074. Tattha katamo alobho? Yo alobho alubbhanā alubbhitattaṃ asārāgo asārajjanā asārajjitattaṃ anabhijjhā alobho kusalamūlaṃ – ayaṃ vuccati alobho.

1075. தத்த² கதமோ அதோ³ஸோ? யோ அதோ³ஸோ அது³ஸ்ஸனா அது³ஸ்ஸிதத்தங்…பே॰… அப்³யாபாதோ³ அப்³யாபஜ்ஜோ அதோ³ஸோ குஸலமூலங் – அயங் வுச்சதி அதோ³ஸோ.

1075. Tattha katamo adoso? Yo adoso adussanā adussitattaṃ…pe… abyāpādo abyāpajjo adoso kusalamūlaṃ – ayaṃ vuccati adoso.

1076. தத்த² கதமோ அமோஹோ ? து³க்கே² ஞாணங், து³க்க²ஸமுத³யே ஞாணங், து³க்க²னிரோதே⁴ ஞாணங், து³க்க²னிரோத⁴கா³மினியா படிபதா³ய ஞாணங், புப்³ப³ந்தே ஞாணங், அபரந்தே ஞாணங், புப்³ப³ந்தாபரந்தே ஞாணங், இத³ப்பச்சயதா படிச்சஸமுப்பன்னேஸு த⁴ம்மேஸு ஞாணங், யா ஏவரூபா பஞ்ஞா பஜானநா விசயோ பவிசயோ த⁴ம்மவிசயோ ஸல்லக்க²ணா உபலக்க²ணா பச்சுபலக்க²ணா பண்டி³ச்சங் கோஸல்லங் நேபுஞ்ஞங் வேப⁴ப்³யா சிந்தா உபபரிக்கா² பூ⁴ரீ மேதா⁴ பரிணாயிகா விபஸ்ஸனா ஸம்பஜஞ்ஞங் பதோதோ³ பஞ்ஞா பஞ்ஞிந்த்³ரியங் பஞ்ஞாப³லங் பஞ்ஞாஸத்த²ங் பஞ்ஞாபாஸாதோ³ பஞ்ஞாஆலோகோ பஞ்ஞாஓபா⁴ஸோ பஞ்ஞாபஜ்ஜோதோ பஞ்ஞாரதனங் அமோஹோ த⁴ம்மவிசயோ ஸம்மாதி³ட்டி² த⁴ம்மவிசயஸம்பொ³ஜ்ஜ²ங்கோ³ மக்³க³ங்க³ங் மக்³க³பரியாபன்னங் – அயங் வுச்சதி அமோஹோ.

1076. Tattha katamo amoho ? Dukkhe ñāṇaṃ, dukkhasamudaye ñāṇaṃ, dukkhanirodhe ñāṇaṃ, dukkhanirodhagāminiyā paṭipadāya ñāṇaṃ, pubbante ñāṇaṃ, aparante ñāṇaṃ, pubbantāparante ñāṇaṃ, idappaccayatā paṭiccasamuppannesu dhammesu ñāṇaṃ, yā evarūpā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – ayaṃ vuccati amoho.

இமே தயோ குஸலஹேதூ.

Ime tayo kusalahetū.

1077. தத்த² கதமே தயோ அப்³யாகதஹேதூ? குஸலானங் த⁴ம்மானங் விபாகதோ அலோபோ⁴ அதோ³ஸோ அமோஹோ – இமே தயோ அப்³யாகதஹேதூ. இமே ச² அபரியாபன்னஹேதூ – இமே த⁴ம்மா ஹேதூ.

1077. Tattha katame tayo abyākatahetū? Kusalānaṃ dhammānaṃ vipākato alobho adoso amoho – ime tayo abyākatahetū. Ime cha apariyāpannahetū – ime dhammā hetū.

1078. கதமே த⁴ம்மா ந ஹேதூ? தே த⁴ம்மே ட²பெத்வா, அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ந ஹேதூ.

1078. Katame dhammā na hetū? Te dhamme ṭhapetvā, avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā na hetū.

1079. கதமே த⁴ம்மா ஸஹேதுகா? தேஹி த⁴ம்மேஹி யே த⁴ம்மா ஸஹேதுகா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸஹேதுகா .

1079. Katame dhammā sahetukā? Tehi dhammehi ye dhammā sahetukā vedanākkhandho…pe… viññāṇakkhandho – ime dhammā sahetukā .

1080. கதமே த⁴ம்மா அஹேதுகா? தேஹி த⁴ம்மேஹி யே த⁴ம்மா அஹேதுகா வேத³னாக்க²ந்தோ⁴…பே॰… விஞ்ஞாணக்க²ந்தோ⁴, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா அஹேதுகா.

1080. Katame dhammā ahetukā? Tehi dhammehi ye dhammā ahetukā vedanākkhandho…pe… viññāṇakkhandho, sabbañca rūpaṃ, asaṅkhatā ca dhātu – ime dhammā ahetukā.

1081. கதமே த⁴ம்மா ஹேதுஸம்பயுத்தா? தேஹி த⁴ம்மேஹி யே த⁴ம்மா ஸம்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஹேதுஸம்பயுத்தா.

1081. Katame dhammā hetusampayuttā? Tehi dhammehi ye dhammā sampayuttā vedanākkhandho…pe… viññāṇakkhandho – ime dhammā hetusampayuttā.

1082. கதமே த⁴ம்மா ஹேதுவிப்பயுத்தா? தேஹி த⁴ம்மேஹி யே த⁴ம்மா விப்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ஹேதுவிப்பயுத்தா.

1082. Katame dhammā hetuvippayuttā? Tehi dhammehi ye dhammā vippayuttā vedanākkhandho…pe… viññāṇakkhandho, sabbañca rūpaṃ, asaṅkhatā ca dhātu – ime dhammā hetuvippayuttā.

1083. கதமே த⁴ம்மா ஹேதூ சேவ ஸஹேதுகா ச? லோபோ⁴ மோஹேன ஹேது சேவ ஸஹேதுகோ ச, மோஹோ லோபே⁴ன ஹேது சேவ ஸஹேதுகோ ச, தோ³ஸோ மோஹேன ஹேது சேவ ஸஹேதுகோ ச, மோஹோ தோ³ஸேன ஹேது சேவ ஸஹேதுகோ ச; அலோபோ⁴ அதோ³ஸோ அமோஹோ, தே அஞ்ஞமஞ்ஞங் ஹேதூ சேவ ஸஹேதுகா ச – இமே த⁴ம்மா ஹேதூ சேவ ஸஹேதுகா ச.

1083. Katame dhammā hetū ceva sahetukā ca? Lobho mohena hetu ceva sahetuko ca, moho lobhena hetu ceva sahetuko ca, doso mohena hetu ceva sahetuko ca, moho dosena hetu ceva sahetuko ca; alobho adoso amoho, te aññamaññaṃ hetū ceva sahetukā ca – ime dhammā hetū ceva sahetukā ca.

1084. கதமே த⁴ம்மா ஸஹேதுகா சேவ ந ச ஹேதூ? தேஹி த⁴ம்மேஹி யே த⁴ம்மா ஸஹேதுகா தே த⁴ம்மே ட²பெத்வா, வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸஹேதுகா சேவ ந ச ஹேதூ.

1084. Katame dhammā sahetukā ceva na ca hetū? Tehi dhammehi ye dhammā sahetukā te dhamme ṭhapetvā, vedanākkhandho…pe… viññāṇakkhandho – ime dhammā sahetukā ceva na ca hetū.

1085. கதமே த⁴ம்மா ஹேதூ சேவ ஹேதுஸம்பயுத்தா ச? லோபோ⁴ மோஹேன ஹேது சேவ ஹேதுஸம்பயுத்தோ ச, மோஹோ லோபே⁴ன ஹேது சேவ ஹேதுஸம்பயுத்தோ ச, தோ³ஸோ மோஹேன ஹேது சேவ ஹேதுஸம்பயுத்தோ ச, மோஹோ தோ³ஸேன ஹேது சேவ ஹேதுஸம்பயுத்தோ ச; அலோபோ⁴ அதோ³ஸோ அமோஹோ , தே அஞ்ஞமஞ்ஞங் ஹேதூ சேவ ஹேதுஸம்பயுத்தா ச – இமே த⁴ம்மா ஹேதூ சேவ ஹேதுஸம்பயுத்தா ச.

1085. Katame dhammā hetū ceva hetusampayuttā ca? Lobho mohena hetu ceva hetusampayutto ca, moho lobhena hetu ceva hetusampayutto ca, doso mohena hetu ceva hetusampayutto ca, moho dosena hetu ceva hetusampayutto ca; alobho adoso amoho , te aññamaññaṃ hetū ceva hetusampayuttā ca – ime dhammā hetū ceva hetusampayuttā ca.

1086. கதமே த⁴ம்மா ஹேதுஸம்பயுத்தா சேவ ந ச ஹேதூ? தேஹி த⁴ம்மேஹி யே த⁴ம்மா ஸம்பயுத்தா தே த⁴ம்மே ட²பெத்வா, வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஹேதுஸம்பயுத்தா சேவ ந ச ஹேதூ.

1086. Katame dhammā hetusampayuttā ceva na ca hetū? Tehi dhammehi ye dhammā sampayuttā te dhamme ṭhapetvā, vedanākkhandho…pe… viññāṇakkhandho – ime dhammā hetusampayuttā ceva na ca hetū.

1087. கதமே த⁴ம்மா ந ஹேதூ ஸஹேதுகா? தேஹி த⁴ம்மேஹி யே த⁴ம்மா ந ஹேதூ ஸஹேதுகா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ந ஹேதூ ஸஹேதுகா.

1087. Katame dhammā na hetū sahetukā? Tehi dhammehi ye dhammā na hetū sahetukā vedanākkhandho…pe… viññāṇakkhandho – ime dhammā na hetū sahetukā.

1088. கதமே த⁴ம்மா ந ஹேதூ அஹேதுகா? தேஹி த⁴ம்மேஹி யே த⁴ம்மா ந ஹேதூ அஹேதுகா வேத³னாக்க²ந்தோ⁴…பே॰… விஞ்ஞாணக்க²ந்தோ⁴, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ந ஹேதூ அஹேதுகா.

1088. Katame dhammā na hetū ahetukā? Tehi dhammehi ye dhammā na hetū ahetukā vedanākkhandho…pe… viññāṇakkhandho, sabbañca rūpaṃ, asaṅkhatā ca dhātu – ime dhammā na hetū ahetukā.

சூளந்தரது³கங்

Cūḷantaradukaṃ

1089. கதமே த⁴ம்மா ஸப்பச்சயா? பஞ்சக்க²ந்தா⁴ – ரூபக்க²ந்தோ⁴, வேத³னாக்க²ந்தோ⁴, ஸஞ்ஞாக்க²ந்தோ⁴ , ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே த⁴ம்மா ஸப்பச்சயா.

1089. Katame dhammā sappaccayā? Pañcakkhandhā – rūpakkhandho, vedanākkhandho, saññākkhandho , saṅkhārakkhandho, viññāṇakkhandho – ime dhammā sappaccayā.

1090. கதமே த⁴ம்மா அப்பச்சயா? அஸங்க²தா தா⁴து – இமே த⁴ம்மா அப்பச்சயா.

1090. Katame dhammā appaccayā? Asaṅkhatā dhātu – ime dhammā appaccayā.

1091. கதமே த⁴ம்மா ஸங்க²தா? யேவ தே த⁴ம்மா ஸப்பச்சயா, தேவ தே த⁴ம்மா ஸங்க²தா.

1091. Katame dhammā saṅkhatā? Yeva te dhammā sappaccayā, teva te dhammā saṅkhatā.

1092. கதமே த⁴ம்மா அஸங்க²தா? யோ ஏவ ஸோ த⁴ம்மோ அப்பச்சயோ, ஸோ ஏவ ஸோ த⁴ம்மோ அஸங்க²தோ.

1092. Katame dhammā asaṅkhatā? Yo eva so dhammo appaccayo, so eva so dhammo asaṅkhato.

1093. கதமே த⁴ம்மா ஸனித³ஸ்ஸனா? ரூபாயதனங் – இமே த⁴ம்மா ஸனித³ஸ்ஸனா .

1093. Katame dhammā sanidassanā? Rūpāyatanaṃ – ime dhammā sanidassanā .

1094. கதமே த⁴ம்மா அனித³ஸ்ஸனா? சக்கா²யதனங்…பே॰… பொ²ட்ட²ப்³பா³யதனங், வேத³னாக்க²ந்தோ⁴…பே॰… விஞ்ஞாணக்க²ந்தோ⁴, யஞ்ச ரூபங் அனித³ஸ்ஸனங் அப்படிக⁴ங் த⁴ம்மாயதனபரியாபன்னங், அஸங்க²தா ச தா⁴து – இமே த⁴ம்மா அனித³ஸ்ஸனா.

1094. Katame dhammā anidassanā? Cakkhāyatanaṃ…pe… phoṭṭhabbāyatanaṃ, vedanākkhandho…pe… viññāṇakkhandho, yañca rūpaṃ anidassanaṃ appaṭighaṃ dhammāyatanapariyāpannaṃ, asaṅkhatā ca dhātu – ime dhammā anidassanā.

1095. கதமே த⁴ம்மா ஸப்படிகா⁴? சக்கா²யதனங்…பே॰… பொ²ட்ட²ப்³பா³யதனங் – இமே த⁴ம்மா ஸப்படிகா⁴.

1095. Katame dhammā sappaṭighā? Cakkhāyatanaṃ…pe… phoṭṭhabbāyatanaṃ – ime dhammā sappaṭighā.

1096. கதமே த⁴ம்மா அப்படிகா⁴? வேத³னாக்க²ந்தோ⁴…பே॰… விஞ்ஞாணக்க²ந்தோ⁴, யஞ்ச ரூபங் அனித³ஸ்ஸனங் அப்படிக⁴ங் த⁴ம்மாயதனபரியாபன்னங், அஸங்க²தா ச தா⁴து – இமே த⁴ம்மா அப்படிகா⁴.

1096. Katame dhammā appaṭighā? Vedanākkhandho…pe… viññāṇakkhandho, yañca rūpaṃ anidassanaṃ appaṭighaṃ dhammāyatanapariyāpannaṃ, asaṅkhatā ca dhātu – ime dhammā appaṭighā.

1097. கதமே த⁴ம்மா ரூபினோ? சத்தாரோ ச மஹாபூ⁴தா சதுன்னஞ்ச மஹாபூ⁴தானங் உபாதா³ய ரூபங் – இமே த⁴ம்மா ரூபினோ.

1097. Katame dhammā rūpino? Cattāro ca mahābhūtā catunnañca mahābhūtānaṃ upādāya rūpaṃ – ime dhammā rūpino.

1098. கதமே த⁴ம்மா அரூபினோ? வேத³னாக்க²ந்தோ⁴…பே॰… விஞ்ஞாணக்க²ந்தோ⁴, அஸங்க²தா ச தா⁴து – இமே த⁴ம்மா அரூபினோ.

1098. Katame dhammā arūpino? Vedanākkhandho…pe… viññāṇakkhandho, asaṅkhatā ca dhātu – ime dhammā arūpino.

1099. கதமே த⁴ம்மா லோகியா? ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா லோகியா.

1099. Katame dhammā lokiyā? Sāsavā kusalākusalābyākatā dhammā kāmāvacarā, rūpāvacarā, arūpāvacarā, rūpakkhandho…pe… viññāṇakkhandho – ime dhammā lokiyā.

1100. கதமே த⁴ம்மா லோகுத்தரா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா லோகுத்தரா.

1100. Katame dhammā lokuttarā? Apariyāpannā maggā ca, maggaphalāni ca, asaṅkhatā ca dhātu – ime dhammā lokuttarā.

1101. கதமே த⁴ம்மா கேனசி விஞ்ஞெய்யா, கேனசி ந விஞ்ஞெய்யா? யே தே த⁴ம்மா சக்கு²விஞ்ஞெய்யா , ந தே த⁴ம்மா ஸோதவிஞ்ஞெய்யா; யே வா பன தே த⁴ம்மா ஸோதவிஞ்ஞெய்யா, ந தே த⁴ம்மா சக்கு²விஞ்ஞெய்யா. யே தே த⁴ம்மா சக்கு²விஞ்ஞெய்யா, ந தே த⁴ம்மா கா⁴னவிஞ்ஞெய்யா; யே வா பன தே த⁴ம்மா கா⁴னவிஞ்ஞெய்யா, ந தே த⁴ம்மா சக்கு²விஞ்ஞெய்யா. யே தே த⁴ம்மா சக்கு²விஞ்ஞெய்யா, ந தே த⁴ம்மா ஜிவ்ஹாவிஞ்ஞெய்யா; யே வா பன தே த⁴ம்மா ஜிவ்ஹாவிஞ்ஞெய்யா, ந தே த⁴ம்மா சக்கு²விஞ்ஞெய்யா. யே தே த⁴ம்மா சக்கு²விஞ்ஞெய்யா, ந தே த⁴ம்மா காயவிஞ்ஞெய்யா; யே வா பன தே த⁴ம்மா காயவிஞ்ஞெய்யா, ந தே த⁴ம்மா சக்கு²விஞ்ஞெய்யா. யே தே த⁴ம்மா ஸோதவிஞ்ஞெய்யா, ந தே த⁴ம்மா கா⁴னவிஞ்ஞெய்யா; யே வா பன தே த⁴ம்மா கா⁴னவிஞ்ஞெய்யா, ந தே த⁴ம்மா ஸோதவிஞ்ஞெய்யா. யே தே த⁴ம்மா ஸோதவிஞ்ஞெய்யா, ந தே த⁴ம்மா ஜிவ்ஹாவிஞ்ஞெய்யா; யே வா பன தே த⁴ம்மா ஜிவ்ஹாவிஞ்ஞெய்யா, ந தே த⁴ம்மா ஸோதவிஞ்ஞெய்யா. யே தே த⁴ம்மா ஸோதவிஞ்ஞெய்யா, ந தே த⁴ம்மா காயவிஞ்ஞெய்யா; யே வா பன தே த⁴ம்மா காயவிஞ்ஞெய்யா ந தே த⁴ம்மா ஸோதவிஞ்ஞெய்யா. யே தே த⁴ம்மா ஸோதவிஞ்ஞெய்யா, ந தே த⁴ம்மா சக்கு²விஞ்ஞெய்யா; யே வா பன தே த⁴ம்மா சக்கு²விஞ்ஞெய்யா, ந தே த⁴ம்மா ஸோதவிஞ்ஞெய்யா. யே தே த⁴ம்மா கா⁴னவிஞ்ஞெய்யா, ந தே த⁴ம்மா ஜிவ்ஹாவிஞ்ஞெய்யா; யே வா பன தே த⁴ம்மா ஜிவ்ஹாவிஞ்ஞெய்யா, ந தே த⁴ம்மா கா⁴னவிஞ்ஞெய்யா. யே தே த⁴ம்மா கா⁴னவிஞ்ஞெய்யா, ந தே த⁴ம்மா காயவிஞ்ஞெய்யா; யே வா பன தே த⁴ம்மா காயவிஞ்ஞெய்யா, ந தே த⁴ம்மா கா⁴னவிஞ்ஞெய்யா. யே தே த⁴ம்மா கா⁴னவிஞ்ஞெய்யா, ந தே த⁴ம்மா சக்கு²விஞ்ஞெய்யா; யே வா பன தே த⁴ம்மா சக்கு²விஞ்ஞெய்யா, ந தே த⁴ம்மா கா⁴னவிஞ்ஞெய்யா. யே தே த⁴ம்மா கா⁴னவிஞ்ஞெய்யா, ந தே த⁴ம்மா ஸோதவிஞ்ஞெய்யா; யே வா பன தே த⁴ம்மா ஸோதவிஞ்ஞெய்யா, ந தே த⁴ம்மா கா⁴னவிஞ்ஞெய்யா. யே தே த⁴ம்மா ஜிவ்ஹாவிஞ்ஞெய்யா, ந தே த⁴ம்மா காயவிஞ்ஞெய்யா; யே வா பன தே த⁴ம்மா காயவிஞ்ஞெய்யா, ந தே த⁴ம்மா ஜிவ்ஹாவிஞ்ஞெய்யா. யே தே த⁴ம்மா ஜிவ்ஹாவிஞ்ஞெய்யா, ந தே த⁴ம்மா சக்கு²விஞ்ஞெய்யா; யே வா பன தே த⁴ம்மா சக்கு²விஞ்ஞெய்யா, ந தே த⁴ம்மா ஜிவ்ஹாவிஞ்ஞெய்யா. யே தே த⁴ம்மா ஜிவ்ஹாவிஞ்ஞெய்யா, ந தே த⁴ம்மா ஸோதவிஞ்ஞெய்யா; யே வா பன தே த⁴ம்மா ஸோதவிஞ்ஞெய்யா, ந தே த⁴ம்மா ஜிவ்ஹாவிஞ்ஞெய்யா. யே தே த⁴ம்மா ஜிவ்ஹாவிஞ்ஞெய்யா, ந தே த⁴ம்மா கா⁴னவிஞ்ஞெய்யா; யே வா பன தே த⁴ம்மா கா⁴னவிஞ்ஞெய்யா, ந தே த⁴ம்மா ஜிவ்ஹாவிஞ்ஞெய்யா. யே தே த⁴ம்மா காயவிஞ்ஞெய்யா, ந தே த⁴ம்மா சக்கு²விஞ்ஞெய்யா; யே வா பன தே த⁴ம்மா சக்கு²விஞ்ஞெய்யா, ந தே த⁴ம்மா காயவிஞ்ஞெய்யா. யே தே த⁴ம்மா காயவிஞ்ஞெய்யா, ந தே த⁴ம்மா ஸோதவிஞ்ஞெய்யா; யே வா பன தே த⁴ம்மா ஸோதவிஞ்ஞெய்யா, ந தே த⁴ம்மா காயவிஞ்ஞெய்யா. யே தே த⁴ம்மா காயவிஞ்ஞெய்யா, ந தே த⁴ம்மா கா⁴னவிஞ்ஞெய்யா; யே வா பன தே த⁴ம்மா கா⁴னவிஞ்ஞெய்யா, ந தே த⁴ம்மா காயவிஞ்ஞெய்யா. யே தே த⁴ம்மா காயவிஞ்ஞெய்யா, ந தே த⁴ம்மா ஜிவ்ஹாவிஞ்ஞெய்யா; யே வா பன தே த⁴ம்மா ஜிவ்ஹாவிஞ்ஞெய்யா, ந தே த⁴ம்மா காயவிஞ்ஞெய்யா. இமே த⁴ம்மா கேனசி விஞ்ஞெய்யா கேனசி ந விஞ்ஞெய்யா.

1101. Katame dhammā kenaci viññeyyā, kenaci na viññeyyā? Ye te dhammā cakkhuviññeyyā , na te dhammā sotaviññeyyā; ye vā pana te dhammā sotaviññeyyā, na te dhammā cakkhuviññeyyā. Ye te dhammā cakkhuviññeyyā, na te dhammā ghānaviññeyyā; ye vā pana te dhammā ghānaviññeyyā, na te dhammā cakkhuviññeyyā. Ye te dhammā cakkhuviññeyyā, na te dhammā jivhāviññeyyā; ye vā pana te dhammā jivhāviññeyyā, na te dhammā cakkhuviññeyyā. Ye te dhammā cakkhuviññeyyā, na te dhammā kāyaviññeyyā; ye vā pana te dhammā kāyaviññeyyā, na te dhammā cakkhuviññeyyā. Ye te dhammā sotaviññeyyā, na te dhammā ghānaviññeyyā; ye vā pana te dhammā ghānaviññeyyā, na te dhammā sotaviññeyyā. Ye te dhammā sotaviññeyyā, na te dhammā jivhāviññeyyā; ye vā pana te dhammā jivhāviññeyyā, na te dhammā sotaviññeyyā. Ye te dhammā sotaviññeyyā, na te dhammā kāyaviññeyyā; ye vā pana te dhammā kāyaviññeyyā na te dhammā sotaviññeyyā. Ye te dhammā sotaviññeyyā, na te dhammā cakkhuviññeyyā; ye vā pana te dhammā cakkhuviññeyyā, na te dhammā sotaviññeyyā. Ye te dhammā ghānaviññeyyā, na te dhammā jivhāviññeyyā; ye vā pana te dhammā jivhāviññeyyā, na te dhammā ghānaviññeyyā. Ye te dhammā ghānaviññeyyā, na te dhammā kāyaviññeyyā; ye vā pana te dhammā kāyaviññeyyā, na te dhammā ghānaviññeyyā. Ye te dhammā ghānaviññeyyā, na te dhammā cakkhuviññeyyā; ye vā pana te dhammā cakkhuviññeyyā, na te dhammā ghānaviññeyyā. Ye te dhammā ghānaviññeyyā, na te dhammā sotaviññeyyā; ye vā pana te dhammā sotaviññeyyā, na te dhammā ghānaviññeyyā. Ye te dhammā jivhāviññeyyā, na te dhammā kāyaviññeyyā; ye vā pana te dhammā kāyaviññeyyā, na te dhammā jivhāviññeyyā. Ye te dhammā jivhāviññeyyā, na te dhammā cakkhuviññeyyā; ye vā pana te dhammā cakkhuviññeyyā, na te dhammā jivhāviññeyyā. Ye te dhammā jivhāviññeyyā, na te dhammā sotaviññeyyā; ye vā pana te dhammā sotaviññeyyā, na te dhammā jivhāviññeyyā. Ye te dhammā jivhāviññeyyā, na te dhammā ghānaviññeyyā; ye vā pana te dhammā ghānaviññeyyā, na te dhammā jivhāviññeyyā. Ye te dhammā kāyaviññeyyā, na te dhammā cakkhuviññeyyā; ye vā pana te dhammā cakkhuviññeyyā, na te dhammā kāyaviññeyyā. Ye te dhammā kāyaviññeyyā, na te dhammā sotaviññeyyā; ye vā pana te dhammā sotaviññeyyā, na te dhammā kāyaviññeyyā. Ye te dhammā kāyaviññeyyā, na te dhammā ghānaviññeyyā; ye vā pana te dhammā ghānaviññeyyā, na te dhammā kāyaviññeyyā. Ye te dhammā kāyaviññeyyā, na te dhammā jivhāviññeyyā; ye vā pana te dhammā jivhāviññeyyā, na te dhammā kāyaviññeyyā. Ime dhammā kenaci viññeyyā kenaci na viññeyyā.

ஆஸவகொ³ச்ச²கங்

Āsavagocchakaṃ

1102. கதமே த⁴ம்மா ஆஸவா? சத்தாரோ ஆஸவா – காமாஸவோ, ப⁴வாஸவோ, தி³ட்டா²ஸவோ, அவிஜ்ஜாஸவோ.

1102. Katame dhammā āsavā? Cattāro āsavā – kāmāsavo, bhavāsavo, diṭṭhāsavo, avijjāsavo.

1103. தத்த² கதமோ காமாஸவோ? யோ காமேஸு காமச்ச²ந்தோ³ காமராகோ³ காமனந்தீ³ காமதண்ஹா காமஸினேஹோ காமபரிளாஹோ காமமுச்சா² காமஜ்ஜோ²ஸானங் – அயங் வுச்சதி காமாஸவோ.

1103. Tattha katamo kāmāsavo? Yo kāmesu kāmacchando kāmarāgo kāmanandī kāmataṇhā kāmasineho kāmapariḷāho kāmamucchā kāmajjhosānaṃ – ayaṃ vuccati kāmāsavo.

1104. தத்த² கதமோ ப⁴வாஸவோ? யோ ப⁴வேஸு ப⁴வச²ந்தோ³ ¹¹ ப⁴வராகோ³ ப⁴வனந்தீ³ ப⁴வதண்ஹா ப⁴வஸினேஹோ ப⁴வபரிளாஹோ ப⁴வமுச்சா² ப⁴வஜ்ஜோ²ஸானங் – அயங் வுச்சதி ப⁴வாஸவோ.

1104. Tattha katamo bhavāsavo? Yo bhavesu bhavachando ¹² bhavarāgo bhavanandī bhavataṇhā bhavasineho bhavapariḷāho bhavamucchā bhavajjhosānaṃ – ayaṃ vuccati bhavāsavo.

1105. தத்த² கதமோ தி³ட்டா²ஸவோ? ஸஸ்ஸதோ லோகோதி வா, அஸஸ்ஸதோ லோகோதி வா, அந்தவா லோகோதி வா, அனந்தவா லோகோதி வா, தங் ஜீவங் தங் ஸரீரந்தி வா, அஞ்ஞங் ஜீவங் அஞ்ஞங் ஸரீரந்தி வா, ஹோதி ததா²க³தோ பரங் மரணாதி வா, ந ஹோதி ததா²க³தோ பரங் மரணாதி வா, ஹோதி ச ந ச ஹோதி ததா²க³தோ பரங் மரணாதி வா, நேவ ஹோதி ந ந ஹோதி ததா²க³தோ பரங் மரணாதி வா; யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸங்யோஜனங் கா³ஹோ படிக்³கா³ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியாஸக்³கா³ஹோ – அயங் வுச்சதி தி³ட்டா²ஸவோ. ஸப்³பா³பி மிச்சா²தி³ட்டி² தி³ட்டா²ஸவோ.

1105. Tattha katamo diṭṭhāsavo? Sassato lokoti vā, asassato lokoti vā, antavā lokoti vā, anantavā lokoti vā, taṃ jīvaṃ taṃ sarīranti vā, aññaṃ jīvaṃ aññaṃ sarīranti vā, hoti tathāgato paraṃ maraṇāti vā, na hoti tathāgato paraṃ maraṇāti vā, hoti ca na ca hoti tathāgato paraṃ maraṇāti vā, neva hoti na na hoti tathāgato paraṃ maraṇāti vā; yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho paṭiggāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho – ayaṃ vuccati diṭṭhāsavo. Sabbāpi micchādiṭṭhi diṭṭhāsavo.

1106. தத்த² கதமோ அவிஜ்ஜாஸவோ? து³க்கே² அஞ்ஞாணங், து³க்க²ஸமுத³யே அஞ்ஞாணங், து³க்க²னிரோதே⁴ அஞ்ஞாணங், து³க்க²னிரோத⁴கா³மினியா படிபதா³ய அஞ்ஞாணங் , புப்³ப³ந்தே அஞ்ஞாணங், அபரந்தே அஞ்ஞாணங், புப்³ப³ந்தாபரந்தே அஞ்ஞாணங், இத³ப்பச்சயதா படிச்சஸமுப்பன்னேஸு த⁴ம்மேஸு அஞ்ஞாணங்ஃ யங் ஏவரூபங் அஞ்ஞாணங் அத³ஸ்ஸனங் அனபி⁴ஸமயோ அனநுபோ³தோ⁴ அஸம்போ³தோ⁴ அப்படிவேதோ⁴ அஸங்கா³ஹனா அபரியோகா³ஹனா அஸமபெக்க²னா அபச்சவெக்க²ணா அபச்சக்க²கம்மங் து³ம்மெஜ்ஜ²ங் பா³ல்யங் அஸம்பஜஞ்ஞங் மோஹோ பமோஹோ ஸம்மோஹோ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னங் அவிஜ்ஜாலங்கீ³ மோஹோ அகுஸலமூலங் – அயங் வுச்சதி அவிஜ்ஜாஸவோ.

1106. Tattha katamo avijjāsavo? Dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇaṃ , pubbante aññāṇaṃ, aparante aññāṇaṃ, pubbantāparante aññāṇaṃ, idappaccayatā paṭiccasamuppannesu dhammesu aññāṇaṃः yaṃ evarūpaṃ aññāṇaṃ adassanaṃ anabhisamayo ananubodho asambodho appaṭivedho asaṃgāhanā apariyogāhanā asamapekkhanā apaccavekkhaṇā apaccakkhakammaṃ dummejjhaṃ bālyaṃ asampajaññaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjālaṅgī moho akusalamūlaṃ – ayaṃ vuccati avijjāsavo.

இமே த⁴ம்மா ஆஸவா.

Ime dhammā āsavā.

1107. கதமே த⁴ம்மா நோ ஆஸவா? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங் அஸங்க²தா ச தா⁴து – இமே த⁴ம்மா நோ ஆஸவா.

1107. Katame dhammā no āsavā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā vedanākkhandho…pe… viññāṇakkhandho; sabbañca rūpaṃ asaṅkhatā ca dhātu – ime dhammā no āsavā.

1108. கதமே த⁴ம்மா ஸாஸவா? குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸாஸவா.

1108. Katame dhammā sāsavā? Kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā sāsavā.

1109. கதமே த⁴ம்மா அனாஸவா? அபரியாபன்னா மக்³கா³ ச மக்³க³ப²லானி ச, அஸங்க²தா ச தா⁴து – இமே த⁴ம்மா அனாஸவா.

1109. Katame dhammā anāsavā? Apariyāpannā maggā ca maggaphalāni ca, asaṅkhatā ca dhātu – ime dhammā anāsavā.

1110. கதமே த⁴ம்மா ஆஸவஸம்பயுத்தா? தேஹி த⁴ம்மேஹி யே த⁴ம்மா ஸம்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஆஸவஸம்பயுத்தா.

1110. Katame dhammā āsavasampayuttā? Tehi dhammehi ye dhammā sampayuttā vedanākkhandho…pe… viññāṇakkhandho – ime dhammā āsavasampayuttā.

1111. கதமே த⁴ம்மா ஆஸவவிப்பயுத்தா? தேஹி த⁴ம்மேஹி யே த⁴ம்மா விப்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ஆஸவவிப்பயுத்தா.

1111. Katame dhammā āsavavippayuttā? Tehi dhammehi ye dhammā vippayuttā vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā āsavavippayuttā.

1112. கதமே த⁴ம்மா ஆஸவா சேவ ஸாஸவா ச? தேயேவ ஆஸவா ஆஸவா சேவ ஸாஸவா ச.

1112. Katame dhammā āsavā ceva sāsavā ca? Teyeva āsavā āsavā ceva sāsavā ca.

1113. கதமே த⁴ம்மா ஸாஸவா சேவ நோ ச ஆஸவா? தேஹி த⁴ம்மேஹி யே த⁴ம்மா ஸாஸவா, தே த⁴ம்மே ட²பெத்வா அவஸேஸா ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா , அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸாஸவா சேவ நோ ச ஆஸவா.

1113. Katame dhammā sāsavā ceva no ca āsavā? Tehi dhammehi ye dhammā sāsavā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā , arūpāvacarā; rūpakkhandho…pe… viññāṇakkhandho – ime dhammā sāsavā ceva no ca āsavā.

1114. கதமே த⁴ம்மா ஆஸவா சேவ ஆஸவஸம்பயுத்தா ச? காமாஸவோ அவிஜ்ஜாஸவேன ஆஸவோ சேவ ஆஸவஸம்பயுத்தோ ச, அவிஜ்ஜாஸவோ காமாஸவேன ஆஸவோ சேவ ஆஸவஸம்பயுத்தோ ச, ப⁴வாஸவோ அவிஜ்ஜாஸவேன ஆஸவோ சேவ ஆஸவஸம்பயுத்தோ ச, அவிஜ்ஜாஸவோ ப⁴வாஸவேன ஆஸவோ சேவ ஆஸவஸம்பயுத்தோ ச, தி³ட்டா²ஸவோ அவிஜ்ஜாஸவேன ஆஸவோ சேவ ஆஸவஸம்பயுத்தோ ச, அவிஜ்ஜாஸவோ தி³ட்டா²ஸவேன ஆஸவோ சேவ ஆஸவஸம்பயுத்தோ ச – இமே த⁴ம்மா ஆஸவா சேவ ஆஸவஸம்பயுத்தா ச.

1114. Katame dhammā āsavā ceva āsavasampayuttā ca? Kāmāsavo avijjāsavena āsavo ceva āsavasampayutto ca, avijjāsavo kāmāsavena āsavo ceva āsavasampayutto ca, bhavāsavo avijjāsavena āsavo ceva āsavasampayutto ca, avijjāsavo bhavāsavena āsavo ceva āsavasampayutto ca, diṭṭhāsavo avijjāsavena āsavo ceva āsavasampayutto ca, avijjāsavo diṭṭhāsavena āsavo ceva āsavasampayutto ca – ime dhammā āsavā ceva āsavasampayuttā ca.

1115. கதமே த⁴ம்மா ஆஸவஸம்பயுத்தா சேவ நோ ச ஆஸவா? தேஹி த⁴ம்மேஹி யே த⁴ம்மா ஸம்பயுத்தா, தே த⁴ம்மே ட²பெத்வா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஆஸவஸம்பயுத்தா சேவ நோ ச ஆஸவா.

1115. Katame dhammā āsavasampayuttā ceva no ca āsavā? Tehi dhammehi ye dhammā sampayuttā, te dhamme ṭhapetvā vedanākkhandho…pe… viññāṇakkhandho – ime dhammā āsavasampayuttā ceva no ca āsavā.

1116. கதமே த⁴ம்மா ஆஸவவிப்பயுத்தா ஸாஸவா? தேஹி த⁴ம்மேஹி யே த⁴ம்மா விப்பயுத்தா ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஆஸவவிப்பயுத்தா ஸாஸவா.

1116. Katame dhammā āsavavippayuttā sāsavā? Tehi dhammehi ye dhammā vippayuttā sāsavā kusalākusalābyākatā dhammā kāmāvacarā, rūpāvacarā, arūpāvacarā, rūpakkhandho…pe… viññāṇakkhandho – ime dhammā āsavavippayuttā sāsavā.

1117. கதமே த⁴ம்மா ஆஸவவிப்பயுத்தா அனாஸவா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா ஆஸவவிப்பயுத்தா அனாஸவா.

1117. Katame dhammā āsavavippayuttā anāsavā? Apariyāpannā maggā ca, maggaphalāni ca, asaṅkhatā ca dhātu – ime dhammā āsavavippayuttā anāsavā.

நிக்கே²பகண்டே³ பட²மபா⁴ணவாரோ.

Nikkhepakaṇḍe paṭhamabhāṇavāro.

ஸங்யோஜனகொ³ச்ச²கங்

Saṃyojanagocchakaṃ

1118. கதமே த⁴ம்மா ஸங்யோஜனா? த³ஸ ஸங்யோஜனானி – காமராக³ஸங்யோஜனங், படிக⁴ஸங்யோஜனங் , மானஸங்யோஜனங், தி³ட்டி²ஸங்யோஜனங், விசிகிச்சா²ஸங்யோஜனங், ஸீலப்³ப³தபராமாஸஸங்யோஜனங், ப⁴வராக³ஸங்யோஜனங், இஸ்ஸாஸங்யோஜனங், மச்ச²ரியஸங்யோஜனங், அவிஜ்ஜாஸங்யோஜனங்.

1118. Katame dhammā saṃyojanā? Dasa saṃyojanāni – kāmarāgasaṃyojanaṃ, paṭighasaṃyojanaṃ , mānasaṃyojanaṃ, diṭṭhisaṃyojanaṃ, vicikicchāsaṃyojanaṃ, sīlabbataparāmāsasaṃyojanaṃ, bhavarāgasaṃyojanaṃ, issāsaṃyojanaṃ, macchariyasaṃyojanaṃ, avijjāsaṃyojanaṃ.

1119. தத்த² கதமங் காமராக³ஸங்யோஜனங்? யோ காமேஸு காமச்ச²ந்தோ³ காமராகோ³ காமனந்தீ³ காமதண்ஹா காமஸினேஹோ காமபரிளாஹோ காமமுச்சா² காமஜ்ஜோ²ஸானங் – இத³ங் வுச்சதி காமராக³ஸங்யோஜனங்.

1119. Tattha katamaṃ kāmarāgasaṃyojanaṃ? Yo kāmesu kāmacchando kāmarāgo kāmanandī kāmataṇhā kāmasineho kāmapariḷāho kāmamucchā kāmajjhosānaṃ – idaṃ vuccati kāmarāgasaṃyojanaṃ.

1120. தத்த² கதமங் படிக⁴ஸங்யோஜனங்? அனத்த²ங் மே அசரீதி ஆகா⁴தோ ஜாயதி, அனத்த²ங் மே சரதீதி ஆகா⁴தோ ஜாயதி, அனத்த²ங் மே சரிஸ்ஸதீதி ஆகா⁴தோ ஜாயதி, பியஸ்ஸ மே மனாபஸ்ஸ அனத்த²ங் அசரி…பே॰… அனத்த²ங் சரதி…பே॰… அனத்த²ங் சரிஸ்ஸதீதி ஆகா⁴தோ ஜாயதி, அப்பியஸ்ஸ மே அமனாபஸ்ஸ அத்த²ங் அசரி…பே॰… அத்த²ங் சரதி…பே॰… அத்த²ங் சரிஸ்ஸதீதி ஆகா⁴தோ ஜாயதி, அட்டா²னே வா பன ஆகா⁴தோ ஜாயதி. யோ ஏவரூபோ சித்தஸ்ஸ ஆகா⁴தோ படிகா⁴தோ படிக⁴ங் படிவிரோதோ⁴ கோபோ பகோபோ ஸம்பகோபோ தோ³ஸோ பதோ³ஸோ ஸம்பதோ³ஸோ சித்தஸ்ஸ ப்³யாபத்தி மனோபதோ³ஸோ கோதோ⁴ குஜ்ஜ²னா குஜ்ஜி²தத்தங் தோ³ஸோ து³ஸ்ஸனா து³ஸ்ஸிதத்தங் ப்³யாபத்தி ப்³யாபஜ்ஜனா ப்³யாபஜ்ஜிதத்தங் விரோதோ⁴ படிவிரோதோ⁴ சண்டி³க்கங் அஸுரோபோ அனத்தமனதா சித்தஸ்ஸ – இத³ங் வுச்சதி படிக⁴ஸங்யோஜனங்.

1120. Tattha katamaṃ paṭighasaṃyojanaṃ? Anatthaṃ me acarīti āghāto jāyati, anatthaṃ me caratīti āghāto jāyati, anatthaṃ me carissatīti āghāto jāyati, piyassa me manāpassa anatthaṃ acari…pe… anatthaṃ carati…pe… anatthaṃ carissatīti āghāto jāyati, appiyassa me amanāpassa atthaṃ acari…pe… atthaṃ carati…pe… atthaṃ carissatīti āghāto jāyati, aṭṭhāne vā pana āghāto jāyati. Yo evarūpo cittassa āghāto paṭighāto paṭighaṃ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṃ doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassa – idaṃ vuccati paṭighasaṃyojanaṃ.

1121. தத்த² கதமங் மானஸங்யோஜனங்? ஸெய்யோஹமஸ்மீதி மானோ, ஸதி³ஸோஹமஸ்மீதி மானோ, ஹீனோஹமஸ்மீதி மானோ. யோ ஏவரூபோ மானோ மஞ்ஞனா மஞ்ஞிதத்தங் உன்னதி உன்னமோ ¹³ த⁴ஜோ ஸம்பக்³கா³ஹோ கேதுகம்யதா சித்தஸ்ஸ – இத³ங் வுச்சதி மானஸங்யோஜனங்.

1121. Tattha katamaṃ mānasaṃyojanaṃ? Seyyohamasmīti māno, sadisohamasmīti māno, hīnohamasmīti māno. Yo evarūpo māno maññanā maññitattaṃ unnati unnamo ¹⁴ dhajo sampaggāho ketukamyatā cittassa – idaṃ vuccati mānasaṃyojanaṃ.

1122. தத்த² கதமங் தி³ட்டி²ஸங்யோஜனங்? ஸஸ்ஸதோ லோகோதி வா, அஸஸ்ஸதோ லோகோதி வா, அந்தவா லோகோதி வா, அனந்தவா லோகோதி வா, தங் ஜீவங் தங் ஸரீரந்தி வா, அஞ்ஞங் ஜீவங் அஞ்ஞங் ஸரீரந்தி வா, ஹோதி ததா²க³தோ பரங் மரணாதி வா, ந ஹோதி ததா²க³தோ பரங் மரணாதி வா, ஹோதி ச ந ச ஹோதி ததா²க³தோ பரங் மரணாதி வா, நேவ ஹோதி ந ந ஹோதி ததா²க³தோ பரங் மரணாதி வா; யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸங்யோஜனங் கா³ஹோ படிக்³கா³ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியாஸக்³கா³ஹோ – இத³ங் வுச்சதி தி³ட்டி²ஸங்யோஜனங். ட²பெத்வா ஸீலப்³ப³தபராமாஸஸங்யோஜனங் ஸப்³பா³பி மிச்சா²தி³ட்டி² தி³ட்டி²ஸங்யோஜனங்.

1122. Tattha katamaṃ diṭṭhisaṃyojanaṃ? Sassato lokoti vā, asassato lokoti vā, antavā lokoti vā, anantavā lokoti vā, taṃ jīvaṃ taṃ sarīranti vā, aññaṃ jīvaṃ aññaṃ sarīranti vā, hoti tathāgato paraṃ maraṇāti vā, na hoti tathāgato paraṃ maraṇāti vā, hoti ca na ca hoti tathāgato paraṃ maraṇāti vā, neva hoti na na hoti tathāgato paraṃ maraṇāti vā; yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho paṭiggāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho – idaṃ vuccati diṭṭhisaṃyojanaṃ. Ṭhapetvā sīlabbataparāmāsasaṃyojanaṃ sabbāpi micchādiṭṭhi diṭṭhisaṃyojanaṃ.

1123. தத்த² கதமங் விசிகிச்சா²ஸங்யோஜனங்? ஸத்த²ரி கங்க²தி விசிகிச்ச²தி, த⁴ம்மே கங்க²தி விசிகிச்ச²தி, ஸங்கே⁴ கங்க²தி விசிகிச்ச²தி, ஸிக்கா²ய கங்க²தி விசிகிச்ச²தி, புப்³ப³ந்தே கங்க²தி விசிகிச்ச²தி, அபரந்தே கங்க²தி விசிகிச்ச²தி, புப்³ப³ந்தாபரந்தே கங்க²தி விசிகிச்ச²தி, இத³ப்பச்சயதா படிச்சஸமுப்பன்னேஸு த⁴ம்மேஸு கங்க²தி விசிகிச்ச²திஃ யா ஏவரூபா கங்கா² கங்கா²யனா கங்கா²யிதத்தங் விமதி விசிகிச்சா² த்³வெள்ஹகங் த்³வேதா⁴பதோ² ஸங்ஸயோ அனேகங்ஸக்³கா³ஹோ ஆஸப்பனா பரிஸப்பனா அபரியோகா³ஹனா த²ம்பி⁴தத்தங் சித்தஸ்ஸ மனோவிலேகோ² – இத³ங் வுச்சதி விசிகிச்சா²ஸங்யோஜனங்.

1123. Tattha katamaṃ vicikicchāsaṃyojanaṃ? Satthari kaṅkhati vicikicchati, dhamme kaṅkhati vicikicchati, saṅghe kaṅkhati vicikicchati, sikkhāya kaṅkhati vicikicchati, pubbante kaṅkhati vicikicchati, aparante kaṅkhati vicikicchati, pubbantāparante kaṅkhati vicikicchati, idappaccayatā paṭiccasamuppannesu dhammesu kaṅkhati vicikicchatiः yā evarūpā kaṅkhā kaṅkhāyanā kaṅkhāyitattaṃ vimati vicikicchā dveḷhakaṃ dvedhāpatho saṃsayo anekaṃsaggāho āsappanā parisappanā apariyogāhanā thambhitattaṃ cittassa manovilekho – idaṃ vuccati vicikicchāsaṃyojanaṃ.

1124. தத்த² கதமங் ஸீலப்³ப³தபராமாஸஸங்யோஜனங்? இதோ ப³ஹித்³தா⁴ ஸமணப்³ராஹ்மணானங் ஸீலேன ஸுத்³தி⁴ வதேன ஸுத்³தி⁴ ஸீலப்³ப³தேன ஸுத்³தீ⁴தி; யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸங்யோஜனங் கா³ஹோ பதிட்டா²ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியாஸக்³கா³ஹோ – இத³ங் வுச்சதி ஸீலப்³ப³தபராமாஸஸங்யோஜனங்.

1124. Tattha katamaṃ sīlabbataparāmāsasaṃyojanaṃ? Ito bahiddhā samaṇabrāhmaṇānaṃ sīlena suddhi vatena suddhi sīlabbatena suddhīti; yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho – idaṃ vuccati sīlabbataparāmāsasaṃyojanaṃ.

1125. தத்த² கதமங் ப⁴வராக³ஸங்யோஜனங்? யோ ப⁴வேஸு ப⁴வச²ந்தோ³ ப⁴வராகோ³ ப⁴வனந்தீ³ ப⁴வதண்ஹா ப⁴வஸினேஹோ ப⁴வபரிளாஹோ ப⁴வமுச்சா² ப⁴வஜ்ஜோ²ஸானங் – இத³ங் வுச்சதி ப⁴வராக³ஸங்யோஜனங்.

1125. Tattha katamaṃ bhavarāgasaṃyojanaṃ? Yo bhavesu bhavachando bhavarāgo bhavanandī bhavataṇhā bhavasineho bhavapariḷāho bhavamucchā bhavajjhosānaṃ – idaṃ vuccati bhavarāgasaṃyojanaṃ.

1126. தத்த² கதமங் இஸ்ஸாஸங்யோஜனங்? யா பரலாப⁴ஸக்காரக³ருகாரமானநவந்த³னபூஜனாஸு இஸ்ஸா இஸ்ஸாயனா இஸ்ஸாயிதத்தங் உஸூயா உஸூயனா உஸூயிதத்தங் ¹⁵ – இத³ங் வுச்சதி இஸ்ஸாஸங்யோஜனங்.

1126. Tattha katamaṃ issāsaṃyojanaṃ? Yā paralābhasakkāragarukāramānanavandanapūjanāsu issā issāyanā issāyitattaṃ usūyā usūyanā usūyitattaṃ ¹⁶ – idaṃ vuccati issāsaṃyojanaṃ.

1127. தத்த² கதமங் மச்ச²ரியஸங்யோஜனங்? பஞ்ச மச்ச²ரியானி – ஆவாஸமச்ச²ரியங், குலமச்ச²ரியங், லாப⁴மச்ச²ரியங், வண்ணமச்ச²ரியங், த⁴ம்மமச்ச²ரியங். யங் ஏவரூபங் மச்சே²ரங் மச்ச²ராயனா மச்ச²ராயிதத்தங் வேவிச்ச²ங் கத³ரியங் கடுகஞ்சுகதா அக்³க³ஹிதத்தங் சித்தஸ்ஸ – இத³ங் வுச்சதி மச்ச²ரியஸங்யோஜனங்.

1127. Tattha katamaṃ macchariyasaṃyojanaṃ? Pañca macchariyāni – āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ. Yaṃ evarūpaṃ maccheraṃ maccharāyanā maccharāyitattaṃ vevicchaṃ kadariyaṃ kaṭukañcukatā aggahitattaṃ cittassa – idaṃ vuccati macchariyasaṃyojanaṃ.

1128. தத்த² கதமங் அவிஜ்ஜாஸங்யோஜனங்? து³க்கே² அஞ்ஞாணங், து³க்க²ஸமுத³யே அஞ்ஞாணங், து³க்க²னிரோதே⁴ அஞ்ஞாணங், து³க்க²னிரோத⁴கா³மினியா படிபதா³ய அஞ்ஞாணங், புப்³ப³ந்தே அஞ்ஞாணங், அபரந்தே அஞ்ஞாணங், புப்³ப³ந்தாபரந்தே அஞ்ஞாணங், இத³ப்பச்சயதா படிச்சஸமுப்பன்னேஸு த⁴ம்மேஸு அஞ்ஞாணங்ஃ யங் ஏவரூபங் அஞ்ஞாணங் அத³ஸ்ஸனங் அனபி⁴ஸமயோ அனநுபோ³தோ⁴ அஸம்போ³தோ⁴ அப்படிவேதோ⁴ அஸங்கா³ஹனா அபரியோகா³ஹனா அஸமபெக்க²னா அபச்சவெக்க²ணா அபச்சக்க²கம்மங் து³ம்மெஜ்ஜ²ங் பா³ல்யங் அஸம்பஜஞ்ஞங் மோஹோ பமோஹோ ஸம்மோஹோ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னங் அவிஜ்ஜாலங்கீ³ மோஹோ அகுஸலமூலங் – இத³ங் வுச்சதி அவிஜ்ஜாஸங்யோஜனங்.

1128. Tattha katamaṃ avijjāsaṃyojanaṃ? Dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇaṃ, pubbante aññāṇaṃ, aparante aññāṇaṃ, pubbantāparante aññāṇaṃ, idappaccayatā paṭiccasamuppannesu dhammesu aññāṇaṃः yaṃ evarūpaṃ aññāṇaṃ adassanaṃ anabhisamayo ananubodho asambodho appaṭivedho asaṃgāhanā apariyogāhanā asamapekkhanā apaccavekkhaṇā apaccakkhakammaṃ dummejjhaṃ bālyaṃ asampajaññaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjālaṅgī moho akusalamūlaṃ – idaṃ vuccati avijjāsaṃyojanaṃ.

இமே த⁴ம்மா ஸங்யோஜனா.

Ime dhammā saṃyojanā.

1129. கதமே த⁴ம்மா நோ ஸங்யோஜனா? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா நோ ஸங்யோஜனா.

1129. Katame dhammā no saṃyojanā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā no saṃyojanā.

1130. கதமே த⁴ம்மா ஸங்யோஜனியா? ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸங்யோஜனியா.

1130. Katame dhammā saṃyojaniyā? Sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā saṃyojaniyā.

1131. கதமே த⁴ம்மா அஸங்யோஜனியா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா அஸங்யோஜனியா.

1131. Katame dhammā asaṃyojaniyā? Apariyāpannā maggā ca, maggaphalāni ca, asaṅkhatā ca dhātu – ime dhammā asaṃyojaniyā.

1132. கதமே த⁴ம்மா ஸங்யோஜனஸம்பயுத்தா? தேஹி த⁴ம்மேஹி யே த⁴ம்மா ஸம்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸங்யோஜனஸம்பயுத்தா.

1132. Katame dhammā saṃyojanasampayuttā? Tehi dhammehi ye dhammā sampayuttā vedanākkhandho…pe… viññāṇakkhandho – ime dhammā saṃyojanasampayuttā.

1133. கதமே த⁴ம்மா ஸங்யோஜனவிப்பயுத்தா? தேஹி த⁴ம்மேஹி யே த⁴ம்மா விப்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ஸங்யோஜனவிப்பயுத்தா.

1133. Katame dhammā saṃyojanavippayuttā? Tehi dhammehi ye dhammā vippayuttā vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā saṃyojanavippayuttā.

1134. கதமே த⁴ம்மா ஸங்யோஜனா சேவ ஸங்யோஜனியா ச? தானேவ ஸங்யோஜனானி ஸங்யோஜனா சேவ ஸங்யோஜனியா ச.

1134. Katame dhammā saṃyojanā ceva saṃyojaniyā ca? Tāneva saṃyojanāni saṃyojanā ceva saṃyojaniyā ca.

1135. கதமே த⁴ம்மா ஸங்யோஜனியா சேவ நோ ச ஸங்யோஜனா? தேஹி த⁴ம்மேஹி யே த⁴ம்மா ஸங்யோஜனியா, தே த⁴ம்மே ட²பெத்வா அவஸேஸா ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸங்யோஜனியா சேவ நோ ச ஸங்யோஜனா.

1135. Katame dhammā saṃyojaniyā ceva no ca saṃyojanā? Tehi dhammehi ye dhammā saṃyojaniyā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā saṃyojaniyā ceva no ca saṃyojanā.

1136. கதமே த⁴ம்மா ஸங்யோஜனா சேவ ஸங்யோஜனஸம்பயுத்தா ச? காமராக³ஸங்யோஜனங் அவிஜ்ஜாஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, அவிஜ்ஜாஸங்யோஜனங் காமராக³ஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, படிக⁴ஸங்யோஜனங் அவிஜ்ஜாஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, அவிஜ்ஜாஸங்யோஜனங் படிக⁴ஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, மானஸங்யோஜனங் அவிஜ்ஜாஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, அவிஜ்ஜாஸங்யோஜனங் மானஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, தி³ட்டி²ஸங்யோஜனங் அவிஜ்ஜாஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, அவிஜ்ஜாஸங்யோஜனங் தி³ட்டி²ஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, விசிகிச்சா²ஸங்யோஜனங் அவிஜ்ஜாஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, அவிஜ்ஜாஸங்யோஜனங் விசிகிச்சா²ஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, ஸீலப்³ப³தபராமாஸஸங்யோஜனங் அவிஜ்ஜாஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, அவிஜ்ஜாஸங்யோஜனங் ஸீலப்³ப³தபராமாஸஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, ப⁴வராக³ஸங்யோஜனங் அவிஜ்ஜாஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, அவிஜ்ஜாஸங்யோஜனங் ப⁴வராக³ஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, இஸ்ஸாஸங்யோஜனங் அவிஜ்ஜாஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, அவிஜ்ஜாஸங்யோஜனங் இஸ்ஸாஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, மச்ச²ரியஸங்யோஜனங் அவிஜ்ஜாஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச, அவிஜ்ஜாஸங்யோஜனங் மச்ச²ரியஸங்யோஜனேன ஸங்யோஜனஞ்சேவ ஸங்யோஜனஸம்பயுத்தஞ்ச – இமே த⁴ம்மா ஸங்யோஜனா சேவ ஸங்யோஜனஸம்பயுத்தா ச.

1136. Katame dhammā saṃyojanā ceva saṃyojanasampayuttā ca? Kāmarāgasaṃyojanaṃ avijjāsaṃyojanena saṃyojanañceva saṃyojanasampayuttañca, avijjāsaṃyojanaṃ kāmarāgasaṃyojanena saṃyojanañceva saṃyojanasampayuttañca, paṭighasaṃyojanaṃ avijjāsaṃyojanena saṃyojanañceva saṃyojanasampayuttañca, avijjāsaṃyojanaṃ paṭighasaṃyojanena saṃyojanañceva saṃyojanasampayuttañca, mānasaṃyojanaṃ avijjāsaṃyojanena saṃyojanañceva saṃyojanasampayuttañca, avijjāsaṃyojanaṃ mānasaṃyojanena saṃyojanañceva saṃyojanasampayuttañca, diṭṭhisaṃyojanaṃ avijjāsaṃyojanena saṃyojanañceva saṃyojanasampayuttañca, avijjāsaṃyojanaṃ diṭṭhisaṃyojanena saṃyojanañceva saṃyojanasampayuttañca, vicikicchāsaṃyojanaṃ avijjāsaṃyojanena saṃyojanañceva saṃyojanasampayuttañca, avijjāsaṃyojanaṃ vicikicchāsaṃyojanena saṃyojanañceva saṃyojanasampayuttañca, sīlabbataparāmāsasaṃyojanaṃ avijjāsaṃyojanena saṃyojanañceva saṃyojanasampayuttañca, avijjāsaṃyojanaṃ sīlabbataparāmāsasaṃyojanena saṃyojanañceva saṃyojanasampayuttañca, bhavarāgasaṃyojanaṃ avijjāsaṃyojanena saṃyojanañceva saṃyojanasampayuttañca, avijjāsaṃyojanaṃ bhavarāgasaṃyojanena saṃyojanañceva saṃyojanasampayuttañca, issāsaṃyojanaṃ avijjāsaṃyojanena saṃyojanañceva saṃyojanasampayuttañca, avijjāsaṃyojanaṃ issāsaṃyojanena saṃyojanañceva saṃyojanasampayuttañca, macchariyasaṃyojanaṃ avijjāsaṃyojanena saṃyojanañceva saṃyojanasampayuttañca, avijjāsaṃyojanaṃ macchariyasaṃyojanena saṃyojanañceva saṃyojanasampayuttañca – ime dhammā saṃyojanā ceva saṃyojanasampayuttā ca.

1137. கதமே த⁴ம்மா ஸங்யோஜனஸம்பயுத்தா சேவ நோ ச ஸங்யோஜனா? தேஹி த⁴ம்மேஹி யே த⁴ம்மா ஸம்பயுத்தா, தே த⁴ம்மே ட²பெத்வா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸங்யோஜனஸம்பயுத்தா சேவ நோ ச ஸங்யோஜனா.

1137. Katame dhammā saṃyojanasampayuttā ceva no ca saṃyojanā? Tehi dhammehi ye dhammā sampayuttā, te dhamme ṭhapetvā vedanākkhandho…pe… viññāṇakkhandho – ime dhammā saṃyojanasampayuttā ceva no ca saṃyojanā.

1138. கதமே த⁴ம்மா ஸங்யோஜனவிப்பயுத்தா ஸங்யோஜனியா? தேஹி த⁴ம்மேஹி யே த⁴ம்மா விப்பயுத்தா ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸங்யோஜனவிப்பயுத்தா ஸங்யோஜனியா.

1138. Katame dhammā saṃyojanavippayuttā saṃyojaniyā? Tehi dhammehi ye dhammā vippayuttā sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā saṃyojanavippayuttā saṃyojaniyā.

1139. கதமே த⁴ம்மா ஸங்யோஜனவிப்பயுத்தா அஸங்யோஜனியா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா ஸங்யோஜனவிப்பயுத்தா அஸங்யோஜனியா.

1139. Katame dhammā saṃyojanavippayuttā asaṃyojaniyā? Apariyāpannā maggā ca, maggaphalāni ca, asaṅkhatā ca dhātu – ime dhammā saṃyojanavippayuttā asaṃyojaniyā.

க³ந்த²கொ³ச்ச²கங்

Ganthagocchakaṃ

1140. கதமே த⁴ம்மா க³ந்தா²? சத்தாரோ க³ந்தா² – அபி⁴ஜ்ஜா² காயக³ந்தோ², ப்³யாபாதோ³ காயக³ந்தோ², ஸீலப்³ப³தபராமாஸோ காயக³ந்தோ², இத³ங் ஸச்சாபி⁴னிவேஸோ காயக³ந்தோ².

1140. Katame dhammā ganthā? Cattāro ganthā – abhijjhā kāyagantho, byāpādo kāyagantho, sīlabbataparāmāso kāyagantho, idaṃ saccābhiniveso kāyagantho.

1141. தத்த² கதமோ அபி⁴ஜ்ஜா² காயக³ந்தோ²? யோ ராகோ³ ஸாராகோ³ அனுனயோ அனுரோதோ⁴ நந்தீ³ நந்தீ³ராகோ³ சித்தஸ்ஸ ஸாராகோ³ இச்சா² முச்சா² அஜ்ஜோ²ஸானங் கே³தோ⁴ பலிகே³தோ⁴ ஸங்கோ³ பங்கோ ஏஜா மாயா ஜனிகா ஸஞ்ஜனநீ ஸிப்³பி³னீ ஜாலினீ ஸரிதா விஸத்திகா ஸுத்தங் விஸடா ஆயூஹினீ து³தியா பணிதி⁴ ப⁴வனெத்தி வனங் வனதோ² ஸந்த²வோ ஸினேஹோ அபெக்கா² படிப³ந்து⁴ ஆஸா ஆஸிஸனா ஆஸிஸிதத்தங் ரூபாஸா ஸத்³தா³ஸா க³ந்தா⁴ஸா ரஸாஸா பொ²ட்ட²ப்³பா³ஸா லாபா⁴ஸா த⁴னாஸா புத்தாஸா ஜீவிதாஸா ஜப்பா பஜப்பா அபி⁴ஜப்பா ஜப்பா ஜப்பனா ஜப்பிதத்தங் லோலுப்பங் லோலுப்பாயனா லோலுப்பாயிதத்தங் புச்ச²ஞ்ஜிகதா ஸாது⁴கம்யதா அத⁴ம்மராகோ³ விஸமலோபோ⁴ நிகந்தி நிகாமனா பத்த²னா பிஹனா ஸம்பத்த²னா காமதண்ஹா ப⁴வதண்ஹா விப⁴வதண்ஹா ரூபதண்ஹா அரூபதண்ஹா நிரோத⁴தண்ஹா ரூபதண்ஹா ஸத்³த³தண்ஹா க³ந்த⁴தண்ஹா ரஸதண்ஹா பொ²ட்ட²ப்³ப³தண்ஹா த⁴ம்மதண்ஹா ஓகோ⁴ யோகோ³ க³ந்தோ² உபாதா³னங் ஆவரணங் நீவரணங் சா²த³னங் ப³ந்த⁴னங் உபக்கிலேஸோ அனுஸயோ பரியுட்டா²னங் லதா வேவிச்ச²ங் து³க்க²மூலங் து³க்க²னிதா³னங் து³க்க²ப்பப⁴வோ மாரபாஸோ மாரப³ளிஸங் மாரவிஸயோ தண்ஹானதீ³ தண்ஹாஜாலங் தண்ஹாக³த்³து³லங் தண்ஹாஸமுத்³தோ³ அபி⁴ஜ்ஜா² லோபோ⁴ அகுஸலமூலங் – அயங் வுச்சதி அபி⁴ஜ்ஜா² காயக³ந்தோ².

1141. Tattha katamo abhijjhā kāyagantho? Yo rāgo sārāgo anunayo anurodho nandī nandīrāgo cittassa sārāgo icchā mucchā ajjhosānaṃ gedho paligedho saṅgo paṅko ejā māyā janikā sañjananī sibbinī jālinī saritā visattikā suttaṃ visaṭā āyūhinī dutiyā paṇidhi bhavanetti vanaṃ vanatho santhavo sineho apekkhā paṭibandhu āsā āsisanā āsisitattaṃ rūpāsā saddāsā gandhāsā rasāsā phoṭṭhabbāsā lābhāsā dhanāsā puttāsā jīvitāsā jappā pajappā abhijappā jappā jappanā jappitattaṃ loluppaṃ loluppāyanā loluppāyitattaṃ pucchañjikatā sādhukamyatā adhammarāgo visamalobho nikanti nikāmanā patthanā pihanā sampatthanā kāmataṇhā bhavataṇhā vibhavataṇhā rūpataṇhā arūpataṇhā nirodhataṇhā rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā ogho yogo gantho upādānaṃ āvaraṇaṃ nīvaraṇaṃ chādanaṃ bandhanaṃ upakkileso anusayo pariyuṭṭhānaṃ latā vevicchaṃ dukkhamūlaṃ dukkhanidānaṃ dukkhappabhavo mārapāso mārabaḷisaṃ māravisayo taṇhānadī taṇhājālaṃ taṇhāgaddulaṃ taṇhāsamuddo abhijjhā lobho akusalamūlaṃ – ayaṃ vuccati abhijjhā kāyagantho.

1142. தத்த² கதமோ ப்³யாபாதோ³ காயக³ந்தோ²? அனத்த²ங் மே அசரீ தி ஆகா⁴தோ ஜாயதி, அனத்த²ங் மே சரதீதி ஆகா⁴தோ ஜாயதி, அனத்த²ங் மே சரிஸ்ஸதீதி ஆகா⁴தோ ஜாயதி, பியஸ்ஸ மே மனாபஸ்ஸ அனத்த²ங் அசரி…பே॰… அனத்த²ங் சரதி…பே॰… அனத்த²ங் சரிஸ்ஸதீதி ஆகா⁴தோ ஜாயதி, அப்பியஸ்ஸ மே அமனாபஸ்ஸ அத்த²ங் அசரி…பே॰… அத்த²ங் சரதி…பே॰… அத்த²ங் சரிஸ்ஸதீதி ஆகா⁴தோ ஜாயதி, அட்டா²னே வா பன ஆகா⁴தோ ஜாயதி. யோ ஏவரூபோ சித்தஸ்ஸ ஆகா⁴தோ படிகா⁴தோ படிக⁴ங் படிவிரோதோ⁴ கோபோ பகோபோ ஸம்பகோபோ தோ³ஸோ பதோ³ஸோ ஸம்பதோ³ஸோ சித்தஸ்ஸ ப்³யாபத்தி மனோபதோ³ஸோ கோதோ⁴ குஜ்ஜ²னா குஜ்ஜி²தத்தங் தோ³ஸோ து³ஸ்ஸனா து³ஸ்ஸிதத்தங் ப்³யாபத்தி ப்³யாபஜ்ஜனா ப்³யாபஜ்ஜிதத்தங் விரோதோ⁴ படிவிரோதோ⁴ சண்டி³க்கங் அஸுரோபோ அனத்தமனதா சித்தஸ்ஸ – அயங் வுச்சதி ப்³யாபாதோ³ காயக³ந்தோ².

1142. Tattha katamo byāpādo kāyagantho? Anatthaṃ me acarī ti āghāto jāyati, anatthaṃ me caratīti āghāto jāyati, anatthaṃ me carissatīti āghāto jāyati, piyassa me manāpassa anatthaṃ acari…pe… anatthaṃ carati…pe… anatthaṃ carissatīti āghāto jāyati, appiyassa me amanāpassa atthaṃ acari…pe… atthaṃ carati…pe… atthaṃ carissatīti āghāto jāyati, aṭṭhāne vā pana āghāto jāyati. Yo evarūpo cittassa āghāto paṭighāto paṭighaṃ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṃ doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassa – ayaṃ vuccati byāpādo kāyagantho.

1143. தத்த² கதமோ ஸீலப்³ப³தபராமாஸோ காயக³ந்தோ²? இதோ ப³ஹித்³தா⁴ ஸமணப்³ராஹ்மணானங் ஸீலேன ஸுத்³தி⁴, வதேன ஸுத்³தி⁴, ஸீலப்³ப³தேன ஸுத்³தீ⁴திஃ யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸங்யோஜனங் கா³ஹோ பதிட்டா²ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியாஸக்³கா³ஹோ – அயங் வுச்சதி ஸீலப்³ப³தபராமாஸோ காயக³ந்தோ².

1143. Tattha katamo sīlabbataparāmāso kāyagantho? Ito bahiddhā samaṇabrāhmaṇānaṃ sīlena suddhi, vatena suddhi, sīlabbatena suddhītiः yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho – ayaṃ vuccati sīlabbataparāmāso kāyagantho.

1144. தத்த² கதமோ இத³ங்ஸச்சாபி⁴னிவேஸோ காயக³ந்தோ²? ஸஸ்ஸதோ லோகோ, இத³மேவ ஸச்சங் மோக⁴மஞ்ஞந்தி வா; அஸஸ்ஸதோ லோகோ, இத³மேவ ஸச்சங் மோக⁴மஞ்ஞந்தி வா; அந்தவா லோகோ, இத³மேவ ஸச்சங் மோக⁴மஞ்ஞந்தி வா; அனந்தவா லோகோ, இத³மேவ ஸச்சங் மோக⁴மஞ்ஞந்தி வா; தங் ஜீவங் தங் ஸரீரங், இத³மேவ ஸச்சங் மோக⁴மஞ்ஞந்தி வா; அஞ்ஞங் ஜீவங் அஞ்ஞங் ஸரீரங், இத³மேவ ஸச்சங் மோக⁴மஞ்ஞந்தி வா; ஹோதி ததா²க³தோ பரங் மரணா, இத³மேவ ஸச்சங் மோக⁴மஞ்ஞந்தி வா; ந ஹோதி ததா²க³தோ பரங் மரணா, இத³மேவ ஸச்சங் மோக⁴மஞ்ஞந்தி வா; ஹோதி ச ந ச ஹோதி ததா²க³தோ பரங் மரணா, இத³மேவ ஸச்சங் மோக⁴மஞ்ஞந்தி வா; நேவ ஹோதி ந ந ஹோதி ததா²க³தோ பரங் மரணா, இத³மேவ ஸச்சங் மோக⁴மஞ்ஞந்தி வாஃ யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸங்யோஜனங் கா³ஹோ பதிட்டா²ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியாஸக்³கா³ஹோ – அயங் வுச்சதி இத³ங்ஸச்சாபி⁴னிவேஸோ காயக³ந்தோ². ட²பெத்வா ஸீலப்³ப³தபராமாஸங் காயக³ந்த²ங் ஸப்³பா³பி மிச்சா²தி³ட்டி² இத³ங்ஸச்சாபி⁴னிவேஸோ காயக³ந்தோ².

1144. Tattha katamo idaṃsaccābhiniveso kāyagantho? Sassato loko, idameva saccaṃ moghamaññanti vā; asassato loko, idameva saccaṃ moghamaññanti vā; antavā loko, idameva saccaṃ moghamaññanti vā; anantavā loko, idameva saccaṃ moghamaññanti vā; taṃ jīvaṃ taṃ sarīraṃ, idameva saccaṃ moghamaññanti vā; aññaṃ jīvaṃ aññaṃ sarīraṃ, idameva saccaṃ moghamaññanti vā; hoti tathāgato paraṃ maraṇā, idameva saccaṃ moghamaññanti vā; na hoti tathāgato paraṃ maraṇā, idameva saccaṃ moghamaññanti vā; hoti ca na ca hoti tathāgato paraṃ maraṇā, idameva saccaṃ moghamaññanti vā; neva hoti na na hoti tathāgato paraṃ maraṇā, idameva saccaṃ moghamaññanti vāः yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho – ayaṃ vuccati idaṃsaccābhiniveso kāyagantho. Ṭhapetvā sīlabbataparāmāsaṃ kāyaganthaṃ sabbāpi micchādiṭṭhi idaṃsaccābhiniveso kāyagantho.

இமே த⁴ம்மா க³ந்தா².

Ime dhammā ganthā.

1145. கதமே த⁴ம்மா நோ க³ந்தா²? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா நோ க³ந்தா².

1145. Katame dhammā no ganthā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā no ganthā.

1146. கதமே த⁴ம்மா க³ந்த²னியா? ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா க³ந்த²னியா.

1146. Katame dhammā ganthaniyā? Sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā ganthaniyā.

1147. கதமே த⁴ம்மா அக³ந்த²னியா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா அக³ந்த²னியா.

1147. Katame dhammā aganthaniyā? Apariyāpannā maggā ca, maggaphalāni ca, asaṅkhatā ca dhātu – ime dhammā aganthaniyā.

1148. கதமே த⁴ம்மா க³ந்த²ஸம்பயுத்தா? தேஹி த⁴ம்மேஹி யே த⁴ம்மா ஸம்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா க³ந்த²ஸம்பயுத்தா.

1148. Katame dhammā ganthasampayuttā? Tehi dhammehi ye dhammā sampayuttā vedanākkhandho…pe… viññāṇakkhandho – ime dhammā ganthasampayuttā.

1149. கதமே த⁴ம்மா க³ந்த²விப்பயுத்தா? தேஹி த⁴ம்மேஹி யே த⁴ம்மா விப்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴, ஸப்³ப³ஞ்ச ரூபங் அஸங்க²தா ச தா⁴து – இமே த⁴ம்மா க³ந்த²விப்பயுத்தா.

1149. Katame dhammā ganthavippayuttā? Tehi dhammehi ye dhammā vippayuttā vedanākkhandho…pe… viññāṇakkhandho, sabbañca rūpaṃ asaṅkhatā ca dhātu – ime dhammā ganthavippayuttā.

1150. கதமே த⁴ம்மா க³ந்தா² சேவ க³ந்த²னியா ச? தேவ க³ந்தா² க³ந்தா² சேவ க³ந்த²னியா ச.

1150. Katame dhammā ganthā ceva ganthaniyā ca? Teva ganthā ganthā ceva ganthaniyā ca.

1151. கதமே த⁴ம்மா க³ந்த²னியா சேவ நோ ச க³ந்தா²? தேஹி த⁴ம்மேஹி யே த⁴ம்மா க³ந்த²னியா, தே த⁴ம்மே ட²பெத்வா அவஸேஸா ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா க³ந்த²னியா சேவ நோ ச க³ந்தா².

1151. Katame dhammā ganthaniyā ceva no ca ganthā? Tehi dhammehi ye dhammā ganthaniyā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā ganthaniyā ceva no ca ganthā.

1152. கதமே த⁴ம்மா க³ந்தா² சேவ க³ந்த²ஸம்பயுத்தா ச? ஸீலப்³ப³தபராமாஸோ காயக³ந்தோ² அபி⁴ஜ்ஜா²காயக³ந்தே²ன க³ந்தோ² சேவ க³ந்த²ஸம்பயுத்தோ ச, அபி⁴ஜ்ஜா²காயக³ந்தோ² ஸீலப்³ப³தபராமாஸேன காயக³ந்தே²ன க³ந்தோ² சேவ க³ந்த²ஸம்பயுத்தோ ச, இத³ங்ஸச்சாபி⁴னிவேஸோ காயக³ந்தோ² அபி⁴ஜ்ஜா²காயக³ந்தே²ன க³ந்தோ² சேவ க³ந்த²ஸம்பயுத்தோ ச, அபி⁴ஜ்ஜா²காயக³ந்தோ² இத³ங்ஸச்சாபி⁴னிவேஸேன காயக³ந்தே²ன க³ந்தோ² சேவ க³ந்த²ஸம்பயுத்தோ ச – இமே த⁴ம்மா க³ந்தா² சேவ க³ந்த²ஸம்பயுத்தா ச.

1152. Katame dhammā ganthā ceva ganthasampayuttā ca? Sīlabbataparāmāso kāyagantho abhijjhākāyaganthena gantho ceva ganthasampayutto ca, abhijjhākāyagantho sīlabbataparāmāsena kāyaganthena gantho ceva ganthasampayutto ca, idaṃsaccābhiniveso kāyagantho abhijjhākāyaganthena gantho ceva ganthasampayutto ca, abhijjhākāyagantho idaṃsaccābhinivesena kāyaganthena gantho ceva ganthasampayutto ca – ime dhammā ganthā ceva ganthasampayuttā ca.

1153. கதமே த⁴ம்மா க³ந்த²ஸம்பயுத்தா சேவ நோ ச க³ந்தா²? தேஹி த⁴ம்மேஹி யே த⁴ம்மா ஸம்பயுத்தா, தே த⁴ம்மே ட²பெத்வா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா க³ந்த²ஸம்பயுத்தா சேவ நோ ச க³ந்தா².

1153. Katame dhammā ganthasampayuttā ceva no ca ganthā? Tehi dhammehi ye dhammā sampayuttā, te dhamme ṭhapetvā vedanākkhandho…pe… viññāṇakkhandho – ime dhammā ganthasampayuttā ceva no ca ganthā.

1154. கதமே த⁴ம்மா க³ந்த²விப்பயுத்தா க³ந்த²னியா? தேஹி த⁴ம்மேஹி யே த⁴ம்மா விப்பயுத்தா ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா க³ந்த²விப்பயுத்தா க³ந்த²னியா.

1154. Katame dhammā ganthavippayuttā ganthaniyā? Tehi dhammehi ye dhammā vippayuttā sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā ganthavippayuttā ganthaniyā.

1155. கதமே த⁴ம்மா க³ந்த²விப்பயுத்தா அக³ந்த²னியா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா க³ந்த²விப்பயுத்தா அக³ந்த²னியா.

1155. Katame dhammā ganthavippayuttā aganthaniyā? Apariyāpannā maggā ca, maggaphalāni ca, asaṅkhatā ca dhātu – ime dhammā ganthavippayuttā aganthaniyā.

ஓக⁴கொ³ச்ச²கங்

Oghagocchakaṃ

1156. கதமே த⁴ம்மா ஓகா⁴? சத்தாரோ ஓகா⁴…பே॰… இமே த⁴ம்மா ஓக⁴விப்பயுத்தா ஓக⁴னியா.

1156. Katame dhammā oghā? Cattāro oghā…pe… ime dhammā oghavippayuttā oghaniyā.

யோக³கொ³ச்ச²கங்

Yogagocchakaṃ

1157. கதமே த⁴ம்மா யோகா³? சத்தாரோ யோகா³…பே॰… இமே த⁴ம்மா யோக³விப்பயுத்தா யோக³னியா.

1157. Katame dhammā yogā? Cattāro yogā…pe… ime dhammā yogavippayuttā yoganiyā.

நீவரணகொ³ச்ச²கங்

Nīvaraṇagocchakaṃ

1158. கதமே த⁴ம்மா நீவரணா? ச² நீவரணா ¹⁷ – காமச்ச²ந்த³னீவரணங், ப்³யாபாத³னீவரணங், தி²னமித்³த⁴னீவரணங், உத்³த⁴ச்சகுக்குச்சனீவரணங், விசிகிச்சா²னீவரணங், அவிஜ்ஜானீவரணங்.

1158. Katame dhammā nīvaraṇā? Cha nīvaraṇā ¹⁸ – kāmacchandanīvaraṇaṃ, byāpādanīvaraṇaṃ, thinamiddhanīvaraṇaṃ, uddhaccakukkuccanīvaraṇaṃ, vicikicchānīvaraṇaṃ, avijjānīvaraṇaṃ.

1159. தத்த² கதமங் காமச்ச²ந்த³னீவரணங்? யோ காமேஸு காமச்ச²ந்தோ³ காமராகோ³ காமனந்தீ³ காமதண்ஹா காமஸினேஹோ காமபரிளாஹோ காமமுச்சா² காமஜ்ஜோ²ஸானங் – இத³ங் வுச்சதி காமச்ச²ந்த³னீவரணங்.

1159. Tattha katamaṃ kāmacchandanīvaraṇaṃ? Yo kāmesu kāmacchando kāmarāgo kāmanandī kāmataṇhā kāmasineho kāmapariḷāho kāmamucchā kāmajjhosānaṃ – idaṃ vuccati kāmacchandanīvaraṇaṃ.

1160. தத்த² கதமங் ப்³யாபாத³னீவரணங்? அனத்த²ங் மே அசரீதி ஆகா⁴தோ ஜாயதி, அனத்த²ங் மே சரதீதி ஆகா⁴தோ ஜாயதி; அனத்த²ங் மே சரிஸ்ஸதீதி ஆகா⁴தோ ஜாயதி; பியஸ்ஸ மே மனாபஸ்ஸ அனத்த²ங் அசரி…பே॰… அனத்த²ங் சரதி…பே॰… அனத்த²ங் சரிஸ்ஸதீதி ஆகா⁴தோ ஜாயதி, அப்பியஸ்ஸ மே அமனாபஸ்ஸ அத்த²ங் அசரி…பே॰… அத்த²ங் சரதி…பே॰… அத்த²ங் சரிஸ்ஸதீதி ஆகா⁴தோ ஜாயதி, அட்டா²னே வா பன ஆகா⁴தோ ஜாயதி. யோ ஏவரூபோ சித்தஸ்ஸ ஆகா⁴தோ படிகா⁴தோ படிக⁴ங் படிவிரோதோ⁴ கோபோ பகோபோ ஸம்பகோபோ தோ³ஸோ பதோ³ஸோ ஸம்பதோ³ஸோ சித்தஸ்ஸ ப்³யாபத்தி மனோபதோ³ஸோ கோதோ⁴ குஜ்ஜ²னா குஜ்ஜி²தத்தங் தோ³ஸோ து³ஸ்ஸனா து³ஸ்ஸிதத்தங் ப்³யாபத்தி ப்³யாபஜ்ஜனா ப்³யாபஜ்ஜிதத்தங் விரோதோ⁴ படிவிரோதோ⁴ சண்டி³க்கங் அஸுரோபோ அனத்தமனதா சித்தஸ்ஸ – இத³ங் வுச்சதி ப்³யாபாத³னீவரணங்.

1160. Tattha katamaṃ byāpādanīvaraṇaṃ? Anatthaṃ me acarīti āghāto jāyati, anatthaṃ me caratīti āghāto jāyati; anatthaṃ me carissatīti āghāto jāyati; piyassa me manāpassa anatthaṃ acari…pe… anatthaṃ carati…pe… anatthaṃ carissatīti āghāto jāyati, appiyassa me amanāpassa atthaṃ acari…pe… atthaṃ carati…pe… atthaṃ carissatīti āghāto jāyati, aṭṭhāne vā pana āghāto jāyati. Yo evarūpo cittassa āghāto paṭighāto paṭighaṃ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṃ doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassa – idaṃ vuccati byāpādanīvaraṇaṃ.

1161. தத்த² கதமங் தி²னமித்³த⁴னீவரணங்? அத்தி² தி²னங், அத்தி² மித்³த⁴ங்.

1161. Tattha katamaṃ thinamiddhanīvaraṇaṃ? Atthi thinaṃ, atthi middhaṃ.

1162. தத்த² கதமங் தி²னங்? யா சித்தஸ்ஸ அகல்லதா அகம்மஞ்ஞதா ஓலீயனா ஸல்லீயனா லீனங் லீயனா லீயிதத்தங் தி²னங் தி²யனா தி²யிதத்தங் சித்தஸ்ஸ – இத³ங் வுச்சதி தி²னங்.

1162. Tattha katamaṃ thinaṃ? Yā cittassa akallatā akammaññatā olīyanā sallīyanā līnaṃ līyanā līyitattaṃ thinaṃ thiyanā thiyitattaṃ cittassa – idaṃ vuccati thinaṃ.

1163. தத்த² கதமங் மித்³த⁴ங்? யா காயஸ்ஸ அகல்லதா அகம்மஞ்ஞதா ஓனாஹோ பரியோனாஹோ அந்தோஸமோரோதோ⁴ மித்³த⁴ங் ஸொப்பங் பசலாயிகா ஸொப்பங் ஸுபனா ஸுபிதத்தங் – இத³ங் வுச்சதி மித்³த⁴ங். இதி இத³ஞ்ச தி²னங், இத³ஞ்ச மித்³த⁴ங் – இத³ங் வுச்சதி தி²னமித்³த⁴னீவரணங்.

1163. Tattha katamaṃ middhaṃ? Yā kāyassa akallatā akammaññatā onāho pariyonāho antosamorodho middhaṃ soppaṃ pacalāyikā soppaṃ supanā supitattaṃ – idaṃ vuccati middhaṃ. Iti idañca thinaṃ, idañca middhaṃ – idaṃ vuccati thinamiddhanīvaraṇaṃ.

1164. தத்த² கதமங் உத்³த⁴ச்சகுக்குச்சனீவரணங்? அத்தி² உத்³த⁴ச்சங், அத்தி² குக்குச்சங்.

1164. Tattha katamaṃ uddhaccakukkuccanīvaraṇaṃ? Atthi uddhaccaṃ, atthi kukkuccaṃ.

1165. தத்த² கதமங் உத்³த⁴ச்சங்? யங் சித்தஸ்ஸ உத்³த⁴ச்சங் அவூபஸமோ சேதஸோ விக்கே²போ ப⁴ந்தத்தங் சித்தஸ்ஸ – இத³ங் வுச்சதி உத்³த⁴ச்சங்.

1165. Tattha katamaṃ uddhaccaṃ? Yaṃ cittassa uddhaccaṃ avūpasamo cetaso vikkhepo bhantattaṃ cittassa – idaṃ vuccati uddhaccaṃ.

1166. தத்த² கதமங் குக்குச்சங்? அகப்பியே கப்பியஸஞ்ஞிதா, கப்பியே அகப்பியஸஞ்ஞிதா, அவஜ்ஜே வஜ்ஜஸஞ்ஞிதா, வஜ்ஜே அவஜ்ஜஸஞ்ஞிதா. யங் ஏவரூபங் குக்குச்சங் குக்குச்சாயனா குக்குச்சாயிதத்தங் சேதஸோ விப்படிஸாரோ மனோவிலேகோ² – இத³ங் வுச்சதி குக்குச்சங். இதி இத³ஞ்ச உத்³த⁴ச்சங், இத³ஞ்ச குக்குச்சங் – இத³ங் வுச்சதி உத்³த⁴ச்சகுக்குச்சனீவரணங்.

1166. Tattha katamaṃ kukkuccaṃ? Akappiye kappiyasaññitā, kappiye akappiyasaññitā, avajje vajjasaññitā, vajje avajjasaññitā. Yaṃ evarūpaṃ kukkuccaṃ kukkuccāyanā kukkuccāyitattaṃ cetaso vippaṭisāro manovilekho – idaṃ vuccati kukkuccaṃ. Iti idañca uddhaccaṃ, idañca kukkuccaṃ – idaṃ vuccati uddhaccakukkuccanīvaraṇaṃ.

1167. தத்த² கதமங் விசிகிச்சா²னீவரணங்? ஸத்த²ரி கங்க²தி விசிகிச்ச²தி, த⁴ம்மே கங்க²தி விசிகிச்ச²தி, ஸங்கே⁴ கங்க²தி விசிகிச்ச²தி, ஸிக்கா²ய கங்க²தி விசிகிச்ச²தி, புப்³ப³ந்தே கங்க²தி விசிகிச்ச²தி, அபரந்தே கங்க²தி விசிகிச்ச²தி, புப்³ப³ந்தாபரந்தே கங்க²தி விசிகிச்ச²தி, இத³ப்பச்சயதா படிச்சஸமுப்பன்னேஸு த⁴ம்மேஸு கங்க²தி விசிகிச்ச²தி. யா ஏவரூபா கங்கா² கங்கா²யனா கங்கா²யிதத்தங் விமதி விசிகிச்சா² த்³வெள்ஹகங் த்³வேதா⁴பதோ² ஸங்ஸயோ அனேகங்ஸக்³கா³ஹோ ஆஸப்பனா பரிஸப்பனா அபரியோகா³ஹனா த²ம்பி⁴தத்தங் சித்தஸ்ஸ மனோவிலேகோ² – இத³ங் வுச்சதி விசிகிச்சா²னீவரணங்.

1167. Tattha katamaṃ vicikicchānīvaraṇaṃ? Satthari kaṅkhati vicikicchati, dhamme kaṅkhati vicikicchati, saṅghe kaṅkhati vicikicchati, sikkhāya kaṅkhati vicikicchati, pubbante kaṅkhati vicikicchati, aparante kaṅkhati vicikicchati, pubbantāparante kaṅkhati vicikicchati, idappaccayatā paṭiccasamuppannesu dhammesu kaṅkhati vicikicchati. Yā evarūpā kaṅkhā kaṅkhāyanā kaṅkhāyitattaṃ vimati vicikicchā dveḷhakaṃ dvedhāpatho saṃsayo anekaṃsaggāho āsappanā parisappanā apariyogāhanā thambhitattaṃ cittassa manovilekho – idaṃ vuccati vicikicchānīvaraṇaṃ.

1168. தத்த² கதமங் அவிஜ்ஜானீவரணங்? து³க்கே² அஞ்ஞாணங், து³க்க²ஸமுத³யே அஞ்ஞாணங், து³க்க²னிரோதே⁴ அஞ்ஞாணங், து³க்க²னிரோத⁴கா³மினியா படிபதா³ய அஞ்ஞாணங், புப்³ப³ந்தே அஞ்ஞாணங், அபரந்தே அஞ்ஞாணங், புப்³ப³ந்தாபரந்தே அஞ்ஞாணங், இத³ப்பச்சயதா படிச்சஸமுப்பன்னேஸு த⁴ம்மேஸு அஞ்ஞாணங்ஃ யங் ஏவரூபங் அஞ்ஞாணங் அத³ஸ்ஸனங் அனபி⁴ஸமயோ அனநுபோ³தோ⁴ அஸம்போ³தோ⁴ அப்படிவேதோ⁴ அஸங்கா³ஹனா அபரியோகா³ஹனா அஸமபெக்க²னா அபச்சவெக்க²ணா அபச்சக்க²கம்மங் து³ம்மெஜ்ஜ²ங் பா³ல்யங் அஸம்பஜஞ்ஞங் மோஹோ பமோஹோ ஸம்மோஹோ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னங் அவிஜ்ஜாலங்கீ³ மோஹோ அகுஸலமூலங் – இத³ங் வுச்சதி அவிஜ்ஜானீவரணங்.

1168. Tattha katamaṃ avijjānīvaraṇaṃ? Dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇaṃ, pubbante aññāṇaṃ, aparante aññāṇaṃ, pubbantāparante aññāṇaṃ, idappaccayatā paṭiccasamuppannesu dhammesu aññāṇaṃः yaṃ evarūpaṃ aññāṇaṃ adassanaṃ anabhisamayo ananubodho asambodho appaṭivedho asaṃgāhanā apariyogāhanā asamapekkhanā apaccavekkhaṇā apaccakkhakammaṃ dummejjhaṃ bālyaṃ asampajaññaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjālaṅgī moho akusalamūlaṃ – idaṃ vuccati avijjānīvaraṇaṃ.

இமே த⁴ம்மா நீவரணா.

Ime dhammā nīvaraṇā.

1169. கதமே த⁴ம்மா நோ நீவரணா? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா நோ நீவரணா.

1169. Katame dhammā no nīvaraṇā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā no nīvaraṇā.

1170. கதமே த⁴ம்மா நீவரணியா? ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா நீவரணியா.

1170. Katame dhammā nīvaraṇiyā? Sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā nīvaraṇiyā.

1171. கதமே த⁴ம்மா அனீவரணியா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா அனீவரணியா.

1171. Katame dhammā anīvaraṇiyā? Apariyāpannā maggā ca, maggaphalāni ca, asaṅkhatā ca dhātu – ime dhammā anīvaraṇiyā.

1172. கதமே த⁴ம்மா நீவரணஸம்பயுத்தா? தேஹி த⁴ம்மேஹி யே த⁴ம்மா ஸம்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா நீவரணஸம்பயுத்தா.

1172. Katame dhammā nīvaraṇasampayuttā? Tehi dhammehi ye dhammā sampayuttā vedanākkhandho…pe… viññāṇakkhandho – ime dhammā nīvaraṇasampayuttā.

1173. கதமே த⁴ம்மா நீவரணவிப்பயுத்தா? தேஹி த⁴ம்மேஹி யே த⁴ம்மா விப்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா நீவரணவிப்பயுத்தா.

1173. Katame dhammā nīvaraṇavippayuttā? Tehi dhammehi ye dhammā vippayuttā vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā nīvaraṇavippayuttā.

1174. கதமே த⁴ம்மா நீவரணா சேவ நீவரணியா ச? தானேவ நீவரணானி நீவரணா சேவ நீவரணியா ச.

1174. Katame dhammā nīvaraṇā ceva nīvaraṇiyā ca? Tāneva nīvaraṇāni nīvaraṇā ceva nīvaraṇiyā ca.

1175. கதமே த⁴ம்மா நீவரணியா சேவ நோ ச நீவரணா? தேஹி த⁴ம்மேஹி யே த⁴ம்மா நீவரணியா, தே த⁴ம்மே ட²பெத்வா அவஸேஸா ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா நீவரணியா சேவ நோ ச நீவரணா.

1175. Katame dhammā nīvaraṇiyā ceva no ca nīvaraṇā? Tehi dhammehi ye dhammā nīvaraṇiyā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā nīvaraṇiyā ceva no ca nīvaraṇā.

1176. கதமே த⁴ம்மா நீவரணா சேவ நீவரணஸம்பயுத்தா ச? காமச்ச²ந்த³னீவரணங் அவிஜ்ஜானீவரணேன நீவரணஞ்சேவ நீவரணஸம்பயுத்தஞ்ச, அவிஜ்ஜானீவரணங் காமச்ச²ந்த³னீவரணேன நீவரணஞ்சேவ நீவரணஸம்பயுத்தஞ்ச, ப்³யாபாத³னீவரணங் அவிஜ்ஜானீவரணேன நீவரணஞ்சேவ நீவரணஸம்பயுத்தஞ்ச, அவிஜ்ஜானீவரணங் ப்³யாபாத³னீவரணேன நீவரணஞ்சேவ நீவரணஸம்பயுத்தஞ்ச, தி²னமித்³த⁴னீவரணங் அவிஜ்ஜானீவரணேன நீவரணஞ்சேவ நீவரணஸம்பயுத்தஞ்ச, அவிஜ்ஜானீவரணங் தி²னமித்³த⁴னீவரணேன நீவரணஞ்சேவ நீவரணஸம்பயுத்தஞ்ச, உத்³த⁴ச்சனீவரணங் அவிஜ்ஜானீவரணேன நீவரணஞ்சேவ நீவரணஸம்பயுத்தஞ்ச, அவிஜ்ஜானீவரணங் உத்³த⁴ச்சனீவரணேன நீவரணஞ்சேவ நீவரணஸம்பயுத்தஞ்ச, குக்குச்சனீவரணங் அவிஜ்ஜானீவரணேன நீவரணஞ்சேவ நீவரணஸம்பயுத்தஞ்ச, அவிஜ்ஜானீவரணங் குக்குச்சனீவரணேன நீவரணஞ்சேவ நீவரணஸம்பயுத்தஞ்ச, விசிகிச்சா²னீவரணங் அவிஜ்ஜானீவரணேன நீவரணஞ்சேவ நீவரணஸம்பயுத்தஞ்ச, அவிஜ்ஜானீவரணங் விசிகிச்சா²னீவரணேன நீவரணஞ்சேவ நீவரணஸம்பயுத்தஞ்ச, காமச்ச²ந்த³னீவரணங் உத்³த⁴ச்சனீவரணேன நீவரணஞ்சேவ நீவரணஸம்பயுத்தஞ்ச, உத்³த⁴ச்சனீவரணங் காமச்ச²ந்த³னீவரணேன நீவரணஞ்சேவ நீவரணஸம்பயுத்தஞ்ச, ப்³யாபாத³னீவரணங் உத்³த⁴ச்சனீவரணேன நீவரணஞ்சேவ நீவரணஸம்பயுத்தஞ்ச, உத்³த⁴ச்சனீவரணங் ப்³யாபாத³னீவரணேன நீவரணஞ்சேவ நீவரணஸம்பயுத்தஞ்ச, தி²னமித்³த⁴னீவரணங் உத்³த⁴ச்சனீவரணேன நீவரணஞ்சேவ நீவரணஸம்பயுத்தஞ்ச, உத்³த⁴ச்சனீவரணங் தி²னமித்³த⁴னீவரணேன நீவரணஞ்சேவ நீவரணஸம்பயுத்தஞ்ச, குக்குச்சனீவரணங் உத்³த⁴ச்சனீவரணேன நீவரணஞ்சேவ நீவரணஸம்பயுத்தஞ்ச, உத்³த⁴ச்சனீவரணங் குக்குச்சனீவரணேன நீவரணஞ்சேவ நீவரணஸம்பயுத்தஞ்ச, விசிகிச்சா²னீவரணங் உத்³த⁴ச்சனீவரணேன நீவரணஞ்சேவ நீவரணஸம்பயுத்தஞ்ச, உத்³த⁴ச்சனீவரணங் விசிகிச்சா²னீவரணேன நீவரணஞ்சேவ நீவரணஸம்பயுத்தஞ்ச, அவிஜ்ஜானீவரணங் உத்³த⁴ச்சனீவரணேன நீவரணஞ்சேவ நீவரணஸம்பயுத்தஞ்ச, உத்³த⁴ச்சனீவரணங் அவிஜ்ஜானீவரணேன நீவரணஞ்சேவ நீவரணஸம்பயுத்தஞ்ச – இமே த⁴ம்மா நீவரணா சேவ நீவரணஸம்பயுத்தா ச.

1176. Katame dhammā nīvaraṇā ceva nīvaraṇasampayuttā ca? Kāmacchandanīvaraṇaṃ avijjānīvaraṇena nīvaraṇañceva nīvaraṇasampayuttañca, avijjānīvaraṇaṃ kāmacchandanīvaraṇena nīvaraṇañceva nīvaraṇasampayuttañca, byāpādanīvaraṇaṃ avijjānīvaraṇena nīvaraṇañceva nīvaraṇasampayuttañca, avijjānīvaraṇaṃ byāpādanīvaraṇena nīvaraṇañceva nīvaraṇasampayuttañca, thinamiddhanīvaraṇaṃ avijjānīvaraṇena nīvaraṇañceva nīvaraṇasampayuttañca, avijjānīvaraṇaṃ thinamiddhanīvaraṇena nīvaraṇañceva nīvaraṇasampayuttañca, uddhaccanīvaraṇaṃ avijjānīvaraṇena nīvaraṇañceva nīvaraṇasampayuttañca, avijjānīvaraṇaṃ uddhaccanīvaraṇena nīvaraṇañceva nīvaraṇasampayuttañca, kukkuccanīvaraṇaṃ avijjānīvaraṇena nīvaraṇañceva nīvaraṇasampayuttañca, avijjānīvaraṇaṃ kukkuccanīvaraṇena nīvaraṇañceva nīvaraṇasampayuttañca, vicikicchānīvaraṇaṃ avijjānīvaraṇena nīvaraṇañceva nīvaraṇasampayuttañca, avijjānīvaraṇaṃ vicikicchānīvaraṇena nīvaraṇañceva nīvaraṇasampayuttañca, kāmacchandanīvaraṇaṃ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṃ kāmacchandanīvaraṇena nīvaraṇañceva nīvaraṇasampayuttañca, byāpādanīvaraṇaṃ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṃ byāpādanīvaraṇena nīvaraṇañceva nīvaraṇasampayuttañca, thinamiddhanīvaraṇaṃ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṃ thinamiddhanīvaraṇena nīvaraṇañceva nīvaraṇasampayuttañca, kukkuccanīvaraṇaṃ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṃ kukkuccanīvaraṇena nīvaraṇañceva nīvaraṇasampayuttañca, vicikicchānīvaraṇaṃ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṃ vicikicchānīvaraṇena nīvaraṇañceva nīvaraṇasampayuttañca, avijjānīvaraṇaṃ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṃ avijjānīvaraṇena nīvaraṇañceva nīvaraṇasampayuttañca – ime dhammā nīvaraṇā ceva nīvaraṇasampayuttā ca.

1177. கதமே த⁴ம்மா நீவரணஸம்பயுத்தா சேவ நோ ச நீவரணா? தேஹி த⁴ம்மேஹி யே த⁴ம்மா ஸம்பயுத்தா, தே த⁴ம்மே ட²பெத்வா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா நீவரணஸம்பயுத்தா சேவ நோ ச நீவரணா.

1177. Katame dhammā nīvaraṇasampayuttā ceva no ca nīvaraṇā? Tehi dhammehi ye dhammā sampayuttā, te dhamme ṭhapetvā vedanākkhandho…pe… viññāṇakkhandho – ime dhammā nīvaraṇasampayuttā ceva no ca nīvaraṇā.

1178. கதமே த⁴ம்மா நீவரணவிப்பயுத்தா நீவரணியா? தேஹி த⁴ம்மேஹி யே த⁴ம்மா விப்பயுத்தா ஸாஸவா குஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா நீவரணவிப்பயுத்தா நீவரணியா.

1178. Katame dhammā nīvaraṇavippayuttā nīvaraṇiyā? Tehi dhammehi ye dhammā vippayuttā sāsavā kusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā nīvaraṇavippayuttā nīvaraṇiyā.

1179. கதமே த⁴ம்மா நீவரணவிப்பயுத்தா அனீவரணியா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா நீவரணவிப்பயுத்தா அனீவரணியா.

1179. Katame dhammā nīvaraṇavippayuttā anīvaraṇiyā? Apariyāpannā maggā ca, maggaphalāni ca, asaṅkhatā ca dhātu – ime dhammā nīvaraṇavippayuttā anīvaraṇiyā.

பராமாஸகொ³ச்ச²கங்

Parāmāsagocchakaṃ

1180. கதமே த⁴ம்மா பராமாஸா? தி³ட்டி²பராமாஸோ.

1180. Katame dhammā parāmāsā? Diṭṭhiparāmāso.

1181. தத்த² கதமோ தி³ட்டி²பராமாஸோ? ஸஸ்ஸதோ லோகோதி வா, அஸஸ்ஸதோ லோகோதி வா, அந்தவா லோகோதி வா, அனந்தவா லோகோதி வா, தங் ஜீவங் தங் ஸரீரந்தி வா, அஞ்ஞங் ஜீவங் அஞ்ஞங் ஸரீரந்தி வா, ஹோதி ததா²க³தோ பரங் மரணாதி வா, ந ஹோதி ததா²க³தோ பரங் மரணாதி வா, ஹோதி ச ந ச ஹோதி ததா²க³தோ பரங் மரணாதி வா, நேவ ஹோதி ந ந ஹோதி ததா²க³தோ பரங் மரணாதி வாஃ யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸங்யோஜனங் கா³ஹோ பதிட்டா²ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியாஸக்³கா³ஹோ – அயங் வுச்சதி தி³ட்டி²பராமாஸோ. ஸப்³பா³பி மிச்சா²தி³ட்டி² தி³ட்டி²பராமாஸோ.

1181. Tattha katamo diṭṭhiparāmāso? Sassato lokoti vā, asassato lokoti vā, antavā lokoti vā, anantavā lokoti vā, taṃ jīvaṃ taṃ sarīranti vā, aññaṃ jīvaṃ aññaṃ sarīranti vā, hoti tathāgato paraṃ maraṇāti vā, na hoti tathāgato paraṃ maraṇāti vā, hoti ca na ca hoti tathāgato paraṃ maraṇāti vā, neva hoti na na hoti tathāgato paraṃ maraṇāti vāः yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho – ayaṃ vuccati diṭṭhiparāmāso. Sabbāpi micchādiṭṭhi diṭṭhiparāmāso.

இமே த⁴ம்மா பராமாஸா.

Ime dhammā parāmāsā.

1182. கதமே த⁴ம்மா நோ பராமாஸா? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா நோ பராமாஸா.

1182. Katame dhammā no parāmāsā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā no parāmāsā.

1183. கதமே த⁴ம்மா பராமட்டா²? ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா பராமட்டா².

1183. Katame dhammā parāmaṭṭhā? Sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā parāmaṭṭhā.

1184. கதமே த⁴ம்மா அபராமட்டா²? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா அபராமட்டா².

1184. Katame dhammā aparāmaṭṭhā? Apariyāpannā maggā ca, maggaphalāni ca, asaṅkhatā ca dhātu – ime dhammā aparāmaṭṭhā.

1185. கதமே த⁴ம்மா பராமாஸஸம்பயுத்தா? தேஹி த⁴ம்மேஹி யே த⁴ம்மா ஸம்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா பராமாஸஸம்பயுத்தா.

1185. Katame dhammā parāmāsasampayuttā? Tehi dhammehi ye dhammā sampayuttā vedanākkhandho…pe… viññāṇakkhandho – ime dhammā parāmāsasampayuttā.

1186. கதமே த⁴ம்மா பராமாஸவிப்பயுத்தா? தேஹி த⁴ம்மேஹி யே த⁴ம்மா விப்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா பராமாஸவிப்பயுத்தா.

1186. Katame dhammā parāmāsavippayuttā? Tehi dhammehi ye dhammā vippayuttā vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā parāmāsavippayuttā.

1187. கதமே த⁴ம்மா பராமாஸா சேவ பராமட்டா² ச? ஸ்வேவ பராமாஸோ பராமாஸோ சேவ பராமட்டோ² ச.

1187. Katame dhammā parāmāsā ceva parāmaṭṭhā ca? Sveva parāmāso parāmāso ceva parāmaṭṭho ca.

1188. கதமே த⁴ம்மா பராமட்டா² சேவ நோ ச பராமாஸா? தேஹி த⁴ம்மேஹி யே த⁴ம்மா பராமட்டா², தே த⁴ம்மே ட²பெத்வா அவஸேஸா ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா பராமட்டா² சேவ நோ ச பராமாஸா.

1188. Katame dhammā parāmaṭṭhā ceva no ca parāmāsā? Tehi dhammehi ye dhammā parāmaṭṭhā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā parāmaṭṭhā ceva no ca parāmāsā.

1189. கதமே த⁴ம்மா பராமாஸவிப்பயுத்தா பராமட்டா²? தேஹி த⁴ம்மேஹி யே த⁴ம்மா விப்பயுத்தா ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா பராமாஸவிப்பயுத்தா பராமட்டா².

1189. Katame dhammā parāmāsavippayuttā parāmaṭṭhā? Tehi dhammehi ye dhammā vippayuttā sāsavā kusalākusalābyākatā dhammā kāmāvacarā, rūpāvacarā arūpāvacarā; rūpakkhandho…pe… viññāṇakkhandho – ime dhammā parāmāsavippayuttā parāmaṭṭhā.

1190. கதமே த⁴ம்மா பராமாஸவிப்பயுத்தா அபராமட்டா²? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா பராமாஸவிப்பயுத்தா அபராமட்டா².

1190. Katame dhammā parāmāsavippayuttā aparāmaṭṭhā? Apariyāpannā maggā ca, maggaphalāni ca, asaṅkhatā ca dhātu – ime dhammā parāmāsavippayuttā aparāmaṭṭhā.

மஹந்தரது³கங்

Mahantaradukaṃ

1191. கதமே த⁴ம்மா ஸாரம்மணா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே த⁴ம்மா ஸாரம்மணா.

1191. Katame dhammā sārammaṇā? Vedanākkhandho, saññākkhandho, saṅkhārakkhandho, viññāṇakkhandho – ime dhammā sārammaṇā.

1192. கதமே த⁴ம்மா அனாரம்மணா? ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா அனாரம்மணா.

1192. Katame dhammā anārammaṇā? Sabbañca rūpaṃ, asaṅkhatā ca dhātu – ime dhammā anārammaṇā.

1193. கதமே த⁴ம்மா சித்தா? சக்கு²விஞ்ஞாணங், ஸோதவிஞ்ஞாணங், கா⁴னவிஞ்ஞாணங், ஜிவ்ஹாவிஞ்ஞாணங், காயவிஞ்ஞாணங், மனோதா⁴து, மனோவிஞ்ஞாணதா⁴து – இமே த⁴ம்மா சித்தா.

1193. Katame dhammā cittā? Cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manodhātu, manoviññāṇadhātu – ime dhammā cittā.

1194. கதமே த⁴ம்மா நோ சித்தா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா நோ சித்தா.

1194. Katame dhammā no cittā? Vedanākkhandho, saññākkhandho, saṅkhārakkhandho, sabbañca rūpaṃ, asaṅkhatā ca dhātu – ime dhammā no cittā.

1195. கதமே த⁴ம்மா சேதஸிகா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சேதஸிகா.

1195. Katame dhammā cetasikā? Vedanākkhandho, saññākkhandho, saṅkhārakkhandho – ime dhammā cetasikā.

1196. கதமே த⁴ம்மா அசேதஸிகா? சித்தஞ்ச, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா அசேதஸிகா.

1196. Katame dhammā acetasikā? Cittañca, sabbañca rūpaṃ, asaṅkhatā ca dhātu – ime dhammā acetasikā.

1197. கதமே த⁴ம்மா சித்தஸம்பயுத்தா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸம்பயுத்தா.

1197. Katame dhammā cittasampayuttā? Vedanākkhandho, saññākkhandho, saṅkhārakkhandho – ime dhammā cittasampayuttā.

1198. கதமே த⁴ம்மா சித்தவிப்பயுத்தா? ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா சித்தவிப்பயுத்தா. சித்தங் ந வத்தப்³ப³ங் – சித்தேன ஸம்பயுத்தந்திபி, சித்தேன விப்பயுத்தந்திபி.

1198. Katame dhammā cittavippayuttā? Sabbañca rūpaṃ, asaṅkhatā ca dhātu – ime dhammā cittavippayuttā. Cittaṃ na vattabbaṃ – cittena sampayuttantipi, cittena vippayuttantipi.

1199. கதமே த⁴ம்மா சித்தஸங்ஸட்டா²? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸங்ஸட்டா².

1199. Katame dhammā cittasaṃsaṭṭhā? Vedanākkhandho, saññākkhandho, saṅkhārakkhandho – ime dhammā cittasaṃsaṭṭhā.

1200. கதமே த⁴ம்மா சித்தவிஸங்ஸட்டா²? ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா சித்தவிஸங்ஸட்டா². சித்தங் ந வத்தப்³ப³ங் – சித்தேன ஸங்ஸட்ட²ந்திபி, சித்தேன விஸங்ஸட்ட²ந்திபி.

1200. Katame dhammā cittavisaṃsaṭṭhā? Sabbañca rūpaṃ, asaṅkhatā ca dhātu – ime dhammā cittavisaṃsaṭṭhā. Cittaṃ na vattabbaṃ – cittena saṃsaṭṭhantipi, cittena visaṃsaṭṭhantipi.

1201. கதமே த⁴ம்மா சித்தஸமுட்டா²னா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴; காயவிஞ்ஞத்தி வசீவிஞ்ஞத்தி; யங் வா பனஞ்ஞம்பி அத்தி² ரூபங் சித்தஜங் சித்தஹேதுகங் சித்தஸமுட்டா²னங் ரூபாயதனங் ஸத்³தா³யதனங் க³ந்தா⁴யதனங் ரஸாயதனங் பொ²ட்ட²ப்³பா³யதனங் ஆகாஸதா⁴து ஆபோதா⁴து ரூபஸ்ஸ லஹுதா ரூபஸ்ஸ முது³தா ரூபஸ்ஸ கம்மஞ்ஞதா ரூபஸ்ஸ உபசயோ ரூபஸ்ஸ ஸந்ததி கப³ளீகாரோ ஆஹாரோ – இமே த⁴ம்மா சித்தஸமுட்டா²னா.

1201. Katame dhammā cittasamuṭṭhānā? Vedanākkhandho, saññākkhandho, saṅkhārakkhandho; kāyaviññatti vacīviññatti; yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – ime dhammā cittasamuṭṭhānā.

1202. கதமே த⁴ம்மா நோ சித்தஸமுட்டா²னா? சித்தஞ்ச, அவஸேஸஞ்ச ரூபங், அஸங்க²தா ச தா⁴து – இமே த⁴ம்மா நோ சித்தஸமுட்டா²னா.

1202. Katame dhammā no cittasamuṭṭhānā? Cittañca, avasesañca rūpaṃ, asaṅkhatā ca dhātu – ime dhammā no cittasamuṭṭhānā.

1203. கதமே த⁴ம்மா சித்தஸஹபு⁴னோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, காயவிஞ்ஞத்தி, வசீவிஞ்ஞத்தி – இமே த⁴ம்மா சித்தஸஹபு⁴னோ.

1203. Katame dhammā cittasahabhuno? Vedanākkhandho, saññākkhandho, saṅkhārakkhandho, kāyaviññatti, vacīviññatti – ime dhammā cittasahabhuno.

1204. கதமே த⁴ம்மா நோ சித்தஸஹபு⁴னோ? சித்தஞ்ச, அவஸேஸஞ்ச ரூபங், அஸங்க²தா ச தா⁴து – இமே த⁴ம்மா நோ சித்தஸஹபு⁴னோ.

1204. Katame dhammā no cittasahabhuno? Cittañca, avasesañca rūpaṃ, asaṅkhatā ca dhātu – ime dhammā no cittasahabhuno.

1205. கதமே த⁴ம்மா சித்தானுபரிவத்தினோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, காயவிஞ்ஞத்தி, வசீவிஞ்ஞத்தி – இமே த⁴ம்மா சித்தானுபரிவத்தினோ.

1205. Katame dhammā cittānuparivattino? Vedanākkhandho, saññākkhandho, saṅkhārakkhandho, kāyaviññatti, vacīviññatti – ime dhammā cittānuparivattino.

1206. கதமே த⁴ம்மா நோ சித்தானுபரிவத்தினோ? சித்தஞ்ச, அவஸேஸஞ்ச ரூபங், அஸங்க²தா ச தா⁴து – இமே த⁴ம்மா நோ சித்தானுபரிவத்தினோ.

1206. Katame dhammā no cittānuparivattino? Cittañca, avasesañca rūpaṃ, asaṅkhatā ca dhātu – ime dhammā no cittānuparivattino.

1207. கதமே த⁴ம்மா சித்தஸங்ஸட்ட²ஸமுட்டா²னா? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸங்ஸட்ட²ஸமுட்டா²னா.

1207. Katame dhammā cittasaṃsaṭṭhasamuṭṭhānā? Vedanākkhandho, saññākkhandho, saṅkhārakkhandho – ime dhammā cittasaṃsaṭṭhasamuṭṭhānā.

1208. கதமே த⁴ம்மா நோ சித்தஸங்ஸட்ட²ஸமுட்டா²னா? சித்தஞ்ச, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா நோ சித்தஸங்ஸட்ட²ஸமுட்டா²னா.

1208. Katame dhammā no cittasaṃsaṭṭhasamuṭṭhānā? Cittañca, sabbañca rūpaṃ, asaṅkhatā ca dhātu – ime dhammā no cittasaṃsaṭṭhasamuṭṭhānā.

1209. கதமே த⁴ம்மா சித்தஸங்ஸட்ட²ஸமுட்டா²னஸஹபு⁴னோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸங்ஸட்ட²ஸமுட்டா²னஸஹபு⁴னோ.

1209. Katame dhammā cittasaṃsaṭṭhasamuṭṭhānasahabhuno? Vedanākkhandho, saññākkhandho, saṅkhārakkhandho – ime dhammā cittasaṃsaṭṭhasamuṭṭhānasahabhuno.

1210. கதமே த⁴ம்மா நோ சித்தஸங்ஸட்ட²ஸமுட்டா²னஸஹபு⁴னோ? சித்தஞ்ச, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா நோ சித்தஸங்ஸட்ட²ஸமுட்டா²னஸஹபு⁴னோ.

1210. Katame dhammā no cittasaṃsaṭṭhasamuṭṭhānasahabhuno? Cittañca, sabbañca rūpaṃ, asaṅkhatā ca dhātu – ime dhammā no cittasaṃsaṭṭhasamuṭṭhānasahabhuno.

1211. கதமே த⁴ம்மா சித்தஸங்ஸட்ட²ஸமுட்டா²னானுபரிவத்தினோ? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴ – இமே த⁴ம்மா சித்தஸங்ஸட்ட²ஸமுட்டா²னானுபரிவத்தினோ.

1211. Katame dhammā cittasaṃsaṭṭhasamuṭṭhānānuparivattino? Vedanākkhandho, saññākkhandho, saṅkhārakkhandho – ime dhammā cittasaṃsaṭṭhasamuṭṭhānānuparivattino.

1212. கதமே த⁴ம்மா நோ சித்தஸங்ஸட்ட²ஸமுட்டா²னானுபரிவத்தினோ? சித்தஞ்ச, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா நோ சித்தஸங்ஸட்ட²ஸமுட்டா²னானுபரிவத்தினோ.

1212. Katame dhammā no cittasaṃsaṭṭhasamuṭṭhānānuparivattino? Cittañca, sabbañca rūpaṃ, asaṅkhatā ca dhātu – ime dhammā no cittasaṃsaṭṭhasamuṭṭhānānuparivattino.

1213. கதமே த⁴ம்மா அஜ்ஜ²த்திகா? சக்கா²யதனங்…பே॰… மனாயதனங் – இமே த⁴ம்மா அஜ்ஜ²த்திகா.

1213. Katame dhammā ajjhattikā? Cakkhāyatanaṃ…pe… manāyatanaṃ – ime dhammā ajjhattikā.

1214. கதமே த⁴ம்மா பா³ஹிரா? ரூபாயதனங்…பே॰… த⁴ம்மாயதனங் – இமே த⁴ம்மா பா³ஹிரா.

1214. Katame dhammā bāhirā? Rūpāyatanaṃ…pe… dhammāyatanaṃ – ime dhammā bāhirā.

1215. கதமே த⁴ம்மா உபாதா³? சக்கா²யதனங்…பே॰… கப³ளீகாரோ ஆஹாரோ – இமே த⁴ம்மா உபாதா³.

1215. Katame dhammā upādā? Cakkhāyatanaṃ…pe… kabaḷīkāro āhāro – ime dhammā upādā.

1216. கதமே த⁴ம்மா நோ உபாதா³? வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴, சத்தாரோ ச மஹாபூ⁴தா, அஸங்க²தா ச தா⁴து – இமே த⁴ம்மா நோ உபாதா³.

1216. Katame dhammā no upādā? Vedanākkhandho, saññākkhandho, saṅkhārakkhandho, viññāṇakkhandho, cattāro ca mahābhūtā, asaṅkhatā ca dhātu – ime dhammā no upādā.

1217. கதமே த⁴ம்மா உபாதி³ண்ணா? ஸாஸவா குஸலாகுஸலானங் த⁴ம்மானங் விபாகா காமாவசரா, ரூபாவசரா, அரூபாவசரா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; யஞ்ச ரூபங் கம்மஸ்ஸ கதத்தா – இமே த⁴ம்மா உபாதி³ண்ணா .

1217. Katame dhammā upādiṇṇā? Sāsavā kusalākusalānaṃ dhammānaṃ vipākā kāmāvacarā, rūpāvacarā, arūpāvacarā; vedanākkhandho…pe… viññāṇakkhandho; yañca rūpaṃ kammassa katattā – ime dhammā upādiṇṇā .

1218. கதமே த⁴ம்மா அனுபாதி³ண்ணா? ஸாஸவா குஸலாகுஸலா த⁴ம்மா காமாவசரா, ரூபாவசரா, அரூபாவசரா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; யே ச த⁴ம்மா கிரியா நேவ குஸலா நாகுஸலா ந ச கம்மவிபாகா, யஞ்ச ரூபங் ந கம்மஸ்ஸ கதத்தா, அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா அனுபாதி³ண்ணா.

1218. Katame dhammā anupādiṇṇā? Sāsavā kusalākusalā dhammā kāmāvacarā, rūpāvacarā, arūpāvacarā; vedanākkhandho…pe… viññāṇakkhandho; ye ca dhammā kiriyā neva kusalā nākusalā na ca kammavipākā, yañca rūpaṃ na kammassa katattā, apariyāpannā maggā ca, maggaphalāni ca, asaṅkhatā ca dhātu – ime dhammā anupādiṇṇā.

உபாதா³னகொ³ச்ச²கங்

Upādānagocchakaṃ

1219. கதமே த⁴ம்மா உபாதா³னா? சத்தாரி உபாதா³னானி – காமுபாதா³னங், தி³ட்டு²பாதா³னங், ஸீலப்³ப³துபாதா³னங், அத்தவாது³பாதா³னங் ¹⁹.

1219. Katame dhammā upādānā? Cattāri upādānāni – kāmupādānaṃ, diṭṭhupādānaṃ, sīlabbatupādānaṃ, attavādupādānaṃ ²⁰.

1220. தத்த² கதமங் காமுபாதா³னங்? யோ காமேஸு காமச்ச²ந்தோ³ காமராகோ³ காமனந்தீ³ காமதண்ஹா காமஸினேஹோ காமபரிளாஹோ காமமுச்சா² காமஜ்ஜோ²ஸானங் – இத³ங் வுச்சதி காமுபாதா³னங்.

1220. Tattha katamaṃ kāmupādānaṃ? Yo kāmesu kāmacchando kāmarāgo kāmanandī kāmataṇhā kāmasineho kāmapariḷāho kāmamucchā kāmajjhosānaṃ – idaṃ vuccati kāmupādānaṃ.

1221. தத்த² கதமங் தி³ட்டு²பாதா³னங்? நத்தி² தி³ன்னங், நத்தி² யிட்ட²ங், நத்தி² ஹுதங், நத்தி² ஸுகதது³க்கடானங் கம்மானங் ப²லங் விபாகோ, நத்தி² அயங் லோகோ, நத்தி² பரோ லோகோ, நத்தி² மாதா, நத்தி² பிதா, நத்தி² ஸத்தா ஓபபாதிகா, நத்தி² லோகே ஸமணப்³ராஹ்மணா ஸம்மக்³க³தா ²¹ ஸம்மாபடிபன்னா, யே இமஞ்ச லோகங் பரஞ்ச லோகங் ஸயங் அபி⁴ஞ்ஞா ஸச்சி²கத்வா பவேதெ³ந்தீதி – யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸங்யோஜனங் கா³ஹோ பதிட்டா²ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியாஸக்³கா³ஹோ – இத³ங் வுச்சதி தி³ட்டு²பாதா³னங். ட²பெத்வா ஸீலப்³ப³துபாதா³னஞ்ச அத்தவாது³பாதா³னஞ்ச ஸப்³பா³பி மிச்சா²தி³ட்டி² தி³ட்டு²பாதா³னங்.

1221. Tattha katamaṃ diṭṭhupādānaṃ? Natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā ²² sammāpaṭipannā, ye imañca lokaṃ parañca lokaṃ sayaṃ abhiññā sacchikatvā pavedentīti – yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho – idaṃ vuccati diṭṭhupādānaṃ. Ṭhapetvā sīlabbatupādānañca attavādupādānañca sabbāpi micchādiṭṭhi diṭṭhupādānaṃ.

1222. தத்த² கதமங் ஸீலப்³ப³துபாதா³னங்? இதோ ப³ஹித்³தா⁴ ஸமணப்³ராஹ்மணானங் ஸீலேன ஸுத்³தி⁴, வதேன ஸுத்³தி⁴, ஸீலப்³ப³தேன ஸுத்³தீ⁴தி – யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸங்யோஜனங் கா³ஹோ பதிட்டா²ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியாஸக்³கா³ஹோ – இத³ங் வுச்சதி ஸீலப்³ப³துபாதா³னங்.

1222. Tattha katamaṃ sīlabbatupādānaṃ? Ito bahiddhā samaṇabrāhmaṇānaṃ sīlena suddhi, vatena suddhi, sīlabbatena suddhīti – yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho – idaṃ vuccati sīlabbatupādānaṃ.

1223. தத்த² கதமங் அத்தவாது³பாதா³னங்? இத⁴ அஸ்ஸுதவா புது²ஜ்ஜனோ அரியானங் அத³ஸ்ஸாவீ அரியத⁴ம்மஸ்ஸ அகோவிதோ³ அரியத⁴ம்மே அவினீதோ ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³ ஸப்புரிஸத⁴ம்மே அவினீதோ ரூபங் அத்ததோ ஸமனுபஸ்ஸதி, ரூபவந்தங் வா அத்தானங், அத்தனி வா ரூபங், ரூபஸ்மிங் வா அத்தானங். வேத³னங்…பே॰… ஸஞ்ஞங்…பே॰… ஸங்கா²ரே…பே॰… விஞ்ஞாணங் அத்ததோ ஸமனுபஸ்ஸதி, விஞ்ஞாணவந்தங் வா அத்தானங், அத்தனி வா விஞ்ஞாணங் விஞ்ஞாணஸ்மிங் வா அத்தானங். யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸங்யோஜனங் கா³ஹோ பதிட்டா²ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியாஸக்³கா³ஹோ – இத³ங் வுச்சதி அத்தவாது³பாதா³னங்.

1223. Tattha katamaṃ attavādupādānaṃ? Idha assutavā puthujjano ariyānaṃ adassāvī ariyadhammassa akovido ariyadhamme avinīto sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati, rūpavantaṃ vā attānaṃ, attani vā rūpaṃ, rūpasmiṃ vā attānaṃ. Vedanaṃ…pe… saññaṃ…pe… saṅkhāre…pe… viññāṇaṃ attato samanupassati, viññāṇavantaṃ vā attānaṃ, attani vā viññāṇaṃ viññāṇasmiṃ vā attānaṃ. Yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho – idaṃ vuccati attavādupādānaṃ.

இமே த⁴ம்மா உபாதா³னா.

Ime dhammā upādānā.

1224. கதமே த⁴ம்மா நோ உபாதா³னா? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா நோ உபாதா³னா.

1224. Katame dhammā no upādānā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā no upādānā.

1225. கதமே த⁴ம்மா உபாதா³னியா? ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா உபாதா³னியா.

1225. Katame dhammā upādāniyā? Sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā upādāniyā.

1226. கதமே த⁴ம்மா அனுபாதா³னியா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா அனுபாதா³னியா.

1226. Katame dhammā anupādāniyā? Apariyāpannā maggā ca, maggaphalāni ca, asaṅkhatā ca dhātu – ime dhammā anupādāniyā.

1227. கதமே த⁴ம்மா உபாதா³னஸம்பயுத்தா? தேஹி த⁴ம்மேஹி யே த⁴ம்மா ஸம்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா உபாதா³னஸம்பயுத்தா.

1227. Katame dhammā upādānasampayuttā? Tehi dhammehi ye dhammā sampayuttā vedanākkhandho…pe… viññāṇakkhandho – ime dhammā upādānasampayuttā.

1228. கதமே த⁴ம்மா உபாதா³னவிப்பயுத்தா? தேஹி த⁴ம்மேஹி யே த⁴ம்மா விப்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா உபாதா³னவிப்பயுத்தா.

1228. Katame dhammā upādānavippayuttā? Tehi dhammehi ye dhammā vippayuttā vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā upādānavippayuttā.

1229. கதமே த⁴ம்மா உபாதா³னா சேவ உபாதா³னியா ச? தானேவ உபாதா³னானி உபாதா³னா சேவ உபாதா³னியா ச.

1229. Katame dhammā upādānā ceva upādāniyā ca? Tāneva upādānāni upādānā ceva upādāniyā ca.

1230. கதமே த⁴ம்மா உபாதா³னியா சேவ நோ ச உபாதா³னா? தேஹி த⁴ம்மேஹி யே த⁴ம்மா உபாதா³னியா , தே த⁴ம்மே ட²பெத்வா அவஸேஸா ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா உபாதா³னியா சேவ நோ ச உபாதா³னா.

1230. Katame dhammā upādāniyā ceva no ca upādānā? Tehi dhammehi ye dhammā upādāniyā , te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā upādāniyā ceva no ca upādānā.

1231. கதமே த⁴ம்மா உபாதா³னா சேவ உபாதா³னஸம்பயுத்தா ச? தி³ட்டு²பாதா³னங் காமுபாதா³னேன உபாதா³னஞ்சேவ உபாதா³னஸம்பயுத்தஞ்ச, காமுபாதா³னங் தி³ட்டு²பாதா³னேன உபாதா³னஞ்சேவ உபாதா³னஸம்பயுத்தஞ்ச, ஸீலப்³ப³துபாதா³னங் காமுபாதா³னேன உபாதா³னஞ்சேவ உபாதா³னஸம்பயுத்தஞ்ச, காமுபாதா³னங் ஸீலப்³ப³துபாதா³னேன உபாதா³னஞ்சேவ உபாதா³னஸம்பயுத்தஞ்ச , அத்தவாது³பாதா³னங் காமுபாதா³னேன உபாதா³னஞ்சேவ உபாதா³னஸம்பயுத்தஞ்ச, காமுபாதா³னங் அத்தவாது³பாதா³னேன உபாதா³னஞ்சேவ உபாதா³னஸம்பயுத்தஞ்ச – இமே த⁴ம்மா உபாதா³னா சேவ உபாதா³னஸம்பயுத்தா ச.

1231. Katame dhammā upādānā ceva upādānasampayuttā ca? Diṭṭhupādānaṃ kāmupādānena upādānañceva upādānasampayuttañca, kāmupādānaṃ diṭṭhupādānena upādānañceva upādānasampayuttañca, sīlabbatupādānaṃ kāmupādānena upādānañceva upādānasampayuttañca, kāmupādānaṃ sīlabbatupādānena upādānañceva upādānasampayuttañca , attavādupādānaṃ kāmupādānena upādānañceva upādānasampayuttañca, kāmupādānaṃ attavādupādānena upādānañceva upādānasampayuttañca – ime dhammā upādānā ceva upādānasampayuttā ca.

1232. கதமே த⁴ம்மா உபாதா³னஸம்பயுத்தா சேவ நோ ச உபாதா³னா? தேஹி த⁴ம்மேஹி யே த⁴ம்மா ஸம்பயுத்தா, தே த⁴ம்மே ட²பெத்வா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா உபாதா³னஸம்பயுத்தா சேவ நோ ச உபாதா³னா.

1232. Katame dhammā upādānasampayuttā ceva no ca upādānā? Tehi dhammehi ye dhammā sampayuttā, te dhamme ṭhapetvā vedanākkhandho…pe… viññāṇakkhandho – ime dhammā upādānasampayuttā ceva no ca upādānā.

1233. கதமே த⁴ம்மா உபாதா³னவிப்பயுத்தா உபாதா³னியா? தேஹி த⁴ம்மேஹி யே த⁴ம்மா விப்பயுத்தா ஸாஸவா குஸலாகுஸலாப்³யாகதா த⁴ம்மா காமாவசரா , ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா உபாதா³னவிப்பயுத்தா உபாதா³னியா.

1233. Katame dhammā upādānavippayuttā upādāniyā? Tehi dhammehi ye dhammā vippayuttā sāsavā kusalākusalābyākatā dhammā kāmāvacarā , rūpāvacarā, arūpāvacarā; rūpakkhandho…pe… viññāṇakkhandho – ime dhammā upādānavippayuttā upādāniyā.

1234. கதமே த⁴ம்மா உபாதா³னவிப்பயுத்தா அனுபாதா³னியா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா உபாதா³னவிப்பயுத்தா அனுபாதா³னியா.

1234. Katame dhammā upādānavippayuttā anupādāniyā? Apariyāpannā maggā ca, maggaphalāni ca, asaṅkhatā ca dhātu – ime dhammā upādānavippayuttā anupādāniyā.

நிக்கே²பகண்டே³ து³தியபா⁴ணவாரோ.

Nikkhepakaṇḍe dutiyabhāṇavāro.

கிலேஸகொ³ச்ச²கங்

Kilesagocchakaṃ

1235. கதமே த⁴ம்மா கிலேஸா? த³ஸ கிலேஸவத்தூ²னி – லோபோ⁴, தோ³ஸோ, மோஹோ, மானோ, தி³ட்டி², விசிகிச்சா², தி²னங், உத்³த⁴ச்சங், அஹிரீகங், அனொத்தப்பங்.

1235. Katame dhammā kilesā? Dasa kilesavatthūni – lobho, doso, moho, māno, diṭṭhi, vicikicchā, thinaṃ, uddhaccaṃ, ahirīkaṃ, anottappaṃ.

1236. தத்த² கதமோ லோபோ⁴? யோ ராகோ³ ஸாராகோ³ அனுனயோ அனுரோதோ⁴ நந்தீ³ நந்தீ³ராகோ³ சித்தஸ்ஸ ஸாராகோ³ இச்சா² முச்சா² அஜ்ஜோ²ஸானங் கே³தோ⁴ பலிகே³தோ⁴ ஸங்கோ³ பங்கோ ஏஜா மாயா ஜனிகா ஸஞ்ஜனநீ ஸிப்³பி³னீ ஜாலினீ ஸரிதா விஸத்திகா ஸுத்தங் விஸடா ஆயூஹினீ து³தியா பணிதி⁴ ப⁴வனெத்தி வனங் வனதோ² ஸந்த²வோ ஸினேஹோ அபெக்கா² படிப³ந்து⁴ ஆஸா ஆஸிஸனா ஆஸிஸிதத்தங் ரூபாஸா ஸத்³தா³ஸா க³ந்தா⁴ஸா ரஸாஸா பொ²ட்ட²ப்³பா³ஸா லாபா⁴ஸா த⁴னாஸா புத்தாஸா ஜீவிதாஸா ஜப்பா பஜப்பா அபி⁴ஜப்பா ஜப்பா ஜப்பனா ஜப்பிதத்தங் லோலுப்பங் லோலுப்பாயனா லோலுப்பாயிதத்தங் புச்ச²ஞ்ஜிகதா ஸாது⁴கம்யதா அத⁴ம்மராகோ³ விஸமலோபோ⁴ நிகந்தி நிகாமனா பத்த²னா பிஹனா ஸம்பத்த²னா காமதண்ஹா ப⁴வதண்ஹா விப⁴வதண்ஹா ரூபதண்ஹா அரூபதண்ஹா நிரோத⁴தண்ஹா ரூபதண்ஹா ஸத்³த³தண்ஹா க³ந்த⁴தண்ஹா ரஸதண்ஹா பொ²ட்ட²ப்³ப³தண்ஹா த⁴ம்மதண்ஹா ஓகோ⁴ யோகோ³ க³ந்தோ² உபாதா³னங் ஆவரணங் நீவரணங் சா²த³னங் ப³ந்த⁴னங் உபக்கிலேஸோ அனுஸயோ பரியுட்டா²னங் லதா வேவிச்ச²ங் து³க்க²மூலங் து³க்க²னிதா³னங் து³க்க²ப்பப⁴வோ மாரபாஸோ மாரப³ளிஸங் மாரவிஸயோ தண்ஹானதீ³ தண்ஹாஜாலங் தண்ஹாக³த்³து³லங் தண்ஹாஸமுத்³தோ³ அபி⁴ஜ்ஜா² லோபோ⁴ அகுஸலமூலங் – அயங் வுச்சதி லோபோ⁴.

1236. Tattha katamo lobho? Yo rāgo sārāgo anunayo anurodho nandī nandīrāgo cittassa sārāgo icchā mucchā ajjhosānaṃ gedho paligedho saṅgo paṅko ejā māyā janikā sañjananī sibbinī jālinī saritā visattikā suttaṃ visaṭā āyūhinī dutiyā paṇidhi bhavanetti vanaṃ vanatho santhavo sineho apekkhā paṭibandhu āsā āsisanā āsisitattaṃ rūpāsā saddāsā gandhāsā rasāsā phoṭṭhabbāsā lābhāsā dhanāsā puttāsā jīvitāsā jappā pajappā abhijappā jappā jappanā jappitattaṃ loluppaṃ loluppāyanā loluppāyitattaṃ pucchañjikatā sādhukamyatā adhammarāgo visamalobho nikanti nikāmanā patthanā pihanā sampatthanā kāmataṇhā bhavataṇhā vibhavataṇhā rūpataṇhā arūpataṇhā nirodhataṇhā rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā ogho yogo gantho upādānaṃ āvaraṇaṃ nīvaraṇaṃ chādanaṃ bandhanaṃ upakkileso anusayo pariyuṭṭhānaṃ latā vevicchaṃ dukkhamūlaṃ dukkhanidānaṃ dukkhappabhavo mārapāso mārabaḷisaṃ māravisayo taṇhānadī taṇhājālaṃ taṇhāgaddulaṃ taṇhāsamuddo abhijjhā lobho akusalamūlaṃ – ayaṃ vuccati lobho.

1237. தத்த² கதமோ தோ³ஸோ? அனத்த²ங் மே அசரீதி ஆகா⁴தோ ஜாயதி, அனத்த²ங் மே சரதீதி ஆகா⁴தோ ஜாயதி, அனத்த²ங் மே சரிஸ்ஸதீதி ஆகா⁴தோ ஜாயதி, பியஸ்ஸ மே மனாபஸ்ஸ அனத்த²ங் அசரி…பே॰… அனத்த²ங் சரதி…பே॰… அனத்த²ங் சரிஸ்ஸதீதி ஆகா⁴தோ ஜாயதி, அப்பியஸ்ஸ மே அமனாபஸ்ஸ அத்த²ங் அசரி…பே॰… அத்த²ங் சரதி…பே॰… அத்த²ங் சரிஸ்ஸதீதி ஆகா⁴தோ ஜாயதி, அட்டா²னே வா பன ஆகா⁴தோ ஜாயதி. யோ ஏவரூபோ சித்தஸ்ஸ ஆகா⁴தோ படிகா⁴தோ படிக⁴ங் படிவிரோதோ⁴ கோபோ பகோபோ ஸம்பகோபோ தோ³ஸோ பதோ³ஸோ ஸம்பதோ³ஸோ சித்தஸ்ஸ ப்³யாபத்தி மனோபதோ³ஸோ கோதோ⁴ குஜ்ஜ²னா குஜ்ஜி²தத்தங் தோ³ஸோ து³ஸ்ஸனா து³ஸ்ஸிதத்தங் ப்³யாபத்தி ப்³யாபஜ்ஜனா ப்³யாபஜ்ஜிதத்தங் விரோதோ⁴ படிவிரோதோ⁴ சண்டி³க்கங் அஸுரோபோ அனத்தமனதா சித்தஸ்ஸ – அயங் வுச்சதி தோ³ஸோ.

1237. Tattha katamo doso? Anatthaṃ me acarīti āghāto jāyati, anatthaṃ me caratīti āghāto jāyati, anatthaṃ me carissatīti āghāto jāyati, piyassa me manāpassa anatthaṃ acari…pe… anatthaṃ carati…pe… anatthaṃ carissatīti āghāto jāyati, appiyassa me amanāpassa atthaṃ acari…pe… atthaṃ carati…pe… atthaṃ carissatīti āghāto jāyati, aṭṭhāne vā pana āghāto jāyati. Yo evarūpo cittassa āghāto paṭighāto paṭighaṃ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṃ doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassa – ayaṃ vuccati doso.

1238. தத்த² கதமோ மோஹோ? து³க்கே² அஞ்ஞாணங், து³க்க²ஸமுத³யே அஞ்ஞாணங், து³க்க²னிரோதே⁴ அஞ்ஞாணங், து³க்க²னிரோத⁴கா³மினியா படிபதா³ய அஞ்ஞாணங், புப்³ப³ந்தே அஞ்ஞாணங், அபரந்தே அஞ்ஞாணங், புப்³ப³ந்தாபரந்தே அஞ்ஞாணங், இத³ப்பச்சயதா படிச்சஸமுப்பன்னேஸு த⁴ம்மேஸு அஞ்ஞாணங் . யங் ஏவரூபங் அஞ்ஞாணங் அத³ஸ்ஸனங் அனபி⁴ஸமயோ அனநுபோ³தோ⁴ அஸம்போ³தோ⁴ அப்படிவேதோ⁴ அஸங்கா³ஹனா அபரியோகா³ஹனா அஸமபெக்க²னா அபச்சவெக்க²ணா அபச்சக்க²கம்மங் து³ம்மெஜ்ஜ²ங் பா³ல்யங் அஸம்பஜஞ்ஞங் மோஹோ பமோஹோ ஸம்மோஹோ அவிஜ்ஜா அவிஜ்ஜோகோ⁴ அவிஜ்ஜாயோகோ³ அவிஜ்ஜானுஸயோ அவிஜ்ஜாபரியுட்டா²னங் அவிஜ்ஜாலங்கீ³ மோஹோ அகுஸலமூலங் – அயங் வுச்சதி மோஹோ.

1238. Tattha katamo moho? Dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇaṃ, pubbante aññāṇaṃ, aparante aññāṇaṃ, pubbantāparante aññāṇaṃ, idappaccayatā paṭiccasamuppannesu dhammesu aññāṇaṃ . Yaṃ evarūpaṃ aññāṇaṃ adassanaṃ anabhisamayo ananubodho asambodho appaṭivedho asaṃgāhanā apariyogāhanā asamapekkhanā apaccavekkhaṇā apaccakkhakammaṃ dummejjhaṃ bālyaṃ asampajaññaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjālaṅgī moho akusalamūlaṃ – ayaṃ vuccati moho.

1239. தத்த² கதமோ மானோ? ஸெய்யோஹமஸ்மீதி மானோ, ஸதி³ஸோஹமஸ்மீதி மானோ, ஹீனோஹமஸ்மீதி மானோ; யோ ஏவரூபோ மானோ மஞ்ஞனா மஞ்ஞிதத்தங் உன்னதி உன்னமோ த⁴ஜோ ஸம்பக்³கா³ஹோ கேதுகம்யதா சித்தஸ்ஸ – அயங் வுச்சதி மானோ.

1239. Tattha katamo māno? Seyyohamasmīti māno, sadisohamasmīti māno, hīnohamasmīti māno; yo evarūpo māno maññanā maññitattaṃ unnati unnamo dhajo sampaggāho ketukamyatā cittassa – ayaṃ vuccati māno.

1240. தத்த² கதமா தி³ட்டி²? ஸஸ்ஸதோ லோகோதி வா, அஸஸ்ஸதோ லோகோதி வா, அந்தவா லோகோதி வா, அனந்தவா லோகோதி வா, தங் ஜீவங் தங் ஸரீரந்தி வா, அஞ்ஞங் ஜீவங் அஞ்ஞங் ஸரீரந்தி வா, ஹோதி ததா²க³தோ பரங் மரணாதி வா, ந ஹோதி ததா²க³தோ பரங் மரணாதி வா, ஹோதி ச ந ச ஹோதி ததா²க³தோ பரங் மரணாதி வா, நேவ ஹோதி ந ந ஹோதி ததா²க³தோ பரங் மரணாதி வாஃ யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸங்யோஜனங் கா³ஹோ பதிட்டா²ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியாஸக்³கா³ஹோ – அயங் வுச்சதி தி³ட்டி². ஸப்³பா³பி மிச்சா²தி³ட்டி² தி³ட்டி².

1240. Tattha katamā diṭṭhi? Sassato lokoti vā, asassato lokoti vā, antavā lokoti vā, anantavā lokoti vā, taṃ jīvaṃ taṃ sarīranti vā, aññaṃ jīvaṃ aññaṃ sarīranti vā, hoti tathāgato paraṃ maraṇāti vā, na hoti tathāgato paraṃ maraṇāti vā, hoti ca na ca hoti tathāgato paraṃ maraṇāti vā, neva hoti na na hoti tathāgato paraṃ maraṇāti vāः yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho – ayaṃ vuccati diṭṭhi. Sabbāpi micchādiṭṭhi diṭṭhi.

1241. தத்த² கதமா விசிகிச்சா²? ஸத்த²ரி கங்க²தி விசிகிச்ச²தி, த⁴ம்மே கங்க²தி விசிகிச்ச²தி, ஸங்கே⁴ கங்க²தி விசிகிச்ச²தி ஸிக்கா²ய கங்க²தி விசிகிச்ச²தி, புப்³ப³ந்தே கங்க²தி விசிகிச்ச²தி, அபரந்தே கங்க²தி விசிகிச்ச²தி, புப்³ப³ந்தாபரந்தே கங்க²தி விசிகிச்ச²தி, இத³ப்பச்சயதா படிச்சஸமுப்பன்னேஸு த⁴ம்மேஸு கங்க²தி விசிகிச்ச²திஃ யா ஏவரூபா கங்கா² கங்கா²யனா கங்கா²யிதத்தங் விமதி விசிகிச்சா² த்³வெள்ஹகங் த்³வேதா⁴பதோ² ஸங்ஸயோ, அனேகங்ஸக்³கா³ஹோ ஆஸப்பனா பரிஸப்பனா அபரியோகா³ஹனா த²ம்பி⁴தத்தங் சித்தஸ்ஸ மனோவிலேகோ² – அயங் வுச்சதி விசிகிச்சா².

1241. Tattha katamā vicikicchā? Satthari kaṅkhati vicikicchati, dhamme kaṅkhati vicikicchati, saṅghe kaṅkhati vicikicchati sikkhāya kaṅkhati vicikicchati, pubbante kaṅkhati vicikicchati, aparante kaṅkhati vicikicchati, pubbantāparante kaṅkhati vicikicchati, idappaccayatā paṭiccasamuppannesu dhammesu kaṅkhati vicikicchatiः yā evarūpā kaṅkhā kaṅkhāyanā kaṅkhāyitattaṃ vimati vicikicchā dveḷhakaṃ dvedhāpatho saṃsayo, anekaṃsaggāho āsappanā parisappanā apariyogāhanā thambhitattaṃ cittassa manovilekho – ayaṃ vuccati vicikicchā.

1242. தத்த² கதமங் தி²னங்? யா சித்தஸ்ஸ அகல்லதா அகம்மஞ்ஞதா ஓலீயனா ஸல்லீயனா லீனங் லீயனா லீயிதத்தங் தி²னங் தி²யனா தி²யிதத்தங் சித்தஸ்ஸ – இத³ங் வுச்சதி தி²னங்.

1242. Tattha katamaṃ thinaṃ? Yā cittassa akallatā akammaññatā olīyanā sallīyanā līnaṃ līyanā līyitattaṃ thinaṃ thiyanā thiyitattaṃ cittassa – idaṃ vuccati thinaṃ.

1243. தத்த² கதமங் உத்³த⁴ச்சங்? யங் சித்தஸ்ஸ உத்³த⁴ச்சங் அவூபஸமோ சேதஸோ விக்கே²போ ப⁴ந்தத்தங் சித்தஸ்ஸ – இத³ங் வுச்சதி உத்³த⁴ச்சங்.

1243. Tattha katamaṃ uddhaccaṃ? Yaṃ cittassa uddhaccaṃ avūpasamo cetaso vikkhepo bhantattaṃ cittassa – idaṃ vuccati uddhaccaṃ.

1244. தத்த² கதமங் அஹிரிகங்? யங் ந ஹிரீயதி ஹிரியிதப்³பே³ன, ந ஹிரீயதி பாபகானங் அகுஸலானங் த⁴ம்மானங் ஸமாபத்தியா – இத³ங் வுச்சதி அஹிரிகங்.

1244. Tattha katamaṃ ahirikaṃ? Yaṃ na hirīyati hiriyitabbena, na hirīyati pāpakānaṃ akusalānaṃ dhammānaṃ samāpattiyā – idaṃ vuccati ahirikaṃ.

1245. தத்த² கதமங் அனொத்தப்பங்? யங் ந ஒத்தப்பதி ஒத்தப்பிதப்³பே³ன, ந ஒத்தப்பதி பாபகானங் அகுஸலானங் த⁴ம்மானங் ஸமாபத்தியா – இத³ங் வுச்சதி அனொத்தப்பங்.

1245. Tattha katamaṃ anottappaṃ? Yaṃ na ottappati ottappitabbena, na ottappati pāpakānaṃ akusalānaṃ dhammānaṃ samāpattiyā – idaṃ vuccati anottappaṃ.

இமே த⁴ம்மா கிலேஸா.

Ime dhammā kilesā.

1246. கதமே த⁴ம்மா நோ கிலேஸா? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴ …பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா நோ கிலேஸா.

1246. Katame dhammā no kilesā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho …pe… viññāṇakkhandho; sabbañca rūpaṃ, asaṅkhatā ca dhātu – ime dhammā no kilesā.

1247. கதமே த⁴ம்மா ஸங்கிலேஸிகா? ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸங்கிலேஸிகா.

1247. Katame dhammā saṃkilesikā? Sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā saṃkilesikā.

1248. கதமே த⁴ம்மா அஸங்கிலேஸிகா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா அஸங்கிலேஸிகா.

1248. Katame dhammā asaṃkilesikā? Apariyāpannā maggā ca, maggaphalāni ca, asaṅkhatā ca dhātu – ime dhammā asaṃkilesikā.

1249. கதமே த⁴ம்மா ஸங்கிலிட்டா²? தீணி அகுஸலமூலானி – லோபோ⁴, தோ³ஸோ, மோஹோ; ததே³கட்டா² ச கிலேஸா, தங்ஸம்பயுத்தோ வேத³னாக்க²ந்தோ⁴…பே॰… விஞ்ஞாணக்க²ந்தோ⁴, தங்ஸமுட்டா²னங் காயகம்மங், வசீகம்மங், மனோகம்மங் – இமே த⁴ம்மா ஸங்கிலிட்டா².

1249. Katame dhammā saṃkiliṭṭhā? Tīṇi akusalamūlāni – lobho, doso, moho; tadekaṭṭhā ca kilesā, taṃsampayutto vedanākkhandho…pe… viññāṇakkhandho, taṃsamuṭṭhānaṃ kāyakammaṃ, vacīkammaṃ, manokammaṃ – ime dhammā saṃkiliṭṭhā.

1250. கதமே த⁴ம்மா அஸங்கிலிட்டா²? குஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா அஸங்கிலிட்டா².

1250. Katame dhammā asaṃkiliṭṭhā? Kusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā asaṃkiliṭṭhā.

1251. கதமே த⁴ம்மா கிலேஸஸம்பயுத்தா? தேஹி த⁴ம்மேஹி யே த⁴ம்மா ஸம்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா கிலேஸஸம்பயுத்தா.

1251. Katame dhammā kilesasampayuttā? Tehi dhammehi ye dhammā sampayuttā vedanākkhandho…pe… viññāṇakkhandho – ime dhammā kilesasampayuttā.

1252. கதமே த⁴ம்மா கிலேஸவிப்பயுத்தா? தேஹி த⁴ம்மேஹி யே த⁴ம்மா விப்பயுத்தா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ ; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா கிலேஸவிப்பயுத்தா.

1252. Katame dhammā kilesavippayuttā? Tehi dhammehi ye dhammā vippayuttā vedanākkhandho…pe… viññāṇakkhandho ; sabbañca rūpaṃ, asaṅkhatā ca dhātu – ime dhammā kilesavippayuttā.

1253. கதமே த⁴ம்மா கிலேஸா சேவ ஸங்கிலேஸிகா ச? தேவ கிலேஸா கிலேஸா சேவ ஸங்கிலேஸிகா ச.

1253. Katame dhammā kilesā ceva saṃkilesikā ca? Teva kilesā kilesā ceva saṃkilesikā ca.

1254. கதமே த⁴ம்மா ஸங்கிலேஸிகா சேவ நோ ச கிலேஸா? தேஹி த⁴ம்மேஹி யே த⁴ம்மா ஸங்கிலேஸிகா, தே த⁴ம்மே ட²பெத்வா அவஸேஸா ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸங்கிலேஸிகா சேவ நோ ச கிலேஸா.

1254. Katame dhammā saṃkilesikā ceva no ca kilesā? Tehi dhammehi ye dhammā saṃkilesikā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā saṃkilesikā ceva no ca kilesā.

1255. கதமே த⁴ம்மா கிலேஸா சேவ ஸங்கிலிட்டா² ச? தேவ கிலேஸா கிலேஸா சேவ ஸங்கிலிட்டா² ச.

1255. Katame dhammā kilesā ceva saṃkiliṭṭhā ca? Teva kilesā kilesā ceva saṃkiliṭṭhā ca.

1256. கதமே த⁴ம்மா ஸங்கிலிட்டா² சேவ நோ ச கிலேஸா? தேஹி த⁴ம்மேஹி யே த⁴ம்மா ஸங்கிலிட்டா², தே த⁴ம்மே ட²பெத்வா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸங்கிலிட்டா² சேவ நோ ச கிலேஸா.

1256. Katame dhammā saṃkiliṭṭhā ceva no ca kilesā? Tehi dhammehi ye dhammā saṃkiliṭṭhā, te dhamme ṭhapetvā vedanākkhandho…pe… viññāṇakkhandho – ime dhammā saṃkiliṭṭhā ceva no ca kilesā.

1257. கதமே த⁴ம்மா கிலேஸா சேவ கிலேஸஸம்பயுத்தா ச? லோபோ⁴ மோஹேன கிலேஸோ சேவ கிலேஸஸம்பயுத்தோ ச, மோஹோ லோபே⁴ன கிலேஸோ சேவ கிலேஸஸம்பயுத்தோ ச, தோ³ஸோ மோஹேன கிலேஸோ சேவ கிலேஸஸம்பயுத்தோ ச, மோஹோ தோ³ஸேன கிலேஸோ சேவ கிலேஸஸம்பயுத்தோ ச, மானோ மோஹேன கிலேஸோ சேவ கிலேஸஸம்பயுத்தோ ச, மோஹோ மானேன கிலேஸோ சேவ கிலேஸஸம்பயுத்தோ ச, தி³ட்டி² மோஹேன கிலேஸோ சேவ கிலேஸஸம்பயுத்தா ச, மோஹோ தி³ட்டி²யா கிலேஸோ சேவ கிலேஸஸம்பயுத்தோ ச , விசிகிச்சா² மோஹேன கிலேஸோ சேவ கிலேஸஸம்பயுத்தா ச, மோஹோ விசிகிச்சா²ய கிலேஸோ சேவ கிலேஸஸம்பயுத்தோ ச, தி²னங் மோஹேன கிலேஸோ சேவ கிலேஸஸம்பயுத்தஞ்ச, மோஹோ தி²னேன கிலேஸோ சேவ கிலேஸஸம்பயுத்தோ ச, உத்³த⁴ச்சங் மோஹேன கிலேஸோ சேவ கிலேஸஸம்பயுத்தஞ்ச, மோஹோ உத்³த⁴ச்சேன கிலேஸோ சேவ கிலேஸஸம்பயுத்தோ ச, அஹிரிகங் மோஹேன கிலேஸோ சேவ கிலேஸஸம்பயுத்தஞ்ச, மோஹோ அஹிரிகேன கிலேஸோ சேவ கிலேஸஸம்பயுத்தோ ச, அனொத்தப்பங் மோஹேன கிலேஸோ சேவ கிலேஸஸம்பயுத்தஞ்ச, மோஹோ அனொத்தப்பேன கிலேஸோ சேவ கிலேஸஸம்பயுத்தோ ச, லோபோ⁴ உத்³த⁴ச்சேன கிலேஸோ சேவ கிலேஸஸம்பயுத்தோ ச, உத்³த⁴ச்சங் லோபே⁴ன கிலேஸோ சேவ கிலேஸஸம்பயுத்தஞ்ச, தோ³ஸோ உத்³த⁴ச்சேன கிலேஸோ சேவ கிலேஸஸம்பயுத்தோ ச, உத்³த⁴ச்சங் தோ³ஸேன கிலேஸோ சேவ கிலேஸஸம்பயுத்தஞ்ச, மோஹோ உத்³த⁴ச்சேன கிலேஸோ சேவ கிலேஸஸம்பயுத்தோ ச, உத்³த⁴ச்சங் மோஹேன கிலேஸோ சேவ கிலேஸஸம்பயுத்தஞ்ச, மானோ உத்³த⁴ச்சேன கிலேஸோ சேவ கிலேஸஸம்பயுத்தோ ச, உத்³த⁴ச்சங் மானேன கிலேஸோ சேவ கிலேஸஸம்பயுத்தஞ்ச, தி³ட்டி² உத்³த⁴ச்சேன கிலேஸோ சேவ கிலேஸஸம்பயுத்தா ச, உத்³த⁴ச்சங் தி³ட்டி²யா கிலேஸோ சேவ கிலேஸஸம்பயுத்தஞ்ச, விசிகிச்சா² உத்³த⁴ச்சேன கிலேஸோ சேவ கிலேஸஸம்பயுத்தா ச, உத்³த⁴ச்சங் விசிகிச்சா²ய கிலேஸோ சேவ கிலேஸஸம்பயுத்தஞ்ச, தி²னங் உத்³த⁴ச்சேன கிலேஸோ சேவ கிலேஸஸம்பயுத்தஞ்ச, உத்³த⁴ச்சங் தி²னேன கிலேஸோ சேவ கிலேஸஸம்பயுத்தஞ்ச, அஹிரிகங் உத்³த⁴ச்சேன கிலேஸோ சேவ கிலேஸஸம்பயுத்தஞ்ச, உத்³த⁴ச்சங் அஹிரிகேன கிலேஸோ சேவ கிலேஸஸம்பயுத்தஞ்ச, அனொத்தப்பங் உத்³த⁴ச்சேன கிலேஸோ சேவ கிலேஸஸம்பயுத்தஞ்ச, உத்³த⁴ச்சங் அனொத்தப்பேன கிலேஸோ சேவ கிலேஸஸம்பயுத்தஞ்ச, லோபோ⁴ அஹிரிகேன கிலேஸோ சேவ கிலேஸஸம்பயுத்தோ ச, அஹிரிகங் லோபே⁴ன கிலேஸோ சேவ கிலேஸஸம்பயுத்தஞ்ச, தோ³ஸோ அஹிரிகேன கிலேஸோ சேவ கிலேஸஸம்பயுத்தோ ச, அஹிரிகங் தோ³ஸேன கிலேஸோ சேவ கிலேஸஸம்பயுத்தஞ்ச, மோஹோ அஹிரிகேன கிலேஸோ சேவ கிலேஸஸம்பயுத்தோ ச, அஹிரிகங் மோஹேன கிலேஸோ சேவ கிலேஸஸம்பயுத்தஞ்ச, மானோ அஹிரிகேன கிலேஸோ சேவ கிலேஸஸம்பயுத்தோ ச , அஹிரிகங் மானேன கிலேஸோ சேவ கிலேஸஸம்பயுத்தஞ்ச, தி³ட்டி² அஹிரிகேன கிலேஸோ சேவ கிலேஸஸம்பயுத்தா ச, அஹிரிகங் தி³ட்டி²யா கிலேஸோ சேவ கிலேஸஸம்பயுத்தஞ்ச, விசிகிச்சா² அஹிரிகேன கிலேஸோ சேவ கிலேஸஸம்பயுத்தா ச, அஹிரிகங் விசிகிச்சா²ய கிலேஸோ சேவ கிலேஸஸம்பயுத்தஞ்ச, தி²னங் அஹிரிகேன கிலேஸோ சேவ கிலேஸஸம்பயுத்தஞ்ச, அஹிரிகங் தி²னேன கிலேஸோ சேவ கிலேஸஸம்பயுத்தஞ்ச, உத்³த⁴ச்சங் அஹிரிகேன கிலேஸோ சேவ கிலேஸஸம்பயுத்தஞ்ச, அஹிரிகங் உத்³த⁴ச்சேன கிலேஸோ சேவ கிலேஸஸம்பயுத்தஞ்ச, அனொத்தப்பங் அஹிரிகேன கிலேஸோ சேவ கிலேஸஸம்பயுத்தஞ்ச, அஹிரிகங் அனொத்தப்பேன கிலேஸோ சேவ கிலேஸஸம்பயுத்தஞ்ச, லோபோ⁴ அனொத்தப்பேன கிலேஸோ சேவ கிலேஸஸம்பயுத்தோ ச, அனொத்தப்பங் லோபே⁴ன கிலேஸோ சேவ கிலேஸஸம்பயுத்தஞ்ச , தோ³ஸோ அனொத்தப்பேன கிலேஸோ சேவ கிலேஸஸம்பயுத்தோ ச, அனொத்தப்பங் தோ³ஸேன கிலேஸோ சேவ கிலேஸஸம்பயுத்தஞ்ச, மோஹோ அனொத்தப்பேன கிலேஸோ சேவ கிலேஸஸம்பயுத்தோ ச, அனொத்தப்பங் மோஹேன கிலேஸோ சேவ கிலேஸஸம்பயுத்தஞ்ச, மானோ அனொத்தப்பேன கிலேஸோ சேவ கிலேஸஸம்பயுத்தோ ச, அனொத்தப்பங் மானேன கிலேஸோ சேவ கிலேஸஸம்பயுத்தஞ்ச, தி³ட்டி² அனொத்தப்பேன கிலேஸோ சேவ கிலேஸஸம்பயுத்தா ச, அனொத்தப்பங் தி³ட்டி²யா கிலேஸோ சேவ கிலேஸஸம்பயுத்தஞ்ச, விசிகிச்சா² அனொத்தப்பேன கிலேஸோ சேவ கிலேஸஸம்பயுத்தா ச, அனொத்தப்பங் விசிகிச்சா²ய கிலேஸோ சேவ கிலேஸஸம்பயுத்தஞ்ச, தி²னங் அனொத்தப்பேன கிலேஸோ சேவ கிலேஸஸம்பயுத்தஞ்ச, அனொத்தப்பங் தி²னேன கிலேஸோ சேவ கிலேஸஸம்பயுத்தஞ்ச, உத்³த⁴ச்சங் அனொத்தப்பேன கிலேஸோ சேவ கிலேஸஸம்பயுத்தஞ்ச, அனொத்தப்பங் உத்³த⁴ச்சேன கிலேஸோ சேவ கிலேஸஸம்பயுத்தஞ்ச, அஹிரிகங் அனொத்தப்பேன கிலேஸோ சேவ கிலேஸஸம்பயுத்தஞ்ச, அனொத்தப்பங் அஹிரிகேன கிலேஸோ சேவ கிலேஸஸம்பயுத்தஞ்ச – இமே த⁴ம்மா கிலேஸா சேவ கிலேஸஸம்பயுத்தா ச.

1257. Katame dhammā kilesā ceva kilesasampayuttā ca? Lobho mohena kileso ceva kilesasampayutto ca, moho lobhena kileso ceva kilesasampayutto ca, doso mohena kileso ceva kilesasampayutto ca, moho dosena kileso ceva kilesasampayutto ca, māno mohena kileso ceva kilesasampayutto ca, moho mānena kileso ceva kilesasampayutto ca, diṭṭhi mohena kileso ceva kilesasampayuttā ca, moho diṭṭhiyā kileso ceva kilesasampayutto ca , vicikicchā mohena kileso ceva kilesasampayuttā ca, moho vicikicchāya kileso ceva kilesasampayutto ca, thinaṃ mohena kileso ceva kilesasampayuttañca, moho thinena kileso ceva kilesasampayutto ca, uddhaccaṃ mohena kileso ceva kilesasampayuttañca, moho uddhaccena kileso ceva kilesasampayutto ca, ahirikaṃ mohena kileso ceva kilesasampayuttañca, moho ahirikena kileso ceva kilesasampayutto ca, anottappaṃ mohena kileso ceva kilesasampayuttañca, moho anottappena kileso ceva kilesasampayutto ca, lobho uddhaccena kileso ceva kilesasampayutto ca, uddhaccaṃ lobhena kileso ceva kilesasampayuttañca, doso uddhaccena kileso ceva kilesasampayutto ca, uddhaccaṃ dosena kileso ceva kilesasampayuttañca, moho uddhaccena kileso ceva kilesasampayutto ca, uddhaccaṃ mohena kileso ceva kilesasampayuttañca, māno uddhaccena kileso ceva kilesasampayutto ca, uddhaccaṃ mānena kileso ceva kilesasampayuttañca, diṭṭhi uddhaccena kileso ceva kilesasampayuttā ca, uddhaccaṃ diṭṭhiyā kileso ceva kilesasampayuttañca, vicikicchā uddhaccena kileso ceva kilesasampayuttā ca, uddhaccaṃ vicikicchāya kileso ceva kilesasampayuttañca, thinaṃ uddhaccena kileso ceva kilesasampayuttañca, uddhaccaṃ thinena kileso ceva kilesasampayuttañca, ahirikaṃ uddhaccena kileso ceva kilesasampayuttañca, uddhaccaṃ ahirikena kileso ceva kilesasampayuttañca, anottappaṃ uddhaccena kileso ceva kilesasampayuttañca, uddhaccaṃ anottappena kileso ceva kilesasampayuttañca, lobho ahirikena kileso ceva kilesasampayutto ca, ahirikaṃ lobhena kileso ceva kilesasampayuttañca, doso ahirikena kileso ceva kilesasampayutto ca, ahirikaṃ dosena kileso ceva kilesasampayuttañca, moho ahirikena kileso ceva kilesasampayutto ca, ahirikaṃ mohena kileso ceva kilesasampayuttañca, māno ahirikena kileso ceva kilesasampayutto ca , ahirikaṃ mānena kileso ceva kilesasampayuttañca, diṭṭhi ahirikena kileso ceva kilesasampayuttā ca, ahirikaṃ diṭṭhiyā kileso ceva kilesasampayuttañca, vicikicchā ahirikena kileso ceva kilesasampayuttā ca, ahirikaṃ vicikicchāya kileso ceva kilesasampayuttañca, thinaṃ ahirikena kileso ceva kilesasampayuttañca, ahirikaṃ thinena kileso ceva kilesasampayuttañca, uddhaccaṃ ahirikena kileso ceva kilesasampayuttañca, ahirikaṃ uddhaccena kileso ceva kilesasampayuttañca, anottappaṃ ahirikena kileso ceva kilesasampayuttañca, ahirikaṃ anottappena kileso ceva kilesasampayuttañca, lobho anottappena kileso ceva kilesasampayutto ca, anottappaṃ lobhena kileso ceva kilesasampayuttañca , doso anottappena kileso ceva kilesasampayutto ca, anottappaṃ dosena kileso ceva kilesasampayuttañca, moho anottappena kileso ceva kilesasampayutto ca, anottappaṃ mohena kileso ceva kilesasampayuttañca, māno anottappena kileso ceva kilesasampayutto ca, anottappaṃ mānena kileso ceva kilesasampayuttañca, diṭṭhi anottappena kileso ceva kilesasampayuttā ca, anottappaṃ diṭṭhiyā kileso ceva kilesasampayuttañca, vicikicchā anottappena kileso ceva kilesasampayuttā ca, anottappaṃ vicikicchāya kileso ceva kilesasampayuttañca, thinaṃ anottappena kileso ceva kilesasampayuttañca, anottappaṃ thinena kileso ceva kilesasampayuttañca, uddhaccaṃ anottappena kileso ceva kilesasampayuttañca, anottappaṃ uddhaccena kileso ceva kilesasampayuttañca, ahirikaṃ anottappena kileso ceva kilesasampayuttañca, anottappaṃ ahirikena kileso ceva kilesasampayuttañca – ime dhammā kilesā ceva kilesasampayuttā ca.

1258. கதமே த⁴ம்மா கிலேஸஸம்பயுத்தா சேவ நோ ச கிலேஸா? தேஹி த⁴ம்மேஹி யே த⁴ம்மா ஸம்பயுத்தா தே த⁴ம்மே ட²பெத்வா வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா கிலேஸஸம்பயுத்தா சேவ நோ ச கிலேஸா.

1258. Katame dhammā kilesasampayuttā ceva no ca kilesā? Tehi dhammehi ye dhammā sampayuttā te dhamme ṭhapetvā vedanākkhandho…pe… viññāṇakkhandho – ime dhammā kilesasampayuttā ceva no ca kilesā.

1259. கதமே த⁴ம்மா கிலேஸவிப்பயுத்தா ஸங்கிலேஸிகா? தேஹி த⁴ம்மேஹி யே த⁴ம்மா விப்பயுத்தா ஸாஸவா குஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா கிலேஸவிப்பயுத்தா ஸங்கிலேஸிகா.

1259. Katame dhammā kilesavippayuttā saṃkilesikā? Tehi dhammehi ye dhammā vippayuttā sāsavā kusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā kilesavippayuttā saṃkilesikā.

1260. கதமே த⁴ம்மா கிலேஸவிப்பயுத்தா அஸங்கிலேஸிகா ? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா கிலேஸவிப்பயுத்தா அஸங்கிலேஸிகா.

1260. Katame dhammā kilesavippayuttā asaṃkilesikā ? Apariyāpannā maggā ca, maggaphalāni ca, asaṅkhatā ca dhātu – ime dhammā kilesavippayuttā asaṃkilesikā.

பிட்டி²து³கங்

Piṭṭhidukaṃ

1261. கதமே த⁴ம்மா த³ஸ்ஸனேன பஹாதப்³பா³? தீணி ஸங்யோஜனானி – ஸக்காயதி³ட்டி², விசிகிச்சா², ஸீலப்³ப³தபராமாஸோ.

1261. Katame dhammā dassanena pahātabbā? Tīṇi saṃyojanāni – sakkāyadiṭṭhi, vicikicchā, sīlabbataparāmāso.

1262. தத்த² கதமா ஸக்காயதி³ட்டி²? இத⁴ அஸ்ஸுதவா புது²ஜ்ஜனோ அரியானங் அத³ஸ்ஸாவீ அரியத⁴ம்மஸ்ஸ அகோவிதோ³ அரியத⁴ம்மே அவினீதோ ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³ ஸப்புரிஸத⁴ம்மே அவினீதோ ரூபங் அத்ததோ ஸமனுபஸ்ஸதி, ரூபவந்தங் வா அத்தானங், அத்தனி வா ரூபங், ரூபஸ்மிங் வா அத்தானங். வேத³னங்…பே॰… ஸஞ்ஞங்…பே॰… ஸங்கா²ரே…பே॰… விஞ்ஞாணங் அத்ததோ ஸமனுபஸ்ஸதி, விஞ்ஞாணவந்தங் வா அத்தானங், அத்தனி வா விஞ்ஞாணங், விஞ்ஞாணஸ்மிங் வா அத்தானங். யா ஏவரூபா தி³ட்டி² தி³ட்டி²க³தங்…பே॰… விபரியாஸக்³கா³ஹோ – அயங் வுச்சதி ஸக்காயதி³ட்டி².

1262. Tattha katamā sakkāyadiṭṭhi? Idha assutavā puthujjano ariyānaṃ adassāvī ariyadhammassa akovido ariyadhamme avinīto sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati, rūpavantaṃ vā attānaṃ, attani vā rūpaṃ, rūpasmiṃ vā attānaṃ. Vedanaṃ…pe… saññaṃ…pe… saṅkhāre…pe… viññāṇaṃ attato samanupassati, viññāṇavantaṃ vā attānaṃ, attani vā viññāṇaṃ, viññāṇasmiṃ vā attānaṃ. Yā evarūpā diṭṭhi diṭṭhigataṃ…pe… vipariyāsaggāho – ayaṃ vuccati sakkāyadiṭṭhi.

1263. தத்த² கதமா விசிகிச்சா²? ஸத்த²ரி கங்க²தி விசிகிச்ச²தி…பே॰… த²ம்பி⁴தத்தங் சித்தஸ்ஸ மனோவிலேகோ² – அயங் வுச்சதி விசிகிச்சா².

1263. Tattha katamā vicikicchā? Satthari kaṅkhati vicikicchati…pe… thambhitattaṃ cittassa manovilekho – ayaṃ vuccati vicikicchā.

1264. தத்த² கதமோ ஸீலப்³ப³தபராமாஸோ? இதோ ப³ஹித்³தா⁴ ஸமணப்³ராஹ்மணானங் ஸீலேன ஸுத்³தி⁴ வதேன ஸுத்³தி⁴ ஸீலப்³ப³தேன ஸுத்³தீ⁴தி – யா ஏவரூபா தி³ட்டி² தி³ட்டி²க³தங்…பே॰… விபரியாஸக்³கா³ஹோ – அயங் வுச்சதி ஸீலப்³ப³தபராமாஸோ. இமானி தீணி ஸங்யோஜனானி, ததே³கட்டா² ச கிலேஸா, தங்ஸம்பயுத்தோ வேத³னாக்க²ந்தோ⁴…பே॰… விஞ்ஞாணக்க²ந்தோ⁴, தங்ஸமுட்டா²னங் காயகம்மங் வசீகம்மங் மனோகம்மங் – இமே த⁴ம்மா த³ஸ்ஸனேன பஹாதப்³பா³.

1264. Tattha katamo sīlabbataparāmāso? Ito bahiddhā samaṇabrāhmaṇānaṃ sīlena suddhi vatena suddhi sīlabbatena suddhīti – yā evarūpā diṭṭhi diṭṭhigataṃ…pe… vipariyāsaggāho – ayaṃ vuccati sīlabbataparāmāso. Imāni tīṇi saṃyojanāni, tadekaṭṭhā ca kilesā, taṃsampayutto vedanākkhandho…pe… viññāṇakkhandho, taṃsamuṭṭhānaṃ kāyakammaṃ vacīkammaṃ manokammaṃ – ime dhammā dassanena pahātabbā.

1265. கதமே த⁴ம்மா ந த³ஸ்ஸனேன பஹாதப்³பா³? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ந த³ஸ்ஸனேன பஹாதப்³பா³.

1265. Katame dhammā na dassanena pahātabbā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho, sabbañca rūpaṃ, asaṅkhatā ca dhātu – ime dhammā na dassanena pahātabbā.

1266. கதமே த⁴ம்மா பா⁴வனாய பஹாதப்³பா³? அவஸேஸோ லோபோ⁴ தோ³ஸோ மோஹோ, ததே³கட்டா² ச கிலேஸா, தங்ஸம்பயுத்தோ வேத³னாக்க²ந்தோ⁴…பே॰… விஞ்ஞாணக்க²ந்தோ⁴, தங்ஸமுட்டா²னங் காயகம்மங், வசீகம்மங் மனோகம்மங் – இமே த⁴ம்மா பா⁴வனாய பஹாதப்³பா³.

1266. Katame dhammā bhāvanāya pahātabbā? Avaseso lobho doso moho, tadekaṭṭhā ca kilesā, taṃsampayutto vedanākkhandho…pe… viññāṇakkhandho, taṃsamuṭṭhānaṃ kāyakammaṃ, vacīkammaṃ manokammaṃ – ime dhammā bhāvanāya pahātabbā.

1267. கதமே த⁴ம்மா ந பா⁴வனாய பஹாதப்³பா³? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴ …பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ந பா⁴வனாய பஹாதப்³பா³.

1267. Katame dhammā na bhāvanāya pahātabbā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho …pe… viññāṇakkhandho; sabbañca rūpaṃ, asaṅkhatā ca dhātu – ime dhammā na bhāvanāya pahātabbā.

1268. கதமே த⁴ம்மா த³ஸ்ஸனேன பஹாதப்³ப³ஹேதுகா? தீணி ஸங்யோஜனானி – ஸக்காயதி³ட்டி², விசிகிச்சா², ஸீலப்³ப³தபராமாஸோ.

1268. Katame dhammā dassanena pahātabbahetukā? Tīṇi saṃyojanāni – sakkāyadiṭṭhi, vicikicchā, sīlabbataparāmāso.

1269. தத்த² கதமா ஸக்காயதி³ட்டி²? இத⁴ அஸ்ஸுதவா புது²ஜ்ஜனோ அரியானங் அத³ஸ்ஸாவீ அரியத⁴ம்மஸ்ஸ அகோவிதோ³ அரியத⁴ம்மே அவினீதோ ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³ ஸப்புரிஸத⁴ம்மே அவினீதோ ரூபங் அத்ததோ ஸமனுபஸ்ஸதி, ரூபவந்தங் வா அத்தானங், அத்தனி வா ரூபங், ரூபஸ்மிங் வா அத்தானங். வேத³னங்…பே॰… ஸஞ்ஞங்…பே॰… ஸங்கா²ரே…பே॰… விஞ்ஞாணங் அத்ததோ ஸமனுபஸ்ஸதி, விஞ்ஞாணவந்தங் வா அத்தானங், அத்தனி வா விஞ்ஞாணங், விஞ்ஞாணஸ்மிங் வா அத்தானங். யா ஏவரூபா தி³ட்டி² தி³ட்டி²க³தங்…பே॰… விபரியாஸக்³கா³ஹோ – அயங் வுச்சதி ஸக்காயதி³ட்டி².

1269. Tattha katamā sakkāyadiṭṭhi? Idha assutavā puthujjano ariyānaṃ adassāvī ariyadhammassa akovido ariyadhamme avinīto sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati, rūpavantaṃ vā attānaṃ, attani vā rūpaṃ, rūpasmiṃ vā attānaṃ. Vedanaṃ…pe… saññaṃ…pe… saṅkhāre…pe… viññāṇaṃ attato samanupassati, viññāṇavantaṃ vā attānaṃ, attani vā viññāṇaṃ, viññāṇasmiṃ vā attānaṃ. Yā evarūpā diṭṭhi diṭṭhigataṃ…pe… vipariyāsaggāho – ayaṃ vuccati sakkāyadiṭṭhi.

1270. தத்த² கதமா விசிகிச்சா²? ஸத்த²ரி கங்க²தி விசிகிச்ச²தி…பே॰… த²ம்பி⁴தத்தங் சித்தஸ்ஸ மனோவிலேகோ² – அயங் வுச்சதி விசிகிச்சா².

1270. Tattha katamā vicikicchā? Satthari kaṅkhati vicikicchati…pe… thambhitattaṃ cittassa manovilekho – ayaṃ vuccati vicikicchā.

1271. தத்த² கதமோ ஸீலப்³ப³தபராமாஸோ? இதோ ப³ஹித்³தா⁴ ஸமணப்³ராஹ்மணானங் ஸீலேன ஸுத்³தி⁴ வதேன ஸுத்³தி⁴ ஸீலப்³ப³தேன ஸுத்³தீ⁴தி – யா ஏவரூபா தி³ட்டி² தி³ட்டி²க³தங்…பே॰… விபரியாஸக்³கா³ஹோ – அயங் வுச்சதி ஸீலப்³ப³தபராமாஸோ. இமானி தீணி ஸங்யோஜனானி, ததே³கட்டா² ச கிலேஸா, தங்ஸம்பயுத்தோ வேத³னாக்க²ந்தோ⁴…பே॰… விஞ்ஞாணக்க²ந்தோ⁴, தங்ஸமுட்டா²னங் காயகம்மங், வசீகம்மங், மனோகம்மங் – இமே த⁴ம்மா த³ஸ்ஸனேன பஹாதப்³ப³ஹேதுகா. தீணி ஸங்யோஜனானி – ஸக்காயதி³ட்டி², விசிகிச்சா², ஸீலப்³ப³தபராமாஸோ – இமே த⁴ம்மா த³ஸ்ஸனேன பஹாதப்³பா³. ததே³கட்டோ² லோபோ⁴ தோ³ஸோ மோஹோ – இமே த⁴ம்மா த³ஸ்ஸனேன பஹாதப்³ப³ஹேதூ. ததே³கட்டா² ச கிலேஸா, தங்ஸம்பயுத்தோ வேத³னாக்க²ந்தோ⁴…பே॰… விஞ்ஞாணக்க²ந்தோ⁴, தங்ஸமுட்டா²னங் காயகம்மங், வசீகம்மங், மனோகம்மங் – இமே த⁴ம்மா த³ஸ்ஸனேன பஹாதப்³ப³ஹேதுகா.

1271. Tattha katamo sīlabbataparāmāso? Ito bahiddhā samaṇabrāhmaṇānaṃ sīlena suddhi vatena suddhi sīlabbatena suddhīti – yā evarūpā diṭṭhi diṭṭhigataṃ…pe… vipariyāsaggāho – ayaṃ vuccati sīlabbataparāmāso. Imāni tīṇi saṃyojanāni, tadekaṭṭhā ca kilesā, taṃsampayutto vedanākkhandho…pe… viññāṇakkhandho, taṃsamuṭṭhānaṃ kāyakammaṃ, vacīkammaṃ, manokammaṃ – ime dhammā dassanena pahātabbahetukā. Tīṇi saṃyojanāni – sakkāyadiṭṭhi, vicikicchā, sīlabbataparāmāso – ime dhammā dassanena pahātabbā. Tadekaṭṭho lobho doso moho – ime dhammā dassanena pahātabbahetū. Tadekaṭṭhā ca kilesā, taṃsampayutto vedanākkhandho…pe… viññāṇakkhandho, taṃsamuṭṭhānaṃ kāyakammaṃ, vacīkammaṃ, manokammaṃ – ime dhammā dassanena pahātabbahetukā.

1272. கதமே த⁴ம்மா ந த³ஸ்ஸனேன பஹாதப்³ப³ஹேதுகா? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா , ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ந த³ஸ்ஸனேன பஹாதப்³ப³ஹேதுகா.

1272. Katame dhammā na dassanena pahātabbahetukā? Te dhamme ṭhapetvā avasesā kusalākusalābyākatā dhammā kāmāvacarā , rūpāvacarā, arūpāvacarā, apariyāpannā; vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā na dassanena pahātabbahetukā.

1273. கதமே த⁴ம்மா பா⁴வனாய பஹாதப்³ப³ஹேதுகா? அவஸேஸோ லோபோ⁴ தோ³ஸோ மோஹோ – இமே த⁴ம்மா பா⁴வனாய பஹாதப்³ப³ஹேதூ. ததே³கட்டா² ச கிலேஸா, தங்ஸம்பயுத்தோ வேத³னாக்க²ந்தோ⁴…பே॰… விஞ்ஞாணக்க²ந்தோ⁴, தங்ஸமுட்டா²னங் காயகம்மங், வசீகம்மங், மனோகம்மங் – இமே த⁴ம்மா பா⁴வனாய பஹாதப்³ப³ஹேதுகா.

1273. Katame dhammā bhāvanāya pahātabbahetukā? Avaseso lobho doso moho – ime dhammā bhāvanāya pahātabbahetū. Tadekaṭṭhā ca kilesā, taṃsampayutto vedanākkhandho…pe… viññāṇakkhandho, taṃsamuṭṭhānaṃ kāyakammaṃ, vacīkammaṃ, manokammaṃ – ime dhammā bhāvanāya pahātabbahetukā.

1274. கதமே த⁴ம்மா ந பா⁴வனாய பஹாதப்³ப³ஹேதுகா? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ந பா⁴வனாய பஹாதப்³ப³ஹேதுகா.

1274. Katame dhammā na bhāvanāya pahātabbahetukā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho; sabbañca rūpaṃ, asaṅkhatā ca dhātu – ime dhammā na bhāvanāya pahātabbahetukā.

1275. கதமே த⁴ம்மா ஸவிதக்கா? ஸவிதக்கபூ⁴மியங் காமாவசரே ரூபாவசரே அபரியாபன்னே, விதக்கங் ட²பெத்வா, தங்ஸம்பயுத்தோ வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸவிதக்கா.

1275. Katame dhammā savitakkā? Savitakkabhūmiyaṃ kāmāvacare rūpāvacare apariyāpanne, vitakkaṃ ṭhapetvā, taṃsampayutto vedanākkhandho…pe… viññāṇakkhandho – ime dhammā savitakkā.

1276. கதமே த⁴ம்மா அவிதக்கா? அவிதக்கபூ⁴மியங் காமாவசரே ரூபாவசரே அரூபாவசரே அபரியாபன்னே; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; விதக்கோ ச, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா அவிதக்கா.

1276. Katame dhammā avitakkā? Avitakkabhūmiyaṃ kāmāvacare rūpāvacare arūpāvacare apariyāpanne; vedanākkhandho…pe… viññāṇakkhandho; vitakko ca, sabbañca rūpaṃ, asaṅkhatā ca dhātu – ime dhammā avitakkā.

1277. கதமே த⁴ம்மா ஸவிசாரா? ஸவிசாரபூ⁴மியங் காமாவசரே ரூபாவசரே அபரியாபன்னே, விசாரங் ட²பெத்வா, தங்ஸம்பயுத்தோ வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே த⁴ம்மா ஸவிசாரா.

1277. Katame dhammā savicārā? Savicārabhūmiyaṃ kāmāvacare rūpāvacare apariyāpanne, vicāraṃ ṭhapetvā, taṃsampayutto vedanākkhandho, saññākkhandho, saṅkhārakkhandho, viññāṇakkhandho – ime dhammā savicārā.

1278. கதமே த⁴ம்மா அவிசாரா? அவிசாரபூ⁴மியங் காமாவசரே ரூபாவசரே அரூபாவசரே அபரியாபன்னே; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; விசாரோ ச, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா அவிசாரா.

1278. Katame dhammā avicārā? Avicārabhūmiyaṃ kāmāvacare rūpāvacare arūpāvacare apariyāpanne; vedanākkhandho…pe… viññāṇakkhandho; vicāro ca, sabbañca rūpaṃ, asaṅkhatā ca dhātu – ime dhammā avicārā.

1279. கதமே த⁴ம்மா ஸப்பீதிகா? ஸப்பீதிகபூ⁴மியங் காமாவசரே ரூபாவசரே அபரியாபன்னே , பீதிங் ட²பெத்வா, தங்ஸம்பயுத்தோ வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸப்பீதிகா.

1279. Katame dhammā sappītikā? Sappītikabhūmiyaṃ kāmāvacare rūpāvacare apariyāpanne , pītiṃ ṭhapetvā, taṃsampayutto vedanākkhandho…pe… viññāṇakkhandho – ime dhammā sappītikā.

1280. கதமே த⁴ம்மா அப்பீதிகா? அப்பீதிகபூ⁴மியங் காமாவசரே ரூபாவசரே அரூபாவசரே அபரியாபன்னே; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; பீதி ச, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா அப்பீதிகா.

1280. Katame dhammā appītikā? Appītikabhūmiyaṃ kāmāvacare rūpāvacare arūpāvacare apariyāpanne; vedanākkhandho…pe… viññāṇakkhandho; pīti ca, sabbañca rūpaṃ, asaṅkhatā ca dhātu – ime dhammā appītikā.

1281. கதமே த⁴ம்மா பீதிஸஹக³தா? பீதிபூ⁴மியங் காமாவசரே ரூபாவசரே அபரியாபன்னே, பீதிங் ட²பெத்வா, தங்ஸம்பயுத்தோ வேத³னாக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா பீதிஸஹக³தா.

1281. Katame dhammā pītisahagatā? Pītibhūmiyaṃ kāmāvacare rūpāvacare apariyāpanne, pītiṃ ṭhapetvā, taṃsampayutto vedanākkhandho…pe… viññāṇakkhandho – ime dhammā pītisahagatā.

1282. கதமே த⁴ம்மா ந பீதிஸஹக³தா? ந பீதிபூ⁴மியங் காமாவசரே ரூபாவசரே அரூபாவசரே அபரியாபன்னே; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; பீதி ச, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ந பீதிஸஹக³தா.

1282. Katame dhammā na pītisahagatā? Na pītibhūmiyaṃ kāmāvacare rūpāvacare arūpāvacare apariyāpanne; vedanākkhandho…pe… viññāṇakkhandho; pīti ca, sabbañca rūpaṃ, asaṅkhatā ca dhātu – ime dhammā na pītisahagatā.

1283. கதமே த⁴ம்மா ஸுக²ஸஹக³தா? ஸுக²பூ⁴மியங் காமாவசரே ரூபாவசரே அபரியாபன்னே, ஸுக²ங் ட²பெத்வா, தங்ஸம்பயுத்தோ ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே த⁴ம்மா ஸுக²ஸஹக³தா.

1283. Katame dhammā sukhasahagatā? Sukhabhūmiyaṃ kāmāvacare rūpāvacare apariyāpanne, sukhaṃ ṭhapetvā, taṃsampayutto saññākkhandho, saṅkhārakkhandho, viññāṇakkhandho – ime dhammā sukhasahagatā.

1284. கதமே த⁴ம்மா ந ஸுக²ஸஹக³தா? ந ஸுக²பூ⁴மியங் காமாவசரே ரூபாவசரே அரூபாவசரே அபரியாபன்னே; வேத³னாக்க²ந்தோ⁴…பே॰… விஞ்ஞாணக்க²ந்தோ⁴; ஸுக²ஞ்ச, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ந ஸுக²ஸஹக³தா.

1284. Katame dhammā na sukhasahagatā? Na sukhabhūmiyaṃ kāmāvacare rūpāvacare arūpāvacare apariyāpanne; vedanākkhandho…pe… viññāṇakkhandho; sukhañca, sabbañca rūpaṃ, asaṅkhatā ca dhātu – ime dhammā na sukhasahagatā.

1285. கதமே த⁴ம்மா உபெக்கா²ஸஹக³தா? உபெக்கா²பூ⁴மியங் காமாவசரே ரூபாவசரே அரூபாவசரே அபரியாபன்னே, உபெக்க²ங் ட²பெத்வா, தங்ஸம்பயுத்தோ ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴ – இமே த⁴ம்மா உபெக்கா²ஸஹக³தா.

1285. Katame dhammā upekkhāsahagatā? Upekkhābhūmiyaṃ kāmāvacare rūpāvacare arūpāvacare apariyāpanne, upekkhaṃ ṭhapetvā, taṃsampayutto saññākkhandho, saṅkhārakkhandho, viññāṇakkhandho – ime dhammā upekkhāsahagatā.

1286. கதமே த⁴ம்மா ந உபெக்கா²ஸஹக³தா? ந உபெக்கா²பூ⁴மியங் காமாவசரே ரூபாவசரே அபரியாபன்னே, வேத³னாக்க²ந்தோ⁴…பே॰… விஞ்ஞாணக்க²ந்தோ⁴, உபெக்கா² ச, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா ந உபெக்கா²ஸஹக³தா.

1286. Katame dhammā na upekkhāsahagatā? Na upekkhābhūmiyaṃ kāmāvacare rūpāvacare apariyāpanne, vedanākkhandho…pe… viññāṇakkhandho, upekkhā ca, sabbañca rūpaṃ, asaṅkhatā ca dhātu – ime dhammā na upekkhāsahagatā.

1287. கதமே த⁴ம்மா காமாவசரா? ஹெட்ட²தோ அவிசினிரயங் பரியந்தங் கரித்வா, உபரிதோ பரனிம்மிதவஸவத்தீ தே³வே ²³ அந்தோ கரித்வா, யங் ஏதஸ்மிங் அந்தரே எத்தா²வசரா எத்த² பரியாபன்னா க²ந்த⁴தா⁴து ஆயதனா, ரூபங் வேத³னா ஸஞ்ஞா ஸங்கா²ரா விஞ்ஞாணங் – இமே த⁴ம்மா காமாவசரா.

1287. Katame dhammā kāmāvacarā? Heṭṭhato avicinirayaṃ pariyantaṃ karitvā, uparito paranimmitavasavattī deve ²⁴ anto karitvā, yaṃ etasmiṃ antare etthāvacarā ettha pariyāpannā khandhadhātu āyatanā, rūpaṃ vedanā saññā saṅkhārā viññāṇaṃ – ime dhammā kāmāvacarā.

1288. கதமே த⁴ம்மா ந காமாவசரா? ரூபாவசரா, அரூபாவசரா, அபரியாபன்னா – இமே த⁴ம்மா ந காமாவசரா.

1288. Katame dhammā na kāmāvacarā? Rūpāvacarā, arūpāvacarā, apariyāpannā – ime dhammā na kāmāvacarā.

1289. கதமே த⁴ம்மா ரூபாவசரா? ஹெட்ட²தோ ப்³ரஹ்மலோகங் பரியந்தங் கரித்வா, உபரிதோ அகனிட்டே² தே³வே ²⁵ அந்தோ கரித்வா, யங் ஏதஸ்மிங் அந்தரே எத்தா²வசரா எத்த² பரியாபன்னா ஸமாபன்னஸ்ஸ வா உபபன்னஸ்ஸ வா தி³ட்ட²த⁴ம்மஸுக²விஹாரிஸ்ஸ ²⁶ வா சித்தசேதஸிகா த⁴ம்மா – இமே த⁴ம்மா ரூபாவசரா .

1289. Katame dhammā rūpāvacarā? Heṭṭhato brahmalokaṃ pariyantaṃ karitvā, uparito akaniṭṭhe deve ²⁷ anto karitvā, yaṃ etasmiṃ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa ²⁸ vā cittacetasikā dhammā – ime dhammā rūpāvacarā .

1290. கதமே த⁴ம்மா ந ரூபாவசரா? காமாவசரா, அரூபாவசரா, அபரியாபன்னா – இமே த⁴ம்மா ந ரூபாவசரா.

1290. Katame dhammā na rūpāvacarā? Kāmāvacarā, arūpāvacarā, apariyāpannā – ime dhammā na rūpāvacarā.

1291. கதமே த⁴ம்மா அரூபாவசரா? ஹெட்ட²தோ ஆகாஸானஞ்சாயதனுபகே³ தே³வே பரியந்தங் கரித்வா, உபரிதோ நேவஸஞ்ஞானாஸஞ்ஞாயதனுபகே³ தே³வே அந்தோ கரித்வா, யங் ஏதஸ்மிங் அந்தரே எத்தா²வசரா எத்த² பரியாபன்னா ஸமாபன்னஸ்ஸ வா உபபன்னஸ்ஸ வா தி³ட்ட²த⁴ம்மஸுக²விஹாரிஸ்ஸ வா சித்தசேதஸிகா த⁴ம்மா – இமே த⁴ம்மா அரூபாவசரா.

1291. Katame dhammā arūpāvacarā? Heṭṭhato ākāsānañcāyatanupage deve pariyantaṃ karitvā, uparito nevasaññānāsaññāyatanupage deve anto karitvā, yaṃ etasmiṃ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā – ime dhammā arūpāvacarā.

1292. கதமே த⁴ம்மா ந அரூபாவசரா? காமாவசரா, ரூபாவசரா, அபரியாபன்னா – இமே த⁴ம்மா ந அரூபாவசரா.

1292. Katame dhammā na arūpāvacarā? Kāmāvacarā, rūpāvacarā, apariyāpannā – ime dhammā na arūpāvacarā.

1293. கதமே த⁴ம்மா பரியாபன்னா? ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா பரியாபன்னா.

1293. Katame dhammā pariyāpannā? Sāsavā kusalākusalābyākatā dhammā kāmāvacarā, rūpāvacarā, arūpāvacarā, rūpakkhandho…pe… viññāṇakkhandho – ime dhammā pariyāpannā.

1294. கதமே த⁴ம்மா அபரியாபன்னா? மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா அபரியாபன்னா.

1294. Katame dhammā apariyāpannā? Maggā ca, maggaphalāni ca, asaṅkhatā ca dhātu – ime dhammā apariyāpannā.

1295. கதமே த⁴ம்மா நிய்யானிகா? சத்தாரோ மக்³கா³ அபரியாபன்னா – இமே த⁴ம்மா நிய்யானிகா.

1295. Katame dhammā niyyānikā? Cattāro maggā apariyāpannā – ime dhammā niyyānikā.

1296. கதமே த⁴ம்மா அனிய்யானிகா? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா அனிய்யானிகா.

1296. Katame dhammā aniyyānikā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho, sabbañca rūpaṃ, asaṅkhatā ca dhātu – ime dhammā aniyyānikā.

1297. கதமே த⁴ம்மா நியதா? பஞ்ச கம்மானி ஆனந்தரிகானி, யா ச மிச்சா²தி³ட்டி² நியதா, சத்தாரோ மக்³கா³ அபரியாபன்னா – இமே த⁴ம்மா நியதா.

1297. Katame dhammā niyatā? Pañca kammāni ānantarikāni, yā ca micchādiṭṭhi niyatā, cattāro maggā apariyāpannā – ime dhammā niyatā.

1298. கதமே த⁴ம்மா அனியதா? தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா அனியதா.

1298. Katame dhammā aniyatā? Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho, sabbañca rūpaṃ, asaṅkhatā ca dhātu – ime dhammā aniyatā.

1299. கதமே த⁴ம்மா ஸஉத்தரா? ஸாஸவா குஸலாகுஸலாப்³யாகதா த⁴ம்மா காமாவசரா, ரூபாவசரா, அரூபாவசரா; ரூபக்க²ந்தோ⁴…பே॰… விஞ்ஞாணக்க²ந்தோ⁴ – இமே த⁴ம்மா ஸஉத்தரா.

1299. Katame dhammā sauttarā? Sāsavā kusalākusalābyākatā dhammā kāmāvacarā, rūpāvacarā, arūpāvacarā; rūpakkhandho…pe… viññāṇakkhandho – ime dhammā sauttarā.

1300. கதமே த⁴ம்மா அனுத்தரா? அபரியாபன்னா மக்³கா³ ச, மக்³க³ப²லானி ச, அஸங்க²தா ச தா⁴து – இமே த⁴ம்மா அனுத்தரா.

1300. Katame dhammā anuttarā? Apariyāpannā maggā ca, maggaphalāni ca, asaṅkhatā ca dhātu – ime dhammā anuttarā.

1301. கதமே த⁴ம்மா ஸரணா? தீணி அகுஸலமூலானி லோபோ⁴, தோ³ஸோ, மோஹோ; ததே³கட்டா² ச கிலேஸா, தங்ஸம்பயுத்தோ வேத³னாக்க²ந்தோ⁴…பே॰… விஞ்ஞாணக்க²ந்தோ⁴, தங்ஸமுட்டா²னங் காயகம்மங், வசீகம்மங், மனோகம்மங் – இமே த⁴ம்மா ஸரணா.

1301. Katame dhammā saraṇā? Tīṇi akusalamūlāni lobho, doso, moho; tadekaṭṭhā ca kilesā, taṃsampayutto vedanākkhandho…pe… viññāṇakkhandho, taṃsamuṭṭhānaṃ kāyakammaṃ, vacīkammaṃ, manokammaṃ – ime dhammā saraṇā.

1302. கதமே த⁴ம்மா அரணா? குஸலாப்³யாகதா த⁴ம்மா காமாவசரா, ரூபாவசரா, அரூபாவசரா, அபரியாபன்னா; வேத³னாக்க²ந்தோ⁴…பே॰… விஞ்ஞாணக்க²ந்தோ⁴, ஸப்³ப³ஞ்ச ரூபங், அஸங்க²தா ச தா⁴து – இமே த⁴ம்மா அரணா.

1302. Katame dhammā araṇā? Kusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho, sabbañca rūpaṃ, asaṅkhatā ca dhātu – ime dhammā araṇā.

அபி⁴த⁴ம்மது³கங்.

Abhidhammadukaṃ.

Next: ஸுத்தந்திகது³கனிக்கே²பங் • Suttantikadukanikkhepaṃ

Footnotes:

1. நந்தி³ராகோ³ (ஸீ॰)

2. ஸிப்³ப³னீ (ஸீ॰)

3. ஆயூஹனீ (ஸீ॰ ஸ்யா॰)

4. ஆஸிங்ஸனா ஆஸிங்ஸிதத்தங் (ஸீ॰ ஸ்யா॰)

5. புஞ்சிகதா (ஸ்யா॰) புச்சி²கதா (ஸீ॰)

6. nandirāgo (sī.)

7. sibbanī (sī.)

8. āyūhanī (sī. syā.)

9. āsiṃsanā āsiṃsitattaṃ (sī. syā.)

10. puñcikatā (syā.) pucchikatā (sī.)

11. ப⁴வச்ச²ந்தோ³ (ஸீ॰ ஸ்யா॰)

12. bhavacchando (sī. syā.)

13. உண்ணதி உண்ணாமோ (ஸ்யா॰)

14. uṇṇati uṇṇāmo (syā.)

15. உஸ்ஸுயா உஸ்ஸுயனா உஸ்ஸுயிதத்தங் (க॰)

16. ussuyā ussuyanā ussuyitattaṃ (ka.)

17. நீவரணானி (ஸ்யா॰)

18. nīvaraṇāni (syā.)

19. காமூபாதா³னங் தி³ட்டூ²பாதா³னங் ஸீலப்³ப³தூபாதா³னங் அத்தவாதூ³பாதா³னங் (ஸீ॰)

20. kāmūpādānaṃ diṭṭhūpādānaṃ sīlabbatūpādānaṃ attavādūpādānaṃ (sī.)

21. ஸமக்³க³தா (க॰)

22. samaggatā (ka.)

23. பரனிம்மிதவஸவத்திதே³வே (ஸீ॰ க॰)

24. paranimmitavasavattideve (sī. ka.)

25. அகனிட்ட²தே³வே (ஸீ॰ க॰)

26. தி³ட்ட²த⁴ம்மஸுக²விஹாரஸ்ஸ (க॰)

27. akaniṭṭhadeve (sī. ka.)

28. diṭṭhadhammasukhavihārassa (ka.)

Related texts:

அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / து³கனிக்கே²பகதா² • Dukanikkhepakathā

டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / து³கனிக்கே²பகதா²வண்ணனா • Dukanikkhepakathāvaṇṇanā

டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / து³கனிக்கே²பகதா²வண்ணனா • Dukanikkhepakathāvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact