| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੨. ਦੁਕਪਟ੍ਠਾਨવਣ੍ਣਨਾ
2. Dukapaṭṭhānavaṇṇanā
ਦੁਕਪਟ੍ਠਾਨੇਪਿ ਸਬ੍ਬਦੁਕੇਸੁ ਪਞ੍ਹਾવਿਸ੍ਸਜ੍ਜਨਾਨਿ ਚੇવ ਗਣਨਾ ਚ ਪਾਲ਼ਿਯਂ ਆਗਤਨਯੇਨੇવ વੇਦਿਤਬ੍ਬਾ। ਅਪਿਚੇਤ੍ਥ ਸਹੇਤੁਕਹੇਤੁਸਮ੍ਪਯੁਤ੍ਤਦੁਕਾਨਂ વਿਸ੍ਸਜ੍ਜਨਂ ਹੇਤੁਦੁਕવਿਸ੍ਸਜ੍ਜਨਸਦਿਸਂ; ਤਥਾ ਹੇਤੂਚੇવਸਹੇਤੁਕਹੇਤੂਚੇવਹੇਤੁਸਮ੍ਪਯੁਤ੍ਤਦੁਕਾਨਂ, ਤਥਾ ਸਪ੍ਪਚ੍ਚਯਸਙ੍ਖਤਦੁਕਾਨਂ। ਇਦਂ ਦੁਕਂ ਯਥਾ ਸਪ੍ਪਚ੍ਚਯਦੁਕਂ, ਏવਂ ਕਾਤਬ੍ਬਨ੍ਤਿ ਇਦਂ ਯਸ੍ਮਾ ਸਪ੍ਪਚ੍ਚਯੋ વਿਯ ਅਪ੍ਪਚ੍ਚਯੇਨ ਸਙ੍ਖਤੋਪਿ, ਅਸਙ੍ਖਤੇਨ ਸਦ੍ਧਿਂ ਯੋਜਨਂ ਨ ਲਬ੍ਭਤਿ, ਤਸ੍ਮਾ વੁਤ੍ਤਂ। ਸਾਰਮ੍ਮਣਚਿਤ੍ਤਸਮ੍ਪਯੁਤ੍ਤਸਂਸਟ੍ਠਦੁਕਾਪਿ ਸਦਿਸવਿਸ੍ਸਜ੍ਜਨਾਯੇવ; ਤਥਾ ਆਸવਓਘਯੋਗਗੋਚ੍ਛਕਾ। ਏਤੇ ਹਿ ਤਯੋ ਅਞ੍ਞਮਞ੍ਞਂ ਸਦਿਸવਿਸ੍ਸਜ੍ਜਨਾਯੇવ। ਅਪਿਚ ਲੋਕਿਯਸਾਸવਸਂਯੋਜਨਿਯਗਨ੍ਥਨਿਯਨੀવਰਣਿਯਪਰਾਮਟ੍ਠਸਙ੍ਕਿਲੇਸਿਕਦੁਕਾ ਆਸવવਿਪ੍ਪਯੁਤ੍ਤਸਾਸવਸਂਯੋਜਨવਿਪ੍ਪਯੁਤ੍ਤਸਂਯੋਜਨਿਯਗਨ੍ਥવਿਪ੍ਪਯੁਤ੍ਤਗਨ੍ਥਨਿਯਨੀવਰਣવਿਪ੍ਪਯੁਤ੍ਤਨੀવਰਣਿਯਪਰਾਮਾਸવਿਪ੍ਪਯੁਤ੍ਤਪਰਾਮਟ੍ਠਕਿਲੇਸવਿਪ੍ਪਯੁਤ੍ਤਸਙ੍ਕਿਲੇਸਿਕਪਰਿਯਾਪਨ੍ਨਸਉਤ੍ਤਰਦੁਕਾਤ ਇਮੇਪਿ ਦੁਕਾ ਸਮਾਨਾ।
Dukapaṭṭhānepi sabbadukesu pañhāvissajjanāni ceva gaṇanā ca pāḷiyaṃ āgatanayeneva veditabbā. Apicettha sahetukahetusampayuttadukānaṃ vissajjanaṃ hetudukavissajjanasadisaṃ; tathā hetūcevasahetukahetūcevahetusampayuttadukānaṃ, tathā sappaccayasaṅkhatadukānaṃ. Idaṃ dukaṃ yathā sappaccayadukaṃ, evaṃ kātabbanti idaṃ yasmā sappaccayo viya appaccayena saṅkhatopi, asaṅkhatena saddhiṃ yojanaṃ na labbhati, tasmā vuttaṃ. Sārammaṇacittasampayuttasaṃsaṭṭhadukāpi sadisavissajjanāyeva; tathā āsavaoghayogagocchakā. Ete hi tayo aññamaññaṃ sadisavissajjanāyeva. Apica lokiyasāsavasaṃyojaniyaganthaniyanīvaraṇiyaparāmaṭṭhasaṅkilesikadukā āsavavippayuttasāsavasaṃyojanavippayuttasaṃyojaniyaganthavippayuttaganthaniyanīvaraṇavippayuttanīvaraṇiyaparāmāsavippayuttaparāmaṭṭhakilesavippayuttasaṅkilesikapariyāpannasauttaradukāta imepi dukā samānā.
ਕਿਲੇਸਦੁਕਂ ਸਂਯੋਜਨਦੁਕਸਦਿਸਂ। ਸਙ੍ਕਿਲਿਟ੍ਠਕਿਲੇਸਸਮ੍ਪਯੁਤ੍ਤਨੀવਰਣਸਮ੍ਪਯੁਤ੍ਤਦਸ੍ਸਨੇਨਪਹਾਤਬ੍ਬਸਰਣਦੁਕਾਪਿ ਸਮਾਨਾ। ਤਥਾਕਿਲੇਸਾ ਚੇવ ਸਙ੍ਕਿਲਿਟ੍ਠਨੀવਰਣਾ ਚੇવ ਨੀવਰਣਸਮ੍ਪਯੁਤ੍ਤਕਿਲੇਸਾ ਚੇવ ਕਿਲੇਸਸਮ੍ਪਯੁਤ੍ਤਦੁਕਾ। ਇਮਿਨਾ ਨਯੇਨ ਸਬ੍ਬੇਸਂ ਅਤ੍ਥਤੋ ਸਦਿਸਾਨਂ ਦੁਕਾਨਂ વਿਸ੍ਸਜ੍ਜਨਾਨਿ ਸਦਿਸਾਨੇવ ਹੋਨ੍ਤੀਤਿ વੇਦਿਤਬ੍ਬਾਨਿ। ਸਬ੍ਬਸ੍ਮਿਮ੍ਪਿ ਪਨ ਪਟ੍ਠਾਨੇ ਕੇਨਚਿવਿਞ੍ਞੇਯ੍ਯਦੁਕਂ ਨ ਲਬ੍ਭਤਿ। ਆਸવਾ ਚੇવ ਆਸવਸਮ੍ਪਯੁਤ੍ਤਾ ਚ, ਸਂਯੋਜਨਾ ਚੇવ ਸਂਯੋਜਨਸਮ੍ਪਯੁਤ੍ਤਾ ਚ, ਗਨ੍ਥਾ ਚੇવ ਗਨ੍ਥਸਮ੍ਪਯੁਤ੍ਤਾ ਚ, ਨੀવਰਣਾ ਚੇવ ਨੀવਰਣਸਮ੍ਪਯੁਤ੍ਤਾ ਚ, ਕਿਲੇਸਾ ਚੇવ ਸਙ੍ਕਿਲਿਟ੍ਠਾ ਚਾਤਿ ਏવਰੂਪੇਸੁ ਦੁਕੇਸੁ વਿਪਾਕਪਚ੍ਚਯੋ ਚੇવ ਨਾਨਾਕ੍ਖਣਿਕਕਮ੍ਮਪਚ੍ਚਯੋ ਚ ਨ ਲਬ੍ਭਤਿ। ਨਹੇਤੁਸਹੇਤੁਕਨਹੇਤੁਅਹੇਤੁਕੇਸੁ ਹੇਤੁਪਚ੍ਚਯੋ ਨਤ੍ਥਿ। ਹੇਤੂ ਚੇવ ਹੇਤੁਸਮ੍ਪਯੁਤ੍ਤਾ ਚ, ਆਸવਾ ਚੇવ ਆਸવਸਮ੍ਪਯੁਤ੍ਤਾ ਚ, ਗਨ੍ਥਾ ਚੇવ ਗਨ੍ਥਸਮ੍ਪਯੁਤ੍ਤਾ ਚਾਤਿ ਇਮੇਸੁ ਦੁਕੇਸੁ ਨਹੇਤੁਨਝਾਨਨਮਗ੍ਗਾ ਨ ਲਬ੍ਭਨ੍ਤਿ। ਸਂਯੋਜਨਾ ਚੇવ ਸਂਯੋਜਨਸਮ੍ਪਯੁਤ੍ਤਾ ਚ, ਨੀવਰਣਾ ਚੇવ ਨੀવਰਣਸਮ੍ਪਯੁਤ੍ਤਾ ਚ, ਕਿਲੇਸਾ ਚੇવ ਕਿਲੇਸਸਮ੍ਪਯੁਤ੍ਤਾ ਚ, ਕਿਲੇਸਾ ਚੇવ ਸਙ੍ਕਿਲਿਟ੍ਠਾ ਚਾਤਿ ਇਮੇਸੁ ਪਨ વਿਚਿਕਿਚ੍ਛੁਦ੍ਧਚ੍ਚਸਹਗਤਸ੍ਸ ਮੋਹਸ੍ਸ વਸੇਨ ਨਹੇਤੁਪਚ੍ਚਯੋ ਲਬ੍ਭਤਿ; ਨਝਾਨਨਮਗ੍ਗਪਚ੍ਚਯਾ ਨ ਲਬ੍ਭਨ੍ਤੀਤਿ ਏવਂ ਸਬ੍ਬਦੁਕੇਸੁ ਲਬ੍ਭਮਾਨਾਲਬ੍ਭਮਾਨਂ ਉਪਪਰਿਕ੍ਖਿਤ੍વਾ ਪਾਲ਼ਿવਸੇਨੇવ વਾਰਗਣਨਾ વੇਦਿਤਬ੍ਬਾਤਿ।
Kilesadukaṃ saṃyojanadukasadisaṃ. Saṅkiliṭṭhakilesasampayuttanīvaraṇasampayuttadassanenapahātabbasaraṇadukāpi samānā. Tathākilesā ceva saṅkiliṭṭhanīvaraṇā ceva nīvaraṇasampayuttakilesā ceva kilesasampayuttadukā. Iminā nayena sabbesaṃ atthato sadisānaṃ dukānaṃ vissajjanāni sadisāneva hontīti veditabbāni. Sabbasmimpi pana paṭṭhāne kenaciviññeyyadukaṃ na labbhati. Āsavā ceva āsavasampayuttā ca, saṃyojanā ceva saṃyojanasampayuttā ca, ganthā ceva ganthasampayuttā ca, nīvaraṇā ceva nīvaraṇasampayuttā ca, kilesā ceva saṅkiliṭṭhā cāti evarūpesu dukesu vipākapaccayo ceva nānākkhaṇikakammapaccayo ca na labbhati. Nahetusahetukanahetuahetukesu hetupaccayo natthi. Hetū ceva hetusampayuttā ca, āsavā ceva āsavasampayuttā ca, ganthā ceva ganthasampayuttā cāti imesu dukesu nahetunajhānanamaggā na labbhanti. Saṃyojanā ceva saṃyojanasampayuttā ca, nīvaraṇā ceva nīvaraṇasampayuttā ca, kilesā ceva kilesasampayuttā ca, kilesā ceva saṅkiliṭṭhā cāti imesu pana vicikicchuddhaccasahagatassa mohassa vasena nahetupaccayo labbhati; najhānanamaggapaccayā na labbhantīti evaṃ sabbadukesu labbhamānālabbhamānaṃ upaparikkhitvā pāḷivaseneva vāragaṇanā veditabbāti.
ਦੁਕਪਟ੍ਠਾਨવਣ੍ਣਨਾ।
Dukapaṭṭhānavaṇṇanā.
