| Library / Tipiṭaka / д̇ибидага • Tipiṭaka / буг̇г̇алабан̃н̃ад̇д̇ибаал̣и • Puggalapaññattipāḷi |
2. д̣̇угабуг̇г̇алабан̃н̃ад̇д̇и
2. Dukapuggalapaññatti
45. гад̇амо жа буг̇г̇ало год̇хано? д̇ад̇т̇а гад̇амо год̇хо? яо год̇хо гуж̇жханаа гуж̇жхид̇ад̇д̇ам̣ д̣̇осо д̣̇уссанаа д̣̇уссид̇ад̇д̇ам̣ 1 б̣яаабад̇д̇и б̣яаабаж̇ж̇анаа б̣яаабаж̇ж̇ид̇ад̇д̇ам̣ вирод̇хо бадивирод̇хо жан̣д̣иггам̣ асуробо анад̇д̇аманад̇аа жид̇д̇асса – аяам̣ вужжад̇и год̇хо. яасса буг̇г̇аласса аяам̣ год̇хо аббахийно – аяам̣ вужжад̇и буг̇г̇ало ‘‘год̇хано’’.
45. Katamo ca puggalo kodhano? Tattha katamo kodho? Yo kodho kujjhanā kujjhitattaṃ doso dussanā dussitattaṃ 2 byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassa – ayaṃ vuccati kodho. Yassa puggalassa ayaṃ kodho appahīno – ayaṃ vuccati puggalo ‘‘kodhano’’.
46. гад̇амо жа буг̇г̇ало убанаахий? д̇ад̇т̇а гад̇амо убанаахо? буб̣б̣агаалам̣ год̇хо абарагаалам̣ убанаахо. яо зваруубо убанаахо убанаяханаа убанаяхид̇ад̇д̇ам̣ адтабанаа 3 табанаа сан̣табанаа анусам̣санд̣̇анаа ануббаб̣анд̇ханаа д̣̇ал̣хийгаммам̣ год̇хасса – аяам̣ вужжад̇и убанаахо . яасса буг̇г̇аласса аяам̣ убанаахо аббахийно – аяам̣ вужжад̇и буг̇г̇ало ‘‘убанаахий’’.
46. Katamo ca puggalo upanāhī? Tattha katamo upanāho? Pubbakālaṃ kodho aparakālaṃ upanāho. Yo evarūpo upanāho upanayhanā upanayhitattaṃ aṭṭhapanā 4 ṭhapanā saṇṭhapanā anusaṃsandanā anuppabandhanā daḷhīkammaṃ kodhassa – ayaṃ vuccati upanāho . Yassa puggalassa ayaṃ upanāho appahīno – ayaṃ vuccati puggalo ‘‘upanāhī’’.
47. гад̇амо жа буг̇г̇ало магкий? д̇ад̇т̇а гад̇амо магко? яо магко магкааяанаа магкааяид̇ад̇д̇ам̣ 5 нидтурияам̣ нидтурияагаммам̣ – аяам̣ вужжад̇и магко. яасса буг̇г̇аласса аяам̣ магко аббахийно – аяам̣ вужжад̇и буг̇г̇ало ‘‘магкий’’.
47. Katamo ca puggalo makkhī? Tattha katamo makkho? Yo makkho makkhāyanā makkhāyitattaṃ 6 niṭṭhuriyaṃ niṭṭhuriyakammaṃ – ayaṃ vuccati makkho. Yassa puggalassa ayaṃ makkho appahīno – ayaṃ vuccati puggalo ‘‘makkhī’’.
48. гад̇амо жа буг̇г̇ало бал̣аасий? д̇ад̇т̇а гад̇амо бал̣аасо? яо бал̣аасо бал̣аасааяанаа бал̣аасааяид̇ад̇д̇ам̣ бал̣аасаахааро виваад̣̇адтаанам̣ яуг̇аг̇г̇аахо аббадиниссаг̇г̇о – аяам̣ вужжад̇и бал̣аасо. яасса буг̇г̇аласса аяам̣ бал̣аасо аббахийно – аяам̣ вужжад̇и буг̇г̇ало ‘‘бал̣аасий’’.
48. Katamo ca puggalo paḷāsī? Tattha katamo paḷāso? Yo paḷāso paḷāsāyanā paḷāsāyitattaṃ paḷāsāhāro vivādaṭṭhānaṃ yugaggāho appaṭinissaggo – ayaṃ vuccati paḷāso. Yassa puggalassa ayaṃ paḷāso appahīno – ayaṃ vuccati puggalo ‘‘paḷāsī’’.
49. гад̇амо жа буг̇г̇ало иссугий? д̇ад̇т̇а гад̇амаа иссаа? яаа баралаабхасаггаараг̇аругаарамаананаванд̣̇анабууж̇анаасу иссаа иссааяанаа иссааяид̇ад̇д̇ам̣ усууяаа усууяанаа 7 усууяид̇ад̇д̇ам̣ – аяам̣ вужжад̇и иссаа. яасса буг̇г̇аласса аяам̣ иссаа аббахийнаа – аяам̣ вужжад̇и буг̇г̇ало ‘‘иссугий’’.
49. Katamo ca puggalo issukī? Tattha katamā issā? Yā paralābhasakkāragarukāramānanavandanapūjanāsu issā issāyanā issāyitattaṃ usūyā usūyanā 8 usūyitattaṃ – ayaṃ vuccati issā. Yassa puggalassa ayaṃ issā appahīnā – ayaṃ vuccati puggalo ‘‘issukī’’.
50. гад̇амо жа буг̇г̇ало мажчарий? д̇ад̇т̇а гад̇амам̣ мажчарияам̣? бан̃жа мажчарияаани – ааваасамажчарияам̣, гуламажчарияам̣, лаабхамажчарияам̣, ван̣н̣амажчарияам̣, д̇хаммамажчарияам̣. яам̣ зваруубам̣ мажчзрам̣ мажчарааяанаа мажчарааяид̇ад̇д̇ам̣ взвижчам̣ гад̣̇арияам̣ гадуган̃жугад̇аа аг̇г̇ахид̇ад̇д̇ам̣ жид̇д̇асса – ид̣̇ам̣ вужжад̇и мажчарияам̣. яасса буг̇г̇аласса ид̣̇ам̣ мажчарияам̣ аббахийнам̣ – аяам̣ вужжад̇и буг̇г̇ало ‘‘мажчарий’’.
50. Katamo ca puggalo maccharī? Tattha katamaṃ macchariyaṃ? Pañca macchariyāni – āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ. Yaṃ evarūpaṃ maccheraṃ maccharāyanā maccharāyitattaṃ vevicchaṃ kadariyaṃ kaṭukañcukatā aggahitattaṃ cittassa – idaṃ vuccati macchariyaṃ. Yassa puggalassa idaṃ macchariyaṃ appahīnaṃ – ayaṃ vuccati puggalo ‘‘maccharī’’.
51. гад̇амо жа буг̇г̇ало сато? д̇ад̇т̇а гад̇амам̣ саатзяяам̣? ид̇хзгажжо сато ход̇и барисато. яам̣ д̇ад̇т̇а сатам̣ сатад̇аа саатзяяам̣ гаггарад̇аа гаггарияам̣ 9 баригкад̇д̇ад̇д̇аа бааригкад̇д̇ияам̣ – ид̣̇ам̣ вужжад̇и саатзяяам̣. яасса буг̇г̇аласса ид̣̇ам̣ саатзяяам̣ аббахийнам̣ – аяам̣ вужжад̇и буг̇г̇ало ‘‘сато’’.
51. Katamo ca puggalo saṭho? Tattha katamaṃ sāṭheyyaṃ? Idhekacco saṭho hoti parisaṭho. Yaṃ tattha saṭhaṃ saṭhatā sāṭheyyaṃ kakkaratā kakkariyaṃ 10 parikkhattattā pārikkhattiyaṃ – idaṃ vuccati sāṭheyyaṃ. Yassa puggalassa idaṃ sāṭheyyaṃ appahīnaṃ – ayaṃ vuccati puggalo ‘‘saṭho’’.
52. гад̇амо жа буг̇г̇ало мааяаавий? д̇ад̇т̇а гад̇амаа мааяаа? ид̇хзгажжо гааязна д̣̇ужжарид̇ам̣ жарид̇ваа ваажааяа д̣̇ужжарид̇ам̣ жарид̇ваа манасаа д̣̇ужжарид̇ам̣ жарид̇ваа д̇асса бадижчаад̣̇анахзд̇у баабигам̣ ижчам̣ бан̣ид̣̇ахад̇и – ‘‘маа мам̣ ж̇ан̃н̃аа’’д̇и ижчад̇и, ‘‘маа мам̣ ж̇ан̃н̃аа’’д̇и сан̇габбад̇и ‘‘маа мам̣ ж̇ан̃н̃аа’’д̇и ваажам̣ бхаасад̇и, ‘‘маа мам̣ ж̇ан̃н̃аа’’д̇и гааязна бараггамад̇и. яаа зваруубаа мааяаа мааяаавид̇аа ажжаасараа ван̃жанаа нигад̇и вигиран̣аа барихаран̣аа г̇ууханаа бариг̇ууханаа чаад̣̇анаа бадижчаад̣̇анаа ануд̇д̇аанийгаммам̣ анаавигаммам̣ вожчаад̣̇анаа баабагирияаа – аяам̣ вужжад̇и мааяаа. яасса буг̇г̇аласса аяам̣ мааяаа аббахийнаа – аяам̣ вужжад̇и буг̇г̇ало ‘‘мааяаавий’’.
52. Katamo ca puggalo māyāvī? Tattha katamā māyā? Idhekacco kāyena duccaritaṃ caritvā vācāya duccaritaṃ caritvā manasā duccaritaṃ caritvā tassa paṭicchādanahetu pāpikaṃ icchaṃ paṇidahati – ‘‘mā maṃ jaññā’’ti icchati, ‘‘mā maṃ jaññā’’ti saṅkappati ‘‘mā maṃ jaññā’’ti vācaṃ bhāsati, ‘‘mā maṃ jaññā’’ti kāyena parakkamati. Yā evarūpā māyā māyāvitā accāsarā vañcanā nikati vikiraṇā pariharaṇā gūhanā parigūhanā chādanā paṭicchādanā anuttānīkammaṃ anāvikammaṃ vocchādanā pāpakiriyā – ayaṃ vuccati māyā. Yassa puggalassa ayaṃ māyā appahīnā – ayaṃ vuccati puggalo ‘‘māyāvī’’.
53. гад̇амо жа буг̇г̇ало ахириго? д̇ад̇т̇а гад̇амам̣ ахиригам̣? яам̣ на хирийяад̇и хирияид̇аб̣б̣зна на хирийяад̇и баабагаанам̣ агусалаанам̣ д̇хаммаанам̣ самаабад̇д̇ияаа – ид̣̇ам̣ вужжад̇и ахиригам̣. иминаа ахиригзна саманнааг̇ад̇о буг̇г̇ало ‘‘ахириго’’.
53. Katamo ca puggalo ahiriko? Tattha katamaṃ ahirikaṃ? Yaṃ na hirīyati hiriyitabbena na hirīyati pāpakānaṃ akusalānaṃ dhammānaṃ samāpattiyā – idaṃ vuccati ahirikaṃ. Iminā ahirikena samannāgato puggalo ‘‘ahiriko’’.
54. гад̇амо жа буг̇г̇ало анод̇д̇аббий? д̇ад̇т̇а гад̇амам̣ анод̇д̇аббам̣? яам̣ на од̇д̇аббад̇и од̇д̇аббид̇аб̣б̣зна на од̇д̇аббад̇и баабагаанам̣ агусалаанам̣ д̇хаммаанам̣ самаабад̇д̇ияаа – ид̣̇ам̣ вужжад̇и анод̇д̇аббам̣. иминаа анод̇д̇аббзна саманнааг̇ад̇о буг̇г̇ало ‘‘анод̇д̇аббий’’.
54. Katamo ca puggalo anottappī? Tattha katamaṃ anottappaṃ? Yaṃ na ottappati ottappitabbena na ottappati pāpakānaṃ akusalānaṃ dhammānaṃ samāpattiyā – idaṃ vuccati anottappaṃ. Iminā anottappena samannāgato puggalo ‘‘anottappī’’.
55. гад̇амо жа буг̇г̇ало д̣̇уб̣б̣ажо? д̇ад̇т̇а гад̇амо д̣̇оважассад̇аа? сахад̇хаммигз вужжамаанз д̣̇оважассааяам̣ д̣̇оважассияам̣ д̣̇оважассад̇аа виббадигулаг̇г̇аахид̇аа вибажжанийгасаад̇ад̇аа анаад̣̇арияам̣ анаад̣̇арияад̇аа аг̇ааравад̇аа аббад̇иссавад̇аа – аяам̣ вужжад̇и д̣̇оважассад̇аа. имааяа д̣̇оважассад̇ааяа саманнааг̇ад̇о буг̇г̇ало ‘‘д̣̇уб̣б̣ажо’’.
55. Katamo ca puggalo dubbaco? Tattha katamo dovacassatā? Sahadhammike vuccamāne dovacassāyaṃ dovacassiyaṃ dovacassatā vippaṭikulaggāhitā vipaccanīkasātatā anādariyaṃ anādariyatā agāravatā appatissavatā – ayaṃ vuccati dovacassatā. Imāya dovacassatāya samannāgato puggalo ‘‘dubbaco’’.
56. гад̇амо жа буг̇г̇ало баабамид̇д̇о? д̇ад̇т̇а гад̇амаа баабамид̇д̇ад̇аа? яз д̇з буг̇г̇алаа ассад̣̇д̇хаа д̣̇уссийлаа аббассуд̇аа мажчарино д̣̇уббан̃н̃аа, яаа д̇зсам̣ сзванаа нисзванаа сам̣сзванаа бхаж̇анаа самбхаж̇анаа бхад̇д̇и самбхад̇д̇и самбаван̇гад̇аа – аяам̣ вужжад̇и баабамид̇д̇ад̇аа. имааяа баабамид̇д̇ад̇ааяа саманнааг̇ад̇о буг̇г̇ало ‘‘баабамид̇д̇о’’.
56. Katamo ca puggalo pāpamitto? Tattha katamā pāpamittatā? Ye te puggalā assaddhā dussīlā appassutā maccharino duppaññā, yā tesaṃ sevanā nisevanā saṃsevanā bhajanā sambhajanā bhatti sambhatti sampavaṅkatā – ayaṃ vuccati pāpamittatā. Imāya pāpamittatāya samannāgato puggalo ‘‘pāpamitto’’.
57. гад̇амо жа буг̇г̇ало инд̣̇риязсу аг̇уд̇д̇ад̣̇вааро? д̇ад̇т̇а гад̇амаа инд̣̇риязсу аг̇уд̇д̇ад̣̇ваарад̇аа? ид̇хзгажжо буг̇г̇ало жагкунаа руубам̣ д̣̇исваа нимид̇д̇аг̇г̇аахий ход̇и ануб̣яан̃ж̇анаг̇г̇аахий; яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа на бадибаж̇ж̇ад̇и, на рагкад̇и жагкунд̣̇рияам̣, жагкунд̣̇рияз на сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа нимид̇д̇аг̇г̇аахий ход̇и ануб̣яан̃ж̇анаг̇г̇аахий; яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа на бадибаж̇ж̇ад̇и, на рагкад̇и манинд̣̇рияам̣, манинд̣̇рияз на сам̣варам̣ аабаж̇ж̇ад̇и. яаа имзсам̣ чаннам̣ инд̣̇рияаанам̣ аг̇уд̇д̇и аг̇обанаа анаарагко асам̣варо – аяам̣ вужжад̇и инд̣̇риязсу аг̇уд̇д̇ад̣̇ваарад̇аа. имааяа инд̣̇риязсу аг̇уд̇д̇ад̣̇ваарад̇ааяа саманнааг̇ад̇о буг̇г̇ало ‘‘инд̣̇риязсу аг̇уд̇д̇ад̣̇вааро’’.
57. Katamo ca puggalo indriyesu aguttadvāro? Tattha katamā indriyesu aguttadvāratā? Idhekacco puggalo cakkhunā rūpaṃ disvā nimittaggāhī hoti anubyañjanaggāhī; yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya na paṭipajjati, na rakkhati cakkhundriyaṃ, cakkhundriye na saṃvaraṃ āpajjati. Sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya nimittaggāhī hoti anubyañjanaggāhī; yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya na paṭipajjati, na rakkhati manindriyaṃ, manindriye na saṃvaraṃ āpajjati. Yā imesaṃ channaṃ indriyānaṃ agutti agopanā anārakkho asaṃvaro – ayaṃ vuccati indriyesu aguttadvāratā. Imāya indriyesu aguttadvāratāya samannāgato puggalo ‘‘indriyesu aguttadvāro’’.
58. гад̇амо жа буг̇г̇ало бхож̇анз амад̇д̇ан̃н̃уу? д̇ад̇т̇а гад̇амаа бхож̇анз амад̇д̇ан̃н̃уд̇аа? ид̇хзгажжо буг̇г̇ало аббадисан̇каа аяонисо аахаарам̣ аахаарзд̇и д̣̇авааяа мад̣̇ааяа ман̣д̣анааяа вибхуусанааяа, яаа д̇ад̇т̇а асанд̇удтид̇аа амад̇д̇ан̃н̃уд̇аа аббадисан̇каа бхож̇анз – аяам̣ вужжад̇и бхож̇анз амад̇д̇ан̃н̃уд̇аа. имааяа бхож̇анз амад̇д̇ан̃н̃уд̇ааяа саманнааг̇ад̇о буг̇г̇ало ‘‘бхож̇анз амад̇д̇ан̃н̃уу’’.
58. Katamo ca puggalo bhojane amattaññū? Tattha katamā bhojane amattaññutā? Idhekacco puggalo appaṭisaṅkhā ayoniso āhāraṃ āhāreti davāya madāya maṇḍanāya vibhūsanāya, yā tattha asantuṭṭhitā amattaññutā appaṭisaṅkhā bhojane – ayaṃ vuccati bhojane amattaññutā. Imāya bhojane amattaññutāya samannāgato puggalo ‘‘bhojane amattaññū’’.
59. гад̇амо жа буг̇г̇ало мудтассад̇и? д̇ад̇т̇а гад̇амам̣ мудтассажжам̣? яаа ассад̇и анануссад̇и аббадиссад̇и ассад̇и ассаран̣ад̇аа ад̇хааран̣ад̇аа билаабанад̇аа саммусанад̇аа – ид̣̇ам̣ вужжад̇и мудтассажжам̣. иминаа мудтассажжзна саманнааг̇ад̇о буг̇г̇ало ‘‘мудтассад̇и’’.
59. Katamo ca puggalo muṭṭhassati? Tattha katamaṃ muṭṭhassaccaṃ? Yā assati ananussati appaṭissati assati assaraṇatā adhāraṇatā pilāpanatā sammusanatā – idaṃ vuccati muṭṭhassaccaṃ. Iminā muṭṭhassaccena samannāgato puggalo ‘‘muṭṭhassati’’.
60. гад̇амо жа буг̇г̇ало асамбаж̇аано? д̇ад̇т̇а гад̇амам̣ асамбаж̇ан̃н̃ам̣? яам̣ ан̃н̃аан̣ам̣ ад̣̇ассанам̣ анабхисамаяо анануб̣од̇хо асамб̣од̇хо аббадивзд̇хо асан̇г̇аахан̣аа абарияог̇аахан̣аа 11 асамабзгкан̣аа абажжавзгкан̣аа абажжагкагаммам̣ д̣̇уммзж̇жхам̣ б̣ааляам̣ асамбаж̇ан̃н̃ам̣ мохо бамохо саммохо авиж̇ж̇аа авиж̇ж̇огхо авиж̇ж̇ааяог̇о авиж̇ж̇аанусаяо авиж̇ж̇аабарияудтаанам̣ авиж̇ж̇аалан̇г̇ий мохо агусаламуулам̣ – ид̣̇ам̣ вужжад̇и асамбаж̇ан̃н̃ам̣. иминаа асамбаж̇ан̃н̃зна саманнааг̇ад̇о буг̇г̇ало ‘‘асамбаж̇аано’’.
60. Katamo ca puggalo asampajāno? Tattha katamaṃ asampajaññaṃ? Yaṃ aññāṇaṃ adassanaṃ anabhisamayo ananubodho asambodho appaṭivedho asaṅgāhaṇā apariyogāhaṇā 12 asamapekkhaṇā apaccavekkhaṇā apaccakkhakammaṃ dummejjhaṃ bālyaṃ asampajaññaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjālaṅgī moho akusalamūlaṃ – idaṃ vuccati asampajaññaṃ. Iminā asampajaññena samannāgato puggalo ‘‘asampajāno’’.
61. гад̇амо жа буг̇г̇ало сийлавибанно? д̇ад̇т̇а гад̇амаа сийлавибад̇д̇и? гааяиго вийд̇иггамо ваажасиго вийд̇иггамо гааяигаваажасиго вийд̇иггамо – аяам̣ вужжад̇и сийлавибад̇д̇и. саб̣б̣амби д̣̇уссиляам̣ сийлавибад̇д̇и. имааяа сийлавибад̇д̇ияаа саманнааг̇ад̇о буг̇г̇ало ‘‘сийлавибанно’’.
61. Katamo ca puggalo sīlavipanno? Tattha katamā sīlavipatti? Kāyiko vītikkamo vācasiko vītikkamo kāyikavācasiko vītikkamo – ayaṃ vuccati sīlavipatti. Sabbampi dussilyaṃ sīlavipatti. Imāya sīlavipattiyā samannāgato puggalo ‘‘sīlavipanno’’.
62. гад̇амо жа буг̇г̇ало д̣̇идтивибанно? д̇ад̇т̇а гад̇амаа д̣̇идтивибад̇д̇и? ‘‘над̇т̇и д̣̇иннам̣, над̇т̇и яидтам̣, над̇т̇и худ̇ам̣, над̇т̇и сугад̇ад̣̇уггадаанам̣ 13 гаммаанам̣ палам̣ вибааго, над̇т̇и аяам̣ лого , над̇т̇и баро лого , над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа 14 саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’’д̇и. яаа зваруубаа д̣̇идти д̣̇идтиг̇ад̇ам̣ д̣̇идтиг̇аханам̣ д̣̇идтиганд̇ааро д̣̇идтивисуугааяигам̣ д̣̇идтивибпанд̣̇ид̇ам̣ д̣̇идтисам̣яож̇анам̣ г̇аахо бадиг̇г̇аахо абхинивзсо бараамаасо гуммаг̇г̇о мижчаабат̇о мижчад̇д̇ам̣ д̇ид̇т̇ааяад̇анам̣ вибарияаасаг̇г̇аахо 15, аяам̣ вужжад̇и д̣̇идтивибад̇д̇и. саб̣б̣ааби мижчаад̣̇идти д̣̇идтивибад̇д̇и. имааяа д̣̇идтивибад̇д̇ияаа саманнааг̇ад̇о буг̇г̇ало ‘‘д̣̇идтивибанно’’.
62. Katamo ca puggalo diṭṭhivipanno? Tattha katamā diṭṭhivipatti? ‘‘Natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ 16 kammānaṃ phalaṃ vipāko, natthi ayaṃ loko , natthi paro loko , natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā 17 sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’’ti. Yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho paṭiggāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho 18, ayaṃ vuccati diṭṭhivipatti. Sabbāpi micchādiṭṭhi diṭṭhivipatti. Imāya diṭṭhivipattiyā samannāgato puggalo ‘‘diṭṭhivipanno’’.
63. гад̇амо жа буг̇г̇ало аж̇жхад̇д̇асам̣яож̇ано? яасса буг̇г̇аласса бан̃жорамбхааг̇ияаани сам̣яож̇анаани аббахийнаани – аяам̣ вужжад̇и буг̇г̇ало ‘‘аж̇жхад̇д̇асам̣яож̇ано’’.
63. Katamo ca puggalo ajjhattasaṃyojano? Yassa puggalassa pañcorambhāgiyāni saṃyojanāni appahīnāni – ayaṃ vuccati puggalo ‘‘ajjhattasaṃyojano’’.
64. гад̇амо жа буг̇г̇ало б̣ахид̣̇д̇хаасам̣яож̇ано? яасса буг̇г̇аласса бан̃жуд̣̇д̇хамбхааг̇ияаани сам̣яож̇анаани аббахийнаани – аяам̣ вужжад̇и буг̇г̇ало ‘‘б̣ахид̣̇д̇хаасам̣яож̇ано’’.
64. Katamo ca puggalo bahiddhāsaṃyojano? Yassa puggalassa pañcuddhambhāgiyāni saṃyojanāni appahīnāni – ayaṃ vuccati puggalo ‘‘bahiddhāsaṃyojano’’.
65. гад̇амо жа буг̇г̇ало аггод̇хано? д̇ад̇т̇а гад̇амо год̇хо? яо год̇хо гуж̇жханаа гуж̇жхид̇ад̇д̇ам̣ д̣̇осо д̣̇уссанаа д̣̇уссид̇ад̇д̇ам̣ б̣яаабад̇д̇и б̣яаабаж̇ж̇анаа б̣яаабаж̇ж̇ид̇ад̇д̇ам̣ вирод̇хо бадивирод̇хо жан̣д̣иггам̣ асуробо анад̇д̇аманад̇аа жид̇д̇асса – аяам̣ вужжад̇и год̇хо. яасса буг̇г̇аласса аяам̣ год̇хо бахийно – аяам̣ вужжад̇и буг̇г̇ало ‘‘аггод̇хано’’.
65. Katamo ca puggalo akkodhano? Tattha katamo kodho? Yo kodho kujjhanā kujjhitattaṃ doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassa – ayaṃ vuccati kodho. Yassa puggalassa ayaṃ kodho pahīno – ayaṃ vuccati puggalo ‘‘akkodhano’’.
66. гад̇амо жа буг̇г̇ало анубанаахий? д̇ад̇т̇а гад̇амо убанаахо? буб̣б̣агаалам̣ год̇хо абарагаалам̣ убанаахо яо зваруубо убанаахо убанаяханаа убанаяхид̇ад̇д̇ам̣ адтабанаа табанаа сан̣табанаа анусам̣санд̣̇анаа ануббаб̣анд̇ханаа д̣̇ал̣хийгаммам̣ год̇хасса – аяам̣ вужжад̇и убанаахо. яасса буг̇г̇аласса аяам̣ убанаахо бахийно – аяам̣ вужжад̇и буг̇г̇ало ‘‘анубанаахий’’.
66. Katamo ca puggalo anupanāhī? Tattha katamo upanāho? Pubbakālaṃ kodho aparakālaṃ upanāho yo evarūpo upanāho upanayhanā upanayhitattaṃ aṭṭhapanā ṭhapanā saṇṭhapanā anusaṃsandanā anuppabandhanā daḷhīkammaṃ kodhassa – ayaṃ vuccati upanāho. Yassa puggalassa ayaṃ upanāho pahīno – ayaṃ vuccati puggalo ‘‘anupanāhī’’.
67. гад̇амо жа буг̇г̇ало амагкий? д̇ад̇т̇а гад̇амо магко? яо магко магкааяанаа магкааяид̇ад̇д̇ам̣ нидтурияам̣ нидтурияагаммам̣ – аяам̣ вужжад̇и магко. яасса буг̇г̇аласса аяам̣ магко бахийно – аяам̣ вужжад̇и буг̇г̇ало ‘‘амагкий’’.
67. Katamo ca puggalo amakkhī? Tattha katamo makkho? Yo makkho makkhāyanā makkhāyitattaṃ niṭṭhuriyaṃ niṭṭhuriyakammaṃ – ayaṃ vuccati makkho. Yassa puggalassa ayaṃ makkho pahīno – ayaṃ vuccati puggalo ‘‘amakkhī’’.
68. гад̇амо жа буг̇г̇ало абал̣аасий? д̇ад̇т̇а гад̇амо бал̣аасо? яо бал̣аасо бал̣аасааяанаа бал̣аасааяид̇ад̇д̇ам̣ бал̣аасаахааро виваад̣̇адтаанам̣ яуг̇аг̇г̇аахо аббадиниссаг̇г̇о – аяам̣ вужжад̇и бал̣аасо. яасса буг̇г̇аласса аяам̣ бал̣аасо бахийно – аяам̣ вужжад̇и буг̇г̇ало ‘‘абал̣аасий’’.
68. Katamo ca puggalo apaḷāsī? Tattha katamo paḷāso? Yo paḷāso paḷāsāyanā paḷāsāyitattaṃ paḷāsāhāro vivādaṭṭhānaṃ yugaggāho appaṭinissaggo – ayaṃ vuccati paḷāso. Yassa puggalassa ayaṃ paḷāso pahīno – ayaṃ vuccati puggalo ‘‘apaḷāsī’’.
69. гад̇амо жа буг̇г̇ало аниссугий? д̇ад̇т̇а гад̇амаа иссаа? яаа баралаабхасаггаараг̇аругаарамаананаванд̣̇анабууж̇анаасу иссаа иссааяанаа иссааяид̇ад̇д̇ам̣ усууяаа усууяанаа усууяид̇ад̇д̇ам̣ – аяам̣ вужжад̇и иссаа. яасса буг̇г̇аласса аяам̣ иссаа бахийнаа – аяам̣ вужжад̇и буг̇г̇ало ‘‘аниссугий’’.
69. Katamo ca puggalo anissukī? Tattha katamā issā? Yā paralābhasakkāragarukāramānanavandanapūjanāsu issā issāyanā issāyitattaṃ usūyā usūyanā usūyitattaṃ – ayaṃ vuccati issā. Yassa puggalassa ayaṃ issā pahīnā – ayaṃ vuccati puggalo ‘‘anissukī’’.
70. гад̇амо жа буг̇ало амажчарий? д̇ад̇т̇а гад̇амам̣ мажчарияам̣? бан̃жа мажчарияаани – ааваасамажчарияам̣, гуламажчарияам̣, лаабхамажчарияам̣, ван̣н̣амажчарияам̣, д̇хаммамажчарияам̣. яам̣ зваруубам̣ мажчзрам̣ мажчарааяанаа мажчарааяид̇ад̇д̇ам̣ взвижчам̣ гад̣̇арияам̣ гадуган̃жугад̇аа аг̇г̇ахид̇ад̇д̇ам̣ жид̇д̇асса – ид̣̇ам̣ вужжад̇и мажчарияам̣. яасса буг̇г̇аласса ид̣̇ам̣ мажчарияам̣ бахийнам̣ – аяам̣ вужжад̇и буг̇г̇ало ‘‘амажчарий’’.
70. Katamo ca pugalo amaccharī? Tattha katamaṃ macchariyaṃ? Pañca macchariyāni – āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ. Yaṃ evarūpaṃ maccheraṃ maccharāyanā maccharāyitattaṃ vevicchaṃ kadariyaṃ kaṭukañcukatā aggahitattaṃ cittassa – idaṃ vuccati macchariyaṃ. Yassa puggalassa idaṃ macchariyaṃ pahīnaṃ – ayaṃ vuccati puggalo ‘‘amaccharī’’.
71. гад̇амо жа буг̇г̇ало асато? д̇ад̇т̇а гад̇амам̣ саатзяяам̣? ид̇хзгажжо сато ход̇и барисато. яам̣ д̇ад̇т̇а сатам̣ сатад̇аа саатзяяам̣ гаггарад̇аа гаггарияам̣ баригкад̇д̇ад̇аа бааригкад̇д̇ияам̣ – ид̣̇ам̣ вужжад̇и саатзяяам̣. яасса буг̇г̇аласса ид̣̇ам̣ саатзяяам̣ бахийнам̣ – аяам̣ вужжад̇и буг̇г̇ало ‘‘асато’’.
71. Katamo ca puggalo asaṭho? Tattha katamaṃ sāṭheyyaṃ? Idhekacco saṭho hoti parisaṭho. Yaṃ tattha saṭhaṃ saṭhatā sāṭheyyaṃ kakkaratā kakkariyaṃ parikkhattatā pārikkhattiyaṃ – idaṃ vuccati sāṭheyyaṃ. Yassa puggalassa idaṃ sāṭheyyaṃ pahīnaṃ – ayaṃ vuccati puggalo ‘‘asaṭho’’.
72. гад̇амо жа буг̇г̇ало амааяаавий? д̇ад̇т̇а гад̇амаа мааяаа? ид̇хзгажжо буг̇г̇ало гааязна д̣̇ужжарид̇ам̣ жарид̇ваа ваажааяа д̣̇ужжарид̇ам̣ жарид̇ваа манасаа д̣̇ужжарид̇ам̣ жарид̇ваа д̇асса бадижчаад̣̇анахзд̇у баабигам̣ ижчам̣ бан̣ид̣̇ахад̇и – ‘‘маа мам̣ ж̇ан̃н̃аа’’д̇и ижчад̇и, ‘‘маа мам̣ ж̇ан̃н̃аа’’д̇и сан̇габбад̇и, ‘‘маа мам̣ ж̇ан̃н̃аа’’д̇и ваажам̣ бхаасад̇и, ‘‘маа мам̣ ж̇ан̃н̃аа’’д̇и гааязна бараггамад̇и. яаа зваруубаа мааяаа мааяаавид̇аа ажжаасараа ван̃жанаа нигад̇и вигиран̣аа барихаран̣аа г̇ууханаа бариг̇ууханаа чаад̣̇анаа бадижчаад̣̇анаа ануд̇д̇аанийгаммам̣ анаавигаммам̣ вожчаад̣̇анаа баабагирияаа – аяам̣ вужжад̇и мааяаа. яасса буг̇г̇аласса аяам̣ мааяаа бахийнаа – аяам̣ вужжад̇и буг̇г̇ало ‘‘амааяаавий’’.
72. Katamo ca puggalo amāyāvī? Tattha katamā māyā? Idhekacco puggalo kāyena duccaritaṃ caritvā vācāya duccaritaṃ caritvā manasā duccaritaṃ caritvā tassa paṭicchādanahetu pāpikaṃ icchaṃ paṇidahati – ‘‘mā maṃ jaññā’’ti icchati, ‘‘mā maṃ jaññā’’ti saṅkappati, ‘‘mā maṃ jaññā’’ti vācaṃ bhāsati, ‘‘mā maṃ jaññā’’ti kāyena parakkamati. Yā evarūpā māyā māyāvitā accāsarā vañcanā nikati vikiraṇā pariharaṇā gūhanā parigūhanā chādanā paṭicchādanā anuttānīkammaṃ anāvikammaṃ vocchādanā pāpakiriyā – ayaṃ vuccati māyā. Yassa puggalassa ayaṃ māyā pahīnā – ayaṃ vuccati puggalo ‘‘amāyāvī’’.
73. гад̇амо жа буг̇г̇ало хиримаа? д̇ад̇т̇а гад̇амаа хирий? яам̣ хирийяад̇и хирияид̇аб̣б̣зна хирийяад̇и баабагаанам̣ агусалаанам̣ д̇хаммаанам̣ самаабад̇д̇ияаа – аяам̣ вужжад̇и хирий. имааяа хирияаа саманнааг̇ад̇о буг̇г̇ало ‘‘хиримаа’’.
73. Katamo ca puggalo hirimā? Tattha katamā hirī? Yaṃ hirīyati hiriyitabbena hirīyati pāpakānaṃ akusalānaṃ dhammānaṃ samāpattiyā – ayaṃ vuccati hirī. Imāya hiriyā samannāgato puggalo ‘‘hirimā’’.
74. гад̇амо жа буг̇г̇ало од̇д̇аббий? д̇ад̇т̇а гад̇амам̣ од̇д̇аббам̣? яам̣ од̇д̇аббад̇и од̇д̇аббид̇аб̣б̣зна од̇д̇аббад̇и баабагаанам̣ агусалаанам̣ д̇хаммаанам̣ самаабад̇д̇ияаа – ид̣̇ам̣ вужжад̇и од̇д̇аббам̣. иминаа од̇д̇аббзна саманнааг̇ад̇о буг̇г̇ало ‘‘од̇д̇аббий’’.
74. Katamo ca puggalo ottappī? Tattha katamaṃ ottappaṃ? Yaṃ ottappati ottappitabbena ottappati pāpakānaṃ akusalānaṃ dhammānaṃ samāpattiyā – idaṃ vuccati ottappaṃ. Iminā ottappena samannāgato puggalo ‘‘ottappī’’.
75. гад̇амо жа буг̇г̇ало суважо? д̇ад̇т̇а гад̇амаа соважассад̇аа? сахад̇хаммигз вужжамаанз соважассааяам̣ соважассияам̣ соважассад̇аа авиббадигулаг̇г̇аахид̇аа авибажжанийгасаад̇ад̇аа саад̣̇арияам̣ саад̣̇арияад̇аа саг̇ааравад̇аа саббад̇иссавад̇аа – аяам̣ вужжад̇и соважассад̇аа. имааяа соважассад̇ааяа саманнааг̇ад̇о буг̇г̇ало ‘‘суважо’’.
75. Katamo ca puggalo suvaco? Tattha katamā sovacassatā? Sahadhammike vuccamāne sovacassāyaṃ sovacassiyaṃ sovacassatā avippaṭikulaggāhitā avipaccanīkasātatā sādariyaṃ sādariyatā sagāravatā sappatissavatā – ayaṃ vuccati sovacassatā. Imāya sovacassatāya samannāgato puggalo ‘‘suvaco’’.
76. гад̇амо жа буг̇г̇ало галяаан̣амид̇д̇о? д̇ад̇т̇а гад̇амаа галяаан̣амид̇д̇ад̇аа? яз д̇з буг̇г̇алаа сад̣̇д̇хаа сийлаванд̇о б̣ахуссуд̇аа жааг̇аванд̇о бан̃н̃аванд̇о, яаа д̇зсам̣ сзванаа нисзванаа сам̣сзванаа бхаж̇анаа самбхаж̇анаа бхад̇д̇и самбхад̇д̇и самбаван̇гад̇аа – аяам̣ вужжад̇и галяаан̣амид̇д̇ад̇аа. имааяа галяаан̣амид̇д̇ад̇ааяа саманнааг̇ад̇о буг̇г̇ало ‘‘галяаан̣амид̇д̇о’’.
76. Katamo ca puggalo kalyāṇamitto? Tattha katamā kalyāṇamittatā? Ye te puggalā saddhā sīlavanto bahussutā cāgavanto paññavanto, yā tesaṃ sevanā nisevanā saṃsevanā bhajanā sambhajanā bhatti sambhatti sampavaṅkatā – ayaṃ vuccati kalyāṇamittatā. Imāya kalyāṇamittatāya samannāgato puggalo ‘‘kalyāṇamitto’’.
77. гад̇амо жа буг̇г̇ало инд̣̇риязсу г̇уд̇д̇ад̣̇вааро? д̇ад̇т̇а гад̇амаа инд̣̇риязсу г̇уд̇д̇ад̣̇ваарад̇аа? ид̇хзгажжо буг̇г̇ало жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий; яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и, рагкад̇и жагкунд̣̇рияам̣ жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий; яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и, рагкад̇и манинд̣̇рияам̣, манинд̣̇рияз сам̣варам̣ аабаж̇ж̇ад̇и. яаа имзсам̣ чаннам̣ инд̣̇рияаанам̣ г̇уд̇д̇и г̇обанаа аарагко сам̣варо – аяам̣ вужжад̇и инд̣̇риязсу г̇уд̇д̇ад̣̇ваарад̇аа. имааяа инд̣̇риязсу г̇уд̇д̇ад̣̇ваарад̇ааяа саманнааг̇ад̇о буг̇г̇ало ‘‘инд̣̇риязсу г̇уд̇д̇ад̣̇вааро’’.
77. Katamo ca puggalo indriyesu guttadvāro? Tattha katamā indriyesu guttadvāratā? Idhekacco puggalo cakkhunā rūpaṃ disvā na nimittaggāhī hoti nānubyañjanaggāhī; yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati, rakkhati cakkhundriyaṃ cakkhundriye saṃvaraṃ āpajjati. Sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya na nimittaggāhī hoti nānubyañjanaggāhī; yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati, rakkhati manindriyaṃ, manindriye saṃvaraṃ āpajjati. Yā imesaṃ channaṃ indriyānaṃ gutti gopanā ārakkho saṃvaro – ayaṃ vuccati indriyesu guttadvāratā. Imāya indriyesu guttadvāratāya samannāgato puggalo ‘‘indriyesu guttadvāro’’.
78. гад̇амо жа буг̇г̇ало бхож̇анз мад̇д̇ан̃н̃уу? д̇ад̇т̇а гад̇амаа бхож̇анз мад̇д̇ан̃н̃уд̇аа? ид̇хзгажжо буг̇г̇ало бадисан̇каа яонисо аахаарам̣ аахаарзд̇и – ‘‘нзва д̣̇авааяа, на мад̣̇ааяа, на ман̣д̣анааяа, на вибхуусанааяа; яаавад̣̇зва имасса гааяасса тид̇ияаа яаабанааяа вихим̣суубарад̇ияаа б̣рахмажарияаануг̇г̇ахааяа. ид̇и бураан̣ан̃жа взд̣̇анам̣ бадихан̇каами, наван̃жа взд̣̇анам̣ на уббаад̣̇зссаами, яаад̇раа жа мз бхависсад̇и анаваж̇ж̇ад̇аа жа паасувихааро жаа’’д̇и. яаа д̇ад̇т̇а санд̇удтид̇аа мад̇д̇ан̃н̃уд̇аа бадисан̇каа бхож̇анз – аяам̣ вужжад̇и бхож̇анз мад̇д̇ан̃н̃уд̇аа. имааяа бхож̇анз мад̇д̇ан̃н̃уд̇ааяа саманнааг̇ад̇о буг̇г̇ало ‘‘бхож̇анз мад̇д̇ан̃н̃уу’’.
78. Katamo ca puggalo bhojane mattaññū? Tattha katamā bhojane mattaññutā? Idhekacco puggalo paṭisaṅkhā yoniso āhāraṃ āhāreti – ‘‘neva davāya, na madāya, na maṇḍanāya, na vibhūsanāya; yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya. Iti purāṇañca vedanaṃ paṭihaṅkhāmi, navañca vedanaṃ na uppādessāmi, yātrā ca me bhavissati anavajjatā ca phāsuvihāro cā’’ti. Yā tattha santuṭṭhitā mattaññutā paṭisaṅkhā bhojane – ayaṃ vuccati bhojane mattaññutā. Imāya bhojane mattaññutāya samannāgato puggalo ‘‘bhojane mattaññū’’.
79. гад̇амо жа буг̇г̇ало убадтид̇ассад̇и? д̇ад̇т̇а гад̇амаа сад̇и? яаа сад̇и ануссад̇и бадиссад̇и сад̇и саран̣ад̇аа д̇хааран̣ад̇аа абилаабанад̇аа асаммусанад̇аа сад̇и сад̇инд̣̇рияам̣ сад̇иб̣алам̣ саммаасад̇и – аяам̣ вужжад̇и сад̇и. имааяа сад̇ияаа саманнааг̇ад̇о буг̇г̇ало ‘‘убадтид̇ассад̇и’’.
79. Katamo ca puggalo upaṭṭhitassati? Tattha katamā sati? Yā sati anussati paṭissati sati saraṇatā dhāraṇatā apilāpanatā asammusanatā sati satindriyaṃ satibalaṃ sammāsati – ayaṃ vuccati sati. Imāya satiyā samannāgato puggalo ‘‘upaṭṭhitassati’’.
80. гад̇амо жа буг̇г̇ало самбаж̇аано? д̇ад̇т̇а гад̇амам̣ самбаж̇ан̃н̃ам̣? яаа бан̃н̃аа баж̇аананаа вижаяо бавижаяо д̇хаммавижаяо саллагкан̣аа убалагкан̣аа бажжубалагкан̣аа бан̣д̣ижжам̣ госаллам̣ нзбун̃н̃ам̣ взбхаб̣яаа жинд̇аа убабаригкаа бхуурий мзд̇хаа барин̣ааяигаа вибассанаа самбаж̇ан̃н̃ам̣ бад̇од̣̇о бан̃н̃аа бан̃н̃инд̣̇рияам̣ бан̃н̃ааб̣алам̣ бан̃н̃аасад̇т̇ам̣ бан̃н̃аабаасаад̣̇о бан̃н̃аааалого бан̃н̃ааобхаасо бан̃н̃аабаж̇ж̇од̇о бан̃н̃аарад̇анам̣ амохо д̇хаммавижаяо саммаад̣̇идти – ид̣̇ам̣ вужжад̇и самбаж̇ан̃н̃ам̣. иминаа самбаж̇ан̃н̃зна саманнааг̇ад̇о буг̇г̇ало ‘‘самбаж̇аано’’.
80. Katamo ca puggalo sampajāno? Tattha katamaṃ sampajaññaṃ? Yā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi – idaṃ vuccati sampajaññaṃ. Iminā sampajaññena samannāgato puggalo ‘‘sampajāno’’.
81. гад̇амо жа буг̇г̇ало сийласамбанно? д̇ад̇т̇а гад̇амаа сийласамбад̣̇аа? гааяиго авийд̇иггамо ваажасиго авийд̇иггамо гааяигаваажасиго авийд̇иггамо – аяам̣ вужжад̇и сийласамбад̣̇аа. саб̣б̣оби сийласам̣варо сийласамбад̣̇аа. имааяа сийласамбад̣̇ааяа саманнааг̇ад̇о буг̇г̇ало ‘‘сийласамбанно’’.
81. Katamo ca puggalo sīlasampanno? Tattha katamā sīlasampadā? Kāyiko avītikkamo vācasiko avītikkamo kāyikavācasiko avītikkamo – ayaṃ vuccati sīlasampadā. Sabbopi sīlasaṃvaro sīlasampadā. Imāya sīlasampadāya samannāgato puggalo ‘‘sīlasampanno’’.
82. гад̇амо жа буг̇г̇ало д̣̇идтисамбанно? д̇ад̇т̇а гад̇амаа д̣̇идтисамбад̣̇аа? ‘‘ад̇т̇и д̣̇иннам̣, ад̇т̇и яидтам̣, ад̇т̇и худ̇ам̣, ад̇т̇и сугад̇ад̣̇уггадаанам̣ гаммаанам̣ палам̣ вибааго, ад̇т̇и аяам̣ лого, ад̇т̇и баро лого, ад̇т̇и маад̇аа, ад̇т̇и бид̇аа, ад̇т̇и сад̇д̇аа обабаад̇игаа, ад̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’’д̇и. яаа зваруубаа бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и д̣̇идтисамбад̣̇аа. саб̣б̣ааби саммаад̣̇идти д̣̇идтисамбад̣̇аа. имааяа д̣̇идтисамбад̣̇ааяа саманнааг̇ад̇о буг̇г̇ало ‘‘д̣̇идтисамбанно’’.
82. Katamo ca puggalo diṭṭhisampanno? Tattha katamā diṭṭhisampadā? ‘‘Atthi dinnaṃ, atthi yiṭṭhaṃ, atthi hutaṃ, atthi sukatadukkaṭānaṃ kammānaṃ phalaṃ vipāko, atthi ayaṃ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’’ti. Yā evarūpā paññā pajānanā…pe… amoho dhammavicayo sammādiṭṭhi – ayaṃ vuccati diṭṭhisampadā. Sabbāpi sammādiṭṭhi diṭṭhisampadā. Imāya diṭṭhisampadāya samannāgato puggalo ‘‘diṭṭhisampanno’’.
83. гад̇амз д̣̇вз буг̇г̇алаа д̣̇уллабхаа логасмим̣? яо жа буб̣б̣агаарий, яо жа гад̇ан̃н̃уу гад̇авзд̣̇ий – имз д̣̇вз буг̇г̇алаа д̣̇уллабхаа логасмим̣.
83. Katame dve puggalā dullabhā lokasmiṃ? Yo ca pubbakārī, yo ca kataññū katavedī – ime dve puggalā dullabhā lokasmiṃ.
84. гад̇амз д̣̇вз буг̇г̇алаа д̣̇уд̇д̇аббаяаа? яо жа лад̣̇д̇хам̣ лад̣̇д̇хам̣ нигкибад̇и, яо жа лад̣̇д̇хам̣ лад̣̇д̇хам̣ виссаж̇ж̇зд̇и – имз д̣̇вз буг̇г̇алаа ‘‘д̣̇уд̇д̇аббаяаа’’.
84. Katame dve puggalā duttappayā? Yo ca laddhaṃ laddhaṃ nikkhipati, yo ca laddhaṃ laddhaṃ vissajjeti – ime dve puggalā ‘‘duttappayā’’.
85. гад̇амз д̣̇вз буг̇г̇алаа суд̇аббаяаа? яо жа лад̣̇д̇хам̣ лад̣̇д̇хам̣ на нигкибад̇и, яо жа лад̣̇д̇хам̣ лад̣̇д̇хам̣ на виссаж̇ж̇зд̇и – имз д̣̇вз буг̇г̇алаа ‘‘суд̇аббаяаа’’.
85. Katame dve puggalā sutappayā? Yo ca laddhaṃ laddhaṃ na nikkhipati, yo ca laddhaṃ laddhaṃ na vissajjeti – ime dve puggalā ‘‘sutappayā’’.
86. гад̇амзсам̣ д̣̇виннам̣ буг̇г̇алаанам̣ аасаваа вад̣дханд̇и? яо жа на гуггужжааяид̇аб̣б̣ам̣ гуггужжааяад̇и, яо жа гуггужжааяид̇аб̣б̣ам̣ на гуггужжааяад̇и – имзсам̣ д̣̇виннам̣ буг̇г̇алаанам̣ аасаваа вад̣дханд̇и.
86. Katamesaṃ dvinnaṃ puggalānaṃ āsavā vaḍḍhanti? Yo ca na kukkuccāyitabbaṃ kukkuccāyati, yo ca kukkuccāyitabbaṃ na kukkuccāyati – imesaṃ dvinnaṃ puggalānaṃ āsavā vaḍḍhanti.
87. гад̇амзсам̣ д̣̇виннам̣ буг̇г̇алаанам̣ аасаваа на вад̣дханд̇и? яо жа на гуггужжааяид̇аб̣б̣ам̣ на гуггужжааяад̇и, яо жа гуггужжааяид̇аб̣б̣ам̣ гуггужжааяад̇и – имзсам̣ д̣̇виннам̣ буг̇г̇алаанам̣ аасаваа на вад̣дханд̇и.
87. Katamesaṃ dvinnaṃ puggalānaṃ āsavā na vaḍḍhanti? Yo ca na kukkuccāyitabbaṃ na kukkuccāyati, yo ca kukkuccāyitabbaṃ kukkuccāyati – imesaṃ dvinnaṃ puggalānaṃ āsavā na vaḍḍhanti.
88. гад̇амо жа буг̇г̇ало хийнаад̇химуд̇д̇о? ид̇хзгажжо буг̇г̇ало д̣̇уссийло ход̇и баабад̇хаммо, со ан̃н̃ам̣ д̣̇уссийлам̣ баабад̇хаммам̣ сзвад̇и бхаж̇ад̇и баяирубаасад̇и – аяам̣ вужжад̇и буг̇г̇ало ‘‘хийнаад̇химуд̇д̇о’’.
88. Katamo ca puggalo hīnādhimutto? Idhekacco puggalo dussīlo hoti pāpadhammo, so aññaṃ dussīlaṃ pāpadhammaṃ sevati bhajati payirupāsati – ayaṃ vuccati puggalo ‘‘hīnādhimutto’’.
89. гад̇амо жа буг̇г̇ало бан̣ийд̇аад̇химуд̇д̇о? ид̇хзгажжо буг̇г̇ало сийлаваа ход̇и галяаан̣ад̇хаммо, со ан̃н̃ам̣ сийлаванд̇ам̣ галяаан̣ад̇хаммам̣ сзвад̇и бхаж̇ад̇и баяирубаасад̇и – аяам̣ вужжад̇и буг̇г̇ало ‘‘бан̣ийд̇аад̇химуд̇д̇о’’.
89. Katamo ca puggalo paṇītādhimutto? Idhekacco puggalo sīlavā hoti kalyāṇadhammo, so aññaṃ sīlavantaṃ kalyāṇadhammaṃ sevati bhajati payirupāsati – ayaṃ vuccati puggalo ‘‘paṇītādhimutto’’.
д̣̇уганид̣̇д̣̇зсо.
Dukaniddeso.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. д̣̇уганид̣̇д̣̇зсаван̣н̣анаа • 2. Dukaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. д̣̇уганид̣̇д̣̇зсаван̣н̣анаа • 2. Dukaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. д̣̇уганид̣̇д̣̇зсаван̣н̣анаа • 2. Dukaniddesavaṇṇanā
