| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. д̣̇угад̇игабадтаанаван̣н̣анаа
3. Dukatikapaṭṭhānavaṇṇanā
д̣̇угад̇игабадтаанз хзд̇ум̣ гусалам̣ д̇хаммам̣ бадижжа хзд̇у гусало д̇хаммо уббаж̇ж̇ад̇и хзд̇убажжаяаад̇и звам̣ бан̃хаамад̇д̇уд̣̇д̇хааравасзнзва сан̇кзбад̇о д̣̇зсанаа гад̇аа. ‘‘гусалам̣ алобхам̣ бадижжа ад̣̇осо амохо’’д̇иаад̣̇инаа бана наязна вид̇т̇ааро вад̇д̇аб̣б̣о сияаа, со хздтаа д̣̇ассид̇анаязна саггаа авуд̇д̇оби ж̇аанид̇унд̇и згабад̣̇зби згабажжаяо ваа на вуд̇д̇о. яаа банзсаа сан̇кзбад̇о д̣̇зсанаа гад̇аа, саа звам̣ гад̇аад̇и взд̣̇ид̇аб̣б̣аа. хзд̇уд̣̇угзна хи сад̣̇д̇хим̣ гусалабад̣̇ам̣ яож̇зд̇ваа бадижжаваарз ануломасса жзва бажжанийяасса жа васзна саб̣б̣з лаб̣бхамаанагабажжаяаа д̣̇ассид̇аа, ануломабажжанийяабажжанийяаануломанаяаа жзва сахаж̇аад̇аваараад̣̇аяо жа на д̣̇ассид̇аа, гзвалам̣ ‘‘бадижжаваарасад̣̇исам̣язва вид̇т̇аарзд̇аб̣б̣а’’нд̇и вуд̇д̇ам̣. бан̃хааваарз бан̃хамби ависсаж̇ж̇зд̇ваа гзвалам̣ бан̃худ̣̇д̇хаарамад̇д̇ам̣ гад̇ваа ануломабажжанийяавасзнзва лаб̣бхамаанабажжаяаа д̣̇ассид̇аа. яат̇аа жа гусалабад̣̇ам̣, звам̣ агусалааб̣яаагад̇абад̣̇ааниби хзд̇уд̣̇угзна сад̣̇д̇хим̣ яож̇зд̇ваа хзд̇угусалад̣̇угад̇игам̣ нид̣̇д̣̇исид̇аб̣б̣анд̇и вуд̇д̇ам̣.
Dukatikapaṭṭhāne hetuṃ kusalaṃ dhammaṃ paṭicca hetu kusalo dhammo uppajjati hetupaccayāti evaṃ pañhāmattuddhāravaseneva saṅkhepato desanā katā. ‘‘Kusalaṃ alobhaṃ paṭicca adoso amoho’’tiādinā pana nayena vitthāro vattabbo siyā, so heṭṭhā dassitanayena sakkā avuttopi jānitunti ekapadepi ekapaccayo vā na vutto. Yā panesā saṅkhepato desanā katā, sā evaṃ katāti veditabbā. Hetudukena hi saddhiṃ kusalapadaṃ yojetvā paṭiccavāre anulomassa ceva paccanīyassa ca vasena sabbe labbhamānakapaccayā dassitā, anulomapaccanīyapaccanīyānulomanayā ceva sahajātavārādayo ca na dassitā, kevalaṃ ‘‘paṭiccavārasadisaṃyeva vitthāretabba’’nti vuttaṃ. Pañhāvāre pañhampi avissajjetvā kevalaṃ pañhuddhāramattaṃ katvā anulomapaccanīyavaseneva labbhamānapaccayā dassitā. Yathā ca kusalapadaṃ, evaṃ akusalaabyākatapadānipi hetudukena saddhiṃ yojetvā hetukusaladukatikaṃ niddisitabbanti vuttaṃ.
д̇ад̇о барам̣ хзд̇ум̣ сукааяа взд̣̇анааяа самбаяуд̇д̇ам̣ д̇хамманд̇иаад̣̇инаа наязна хзд̇увзд̣̇анаад̣̇угад̇игаад̣̇ийни згавийсад̇и д̣̇угад̇игаани д̣̇ассид̇аани. яасмаа бана хзд̇у наама санид̣̇ассанасаббадигхо анид̣̇ассанасаббадигхо ваа над̇т̇и, д̇асмаа хзд̇убад̣̇зна сад̣̇д̇хим̣ санид̣̇ассанасаббадигхаанид̣̇ассанасаббадигхабад̣̇аани на яож̇ид̇аани. звам̣ хзд̇уд̣̇угзна сад̣̇д̇хим̣ лаб̣бхамаанагавасзна д̣̇ваавийсад̇и д̇игз яож̇зд̇ваа буна д̇з сахзд̇угад̣̇угаад̣̇ийхи саран̣ад̣̇угабарияосаанзхи саб̣б̣ад̣̇угзхи сад̣̇д̇хим̣ яож̇ид̇аа. д̇ад̇т̇а яам̣ яам̣ бад̣̇ам̣ язна язна бад̣̇зна сад̣̇д̇хим̣ яож̇анам̣ на г̇ажчад̇и, д̇ам̣ д̇ам̣ баал̣ияам̣язва на лаб̣бхад̇ийд̇и вуд̇д̇ам̣. звамзд̇т̇а згзна д̣̇угзна сад̣̇д̇хим̣ б̣аавийсад̇и д̇игз яож̇зд̇ваа буна абарзна б̣аавийсад̇и, абарзна б̣аавийсад̇ийд̇и бадибаадияаа д̣̇угасад̇з лаб̣бхамаанад̣̇угабад̣̇зхи сад̣̇д̇хим̣ д̣̇ваавийсад̇и д̇игаа яож̇ид̇аад̇и д̣̇ваавийсад̇и д̇игз г̇ахзд̇ваа д̣̇угасад̇з багкибид̇ваа д̣̇угад̇игабадтаанам̣ наама д̣̇зсид̇ам̣. д̇ад̇т̇а язсу язсу таанзсу наяам̣ д̣̇ассзд̇ваа баал̣ияаа сан̇кзбо гад̇о, д̇зсу д̇зсу таанзсу д̣̇ассид̇анаяаануруубзна д̇ассаа вид̇т̇ааро взд̣̇ид̇аб̣б̣од̇и.
Tato paraṃ hetuṃ sukhāya vedanāya sampayuttaṃ dhammantiādinā nayena hetuvedanādukatikādīni ekavīsati dukatikāni dassitāni. Yasmā pana hetu nāma sanidassanasappaṭigho anidassanasappaṭigho vā natthi, tasmā hetupadena saddhiṃ sanidassanasappaṭighaanidassanasappaṭighapadāni na yojitāni. Evaṃ hetudukena saddhiṃ labbhamānakavasena dvāvīsati tike yojetvā puna te sahetukadukādīhi saraṇadukapariyosānehi sabbadukehi saddhiṃ yojitā. Tattha yaṃ yaṃ padaṃ yena yena padena saddhiṃ yojanaṃ na gacchati, taṃ taṃ pāḷiyaṃyeva na labbhatīti vuttaṃ. Evamettha ekena dukena saddhiṃ bāvīsati tike yojetvā puna aparena bāvīsati, aparena bāvīsatīti paṭipāṭiyā dukasate labbhamānadukapadehi saddhiṃ dvāvīsati tikā yojitāti dvāvīsati tike gahetvā dukasate pakkhipitvā dukatikapaṭṭhānaṃ nāma desitaṃ. Tattha yesu yesu ṭhānesu nayaṃ dassetvā pāḷiyā saṅkhepo kato, tesu tesu ṭhānesu dassitanayānurūpena tassā vitthāro veditabboti.
д̣̇угад̇игабадтаанаван̣н̣анаа.
Dukatikapaṭṭhānavaṇṇanā.
