| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
д̣̇угаваараван̣н̣анаа
Dukavāravaṇṇanā
322. д̣̇угзсу сажид̇д̇агаа аабад̇д̇и сан̃н̃аавимогкаа, ажид̇д̇агаа носан̃н̃аавимогкаа. лад̣̇д̇хасамаабад̇д̇игасса аабад̇д̇и наама бхууд̇аарожанаабад̇д̇и, алад̣̇д̇хасамаабад̇д̇игасса аабад̇д̇и наама абхууд̇аарожанаабад̇д̇и. сад̣̇д̇хаммабадисан̃н̃уд̇д̇аа наама бад̣̇асод̇хаммаад̣̇игаа, асад̣̇д̇хаммабадисан̃н̃уд̇д̇аа наама д̣̇удтуллаваажаабад̇д̇и. сабаригкаарабадисан̃н̃уд̇д̇аа наама ниссаг̇г̇ияавад̇т̇уно аниссаж̇ж̇ид̇ваа барибхог̇з, бад̇д̇ажийвараанам̣ нид̣̇аханз, гилидтажийвараанам̣ ад̇хованз, малаг̇г̇ахид̇абад̇д̇асса абажанзд̇и звам̣ аяуд̇д̇абарибхог̇з аабад̇д̇и. барабаригкаарабадисан̃н̃уд̇д̇аа наама сан̇гхигаман̃жабийтаад̣̇ийнам̣ аж̇жхогаасз сант̇аран̣аанаабужчааг̇аманаад̣̇ийсу аабаж̇ж̇ид̇аб̣б̣аа аабад̇д̇и. сабуг̇г̇алабадисан̃н̃уд̇д̇аа наама ‘‘муд̣̇убидтигасса ламб̣исса уурунаа ан̇г̇аж̇аад̇ам̣ бийл̣знд̇ассаа’’д̇иаад̣̇инаа наязна вуд̇д̇аабад̇д̇и. барабуг̇г̇алабадисан̃н̃уд̇д̇аа наама мзт̇унад̇хаммагааяасам̣саг̇г̇абахаарад̣̇аанаад̣̇ийсу вуд̇д̇аабад̇д̇и, ‘‘сикаран̣ийсий’’д̇и сажжам̣ бхан̣анд̇о г̇аругам̣ аабаж̇ж̇ад̇и, ‘‘самбаж̇аанамусааваад̣̇з баажид̇д̇ияа’’нд̇и мусаа бхан̣анд̇о лахугам̣. абхууд̇аарожанз мусаа бхан̣анд̇о г̇аругам̣. бхууд̇аарожанз сажжам̣ бхан̣анд̇о лахугам̣.
322. Dukesu sacittakā āpatti saññāvimokkhā, acittakā nosaññāvimokkhā. Laddhasamāpattikassa āpatti nāma bhūtārocanāpatti, aladdhasamāpattikassa āpatti nāma abhūtārocanāpatti. Saddhammapaṭisaññuttā nāma padasodhammādikā, asaddhammapaṭisaññuttā nāma duṭṭhullavācāpatti. Saparikkhārapaṭisaññuttā nāma nissaggiyavatthuno anissajjitvā paribhoge, pattacīvarānaṃ nidahane, kiliṭṭhacīvarānaṃ adhovane, malaggahitapattassa apacaneti evaṃ ayuttaparibhoge āpatti. Paraparikkhārapaṭisaññuttā nāma saṅghikamañcapīṭhādīnaṃ ajjhokāse santharaṇaanāpucchāgamanādīsu āpajjitabbā āpatti. Sapuggalapaṭisaññuttā nāma ‘‘mudupiṭṭhikassa lambissa ūrunā aṅgajātaṃ pīḷentassā’’tiādinā nayena vuttāpatti. Parapuggalapaṭisaññuttā nāma methunadhammakāyasaṃsaggapahāradānādīsu vuttāpatti, ‘‘sikharaṇīsī’’ti saccaṃ bhaṇanto garukaṃ āpajjati, ‘‘sampajānamusāvāde pācittiya’’nti musā bhaṇanto lahukaṃ. Abhūtārocane musā bhaṇanto garukaṃ. Bhūtārocane saccaṃ bhaṇanto lahukaṃ.
‘‘сан̇гхагаммам̣ ваг̇г̇ам̣ гариссаамий’’д̇и анд̇осиймааяа згаманд̇з нисийд̣̇анд̇о бхуумиг̇ад̇о аабаж̇ж̇ад̇и наама. сажз бана ан̇г̇улимад̇д̇амби аагаасз д̇идтзяяа, на аабаж̇ж̇зяяа, д̇зна вуд̇д̇ам̣ ‘‘но взхаасаг̇ад̇о’’д̇и. взхаасагудияаа аахажжабаад̣̇агам̣ ман̃жам̣ ваа бийтам̣ ваа абхинисийд̣̇анд̇о взхаасаг̇ад̇о аабаж̇ж̇ад̇и наама. сажз бана д̇ам̣ бхуумияам̣ бан̃н̃аабзд̇ваа нибаж̇ж̇зяяа на аабаж̇ж̇зяяа, д̇зна вуд̇д̇ам̣ – ‘‘но бхуумиг̇ад̇о’’д̇и. г̇амияо г̇амияавад̇д̇ам̣ абуурзд̇ваа г̇ажчанд̇о нигкаманд̇о аабаж̇ж̇ад̇и наама, но бависанд̇о. ааг̇анд̇уго ааг̇анд̇угавад̇д̇ам̣ абуурзд̇ваа сачад̇д̇убаахано бависанд̇о бависанд̇о аабаж̇ж̇ад̇и наама, но нигкаманд̇о.
‘‘Saṅghakammaṃ vaggaṃ karissāmī’’ti antosīmāya ekamante nisīdanto bhūmigato āpajjati nāma. Sace pana aṅgulimattampi ākāse tiṭṭheyya, na āpajjeyya, tena vuttaṃ ‘‘no vehāsagato’’ti. Vehāsakuṭiyā āhaccapādakaṃ mañcaṃ vā pīṭhaṃ vā abhinisīdanto vehāsagatoāpajjati nāma. Sace pana taṃ bhūmiyaṃ paññāpetvā nipajjeyya na āpajjeyya, tena vuttaṃ – ‘‘no bhūmigato’’ti. Gamiyo gamiyavattaṃ apūretvā gacchanto nikkhamanto āpajjati nāma, no pavisanto. Āgantuko āgantukavattaṃ apūretvā sachattupāhano pavisanto pavisanto āpajjati nāma, no nikkhamanto.
аад̣̇ияанд̇о аабаж̇ж̇ад̇и наама бхигкуний ад̇иг̇амбхийрам̣ уд̣̇агасуд̣̇д̇хигам̣ аад̣̇ияамаанаа; д̣̇уб̣б̣ан̣н̣агаран̣ам̣ анаад̣̇ияид̇ваа жийварам̣ барибхун̃ж̇анд̇о бана анаад̣̇ияанд̇о аабаж̇ж̇ад̇и наама. мууг̇аб̣б̣ад̇аад̣̇ийни д̇ид̇т̇ияавад̇д̇аани самаад̣̇ияанд̇о самаад̣̇ияанд̇о аабаж̇ж̇ад̇и наама. баариваасигаад̣̇аяо бана д̇аж̇ж̇анийяаад̣̇игаммагад̇аа ваа ад̇д̇ано вад̇д̇ам̣ асамаад̣̇ияанд̇аа аабаж̇ж̇анд̇и, д̇з санд̇хааяа вуд̇д̇ам̣ ‘‘ад̇т̇аабад̇д̇и на самаад̣̇ияанд̇о аабаж̇ж̇ад̇ий’’д̇и. ан̃н̃аад̇игааяа бхигкунияаа жийварам̣ сиб̣б̣анд̇о взж̇ж̇агаммабхан̣д̣ааг̇ааригагаммажид̇д̇агаммаад̣̇ийни ваа гаронд̇о гаронд̇о аабаж̇ж̇ад̇и наама. убаж̇жхааяавад̇д̇аад̣̇ийни агаронд̇о агаронд̇о аабаж̇ж̇ад̇и наама. ан̃н̃аад̇игааяа бхигкунияаа жийварам̣ д̣̇ад̣̇амаано д̣̇знд̇о аабаж̇ж̇ад̇и наама. сад̣̇д̇хивихааригаанд̇зваасигаанам̣ жийвараад̣̇ийни ад̣̇знд̇о ад̣̇знд̇о аабаж̇ж̇ад̇и наама. ан̃н̃аад̇игааяа бхигкунияаа жийварам̣ г̇ан̣ханд̇о бадиг̇г̇ан̣ханд̇о аабаж̇ж̇ад̇и наама. ‘‘на бхигкавз оваад̣̇о на г̇ахзд̇аб̣б̣о’’д̇и важанад̇о оваад̣̇ам̣ аг̇ан̣ханд̇о на бадиг̇г̇ан̣ханд̇о аабаж̇ж̇ад̇и наама.
Ādiyantoāpajjati nāma bhikkhunī atigambhīraṃ udakasuddhikaṃ ādiyamānā; dubbaṇṇakaraṇaṃ anādiyitvā cīvaraṃ paribhuñjanto pana anādiyanto āpajjati nāma. Mūgabbatādīni titthiyavattāni samādiyanto samādiyanto āpajjati nāma. Pārivāsikādayo pana tajjanīyādikammakatā vā attano vattaṃ asamādiyantā āpajjanti, te sandhāya vuttaṃ ‘‘atthāpatti na samādiyanto āpajjatī’’ti. Aññātikāya bhikkhuniyā cīvaraṃ sibbanto vejjakammabhaṇḍāgārikakammacittakammādīni vā karonto karonto āpajjati nāma. Upajjhāyavattādīni akaronto akaronto āpajjati nāma. Aññātikāya bhikkhuniyā cīvaraṃ dadamāno dento āpajjati nāma. Saddhivihārikaantevāsikānaṃ cīvarādīni adento adento āpajjati nāma. Aññātikāya bhikkhuniyā cīvaraṃ gaṇhanto paṭiggaṇhanto āpajjati nāma. ‘‘Na bhikkhave ovādo na gahetabbo’’ti vacanato ovādaṃ agaṇhanto na paṭiggaṇhanto āpajjati nāma.
ниссаг̇г̇ияавад̇т̇ум̣ аниссаж̇ж̇ид̇ваа барибхун̃ж̇анд̇о барибхог̇зна аабаж̇ж̇ад̇и наама. бан̃жаахигам̣ сан̇гхаадижаарам̣ ад̇иггаамаяамаанаа абарибхог̇зна аабаж̇ж̇ад̇и наама. сахаг̇аарасзяяам̣ рад̇д̇им̣ аабаж̇ж̇ад̇и наама, но д̣̇иваа, д̣̇ваарам̣ асам̣варид̇ваа бадисаллийяанд̇о д̣̇иваа аабаж̇ж̇ад̇и, но рад̇д̇им̣. згарад̇д̇ачаарад̇д̇асад̇д̇аахад̣̇асаахамаасаад̇иггамзсу вуд̇д̇ааабад̇д̇им̣ аабаж̇ж̇анд̇о арун̣уг̇г̇з аабаж̇ж̇ад̇и наама, баваарзд̇ваа бхун̃ж̇анд̇о на арун̣уг̇г̇з аабаж̇ж̇ад̇и наама.
Nissaggiyavatthuṃ anissajjitvā paribhuñjanto paribhogena āpajjati nāma. Pañcāhikaṃ saṅghāṭicāraṃ atikkāmayamānā aparibhogena āpajjati nāma. Sahagāraseyyaṃ rattiṃ āpajjati nāma, no divā, dvāraṃ asaṃvaritvā paṭisallīyanto divā āpajjati, no rattiṃ. Ekarattachārattasattāhadasāhamāsātikkamesu vuttaāpattiṃ āpajjanto aruṇugge āpajjati nāma, pavāretvā bhuñjanto na aruṇugge āpajjati nāma.
бхууд̇аг̇ааман̃жзва ан̇г̇аж̇аад̇ан̃жа чинд̣̇анд̇о чинд̣̇анд̇о аабаж̇ж̇ад̇и наама, гзсз ваа накз ваа на чинд̣̇анд̇о на чинд̣̇анд̇о аабаж̇ж̇ад̇и наама. аабад̇д̇им̣ чаад̣̇знд̇о чаад̣̇знд̇о аабаж̇ж̇ад̇и наама, ‘‘д̇ин̣зна ваа бан̣н̣зна ваа бадижчаад̣̇зд̇ваа ааг̇анд̇аб̣б̣ам̣, над̇взва наг̇г̇зна ааг̇анд̇аб̣б̣ам̣, яо ааг̇ажчзяяа аабад̇д̇и д̣̇уггадассаа’’д̇и имам̣ бана аабад̇д̇им̣ на чаад̣̇знд̇о аабаж̇ж̇ад̇и наама. гусажийраад̣̇ийни д̇хаарзнд̇о д̇хаарзнд̇о аабаж̇ж̇ад̇и наама, ‘‘аяам̣ д̇з бхигку бад̇д̇о яаава бхзд̣̇анааяа д̇хаарзд̇аб̣б̣о’’д̇и имам̣ аабад̇д̇им̣ на д̇хаарзнд̇о аабаж̇ж̇ад̇и наама.
Bhūtagāmañceva aṅgajātañca chindanto chindanto āpajjati nāma, kese vā nakhe vā na chindanto na chindanto āpajjati nāma. Āpattiṃ chādento chādento āpajjati nāma, ‘‘tiṇena vā paṇṇena vā paṭicchādetvā āgantabbaṃ, natveva naggena āgantabbaṃ, yo āgaccheyya āpatti dukkaṭassā’’ti imaṃ pana āpattiṃ na chādento āpajjati nāma. Kusacīrādīni dhārento dhārento āpajjati nāma, ‘‘ayaṃ te bhikkhu patto yāva bhedanāya dhāretabbo’’ti imaṃ āpattiṃ na dhārento āpajjati nāma.
‘‘ад̇д̇анаа ваа ад̇д̇аанам̣ наанаасам̣ваасагам̣ гарод̇ий’’д̇и згасиймааяам̣ д̣̇вийсу сан̇гхзсу нисиннзсу згасмим̣ багкз нисийд̣̇ид̇ваа барабагкасса лад̣̇д̇хим̣ г̇ан̣ханд̇о яасмим̣ багкз нисинно д̇зсам̣ ад̇д̇анаава ад̇д̇аанам̣ наанаасам̣ваасагам̣ гарод̇и наама. язсам̣ санд̇игз нисинно д̇зсам̣ г̇ан̣абуураго худ̇ваа гаммам̣ гобзд̇и, ид̇арзсам̣ хад̇т̇абаасам̣ анааг̇ад̇ад̇д̇аа. самаанасам̣ваасагзби зсзва наяо. язсан̃хи со лад̣̇д̇хим̣ рожзд̇и, д̇зсам̣ самаанасам̣ваасаго ход̇и, ид̇арзсам̣ наанаасам̣ваасаго. сад̇д̇а аабад̇д̇ияо сад̇д̇а аабад̇д̇игканд̇хаад̇и аабаж̇ж̇ид̇аб̣б̣ад̇о аабад̇д̇ияо, раасадтзна канд̇хаад̇и звам̣ д̣̇взязва наамаани хонд̇ийд̇и наамавасзна д̣̇угам̣ д̣̇ассид̇ам̣. гаммзна ваа салаагаг̇г̇аахзна ваад̇и зд̇т̇а уд̣̇д̣̇зсо жзва гамман̃жа згам̣, вохааро жзва ануссааванаа жа салаагаг̇г̇аахо жа згам̣, вохаараануссааванасалаагаг̇г̇аахаа буб̣б̣абхааг̇аа, гамман̃жзва уд̣̇д̣̇зсо жа бамаан̣ам̣.
‘‘Attanā vā attānaṃ nānāsaṃvāsakaṃ karotī’’ti ekasīmāyaṃ dvīsu saṅghesu nisinnesu ekasmiṃ pakkhe nisīditvā parapakkhassa laddhiṃ gaṇhanto yasmiṃ pakkhe nisinno tesaṃ attanāva attānaṃ nānāsaṃvāsakaṃ karoti nāma. Yesaṃ santike nisinno tesaṃ gaṇapūrako hutvā kammaṃ kopeti, itaresaṃ hatthapāsaṃ anāgatattā. Samānasaṃvāsakepi eseva nayo. Yesañhi so laddhiṃ roceti, tesaṃ samānasaṃvāsako hoti, itaresaṃ nānāsaṃvāsako. Satta āpattiyo satta āpattikkhandhāti āpajjitabbato āpattiyo, rāsaṭṭhena khandhāti evaṃ dveyeva nāmāni hontīti nāmavasena dukaṃ dassitaṃ. Kammena vā salākaggāhena vāti ettha uddeso ceva kammañca ekaṃ, vohāro ceva anussāvanā ca salākaggāho ca ekaṃ, vohārānussāvanasalākaggāhā pubbabhāgā, kammañceva uddeso ca pamāṇaṃ.
ад̣̇д̇хаанахийно наама уунавийсад̇ивассо. ан̇г̇ахийно наама хад̇т̇ажчиннаад̣̇ибхзд̣̇о. вад̇т̇увибанно наама бан̣д̣аго д̇иражчаанаг̇ад̇о убхад̇об̣яан̃ж̇анаго жа. авасзсаа т̇зяяасам̣ваасагаад̣̇аяо адта абхаб̣б̣абуг̇г̇алаа гаран̣ад̣̇уггадагаа наама. д̣̇уггадагирияаа д̣̇уггадагаммаа, имасмим̣язва ад̇д̇абхаавз гад̇зна ад̇д̇ано гаммзна абхаб̣б̣адтаанам̣ бад̇д̇аад̇и ад̇т̇о. абарибууро наама абарибун̣н̣абад̇д̇ажийваро. но жа яаажад̇и наама убасамбад̣̇ам̣ на яаажад̇и. алаж̇ж̇исса жа б̣ааласса жаад̇и алаж̇ж̇ий сажзби д̇збидаго ход̇и, б̣аало жа сажзби садтивассо ход̇и, убхоби ниссааяа на вад̇т̇аб̣б̣ам̣. б̣ааласса жа лаж̇ж̇исса жаад̇и зд̇т̇а б̣ааласса ‘‘д̇вам̣ ниссаяам̣ г̇ан̣хаа’’д̇и аан̣ааяаби ниссаяо д̣̇аад̇аб̣б̣о, лаж̇ж̇исса бана яаажанд̇ассзва. саад̇исааранд̇и сад̣̇осам̣; яам̣ аж̇жхаажаранд̇о аабад̇д̇им̣ аабаж̇ж̇ад̇и.
Addhānahīno nāma ūnavīsativasso. Aṅgahīno nāma hatthacchinnādibhedo. Vatthuvipanno nāma paṇḍako tiracchānagato ubhatobyañjanako ca. Avasesā theyyasaṃvāsakādayo aṭṭha abhabbapuggalā karaṇadukkaṭakā nāma. Dukkaṭakiriyā dukkaṭakammā, imasmiṃyeva attabhāve katena attano kammena abhabbaṭṭhānaṃ pattāti attho. Aparipūro nāma aparipuṇṇapattacīvaro. No ca yācati nāma upasampadaṃ na yācati. Alajjissa ca bālassa cāti alajjī sacepi tepiṭako hoti, bālo ca sacepi saṭṭhivasso hoti, ubhopi nissāya na vatthabbaṃ. Bālassa ca lajjissa cāti ettha bālassa ‘‘tvaṃ nissayaṃ gaṇhā’’ti āṇāyapi nissayo dātabbo, lajjissa pana yācantasseva. Sātisāranti sadosaṃ; yaṃ ajjhācaranto āpattiṃ āpajjati.
гааязна бадиггосанаа наама хад̇т̇авигаараад̣̇ийхи бадиггосанаа. гааязна бадиж̇аанаад̇ийд̇и хад̇т̇авигаараад̣̇ийхи бадиж̇аанаад̇и. убагхаад̇игаа наама убагхаад̇аа. сигкуубагхаад̇игаа наама сигкуубагхаад̇о. бхог̇уубагхаад̇игаа наама барибхог̇уубагхаад̇о, д̇ад̇т̇а д̇иссо сигкаа асигкад̇о сигкуубагхаад̇игаад̇и взд̣̇ид̇аб̣б̣аа. сан̇гхигам̣ ваа буг̇г̇алигам̣ ваа д̣̇уббарибхог̇ам̣ бхун̃ж̇ад̇о бхог̇уубагхаад̇игаад̇и взд̣̇ид̇аб̣б̣аа. д̣̇вз взнаяигаад̇и д̣̇вз ад̇т̇аа винаяасид̣̇д̇хаа. бан̃н̃ад̇д̇ам̣ наама сагалз винаяабидагз габбияаагаббияавасзна бан̃н̃ад̇д̇ам̣. бан̃н̃ад̇д̇аануломам̣ наама жад̇уусу махаабад̣̇зсзсу д̣̇адтаб̣б̣ам̣. сзд̇угхаад̇од̇и бажжаяагхаад̇о; язна жид̇д̇зна агаббияам̣ гарзяяа, д̇асса жид̇д̇ассааби ануббаад̣̇ананд̇и ад̇т̇о. мад̇д̇агаарид̇аад̇и мад̇д̇ааяа бамаан̣зна гаран̣ам̣; бамаан̣з таананд̇и ад̇т̇о. гааязна аабаж̇ж̇ад̇ийд̇и гааяад̣̇вааригам̣ гааязна аабаж̇ж̇ад̇и; важийд̣̇вааригам̣ ваажааяа. гааязна вудтаад̇ийд̇и д̇ин̣авад̇т̇аарагасамат̇з винааби д̣̇зсанааяа гааязнзва вудтаад̇и; д̣̇зсзд̇ваа вудтаханд̇о бана ваажааяа вудтаад̇и. аб̣бханд̇арабарибхог̇о наама аж̇жхохаран̣абарибхог̇о. б̣аахирабарибхог̇о наама сийсамагканаад̣̇и.
Kāyena paṭikkosanā nāma hatthavikārādīhi paṭikkosanā. Kāyena paṭijānātīti hatthavikārādīhi paṭijānāti. Upaghātikā nāma upaghātā. Sikkhūpaghātikā nāma sikkhūpaghāto. Bhogūpaghātikā nāma paribhogūpaghāto, tattha tisso sikkhā asikkhato sikkhūpaghātikāti veditabbā. Saṅghikaṃ vā puggalikaṃ vā dupparibhogaṃ bhuñjato bhogūpaghātikāti veditabbā. Dve venayikāti dve atthā vinayasiddhā. Paññattaṃ nāma sakale vinayapiṭake kappiyākappiyavasena paññattaṃ. Paññattānulomaṃ nāma catūsu mahāpadesesu daṭṭhabbaṃ. Setughātoti paccayaghāto; yena cittena akappiyaṃ kareyya, tassa cittassāpi anuppādananti attho. Mattakāritāti mattāya pamāṇena karaṇaṃ; pamāṇe ṭhānanti attho. Kāyena āpajjatīti kāyadvārikaṃ kāyena āpajjati; vacīdvārikaṃ vācāya. Kāyena vuṭṭhātīti tiṇavatthārakasamathe vināpi desanāya kāyeneva vuṭṭhāti; desetvā vuṭṭhahanto pana vācāya vuṭṭhāti. Abbhantaraparibhogo nāma ajjhoharaṇaparibhogo. Bāhiraparibhogo nāma sīsamakkhanādi.
анааг̇ад̇ам̣ бхаарам̣ вахад̇ийд̇и ат̇зрова самаано т̇зрзхи вахид̇аб̣б̣ам̣ б̣ийж̇анаг̇аахад̇хаммаж̇жхзсанаад̣̇ибхаарам̣ вахад̇и; д̇ам̣ нид̇т̇арид̇ум̣ вийрияам̣ аарабхад̇и. ааг̇ад̇ам̣ бхаарам̣ на вахад̇ийд̇и т̇зро т̇зрагижжам̣ на гарод̇и, ‘‘ануж̇аанаами бхигкавз т̇зрзна бхигкунаа саамам̣ ваа д̇хаммам̣ бхаасид̇ум̣, барам̣ ваа аж̇жхзсид̇ум̣, ануж̇аанаами бхигкавз т̇зраад̇хзяяам̣ баад̇имогка’’нд̇и звамаад̣̇и саб̣б̣ам̣ барихаабзд̇ийд̇и ад̇т̇о. на гуггужжааяид̇аб̣б̣ам̣ гуггужжааяад̇ийд̇и на гуггужжааяид̇аб̣б̣ам̣ гуггужжааяид̇ваа гарод̇и. гуггужжааяид̇аб̣б̣ам̣ на гуггужжааяад̇ийд̇и гуггужжааяид̇аб̣б̣ам̣ на гуггужжааяид̇ваа гарод̇и. зд̇зсам̣ д̣̇виннам̣ д̣̇иваа жа рад̇д̇о жа аасаваа вад̣дханд̇ийд̇и ад̇т̇о. ананд̇арад̣̇угзби вуд̇д̇абадибагкавасзна ад̇т̇о взд̣̇ид̇аб̣б̣о. сзсам̣ д̇ад̇т̇а д̇ад̇т̇а вуд̇д̇анаяад̇д̇аа уд̇д̇аанамзваад̇и.
Anāgataṃ bhāraṃ vahatīti atherova samāno therehi vahitabbaṃ bījanagāhadhammajjhesanādibhāraṃ vahati; taṃ nittharituṃ vīriyaṃ ārabhati. Āgataṃ bhāraṃ na vahatīti thero therakiccaṃ na karoti, ‘‘anujānāmi bhikkhave therena bhikkhunā sāmaṃ vā dhammaṃ bhāsituṃ, paraṃ vā ajjhesituṃ, anujānāmi bhikkhave therādheyyaṃ pātimokkha’’nti evamādi sabbaṃ parihāpetīti attho. Na kukkuccāyitabbaṃ kukkuccāyatīti na kukkuccāyitabbaṃ kukkuccāyitvā karoti. Kukkuccāyitabbaṃ na kukkuccāyatīti kukkuccāyitabbaṃ na kukkuccāyitvā karoti. Etesaṃ dvinnaṃ divā ca ratto ca āsavā vaḍḍhantīti attho. Anantaradukepi vuttapaṭipakkhavasena attho veditabbo. Sesaṃ tattha tattha vuttanayattā uttānamevāti.
д̣̇угаваараван̣н̣анаа нидтид̇аа.
Dukavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 2. д̣̇угавааро • 2. Dukavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇угаваараван̣н̣анаа • Dukavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇угаваараван̣н̣анаа • Dukavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̣̇угаваараван̣н̣анаа • Dukavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо д̣̇угаваараван̣н̣анаа • Ekuttarikanayo dukavāravaṇṇanā
