| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
ទុកវារវណ្ណនា
Dukavāravaṇṇanā
៣២២. និទហនេ អាតបេ។ ‘‘ឯករត្តម្បិ ចេ ភិក្ខុ តិចីវរេន វិប្បវសេយ្យ (បារា. ៤៧២)។ ឆារត្តបរមំ តេនា’’តិអាទិនា (បារា. ៦៥៣) វុត្តាបត្តិកោ គណបូរកោ ហុត្វាបិ កម្មំ កោបេតិ នានាសំវាសកត្តា។ កម្មេន វា សលាកគ្គាហេន វាតិ ឯត្ថ ឧទ្ទេសោ ចេវ កម្មញ្ច ឯកន្តិ ឯត្ថ បាតិមោក្ខុទ្ទេសោតិ វា កម្មន្តិ វា អត្ថតោ ឯកមេវ, តេសុ យំ កិញ្ចិ កតេ សង្ឃភេទោ ហោតីតិ អត្ថោ។ បុព្ពភាគាតិ សង្ឃភេទតោ បុព្ពភាគា។ ‘‘បមាណ’’ន្តិ ឥមេសំ ទ្វិន្នំ អញ្ញតរេន ភេទោ ហោតិ, ន ឥតរេហីតិ វុត្តំ។ វិនយេ សិទ្ធា វិនយសិទ្ធា, រោមជនបទេ ជាតំ រោមកំ, អនុញ្ញាតលោណត្តា ទុកេសុ វុត្តាតិ។
322.Nidahane ātape. ‘‘Ekarattampi ce bhikkhu ticīvarena vippavaseyya (pārā. 472). Chārattaparamaṃ tenā’’tiādinā (pārā. 653) vuttāpattiko gaṇapūrako hutvāpi kammaṃ kopeti nānāsaṃvāsakattā. Kammena vā salākaggāhena vāti ettha uddeso ceva kammañca ekanti ettha pātimokkhuddesoti vā kammanti vā atthato ekameva, tesu yaṃ kiñci kate saṅghabhedo hotīti attho. Pubbabhāgāti saṅghabhedato pubbabhāgā. ‘‘Pamāṇa’’nti imesaṃ dvinnaṃ aññatarena bhedo hoti, na itarehīti vuttaṃ. Vinaye siddhā vinayasiddhā, romajanapade jātaṃ romakaṃ, anuññātaloṇattā dukesu vuttāti.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ២. ទុកវារោ • 2. Dukavāro
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / ទុកវារវណ្ណនា • Dukavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ទុកវារវណ្ណនា • Dukavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ទុកវារវណ្ណនា • Dukavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ឯកុត្តរិកនយោ ទុកវារវណ្ណនា • Ekuttarikanayo dukavāravaṇṇanā
