| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਦੁਕવਾਰવਣ੍ਣਨਾ
Dukavāravaṇṇanā
੩੨੨. ਦੁਕੇਸੁ ਸਯਮੇવ ਸਪੁਗ੍ਗਲੋਤਿ ਆਹ ‘‘ਮੁਦੁਪਿਟ੍ਠਿਕਸ੍ਸਾ’’ਤਿਆਦਿ। ਆਦਿ-ਸਦ੍ਦੇਨ ਅਙ੍ਗਜਾਤਚ੍ਛੇਦਅਤ੍ਤਘਾਤਾਦਿਆਪਤ੍ਤਿਯੋ ਸਙ੍ਗਹਿਤਾ।
322. Dukesu sayameva sapuggaloti āha ‘‘mudupiṭṭhikassā’’tiādi. Ādi-saddena aṅgajātacchedaattaghātādiāpattiyo saṅgahitā.
ਭਣ੍ਡਾਗਾਰਿਕਚਿਤ੍ਤਕਮ੍ਮਾਨਿ વਾਤਿ ਗਹਟ੍ਠਾਨਂ ਭਣ੍ਡਪਟਿਸਾਮਨਂ, ਇਤ੍ਥਿਪੁਰਿਸਾਦਿਪਟਿਭਾਨਚਿਤ੍ਤਕਮ੍ਮਾਨਿ વਾ। ‘‘ਚੀવਰਾਦੀਨਿ ਅਦੇਨ੍ਤੋ ਆਪਜ੍ਜਤੀ’’ਤਿ ਇਦਂ ‘‘ਉਪਜ੍ਝਾਯੇਨ, ਭਿਕ੍ਖવੇ, ਸਦ੍ਧਿવਿਹਾਰਿਕੋ ਸਙ੍ਗਹੇਤਬ੍ਬੋ ਅਨੁਗ੍ਗਹੇਤਬ੍ਬੋ…ਪੇ॰… ਪਤ੍ਤੋ ਦਾਤਬ੍ਬੋ’’ਤਿਆਦਿ (ਮਹਾવ॰ ੬੭) વਚਨਤੋ ਅਨਾਦਰਿਯੇਨ ਆਮਿਸਸਙ੍ਗਹਂ ਅਕਰੋਨ੍ਤਸ੍ਸ ਦੁਕ੍ਕਟਂ, ਭਿਕ੍ਖੁਨਿਯਾ ਪਾਚਿਤ੍ਤਿਯਞ੍ਚ ਸਨ੍ਧਾਯ વੁਤ੍ਤਂ। ਨਿਸ੍ਸਟ੍ਠਚੀવਰਾਦੀਨਂ ਅਦਾਨਆਪਤ੍ਤਿਪਿ ਏਤ੍ਥੇવ ਸਙ੍ਗਹਿਤਾ।
Bhaṇḍāgārikacittakammāni vāti gahaṭṭhānaṃ bhaṇḍapaṭisāmanaṃ, itthipurisādipaṭibhānacittakammāni vā. ‘‘Cīvarādīni adento āpajjatī’’ti idaṃ ‘‘upajjhāyena, bhikkhave, saddhivihāriko saṅgahetabbo anuggahetabbo…pe… patto dātabbo’’tiādi (mahāva. 67) vacanato anādariyena āmisasaṅgahaṃ akarontassa dukkaṭaṃ, bhikkhuniyā pācittiyañca sandhāya vuttaṃ. Nissaṭṭhacīvarādīnaṃ adānaāpattipi ettheva saṅgahitā.
ਪਾਲ਼ਿਯਂ ਦੇਸੇਨ੍ਤੋਤਿ ਸਭਾਗਾਪਤ੍ਤਿਂ, ਅਦੇਸਨਾਗਾਮਿਨਿਆਦਿਞ੍ਚ ਦੇਸੇਨ੍ਤੋ। ਨਿਦਾਨੁਦ੍ਦੇਸੇ ਆਪਤ੍ਤਿਂ ਅਨਾવਿਕਰੋਨ੍ਤੋ, ਨ ਦੇਸੇਨ੍ਤੋ ਚ ਆਪਜ੍ਜਤਿ ਨਾਮ। ਓવਾਦਂ ਅਗਣ੍ਹਨ੍ਤੋਤਿ ਭਿਕ੍ਖੂਹਿ ਭਿਕ੍ਖੁਨਿਓવਾਦਤ੍ਥਾਯ વੁਤ੍ਤਂ વਚਨਂ ਅਗਣ੍ਹਨ੍ਤੋ ਬਾਲਗਿਲਾਨਗਮਿਯવਿવਜ੍ਜਿਤੋ। ਅਤ੍ਤਨੋ ਪਰਿਭੋਗਤ੍ਥਂ ਦਿਨ੍ਨਂ ਅਞ੍ਞਸ੍ਸ ਦਾਨੇ, ਸਙ੍ਘਾਟਿਂ ਅਪਾਰੁਪਿਤ੍વਾ ਸਨ੍ਤਰੁਤ੍ਤਰੇਨ ਗਾਮਪ੍ਪવੇਸਨਾਦੀਸੁ ਚ ਆਪਤ੍ਤਿਯੋਪਿ ਅਪਰਿਭੋਗੇਨ ਆਪਜ੍ਜਿਤਬ੍ਬਾਪਤ੍ਤਿਯੋવ। ਪਮਾਣਨ੍ਤਿ ਸਙ੍ਘਭੇਦਾਨਨ੍ਤਰਿਯਨਿਪ੍ਫਤ੍ਤਿਯਾ ਲਕ੍ਖਣਂ। ਬਾਲਸ੍ਸਾਤਿ ਨਿਸ੍ਸਯਗ੍ਗਹਣવਿਧਿਂ ਅਜਾਨਨ੍ਤਸ੍ਸ ਲਜ੍ਜਿਬਾਲਸ੍ਸੇવ। ਲਜ੍ਜਿਸ੍ਸਾਤਿ ਬ੍ਯਤ੍ਤਸ੍ਸ ਨਿਸ੍ਸਯਦਾਯਕਸਭਾਗਤਂ ਪਰਿવੀਮਂਸਨ੍ਤਸ੍ਸ। વਿਨਯੇ ਆਗਤਾ ਅਤ੍ਥਾ વੇਨਯਿਕਾਤਿ ਆਹ ‘‘ਦ੍વੇ ਅਤ੍ਥਾ વਿਨਯਸਿਦ੍ਧਾ’’ਤਿ।
Pāḷiyaṃ desentoti sabhāgāpattiṃ, adesanāgāminiādiñca desento. Nidānuddese āpattiṃ anāvikaronto, na desento ca āpajjati nāma. Ovādaṃ agaṇhantoti bhikkhūhi bhikkhuniovādatthāya vuttaṃ vacanaṃ agaṇhanto bālagilānagamiyavivajjito. Attano paribhogatthaṃ dinnaṃ aññassa dāne, saṅghāṭiṃ apārupitvā santaruttarena gāmappavesanādīsu ca āpattiyopi aparibhogena āpajjitabbāpattiyova. Pamāṇanti saṅghabhedānantariyanipphattiyā lakkhaṇaṃ. Bālassāti nissayaggahaṇavidhiṃ ajānantassa lajjibālasseva. Lajjissāti byattassa nissayadāyakasabhāgataṃ parivīmaṃsantassa. Vinaye āgatā atthā venayikāti āha ‘‘dve atthā vinayasiddhā’’ti.
ਪਾਲ਼ਿਯਂ ਅਪ੍ਪਤ੍ਤੋ ਨਿਸ੍ਸਾਰਣਨ੍ਤਿ ਏਤ੍ਥ ਪਬ੍ਬਾਜਨੀਯਕਮ੍ਮਂ વਿਹਾਰਤੋ ਨਿਸ੍ਸਾਰਣਤ੍ਤਾ ਨਿਸ੍ਸਾਰਣਨ੍ਤਿ ਅਧਿਪ੍ਪੇਤਂ, ਤਞ੍ਚ ਯਸ੍ਮਾ ਕੁਲਦੂਸਕਂ ਅਕਰੋਨ੍ਤੋ ਪੁਗ੍ਗਲੋ ਆਪਤ੍ਤਿਬਹੁਲੋਪਿ ਆવੇਣਿਕਲਕ੍ਖਣੇਨ ਅਪ੍ਪਤ੍ਤੋ ਨਾਮ ਹੋਤਿ, ਤਸ੍ਮਾ ਅਪ੍ਪਤ੍ਤੋ ਨਿਸ੍ਸਾਰਣਂ। ਯਸ੍ਮਾ ਪਨ ਆਪਤ੍ਤਾਦਿਬਹੁਲਸ੍ਸਾਪਿ ‘‘ਆਕਙ੍ਖਮਾਨੋ ਸਙ੍ਘੋ ਪਬ੍ਬਾਜਨੀਯਕਮ੍ਮਂ ਕਰੇਯ੍ਯਾ’’ਤਿ (ਚੂਲ਼વ॰ ੨੭) વੁਤ੍ਤਂ, ਤਸ੍ਮਾ ਸੁਨਿਸ੍ਸਾਰਿਤੋ, ਸਬ੍ਬਥਾ ਪਨ ਸੁਦ੍ਧੋ ਨਿਰਾਪਤ੍ਤਿਕੋ ਦੁਨ੍ਨਿਸ੍ਸਾਰਿਤੋਤਿ ਦਟ੍ਠਬ੍ਬੋ।
Pāḷiyaṃ appatto nissāraṇanti ettha pabbājanīyakammaṃ vihārato nissāraṇattā nissāraṇanti adhippetaṃ, tañca yasmā kuladūsakaṃ akaronto puggalo āpattibahulopi āveṇikalakkhaṇena appatto nāma hoti, tasmā appatto nissāraṇaṃ. Yasmā pana āpattādibahulassāpi ‘‘ākaṅkhamāno saṅgho pabbājanīyakammaṃ kareyyā’’ti (cūḷava. 27) vuttaṃ, tasmā sunissārito, sabbathā pana suddho nirāpattiko dunnissāritoti daṭṭhabbo.
ਅਪ੍ਪਤ੍ਤੋ ਓਸਾਰਣਨ੍ਤਿਆਦੀਸੁ ਉਪਸਮ੍ਪਦਾਕਮ੍ਮਂ ਏਤ੍ਥ ਓਸਾਰਣਂ ਅਧਿਪ੍ਪੇਤਂ, ਤਞ੍ਚ ਹਤ੍ਥਚ੍ਛਿਨ੍ਨਾਦਿਕੋ ਏਕਚ੍ਚੋ ਪਟਿਕ੍ਖਿਤ੍ਤਤ੍ਤਾ ਅਪ੍ਪਤ੍ਤੋਪਿ ਸੋਸਾਰਿਤੋ, ਪਣ੍ਡਕਾਦਿਕੋ ਦੋਸਾਰਿਤੋਤਿ ਅਤ੍ਥੋ।
Appatto osāraṇantiādīsu upasampadākammaṃ ettha osāraṇaṃ adhippetaṃ, tañca hatthacchinnādiko ekacco paṭikkhittattā appattopi sosārito, paṇḍakādiko dosāritoti attho.
ਦੁਕવਾਰવਣ੍ਣਨਾ ਨਿਟ੍ਠਿਤਾ।
Dukavāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੨. ਦੁਕવਾਰੋ • 2. Dukavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਦੁਕવਾਰવਣ੍ਣਨਾ • Dukavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦੁਕવਾਰવਣ੍ਣਨਾ • Dukavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਦੁਕવਾਰવਣ੍ਣਨਾ • Dukavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਦੁਕવਾਰવਣ੍ਣਨਾ • Ekuttarikanayo dukavāravaṇṇanā
