| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੨. ਦੁਕવਾਰੋ
2. Dukavāro
੩੨੨. ਅਤ੍ਥਾਪਤ੍ਤਿ ਸਞ੍ਞਾ વਿਮੋਕ੍ਖਾ, ਅਤ੍ਥਾਪਤ੍ਤਿ ਨੋ ਸਞ੍ਞਾવਿਮੋਕ੍ਖਾ। ਅਤ੍ਥਾਪਤ੍ਤਿ ਲਦ੍ਧਸਮਾਪਤ੍ਤਿਕਸ੍ਸ, ਅਤ੍ਥਾਪਤ੍ਤਿ ਨ ਲਦ੍ਧਸਮਾਪਤ੍ਤਿਕਸ੍ਸ। ਅਤ੍ਥਾਪਤ੍ਤਿ ਸਦ੍ਧਮ੍ਮਪਟਿਸਞ੍ਞੁਤ੍ਤਾ, ਅਤ੍ਥਾਪਤ੍ਤਿ ਅਸਦ੍ਧਮ੍ਮਪਟਿਸਞ੍ਞੁਤ੍ਤਾ। ਅਤ੍ਥਾਪਤ੍ਤਿ ਸਪਰਿਕ੍ਖਾਰਪਟਿਸਞ੍ਞੁਤ੍ਤਾ, ਅਤ੍ਥਾਪਤ੍ਤਿ ਪਰਪਰਿਕ੍ਖਾਰਪਟਿਸਞ੍ਞੁਤ੍ਤਾ। ਅਤ੍ਥਾਪਤ੍ਤਿ ਸਪੁਗ੍ਗਲਪਟਿਸਞ੍ਞੁਤ੍ਤਾ, ਅਤ੍ਥਾਪਤ੍ਤਿ ਪਰਪੁਗ੍ਗਲਪਟਿਸਞ੍ਞੁਤ੍ਤਾ। ਅਤ੍ਥਿ ਸਚ੍ਚਂ ਭਣਨ੍ਤੋ ਗਰੁਕਂ ਆਪਤ੍ਤਿਂ ਆਪਜ੍ਜਤਿ, ਮੁਸਾ ਭਣਨ੍ਤੋ ਲਹੁਕਂ। ਅਤ੍ਥਿ ਮੁਸਾ ਭਣਨ੍ਤੋ ਗਰੁਕਂ ਆਪਤ੍ਤਿਂ ਆਪਜ੍ਜਤਿ, ਸਚ੍ਚਂ ਭਣਨ੍ਤੋ ਲਹੁਕਂ। ਅਤ੍ਥਾਪਤ੍ਤਿ ਭੂਮਿਗਤੋ ਆਪਜ੍ਜਤਿ, ਨੋ વੇਹਾਸਗਤੋ। ਅਤ੍ਥਾਪਤ੍ਤਿ વੇਹਾਸਗਤੋ ਆਪਜ੍ਜਤਿ, ਨੋ ਭੂਮਿਗਤੋ। ਅਤ੍ਥਾਪਤ੍ਤਿ ਨਿਕ੍ਖਮਨ੍ਤੋ ਆਪਜ੍ਜਤਿ, ਨੋ ਪવਿਸਨ੍ਤੋ। ਅਤ੍ਥਾਪਤ੍ਤਿ ਪવਿਸਨ੍ਤੋ ਆਪਜ੍ਜਤਿ, ਨੋ ਨਿਕ੍ਖਮਨ੍ਤੋ। ਅਤ੍ਥਾਪਤ੍ਤਿ ਆਦਿਯਨ੍ਤੋ ਆਪਜ੍ਜਤਿ, ਅਤ੍ਥਾਪਤ੍ਤਿ ਅਨਾਦਿਯਨ੍ਤੋ ਆਪਜ੍ਜਤਿ। ਅਤ੍ਥਾਪਤ੍ਤਿ ਸਮਾਦਿਯਨ੍ਤੋ ਆਪਜ੍ਜਤਿ , ਅਤ੍ਥਾਪਤ੍ਤਿ ਨ ਸਮਾਦਿਯਨ੍ਤੋ ਆਪਜ੍ਜਤਿ। ਅਤ੍ਥਾਪਤ੍ਤਿ ਕਰੋਨ੍ਤੋ ਆਪਜ੍ਜਤਿ, ਅਤ੍ਥਾਪਤ੍ਤਿ ਨ ਕਰੋਨ੍ਤੋ ਆਪਜ੍ਜਤਿ। ਅਤ੍ਥਾਪਤ੍ਤਿ ਦੇਨ੍ਤੋ ਆਪਜ੍ਜਤਿ, ਅਤ੍ਥਾਪਤ੍ਤਿ ਨ ਦੇਨ੍ਤੋ ਆਪਜ੍ਜਤਿ। (ਅਤ੍ਥਾਪਤ੍ਤਿ ਦੇਸੇਨ੍ਤੋ ਆਪਜ੍ਜਤਿ, ਅਤ੍ਥਾਪਤ੍ਤਿ ਨ ਦੇਸੇਨ੍ਤੋ ਆਪਜ੍ਜਤਿ।) 1 ਅਤ੍ਥਾਪਤ੍ਤਿ ਪਟਿਗ੍ਗਣ੍ਹਨ੍ਤੋ ਆਪਜ੍ਜਤਿ, ਅਤ੍ਥਾਪਤ੍ਤਿ ਨ ਪਟਿਗ੍ਗਣ੍ਹਨ੍ਤੋ ਆਪਜ੍ਜਤਿ। ਅਤ੍ਥਾਪਤ੍ਤਿ ਪਰਿਭੋਗੇਨ ਆਪਜ੍ਜਤਿ, ਅਤ੍ਥਾਪਤ੍ਤਿ ਨ ਪਰਿਭੋਗੇਨ ਆਪਜ੍ਜਤਿ। ਅਤ੍ਥਾਪਤ੍ਤਿ ਰਤ੍ਤਿਂ ਆਪਜ੍ਜਤਿ, ਨੋ ਦਿવਾ। ਅਤ੍ਥਾਪਤ੍ਤਿ ਦਿવਾ ਆਪਜ੍ਜਤਿ, ਨੋ ਰਤ੍ਤਿਂ। ਅਤ੍ਥਾਪਤ੍ਤਿ ਅਰੁਣੁਗ੍ਗੇ ਆਪਜ੍ਜਤਿ, ਅਤ੍ਥਾਪਤ੍ਤਿ ਨ ਅਰੁਣੁਗ੍ਗੇ ਆਪਜ੍ਜਤਿ। ਅਤ੍ਥਾਪਤ੍ਤਿ ਛਿਨ੍ਦਨ੍ਤੋ ਆਪਜ੍ਜਤਿ, ਅਤ੍ਥਾਪਤ੍ਤਿ ਨ ਛਿਨ੍ਦਨ੍ਤੋ ਆਪਜ੍ਜਤਿ। ਅਤ੍ਥਾਪਤ੍ਤਿ ਛਾਦੇਨ੍ਤੋ ਆਪਜ੍ਜਤਿ, ਅਤ੍ਥਾਪਤ੍ਤਿ ਨ ਛਾਦੇਨ੍ਤੋ ਆਪਜ੍ਜਤਿ। ਅਤ੍ਥਾਪਤ੍ਤਿ ਧਾਰੇਨ੍ਤੋ ਆਪਜ੍ਜਤਿ, ਅਤ੍ਥਾਪਤ੍ਤਿ ਨ ਧਾਰੇਨ੍ਤੋ ਆਪਜ੍ਜਤਿ।
322. Atthāpatti saññā vimokkhā, atthāpatti no saññāvimokkhā. Atthāpatti laddhasamāpattikassa, atthāpatti na laddhasamāpattikassa. Atthāpatti saddhammapaṭisaññuttā, atthāpatti asaddhammapaṭisaññuttā. Atthāpatti saparikkhārapaṭisaññuttā, atthāpatti paraparikkhārapaṭisaññuttā. Atthāpatti sapuggalapaṭisaññuttā, atthāpatti parapuggalapaṭisaññuttā. Atthi saccaṃ bhaṇanto garukaṃ āpattiṃ āpajjati, musā bhaṇanto lahukaṃ. Atthi musā bhaṇanto garukaṃ āpattiṃ āpajjati, saccaṃ bhaṇanto lahukaṃ. Atthāpatti bhūmigato āpajjati, no vehāsagato. Atthāpatti vehāsagato āpajjati, no bhūmigato. Atthāpatti nikkhamanto āpajjati, no pavisanto. Atthāpatti pavisanto āpajjati, no nikkhamanto. Atthāpatti ādiyanto āpajjati, atthāpatti anādiyanto āpajjati. Atthāpatti samādiyanto āpajjati , atthāpatti na samādiyanto āpajjati. Atthāpatti karonto āpajjati, atthāpatti na karonto āpajjati. Atthāpatti dento āpajjati, atthāpatti na dento āpajjati. (Atthāpatti desento āpajjati, atthāpatti na desento āpajjati.) 2 Atthāpatti paṭiggaṇhanto āpajjati, atthāpatti na paṭiggaṇhanto āpajjati. Atthāpatti paribhogena āpajjati, atthāpatti na paribhogena āpajjati. Atthāpatti rattiṃ āpajjati, no divā. Atthāpatti divā āpajjati, no rattiṃ. Atthāpatti aruṇugge āpajjati, atthāpatti na aruṇugge āpajjati. Atthāpatti chindanto āpajjati, atthāpatti na chindanto āpajjati. Atthāpatti chādento āpajjati, atthāpatti na chādento āpajjati. Atthāpatti dhārento āpajjati, atthāpatti na dhārento āpajjati.
ਦ੍વੇ ਉਪੋਸਥਾ – ਚਾਤੁਦ੍ਦਸਿਕੋ ਚ ਪਨ੍ਨਰਸਿਕੋ ਚ। ਦ੍વੇ ਪવਾਰਣਾ – ਚਾਤੁਦ੍ਦਸਿਕਾ ਚ ਪਨ੍ਨਰਸਿਕਾ ਚ। ਦ੍વੇ ਕਮ੍ਮਾਨਿ – ਅਪਲੋਕਨਕਮ੍ਮਂ, ਞਤ੍ਤਿਕਮ੍ਮਂ। ਅਪਰਾਨਿਪਿ ਦ੍વੇ ਕਮ੍ਮਾਨਿ – ਞਤ੍ਤਿਦੁਤਿਯਕਮ੍ਮਂ, ਞਤ੍ਤਿਚਤੁਤ੍ਥਕਮ੍ਮਂ। ਦ੍વੇ ਕਮ੍ਮવਤ੍ਥੂਨਿ – ਅਪਲੋਕਨਕਮ੍ਮਸ੍ਸ વਤ੍ਥੁ, ਞਤ੍ਤਿਕਮ੍ਮਸ੍ਸ વਤ੍ਥੁ। ਅਪਰਾਨਿਪਿ ਦ੍વੇ ਕਮ੍ਮવਤ੍ਥੂਨਿ – ਞਤ੍ਤਿਦੁਤਿਯਕਮ੍ਮਸ੍ਸ વਤ੍ਥੁ, ਞਤ੍ਤਿਚਤੁਤ੍ਥਕਮ੍ਮਸ੍ਸ વਤ੍ਥੁ। ਦ੍વੇ ਕਮ੍ਮਦੋਸਾ – ਅਪਲੋਕਨਕਮ੍ਮਸ੍ਸ ਦੋਸੋ, ਞਤ੍ਤਿਕਮ੍ਮਸ੍ਸ ਦੋਸੋ। ਅਪਰੇਪਿ ਦ੍વੇ ਕਮ੍ਮਦੋਸਾ – ਞਤ੍ਤਿਦੁਤਿਯਕਮ੍ਮਸ੍ਸ ਦੋਸੋ, ਞਤ੍ਤਿਚਤੁਤ੍ਥਕਮ੍ਮਸ੍ਸ ਦੋਸੋ। ਦ੍વੇ ਕਮ੍ਮਸਮ੍ਪਤ੍ਤਿਯੋ – ਅਪਲੋਕਨਕਮ੍ਮਸ੍ਸ ਸਮ੍ਪਤ੍ਤਿ, ਞਤ੍ਤਿਕਮ੍ਮਸ੍ਸ ਸਮ੍ਪਤ੍ਤਿ। ਅਪਰਾਪਿ ਦ੍વੇ ਕਮ੍ਮਸਮ੍ਪਤ੍ਤਿਯੋ – ਞਤ੍ਤਿਦੁਤਿਯਕਮ੍ਮਸ੍ਸ ਸਮ੍ਪਤ੍ਤਿ, ਞਤ੍ਤਿਚਤੁਤ੍ਥਕਮ੍ਮਸ੍ਸ ਸਮ੍ਪਤ੍ਤਿ। ਦ੍વੇ ਨਾਨਾਸਂવਾਸਕਭੂਮਿਯੋ – ਅਤ੍ਤਨਾ વਾ ਅਤ੍ਤਾਨਂ ਨਾਨਾਸਂવਾਸਕਂ ਕਰੋਤਿ, ਸਮਗ੍ਗੋ વਾ ਨਂ ਸਙ੍ਘੋ ਉਕ੍ਖਿਪਤਿ ਅਦਸ੍ਸਨੇ વਾ ਅਪ੍ਪਟਿਕਮ੍ਮੇ વਾ ਅਪ੍ਪਟਿਨਿਸ੍ਸਗ੍ਗੇ વਾ। ਦ੍વੇ ਸਮਾਨਸਂવਾਸਕਭੂਮਿਯੋ – ਅਤ੍ਤਨਾ વਾ ਅਤ੍ਤਾਨਂ ਸਮਾਨਸਂવਾਸਕਂ ਕਰੋਤਿ, ਸਮਗ੍ਗੋ વਾ ਨਂ ਸਙ੍ਘੋ ਉਕ੍ਖਿਤ੍ਤਂ ਓਸਾਰੇਤਿ ਦਸ੍ਸਨੇ વਾ ਪਟਿਕਮ੍ਮੇ વਾ ਪਟਿਨਿਸ੍ਸਗ੍ਗੇ વਾ। ਦ੍વੇ ਪਾਰਾਜਿਕਾ – ਭਿਕ੍ਖੂਨਞ੍ਚ ਭਿਕ੍ਖੁਨੀਨਞ੍ਚ। ਦ੍વੇ ਸਙ੍ਘਾਦਿਸੇਸਾ, ਦ੍વੇ ਥੁਲ੍ਲਚ੍ਚਯਾ, ਦ੍વੇ ਪਾਚਿਤ੍ਤਿਯਾ, ਦ੍વੇ ਪਾਟਿਦੇਸਨੀਯਾ, ਦ੍વੇ ਦੁਕ੍ਕਟਾ, ਦ੍વੇ ਦੁਬ੍ਭਾਸਿਤਾ – ਭਿਕ੍ਖੂਨਞ੍ਚ ਭਿਕ੍ਖੁਨੀਨਞ੍ਚ। ਸਤ੍ਤ ਆਪਤ੍ਤਿਯੋ, ਸਤ੍ਤ ਆਪਤ੍ਤਿਕ੍ਖਨ੍ਧਾ। ਦ੍વੀਹਾਕਾਰੇਹਿ ਸਙ੍ਘੋ ਭਿਜ੍ਜਤਿ – ਕਮ੍ਮੇਨ વਾ ਸਲਾਕਗ੍ਗਾਹੇਨ વਾ।
Dve uposathā – cātuddasiko ca pannarasiko ca. Dve pavāraṇā – cātuddasikā ca pannarasikā ca. Dve kammāni – apalokanakammaṃ, ñattikammaṃ. Aparānipi dve kammāni – ñattidutiyakammaṃ, ñatticatutthakammaṃ. Dve kammavatthūni – apalokanakammassa vatthu, ñattikammassa vatthu. Aparānipi dve kammavatthūni – ñattidutiyakammassa vatthu, ñatticatutthakammassa vatthu. Dve kammadosā – apalokanakammassa doso, ñattikammassa doso. Aparepi dve kammadosā – ñattidutiyakammassa doso, ñatticatutthakammassa doso. Dve kammasampattiyo – apalokanakammassa sampatti, ñattikammassa sampatti. Aparāpi dve kammasampattiyo – ñattidutiyakammassa sampatti, ñatticatutthakammassa sampatti. Dve nānāsaṃvāsakabhūmiyo – attanā vā attānaṃ nānāsaṃvāsakaṃ karoti, samaggo vā naṃ saṅgho ukkhipati adassane vā appaṭikamme vā appaṭinissagge vā. Dve samānasaṃvāsakabhūmiyo – attanā vā attānaṃ samānasaṃvāsakaṃ karoti, samaggo vā naṃ saṅgho ukkhittaṃ osāreti dassane vā paṭikamme vā paṭinissagge vā. Dve pārājikā – bhikkhūnañca bhikkhunīnañca. Dve saṅghādisesā, dve thullaccayā, dve pācittiyā, dve pāṭidesanīyā, dve dukkaṭā, dve dubbhāsitā – bhikkhūnañca bhikkhunīnañca. Satta āpattiyo, satta āpattikkhandhā. Dvīhākārehi saṅgho bhijjati – kammena vā salākaggāhena vā.
ਦ੍વੇ ਪੁਗ੍ਗਲਾ ਨ ਉਪਸਮ੍ਪਾਦੇਤਬ੍ਬਾ – ਅਦ੍ਧਾਨਹੀਨੋ, ਅਙ੍ਗਹੀਨੋ। ਅਪਰੇਪਿ ਦ੍વੇ ਪੁਗ੍ਗਲਾ ਨ ਉਪਸਮ੍ਪਾਦੇਤਬ੍ਬਾ – વਤ੍ਥੁવਿਪਨ੍ਨੋ, ਕਰਣਦੁਕ੍ਕਟਕੋ। ਅਪਰੇਪਿ ਦ੍વੇ ਪੁਗ੍ਗਲਾ ਨ ਉਪਸਮ੍ਪਾਦੇਤਬ੍ਬਾ – ਅਪਰਿਪੂਰੋ ਪਰਿਪੂਰੋ ਨੋ ਚ ਯਾਚਤਿ। ਦ੍વਿਨ੍ਨਂ ਪੁਗ੍ਗਲਾਨਂ ਨਿਸ੍ਸਾਯ ਨ વਤ੍ਥਬ੍ਬਂ – ਅਲਜ੍ਜਿਸ੍ਸ ਚ ਬਾਲਸ੍ਸ ਚ। ਦ੍વਿਨ੍ਨਂ ਪੁਗ੍ਗਲਾਨਂ ਨਿਸ੍ਸਯੋ ਨ ਦਾਤਬ੍ਬੋ – ਅਲਜ੍ਜਿਸ੍ਸ ਚ ਲਜ੍ਜਿਨੋ ਚ ਨ ਯਾਚਤਿ। ਦ੍વਿਨ੍ਨਂ ਪੁਗ੍ਗਲਾਨਂ ਨਿਸ੍ਸਯੋ ਦਾਤਬ੍ਬੋ – ਬਾਲਸ੍ਸ ਚ ਲਜ੍ਜਿਸ੍ਸ ਚ ਯਾਚਤਿ। ਦ੍વੇ ਪੁਗ੍ਗਲਾ ਅਭਬ੍ਬਾ ਆਪਤ੍ਤਿਂ ਆਪਜ੍ਜਿਤੁਂ – ਬੁਦ੍ਧਾ ਚ ਪਚ੍ਚੇਕਬੁਦ੍ਧਾ ਚ। ਦ੍વੇ ਪੁਗ੍ਗਲਾ ਭਬ੍ਬਾ, ਆਪਤ੍ਤਿਂ ਆਪਜ੍ਜਿਤੁਂ – ਭਿਕ੍ਖੂ ਚ ਭਿਕ੍ਖੁਨਿਯੋ ਚ। ਦ੍વੇ ਪੁਗ੍ਗਲਾ ਅਭਬ੍ਬਾ ਸਞ੍ਚਿਚ੍ਚ ਆਪਤ੍ਤਿਂ ਆਪਜ੍ਜਿਤੁਂ – ਭਿਕ੍ਖੂ ਚ ਭਿਕ੍ਖੁਨਿਯੋ ਚ ਅਰਿਯਪੁਗ੍ਗਲਾ। ਦ੍વੇ ਪੁਗ੍ਗਲਾ ਭਬ੍ਬਾ ਸਞ੍ਚਿਚ੍ਚ ਆਪਤ੍ਤਿਂ ਆਪਜ੍ਜਿਤੁਂ – ਭਿਕ੍ਖੂ ਚ ਭਿਕ੍ਖੁਨਿਯੋ ਚ ਪੁਥੁਜ੍ਜਨਾ। ਦ੍વੇ ਪੁਗ੍ਗਲਾ ਅਭਬ੍ਬਾ ਸਞ੍ਚਿਚ੍ਚ ਸਾਤਿਸਾਰਂ વਤ੍ਥੁਂ ਅਜ੍ਝਾਚਰਿਤੁਂ – ਭਿਕ੍ਖੂ ਚ ਭਿਕ੍ਖੁਨਿਯੋ ਚ ਅਰਿਯਪੁਗ੍ਗਲਾ। ਦ੍વੇ ਪੁਗ੍ਗਲਾ ਭਬ੍ਬਾ ਸਞ੍ਚਿਚ੍ਚ ਸਾਤਿਸਾਰਂ વਤ੍ਥੁਂ ਅਜ੍ਝਾਚਰਿਤੁਂ – ਭਿਕ੍ਖੂ ਚ ਭਿਕ੍ਖੁਨਿਯੋ ਚ ਪੁਥੁਜ੍ਜਨਾ।
Dve puggalā na upasampādetabbā – addhānahīno, aṅgahīno. Aparepi dve puggalā na upasampādetabbā – vatthuvipanno, karaṇadukkaṭako. Aparepi dve puggalā na upasampādetabbā – aparipūro paripūro no ca yācati. Dvinnaṃ puggalānaṃ nissāya na vatthabbaṃ – alajjissa ca bālassa ca. Dvinnaṃ puggalānaṃ nissayo na dātabbo – alajjissa ca lajjino ca na yācati. Dvinnaṃ puggalānaṃ nissayo dātabbo – bālassa ca lajjissa ca yācati. Dve puggalā abhabbā āpattiṃ āpajjituṃ – buddhā ca paccekabuddhā ca. Dve puggalā bhabbā, āpattiṃ āpajjituṃ – bhikkhū ca bhikkhuniyo ca. Dve puggalā abhabbā sañcicca āpattiṃ āpajjituṃ – bhikkhū ca bhikkhuniyo ca ariyapuggalā. Dve puggalā bhabbā sañcicca āpattiṃ āpajjituṃ – bhikkhū ca bhikkhuniyo ca puthujjanā. Dve puggalā abhabbā sañcicca sātisāraṃ vatthuṃ ajjhācarituṃ – bhikkhū ca bhikkhuniyo ca ariyapuggalā. Dve puggalā bhabbā sañcicca sātisāraṃ vatthuṃ ajjhācarituṃ – bhikkhū ca bhikkhuniyo ca puthujjanā.
ਦ੍વੇ ਪਟਿਕ੍ਕੋਸਾ – ਕਾਯੇਨ વਾ ਪਟਿਕ੍ਕੋਸਤਿ વਾਚਾਯ વਾ ਪਟਿਕ੍ਕੋਸਤਿ। ਦ੍વੇ ਨਿਸ੍ਸਾਰਣਾ – ਅਤ੍ਥਿ ਪੁਗ੍ਗਲੋ ਅਪ੍ਪਤ੍ਤੋ ਨਿਸ੍ਸਾਰਣਂ ਤਂ ਚੇ ਸਙ੍ਘੋ ਨਿਸ੍ਸਾਰੇਤਿ ਏਕਚ੍ਚੋ ਸੁਨਿਸ੍ਸਾਰਿਤੋ, ਏਕਚ੍ਚੋ ਦੁਨ੍ਨਿਸ੍ਸਾਰਿਤੋ। ਦ੍વੇ ਓਸਾਰਣਾ – ਅਤ੍ਥਿ ਪੁਗ੍ਗਲੋ ਅਪ੍ਪਤ੍ਤੋ ਓਸਾਰਣਂ ਤਂ ਚੇ ਸਙ੍ਘੋ ਓਸਾਰੇਤਿ ਏਕਚ੍ਚੋ ਸੋਸਾਰਿਤੋ, ਏਕਚ੍ਚੋ ਦੋਸਾਰਿਤੋ। ਦ੍વੇ ਪਟਿਞ੍ਞਾ – ਕਾਯੇਨ વਾ ਪਟਿਜਾਨਾਤਿ વਾਚਾਯ વਾ ਪਟਿਜਾਨਾਤਿ। ਦ੍વੇ ਪਟਿਗ੍ਗਹਾ – ਕਾਯੇਨ વਾ ਪਟਿਗ੍ਗਣ੍ਹਾਤਿ ਕਾਯਪਟਿਬਦ੍ਧੇਨ વਾ ਪਟਿਗ੍ਗਣ੍ਹਾਤਿ। ਦ੍વੇ ਪਟਿਕ੍ਖੇਪਾ – ਕਾਯੇਨ વਾ ਪਟਿਕ੍ਖਿਪਤਿ વਾਚਾਯ વਾ ਪਟਿਕ੍ਖਿਪਤਿ। ਦ੍વੇ ਉਪਘਾਤਿਕਾ – ਸਿਕ੍ਖੂਪਘਾਤਿਕਾ ਚ ਭੋਗੂਪਘਾਤਿਕਾ ਚ। ਦ੍વੇ ਚੋਦਨਾ – ਕਾਯੇਨ વਾ ਚੋਦੇਤਿ વਾਚਾਯ વਾ ਚੋਦੇਤਿ। ਦ੍વੇ ਕਥਿਨਸ੍ਸ ਪਲਿਬੋਧਾ – ਆવਾਸਪਲਿਬੋਧੋ ਚ ਚੀવਰਪਲਿਬੋਧੋ ਚ। ਦ੍વੇ ਕਥਿਨਸ੍ਸ ਅਪਲਿਬੋਧਾ – ਆવਾਸਅਪਲਿਬੋਧੋ ਚ ਚੀવਰਅਪਲਿਬੋਧੋ ਚ। ਦ੍વੇ ਚੀવਰਾਨਿ – ਗਹਪਤਿਕਞ੍ਚ ਪਂਸੁਕੂਲਞ੍ਚ। ਦ੍વੇ ਪਤ੍ਤਾ – ਅਯੋਪਤ੍ਤੋ ਮਤ੍ਤਿਕਾਪਤ੍ਤੋ। ਦ੍વੇ ਮਣ੍ਡਲਾਨਿ – ਤਿਪੁਮਯਂ, ਸੀਸਮਯਂ। ਦ੍વੇ ਪਤ੍ਤਸ੍ਸ ਅਧਿਟ੍ਠਾਨਾ – ਕਾਯੇਨ વਾ ਅਧਿਟ੍ਠੇਤਿ વਾਚਾਯ વਾ ਅਧਿਟ੍ਠੇਤਿ। ਦ੍વੇ ਚੀવਰਸ੍ਸ ਅਧਿਟ੍ਠਾਨਾ – ਕਾਯੇਨ વਾ ਅਧਿਟ੍ਠੇਤਿ વਾਚਾਯ વਾ ਅਧਿਟ੍ਠੇਤਿ। ਦ੍વੇ વਿਕਪ੍ਪਨਾ – ਸਮ੍ਮੁਖਾવਿਕਪ੍ਪਨਾ ਚ ਪਰਮ੍ਮੁਖਾવਿਕਪ੍ਪਨਾ ਚ। ਦ੍વੇ વਿਨਯਾ – ਭਿਕ੍ਖੂਨਞ੍ਚ ਭਿਕ੍ਖੁਨੀਨਞ੍ਚ। ਦ੍વੇ વੇਨਯਿਕਾ – ਪਞ੍ਞਤ੍ਤਞ੍ਚ ਪਞ੍ਞਤ੍ਤਾਨੁਲੋਮਞ੍ਚ। ਦ੍વੇ વਿਨਯਸ੍ਸ ਸਲ੍ਲੇਖਾ – ਅਕਪ੍ਪਿਯੇ ਸੇਤੁਘਾਤੋ, ਕਪ੍ਪਿਯੇ ਮਤ੍ਤਕਾਰਿਤਾ। ਦ੍વੀਹਾਕਾਰੇਹਿ ਆਪਤ੍ਤਿਂ ਆਪਜ੍ਜਤਿ – ਕਾਯੇਨ વਾ ਆਪਜ੍ਜਤਿ વਾਚਾਯ વਾ ਆਪਜ੍ਜਤਿ। ਦ੍વੀਹਾਕਾਰੇਹਿ ਆਪਤ੍ਤਿਯਾ વੁਟ੍ਠਾਤਿ – ਕਾਯੇਨ વਾ વੁਟ੍ਠਾਤਿ વਾਚਾਯ વਾ વੁਟ੍ਠਾਤਿ। ਦ੍વੇ ਪਰਿવਾਸਾ – ਪਟਿਚ੍ਛਨ੍ਨਪਰਿવਾਸੋ, ਅਪ੍ਪਟਿਚ੍ਛਨ੍ਨਪਰਿવਾਸੋ। ਅਪਰੇਪਿ ਦ੍વੇ ਪਰਿવਾਸਾ – ਸੁਦ੍ਧਨ੍ਤਪਰਿવਾਸੋ ਸਮੋਧਾਨਪਰਿવਾਸੋ। ਦ੍વੇ ਮਾਨਤ੍ਤਾ – ਪਟਿਚ੍ਛਨ੍ਨਮਾਨਤ੍ਤਂ, ਅਪ੍ਪਟਿਚ੍ਛਨ੍ਨਮਾਨਤ੍ਤਂ। ਅਪਰੇਪਿ ਦ੍વੇ ਮਾਨਤ੍ਤਾ – ਪਕ੍ਖਮਾਨਤ੍ਤਂ, ਸਮੋਧਾਨਮਾਨਤ੍ਤਂ। ਦ੍વਿਨ੍ਨਂ ਪੁਗ੍ਗਲਾਨਂ ਰਤ੍ਤਿਚ੍ਛੇਦੋ – ਪਾਰਿવਾਸਿਕਸ੍ਸ ਚ ਮਾਨਤ੍ਤਚਾਰਿਕਸ੍ਸ ਚ। ਦ੍વੇ ਅਨਾਦਰਿਯਾਨਿ – ਪੁਗ੍ਗਲਾਨਾਦਰਿਯਞ੍ਚ ਧਮ੍ਮਾਨਾਦਰਿਯਞ੍ਚ। ਦ੍વੇ ਲੋਣਾਨਿ – ਜਾਤਿਮਞ੍ਚ ਕਾਰਿਮਞ੍ਚ 3। ਅਪਰਾਨਿਪਿ ਦ੍વੇ ਲੋਣਾਨਿ – ਸਾਮੁਦ੍ਦਂ ਕਾਲ਼ਲੋਣਂ। ਅਪਰਾਨਿਪਿ ਦ੍વੇ ਲੋਣਾਨਿ – ਸਿਨ੍ਧવਂ, ਉਬ੍ਭਿਦਂ 4। ਅਪਰਾਨਿਪਿ ਦ੍વੇ ਲੋਣਾਨਿ – ਰੋਮਕਂ, ਪਕ੍ਕਾਲਕਂ। ਦ੍વੇ ਪਰਿਭੋਗਾ – ਅਬ੍ਭਨ੍ਤਰਪਰਿਭੋਗੋ ਚ ਬਾਹਿਰਪਰਿਭੋਗੋ ਚ। ਦ੍વੇ ਅਕ੍ਕੋਸਾ – ਹੀਨੋ ਚ ਅਕ੍ਕੋਸੋ ਉਕ੍ਕਟ੍ਠੋ ਚ ਅਕ੍ਕੋਸੋ। ਦ੍વੀਹਾਕਾਰੇਹਿ ਪੇਸੁਞ੍ਞਂ ਹੋਤਿ – ਪਿਯਕਮ੍ਯਸ੍ਸ વਾ ਭੇਦਾਧਿਪ੍ਪਾਯਸ੍ਸ વਾ। ਦ੍વੀਹਾਕਾਰੇਹਿ ਗਣਭੋਜਨਂ ਪਸવਤਿ – ਨਿਮਨ੍ਤਨਤੋ વਾ વਿਞ੍ਞਤ੍ਤਿਤੋ વਾ। ਦ੍વੇ વਸ੍ਸੂਪਨਾਯਿਕਾ – ਪੁਰਿਮਿਕਾ, ਪਚ੍ਛਿਮਿਕਾ। ਦ੍વੇ ਅਧਮ੍ਮਿਕਾਨਿ ਪਾਤਿਮੋਕ੍ਖਟ੍ਠਪਨਾਨਿ। ਦ੍વੇ ਧਮ੍ਮਿਕਾਨਿ ਪਾਤਿਮੋਕ੍ਖਟ੍ਠਪਨਾਨਿ।
Dve paṭikkosā – kāyena vā paṭikkosati vācāya vā paṭikkosati. Dve nissāraṇā – atthi puggalo appatto nissāraṇaṃ taṃ ce saṅgho nissāreti ekacco sunissārito, ekacco dunnissārito. Dve osāraṇā – atthi puggalo appatto osāraṇaṃ taṃ ce saṅgho osāreti ekacco sosārito, ekacco dosārito. Dve paṭiññā – kāyena vā paṭijānāti vācāya vā paṭijānāti. Dve paṭiggahā – kāyena vā paṭiggaṇhāti kāyapaṭibaddhena vā paṭiggaṇhāti. Dve paṭikkhepā – kāyena vā paṭikkhipati vācāya vā paṭikkhipati. Dve upaghātikā – sikkhūpaghātikā ca bhogūpaghātikā ca. Dve codanā – kāyena vā codeti vācāya vā codeti. Dve kathinassa palibodhā – āvāsapalibodho ca cīvarapalibodho ca. Dve kathinassa apalibodhā – āvāsaapalibodho ca cīvaraapalibodho ca. Dve cīvarāni – gahapatikañca paṃsukūlañca. Dve pattā – ayopatto mattikāpatto. Dve maṇḍalāni – tipumayaṃ, sīsamayaṃ. Dve pattassa adhiṭṭhānā – kāyena vā adhiṭṭheti vācāya vā adhiṭṭheti. Dve cīvarassa adhiṭṭhānā – kāyena vā adhiṭṭheti vācāya vā adhiṭṭheti. Dve vikappanā – sammukhāvikappanā ca parammukhāvikappanā ca. Dve vinayā – bhikkhūnañca bhikkhunīnañca. Dve venayikā – paññattañca paññattānulomañca. Dve vinayassa sallekhā – akappiye setughāto, kappiye mattakāritā. Dvīhākārehi āpattiṃ āpajjati – kāyena vā āpajjati vācāya vā āpajjati. Dvīhākārehi āpattiyā vuṭṭhāti – kāyena vā vuṭṭhāti vācāya vā vuṭṭhāti. Dve parivāsā – paṭicchannaparivāso, appaṭicchannaparivāso. Aparepi dve parivāsā – suddhantaparivāso samodhānaparivāso. Dve mānattā – paṭicchannamānattaṃ, appaṭicchannamānattaṃ. Aparepi dve mānattā – pakkhamānattaṃ, samodhānamānattaṃ. Dvinnaṃ puggalānaṃ ratticchedo – pārivāsikassa ca mānattacārikassa ca. Dve anādariyāni – puggalānādariyañca dhammānādariyañca. Dve loṇāni – jātimañca kārimañca 5. Aparānipi dve loṇāni – sāmuddaṃ kāḷaloṇaṃ. Aparānipi dve loṇāni – sindhavaṃ, ubbhidaṃ 6. Aparānipi dve loṇāni – romakaṃ, pakkālakaṃ. Dve paribhogā – abbhantaraparibhogo ca bāhiraparibhogo ca. Dve akkosā – hīno ca akkoso ukkaṭṭho ca akkoso. Dvīhākārehi pesuññaṃ hoti – piyakamyassa vā bhedādhippāyassa vā. Dvīhākārehi gaṇabhojanaṃ pasavati – nimantanato vā viññattito vā. Dve vassūpanāyikā – purimikā, pacchimikā. Dve adhammikāni pātimokkhaṭṭhapanāni. Dve dhammikāni pātimokkhaṭṭhapanāni.
7 ਦ੍વੇ ਪੁਗ੍ਗਲਾ ਬਾਲਾ – ਯੋ ਚ ਅਨਾਗਤਂ ਭਾਰਂ વਹਤਿ, ਯੋ ਚ ਆਗਤਂ ਭਾਰਂ ਨ વਹਤਿ। ਦ੍વੇ ਪੁਗ੍ਗਲਾ ਪਣ੍ਡਿਤਾ – ਯੋ ਚ ਅਨਾਗਤਂ ਭਾਰਂ ਨ વਹਤਿ, ਯੋ ਚ ਆਗਤਂ ਭਾਰਂ વਹਤਿ। ਅਪਰੇਪਿ ਦ੍વੇ ਪੁਗ੍ਗਲਾ ਬਾਲਾ – ਯੋ ਚ ਅਕਪ੍ਪਿਯੇ ਕਪ੍ਪਿਯਸਞ੍ਞੀ, ਯੋ ਚ ਕਪ੍ਪਿਯੇ ਅਕਪ੍ਪਿਯਸਞ੍ਞੀ। ਦ੍વੇ ਪੁਗ੍ਗਲਾ ਪਣ੍ਡਿਤਾ – ਯੋ ਚ ਅਕਪ੍ਪਿਯੇ ਅਕਪ੍ਪਿਯਸਞ੍ਞੀ, ਯੋ ਚ ਕਪ੍ਪਿਯੇ ਕਪ੍ਪਿਯਸਞ੍ਞੀ। ਅਪਰੇਪਿ ਦ੍વੇ ਪੁਗ੍ਗਲਾ ਬਾਲਾ – ਯੋ ਚ ਅਨਾਪਤ੍ਤਿਯਾ ਆਪਤ੍ਤਿਸਞ੍ਞੀ, ਯੋ ਚ ਆਪਤ੍ਤਿਯਾ ਅਨਾਪਤ੍ਤਿਸਞ੍ਞੀ। ਦ੍વੇ ਪੁਗ੍ਗਲਾ ਪਣ੍ਡਿਤਾ – ਯੋ ਚ ਆਪਤ੍ਤਿਯਾ ਆਪਤ੍ਤਿਸਞ੍ਞੀ, ਯੋ ਚ ਅਨਾਪਤ੍ਤਿਯਾ ਅਨਾਪਤ੍ਤਿਸਞ੍ਞੀ। ਅਪਰੇਪਿ ਦ੍વੇ ਪੁਗ੍ਗਲਾ ਬਾਲਾ – ਯੋ ਚ ਅਧਮ੍ਮੇ ਧਮ੍ਮਸਞ੍ਞੀ, ਯੋ ਚ ਧਮ੍ਮੇ ਅਧਮ੍ਮਸਞ੍ਞੀ। ਦ੍વੇ ਪੁਗ੍ਗਲਾ ਪਣ੍ਡਿਤਾ – ਯੋ ਚ ਅਧਮ੍ਮੇ ਅਧਮ੍ਮਸਞ੍ਞੀ, ਯੋ ਚ ਧਮ੍ਮੇ ਧਮ੍ਮਸਞ੍ਞੀ। ਅਪਰੇਪਿ ਦ੍વੇ ਪੁਗ੍ਗਲਾ ਬਾਲਾ – ਯੋ ਚ ਅવਿਨਯੇ વਿਨਯਸਞ੍ਞੀ, ਯੋ ਚ વਿਨਯੇ ਅવਿਨਯਸਞ੍ਞੀ। ਦ੍વੇ ਪੁਗ੍ਗਲਾ ਪਣ੍ਡਿਤਾ – ਯੋ ਚ ਅવਿਨਯੇ ਅવਿਨਯਸਞ੍ਞੀ, ਯੋ ਚ વਿਨਯੇ વਿਨਯਸਞ੍ਞੀ।
8 Dve puggalā bālā – yo ca anāgataṃ bhāraṃ vahati, yo ca āgataṃ bhāraṃ na vahati. Dve puggalā paṇḍitā – yo ca anāgataṃ bhāraṃ na vahati, yo ca āgataṃ bhāraṃ vahati. Aparepi dve puggalā bālā – yo ca akappiye kappiyasaññī, yo ca kappiye akappiyasaññī. Dve puggalā paṇḍitā – yo ca akappiye akappiyasaññī, yo ca kappiye kappiyasaññī. Aparepi dve puggalā bālā – yo ca anāpattiyā āpattisaññī, yo ca āpattiyā anāpattisaññī. Dve puggalā paṇḍitā – yo ca āpattiyā āpattisaññī, yo ca anāpattiyā anāpattisaññī. Aparepi dve puggalā bālā – yo ca adhamme dhammasaññī, yo ca dhamme adhammasaññī. Dve puggalā paṇḍitā – yo ca adhamme adhammasaññī, yo ca dhamme dhammasaññī. Aparepi dve puggalā bālā – yo ca avinaye vinayasaññī, yo ca vinaye avinayasaññī. Dve puggalā paṇḍitā – yo ca avinaye avinayasaññī, yo ca vinaye vinayasaññī.
9 ਦ੍વਿਨ੍ਨਂ ਪੁਗ੍ਗਲਾਨਂ ਆਸવਾ વਡ੍ਢਨ੍ਤਿ – ਯੋ ਚ ਨ ਕੁਕ੍ਕੁਚ੍ਚਾਯਿਤਬ੍ਬਂ ਕੁਕ੍ਕੁਚ੍ਚਾਯਤਿ, ਯੋ ਚ ਕੁਕ੍ਕੁਚ੍ਚਾਯਿਤਬ੍ਬਂ ਕੁਕ੍ਕੁਚ੍ਚਾਯਤਿ। ਦ੍વਿਨ੍ਨਂ ਪੁਗ੍ਗਲਾਨਂ ਆਸવਾ ਨ વਡ੍ਢਨ੍ਤਿ – ਯੋ ਚ ਕੁਕ੍ਕੁਚ੍ਚਾਯਿਤਬ੍ਬਂ ਨ ਕੁਕ੍ਕੁਚ੍ਚਾਯਤਿ, ਯੋ ਚ ਕੁਕ੍ਕੁਚ੍ਚਾਯਿਤਬ੍ਬਂ ਕੁਕ੍ਕੁਚ੍ਚਾਯਤਿ। ਅਪਰੇਸਮ੍ਪਿ ਦ੍વਿਨ੍ਨਂ ਪੁਗ੍ਗਲਾਨਂ ਆਸવਾ વਡ੍ਢਨ੍ਤਿ – ਯੋ ਚ ਅਕਪ੍ਪਿਯੇ ਕਪ੍ਪਿਯਸਞ੍ਞੀ, ਯੋ ਚ ਕਪ੍ਪਿਯੇ ਅਕਪ੍ਪਿਯਸਞ੍ਞੀ। ਦ੍વਿਨ੍ਨਂ ਪੁਗ੍ਗਲਾਨਂ ਆਸવਾ ਨ વਡ੍ਢਨ੍ਤਿ – ਯੋ ਚ ਅਕਪ੍ਪਿਯੇ ਅਕਪ੍ਪਿਯਸਞ੍ਞੀ, ਯੋ ਚ ਕਪ੍ਪਿਯੇ ਕਪ੍ਪਿਯਸਞ੍ਞੀ। ਅਪਰੇਸਮ੍ਪਿ ਦ੍વਿਨ੍ਨਂ ਪੁਗ੍ਗਲਾਨਂ ਆਸવਾ વਡ੍ਢਨ੍ਤਿ – ਯੋ ਚ ਅਨਾਪਤ੍ਤਿਯਾ ਆਪਤ੍ਤਿਸਞ੍ਞੀ, ਯੋ ਚ ਆਪਤ੍ਤਿਯਾ ਅਨਾਪਤ੍ਤਿਸਞ੍ਞੀ। ਦ੍વਿਨ੍ਨਂ ਪੁਗ੍ਗਲਾਨਂ ਆਸવਾ ਨ વਡ੍ਢਨ੍ਤਿ – ਯੋ ਚ ਅਨਾਪਤ੍ਤਿਯਾ ਅਨਾਪਤ੍ਤਿਸਞ੍ਞੀ, ਯੋ ਚ ਆਪਤ੍ਤਿਯਾ ਆਪਤ੍ਤਿਸਞ੍ਞੀ। ਅਪਰੇਸਮ੍ਪਿ ਦ੍વਿਨ੍ਨਂ ਪੁਗ੍ਗਲਾਨਂ ਆਸવਾ વਡ੍ਢਨ੍ਤਿ – ਯੋ ਚ ਅਧਮ੍ਮੇ ਧਮ੍ਮਸਞ੍ਞੀ, ਯੋ ਚ ਧਮ੍ਮੇ ਅਧਮ੍ਮਸਞ੍ਞੀ। ਦ੍વਿਨ੍ਨਂ ਪੁਗ੍ਗਲਾਨਂ ਆਸવਾ ਨ વਡ੍ਢਨ੍ਤਿ – ਯੋ ਚ ਅਧਮ੍ਮੇ ਅਧਮ੍ਮਸਞ੍ਞੀ, ਯੋ ਚ ਧਮ੍ਮੇ ਧਮ੍ਮਸਞ੍ਞੀ। ਅਪਰੇਸਮ੍ਪਿ ਦ੍વਿਨ੍ਨਂ ਪੁਗ੍ਗਲਾਨਂ ਆਸવਾ વਡ੍ਢਨ੍ਤਿ – ਯੋ ਚ ਅવਿਨਯੇ વਿਨਯਸਞ੍ਞੀ, ਯੋ ਚ વਿਨਯੇ ਅવਿਨਯਸਞ੍ਞੀ। ਦ੍વਿਨ੍ਨਂ ਪੁਗ੍ਗਲਾਨਂ ਆਸવਾ ਨ વਡ੍ਢਨ੍ਤਿ – ਯੋ ਚ ਅવਿਨਯੇ ਅવਿਨਯਸਞ੍ਞੀ, ਯੋ ਚ વਿਨਯੇ વਿਨਯਸਞ੍ਞੀ।
10 Dvinnaṃ puggalānaṃ āsavā vaḍḍhanti – yo ca na kukkuccāyitabbaṃ kukkuccāyati, yo ca kukkuccāyitabbaṃ kukkuccāyati. Dvinnaṃ puggalānaṃ āsavā na vaḍḍhanti – yo ca kukkuccāyitabbaṃ na kukkuccāyati, yo ca kukkuccāyitabbaṃ kukkuccāyati. Aparesampi dvinnaṃ puggalānaṃ āsavā vaḍḍhanti – yo ca akappiye kappiyasaññī, yo ca kappiye akappiyasaññī. Dvinnaṃ puggalānaṃ āsavā na vaḍḍhanti – yo ca akappiye akappiyasaññī, yo ca kappiye kappiyasaññī. Aparesampi dvinnaṃ puggalānaṃ āsavā vaḍḍhanti – yo ca anāpattiyā āpattisaññī, yo ca āpattiyā anāpattisaññī. Dvinnaṃ puggalānaṃ āsavā na vaḍḍhanti – yo ca anāpattiyā anāpattisaññī, yo ca āpattiyā āpattisaññī. Aparesampi dvinnaṃ puggalānaṃ āsavā vaḍḍhanti – yo ca adhamme dhammasaññī, yo ca dhamme adhammasaññī. Dvinnaṃ puggalānaṃ āsavā na vaḍḍhanti – yo ca adhamme adhammasaññī, yo ca dhamme dhammasaññī. Aparesampi dvinnaṃ puggalānaṃ āsavā vaḍḍhanti – yo ca avinaye vinayasaññī, yo ca vinaye avinayasaññī. Dvinnaṃ puggalānaṃ āsavā na vaḍḍhanti – yo ca avinaye avinayasaññī, yo ca vinaye vinayasaññī.
ਦੁਕਾ ਨਿਟ੍ਠਿਤਾ।
Dukā niṭṭhitā.
ਤਸ੍ਸੁਦ੍ਦਾਨਂ –
Tassuddānaṃ –
ਸਞ੍ਞਾ ਲਦ੍ਧਾ ਚ ਸਦ੍ਧਮ੍ਮਾ, ਪਰਿਕ੍ਖਾਰਾ ਚ ਪੁਗ੍ਗਲਾ।
Saññā laddhā ca saddhammā, parikkhārā ca puggalā;
ਸਚ੍ਚਂ ਭੂਮਿ ਨਿਕ੍ਖਮਨ੍ਤੋ, ਆਦਿਯਨ੍ਤੋ ਸਮਾਦਿਯਂ॥
Saccaṃ bhūmi nikkhamanto, ādiyanto samādiyaṃ.
ਕਰੋਨ੍ਤੋ ਦੇਨ੍ਤੋ ਗਣ੍ਹਨ੍ਤੋ, ਪਰਿਭੋਗੇਨ ਰਤ੍ਤਿ ਚ।
Karonto dento gaṇhanto, paribhogena ratti ca;
ਅਰੁਣਾਛਿਨ੍ਦਂ ਛਾਦੇਨ੍ਤੋ, ਧਾਰੇਨ੍ਤੋ ਚ ਉਪੋਸਥਾ॥
Aruṇāchindaṃ chādento, dhārento ca uposathā.
ਪવਾਰਣਾ ਕਮ੍ਮਾਪਰਾ, વਤ੍ਥੁ ਅਪਰਾ ਦੋਸਾ ਚ।
Pavāraṇā kammāparā, vatthu aparā dosā ca;
ਅਪਰਾ ਦ੍વੇ ਚ ਸਮ੍ਪਤ੍ਤਿ, ਨਾਨਾ ਸਮਾਨਮੇવ ਚ॥
Aparā dve ca sampatti, nānā samānameva ca.
ਪਾਰਾਜਿਸਙ੍ਘਥੁਲ੍ਲਚ੍ਚਯ, ਪਾਚਿਤ੍ਤਿ ਪਾਟਿਦੇਸਨਾ।
Pārājisaṅghathullaccaya, pācitti pāṭidesanā;
ਦੁਕ੍ਕਟਾ ਦੁਬ੍ਭਾਸਿਤਾ ਚੇવ, ਸਤ੍ਤ ਆਪਤ੍ਤਿਕ੍ਖਨ੍ਧਾ ਚ॥
Dukkaṭā dubbhāsitā ceva, satta āpattikkhandhā ca.
ਭਿਜ੍ਜਤਿ ਉਪਸਮ੍ਪਦਾ, ਤਥੇવ ਅਪਰੇ ਦੁવੇ।
Bhijjati upasampadā, tatheva apare duve;
ਨ વਤ੍ਥਬ੍ਬਂ ਨ ਦਾਤਬ੍ਬਂ, ਅਭਬ੍ਬਾਭਬ੍ਬਮੇવ ਚ॥
Na vatthabbaṃ na dātabbaṃ, abhabbābhabbameva ca.
ਸਞ੍ਚਿਚ੍ਚ ਸਾਤਿਸਾਰਾ ਚ, ਪਟਿਕ੍ਕੋਸਾ ਨਿਸ੍ਸਾਰਣਾ।
Sañcicca sātisārā ca, paṭikkosā nissāraṇā;
ਓਸਾਰਣਾ ਪਟਿਞ੍ਞਾ ਚ, ਪਟਿਗ੍ਗਹਾ ਪਟਿਕ੍ਖਿਪਾ॥
Osāraṇā paṭiññā ca, paṭiggahā paṭikkhipā.
ਉਪਘਾਤਿ ਚੋਦਨਾ ਚ, ਕਥਿਨਾ ਚ ਦੁવੇ ਤਥਾ।
Upaghāti codanā ca, kathinā ca duve tathā;
ਚੀવਰਾ ਪਤ੍ਤਮਣ੍ਡਲਾ, ਅਧਿਟ੍ਠਾਨਾ ਤਥੇવ ਦ੍વੇ॥
Cīvarā pattamaṇḍalā, adhiṭṭhānā tatheva dve.
વਿਕਪ੍ਪਨਾ ਚ વਿਨਯਾ, વੇਨਯਿਕਾ ਚ ਸਲ੍ਲੇਖਾ।
Vikappanā ca vinayā, venayikā ca sallekhā;
ਆਪਜ੍ਜਤਿ ਚ વੁਟ੍ਠਾਤਿ, ਪਰਿવਾਸਾਪਰੇ ਦੁવੇ॥
Āpajjati ca vuṭṭhāti, parivāsāpare duve.
ਦ੍વੇ ਮਾਨਤ੍ਤਾ ਅਪਰੇ ਚ, ਰਤ੍ਤਿਚ੍ਛੇਦੋ ਅਨਾਦਰਿ।
Dve mānattā apare ca, ratticchedo anādari;
ਦ੍વੇ ਲੋਣਾ ਤਯੋ ਅਪਰੇ, ਪਰਿਭੋਗਕ੍ਕੋਸੇਨ ਚ॥
Dve loṇā tayo apare, paribhogakkosena ca.
ਪੇਸੁਞ੍ਞੋ ਚ ਗਣਾવਸ੍ਸ, ਠਪਨਾ ਭਾਰਕਪ੍ਪਿਯਂ।
Pesuñño ca gaṇāvassa, ṭhapanā bhārakappiyaṃ;
ਅਨਾਪਤ੍ਤਿ ਅਧਮ੍ਮਧਮ੍ਮਾ, વਿਨਯੇ ਆਸવੇ ਤਥਾਤਿ॥
Anāpatti adhammadhammā, vinaye āsave tathāti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਦੁਕવਾਰવਣ੍ਣਨਾ • Dukavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦੁਕવਾਰવਣ੍ਣਨਾ • Dukavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਦੁਕવਾਰવਣ੍ਣਨਾ • Dukavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਦੁਕવਾਰવਣ੍ਣਨਾ • Dukavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਦੁਕવਾਰવਣ੍ਣਨਾ • Ekuttarikanayo dukavāravaṇṇanā
