| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. д̣̇уггарагааригабан̃хо
2. Dukkarakārikapañho
2. ‘‘бханд̇з нааг̇асзна, саб̣б̣зва б̣од̇хисад̇д̇аа д̣̇уггарагааригам̣ гаронд̇и, уд̣̇ааху г̇од̇амзнзва б̣од̇хисад̇д̇зна д̣̇уггарагааригаа гад̇аа’’д̇и? ‘‘над̇т̇и, махаарааж̇а , саб̣б̣зсам̣ б̣од̇хисад̇д̇аанам̣ д̣̇уггарагааригаа, г̇од̇амзнзва б̣од̇хисад̇д̇зна д̣̇уггарагааригаа гад̇аа’’д̇и.
2. ‘‘Bhante nāgasena, sabbeva bodhisattā dukkarakārikaṃ karonti, udāhu gotameneva bodhisattena dukkarakārikā katā’’ti? ‘‘Natthi, mahārāja , sabbesaṃ bodhisattānaṃ dukkarakārikā, gotameneva bodhisattena dukkarakārikā katā’’ti.
‘‘бханд̇з нааг̇асзна, яад̣̇и звам̣ аяуд̇д̇ам̣, яам̣ б̣од̇хисад̇д̇аанам̣ б̣од̇хисад̇д̇зхи взмад̇д̇ад̇аа ход̇ий’’д̇и. ‘‘жад̇уухи , махаарааж̇а, таанзхи б̣од̇хисад̇д̇аанам̣ б̣од̇хисад̇д̇зхи взмад̇д̇ад̇аа ход̇и. гад̇амзхи жад̇уухи? гулавзмад̇д̇ад̇аа бад̇хаанавзмад̇д̇ад̇аа 1 ааяувзмад̇д̇ад̇аа бамаан̣авзмад̇д̇ад̇аад̇и. имзхи ко, махаарааж̇а, жад̇уухи таанзхи б̣од̇хисад̇д̇аанам̣ б̣од̇хисад̇д̇зхи взмад̇д̇ад̇аа ход̇и. саб̣б̣зсамби, махаарааж̇а, б̣уд̣̇д̇хаанам̣ руубз сийлз самаад̇химхи бан̃н̃ааяа вимуд̇д̇ияаа вимуд̇д̇ин̃аан̣ад̣̇ассанз жад̇увзсаараж̇ж̇з д̣̇асад̇ат̇ааг̇ад̇аб̣алз чаасаад̇хааран̣ан̃аан̣з жуд̣̇д̣̇асаб̣уд̣̇д̇хан̃аан̣з адтаарасаб̣уд̣̇д̇хад̇хаммз гзвалз жа б̣уд̣̇д̇хаг̇ун̣з 2 над̇т̇и взмад̇д̇ад̇аа, саб̣б̣зби б̣уд̣̇д̇хаа б̣уд̣̇д̇хад̇хаммзхи самасамаа’’д̇и.
‘‘Bhante nāgasena, yadi evaṃ ayuttaṃ, yaṃ bodhisattānaṃ bodhisattehi vemattatā hotī’’ti. ‘‘Catūhi , mahārāja, ṭhānehi bodhisattānaṃ bodhisattehi vemattatā hoti. Katamehi catūhi? Kulavemattatā padhānavemattatā 3 āyuvemattatā pamāṇavemattatāti. Imehi kho, mahārāja, catūhi ṭhānehi bodhisattānaṃ bodhisattehi vemattatā hoti. Sabbesampi, mahārāja, buddhānaṃ rūpe sīle samādhimhi paññāya vimuttiyā vimuttiñāṇadassane catuvesārajje dasatathāgatabale chaasādhāraṇañāṇe cuddasabuddhañāṇe aṭṭhārasabuddhadhamme kevale ca buddhaguṇe 4 natthi vemattatā, sabbepi buddhā buddhadhammehi samasamā’’ti.
‘‘яад̣̇и, бханд̇з нааг̇асзна, саб̣б̣зби б̣уд̣̇д̇хаа б̣уд̣̇д̇хад̇хаммзхи самасамаа, гзна гааран̣зна г̇од̇амзнзва б̣од̇хисад̇д̇зна д̣̇уггарагааригаа гад̇аа’’д̇и? ‘‘абарибаггз, махаарааж̇а, н̃аан̣з абарибаггааяа б̣од̇хияаа г̇од̇амо б̣од̇хисад̇д̇о нзгкаммамабхинигканд̇о абарибаггам̣ н̃аан̣ам̣ барибаажаяамаанзна д̣̇уггарагааригаа гад̇аа’’д̇и.
‘‘Yadi, bhante nāgasena, sabbepi buddhā buddhadhammehi samasamā, kena kāraṇena gotameneva bodhisattena dukkarakārikā katā’’ti? ‘‘Aparipakke, mahārāja, ñāṇe aparipakkāya bodhiyā gotamo bodhisatto nekkhammamabhinikkhanto aparipakkaṃ ñāṇaṃ paripācayamānena dukkarakārikā katā’’ti.
‘‘бханд̇з нааг̇асзна, гзна гааран̣зна б̣од̇хисад̇д̇о абарибаггз н̃аан̣з абарибаггааяа б̣од̇хияаа махаабхинигкаманам̣ нигканд̇о, нану наама н̃аан̣ам̣ барибаажзд̇ваа барибаггз н̃аан̣з нигкамид̇аб̣б̣а’’нд̇и?
‘‘Bhante nāgasena, kena kāraṇena bodhisatto aparipakke ñāṇe aparipakkāya bodhiyā mahābhinikkhamanaṃ nikkhanto, nanu nāma ñāṇaṃ paripācetvā paripakke ñāṇe nikkhamitabba’’nti?
‘‘б̣од̇хисад̇д̇о, махаарааж̇а, вибарийд̇ам̣ ид̇т̇ааг̇аарам̣ д̣̇исваа виббадисаарий ахоси, д̇асса виббадисаарисса арад̇и уббаж̇ж̇и, арад̇ижид̇д̇ам̣ уббаннам̣ д̣̇исваа ан̃н̃ад̇аро маарагааяиго д̣̇звабуд̇д̇о ‘аяам̣ ко гаало арад̇ижид̇д̇асса винод̣̇анааяаа’д̇и взхаасз тад̇ваа ид̣̇ам̣ важанамаб̣рави –
‘‘Bodhisatto, mahārāja, viparītaṃ itthāgāraṃ disvā vippaṭisārī ahosi, tassa vippaṭisārissa arati uppajji, araticittaṃ uppannaṃ disvā aññataro mārakāyiko devaputto ‘ayaṃ kho kālo araticittassa vinodanāyā’ti vehāse ṭhatvā idaṃ vacanamabravi –
‘‘маариса, маа ко д̇вам̣ угган̣тид̇о ахоси, ид̇о д̇з сад̇д̇амз д̣̇ивасз д̣̇иб̣б̣ам̣ жаггарад̇анам̣ баад̇убхависсад̇и сахассаарам̣ санзмигам̣ санаабхигам̣ саб̣б̣аагаарабарибуурам̣, бат̇авиг̇ад̇аани жа д̇з рад̇анаани аагаасадтаани жа саяамзва убаг̇ажчиссанд̇и, д̣̇висахассабарид̇д̇ад̣̇ийбабариваарзсу жад̇уусу махаад̣̇ийбзсу згамукзна аан̣аа бавад̇д̇иссад̇и, баросахассан̃жа д̇з буд̇д̇аа бхависсанд̇и суураа вийран̇г̇аруубаа барасзнаббамад̣̇д̣̇анаа , д̇зхи буд̇д̇зхи баригин̣н̣о сад̇д̇арад̇анасаманнааг̇ад̇о жад̇уд̣̇д̣̇ийбаманусаасиссасий’д̇и.
‘‘Mārisa, mā kho tvaṃ ukkaṇṭhito ahosi, ito te sattame divase dibbaṃ cakkaratanaṃ pātubhavissati sahassāraṃ sanemikaṃ sanābhikaṃ sabbākāraparipūraṃ, pathavigatāni ca te ratanāni ākāsaṭṭhāni ca sayameva upagacchissanti, dvisahassaparittadīpaparivāresu catūsu mahādīpesu ekamukhena āṇā pavattissati, parosahassañca te puttā bhavissanti sūrā vīraṅgarūpā parasenappamaddanā , tehi puttehi parikiṇṇo sattaratanasamannāgato catuddīpamanusāsissasī’ti.
‘‘яат̇аа наама д̣̇ивасасанд̇ад̇д̇ам̣ аяосуулам̣ саб̣б̣ад̇т̇а убад̣аханд̇ам̣ ган̣н̣асод̇ам̣ бависзяяа, звамзва ко, махаарааж̇а, б̣од̇хисад̇д̇асса д̇ам̣ важанам̣ ган̣н̣асод̇ам̣ бависид̇т̇а, ид̇и со багад̇ияаава угган̣тид̇о д̇ассаа д̣̇звад̇ааяа важанзна бхияяосомад̇д̇ааяа уб̣б̣иж̇ж̇и сам̣виж̇ж̇и сам̣взг̇амаабаж̇ж̇и.
‘‘Yathā nāma divasasantattaṃ ayosūlaṃ sabbattha upaḍahantaṃ kaṇṇasotaṃ paviseyya, evameva kho, mahārāja, bodhisattassa taṃ vacanaṃ kaṇṇasotaṃ pavisittha, iti so pakatiyāva ukkaṇṭhito tassā devatāya vacanena bhiyyosomattāya ubbijji saṃvijji saṃvegamāpajji.
‘‘яат̇аа бана, махаарааж̇а, махад̇имахаааг̇г̇игканд̇хо ж̇аламаано ан̃н̃зна гадтзна убад̣ахид̇о бхияяосомад̇д̇ааяа ж̇алзяяа, звамзва ко, махаарааж̇а, б̣од̇хисад̇д̇о багад̇ияаава угган̣тид̇о д̇ассаа д̣̇звад̇ааяа важанзна бхияяосомад̇д̇ааяа уб̣б̣иж̇ж̇и сам̣виж̇ж̇и сам̣взг̇амаабаж̇ж̇и.
‘‘Yathā pana, mahārāja, mahatimahāaggikkhandho jalamāno aññena kaṭṭhena upaḍahito bhiyyosomattāya jaleyya, evameva kho, mahārāja, bodhisatto pakatiyāva ukkaṇṭhito tassā devatāya vacanena bhiyyosomattāya ubbijji saṃvijji saṃvegamāpajji.
‘‘яат̇аа ваа бана, махаарааж̇а, махаабат̇авий багад̇ид̇инд̇аа ниб̣б̣ад̇д̇ахарид̇асад̣̇д̣̇алаа аасид̇д̇од̣̇агаа жигкаллаж̇аад̇аа бунад̣̇зва махаамзгхз абхивудтз бхияяосомад̇д̇ааяа жигкаллад̇араа асса, звамзва ко, махаарааж̇а, б̣од̇хисад̇д̇о багад̇ияаава угган̣тид̇о д̇ассаа д̣̇звад̇ааяа важанзна бхияяосомад̇д̇ааяа уб̣б̣иж̇ж̇и сам̣виж̇ж̇и сам̣взг̇амаабаж̇ж̇ий’’д̇и.
‘‘Yathā vā pana, mahārāja, mahāpathavī pakatitintā nibbattaharitasaddalā āsittodakā cikkhallajātā punadeva mahāmeghe abhivuṭṭhe bhiyyosomattāya cikkhallatarā assa, evameva kho, mahārāja, bodhisatto pakatiyāva ukkaṇṭhito tassā devatāya vacanena bhiyyosomattāya ubbijji saṃvijji saṃvegamāpajjī’’ti.
‘‘аби ну ко, бханд̇з нааг̇асзна, б̣од̇хисад̇д̇асса яад̣̇и сад̇д̇амз д̣̇ивасз д̣̇иб̣б̣ам̣ жаггарад̇анам̣ ниб̣б̣ад̇д̇зяяа, бадинивад̇д̇зяяа б̣од̇хисад̇д̇о д̣̇иб̣б̣з жаггарад̇анз ниб̣б̣ад̇д̇з’’д̇и? ‘‘на хи, махаарааж̇а, сад̇д̇амз д̣̇ивасз б̣од̇хисад̇д̇асса д̣̇иб̣б̣ам̣ жаггарад̇анам̣ ниб̣б̣ад̇д̇зяяа, аби жа балобханад̇т̇ааяа д̇ааяа д̣̇звад̇ааяа мусаа бхан̣ид̇ам̣, яад̣̇иби, махаарааж̇а, сад̇д̇амз д̣̇ивасз д̣̇иб̣б̣ам̣ жаггарад̇анам̣ ниб̣б̣ад̇д̇зяяа, б̣од̇хисад̇д̇о на нивад̇д̇зяяа. гим̣ гааран̣ам̣? ‘анижжа’нд̇и, махаарааж̇а, б̣од̇хисад̇д̇о д̣̇ал̣хам̣ аг̇г̇ахзси, ‘д̣̇угкам̣ анад̇д̇аа’д̇и д̣̇ал̣хам̣ аг̇г̇ахзси, убаад̣̇аанагкаяам̣ бад̇д̇о.
‘‘Api nu kho, bhante nāgasena, bodhisattassa yadi sattame divase dibbaṃ cakkaratanaṃ nibbatteyya, paṭinivatteyya bodhisatto dibbe cakkaratane nibbatte’’ti? ‘‘Na hi, mahārāja, sattame divase bodhisattassa dibbaṃ cakkaratanaṃ nibbatteyya, api ca palobhanatthāya tāya devatāya musā bhaṇitaṃ, yadipi, mahārāja, sattame divase dibbaṃ cakkaratanaṃ nibbatteyya, bodhisatto na nivatteyya. Kiṃ kāraṇaṃ? ‘Anicca’nti, mahārāja, bodhisatto daḷhaṃ aggahesi, ‘dukkhaṃ anattā’ti daḷhaṃ aggahesi, upādānakkhayaṃ patto.
‘‘яат̇аа, махаарааж̇а, анод̇ад̇д̇ад̣̇ахад̇о уд̣̇агам̣ г̇ан̇г̇ам̣ над̣̇им̣ бависад̇и, г̇ан̇г̇ааяа над̣̇ияаа махаасамуд̣̇д̣̇ам̣ бависад̇и, махаасамуд̣̇д̣̇ад̇о баад̇ааламукам̣ бависад̇и, аби ну, махаарааж̇а, д̇ам̣ уд̣̇агам̣ баад̇ааламукаг̇ад̇ам̣ бадинивад̇д̇ид̇ваа махаасамуд̣̇д̣̇ам̣ бависзяяа, махаасамуд̣̇д̣̇ад̇о г̇ан̇г̇ам̣ над̣̇им̣ бависзяяа, г̇ан̇г̇ааяа над̣̇ияаа буна анод̇ад̇д̇ам̣ бависзяяаа’’д̇и? ‘‘на хи, бханд̇з’’д̇и. ‘‘звамзва ко, махаарааж̇а, б̣од̇хисад̇д̇зна габбаанам̣ сад̇асахассам̣ жад̇уро жа асан̇кязяяз гусалам̣ барибаажид̇ам̣ имасса бхавасса гааран̣аа, сояам̣ анд̇имабхаво ануббад̇д̇о барибаггам̣ б̣од̇хин̃аан̣ам̣ чахи вассзхи б̣уд̣̇д̇хо бхависсад̇и саб̣б̣ан̃н̃уу логз аг̇г̇абуг̇г̇ало, аби ну ко, махаарааж̇а, б̣од̇хисад̇д̇о жаггарад̇анагааран̣аа 5 бадинивад̇д̇зяяаа’’д̇и 6? ‘‘на хи, бханд̇з’’д̇и.
‘‘Yathā, mahārāja, anotattadahato udakaṃ gaṅgaṃ nadiṃ pavisati, gaṅgāya nadiyā mahāsamuddaṃ pavisati, mahāsamuddato pātālamukhaṃ pavisati, api nu, mahārāja, taṃ udakaṃ pātālamukhagataṃ paṭinivattitvā mahāsamuddaṃ paviseyya, mahāsamuddato gaṅgaṃ nadiṃ paviseyya, gaṅgāya nadiyā puna anotattaṃ paviseyyā’’ti? ‘‘Na hi, bhante’’ti. ‘‘Evameva kho, mahārāja, bodhisattena kappānaṃ satasahassaṃ caturo ca asaṅkhyeyye kusalaṃ paripācitaṃ imassa bhavassa kāraṇā, soyaṃ antimabhavo anuppatto paripakkaṃ bodhiñāṇaṃ chahi vassehi buddho bhavissati sabbaññū loke aggapuggalo, api nu kho, mahārāja, bodhisatto cakkaratanakāraṇā 7 paṭinivatteyyā’’ti 8? ‘‘Na hi, bhante’’ti.
‘‘аби жа, махаарааж̇а, махаабат̇авий баривад̇д̇зяяа сагаананаа сабаб̣б̣ад̇аа, над̇взва б̣од̇хисад̇д̇о бадинивад̇д̇зяяа абад̇ваа саммаасамб̣од̇хим̣. аарохзяяаби жз, махаарааж̇а, г̇ан̇г̇ааяа уд̣̇агам̣ бадисод̇ам̣, над̇взва б̣од̇хисад̇д̇о бадинивад̇д̇зяяа абад̇ваа саммаасамб̣од̇хим̣; висуссзяяаби жз, махаарааж̇а, махаасамуд̣̇д̣̇о абаримид̇аж̇алад̇харо г̇обад̣̇з уд̣̇агам̣ вияа, над̇взва б̣од̇хисад̇д̇о бадинивад̇д̇зяяа абад̇ваа саммаасамб̣од̇хим̣; палзяяаби жз, махаарааж̇а, синзрубаб̣б̣ад̇арааж̇аа сад̇ад̇хаа ваа сахассад̇хаа ваа, над̇взва б̣од̇хисад̇д̇о бадинивад̇д̇зяяа абад̇ваа саммаасамб̣од̇хим̣; бад̇зяяумби жз, махаарааж̇а, жанд̣̇имасуурияаа сад̇аарагаа лзд̣д̣у вияа чамааяам̣, над̇взва б̣од̇хисад̇д̇о бадинивад̇д̇зяяа абад̇ваа саммаасамб̣од̇хим̣; сам̣вад̇д̇зяяаби жз, махаарааж̇а, аагаасо гилан̃ж̇амива, над̇взва б̣од̇хисад̇д̇о бадинивад̇д̇зяяа абад̇ваа саммаасамб̣од̇хим̣. гим̣ гааран̣аа? бад̣̇аалид̇ад̇д̇аа саб̣б̣аб̣анд̇ханаана’’нд̇и.
‘‘Api ca, mahārāja, mahāpathavī parivatteyya sakānanā sapabbatā, natveva bodhisatto paṭinivatteyya apatvā sammāsambodhiṃ. Āroheyyapi ce, mahārāja, gaṅgāya udakaṃ paṭisotaṃ, natveva bodhisatto paṭinivatteyya apatvā sammāsambodhiṃ; visusseyyapi ce, mahārāja, mahāsamuddo aparimitajaladharo gopade udakaṃ viya, natveva bodhisatto paṭinivatteyya apatvā sammāsambodhiṃ; phaleyyapi ce, mahārāja, sinerupabbatarājā satadhā vā sahassadhā vā, natveva bodhisatto paṭinivatteyya apatvā sammāsambodhiṃ; pateyyumpi ce, mahārāja, candimasūriyā satārakā leḍḍu viya chamāyaṃ, natveva bodhisatto paṭinivatteyya apatvā sammāsambodhiṃ; saṃvatteyyapi ce, mahārāja, ākāso kilañjamiva, natveva bodhisatto paṭinivatteyya apatvā sammāsambodhiṃ. Kiṃ kāraṇā? Padālitattā sabbabandhanāna’’nti.
‘‘бханд̇з нааг̇асзна, гад̇и логз б̣анд̇ханааний’’д̇и? ‘‘д̣̇аса ко банимаани, махаарааж̇а, логз б̣анд̇ханаани, язхи б̣анд̇ханзхи б̣ад̣̇д̇хаа сад̇д̇аа на нигкаманд̇и, нигкамид̇вааби бадинивад̇д̇анд̇и. гад̇амаани д̣̇аса? маад̇аа, махаарааж̇а, логз б̣анд̇ханам̣, бид̇аа, махаарааж̇а, логз б̣анд̇ханам̣, бхарияаа, махаарааж̇а, логз б̣анд̇ханам̣, буд̇д̇аа, махаарааж̇а, логз б̣анд̇ханам̣, н̃аад̇ий, махаарааж̇а, логз б̣анд̇ханам̣, мид̇д̇ам̣, махаарааж̇а, логз б̣анд̇ханам̣, д̇ханам̣, махаарааж̇а, логз б̣анд̇ханам̣, лаабхасаггааро, махаарааж̇а , логз б̣анд̇ханам̣, иссарияам̣, махаарааж̇а, логз б̣анд̇ханам̣, бан̃жа гаамаг̇ун̣аа, махаарааж̇а, логз б̣анд̇ханам̣, имаани ко махаарааж̇а д̣̇аса логз б̣анд̇ханаани, язхи б̣анд̇ханзхи б̣ад̣̇д̇хаа сад̇д̇аа на нигкаманд̇и, нигкамид̇вааби бадинивад̇д̇анд̇и, д̇аани д̣̇аса б̣анд̇ханаани б̣од̇хисад̇д̇асса чиннаани бад̣̇аалид̇аани, д̇асмаа, махаарааж̇а, б̣од̇хисад̇д̇о на бадинивад̇д̇ад̇ий’’д̇и.
‘‘Bhante nāgasena, kati loke bandhanānī’’ti? ‘‘Dasa kho panimāni, mahārāja, loke bandhanāni, yehi bandhanehi baddhā sattā na nikkhamanti, nikkhamitvāpi paṭinivattanti. Katamāni dasa? Mātā, mahārāja, loke bandhanaṃ, pitā, mahārāja, loke bandhanaṃ, bhariyā, mahārāja, loke bandhanaṃ, puttā, mahārāja, loke bandhanaṃ, ñātī, mahārāja, loke bandhanaṃ, mittaṃ, mahārāja, loke bandhanaṃ, dhanaṃ, mahārāja, loke bandhanaṃ, lābhasakkāro, mahārāja , loke bandhanaṃ, issariyaṃ, mahārāja, loke bandhanaṃ, pañca kāmaguṇā, mahārāja, loke bandhanaṃ, imāni kho mahārāja dasa loke bandhanāni, yehi bandhanehi baddhā sattā na nikkhamanti, nikkhamitvāpi paṭinivattanti, tāni dasa bandhanāni bodhisattassa chinnāni padālitāni, tasmā, mahārāja, bodhisatto na paṭinivattatī’’ti.
‘‘бханд̇з нааг̇асзна, яад̣̇и б̣од̇хисад̇д̇о уббаннз арад̇ижид̇д̇з д̣̇звад̇ааяа важанзна абарибаггз н̃аан̣з абарибаггааяа б̣од̇хияаа нзгкаммамабхинигканд̇о, гим̣ д̇асса д̣̇уггарагааригааяа гад̇ааяа, нану наама саб̣б̣абхагкзна бхавид̇аб̣б̣ам̣ н̃аан̣абарибаагам̣ ааг̇амаяамаанзнаа’’д̇и?
‘‘Bhante nāgasena, yadi bodhisatto uppanne araticitte devatāya vacanena aparipakke ñāṇe aparipakkāya bodhiyā nekkhammamabhinikkhanto, kiṃ tassa dukkarakārikāya katāya, nanu nāma sabbabhakkhena bhavitabbaṃ ñāṇaparipākaṃ āgamayamānenā’’ti?
‘‘д̣̇аса ко банимз, махаарааж̇а, буг̇г̇алаа логасмим̣ он̃н̃аад̇аа аван̃н̃аад̇аа хийл̣ид̇аа кийл̣ид̇аа г̇арахид̇аа барибхууд̇аа ажид̇д̇ийгад̇аа. гад̇амз д̣̇аса? ид̇т̇ий, махаарааж̇а, вид̇хаваа логасмим̣ он̃н̃аад̇аа аван̃н̃аад̇аа хийл̣ид̇аа кийл̣ид̇аа г̇арахид̇аа барибхууд̇аа ажид̇д̇ийгад̇аа. д̣̇уб̣б̣ало, махаарааж̇а, буг̇г̇ало…бз… амид̇д̇ан̃аад̇и, махаарааж̇а, буг̇г̇ало…бз… махаг̇гхасо, махаарааж̇а, буг̇г̇ало…бз… аг̇аругулаваасиго, махаарааж̇а, буг̇г̇ало…бз… баабамид̇д̇о, махаарааж̇а, буг̇г̇ало…бз… д̇ханахийно, махаарааж̇а, буг̇г̇ало…бз… аажаарахийно, махаарааж̇а, буг̇г̇ало…бз… гаммахийно, махаарааж̇а, буг̇г̇ало…бз… баяог̇ахийно, махаарааж̇а, буг̇г̇ало логасмим̣ он̃н̃аад̇о аван̃н̃аад̇о хийл̣ид̇о кийл̣ид̇о г̇арахид̇о барибхууд̇о ажид̇д̇ийгад̇о. имз ко, махаарааж̇а, д̣̇аса буг̇г̇алаа логасмим̣ он̃н̃аад̇аа аван̃н̃аад̇аа хийл̣ид̇аа кийл̣ид̇аа г̇арахид̇аа барибхууд̇аа ажид̇д̇ийгад̇аа. имаани ко, махаарааж̇а, д̣̇аса таанаани ануссарамаанасса б̣од̇хисад̇д̇асса звам̣ сан̃н̃аа уббаж̇ж̇и ‘маахам̣ гаммахийно ассам̣ баяог̇ахийно г̇арахид̇о д̣̇звамануссаанам̣, яам̣нуунаахам̣ гаммассаамий ассам̣ гаммаг̇ару гаммаад̇хибад̇зяяо гаммасийло гаммад̇хораяхо гамманигзд̇аваа аббамад̇д̇о вихарзяяа’нд̇и, звам̣ ко, махаарааж̇а, б̣од̇хисад̇д̇о н̃аан̣ам̣ барибаажзнд̇о д̣̇уггарагааригам̣ агаасий’’д̇и.
‘‘Dasa kho panime, mahārāja, puggalā lokasmiṃ oññātā avaññātā hīḷitā khīḷitā garahitā paribhūtā acittīkatā. Katame dasa? Itthī, mahārāja, vidhavā lokasmiṃ oññātā avaññātā hīḷitā khīḷitā garahitā paribhūtā acittīkatā. Dubbalo, mahārāja, puggalo…pe… amittañāti, mahārāja, puggalo…pe… mahagghaso, mahārāja, puggalo…pe… agarukulavāsiko, mahārāja, puggalo…pe… pāpamitto, mahārāja, puggalo…pe… dhanahīno, mahārāja, puggalo…pe… ācārahīno, mahārāja, puggalo…pe… kammahīno, mahārāja, puggalo…pe… payogahīno, mahārāja, puggalo lokasmiṃ oññāto avaññāto hīḷito khīḷito garahito paribhūto acittīkato. Ime kho, mahārāja, dasa puggalā lokasmiṃ oññātā avaññātā hīḷitā khīḷitā garahitā paribhūtā acittīkatā. Imāni kho, mahārāja, dasa ṭhānāni anussaramānassa bodhisattassa evaṃ saññā uppajji ‘māhaṃ kammahīno assaṃ payogahīno garahito devamanussānaṃ, yaṃnūnāhaṃ kammassāmī assaṃ kammagaru kammādhipateyyo kammasīlo kammadhorayho kammaniketavā appamatto vihareyya’nti, evaṃ kho, mahārāja, bodhisatto ñāṇaṃ paripācento dukkarakārikaṃ akāsī’’ti.
‘‘бханд̇з нааг̇асзна, б̣од̇хисад̇д̇о д̣̇уггарагааригам̣ гаронд̇о звамааха ‘на ко банаахам̣ имааяа гадугааяа д̣̇уггарагааригааяа ад̇хиг̇ажчаами уд̇д̇аримануссад̇хаммам̣ аламарияан̃аан̣ад̣̇ассанависзсам̣, сияаа ну ко ан̃н̃о маг̇г̇о б̣од̇хааяаа’д̇и. аби ну д̇асмим̣ самаяз б̣од̇хисад̇д̇асса маг̇г̇ам̣ аараб̣бха сад̇исаммосо ахосий’’д̇и?
‘‘Bhante nāgasena, bodhisatto dukkarakārikaṃ karonto evamāha ‘na kho panāhaṃ imāya kaṭukāya dukkarakārikāya adhigacchāmi uttarimanussadhammaṃ alamariyañāṇadassanavisesaṃ, siyā nu kho añño maggo bodhāyā’ti. Api nu tasmiṃ samaye bodhisattassa maggaṃ ārabbha satisammoso ahosī’’ti?
‘‘бан̃жавийсад̇и ко банимз, махаарааж̇а, жид̇д̇ад̣̇уб̣б̣алийгаран̣аа д̇хаммаа, язхи д̣̇уб̣б̣алийгад̇ам̣ жид̇д̇ам̣ на саммаа самаад̇хияад̇и аасаваанам̣ каяааяа. гад̇амз бан̃жавийсад̇и? год̇хо, махаарааж̇а, жид̇д̇ад̣̇уб̣б̣алийгаран̣о д̇хаммо, язна д̣̇уб̣б̣алийгад̇ам̣ жид̇д̇ам̣ на саммаа самаад̇хияад̇и аасаваанам̣ каяааяа, убанаахо…бз… магко…бз… бал̣аасо…бз… иссаа…бз… мажчарияам̣…бз… мааяаа…бз… саатзяяам̣…бз… т̇амбхо…бз… саарамбхо…бз… маано…бз… ад̇имаано …бз… мад̣̇о…бз… бамаад̣̇о…бз… т̇инамид̣̇д̇хам̣…бз… д̇анд̣̇и 9 …бз… ааласяам̣…бз… баабамид̇д̇ад̇аа…бз… руубаа…бз… сад̣̇д̣̇аа…бз… г̇анд̇хаа…бз… расаа…бз… подтаб̣б̣аа…бз… куд̣̇аабибаасаа…бз… арад̇и, махаарааж̇а, жид̇д̇ад̣̇уб̣б̣алийгаран̣о д̇хаммо, язна д̣̇уб̣б̣алийгад̇ам̣ жид̇д̇ам̣ на саммаа самаад̇хияад̇и аасаваанам̣ каяааяа. имз ко, махаарааж̇а, бан̃жавийсад̇и жид̇д̇ад̣̇уб̣б̣алийгаран̣аа д̇хаммаа, язхи д̣̇уб̣б̣алийгад̇ам̣ жид̇д̇ам̣ на саммаа самаад̇хияад̇и аасаваанам̣ каяааяа.
‘‘Pañcavīsati kho panime, mahārāja, cittadubbalīkaraṇā dhammā, yehi dubbalīkataṃ cittaṃ na sammā samādhiyati āsavānaṃ khayāya. Katame pañcavīsati? Kodho, mahārāja, cittadubbalīkaraṇo dhammo, yena dubbalīkataṃ cittaṃ na sammā samādhiyati āsavānaṃ khayāya, upanāho…pe… makkho…pe… paḷāso…pe… issā…pe… macchariyaṃ…pe… māyā…pe… sāṭheyyaṃ…pe… thambho…pe… sārambho…pe… māno…pe… atimāno …pe… mado…pe… pamādo…pe… thinamiddhaṃ…pe… tandi 10 …pe… ālasyaṃ…pe… pāpamittatā…pe… rūpā…pe… saddā…pe… gandhā…pe… rasā…pe… phoṭṭhabbā…pe… khudāpipāsā…pe… arati, mahārāja, cittadubbalīkaraṇo dhammo, yena dubbalīkataṃ cittaṃ na sammā samādhiyati āsavānaṃ khayāya. Ime kho, mahārāja, pañcavīsati cittadubbalīkaraṇā dhammā, yehi dubbalīkataṃ cittaṃ na sammā samādhiyati āsavānaṃ khayāya.
б̣од̇хисад̇д̇асса ко, махаарааж̇а, куд̣̇аабибаасаа 11 гааяам̣ барияаад̣̇ияим̣су, гааяз барияаад̣̇иннз жид̇д̇ам̣ на саммаа самаад̇хияад̇и аасаваанам̣ каяааяа. сад̇асахассам̣, махаарааж̇а, габбаанам̣ 12 жад̇уро жа асан̇кязяяз габбз б̣од̇хисад̇д̇о жад̇уннам̣ язва арияасажжаанам̣ абхисамаяам̣ анвзси д̇аасу д̇аасу ж̇аад̇ийсу, гим̣ банасса бажчимз бхавз абхисамаяаж̇аад̇ияам̣ маг̇г̇ам̣ аараб̣бха сад̇исаммосо хзссад̇и? аби жа, махаарааж̇а, б̣од̇хисад̇д̇асса сан̃н̃аамад̇д̇ам̣ уббаж̇ж̇и ‘сияаа ну ко ан̃н̃о маг̇г̇о б̣од̇хааяаа’д̇и. буб̣б̣з ко, махаарааж̇а, б̣од̇хисад̇д̇о згамаасиго самаано бид̇у саггасса гамманд̇з сийд̇ааяа ж̇амб̣ужчааяааяа сирисаяанз баллан̇гам̣ аабхуж̇ид̇ваа нисинно вивижжзва гаамзхи вижижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихааси…бз… жад̇уд̇т̇ам̣ жхаанам̣ убасамбаж̇ж̇а вихаасий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаами, н̃аан̣ам̣ барибаажзнд̇о б̣од̇хисад̇д̇о д̣̇уггарагааригам̣ агаасий’’д̇и.
Bodhisattassa kho, mahārāja, khudāpipāsā 13 kāyaṃ pariyādiyiṃsu, kāye pariyādinne cittaṃ na sammā samādhiyati āsavānaṃ khayāya. Satasahassaṃ, mahārāja, kappānaṃ 14 caturo ca asaṅkhyeyye kappe bodhisatto catunnaṃ yeva ariyasaccānaṃ abhisamayaṃ anvesi tāsu tāsu jātīsu, kiṃ panassa pacchime bhave abhisamayajātiyaṃ maggaṃ ārabbha satisammoso hessati? Api ca, mahārāja, bodhisattassa saññāmattaṃ uppajji ‘siyā nu kho añño maggo bodhāyā’ti. Pubbe kho, mahārāja, bodhisatto ekamāsiko samāno pitu sakkassa kammante sītāya jambucchāyāya sirisayane pallaṅkaṃ ābhujitvā nisinno vivicceva kāmehi vicicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja vihāsi…pe… catutthaṃ jhānaṃ upasampajja vihāsī’’ti. ‘‘Sādhu, bhante nāgasena, evametaṃ tathā sampaṭicchāmi, ñāṇaṃ paripācento bodhisatto dukkarakārikaṃ akāsī’’ti.
д̣̇уггарагааригабан̃хо д̣̇уд̇ияо.
Dukkarakārikapañho dutiyo.
Footnotes:
