| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១៦. ទុក្ករបញ្ហាសុត្តំ
16. Dukkarapañhāsuttaṃ
៣២៩. ‘‘កិំ នុ ខោ, អាវុសោ សារិបុត្ត, ឥមស្មិំ ធម្មវិនយេ ទុក្ករ’’ន្តិ? ‘‘បព្ពជ្ជា ខោ, អាវុសោ, ឥមស្មិំ ធម្មវិនយេ ទុក្ករា’’តិ។ ‘‘បព្ពជិតេន បនាវុសោ, កិំ ទុក្ករ’’ន្តិ? ‘‘បព្ពជិតេន ខោ, អាវុសោ, អភិរតិ ទុក្ករា’’តិ។ ‘‘អភិរតេន បនាវុសោ, កិំ ទុក្ករ’’ន្តិ? ‘‘អភិរតេន ខោ, អាវុសោ, ធម្មានុធម្មប្បដិបត្តិ ទុក្ករា’’តិ។ ‘‘កីវចិរំ បនាវុសោ, ធម្មានុធម្មប្បដិបន្នោ ភិក្ខុ អរហំ អស្សា’’តិ? ‘‘នចិរំ, អាវុសោ’’តិ។ សោឡសមំ។
329. ‘‘Kiṃ nu kho, āvuso sāriputta, imasmiṃ dhammavinaye dukkara’’nti? ‘‘Pabbajjā kho, āvuso, imasmiṃ dhammavinaye dukkarā’’ti. ‘‘Pabbajitena panāvuso, kiṃ dukkara’’nti? ‘‘Pabbajitena kho, āvuso, abhirati dukkarā’’ti. ‘‘Abhiratena panāvuso, kiṃ dukkara’’nti? ‘‘Abhiratena kho, āvuso, dhammānudhammappaṭipatti dukkarā’’ti. ‘‘Kīvaciraṃ panāvuso, dhammānudhammappaṭipanno bhikkhu arahaṃ assā’’ti? ‘‘Naciraṃ, āvuso’’ti. Soḷasamaṃ.
ជម្ពុខាទកសំយុត្តំ សមត្តំ។
Jambukhādakasaṃyuttaṃ samattaṃ.
តស្សុទ្ទានំ –
Tassuddānaṃ –
និព្ពានំ អរហត្តញ្ច, ធម្មវាទី កិមត្ថិយំ;
Nibbānaṃ arahattañca, dhammavādī kimatthiyaṃ;
អស្សាសោ បរមស្សាសោ, វេទនា អាសវាវិជ្ជា;
Assāso paramassāso, vedanā āsavāvijjā;
តណ្ហា ឱឃា ឧបាទានំ, ភវោ ទុក្ខញ្ច សក្កាយោ។
Taṇhā oghā upādānaṃ, bhavo dukkhañca sakkāyo.
ឥមស្មិំ ធម្មវិនយេ ទុក្ករន្តិ។
Imasmiṃ dhammavinaye dukkaranti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១៦. ទុក្ករបញ្ហាសុត្តវណ្ណនា • 16. Dukkarapañhāsuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១៦. ទុក្ករបញ្ហសុត្តវណ្ណនា • 16. Dukkarapañhasuttavaṇṇanā
