| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. д̣̇уггарасуд̇д̇аван̣н̣анаа
7. Dukkarasuttavaṇṇanā
17. сад̇д̇амз д̣̇уд̇д̇ид̇игканд̇и д̣̇угкамам̣ д̣̇уад̇хиваасияам̣. аб̣яад̇д̇знаад̇и б̣аалзна. сааман̃н̃анд̇и саман̣ад̇хаммо. иминаа д̣̇звад̇аа ид̣̇ам̣ д̣̇ассзд̇и – яам̣ бан̣д̣ид̇аа гулабуд̇д̇аа д̣̇асаби вассаани вийсад̇иби садтиби вассаани д̣̇анд̇з абхид̣̇анд̇амаад̇хааяа ж̇ивхааяа д̇аалум̣ аахажжаби жзд̇асаа жид̇д̇ам̣ абхиниг̇г̇ан̣хид̇вааби згаасанам̣ згабхад̇д̇ам̣ бадисзвамаанаа аабаан̣агодигам̣ б̣рахмажарияам̣ жаранд̇аа сааман̃н̃ам̣ гаронд̇и. д̇ам̣ бхаг̇аваа б̣аало аб̣яад̇д̇о гаад̇ум̣ на саггод̇ийд̇и. б̣ахуу хи д̇ад̇т̇а самб̣аад̇хаад̇и д̇асмим̣ сааман̃н̃асан̇каад̇з арияамаг̇г̇з б̣ахуу самб̣аад̇хаа маг̇г̇аад̇хиг̇амааяа бадибаннасса буб̣б̣абхааг̇з б̣ахуу бариссаяаад̇и д̣̇ассзд̇и.
17. Sattame duttitikkhanti dukkhamaṃ duadhivāsiyaṃ. Abyattenāti bālena. Sāmaññanti samaṇadhammo. Iminā devatā idaṃ dasseti – yaṃ paṇḍitā kulaputtā dasapi vassāni vīsatipi saṭṭhipi vassāni dante abhidantamādhāya jivhāya tāluṃ āhaccapi cetasā cittaṃ abhiniggaṇhitvāpi ekāsanaṃ ekabhattaṃ paṭisevamānā āpāṇakoṭikaṃ brahmacariyaṃ carantā sāmaññaṃ karonti. Taṃ bhagavā bālo abyatto kātuṃ na sakkotīti. Bahū hi tattha sambādhāti tasmiṃ sāmaññasaṅkhāte ariyamagge bahū sambādhā maggādhigamāya paṭipannassa pubbabhāge bahū parissayāti dasseti.
жид̇д̇ан̃жз на ниваараязд̇и яад̣̇и аяонисо уббаннам̣ жид̇д̇ам̣ на ниваарзяяа, гад̇и ахаани сааман̃н̃ам̣ жарзяяа? згад̣̇ивасамби на жарзяяа. жид̇д̇авасиго хи саман̣ад̇хаммам̣ гаад̇ум̣ на саггод̇и. бад̣̇з бад̣̇зд̇и аарамман̣з аарамман̣з. аарамман̣ан̃хи ид̇ха бад̣̇анд̇и ад̇хиббзд̇ам̣. яасмим̣ яасмим̣ хи аарамман̣з гилзсо уббаж̇ж̇ад̇и, д̇ад̇т̇а д̇ад̇т̇а б̣аало висийд̣̇ад̇и наама. ирияаабат̇абад̣̇амби ваддад̇и. г̇аманаад̣̇ийсу хи яад̇т̇а яад̇т̇а гилзсо уббаж̇ж̇ад̇и, д̇ад̇т̇а д̇ад̇т̇зва висийд̣̇ад̇и наама. сан̇габбаананд̇и гаамасан̇габбаад̣̇ийнам̣.
Cittañce na nivārayeti yadi ayoniso uppannaṃ cittaṃ na nivāreyya, kati ahāni sāmaññaṃ careyya? Ekadivasampi na careyya. Cittavasiko hi samaṇadhammaṃ kātuṃ na sakkoti. Pade padeti ārammaṇe ārammaṇe. Ārammaṇañhi idha padanti adhippetaṃ. Yasmiṃ yasmiṃ hi ārammaṇe kileso uppajjati, tattha tattha bālo visīdati nāma. Iriyāpathapadampi vaṭṭati. Gamanādīsu hi yattha yattha kileso uppajjati, tattha tattheva visīdati nāma. Saṅkappānanti kāmasaṅkappādīnaṃ.
гуммо ваад̇и гажчабо вияа. ан̇г̇аанийд̇и г̇ийвабан̃жамаани ан̇г̇аани. самод̣̇аханд̇и самод̣̇аханд̇о, самод̣̇ахид̇ваа ваа. мановид̇аггзд̇и манамхи уббаннавид̇аггз. зд̇д̇аавад̇аа ид̣̇ам̣ д̣̇ассзд̇и – яат̇аа гуммо сон̣д̣ибан̃жамаани ан̇г̇аани сагз габаалз самод̣̇аханд̇о син̇г̇ааласса од̇аарам̣ на д̣̇зд̇и, самод̣̇ахид̇ваа жасса аббасаяхад̇ам̣ аабаж̇ж̇ад̇и, звамзвам̣ бхигку манамхи уббаннавид̇аггз сагз аарамман̣агабаалз самод̣̇ахам̣ маарасса од̇аарам̣ на д̣̇зд̇и, самод̣̇ахид̇ваа жасса аббасаяхад̇ам̣ аабаж̇ж̇ад̇ийд̇и. аниссид̇од̇и д̇ан̣хаад̣̇идтиниссаязхи аниссид̇о худ̇ваа. ахзтаяаанод̇и авихим̣самаано. бариниб̣б̣уд̇од̇и гилзсаниб̣б̣аанзна бариниб̣б̣уд̇о. нуубавад̣̇зяяа ган̃жийд̇и яам̣гин̃жи буг̇г̇алам̣ аажааравибад̇д̇иаад̣̇ийсу яааяа гааяажи ман̇гум̣ гаад̇угаамо худ̇ваа на вад̣̇зяяа, ‘‘гаалзна вагкаами но агаалзнаа’’д̇иаад̣̇аяо бана бан̃жа д̇хаммз аж̇жхад̇д̇ам̣ убадтабзд̇ваа уллумбанасабхаавасан̣тид̇зна жид̇д̇зна гаарун̃н̃ад̇ам̣ бадижжа вад̣̇зяяаад̇и.
Kummo vāti kacchapo viya. Aṅgānīti gīvapañcamāni aṅgāni. Samodahanti samodahanto, samodahitvā vā. Manovitakketi manamhi uppannavitakke. Ettāvatā idaṃ dasseti – yathā kummo soṇḍipañcamāni aṅgāni sake kapāle samodahanto siṅgālassa otāraṃ na deti, samodahitvā cassa appasayhataṃ āpajjati, evamevaṃ bhikkhu manamhi uppannavitakke sake ārammaṇakapāle samodahaṃ mārassa otāraṃ na deti, samodahitvā cassa appasayhataṃ āpajjatīti. Anissitoti taṇhādiṭṭhinissayehi anissito hutvā. Aheṭhayānoti avihiṃsamāno. Parinibbutoti kilesanibbānena parinibbuto. Nūpavadeyya kañcīti yaṃkiñci puggalaṃ ācāravipattiādīsu yāya kāyaci maṅkuṃ kātukāmo hutvā na vadeyya, ‘‘kālena vakkhāmi no akālenā’’tiādayo pana pañca dhamme ajjhattaṃ upaṭṭhapetvā ullumpanasabhāvasaṇṭhitena cittena kāruññataṃ paṭicca vadeyyāti.
д̣̇уггарасуд̇д̇аван̣н̣анаа нидтид̇аа.
Dukkarasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. д̣̇уггарасуд̇д̇ам̣ • 7. Dukkarasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. д̣̇уггарасуд̇д̇аван̣н̣анаа • 7. Dukkarasuttavaṇṇanā
