| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. д̣̇уггарасуд̇д̇аван̣н̣анаа
7. Dukkarasuttavaṇṇanā
17. д̣̇угкам̣ д̇ид̇игканд̇и д̣̇уд̇д̇ид̇игкам̣. д̇ан̃жа д̣̇угкамам̣ д̣̇уссаханам̣ аарамбхавасзна д̣̇уггарам̣, ануяун̃ж̇анавасзна д̣̇уд̇д̇ид̇игканд̇и. аб̣яад̇д̇знаад̇и сааман̃н̃асса убагаараанубагаарз д̇хаммз ж̇аананасамад̇т̇ааяа взяяад̇д̇ияасан̇каад̇ааяа бан̃н̃ааяа абхаавад̇о на б̣яад̇д̇зна. д̇знааха ‘‘б̣аалзнаа’’д̇и. яасмим̣ д̇хаммз сад̇и саман̣од̇и вужжад̇и, д̇ам̣ сааман̃н̃анд̇и ааха ‘‘саман̣ад̇хаммо’’д̇и. иминаад̇и ‘‘д̣̇уггарам̣ д̣̇уд̇д̇ид̇игкан̃жа, аб̣яад̇д̇зна жа сааман̃н̃а’’нд̇и иминаа г̇аат̇ад̣̇д̇хзна ид̣̇ам̣ д̣̇ассзд̇ийд̇и ид̣̇ам̣ ид̣̇аани вужжамаанам̣ ад̇т̇аж̇аад̇ам̣ д̣̇ассзд̇и. абхид̣̇анд̇анд̇и абхибхаванад̣̇анд̇ам̣, убарид̣̇анд̇анд̇и ад̇т̇о. со хи ид̇арам̣ мусалам̣ вияа уд̣̇угкалам̣ висзсад̇о гассажи каад̣̇анагаалз абхибхуяяа вад̇д̇ад̇и. аад̇хааяаад̇и ниббийл̣анавасзнзва табзд̇ваа. д̇аалум̣ аахажжаад̇и д̇аалубад̣̇зсамааханид̇ваа вияа. жзд̇асаад̇и гусалажид̇д̇зна. жид̇д̇анд̇и агусалажид̇д̇ам̣. абхиниг̇г̇ан̣хид̇ваад̇и яат̇аа ад̇исамуд̣̇аажааро на ход̇и, звам̣ виб̣аад̇ханавасзна ниг̇г̇ахзд̇ваа. аабаан̣агодиганд̇и баан̣агодибарияосаанам̣, бариж̇ийванд̇и ад̇т̇о. самб̣аад̇хзд̇ийд̇и самб̣аад̇хо, анд̇арааяиго. б̣ахуу бариссаяаад̇и аяонисо гаамавид̇аггаад̣̇ивасзна.
17. Dukkhaṃ titikkhanti duttitikkhaṃ. Tañca dukkhamaṃ dussahanaṃ ārambhavasena dukkaraṃ, anuyuñjanavasena duttitikkhanti. Abyattenāti sāmaññassa upakārānupakāre dhamme jānanasamatthāya veyyattiyasaṅkhātāya paññāya abhāvato na byattena. Tenāha ‘‘bālenā’’ti. Yasmiṃ dhamme sati samaṇoti vuccati, taṃ sāmaññanti āha ‘‘samaṇadhammo’’ti. Imināti ‘‘dukkaraṃ duttitikkhañca, abyattena ca sāmañña’’nti iminā gāthaddhena idaṃ dassetīti idaṃ idāni vuccamānaṃ atthajātaṃ dasseti. Abhidantanti abhibhavanadantaṃ, uparidantanti attho. So hi itaraṃ musalaṃ viya udukkhalaṃ visesato kassaci khādanakāle abhibhuyya vattati. Ādhāyāti nippīḷanavaseneva ṭhapetvā. Tāluṃ āhaccāti tālupadesamāhanitvā viya. Cetasāti kusalacittena. Cittanti akusalacittaṃ. Abhiniggaṇhitvāti yathā atisamudācāro na hoti, evaṃ vibādhanavasena niggahetvā. Āpāṇakoṭikanti pāṇakoṭipariyosānaṃ, parijīvanti attho. Sambādhetīti sambādho, antarāyiko. Bahū parissayāti ayoniso kāmavitakkādivasena.
баж̇ж̇ад̇и жид̇д̇амзд̇т̇аад̇и бад̣̇ам̣, аарамман̣ам̣. ирияаабат̇ам̣ зва бад̣̇ам̣ ирияаабат̇абад̣̇ам̣.
Pajjati cittametthāti padaṃ, ārammaṇaṃ. Iriyāpathaṃ eva padaṃ iriyāpathapadaṃ.
г̇ийваа жад̇д̇ааро баад̣̇аад̇и г̇ийвабан̃жамаани. самод̣̇аханд̇и ваа самод̇хаанахзд̇ууд̇и аяамзд̇т̇а ад̇т̇од̇и ааха – ‘‘самод̣̇ахид̇ваа ваа’’д̇и, саммаа од̇хааяа анд̇о бавзсзд̇ваад̇и ад̇т̇о. сагз аарамман̣агабаалзд̇и г̇ожараж̇жхад̇д̇ам̣ вад̣̇ад̇и. самод̣̇аханд̇и самод̣̇аханд̇о. аниссид̇од̇и д̇збхуумагад̇хаммзсу ган̃жиби д̇хаммам̣ д̇ан̣хаад̣̇идтаабхинивзсавасзна аниссид̇о. авихим̣самаано вихим̣саанимид̇д̇аанам̣ баж̇аханзна. уллумбанасабхаавасан̣тид̇знаад̇и сийлаб̣яасанад̇о уд̣̇д̇харан̣аруубз сан̣тид̇зна, гарун̣ааяуд̇д̇знаад̇и ад̇т̇о. д̇знааха ‘‘гаарун̃н̃ад̇ам̣ бадижжаа’’д̇и.
Gīvā cattāro pādāti gīvapañcamāni. Samodahanti vā samodhānahetūti ayamettha atthoti āha – ‘‘samodahitvā vā’’ti, sammā odhāya anto pavesetvāti attho. Sake ārammaṇakapāleti gocarajjhattaṃ vadati. Samodahanti samodahanto. Anissitoti tebhūmakadhammesu kañcipi dhammaṃ taṇhādiṭṭhābhinivesavasena anissito. Avihiṃsamāno vihiṃsānimittānaṃ pajahanena. Ullumpanasabhāvasaṇṭhitenāti sīlabyasanato uddharaṇarūpe saṇṭhitena, karuṇāyuttenāti attho. Tenāha ‘‘kāruññataṃ paṭiccā’’ti.
д̣̇уггарасуд̇д̇аван̣н̣анаа нидтид̇аа.
Dukkarasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. д̣̇уггарасуд̇д̇ам̣ • 7. Dukkarasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. д̣̇уггарасуд̇д̇аван̣н̣анаа • 7. Dukkarasuttavaṇṇanā
