| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. д̣̇угкад̇хаммасуд̇д̇ам̣
7. Dukkhadhammasuttaṃ
244. яад̇о ко, бхигкавз, бхигку саб̣б̣зсам̣язва д̣̇угкад̇хаммаанам̣ самуд̣̇аяан̃жа ад̇т̇ан̇г̇аман̃жа яат̇аабхууд̇ам̣ баж̇аанаад̇и. д̇ат̇аа ко банасса гаамаа д̣̇идтаа хонд̇и, яат̇аасса гаамз бассад̇о, яо гаамзсу гаамажчанд̣̇о гаамаснзхо гаамамужчаа гаамабарил̣аахо, со наанусзд̇и. д̇ат̇аа ко банасса жааро жа вихааро жа ануб̣уд̣̇д̇хо ход̇и, яат̇аа жаранд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа наанусзнд̇и.
244. Yato kho, bhikkhave, bhikkhu sabbesaṃyeva dukkhadhammānaṃ samudayañca atthaṅgamañca yathābhūtaṃ pajānāti. Tathā kho panassa kāmā diṭṭhā honti, yathāssa kāme passato, yo kāmesu kāmacchando kāmasneho kāmamucchā kāmapariḷāho, so nānuseti. Tathā kho panassa cāro ca vihāro ca anubuddho hoti, yathā carantaṃ viharantaṃ abhijjhādomanassā pāpakā akusalā dhammā nānusenti.
‘‘гат̇ан̃жа, бхигкавз, бхигку саб̣б̣зсам̣язва д̣̇угкад̇хаммаанам̣ самуд̣̇аяан̃жа ад̇т̇ан̇г̇аман̃жа яат̇аабхууд̇ам̣ баж̇аанаад̇и? ‘ид̇и руубам̣, ид̇и руубасса самуд̣̇аяо, ид̇и руубасса ад̇т̇ан̇г̇амо; ид̇и взд̣̇анаа… ид̇и сан̃н̃аа… ид̇и сан̇каараа… ид̇и вин̃н̃аан̣ам̣, ид̇и вин̃н̃аан̣асса самуд̣̇аяо, ид̇и вин̃н̃аан̣асса ад̇т̇ан̇г̇амо’д̇и – звам̣ ко, бхигкавз, бхигку саб̣б̣зсам̣язва д̣̇угкад̇хаммаанам̣ самуд̣̇аяан̃жа ад̇т̇ан̇г̇аман̃жа яат̇аабхууд̇ам̣ баж̇аанаад̇и.
‘‘Kathañca, bhikkhave, bhikkhu sabbesaṃyeva dukkhadhammānaṃ samudayañca atthaṅgamañca yathābhūtaṃ pajānāti? ‘Iti rūpaṃ, iti rūpassa samudayo, iti rūpassa atthaṅgamo; iti vedanā… iti saññā… iti saṅkhārā… iti viññāṇaṃ, iti viññāṇassa samudayo, iti viññāṇassa atthaṅgamo’ti – evaṃ kho, bhikkhave, bhikkhu sabbesaṃyeva dukkhadhammānaṃ samudayañca atthaṅgamañca yathābhūtaṃ pajānāti.
‘‘гат̇ан̃жа, бхигкавз, бхигкуно гаамаа д̣̇идтаа хонд̇и? яат̇аасса гаамз бассад̇о, яо гаамзсу гаамажчанд̣̇о гаамаснзхо гаамамужчаа гаамабарил̣аахо, со наанусзд̇и. сзяяат̇ааби, бхигкавз, ан̇г̇аарагаасу саад̇хигаборисаа бун̣н̣аа ан̇г̇аараанам̣ вийд̇ажжигаанам̣ вийд̇ад̇хуумаанам̣. ат̇а бурисо ааг̇ажчзяяа ж̇ийвид̇угаамо амарид̇угаамо сукагаамо д̣̇угкабадигууло. д̇амзнам̣ д̣̇вз б̣алаванд̇о бурисаа наанааб̣аахаасу г̇ахзд̇ваа, д̇ам̣ ан̇г̇аарагаасум̣ убагад̣дхзяяум̣. со ид̇ижийд̇ижзва гааяам̣ саннаамзяяа. д̇ам̣ гисса хзд̇у? н̃аад̇а 1 н̃хи, бхигкавз, д̇асса бурисасса 2 имам̣ жаахам̣ ан̇г̇аарагаасум̣ бабад̇иссаами, д̇ад̇онид̣̇аанам̣ маран̣ам̣ ваа ниг̇ажчиссаами маран̣амад̇д̇ам̣ ваа д̣̇угканд̇и. звамзва ко , бхигкавз , бхигкуно ан̇г̇аарагаасуубамаа гаамаа д̣̇идтаа хонд̇и, яат̇аасса гаамз бассад̇о, яо гаамзсу гаамажчанд̣̇о гаамаснзхо гаамамужчаа гаамабарил̣аахо, со наанусзд̇и.
‘‘Kathañca, bhikkhave, bhikkhuno kāmā diṭṭhā honti? Yathāssa kāme passato, yo kāmesu kāmacchando kāmasneho kāmamucchā kāmapariḷāho, so nānuseti. Seyyathāpi, bhikkhave, aṅgārakāsu sādhikaporisā puṇṇā aṅgārānaṃ vītaccikānaṃ vītadhūmānaṃ. Atha puriso āgaccheyya jīvitukāmo amaritukāmo sukhakāmo dukkhapaṭikūlo. Tamenaṃ dve balavanto purisā nānābāhāsu gahetvā, taṃ aṅgārakāsuṃ upakaḍḍheyyuṃ. So iticīticeva kāyaṃ sannāmeyya. Taṃ kissa hetu? Ñāta 3 ñhi, bhikkhave, tassa purisassa 4 imaṃ cāhaṃ aṅgārakāsuṃ papatissāmi, tatonidānaṃ maraṇaṃ vā nigacchissāmi maraṇamattaṃ vā dukkhanti. Evameva kho , bhikkhave , bhikkhuno aṅgārakāsūpamā kāmā diṭṭhā honti, yathāssa kāme passato, yo kāmesu kāmacchando kāmasneho kāmamucchā kāmapariḷāho, so nānuseti.
‘‘гат̇ан̃жа, бхигкавз, бхигкуно жааро жа вихааро жа ануб̣уд̣̇д̇хо ход̇и, яат̇аа жаранд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа наануссаванд̇и 5? сзяяат̇ааби, бхигкавз, бурисо б̣ахуган̣дагам̣ д̣̇ааяам̣ бависзяяа. д̇асса бурад̇оби ган̣даго, бажчад̇оби ган̣даго, уд̇д̇арад̇оби ган̣даго, д̣̇агкин̣ад̇оби ган̣даго, хздтад̇оби ган̣даго, убарид̇оби ган̣даго. со сад̇ова абхиггамзяяа, сад̇ова бадиггамзяяа – ‘маа мам̣ ган̣даго’д̇и. звамзва ко, бхигкавз, яам̣ логз бияаруубам̣ саад̇аруубам̣, аяам̣ вужжад̇и арияасса винаяз ган̣даго’’д̇и. ид̇и вид̣̇ид̇ваа 6 сам̣варо жа асам̣варо жа взд̣̇ид̇аб̣б̣о.
‘‘Kathañca, bhikkhave, bhikkhuno cāro ca vihāro ca anubuddho hoti, yathā carantaṃ viharantaṃ abhijjhādomanassā pāpakā akusalā dhammā nānussavanti 7? Seyyathāpi, bhikkhave, puriso bahukaṇṭakaṃ dāyaṃ paviseyya. Tassa puratopi kaṇṭako, pacchatopi kaṇṭako, uttaratopi kaṇṭako, dakkhiṇatopi kaṇṭako, heṭṭhatopi kaṇṭako, uparitopi kaṇṭako. So satova abhikkameyya, satova paṭikkameyya – ‘mā maṃ kaṇṭako’ti. Evameva kho, bhikkhave, yaṃ loke piyarūpaṃ sātarūpaṃ, ayaṃ vuccati ariyassa vinaye kaṇṭako’’ti. Iti viditvā 8 saṃvaro ca asaṃvaro ca veditabbo.
‘‘гат̇ан̃жа, бхигкавз, асам̣варо ход̇и? ид̇ха, бхигкавз, бхигку жагкунаа руубам̣ д̣̇исваа бияаруубз руубз ад̇химужжад̇и, аббияаруубз руубз б̣яаабаж̇ж̇ад̇и, анубадтид̇агааяассад̇и жа вихарад̇и барид̇д̇ажзд̇асо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и, яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и…бз… ж̇ивхааяа расам̣ сааяид̇ваа…бз… манасаа д̇хаммам̣ вин̃н̃ааяа бияаруубз д̇хаммз ад̇химужжад̇и, аббияаруубз д̇хаммз б̣яаабаж̇ж̇ад̇и, анубадтид̇агааяассад̇и жа вихарад̇и барид̇д̇ажзд̇асо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и. звам̣ ко, бхигкавз, асам̣варо ход̇и.
‘‘Kathañca, bhikkhave, asaṃvaro hoti? Idha, bhikkhave, bhikkhu cakkhunā rūpaṃ disvā piyarūpe rūpe adhimuccati, appiyarūpe rūpe byāpajjati, anupaṭṭhitakāyassati ca viharati parittacetaso, tañca cetovimuttiṃ paññāvimuttiṃ yathābhūtaṃ nappajānāti, yatthassa te uppannā pāpakā akusalā dhammā aparisesā nirujjhanti…pe… jivhāya rasaṃ sāyitvā…pe… manasā dhammaṃ viññāya piyarūpe dhamme adhimuccati, appiyarūpe dhamme byāpajjati, anupaṭṭhitakāyassati ca viharati parittacetaso, tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti. Evaṃ kho, bhikkhave, asaṃvaro hoti.
‘‘гат̇ан̃жа, бхигкавз, сам̣варо ход̇и? ид̇ха, бхигкавз, бхигку жагкунаа руубам̣ д̣̇исваа бияаруубз руубз наад̇химужжад̇и, аббияаруубз руубз на б̣яаабаж̇ж̇ад̇и, убадтид̇агааяассад̇и жа вихарад̇и аббамаан̣ажзд̇асо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ баж̇аанаад̇и, яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и…бз… ж̇ивхаа расам̣ сааяид̇ваа…бз… манасаа д̇хаммам̣ вин̃н̃ааяа бияаруубз д̇хаммз наад̇химужжад̇и, аббияаруубз д̇хаммз на б̣яаабаж̇ж̇ад̇и, убадтид̇агааяассад̇и жа вихарад̇и аббамаан̣ажзд̇асо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ баж̇аанаад̇и, яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и. звам̣ ко, бхигкавз, сам̣варо ход̇и.
‘‘Kathañca, bhikkhave, saṃvaro hoti? Idha, bhikkhave, bhikkhu cakkhunā rūpaṃ disvā piyarūpe rūpe nādhimuccati, appiyarūpe rūpe na byāpajjati, upaṭṭhitakāyassati ca viharati appamāṇacetaso, tañca cetovimuttiṃ paññāvimuttiṃ yathābhūtaṃ pajānāti, yatthassa te uppannā pāpakā akusalā dhammā aparisesā nirujjhanti…pe… jivhā rasaṃ sāyitvā…pe… manasā dhammaṃ viññāya piyarūpe dhamme nādhimuccati, appiyarūpe dhamme na byāpajjati, upaṭṭhitakāyassati ca viharati appamāṇacetaso, tañca cetovimuttiṃ paññāvimuttiṃ yathābhūtaṃ pajānāti, yatthassa te uppannā pāpakā akusalā dhammā aparisesā nirujjhanti. Evaṃ kho, bhikkhave, saṃvaro hoti.
‘‘д̇асса жз, бхигкавз, бхигкуно звам̣ жарад̇о звам̣ вихарад̇о гад̣̇аажи гарахажи сад̇исаммосаа уббаж̇ж̇анд̇и, баабагаа агусалаа сарасан̇габбаа сам̣яож̇анияаа, д̣̇анд̇хо, бхигкавз, сад̇уббаад̣̇о. ат̇а ко нам̣ киббамзва баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и.
‘‘Tassa ce, bhikkhave, bhikkhuno evaṃ carato evaṃ viharato kadāci karahaci satisammosā uppajjanti, pāpakā akusalā sarasaṅkappā saṃyojaniyā, dandho, bhikkhave, satuppādo. Atha kho naṃ khippameva pajahati vinodeti byantīkaroti anabhāvaṃ gameti.
‘‘сзяяат̇ааби, бхигкавз, бурисо д̣̇ивасам̣санд̇ад̇д̇з 9 аяогадаахз д̣̇вз ваа д̇ийн̣и ваа уд̣̇агапусид̇аани нибаад̇зяяа. д̣̇анд̇хо, бхигкавз, уд̣̇агапусид̇аанам̣ нибаад̇о, ат̇а ко нам̣ киббамзва баригкаяам̣ барияаад̣̇аанам̣ г̇ажчзяяа. звамзва ко, бхигкавз, д̇асса жз бхигкуно звам̣ жарад̇о, звам̣ вихарад̇о гад̣̇аажи гарахажи сад̇исаммосаа уббаж̇ж̇анд̇и баабагаа агусалаа сарасан̇габбаа сам̣яож̇анияаа, д̣̇анд̇хо, бхигкавз, сад̇уббаад̣̇о. ат̇а ко нам̣ киббамзва баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и. звам̣ ко, бхигкавз, бхигкуно жааро жа вихааро жа ануб̣уд̣̇д̇хо ход̇и; яат̇аа жаранд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа наануссаванд̇и. д̇ан̃жз, бхигкавз, бхигкум̣ звам̣ жаранд̇ам̣ звам̣ вихаранд̇ам̣ рааж̇аано ваа рааж̇амахаамад̇д̇аа ваа мид̇д̇аа ваа амажжаа ваа н̃аад̇ий ваа саалохид̇аа ваа, бхог̇зхи абхихадтум̣ баваарзяяум̣ – ‘зхи 10, бхо буриса, гим̣ д̇з имз гаасааваа ануд̣̇аханд̇и, гим̣ мун̣д̣о габааламанужараси, зхи хийнааяаавад̇д̇ид̇ваа бхог̇з жа бхун̃ж̇ассу, бун̃н̃аани жа гарохий’д̇и. со вад̇а, бхигкавз, бхигку звам̣ жаранд̇о звам̣ вихаранд̇о сигкам̣ бажжагкааяа хийнааяаавад̇д̇иссад̇ийд̇и нзд̇ам̣ таанам̣ виж̇ж̇ад̇и.
‘‘Seyyathāpi, bhikkhave, puriso divasaṃsantatte 11 ayokaṭāhe dve vā tīṇi vā udakaphusitāni nipāteyya. Dandho, bhikkhave, udakaphusitānaṃ nipāto, atha kho naṃ khippameva parikkhayaṃ pariyādānaṃ gaccheyya. Evameva kho, bhikkhave, tassa ce bhikkhuno evaṃ carato, evaṃ viharato kadāci karahaci satisammosā uppajjanti pāpakā akusalā sarasaṅkappā saṃyojaniyā, dandho, bhikkhave, satuppādo. Atha kho naṃ khippameva pajahati vinodeti byantīkaroti anabhāvaṃ gameti. Evaṃ kho, bhikkhave, bhikkhuno cāro ca vihāro ca anubuddho hoti; yathā carantaṃ viharantaṃ abhijjhādomanassā pāpakā akusalā dhammā nānussavanti. Tañce, bhikkhave, bhikkhuṃ evaṃ carantaṃ evaṃ viharantaṃ rājāno vā rājamahāmattā vā mittā vā amaccā vā ñātī vā sālohitā vā, bhogehi abhihaṭṭhuṃ pavāreyyuṃ – ‘ehi 12, bho purisa, kiṃ te ime kāsāvā anudahanti, kiṃ muṇḍo kapālamanucarasi, ehi hīnāyāvattitvā bhoge ca bhuñjassu, puññāni ca karohī’ti. So vata, bhikkhave, bhikkhu evaṃ caranto evaṃ viharanto sikkhaṃ paccakkhāya hīnāyāvattissatīti netaṃ ṭhānaṃ vijjati.
‘‘сзяяат̇ааби , бхигкавз, г̇ан̇г̇аа над̣̇ий баажийнаниннаа баажийнабон̣аа баажийнабаб̣бхаараа. ат̇а махааж̇анагааяо ааг̇ажчзяяа гуд̣̇д̣̇аала-бидагам̣ аад̣̇ааяа – ‘маяам̣ имам̣ г̇ан̇г̇ам̣ над̣̇им̣ бажчааниннам̣ гариссаама бажчаабон̣ам̣ бажчаабаб̣бхаара’нд̇и. д̇ам̣ гим̣ ман̃н̃ат̇а, бхигкавз, аби ну ко со махааж̇анагааяо г̇ан̇г̇ам̣ над̣̇им̣ бажчааниннам̣ гарзяяа бажчаабон̣ам̣ бажчаабаб̣бхаара’’нд̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘г̇ан̇г̇аа, бханд̇з, над̣̇ий баажийнаниннаа баажийнабон̣аа баажийнабаб̣бхаараа; саа на сугараа бажчааниннаа гаад̇ум̣ бажчаабон̣аа бажчаабаб̣бхаараа. яаавад̣̇зва жа бана со махааж̇анагааяо гиламат̇асса вигхаад̇асса бхааг̇ий ассаа’’д̇и. ‘‘звамзва ко, бхигкавз, д̇ан̃жз бхигкум̣ звам̣ жаранд̇ам̣ звам̣ вихаранд̇ам̣ рааж̇аано ваа рааж̇амахаамад̇д̇аа ваа мид̇д̇аа ваа амажжаа ваа н̃аад̇ий ваа саалохид̇аа ваа бхог̇зхи абхихадтум̣ баваарзяяум̣ – ‘зхи, бхо буриса, гим̣ д̇з имз гаасааваа ануд̣̇аханд̇и, гим̣ мун̣д̣о габааламанужараси, зхи хийнааяаавад̇д̇ид̇ваа бхог̇з жа бхун̃ж̇ассу, бун̃н̃аани жа гарохий’д̇и. со вад̇а, бхигкавз, бхигку звам̣ жаранд̇о звам̣ вихаранд̇о сигкам̣ бажжагкааяа хийнааяаавад̇д̇иссад̇ийд̇и нзд̇ам̣ таанам̣ виж̇ж̇ад̇и. д̇ам̣ гисса хзд̇у? яан̃хи д̇ам̣, бхигкавз, жид̇д̇ам̣ д̣̇ийгхарад̇д̇ам̣ вивзганиннам̣ вивзгабон̣ам̣ вивзгабаб̣бхаарам̣, д̇ат̇аа 13 хийнааяаавад̇д̇иссад̇ийд̇и нзд̇ам̣ таанам̣ виж̇ж̇ад̇ий’’д̇и. сад̇д̇амам̣.
‘‘Seyyathāpi , bhikkhave, gaṅgā nadī pācīnaninnā pācīnapoṇā pācīnapabbhārā. Atha mahājanakāyo āgaccheyya kuddāla-piṭakaṃ ādāya – ‘mayaṃ imaṃ gaṅgaṃ nadiṃ pacchāninnaṃ karissāma pacchāpoṇaṃ pacchāpabbhāra’nti. Taṃ kiṃ maññatha, bhikkhave, api nu kho so mahājanakāyo gaṅgaṃ nadiṃ pacchāninnaṃ kareyya pacchāpoṇaṃ pacchāpabbhāra’’nti? ‘‘No hetaṃ, bhante’’. ‘‘Taṃ kissa hetu’’? ‘‘Gaṅgā, bhante, nadī pācīnaninnā pācīnapoṇā pācīnapabbhārā; sā na sukarā pacchāninnā kātuṃ pacchāpoṇā pacchāpabbhārā. Yāvadeva ca pana so mahājanakāyo kilamathassa vighātassa bhāgī assā’’ti. ‘‘Evameva kho, bhikkhave, tañce bhikkhuṃ evaṃ carantaṃ evaṃ viharantaṃ rājāno vā rājamahāmattā vā mittā vā amaccā vā ñātī vā sālohitā vā bhogehi abhihaṭṭhuṃ pavāreyyuṃ – ‘ehi, bho purisa, kiṃ te ime kāsāvā anudahanti, kiṃ muṇḍo kapālamanucarasi, ehi hīnāyāvattitvā bhoge ca bhuñjassu, puññāni ca karohī’ti. So vata, bhikkhave, bhikkhu evaṃ caranto evaṃ viharanto sikkhaṃ paccakkhāya hīnāyāvattissatīti netaṃ ṭhānaṃ vijjati. Taṃ kissa hetu? Yañhi taṃ, bhikkhave, cittaṃ dīgharattaṃ vivekaninnaṃ vivekapoṇaṃ vivekapabbhāraṃ, tathā 14 hīnāyāvattissatīti netaṃ ṭhānaṃ vijjatī’’ti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. д̣̇угкад̇хаммасуд̇д̇аван̣н̣анаа • 7. Dukkhadhammasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. д̣̇угкад̇хаммасуд̇д̇аван̣н̣анаа • 7. Dukkhadhammasuttavaṇṇanā
