| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. д̣̇угкад̇хаммасуд̇д̇аван̣н̣анаа
7. Dukkhadhammasuttavaṇṇanā
244. сад̇д̇амз д̣̇угкад̇хаммаананд̇и д̣̇угкасамбхавад̇хаммаанам̣. бан̃жасу хи канд̇хзсу сад̇и чзд̣̇анавад̇хаб̣анд̇ханаад̣̇ибхзд̣̇ам̣ д̣̇угкам̣ самбхавад̇и, д̇асмаа д̇з д̣̇угкасамбхавад̇хаммад̇д̇аа д̣̇угкад̇хаммаад̇и вужжанд̇и. д̇ат̇аа ко банассаад̇и д̇знаагаарзнасса. яат̇аасса гаамз бассад̇од̇и язнаагаарзнасса гаамз бассанд̇асса. яат̇аа жаранд̇анд̇и язнаагаарзна жааран̃жа вихааран̃жа ануб̣анд̇хид̇ваа жаранд̇ам̣. ан̇г̇аарагаасуубамаа гаамаа д̣̇идтаа хонд̇ийд̇и барияздтимуулагасса жзва бадисанд̇химуулагасса жа д̣̇угкасса васзна ан̇г̇аарагаасу вияа махаабарил̣аахаад̇и д̣̇идтаа хонд̇и. гаамз бариязсанд̇аанан̃хи наавааяа махаасамуд̣̇д̣̇ог̇ааханааж̇абат̇асан̇губат̇абадибаж̇ж̇анаубхад̇об̣яуул̣хасан̇г̇аамабагканд̣̇анаад̣̇ивасзна барияздтимуулагамби, гаамз барибхун̃ж̇анд̇аанам̣ гаамабарибхог̇ажзд̇анааяа жад̇уусу абааязсу д̣̇иннабадисанд̇химуулагамби махаабарил̣аахад̣̇угкам̣ уббаж̇ж̇ад̇и. звамзд̇асса д̣̇увид̇хассааби д̣̇угкасса васзна ан̇г̇аарагаасу вияа махаабарил̣аахаад̇и д̣̇идтаа хонд̇и.
244. Sattame dukkhadhammānanti dukkhasambhavadhammānaṃ. Pañcasu hi khandhesu sati chedanavadhabandhanādibhedaṃ dukkhaṃ sambhavati, tasmā te dukkhasambhavadhammattā dukkhadhammāti vuccanti. Tathā kho panassāti tenākārenassa. Yathāssa kāme passatoti yenākārenassa kāme passantassa. Yathā carantanti yenākārena cārañca vihārañca anubandhitvā carantaṃ. Aṅgārakāsūpamākāmā diṭṭhā hontīti pariyeṭṭhimūlakassa ceva paṭisandhimūlakassa ca dukkhassa vasena aṅgārakāsu viya mahāpariḷāhāti diṭṭhā honti. Kāme pariyesantānañhi nāvāya mahāsamuddogāhanaajapathasaṅkupathapaṭipajjanaubhatobyūḷhasaṅgāmapakkhandanādivasena pariyeṭṭhimūlakampi, kāme paribhuñjantānaṃ kāmaparibhogacetanāya catūsu apāyesu dinnapaṭisandhimūlakampi mahāpariḷāhadukkhaṃ uppajjati. Evametassa duvidhassāpi dukkhassa vasena aṅgārakāsu viya mahāpariḷāhāti diṭṭhā honti.
д̣̇ааяанд̇и адавим̣. бурад̇оби ган̣дагод̇и буримабассз виж̇жхид̇угаамо вияа аасаннадтаанзязва тид̇аган̣даго. бажчад̇од̇иаад̣̇ийсуби зсзва наяо. хздтаа бана баад̣̇зхи агганд̇адтаанасса санд̇игз, на агганд̇адтаанзязва. звам̣ со ган̣дагаг̇аб̣бхам̣ бавидто вияа бхавзяяа. маа мам̣ ган̣дагод̇и маа мам̣ ган̣даго виж̇жхийд̇и ган̣дагавзд̇хам̣ рагкамаано.
Dāyanti aṭaviṃ. Puratopi kaṇṭakoti purimapasse vijjhitukāmo viya āsannaṭṭhāneyeva ṭhitakaṇṭako. Pacchatotiādīsupi eseva nayo. Heṭṭhā pana pādehi akkantaṭṭhānassa santike, na akkantaṭṭhāneyeva. Evaṃ so kaṇṭakagabbhaṃ paviṭṭho viya bhaveyya. Mā maṃ kaṇṭakoti mā maṃ kaṇṭako vijjhīti kaṇṭakavedhaṃ rakkhamāno.
д̣̇анд̇хо, бхигкавз, сад̇уббаад̣̇од̇и сад̇ияаа уббаад̣̇оязва д̣̇анд̇хо, уббаннамад̇д̇ааяа бана д̇ааяа гаажи гилзсаа ниг̇г̇ахид̇аава хонд̇и, на сан̣таад̇ум̣ саггонд̇и. жагкуд̣̇ваарасмин̃хи рааг̇аад̣̇ийсу уббаннзсу д̣̇уд̇ияаж̇аванаваарзна ‘‘гилзсаа мз уббаннаа’’д̇и н̃ад̇ваа д̇ад̇ияз ж̇аванаваарз сам̣вараж̇аванам̣язва ж̇авад̇и. анажчарияан̃жзд̇ам̣, яам̣ вибассаго д̇ад̇ияаж̇аванаваарз гилзсз ниг̇г̇ан̣хзяяа. жагкуд̣̇ваарз бана идтаарамман̣з аабаат̇аг̇ад̇з бхаван̇г̇ам̣ ааваддзд̇ваа ааваж̇ж̇анаад̣̇ийсу уббаннзсу водтаб̣б̣анаананд̇арам̣ самбад̇д̇агилзсаж̇аванаваарам̣ нивад̇д̇зд̇ваа гусаламзва уббаад̣̇зд̇и. аарад̣̇д̇хавибассагаанан̃хи аяамаанисам̣со бхааванаабадисан̇каанз бад̇идтид̇абхаавасса.
Dandho, bhikkhave, satuppādoti satiyā uppādoyeva dandho, uppannamattāya pana tāya kāci kilesā niggahitāva honti, na saṇṭhātuṃ sakkonti. Cakkhudvārasmiñhi rāgādīsu uppannesu dutiyajavanavārena ‘‘kilesā me uppannā’’ti ñatvā tatiye javanavāre saṃvarajavanaṃyeva javati. Anacchariyañcetaṃ, yaṃ vipassako tatiyajavanavāre kilese niggaṇheyya. Cakkhudvāre pana iṭṭhārammaṇe āpāthagate bhavaṅgaṃ āvaṭṭetvā āvajjanādīsu uppannesu voṭṭhabbanānantaraṃ sampattakilesajavanavāraṃ nivattetvā kusalameva uppādeti. Āraddhavipassakānañhi ayamānisaṃso bhāvanāpaṭisaṅkhāne patiṭṭhitabhāvassa.
абхихадтум̣ баваарзяяунд̇и суд̣̇иннад̇т̇зрасса вияа радтабаалагулабуд̇д̇асса вияа жа гааязна ваа сад̇д̇а рад̇анаани абхихарид̇ваа ваажааяа ваа ‘‘амхаагам̣ д̇ханад̇о яад̇д̇агам̣ ижчаси, д̇ад̇д̇агам̣ г̇ан̣хаа’’д̇и вад̣̇анд̇аа баваарзяяум̣. ануд̣̇аханд̇ийд̇и сарийрз баливзтид̇ад̇д̇аа ун̣хабарил̣аахам̣ ж̇анзд̇ваа ануд̣̇аханд̇и. сан̃ж̇аад̇асзд̣̇з ваа сарийрз лаг̇г̇анд̇аа анусзнд̇ийд̇иби ад̇т̇о. яан̃хи д̇ам̣, бхигкавз, жид̇д̇анд̇и ид̣̇ам̣ яасмаа жид̇д̇з анаавадданд̇з буг̇г̇аласса аавадданам̣ наама над̇т̇и. зваруубан̃хи жид̇д̇ам̣ анаавадданд̇и, д̇асмаа вуд̇д̇ам̣. ид̇и имасмим̣ суд̇д̇з вибассанааб̣аламзва д̣̇ийбид̇ам̣.
Abhihaṭṭhuṃpavāreyyunti sudinnattherassa viya raṭṭhapālakulaputtassa viya ca kāyena vā satta ratanāni abhiharitvā vācāya vā ‘‘amhākaṃ dhanato yattakaṃ icchasi, tattakaṃ gaṇhā’’ti vadantā pavāreyyuṃ. Anudahantīti sarīre paliveṭhitattā uṇhapariḷāhaṃ janetvā anudahanti. Sañjātasede vā sarīre laggantā anusentītipi attho. Yañhi taṃ, bhikkhave, cittanti idaṃ yasmā citte anāvaṭṭante puggalassa āvaṭṭanaṃ nāma natthi. Evarūpañhi cittaṃ anāvaṭṭanti, tasmā vuttaṃ. Iti imasmiṃ sutte vipassanābalameva dīpitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. д̣̇угкад̇хаммасуд̇д̇ам̣ • 7. Dukkhadhammasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. д̣̇угкад̇хаммасуд̇д̇аван̣н̣анаа • 7. Dukkhadhammasuttavaṇṇanā
