Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā)

    7. д̣̇угкад̇хаммасуд̇д̇аван̣н̣анаа

    7. Dukkhadhammasuttavaṇṇanā

    244. д̣̇угкад̇хаммаананд̇и д̣̇угкагааран̣аанам̣. д̇знааха ‘‘д̣̇угкасамбхавад̇хаммаана’’нд̇иаад̣̇и. д̇ад̇т̇а гим̣ д̣̇угкам̣, гаа д̣̇угкад̇хаммаад̇и д̇ад̣̇убхаяам̣ д̣̇ассзд̇ум̣ ‘‘бан̃жасу хий’’д̇и вуд̇д̇ам̣. д̇зд̇и бан̃жагканд̇хаа. д̣̇угкасамбхавад̇хаммад̇д̇аад̇и д̣̇угкуббад̇д̇игааран̣ад̇д̇аа. ассаад̇и д̇зна. гаран̣з хзд̇ам̣ саамиважанам̣. гаамзд̇и вад̇т̇угаамз гилзсагаамз жа. буна ассаад̇и саамиад̇т̇з зва саамиважанам̣. жааранд̇и жид̇д̇аажаарам̣. вихааранд̇и бан̃жад̣̇ваараббавад̇д̇ижааравихаарам̣. ‘‘згадтаа’’д̇и жа вад̣̇анд̇и. д̇знзва хи ‘‘ануб̣анд̇хид̇ваа жаранд̇ам̣’’ижжзва вуд̇д̇ам̣. ануб̣анд̇хид̇ваад̇и жа вийт̇ижид̇д̇аббавад̇д̇ид̇о бадтааяа яаава д̇ад̇ияаж̇аванаваараа ану ану б̣анд̇хид̇ваа. багканд̣̇анаад̣̇ийд̇и аад̣̇и-сад̣̇д̣̇зна гасиг̇орагкаад̣̇ивасзнаби гаамаанам̣ бариязсанад̣̇угкам̣ сан̇г̇ан̣хаад̇и.

    244.Dukkhadhammānanti dukkhakāraṇānaṃ. Tenāha ‘‘dukkhasambhavadhammāna’’ntiādi. Tattha kiṃ dukkhaṃ, kā dukkhadhammāti tadubhayaṃ dassetuṃ ‘‘pañcasu hī’’ti vuttaṃ. Teti pañcakkhandhā. Dukkhasambhavadhammattāti dukkhuppattikāraṇattā. Assāti tena. Karaṇe hetaṃ sāmivacanaṃ. Kāmeti vatthukāme kilesakāme ca. Puna assāti sāmiatthe eva sāmivacanaṃ. Cāranti cittācāraṃ. Vihāranti pañcadvārappavatticāravihāraṃ. ‘‘Ekaṭṭhā’’ti ca vadanti. Teneva hi ‘‘anubandhitvā carantaṃ’’icceva vuttaṃ. Anubandhitvāti ca vīthicittappavattito paṭṭhāya yāva tatiyajavanavārā anu anu bandhitvā. Pakkhandanādīti ādi-saddena kasigorakkhādivasenapi kāmānaṃ pariyesanadukkhaṃ saṅgaṇhāti.

    д̣̇ааяад̇ийд̇и д̣̇ааяо, ванам̣. д̇знааха ‘‘адави’’нд̇и. ган̣дагаг̇аб̣бханд̇и оварагасад̣̇исам̣ ванам̣. наамабад̣̇ам̣ наама гирияаабад̣̇аабзгканд̇и ‘‘виж̇жхий’’д̇и важанасзсзна гирияаабад̣̇ам̣ г̇ан̣хаад̇и.

    Dāyatīti dāyo, vanaṃ. Tenāha ‘‘aṭavi’’nti. Kaṇṭakagabbhanti ovarakasadisaṃ vanaṃ. Nāmapadaṃ nāma kiriyāpadāpekkhanti ‘‘vijjhī’’ti vacanasesena kiriyāpadaṃ gaṇhāti.

    д̣̇анд̇хааяид̇ад̇д̇ам̣ уббаннагилзсаанам̣ авадтаанам̣. д̇знааха ‘‘уббаннамад̇д̇ааяаа’’д̇иаад̣̇и. д̇ааяаад̇и сад̇ияаа. гаажи гилзсаад̇и жуд̣̇д̣̇асавид̇хз жид̇д̇асса гижжз ж̇аванагижжз зва жид̇д̇агилзсаанам̣ уббад̇д̇им̣ гад̇ваа д̇ат̇аа вуд̇д̇ам̣. ниг̇г̇ахид̇аава хонд̇и бавад̇д̇ид̇ум̣ аббад̣̇аанавасзна. д̇знааха ‘‘на сан̣таад̇ум̣ саггонд̇ий’’д̇и. жагкуд̣̇ваарасминд̇и баал̣ияам̣ д̇асса батамам̣ г̇ахид̇ад̇ааяа вуд̇д̇ам̣, д̇зна наязна сзсад̣̇ваарааниби г̇ахид̇аанзва хонд̇и. рааг̇аад̣̇ийсу уббаннзсу батамаж̇аванаваарз. сад̇исаммосзна ‘‘гилзсаа мз уббаннаа’’д̇и н̃ад̇ваа д̇ат̇аа бажжаамаасасад̇ияаа лаб̣бханад̇о. д̇знааха – ‘‘анажчарияам̣ жзд̇а’’нд̇и. ааваддзд̇ваад̇и аяонисо ааваддзд̇ваа. ааваж̇ж̇анаад̣̇ийсууд̇и д̇ад̇о зва аяонисо ааваж̇ж̇анаад̣̇ийсу уббаннзсу идтаарамман̣асса лад̣̇д̇хад̇д̇аа бажжаяасид̣̇д̇хияаа самбад̇д̇ам̣ бавад̇д̇анаарахам̣. нивад̇д̇зд̇ваад̇и д̣̇уд̇ияаж̇аванаваарзби гилзсуббад̇д̇им̣ нивад̇д̇зд̇ваа. гат̇ам̣ банасса звам̣ лад̣̇д̇хум̣ саггаад̇и ааха ‘‘аарад̣̇д̇хавибассагаанам̣ хий’’д̇иаад̣̇и. бхааванаабадисан̇каанзд̇и бхааванааяам̣ бадисан̇каанз жа яог̇ино бад̇идтид̇абхааво. д̇асса аяамаанисам̣со – яам̣ бажжаяалаабхзна уббаж̇ж̇ид̇ум̣ лад̣̇д̇хогаасааби гилзсаа буб̣б̣з бавад̇д̇абхааванаанубхаавзна вигкамбхид̇аа д̇ат̇аа д̇ат̇аа ниг̇г̇ахид̇аа зва худ̇ваа нивад̇д̇анд̇и, гусалаа д̇хаммаава лад̣̇д̇хогаасаа убаруубари вад̣дханд̇и.

    Dandhāyitattaṃ uppannakilesānaṃ avaṭṭhānaṃ. Tenāha ‘‘uppannamattāyā’’tiādi. Tāyāti satiyā. Kāci kilesāti cuddasavidhe cittassa kicce javanakicce eva cittakilesānaṃ uppattiṃ katvā tathā vuttaṃ. Niggahitāva honti pavattituṃ appadānavasena. Tenāha ‘‘na saṇṭhātuṃ sakkontī’’ti. Cakkhudvārasminti pāḷiyaṃ tassa paṭhamaṃ gahitatāya vuttaṃ, tena nayena sesadvārānipi gahitāneva honti. Rāgādīsu uppannesu paṭhamajavanavāre. Satisammosena ‘‘kilesā me uppannā’’ti ñatvā tathā paccāmāsasatiyā labbhanato. Tenāha – ‘‘anacchariyaṃ ceta’’nti. Āvaṭṭetvāti ayoniso āvaṭṭetvā. Āvajjanādīsūti tato eva ayoniso āvajjanādīsu uppannesu iṭṭhārammaṇassa laddhattā paccayasiddhiyā sampattaṃ pavattanārahaṃ. Nivattetvāti dutiyajavanavārepi kilesuppattiṃ nivattetvā. Kathaṃ panassa evaṃ laddhuṃ sakkāti āha ‘‘āraddhavipassakānaṃ hī’’tiādi. Bhāvanāpaṭisaṅkhāneti bhāvanāyaṃ paṭisaṅkhāne ca yogino patiṭṭhitabhāvo. Tassa ayamānisaṃso – yaṃ paccayalābhena uppajjituṃ laddhokāsāpi kilesā pubbe pavattabhāvanānubhāvena vikkhambhitā tathā tathā niggahitā eva hutvā nivattanti, kusalā dhammāva laddhokāsā uparūpari vaḍḍhanti.

    абхихадтунд̇и абхихарид̇ваа. ануд̣̇аханд̇ийд̇и ануд̣̇аханд̇аа вияа хонд̇и. анусзнд̇ийд̇и зд̇т̇ааби зсзва наяо. анаавадданд̇зд̇и анивад̇д̇анд̇з сааман̃н̃ад̇од̇и ад̇хиббааяо. вибассанааб̣аламзва д̣̇ийбид̇ам̣ маг̇г̇апалаад̇хиг̇амасса аж̇од̇ид̇ад̇д̇аа.

    Abhihaṭṭhunti abhiharitvā. Anudahantīti anudahantā viya honti. Anusentīti etthāpi eseva nayo. Anāvaṭṭanteti anivattante sāmaññatoti adhippāyo. Vipassanābalameva dīpitaṃ maggaphalādhigamassa ajotitattā.

    д̣̇угкад̇хаммасуд̇д̇аван̣н̣анаа нидтид̇аа.

    Dukkhadhammasuttavaṇṇanā niṭṭhitā.







    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. д̣̇угкад̇хаммасуд̇д̇ам̣ • 7. Dukkhadhammasuttaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. д̣̇угкад̇хаммасуд̇д̇аван̣н̣анаа • 7. Dukkhadhammasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact