| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৬. দুক্খাহারকথাৰণ্ণনা
6. Dukkhāhārakathāvaṇṇanā
৩৩৪. ইদানি দুক্খাহারকথা নাম হোতি। তত্থ ‘‘দুক্খং দুক্খন্তি ৰাচং ভাসন্তো দুক্খে ঞাণং আহরতি, তং দুক্খাহারো নাম ৰুচ্চতি । তঞ্চ পনেতং মগ্গঙ্গং মগ্গপরিযাপন্ন’’ন্তি যেসং লদ্ধি, সেয্যথাপি এতরহি পুব্বসেলিযানং; তে সন্ধায দুক্খাহারোতি পুচ্ছা সকৰাদিস্স, পটিঞ্ঞা পরৰাদিস্স। যে কেচীতি পঠমপঞ্হে অৰিপস্সকে সন্ধায পটিক্খিপতি, দুতিযপঞ্হে ৰিপস্সকে সন্ধায পটিজানাতি, তং পনস্স লদ্ধিমত্তমেৰ। তস্মা ‘‘সব্বে তে’’তি ৰাদস্স ভিন্দনত্থং বালপুথুজ্জনাতিআদিমাহ। তং উত্তানত্থমেৰাতি।
334. Idāni dukkhāhārakathā nāma hoti. Tattha ‘‘dukkhaṃ dukkhanti vācaṃ bhāsanto dukkhe ñāṇaṃ āharati, taṃ dukkhāhāro nāma vuccati . Tañca panetaṃ maggaṅgaṃ maggapariyāpanna’’nti yesaṃ laddhi, seyyathāpi etarahi pubbaseliyānaṃ; te sandhāya dukkhāhāroti pucchā sakavādissa, paṭiññā paravādissa. Ye kecīti paṭhamapañhe avipassake sandhāya paṭikkhipati, dutiyapañhe vipassake sandhāya paṭijānāti, taṃ panassa laddhimattameva. Tasmā ‘‘sabbe te’’ti vādassa bhindanatthaṃ bālaputhujjanātiādimāha. Taṃ uttānatthamevāti.
দুক্খাহারকথাৰণ্ণনা।
Dukkhāhārakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৫) ৬. দুক্খাহারকথা • (15) 6. Dukkhāhārakathā
