| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
६. दुक्खाहारकथावण्णना
6. Dukkhāhārakathāvaṇṇanā
३३४. इदानि दुक्खाहारकथा नाम होति। तत्थ ‘‘दुक्खं दुक्खन्ति वाचं भासन्तो दुक्खे ञाणं आहरति, तं दुक्खाहारो नाम वुच्चति । तञ्च पनेतं मग्गङ्गं मग्गपरियापन्न’’न्ति येसं लद्धि, सेय्यथापि एतरहि पुब्बसेलियानं; ते सन्धाय दुक्खाहारोति पुच्छा सकवादिस्स, पटिञ्ञा परवादिस्स। ये केचीति पठमपञ्हे अविपस्सके सन्धाय पटिक्खिपति, दुतियपञ्हे विपस्सके सन्धाय पटिजानाति, तं पनस्स लद्धिमत्तमेव। तस्मा ‘‘सब्बे ते’’ति वादस्स भिन्दनत्थं बालपुथुज्जनातिआदिमाह। तं उत्तानत्थमेवाति।
334. Idāni dukkhāhārakathā nāma hoti. Tattha ‘‘dukkhaṃ dukkhanti vācaṃ bhāsanto dukkhe ñāṇaṃ āharati, taṃ dukkhāhāro nāma vuccati . Tañca panetaṃ maggaṅgaṃ maggapariyāpanna’’nti yesaṃ laddhi, seyyathāpi etarahi pubbaseliyānaṃ; te sandhāya dukkhāhāroti pucchā sakavādissa, paṭiññā paravādissa. Ye kecīti paṭhamapañhe avipassake sandhāya paṭikkhipati, dutiyapañhe vipassake sandhāya paṭijānāti, taṃ panassa laddhimattameva. Tasmā ‘‘sabbe te’’ti vādassa bhindanatthaṃ bālaputhujjanātiādimāha. Taṃ uttānatthamevāti.
दुक्खाहारकथावण्णना।
Dukkhāhārakathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१५) ६. दुक्खाहारकथा • (15) 6. Dukkhāhārakathā
