| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၆. ဒုက္ခာဟာရကထာဝဏ္ဏနာ
6. Dukkhāhārakathāvaṇṇanā
၃၃၄. ဣဒာနိ ဒုက္ခာဟာရကထာ နာမ ဟောတိ။ တတ္ထ ‘‘ဒုက္ခံ ဒုက္ခန္တိ ဝာစံ ဘာသန္တော ဒုက္ခေ ဉာဏံ အာဟရတိ, တံ ဒုက္ခာဟာရော နာမ ဝုစ္စတိ ။ တဉ္စ ပနေတံ မဂ္ဂင္ဂံ မဂ္ဂပရိယာပန္န’’န္တိ ယေသံ လဒ္ဓိ, သေယ္ယထာပိ ဧတရဟိ ပုဗ္ဗသေလိယာနံ; တေ သန္ဓာယ ဒုက္ခာဟာရောတိ ပုစ္ဆာ သကဝာဒိသ္သ, ပဋိညာ ပရဝာဒိသ္သ။ ယေ ကေစီတိ ပဌမပဉ္ဟေ အဝိပသ္သကေ သန္ဓာယ ပဋိက္ခိပတိ, ဒုတိယပဉ္ဟေ ဝိပသ္သကေ သန္ဓာယ ပဋိဇာနာတိ, တံ ပနသ္သ လဒ္ဓိမတ္တမေဝ။ တသ္မာ ‘‘သဗ္ဗေ တေ’’တိ ဝာဒသ္သ ဘိန္ဒနတ္ထံ ဗာလပုထုဇ္ဇနာတိအာဒိမာဟ။ တံ ဥတ္တာနတ္ထမေဝာတိ။
334. Idāni dukkhāhārakathā nāma hoti. Tattha ‘‘dukkhaṃ dukkhanti vācaṃ bhāsanto dukkhe ñāṇaṃ āharati, taṃ dukkhāhāro nāma vuccati . Tañca panetaṃ maggaṅgaṃ maggapariyāpanna’’nti yesaṃ laddhi, seyyathāpi etarahi pubbaseliyānaṃ; te sandhāya dukkhāhāroti pucchā sakavādissa, paṭiññā paravādissa. Ye kecīti paṭhamapañhe avipassake sandhāya paṭikkhipati, dutiyapañhe vipassake sandhāya paṭijānāti, taṃ panassa laddhimattameva. Tasmā ‘‘sabbe te’’ti vādassa bhindanatthaṃ bālaputhujjanātiādimāha. Taṃ uttānatthamevāti.
ဒုက္ခာဟာရကထာဝဏ္ဏနာ။
Dukkhāhārakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၅) ၆. ဒုက္ခာဟာရကထာ • (15) 6. Dukkhāhārakathā
