| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. து³க்க²னிப்³பா³னஸப்பாயஸுத்தங்
3. Dukkhanibbānasappāyasuttaṃ
148. ‘‘நிப்³பா³னஸப்பாயங் வோ, பி⁴க்க²வே, படிபத³ங் தே³ஸெஸ்ஸாமி. தங் ஸுணாத²…பே॰… கதமா ச ஸா, பி⁴க்க²வே, நிப்³பா³னஸப்பாயா படிபதா³? இத⁴, பி⁴க்க²வே, சக்கு²ங் து³க்க²ந்தி பஸ்ஸதி, ரூபா து³க்கா²தி பஸ்ஸதி, சக்கு²விஞ்ஞாணங் து³க்க²ந்தி பஸ்ஸதி, சக்கு²ஸம்ப²ஸ்ஸோ து³க்கோ²தி பஸ்ஸதி, யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி து³க்க²ந்தி பஸ்ஸதி…பே॰… ஜிவ்ஹா து³க்கா²தி பஸ்ஸதி…பே॰… மனோ து³க்கோ²தி பஸ்ஸதி, த⁴ம்மா து³க்கா²தி பஸ்ஸதி, மனோவிஞ்ஞாணங் து³க்க²ந்தி பஸ்ஸதி, மனோஸம்ப²ஸ்ஸோ து³க்கோ²தி பஸ்ஸதி, யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி து³க்க²ந்தி பஸ்ஸதி. அயங் கோ² ஸா, பி⁴க்க²வே, நிப்³பா³னஸப்பாயா படிபதா³’’தி. ததியங்.
148. ‘‘Nibbānasappāyaṃ vo, bhikkhave, paṭipadaṃ desessāmi. Taṃ suṇātha…pe… katamā ca sā, bhikkhave, nibbānasappāyā paṭipadā? Idha, bhikkhave, cakkhuṃ dukkhanti passati, rūpā dukkhāti passati, cakkhuviññāṇaṃ dukkhanti passati, cakkhusamphasso dukkhoti passati, yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhanti passati…pe… jivhā dukkhāti passati…pe… mano dukkhoti passati, dhammā dukkhāti passati, manoviññāṇaṃ dukkhanti passati, manosamphasso dukkhoti passati, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhanti passati. Ayaṃ kho sā, bhikkhave, nibbānasappāyā paṭipadā’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-5. அனிச்சனிப்³பா³னஸப்பாயஸுத்தாதி³வண்ணனா • 2-5. Aniccanibbānasappāyasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-5. அனிச்சனிப்³பா³னஸப்பாயஸுத்தாதி³வண்ணனா • 2-5. Aniccanibbānasappāyasuttādivaṇṇanā
