| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. д̣̇угкаббахаанавааяамабан̃хо
3. Dukkhappahānavāyamapañho
3. рааж̇аа ааха ‘‘бханд̇з нааг̇асзна, гим̣ д̇умхз ад̇ийд̇асса д̣̇угкасса бахаанааяа вааяамат̇аа’’д̇и? ‘‘на хи, махаарааж̇аа’’д̇и. ‘‘гим̣ бана, бханд̇з, анааг̇ад̇асса д̣̇угкасса бахаанааяа вааяамат̇аа’’д̇и? ‘‘на хи, махаарааж̇аа’’д̇и. ‘‘гим̣ бана бажжуббаннасса д̣̇угкасса бахаанааяа вааяамат̇аа’’д̇и? ‘‘на хи, махаарааж̇аа’’д̇и. ‘‘яад̣̇и д̇умхз на ад̇ийд̇асса д̣̇угкасса бахаанааяа вааяамат̇а, на анааг̇ад̇асса д̣̇угкасса бахаанааяа вааяамат̇а, на бажжуббаннасса д̣̇угкасса бахаанааяа вааяамат̇а, ат̇а гимад̇т̇ааяа вааяамат̇аа’’д̇и. т̇зро ааха ‘гинд̇и, махаарааж̇а, ид̣̇ан̃жа д̣̇угкам̣ нируж̇жхзяяа, ан̃н̃ан̃жа д̣̇угкам̣ нуббаж̇ж̇зяяаа’д̇и зд̇ад̣̇ад̇т̇ааяа вааяамаамаа’’д̇и.
3. Rājā āha ‘‘bhante nāgasena, kiṃ tumhe atītassa dukkhassa pahānāya vāyamathā’’ti? ‘‘Na hi, mahārājā’’ti. ‘‘Kiṃ pana, bhante, anāgatassa dukkhassa pahānāya vāyamathā’’ti? ‘‘Na hi, mahārājā’’ti. ‘‘Kiṃ pana paccuppannassa dukkhassa pahānāya vāyamathā’’ti? ‘‘Na hi, mahārājā’’ti. ‘‘Yadi tumhe na atītassa dukkhassa pahānāya vāyamatha, na anāgatassa dukkhassa pahānāya vāyamatha, na paccuppannassa dukkhassa pahānāya vāyamatha, atha kimatthāya vāyamathā’’ti. Thero āha ‘kinti, mahārāja, idañca dukkhaṃ nirujjheyya, aññañca dukkhaṃ nuppajjeyyā’ti etadatthāya vāyamāmā’’ti.
‘‘ад̇т̇и бана д̇з, бханд̇з нааг̇асзна, анааг̇ад̇ам̣ д̣̇угка’’нд̇и? ‘‘над̇т̇и 1, махаарааж̇аа’’д̇и ‘‘д̇умхз ко, бханд̇з нааг̇асзна, ад̇ибан̣д̣ид̇аа, яз д̇умхз асанд̇аанам̣ анааг̇ад̇аанам̣ д̣̇угкаанам̣ бахаанааяа вааяамат̇аа’’д̇и? ‘‘ад̇т̇и бана д̇з, махаарааж̇а, гзжи бадирааж̇аано бажжад̇т̇игаа бажжаамид̇д̇аа бажжубадтид̇аа хонд̇ий’’д̇и? ‘‘аама, бханд̇з, ад̇т̇ий’’д̇и. ‘‘гим̣ну ко, махаарааж̇а, д̇ад̣̇аа д̇умхз барикам̣ кан̣аабзяяаат̇а, баагаарам̣ жинаабзяяаат̇а г̇обурам̣ гаараабзяяаат̇а, аддаалагам̣ гаараабзяяаат̇а, д̇хан̃н̃ам̣ ад̇ихараабзяяаат̇аа’’д̇и? ‘‘на хи, бханд̇з, бадигажжзва д̇ам̣ бадияад̇д̇ам̣ ход̇ий’’д̇и. ‘‘гим̣ д̇умхз, махаарааж̇а, д̇ад̣̇аа хад̇т̇исмим̣ сигкзяяаат̇а, ассасмим̣ сигкзяяаат̇а, рат̇асмим̣ сигкзяяаат̇а, д̇ханусмим̣ сигкзяяаат̇а, т̇арусмим̣ сигкзяяаат̇аа’’д̇и? ‘‘на хи, бханд̇з, бадигажжзва д̇ам̣ сигкид̇ам̣ ход̇ий’’д̇и. ‘‘гиссад̇т̇ааяаа’’д̇и? ‘‘анааг̇ад̇аанам̣, бханд̇з, бхаяаанам̣ бадиб̣ааханад̇т̇ааяаа’’д̇и. ‘‘гим̣ ну ко, махаарааж̇а, ад̇т̇и анааг̇ад̇ам̣ бхаяа’’нд̇и? ‘‘над̇т̇и, бханд̇з’’д̇и . ‘‘д̇умхз жа ко, махаарааж̇а, ад̇ибан̣д̣ид̇аа, яз д̇умхз асанд̇аанам̣ анааг̇ад̇аанам̣ бхаяаанам̣ бадиб̣ааханад̇т̇ааяа бадияаад̣̇зт̇аа’’д̇и.
‘‘Atthi pana te, bhante nāgasena, anāgataṃ dukkha’’nti? ‘‘Natthi 2, mahārājā’’ti ‘‘tumhe kho, bhante nāgasena, atipaṇḍitā, ye tumhe asantānaṃ anāgatānaṃ dukkhānaṃ pahānāya vāyamathā’’ti? ‘‘Atthi pana te, mahārāja, keci paṭirājāno paccatthikā paccāmittā paccupaṭṭhitā hontī’’ti? ‘‘Āma, bhante, atthī’’ti. ‘‘Kiṃnu kho, mahārāja, tadā tumhe parikhaṃ khaṇāpeyyātha, pākāraṃ cināpeyyātha gopuraṃ kārāpeyyātha, aṭṭālakaṃ kārāpeyyātha, dhaññaṃ atiharāpeyyāthā’’ti? ‘‘Na hi, bhante, paṭikacceva taṃ paṭiyattaṃ hotī’’ti. ‘‘Kiṃ tumhe, mahārāja, tadā hatthismiṃ sikkheyyātha, assasmiṃ sikkheyyātha, rathasmiṃ sikkheyyātha, dhanusmiṃ sikkheyyātha, tharusmiṃ sikkheyyāthā’’ti? ‘‘Na hi, bhante, paṭikacceva taṃ sikkhitaṃ hotī’’ti. ‘‘Kissatthāyā’’ti? ‘‘Anāgatānaṃ, bhante, bhayānaṃ paṭibāhanatthāyā’’ti. ‘‘Kiṃ nu kho, mahārāja, atthi anāgataṃ bhaya’’nti? ‘‘Natthi, bhante’’ti . ‘‘Tumhe ca kho, mahārāja, atipaṇḍitā, ye tumhe asantānaṃ anāgatānaṃ bhayānaṃ paṭibāhanatthāya paṭiyādethā’’ti.
‘‘бхияяо обаммам̣ гарохийд̇и. ‘‘д̇ам̣ гим̣ ман̃н̃аси, махаарааж̇а, яад̣̇аа д̇вам̣ бибаасид̇о бхавзяяааси, д̇ад̣̇аа д̇вам̣ уд̣̇абаанам̣ кан̣аабзяяааси, богкаран̣им̣ кан̣аабзяяааси, д̇ал̣аагам̣ кан̣аабзяяааси ‘баанийяам̣ бивиссаамий’’’д̇и? ‘‘на хи, бханд̇з, бадигажжзва д̇ам̣ бадияад̇д̇ам̣ ход̇ий’’д̇и. ‘‘гиссад̇т̇ааяаа’’д̇и? ‘‘анааг̇ад̇аанам̣, бханд̇з, бибаасаанам̣ бадиб̣ааханад̇т̇ааяа бадияад̇д̇ам̣ ход̇ий’’д̇и. ‘‘ад̇т̇и бана, махаарааж̇а, анааг̇ад̇аа бибаасаа’’д̇и? ‘‘над̇т̇и, бханд̇з’’д̇и. ‘‘д̇умхз ко, махаарааж̇а, ад̇ибан̣д̣ид̇аа , яз д̇умхз асанд̇аанам̣ анааг̇ад̇аанам̣ бибаасаанам̣ бадиб̣ааханад̇т̇ааяа д̇ам̣ бадияаад̣̇зт̇аа’’д̇и.
‘‘Bhiyyo opammaṃ karohīti. ‘‘Taṃ kiṃ maññasi, mahārāja, yadā tvaṃ pipāsito bhaveyyāsi, tadā tvaṃ udapānaṃ khaṇāpeyyāsi, pokkharaṇiṃ khaṇāpeyyāsi, taḷākaṃ khaṇāpeyyāsi ‘pānīyaṃ pivissāmī’’’ti? ‘‘Na hi, bhante, paṭikacceva taṃ paṭiyattaṃ hotī’’ti. ‘‘Kissatthāyā’’ti? ‘‘Anāgatānaṃ, bhante, pipāsānaṃ paṭibāhanatthāya paṭiyattaṃ hotī’’ti. ‘‘Atthi pana, mahārāja, anāgatā pipāsā’’ti? ‘‘Natthi, bhante’’ti. ‘‘Tumhe kho, mahārāja, atipaṇḍitā , ye tumhe asantānaṃ anāgatānaṃ pipāsānaṃ paṭibāhanatthāya taṃ paṭiyādethā’’ti.
‘‘бхияяо обаммам̣ гарохий’’д̇и. ‘‘д̇ам̣ гим̣ ман̃н̃аси, махаарааж̇а, яад̣̇аа д̇вам̣ б̣убхугкид̇о бхавзяяааси, д̇ад̣̇аа д̇вам̣ кзд̇д̇ам̣ гасаабзяяааси, саалим̣ вабаабзяяааси ‘бхад̇д̇ам̣ бхун̃ж̇иссаамий’’’д̇и? ‘‘на хи, бханд̇з, бадигажжзва д̇ам̣ бадияад̇д̇ам̣ ход̇ий’’д̇и. ‘‘гиссад̇т̇ааяаа’’д̇и. ‘‘анааг̇ад̇аанам̣, бханд̇з, б̣убхугкаанам̣ бадиб̣ааханад̇т̇ааяаа’’д̇и. ‘‘ад̇т̇и бана, махаарааж̇а, анааг̇ад̇аа б̣убхугкаа’’д̇и? ‘‘над̇т̇и, бханд̇з’’д̇и. ‘‘д̇умхз ко, махаарааж̇а, ад̇ибан̣д̣ид̇аа, яз д̇умхз асанд̇аанам̣ анааг̇ад̇аанам̣ б̣убхугкаанам̣ бадиб̣ааханад̇т̇ааяа бадияаад̣̇зт̇аа’’д̇и.
‘‘Bhiyyo opammaṃ karohī’’ti. ‘‘Taṃ kiṃ maññasi, mahārāja, yadā tvaṃ bubhukkhito bhaveyyāsi, tadā tvaṃ khettaṃ kasāpeyyāsi, sāliṃ vapāpeyyāsi ‘bhattaṃ bhuñjissāmī’’’ti? ‘‘Na hi, bhante, paṭikacceva taṃ paṭiyattaṃ hotī’’ti. ‘‘Kissatthāyā’’ti. ‘‘Anāgatānaṃ, bhante, bubhukkhānaṃ paṭibāhanatthāyā’’ti. ‘‘Atthi pana, mahārāja, anāgatā bubhukkhā’’ti? ‘‘Natthi, bhante’’ti. ‘‘Tumhe kho, mahārāja, atipaṇḍitā, ye tumhe asantānaṃ anāgatānaṃ bubhukkhānaṃ paṭibāhanatthāya paṭiyādethā’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
д̣̇угкаббахаанавааяамабан̃хо д̇ад̇ияо.
Dukkhappahānavāyamapañho tatiyo.
Footnotes:
