| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. து³க்க²ஸுத்தங்
2. Dukkhasuttaṃ
104. ஸாவத்தி²னிதா³னங். ‘‘து³க்க²ஞ்ச வோ, பி⁴க்க²வே, தே³ஸெஸ்ஸாமி து³க்க²ஸமுத³யஞ்ச து³க்க²னிரோத⁴ஞ்ச து³க்க²னிரோத⁴கா³மினிஞ்ச படிபத³ங். தங் ஸுணாத². கதமஞ்ச, பி⁴க்க²வே, து³க்க²ங்? பஞ்சுபாதா³னக்க²ந்தா⁴திஸ்ஸ வசனீயங். கதமே பஞ்ச? ஸெய்யதி²த³ங் – ரூபுபாதா³னக்க²ந்தோ⁴…பே॰… விஞ்ஞாணுபாதா³னக்க²ந்தோ⁴. இத³ங் வுச்சதி, பி⁴க்க²வே, து³க்க²ங். கதமோ ச, பி⁴க்க²வே, து³க்க²ஸமுத³யோ? யாயங் தண்ஹா போனோப⁴விகா…பே॰… காமதண்ஹா, ப⁴வதண்ஹா, விப⁴வதண்ஹா – அயங் வுச்சதி, பி⁴க்க²வே, து³க்க²ஸமுத³யோ. கதமோ ச, பி⁴க்க²வே, து³க்க²னிரோதோ⁴? யோ தஸ்ஸாயேவ தண்ஹாய அஸேஸவிராக³னிரோதோ⁴ சாகோ³ படினிஸ்ஸக்³கோ³ முத்தி அனாலயோ – அயங் வுச்சதி, பி⁴க்க²வே, து³க்க²னிரோதோ⁴. கதமா ச, பி⁴க்க²வே, து³க்க²னிரோத⁴கா³மினீ படிபதா³? அயமேவ அரியோ அட்ட²ங்கி³கோ மக்³கோ³. ஸெய்யதி²த³ங் – ஸம்மாதி³ட்டி²…பே॰… ஸம்மாஸமாதி⁴. அயங் வுச்சதி, பி⁴க்க²வே, து³க்க²னிரோத⁴கா³மினீ படிபதா³’’தி. து³தியங்.
104. Sāvatthinidānaṃ. ‘‘Dukkhañca vo, bhikkhave, desessāmi dukkhasamudayañca dukkhanirodhañca dukkhanirodhagāminiñca paṭipadaṃ. Taṃ suṇātha. Katamañca, bhikkhave, dukkhaṃ? Pañcupādānakkhandhātissa vacanīyaṃ. Katame pañca? Seyyathidaṃ – rūpupādānakkhandho…pe… viññāṇupādānakkhandho. Idaṃ vuccati, bhikkhave, dukkhaṃ. Katamo ca, bhikkhave, dukkhasamudayo? Yāyaṃ taṇhā ponobhavikā…pe… kāmataṇhā, bhavataṇhā, vibhavataṇhā – ayaṃ vuccati, bhikkhave, dukkhasamudayo. Katamo ca, bhikkhave, dukkhanirodho? Yo tassāyeva taṇhāya asesavirāganirodho cāgo paṭinissaggo mutti anālayo – ayaṃ vuccati, bhikkhave, dukkhanirodho. Katamā ca, bhikkhave, dukkhanirodhagāminī paṭipadā? Ayameva ariyo aṭṭhaṅgiko maggo. Seyyathidaṃ – sammādiṭṭhi…pe… sammāsamādhi. Ayaṃ vuccati, bhikkhave, dukkhanirodhagāminī paṭipadā’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-3. து³க்க²ஸுத்தாதி³வண்ணனா • 2-3. Dukkhasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-3. து³க்க²ஸுத்தாதி³வண்ணனா • 2-3. Dukkhasuttādivaṇṇanā
