| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
8. අරහත්‌තවග්‌ගො
8. Arahattavaggo
1. දුක්‌ඛසුත්‌තං
1. Dukkhasuttaṃ
75. ‘‘ඡහි , භික්‌ඛවෙ, ධම්‌මෙහි සමන්‌නාගතො භික්‌ඛු දිට්‌ඨෙව ධම්‌මෙ දුක්‌ඛං විහරති සවිඝාතං සඋපායාසං සපරිළාහං, කායස්‌ස භෙදා පරං මරණා දුග්‌ගති පාටිකඞ්‌ඛා. කතමෙහි ඡහි? කාමවිතක්‌කෙන, බ්‍යාපාදවිතක්‌කෙන, විහිංසාවිතක්‌කෙන, කාමසඤ්‌ඤාය, බ්‍යාපාදසඤ්‌ඤාය, විහිංසාසඤ්‌ඤාය – ඉමෙහි, ඛො, භික්‌ඛවෙ, ඡහි ධම්‌මෙහි සමන්‌නාගතො භික්‌ඛු දිට්‌ඨෙව ධම්‌මෙ දුක්‌ඛං විහරති සවිඝාතං සඋපායාසං සපරිළාහං, කායස්‌ස භෙදා පරං මරණා දුග්‌ගති පාටිකඞ්‌ඛා.
75. ‘‘Chahi , bhikkhave, dhammehi samannāgato bhikkhu diṭṭheva dhamme dukkhaṃ viharati savighātaṃ saupāyāsaṃ sapariḷāhaṃ, kāyassa bhedā paraṃ maraṇā duggati pāṭikaṅkhā. Katamehi chahi? Kāmavitakkena, byāpādavitakkena, vihiṃsāvitakkena, kāmasaññāya, byāpādasaññāya, vihiṃsāsaññāya – imehi, kho, bhikkhave, chahi dhammehi samannāgato bhikkhu diṭṭheva dhamme dukkhaṃ viharati savighātaṃ saupāyāsaṃ sapariḷāhaṃ, kāyassa bhedā paraṃ maraṇā duggati pāṭikaṅkhā.
‘‘ඡහි , භික්‌ඛවෙ, ධම්‌මෙහි සමන්‌නාගතො භික්‌ඛු දිට්‌ඨෙව ධම්‌මෙ සුඛං විහරති අවිඝාතං අනුපායාසං අපරිළාහං, කායස්‌ස භෙදා පරං මරණා සුගති පාටිකඞ්‌ඛා. කතමෙහි ඡහි? නෙක්‌ඛම්‌මවිතක්‌කෙන, අබ්‍යාපාදවිතක්‌කෙන, අවිහිංසාවිතක්‌කෙන, නෙක්‌ඛම්‌මසඤ්‌ඤාය, අබ්‍යාපාදසඤ්‌ඤාය, අවිහිංසාසඤ්‌ඤාය – ඉමෙහි, ඛො, භික්‌ඛවෙ, ඡහි ධම්‌මෙහි සමන්‌නාගතො භික්‌ඛු දිට්‌ඨෙව ධම්‌මෙ සුඛං විහරති අවිඝාතං අනුපායාසං අපරිළාහං, කායස්‌ස භෙදා පරං මරණා සුගති පාටිකඞ්‌ඛා’’ති. පඨමං.
‘‘Chahi , bhikkhave, dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ, kāyassa bhedā paraṃ maraṇā sugati pāṭikaṅkhā. Katamehi chahi? Nekkhammavitakkena, abyāpādavitakkena, avihiṃsāvitakkena, nekkhammasaññāya, abyāpādasaññāya, avihiṃsāsaññāya – imehi, kho, bhikkhave, chahi dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ, kāyassa bhedā paraṃ maraṇā sugati pāṭikaṅkhā’’ti. Paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. දුක්‌ඛසුත්‌තවණ්‌ණනා • 1. Dukkhasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-3. දුක්‌ඛසුත්‌තාදිවණ්‌ණනා • 1-3. Dukkhasuttādivaṇṇanā
