| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3. து³க்க²ஸுத்தவண்ணனா
3. Dukkhasuttavaṇṇanā
43. ததியே து³க்க²ஸ்ஸாதி வட்டது³க்க²ஸ்ஸ. ஸமுத³யந்தி த்³வே ஸமுத³யா க²ணிகஸமுத³யோ ச பச்சயஸமுத³யோ ச. பச்சயஸமுத³யங் பஸ்ஸந்தோபி பி⁴க்கு² க²ணிகஸமுத³யங் பஸ்ஸதி, க²ணிகஸமுத³யங் பஸ்ஸந்தோபி பச்சயஸமுத³யங் பஸ்ஸதி. அத்த²ங்க³மோபி அச்சந்தத்த²ங்க³மோ பே⁴த³த்த²ங்க³மோதி து³விதோ⁴. அச்சந்தத்த²ங்க³மங் பஸ்ஸந்தோபி பே⁴த³த்த²ங்க³மங் பஸ்ஸதி, பே⁴த³த்த²ங்க³மங் பஸ்ஸந்தோபி அச்சந்தத்த²ங்க³மங் பஸ்ஸதி. தே³ஸெஸ்ஸாமீதி இத³ங் வட்டது³க்க²ஸ்ஸ ஸமுத³யஅத்த²ங்க³மங் நிப்³ப³த்திபே⁴த³ங் நாம தே³ஸெஸ்ஸாமி, தங் ஸுணாதா²தி அத்தோ². படிச்சாதி நிஸ்ஸயவஸேன சேவ ஆரம்மணவஸேன ச பச்சயங் கத்வா. திண்ணங் ஸங்க³தி ப²ஸ்ஸோதி திண்ணங் ஸங்க³தியா ப²ஸ்ஸோ. அயங் கோ², பி⁴க்க²வே, து³க்க²ஸ்ஸ ஸமுத³யோதி அயங் வட்டது³க்க²ஸ்ஸ நிப்³ப³த்தி நாம. அத்த²ங்க³மோதி பே⁴தோ³. ஏவஞ்ஹி வட்டது³க்க²ங் பி⁴ன்னங் ஹோதி அப்படிஸந்தி⁴யங். ததியங்.
43. Tatiye dukkhassāti vaṭṭadukkhassa. Samudayanti dve samudayā khaṇikasamudayo ca paccayasamudayo ca. Paccayasamudayaṃ passantopi bhikkhu khaṇikasamudayaṃ passati, khaṇikasamudayaṃ passantopi paccayasamudayaṃ passati. Atthaṅgamopi accantatthaṅgamo bhedatthaṅgamoti duvidho. Accantatthaṅgamaṃ passantopi bhedatthaṅgamaṃ passati, bhedatthaṅgamaṃ passantopi accantatthaṅgamaṃ passati. Desessāmīti idaṃ vaṭṭadukkhassa samudayaatthaṅgamaṃ nibbattibhedaṃ nāma desessāmi, taṃ suṇāthāti attho. Paṭiccāti nissayavasena ceva ārammaṇavasena ca paccayaṃ katvā. Tiṇṇaṃ saṅgati phassoti tiṇṇaṃ saṅgatiyā phasso. Ayaṃ kho, bhikkhave, dukkhassa samudayoti ayaṃ vaṭṭadukkhassa nibbatti nāma. Atthaṅgamoti bhedo. Evañhi vaṭṭadukkhaṃ bhinnaṃ hoti appaṭisandhiyaṃ. Tatiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. து³க்க²ஸுத்தங் • 3. Dukkhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. து³க்க²ஸுத்தவண்ணனா • 3. Dukkhasuttavaṇṇanā
