| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. д̣̇угкасуд̇д̇аван̣н̣анаа
3. Dukkhasuttavaṇṇanā
43. самуд̣̇аяанам̣ самуд̣̇аяо, самуд̣̇зд̇и зд̇амхаад̇и самуд̣̇аяо, звам̣ убхиннам̣ самуд̣̇аяаанамад̇т̇ад̇оби бхзд̣̇о взд̣̇ид̇аб̣б̣о. бажжаяаава бажжаяасамуд̣̇аяо. аарад̣̇д̇хавибассаго ‘‘иман̃жа иман̃жа бажжаяасаамаг̇г̇им̣ бадижжа имз д̇хаммаа кан̣з кан̣з уббаж̇ж̇анд̇ий’’д̇и бассанд̇о ‘‘бажжаяасамуд̣̇аяам̣ бассанд̇оби бхигку кан̣игасамуд̣̇аяам̣ бассад̇ий’’д̇и вуд̇д̇о бажжаяад̣̇ассанамукзна ниб̣б̣ад̇д̇игкан̣асса д̣̇ассанад̇о. со бана кан̣з кан̣з сан̇каараанам̣ ниб̣б̣ад̇д̇им̣ бассид̇ум̣ аарад̣̇д̇хо ‘‘имзхи наама бажжаязхи ниб̣б̣ад̇д̇ад̇ий’’д̇и бассад̇и. ‘‘со кан̣игасамуд̣̇аяам̣ бассанд̇о бажжаяам̣ бассад̇ий’’д̇и вад̣̇анд̇и. яасмаа бана бажжаяад̇о сан̇каараанам̣ уд̣̇аяам̣ бассанд̇о кан̣ад̇о д̇зсам̣ уд̣̇аяад̣̇ассанам̣ ход̇и, кан̣ад̇о зд̇зсам̣ уд̣̇аяам̣ бассад̇о баг̇зва бажжаяаанам̣ суг̇г̇ахид̇ад̇д̇аа бажжаяад̇о д̣̇ассанам̣ сукзна иж̇жхад̇и, д̇асмаа вуд̇д̇ам̣ ‘‘бажжаяасамуд̣̇аяам̣ бассанд̇обий’’д̇иаад̣̇и. ад̇т̇ан̇г̇амад̣̇ассанзби зсзва наяо. ажжанд̇ад̇т̇ан̇г̇амод̇и аббавад̇д̇и нирод̇хо ниб̣б̣аананд̇и. бхзд̣̇ад̇т̇ан̇г̇амод̇и кан̣иганирод̇хо. д̇ад̣̇убхаяам̣ буб̣б̣абхааг̇з уг̇г̇ахабарибужчаад̣̇ивасзна бассанд̇о ан̃н̃ад̇арасса д̣̇ассанз ид̇арад̣̇ассанамби сид̣̇д̇хамзва ход̇и, буб̣б̣абхааг̇з жа аарамман̣авасзна каяад̇о ваяасаммасанаад̣̇игаалз бхзд̣̇ад̇т̇ан̇г̇амам̣ бассанд̇о ад̇ирзгавасзна ануссаваад̣̇ид̇о ажжанд̇ам̣ ад̇т̇ан̇г̇амам̣ бассад̇и. маг̇г̇агкан̣з банаарамман̣ад̇о ажжанд̇аад̇т̇ан̇г̇амам̣ бассад̇и, асаммохад̇о ид̇арамби бассад̇и. д̇ам̣ санд̇хааяааха ‘‘ажжанд̇ад̇т̇ан̇г̇амам̣ бассанд̇обий’’д̇иаад̣̇и. самуд̣̇аяад̇т̇ан̇г̇амам̣ ниб̣б̣ад̇д̇ибхзд̣̇анд̇и самуд̣̇аяасан̇каад̇ам̣ ниб̣б̣ад̇д̇им̣ ад̇т̇ан̇г̇амасан̇каад̇ам̣ бхзд̣̇ан̃жа. ниссаяавасзнаад̇и жагкусса санниссаяавасзна бажжаяам̣ гад̇ваа. аарамман̣авасзнаад̇и руубз аарамман̣ам̣ гад̇ваа. яам̣ банзд̇т̇а вад̇д̇аб̣б̣ам̣, д̇ам̣ мад̇хубин̣д̣игасуд̇д̇адийгааяам̣ вуд̇д̇анаязна взд̣̇ид̇аб̣б̣ам̣. д̇ин̣н̣ам̣ сан̇г̇ад̇и пассод̇и ‘‘жагку руубаани вин̃н̃аан̣а’’нд̇и имзсам̣ д̇ин̣н̣ам̣ сан̇г̇ад̇и самааг̇амз ниб̣б̣ад̇д̇и пассод̇и вуд̇д̇од̇и ааха ‘‘д̇ин̣н̣ам̣ сан̇г̇ад̇ияаа пассо’’д̇и. д̇ин̣н̣анд̇и жа баагадабажжаяавасзна вуд̇д̇ам̣, д̇ад̣̇ан̃н̃зби бана манасигаараад̣̇аяо пассабажжаяаа хонд̇иязва. званд̇и д̇ан̣хаад̣̇ийнам̣ асзсавирааг̇анирод̇хаггамзна. бхиннам̣ ход̇ийд̇и ануббаад̣̇анирод̇хзна нируд̣̇д̇хам̣ ход̇и. д̇знааха ‘‘аббадисанд̇хияа’’нд̇и.
43. Samudayanaṃ samudayo, samudeti etamhāti samudayo, evaṃ ubhinnaṃ samudayānamatthatopi bhedo veditabbo. Paccayāva paccayasamudayo. Āraddhavipassako ‘‘imañca imañca paccayasāmaggiṃ paṭicca ime dhammā khaṇe khaṇe uppajjantī’’ti passanto ‘‘paccayasamudayaṃ passantopi bhikkhu khaṇikasamudayaṃ passatī’’ti vutto paccayadassanamukhena nibbattikkhaṇassa dassanato. So pana khaṇe khaṇe saṅkhārānaṃ nibbattiṃ passituṃ āraddho ‘‘imehi nāma paccayehi nibbattatī’’ti passati. ‘‘So khaṇikasamudayaṃ passanto paccayaṃ passatī’’ti vadanti. Yasmā pana paccayato saṅkhārānaṃ udayaṃ passanto khaṇato tesaṃ udayadassanaṃ hoti, khaṇato etesaṃ udayaṃ passato pageva paccayānaṃ suggahitattā paccayato dassanaṃ sukhena ijjhati, tasmā vuttaṃ ‘‘paccayasamudayaṃ passantopī’’tiādi. Atthaṅgamadassanepi eseva nayo. Accantatthaṅgamoti appavatti nirodho nibbānanti. Bhedatthaṅgamoti khaṇikanirodho. Tadubhayaṃ pubbabhāge uggahaparipucchādivasena passanto aññatarassa dassane itaradassanampi siddhameva hoti, pubbabhāge ca ārammaṇavasena khayato vayasammasanādikāle bhedatthaṅgamaṃ passanto atirekavasena anussavādito accantaṃ atthaṅgamaṃ passati. Maggakkhaṇe panārammaṇato accantaatthaṅgamaṃ passati, asammohato itarampi passati. Taṃ sandhāyāha ‘‘accantatthaṅgamaṃ passantopī’’tiādi. Samudayatthaṅgamaṃ nibbattibhedanti samudayasaṅkhātaṃ nibbattiṃ atthaṅgamasaṅkhātaṃ bhedañca. Nissayavasenāti cakkhussa sannissayavasena paccayaṃ katvā. Ārammaṇavasenāti rūpe ārammaṇaṃ katvā. Yaṃ panettha vattabbaṃ, taṃ madhupiṇḍikasuttaṭīkāyaṃ vuttanayena veditabbaṃ. Tiṇṇaṃ saṅgati phassoti ‘‘cakkhu rūpāni viññāṇa’’nti imesaṃ tiṇṇaṃ saṅgati samāgame nibbatti phassoti vuttoti āha ‘‘tiṇṇaṃ saṅgatiyā phasso’’ti. Tiṇṇanti ca pākaṭapaccayavasena vuttaṃ, tadaññepi pana manasikārādayo phassapaccayā hontiyeva. Evanti taṇhādīnaṃ asesavirāganirodhakkamena. Bhinnaṃ hotīti anuppādanirodhena niruddhaṃ hoti. Tenāha ‘‘appaṭisandhiya’’nti.
д̣̇угкасуд̇д̇аван̣н̣анаа нидтид̇аа.
Dukkhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. д̣̇угкасуд̇д̇ам̣ • 3. Dukkhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. д̣̇угкасуд̇д̇аван̣н̣анаа • 3. Dukkhasuttavaṇṇanā
