| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
2. д̣̇уганибаад̇о
2. Dukanipāto
1. батамаваг̇г̇о
1. Paṭhamavaggo
1. д̣̇угкавихаарасуд̇д̇ам̣
1. Dukkhavihārasuttaṃ
28. (д̣̇вз д̇хаммз ануггади) 1 вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
28. (Dve dhamme anukkaṭi) 2 vuttañhetaṃ bhagavatā, vuttamarahatāti me sutaṃ –
‘‘д̣̇вийхи, бхигкавз, д̇хаммзхи саманнааг̇ад̇о бхигку д̣̇идтзва д̇хаммз д̣̇угкам̣ вихарад̇и савигхаад̇ам̣ саубааяаасам̣ сабарил̣аахам̣; гааяасса бхзд̣̇аа барам̣ маран̣аа д̣̇уг̇г̇ад̇и баадиган̇каа. гад̇амзхи д̣̇вийхи? инд̣̇риязсу аг̇уд̇д̇ад̣̇ваарад̇ааяа 3 жа, бхож̇анз амад̇д̇ан̃н̃уд̇ааяа 4 жа. имзхи ко, бхигкавз, д̣̇вийхи д̇хаммзхи саманнааг̇ад̇о бхигку д̣̇идтзва д̇хаммз д̣̇угкам̣ вихарад̇и савид̇хаад̇ам̣ саубааяаасам̣ сабарил̣аахам̣; гааяасса бхзд̣̇аа барам̣ маран̣аа д̣̇уг̇г̇ад̇и баадиган̇каа’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Dvīhi, bhikkhave, dhammehi samannāgato bhikkhu diṭṭheva dhamme dukkhaṃ viharati savighātaṃ saupāyāsaṃ sapariḷāhaṃ; kāyassa bhedā paraṃ maraṇā duggati pāṭikaṅkhā. Katamehi dvīhi? Indriyesu aguttadvāratāya 5 ca, bhojane amattaññutāya 6 ca. Imehi kho, bhikkhave, dvīhi dhammehi samannāgato bhikkhu diṭṭheva dhamme dukkhaṃ viharati savidhātaṃ saupāyāsaṃ sapariḷāhaṃ; kāyassa bhedā paraṃ maraṇā duggati pāṭikaṅkhā’’ti. Etamatthaṃ bhagavā avoca. Tatthetaṃ iti vuccati –
‘‘жагку сод̇ан̃жа гхаанан̃жа, ж̇ивхаа гааяо д̇ат̇аа мано;
‘‘Cakkhu sotañca ghānañca, jivhā kāyo tathā mano;
зд̇аани яасса д̣̇ваараани, аг̇уд̇д̇аанид̇ха 7 бхигкуно.
Etāni yassa dvārāni, aguttānidha 8 bhikkhuno.
‘‘бхож̇анамхи амад̇д̇ан̃н̃уу, инд̣̇риязсу асам̣вуд̇о;
‘‘Bhojanamhi amattaññū, indriyesu asaṃvuto;
гааяад̣̇угкам̣ жзд̇од̣̇угкам̣, д̣̇угкам̣ со ад̇хиг̇ажчад̇и.
Kāyadukkhaṃ cetodukkhaṃ, dukkhaṃ so adhigacchati.
‘‘д̣аяхамаанзна гааязна, д̣аяхамаанзна жзд̇асаа;
‘‘Ḍayhamānena kāyena, ḍayhamānena cetasā;
д̣̇иваа ваа яад̣̇и ваа рад̇д̇им̣, д̣̇угкам̣ вихарад̇и д̇аад̣̇исо’’д̇и.
Divā vā yadi vā rattiṃ, dukkhaṃ viharati tādiso’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. батамам̣.
Ayampi attho vutto bhagavatā, iti me sutanti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 1. д̣̇угкавихаарасуд̇д̇аван̣н̣анаа • 1. Dukkhavihārasuttavaṇṇanā
