| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[50] 10. д̣̇уммзд̇хаж̇аад̇агаван̣н̣анаа
[50] 10. Dummedhajātakavaṇṇanā
д̣̇уммзд̇хаананд̇и ид̣̇ам̣ сад̇т̇аа ж̇зд̇аванз вихаранд̇о логад̇т̇ажарияам̣ аараб̣бха гат̇зси. саа д̣̇ваад̣̇асаганибаад̇з махааган̣хаж̇аад̇агз (ж̇аа. 1.12.61 аад̣̇аяо) аави бхависсад̇и.
Dummedhānanti idaṃ satthā jetavane viharanto lokatthacariyaṃ ārabbha kathesi. Sā dvādasakanipāte mahākaṇhajātake (jā. 1.12.61 ādayo) āvi bhavissati.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса ран̃н̃о аг̇г̇амахзсияаа гужчимхи бадисанд̇хим̣ г̇ан̣хи. д̇асса маад̇угужчид̇о нигканд̇асса наамаг̇г̇ахан̣ад̣̇ивасз ‘‘б̣рахмад̣̇ад̇д̇агумааро’’д̇и наамам̣ агам̣су. со сол̣асавассуд̣̇д̣̇зсиго худ̇ваа д̇аггасилааяам̣ сиббам̣ уг̇г̇ан̣хид̇ваа д̇ин̣н̣ам̣ взд̣̇аанам̣ баарам̣ г̇анд̇ваа адтаарасаннам̣ виж̇ж̇адтаанаанам̣ нибпад̇д̇им̣ баабун̣и, ат̇асса бид̇аа обараж̇ж̇ам̣ ад̣̇ааси. д̇асмим̣ самаяз б̣аараан̣асиваасино д̣̇звад̇ааман̇г̇алигаа хонд̇и, д̣̇звад̇аа намассанд̇и, б̣ахуу аж̇зл̣агагуггудабхуугараад̣̇аяо вад̇хид̇ваа наанаббагаарзхи бубпаг̇анд̇хзхи жзва мам̣салохид̇зхи жа б̣алигаммам̣ гаронд̇и. б̣од̇хисад̇д̇о жинд̇зси ‘‘ид̣̇аани сад̇д̇аа д̣̇звад̇ааман̇г̇алигаа, б̣ахум̣ баан̣авад̇хам̣ гаронд̇и, махааж̇ано язбхуяязна ад̇хаммасмим̣язва нивидто, ахам̣ бид̇у ажжаязна раж̇ж̇ам̣ лабхид̇ваа згамби агиламзд̇ваа убааязнзва баан̣авад̇хам̣ гаад̇ум̣ на д̣̇ассаамий’’д̇и. со згад̣̇ивасам̣ рат̇ам̣ абхируяха наг̇араа нигканд̇о ад̣̇д̣̇аса згасмим̣ маханд̇з вадаругкз махааж̇анам̣ саннибад̇ид̇ам̣, д̇асмим̣ ругкз ниб̣б̣ад̇д̇ад̣̇звад̇ааяа санд̇игз буд̇д̇ад̇хийд̇уяасад̇ханаад̣̇ийсу яам̣ яам̣ ижчад̇и, д̇ам̣ д̇ам̣ бад̇т̇знд̇ам̣. со д̇ам̣ д̣̇исваа рат̇аа оруяха д̇ам̣ ругкам̣ убасан̇гамид̇ваа г̇анд̇хабубпзхи бууж̇зд̇ваа уд̣̇агзна абхисзгам̣ гад̇ваа ругкам̣ бад̣̇агкин̣ам̣ гад̇ваа д̣̇звад̇ааман̇г̇алиго вияа худ̇ваа д̣̇звад̇ам̣ намассид̇ваа рат̇ам̣ абхируяха наг̇арам̣ баависи. д̇ад̇о бадтааяа иминаава нияаамзна анд̇аранд̇арз д̇ад̇т̇а г̇анд̇ваа д̣̇звад̇ааман̇г̇алиго вияа бууж̇ам̣ гарод̇и.
Atīte bārāṇasiyaṃ brahmadatte rajjaṃ kārente bodhisatto tassa rañño aggamahesiyā kucchimhi paṭisandhiṃ gaṇhi. Tassa mātukucchito nikkhantassa nāmaggahaṇadivase ‘‘brahmadattakumāro’’ti nāmaṃ akaṃsu. So soḷasavassuddesiko hutvā takkasilāyaṃ sippaṃ uggaṇhitvā tiṇṇaṃ vedānaṃ pāraṃ gantvā aṭṭhārasannaṃ vijjaṭṭhānānaṃ nipphattiṃ pāpuṇi, athassa pitā oparajjaṃ adāsi. Tasmiṃ samaye bārāṇasivāsino devatāmaṅgalikā honti, devatā namassanti, bahū ajeḷakakukkuṭabhūkarādayo vadhitvā nānappakārehi pupphagandhehi ceva maṃsalohitehi ca balikammaṃ karonti. Bodhisatto cintesi ‘‘idāni sattā devatāmaṅgalikā, bahuṃ pāṇavadhaṃ karonti, mahājano yebhuyyena adhammasmiṃyeva niviṭṭho, ahaṃ pitu accayena rajjaṃ labhitvā ekampi akilametvā upāyeneva pāṇavadhaṃ kātuṃ na dassāmī’’ti. So ekadivasaṃ rathaṃ abhiruyha nagarā nikkhanto addasa ekasmiṃ mahante vaṭarukkhe mahājanaṃ sannipatitaṃ, tasmiṃ rukkhe nibbattadevatāya santike puttadhītuyasadhanādīsu yaṃ yaṃ icchati, taṃ taṃ patthentaṃ. So taṃ disvā rathā oruyha taṃ rukkhaṃ upasaṅkamitvā gandhapupphehi pūjetvā udakena abhisekaṃ katvā rukkhaṃ padakkhiṇaṃ katvā devatāmaṅgaliko viya hutvā devataṃ namassitvā rathaṃ abhiruyha nagaraṃ pāvisi. Tato paṭṭhāya imināva niyāmena antarantare tattha gantvā devatāmaṅgaliko viya pūjaṃ karoti.
со абарзна самаязна бид̇у ажжаязна раж̇ж̇з бад̇идтааяа жад̇ассо аг̇ад̇ияо важ̇ж̇зд̇ваа д̣̇аса рааж̇ад̇хаммз агобзнд̇о д̇хаммзна раж̇ж̇ам̣ гаарзнд̇о жинд̇зси ‘‘маяхам̣ манорат̇о мад̇т̇агам̣ бад̇д̇о, раж̇ж̇з бад̇идтид̇омхи. яам̣ банаахам̣ буб̣б̣з згам̣ ад̇т̇ам̣ жинд̇аяим̣, ид̣̇аани д̇ам̣ мад̇т̇агам̣ баабзссаамий’’д̇и амажжз жа б̣раахман̣аг̇ахабад̇игаад̣̇аяо жа саннибаад̇аабзд̇ваа ааманд̇зси ‘‘ж̇аанаат̇а бхо маяаа гзна гааран̣зна раж̇ж̇ам̣ бад̇д̇а’’нд̇и? ‘‘на ж̇аанаама, д̣̇зваа’’д̇и. ‘‘аби вохам̣ асугам̣ наама вадаругкам̣ г̇анд̇хаад̣̇ийхи бууж̇зд̇ваа ан̃ж̇алим̣ баг̇г̇ахзд̇ваа намассамаано д̣̇идтабуб̣б̣о’’д̇и. ‘‘аама, д̣̇зваа’’д̇и. д̇ад̣̇аахам̣ бад̇т̇анам̣ агаасим̣ ‘‘сажз раж̇ж̇ам̣ баабун̣иссаами, б̣алигаммам̣ д̇з гариссаамий’’д̇и. ‘‘д̇ассаа мз д̣̇звад̇ааяа аанубхаавзна ид̣̇ам̣ раж̇ж̇ам̣ лад̣̇д̇хам̣, ид̣̇ааниссаа б̣алигаммам̣ гариссаами, д̇умхз бабан̃жам̣ агад̇ваа киббам̣ д̣̇звад̇ааяа б̣алигаммам̣ саж̇ж̇зт̇аа’’д̇и. ‘‘гим̣ гим̣ г̇ан̣хаама, д̣̇зваа’’д̇и? бхо ахам̣ д̣̇звад̇ааяа ааяаажамаано ‘‘яз маяхам̣ раж̇ж̇з баан̣аад̇ибаад̇аад̣̇ийни бан̃жа д̣̇уссийлагаммаани д̣̇аса агусалагаммабат̇з самаад̣̇ааяа вад̇д̇иссанд̇и, д̇з гхаад̇зд̇ваа анд̇аваддимам̣салохид̇аад̣̇ийхи б̣алигаммам̣ гариссаамий’’д̇и ааяаажим̣. д̇асмаа д̇умхз звам̣ бхзрим̣ жараабзт̇а ‘‘амхаагам̣ рааж̇аа убарааж̇агаалзязва звам̣ ааяаажи ‘сажаахам̣ раж̇ж̇ам̣ баабун̣иссаами, яз мз раж̇ж̇з д̣̇уссийлаа бхависсанд̇и, д̇з саб̣б̣з гхаад̇зд̇ваа б̣алигаммам̣ гариссаамий’д̇и, со ид̣̇аани бан̃жавид̇хам̣ д̣̇уссийлагаммам̣ д̣̇асавид̇хам̣ агусалагаммабат̇ам̣ самаад̣̇ааяа вад̇д̇амаанаанам̣ д̣̇уссийлаанам̣ сахассам̣ гхаад̇зд̇ваа д̇зсам̣ хад̣̇аяамам̣саад̣̇ийни г̇аахаабзд̇ваа д̣̇звад̇ааяа б̣алигаммам̣ гаад̇угаамо, звам̣ наг̇араваасино ж̇аананд̇уу’’д̇и. зван̃жа бана вад̇ваа ‘‘язд̣̇аани ид̇о бадтааяа д̣̇уссийлагаммз вад̇д̇иссанд̇и, д̇зсам̣ сахассам̣ гхаад̇зд̇ваа яан̃н̃ам̣ яаж̇ид̇ваа ааяаажанад̇о мужжиссаамий’’д̇и зд̇амад̇т̇ам̣ багаасзнд̇о имам̣ г̇аат̇амааха –
So aparena samayena pitu accayena rajje patiṭṭhāya catasso agatiyo vajjetvā dasa rājadhamme akopento dhammena rajjaṃ kārento cintesi ‘‘mayhaṃ manoratho matthakaṃ patto, rajje patiṭṭhitomhi. Yaṃ panāhaṃ pubbe ekaṃ atthaṃ cintayiṃ, idāni taṃ matthakaṃ pāpessāmī’’ti amacce ca brāhmaṇagahapatikādayo ca sannipātāpetvā āmantesi ‘‘jānātha bho mayā kena kāraṇena rajjaṃ patta’’nti? ‘‘Na jānāma, devā’’ti. ‘‘Api vohaṃ asukaṃ nāma vaṭarukkhaṃ gandhādīhi pūjetvā añjaliṃ paggahetvā namassamāno diṭṭhapubbo’’ti. ‘‘Āma, devā’’ti. Tadāhaṃ patthanaṃ akāsiṃ ‘‘sace rajjaṃ pāpuṇissāmi, balikammaṃ te karissāmī’’ti. ‘‘Tassā me devatāya ānubhāvena idaṃ rajjaṃ laddhaṃ, idānissā balikammaṃ karissāmi, tumhe papañcaṃ akatvā khippaṃ devatāya balikammaṃ sajjethā’’ti. ‘‘Kiṃ kiṃ gaṇhāma, devā’’ti? Bho ahaṃ devatāya āyācamāno ‘‘ye mayhaṃ rajje pāṇātipātādīni pañca dussīlakammāni dasa akusalakammapathe samādāya vattissanti, te ghātetvā antavaṭṭimaṃsalohitādīhi balikammaṃ karissāmī’’ti āyāciṃ. Tasmā tumhe evaṃ bheriṃ carāpetha ‘‘amhākaṃ rājā uparājakāleyeva evaṃ āyāci ‘sacāhaṃ rajjaṃ pāpuṇissāmi, ye me rajje dussīlā bhavissanti, te sabbe ghātetvā balikammaṃ karissāmī’ti, so idāni pañcavidhaṃ dussīlakammaṃ dasavidhaṃ akusalakammapathaṃ samādāya vattamānānaṃ dussīlānaṃ sahassaṃ ghātetvā tesaṃ hadayamaṃsādīni gāhāpetvā devatāya balikammaṃ kātukāmo, evaṃ nagaravāsino jānantū’’ti. Evañca pana vatvā ‘‘yedāni ito paṭṭhāya dussīlakamme vattissanti, tesaṃ sahassaṃ ghātetvā yaññaṃ yajitvā āyācanato muccissāmī’’ti etamatthaṃ pakāsento imaṃ gāthamāha –
50.
50.
‘‘д̣̇уммзд̇хаанам̣ сахассзна, яан̃н̃о мз убаяаажид̇о;
‘‘Dummedhānaṃ sahassena, yañño me upayācito;
ид̣̇аани кохам̣ яаж̇иссаами, б̣аху ад̇хаммиго ж̇ано’’д̇и.
Idāni khohaṃ yajissāmi, bahu adhammiko jano’’ti.
д̇ад̇т̇а д̣̇уммзд̇хаанам̣ сахассзнаад̇и ‘‘ид̣̇ам̣ гаммам̣ гаад̇ум̣ ваддад̇и, ид̣̇ам̣ на ваддад̇ий’’д̇и аж̇аананабхаавзна, д̣̇асасу ваа бана агусалагаммабат̇зсу самаад̣̇ааяа вад̇д̇анабхаавзна д̣̇удтаа мзд̇хаа зд̇зсанд̇и д̣̇уммзд̇хаа, д̇зсам̣ д̣̇уммзд̇хаанам̣ ниббан̃н̃аанам̣ б̣аалабуг̇г̇алаанам̣ г̇ан̣ид̇ваа г̇ахид̇зна сахассзна. яан̃н̃о мз убаяаажид̇од̇и маяаа д̣̇звад̇ам̣ убасан̇гамид̇ваа ‘‘звам̣ яаж̇иссаамий’’д̇и яан̃н̃о яаажид̇о. ид̣̇аани кохам̣ яаж̇иссаамийд̇и со ахам̣ иминаа ааяаажанзна раж̇ж̇асса бадилад̣̇д̇хад̇д̇аа ид̣̇аани яаж̇иссаами. гим̣гааран̣аа? ид̣̇аани хи б̣аху ад̇хаммиго ж̇ано, д̇асмаа ид̣̇аанзва нам̣ г̇ахзд̇ваа б̣алигаммам̣ гариссаамийд̇и.
Tattha dummedhānaṃ sahassenāti ‘‘idaṃ kammaṃ kātuṃ vaṭṭati, idaṃ na vaṭṭatī’’ti ajānanabhāvena, dasasu vā pana akusalakammapathesu samādāya vattanabhāvena duṭṭhā medhā etesanti dummedhā, tesaṃ dummedhānaṃ nippaññānaṃ bālapuggalānaṃ gaṇitvā gahitena sahassena. Yañño me upayācitoti mayā devataṃ upasaṅkamitvā ‘‘evaṃ yajissāmī’’ti yañño yācito. Idāni khohaṃ yajissāmīti so ahaṃ iminā āyācanena rajjassa paṭiladdhattā idāni yajissāmi. Kiṃkāraṇā? Idāni hi bahu adhammiko jano, tasmā idāneva naṃ gahetvā balikammaṃ karissāmīti.
амажжаа б̣од̇хисад̇д̇асса важанам̣ суд̇ваа ‘‘саад̇ху, д̣̇зваа’’д̇и д̣̇ваад̣̇асаяож̇анигз б̣аараан̣асинаг̇арз бхзрим̣ жараабзсум̣. бхзрияаа аан̣ам̣ суд̇ваа згамби д̣̇уссийлагаммам̣ самаад̣̇ааяа тид̇о згабурисоби наахоси. ид̇и яаава б̣од̇хисад̇д̇о раж̇ж̇ам̣ гаарзси, д̇аава згабуг̇г̇алоби бан̃жасу д̣̇асасу ваа д̣̇уссийлагаммзсу згамби гаммам̣ гаронд̇о на бан̃н̃ааяид̇т̇а. звам̣ б̣од̇хисад̇д̇о згабуг̇г̇аламби агиламзнд̇о сагаларадтаваасино сийлам̣ рагкаабзд̇ваа саяамби д̣̇аанаад̣̇ийни бун̃н̃аани гад̇ваа ж̇ийвид̇абарияосаанз ад̇д̇ано барисам̣ аад̣̇ааяа д̣̇званаг̇арам̣ буурзнд̇о аг̇амааси.
Amaccā bodhisattassa vacanaṃ sutvā ‘‘sādhu, devā’’ti dvādasayojanike bārāṇasinagare bheriṃ carāpesuṃ. Bheriyā āṇaṃ sutvā ekampi dussīlakammaṃ samādāya ṭhito ekapurisopi nāhosi. Iti yāva bodhisatto rajjaṃ kāresi, tāva ekapuggalopi pañcasu dasasu vā dussīlakammesu ekampi kammaṃ karonto na paññāyittha. Evaṃ bodhisatto ekapuggalampi akilamento sakalaraṭṭhavāsino sīlaṃ rakkhāpetvā sayampi dānādīni puññāni katvā jīvitapariyosāne attano parisaṃ ādāya devanagaraṃ pūrento agamāsi.
сад̇т̇ааби ‘‘на, бхигкавз, д̇ат̇ааг̇ад̇о ид̣̇аанзва логасса ад̇т̇ам̣ жарад̇и, буб̣б̣зби жариязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аабарисаа б̣уд̣̇д̇хабарисаа ахзсум̣, б̣аараан̣асирааж̇аа бана ахамзва ахоси’’нд̇и.
Satthāpi ‘‘na, bhikkhave, tathāgato idāneva lokassa atthaṃ carati, pubbepi cariyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadāparisā buddhaparisā ahesuṃ, bārāṇasirājā pana ahameva ahosi’’nti.
д̣̇уммзд̇хаж̇аад̇агаван̣н̣анаа д̣̇асамаа.
Dummedhajātakavaṇṇanā dasamā.
ад̇т̇агаамаваг̇г̇о бан̃жамо.
Atthakāmavaggo pañcamo.
д̇ассуд̣̇д̣̇аанам̣ –
Tassuddānaṃ –
лосагад̇иссагабод̇а, взл̣угам̣ магасамби жа;
Losakatissakapota, veḷukaṃ makasampi ca;
рохин̣ий аараамад̣̇уусам̣, ваарун̣ийд̣̇уусавзд̣̇аб̣б̣ам̣;
Rohiṇī ārāmadūsaṃ, vāruṇīdūsavedabbaṃ;
нагкад̇д̇ам̣ д̣̇уммзд̇хам̣ д̣̇асаад̇и.
Nakkhattaṃ dummedhaṃ dasāti.
батамо бан̣н̣аасаго.
Paṭhamo paṇṇāsako.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 50. д̣̇уммзд̇хаж̇аад̇агам̣ • 50. Dummedhajātakaṃ
