| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౪. దుప్పఞ్ఞసుత్తం
4. Duppaññasuttaṃ
౨౨౫. అథ ఖో అఞ్ఞతరో భిక్ఖు యేన భగవా తేనుపసఙ్కమి…పే॰… ఏకమన్తం నిసిన్నో ఖో సో భిక్ఖు భగవన్తం ఏతదవోచ – ‘‘‘దుప్పఞ్ఞో ఏళమూగో, దుప్పఞ్ఞో ఏళమూగో’తి , భన్తే, వుచ్చతి. కిత్తావతా ను ఖో, భన్తే, ‘దుప్పఞ్ఞో ఏళమూగో’తి వుచ్చతీ’’తి? ‘‘సత్తన్నం ఖో, భిక్ఖు, బోజ్ఝఙ్గానం అభావితత్తా అబహులీకతత్తా ‘దుప్పఞ్ఞో ఏళమూగో’తి వుచ్చతి. కతమేసం సత్తన్నం? సతిసమ్బోజ్ఝఙ్గస్స…పే॰… ఉపేక్ఖాసమ్బోజ్ఝఙ్గస్స – ఇమేసం ఖో, భిక్ఖు , సత్తన్నం బోజ్ఝఙ్గానం అభావితత్తా అబహులీకతత్తా ‘దుప్పఞ్ఞో ఏళమూగో’తి వుచ్చతీ’’తి. చతుత్థం.
225. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘duppañño eḷamūgo, duppañño eḷamūgo’ti , bhante, vuccati. Kittāvatā nu kho, bhante, ‘duppañño eḷamūgo’ti vuccatī’’ti? ‘‘Sattannaṃ kho, bhikkhu, bojjhaṅgānaṃ abhāvitattā abahulīkatattā ‘duppañño eḷamūgo’ti vuccati. Katamesaṃ sattannaṃ? Satisambojjhaṅgassa…pe… upekkhāsambojjhaṅgassa – imesaṃ kho, bhikkhu , sattannaṃ bojjhaṅgānaṃ abhāvitattā abahulīkatattā ‘duppañño eḷamūgo’ti vuccatī’’ti. Catutthaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౪-౧౦. దుప్పఞ్ఞసుత్తాదివణ్ణనా • 4-10. Duppaññasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪-౧౦. దుప్పఞ్ఞసుత్తాదివణ్ణనా • 4-10. Duppaññasuttādivaṇṇanā
