| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4. දුප්‌පඤ්‌ඤසුත්‌තං
4. Duppaññasuttaṃ
225. අථ ඛො අඤ්‌ඤතරො භික්‌ඛු යෙන භගවා තෙනුපසඞ්‌කමි…පෙ.… එකමන්‌තං නිසින්‌නො ඛො සො භික්‌ඛු භගවන්‌තං එතදවොච – ‘‘‘දුප්‌පඤ්‌ඤො එළමූගො, දුප්‌පඤ්‌ඤො එළමූගො’ති , භන්‌තෙ, වුච්‌චති. කිත්‌තාවතා නු ඛො, භන්‌තෙ, ‘දුප්‌පඤ්‌ඤො එළමූගො’ති වුච්‌චතී’’ති? ‘‘සත්‌තන්‌නං ඛො, භික්‌ඛු, බොජ්‌ඣඞ්‌ගානං අභාවිතත්‌තා අබහුලීකතත්‌තා ‘දුප්‌පඤ්‌ඤො එළමූගො’ති වුච්‌චති. කතමෙසං සත්‌තන්‌නං? සතිසම්‌බොජ්‌ඣඞ්‌ගස්‌ස…පෙ.… උපෙක්‌ඛාසම්‌බොජ්‌ඣඞ්‌ගස්‌ස – ඉමෙසං ඛො, භික්‌ඛු , සත්‌තන්‌නං බොජ්‌ඣඞ්‌ගානං අභාවිතත්‌තා අබහුලීකතත්‌තා ‘දුප්‌පඤ්‌ඤො එළමූගො’ති වුච්‌චතී’’ති. චතුත්‌ථං.
225. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘duppañño eḷamūgo, duppañño eḷamūgo’ti , bhante, vuccati. Kittāvatā nu kho, bhante, ‘duppañño eḷamūgo’ti vuccatī’’ti? ‘‘Sattannaṃ kho, bhikkhu, bojjhaṅgānaṃ abhāvitattā abahulīkatattā ‘duppañño eḷamūgo’ti vuccati. Katamesaṃ sattannaṃ? Satisambojjhaṅgassa…pe… upekkhāsambojjhaṅgassa – imesaṃ kho, bhikkhu , sattannaṃ bojjhaṅgānaṃ abhāvitattā abahulīkatattā ‘duppañño eḷamūgo’ti vuccatī’’ti. Catutthaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4-10. දුප්‌පඤ්‌ඤසුත්‌තාදිවණ්‌ණනා • 4-10. Duppaññasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4-10. දුප්‌පඤ්‌ඤසුත්‌තාදිවණ්‌ණනා • 4-10. Duppaññasuttādivaṇṇanā
