| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[64] 4. д̣̇урааж̇аанаж̇аад̇агаван̣н̣анаа
[64] 4. Durājānajātakavaṇṇanā
маасу нанд̣̇и ижчад̇и манд̇и ид̣̇ам̣ сад̇т̇аа ж̇зд̇аванз вихаранд̇о згам̣ убаасагам̣ аараб̣бха гат̇зси. зго гира саавад̇т̇иваасий убаасаго д̇ийсу саран̣зсу бан̃жасу жа сийлзсу бад̇идтид̇о б̣уд̣̇д̇хамаамаго, д̇хаммамаамаго, сан̇гхамаамаго, бхарияаа банасса д̣̇уссийлаа баабад̇хаммаа. яам̣ д̣̇ивасам̣ мижчаажаарам̣ жарад̇и, д̇ам̣ д̣̇ивасам̣ сад̇агийд̇ад̣̇аасий вияа ход̇и, мижчаажаарасса бана агад̇ад̣̇ивасз сааминий вияа ход̇и жан̣д̣аа парусаа. со д̇ассаа бхаавам̣ ж̇аанид̇ум̣ на саггод̇и, ат̇а д̇ааяа уб̣б̣аал̣хо б̣уд̣̇д̇хуубадтаанам̣ на г̇ажчад̇и. ат̇а нам̣ згад̣̇ивасам̣ г̇анд̇хабубпаад̣̇ийни аад̣̇ааяа ааг̇анд̇ваа ванд̣̇ид̇ваа нисиннам̣ сад̇т̇аа ааха – ‘‘гим̣ ну ко д̇вам̣, убаасага, сад̇д̇адта д̣̇ивасз б̣уд̣̇д̇хуубадтаанам̣ нааг̇ажчасий’’д̇и. гхаран̣ий мз, бханд̇з, згасмим̣ д̣̇ивасз сад̇агийд̇ад̣̇аасий вияа ход̇и, згасмим̣ д̣̇ивасз сааминий вияа жан̣д̣аа парусаа. ахам̣ д̇ассаа бхаавам̣ ж̇аанид̇ум̣ на саггоми, сваахам̣ д̇ааяа уб̣б̣аал̣хо б̣уд̣̇д̇хуубадтаанам̣ нааг̇ажчаамийд̇и. ат̇асса важанам̣ суд̇ваа сад̇т̇аа ‘‘убаасага, ‘маад̇уг̇аамасса бхааво наама д̣̇уж̇ж̇аано’д̇и буб̣б̣зби д̇з бан̣д̣ид̇аа гат̇аяим̣су, д̇вам̣ бана д̇ам̣ бхавасан̇кзбаг̇ад̇ад̇д̇аа саллагкзд̇ум̣ на саггосий’’д̇и вад̇ваа д̇зна яаажид̇о ад̇ийд̇ам̣ аахари.
Māsu nandi icchati manti idaṃ satthā jetavane viharanto ekaṃ upāsakaṃ ārabbha kathesi. Eko kira sāvatthivāsī upāsako tīsu saraṇesu pañcasu ca sīlesu patiṭṭhito buddhamāmako, dhammamāmako, saṅghamāmako, bhariyā panassa dussīlā pāpadhammā. Yaṃ divasaṃ micchācāraṃ carati, taṃ divasaṃ satakītadāsī viya hoti, micchācārassa pana akatadivase sāminī viya hoti caṇḍā pharusā. So tassā bhāvaṃ jānituṃ na sakkoti, atha tāya ubbāḷho buddhūpaṭṭhānaṃ na gacchati. Atha naṃ ekadivasaṃ gandhapupphādīni ādāya āgantvā vanditvā nisinnaṃ satthā āha – ‘‘kiṃ nu kho tvaṃ, upāsaka, sattaṭṭha divase buddhūpaṭṭhānaṃ nāgacchasī’’ti. Gharaṇī me, bhante, ekasmiṃ divase satakītadāsī viya hoti, ekasmiṃ divase sāminī viya caṇḍā pharusā. Ahaṃ tassā bhāvaṃ jānituṃ na sakkomi, svāhaṃ tāya ubbāḷho buddhūpaṭṭhānaṃ nāgacchāmīti. Athassa vacanaṃ sutvā satthā ‘‘upāsaka, ‘mātugāmassa bhāvo nāma dujjāno’ti pubbepi te paṇḍitā kathayiṃsu, tvaṃ pana taṃ bhavasaṅkhepagatattā sallakkhetuṃ na sakkosī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̣̇исаабаамогко аажарияо худ̇ваа бан̃жа маан̣авагасад̇аани сиббам̣ сигкаабзд̇и. ат̇зго д̇ирорадтаваасиго б̣раахман̣амаан̣аваго ааг̇анд̇ваа д̇асса санд̇игз сиббам̣ уг̇г̇ан̣ханд̇о згааяа ид̇т̇ияаа бадиб̣ад̣̇д̇хажид̇д̇о худ̇ваа д̇ам̣ бхарияам̣ гад̇ваа д̇асмим̣язва б̣аараан̣асинаг̇арз васанд̇о д̣̇вз д̇иссо взлааяо аажарияасса убадтаанам̣ на г̇ажчад̇и. саа банасса бхарияаа д̣̇уссийлаа баабад̇хаммаа. мижчаажаарам̣ жин̣н̣ад̣̇ивасз д̣̇аасий вияа ход̇и, ажин̣н̣ад̣̇ивасз сааминий вияа ход̇и жан̣д̣аа парусаа. со д̇ассаа бхаавам̣ ж̇аанид̇ум̣ асаггонд̇о д̇ааяа уб̣б̣аал̣хо аагулажид̇д̇о аажарияасса убадтаанам̣ на г̇ажчад̇и. ат̇а нам̣ сад̇д̇адта д̣̇ивасз ад̇иггамид̇ваа ааг̇ад̇ам̣ ‘‘гим̣, маан̣ава , на бан̃н̃ааяасий’’д̇и аажарияо бужчи. со ‘‘бхарияаа мам̣, аажарияа, згад̣̇ивасам̣ ижчад̇и бад̇т̇зд̇и, д̣̇аасий вияа нихад̇амаанаа ход̇и. згад̣̇ивасам̣ сааминий вияа т̇ад̣̇д̇хаа жан̣д̣аа парусаа, ахам̣ д̇ассаа бхаавам̣ ж̇аанид̇ум̣ на саггоми, д̇ааяа уб̣б̣аал̣хо аагулажид̇д̇о д̇умхаагам̣ убадтаанам̣ нааг̇ад̇омхий’’д̇и. аажарияо ‘‘звамзд̇ам̣, маан̣ава, ид̇т̇ияо наама анаажаарам̣ жин̣н̣ад̣̇ивасз саамигам̣ анувад̇д̇анд̇и, д̣̇аасий вияа нихад̇амаанаа хонд̇и. анаажин̣н̣ад̣̇ивасз бана маанад̇т̇ад̣̇д̇хаа худ̇ваа саамигам̣ на г̇ан̣знд̇и. звам̣ ид̇т̇ияо наамзд̇аа анаажаараа д̣̇уссийлаа, д̇аасам̣ бхааво наама д̣̇уж̇ж̇аано, д̇аасу ижчанд̇ийсуби анижчанд̇ийсуби маж̇жхад̇д̇знзва бхавид̇аб̣б̣а’’нд̇и вад̇ваа д̇ассоваад̣̇авасзна имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto disāpāmokkho ācariyo hutvā pañca māṇavakasatāni sippaṃ sikkhāpeti. Atheko tiroraṭṭhavāsiko brāhmaṇamāṇavako āgantvā tassa santike sippaṃ uggaṇhanto ekāya itthiyā paṭibaddhacitto hutvā taṃ bhariyaṃ katvā tasmiṃyeva bārāṇasinagare vasanto dve tisso velāyo ācariyassa upaṭṭhānaṃ na gacchati. Sā panassa bhariyā dussīlā pāpadhammā. Micchācāraṃ ciṇṇadivase dāsī viya hoti, aciṇṇadivase sāminī viya hoti caṇḍā pharusā. So tassā bhāvaṃ jānituṃ asakkonto tāya ubbāḷho ākulacitto ācariyassa upaṭṭhānaṃ na gacchati. Atha naṃ sattaṭṭha divase atikkamitvā āgataṃ ‘‘kiṃ, māṇava , na paññāyasī’’ti ācariyo pucchi. So ‘‘bhariyā maṃ, ācariya, ekadivasaṃ icchati pattheti, dāsī viya nihatamānā hoti. Ekadivasaṃ sāminī viya thaddhā caṇḍā pharusā, ahaṃ tassā bhāvaṃ jānituṃ na sakkomi, tāya ubbāḷho ākulacitto tumhākaṃ upaṭṭhānaṃ nāgatomhī’’ti. Ācariyo ‘‘evametaṃ, māṇava, itthiyo nāma anācāraṃ ciṇṇadivase sāmikaṃ anuvattanti, dāsī viya nihatamānā honti. Anāciṇṇadivase pana mānatthaddhā hutvā sāmikaṃ na gaṇenti. Evaṃ itthiyo nāmetā anācārā dussīlā, tāsaṃ bhāvo nāma dujjāno, tāsu icchantīsupi anicchantīsupi majjhatteneva bhavitabba’’nti vatvā tassovādavasena imaṃ gāthamāha –
64.
64.
‘‘маа су нанд̣̇и ижчад̇и мам̣, маа су сожи на мижчад̇и;
‘‘Mā su nandi icchati maṃ, mā su soci na micchati;
т̇ийнам̣ бхааво д̣̇урааж̇аано, мажчассзвод̣̇агз г̇ад̇а’’нд̇и.
Thīnaṃ bhāvo durājāno, macchassevodake gata’’nti.
д̇ад̇т̇а маа су нанд̣̇и ижчад̇и манд̇и су-гааро нибаад̇амад̇д̇ам̣, ‘‘аяам̣ ид̇т̇ий мам̣ ижчад̇и бад̇т̇зд̇и, маяи синзхам̣ гарод̇ий’’д̇и маа д̇усси. маа су сожи на мижчад̇ийд̇и ‘‘аяам̣ мам̣ на ижчад̇ий’’д̇иби маа сожи, д̇ассаа ижчамаанааяа нанд̣̇им̣, на ижчамаанааяа жа согам̣ агад̇ваа маж̇жхад̇д̇ова хохийд̇и д̣̇ийбзд̇и. т̇ийнам̣ бхааво д̣̇урааж̇аанод̇и ид̇т̇ийнам̣ бхааво наама ид̇т̇имааяааяа бадижчаннад̇д̇аа д̣̇урааж̇аано. яат̇аа гим̣? мажчассзвод̣̇агз г̇ад̇анд̇и яат̇аа мажчасса г̇аманам̣ уд̣̇агзна бадижчаннад̇д̇аа д̣̇уж̇ж̇аанам̣, д̇знзва со гзваддз ааг̇ад̇з уд̣̇агзна г̇аманам̣ бадижчаад̣̇зд̇ваа балааяад̇и, ад̇д̇аанам̣ г̇ан̣хид̇ум̣ на д̣̇зд̇и, звамзва ид̇т̇ияо маханд̇амби д̣̇уссийлагаммам̣ гад̇ваа ‘‘маяам̣ зваруубам̣ на гаромаа’’д̇и ад̇д̇анаа гад̇агаммам̣ ид̇т̇имааяааяа бадижчаад̣̇зд̇ваа саамигз ван̃жзнд̇и . звам̣ ид̇т̇ияо наамзд̇аа баабад̇хаммаа д̣̇урааж̇аанаа, д̇аасу маж̇жхад̇д̇оязва сукид̇о ход̇ийд̇и.
Tattha mā su nandi icchati manti su-kāro nipātamattaṃ, ‘‘ayaṃ itthī maṃ icchati pattheti, mayi sinehaṃ karotī’’ti mā tussi. Mā su soci na micchatīti ‘‘ayaṃ maṃ na icchatī’’tipi mā soci, tassā icchamānāya nandiṃ, na icchamānāya ca sokaṃ akatvā majjhattova hohīti dīpeti. Thīnaṃ bhāvo durājānoti itthīnaṃ bhāvo nāma itthimāyāya paṭicchannattā durājāno. Yathā kiṃ? Macchassevodake gatanti yathā macchassa gamanaṃ udakena paṭicchannattā dujjānaṃ, teneva so kevaṭṭe āgate udakena gamanaṃ paṭicchādetvā palāyati, attānaṃ gaṇhituṃ na deti, evameva itthiyo mahantampi dussīlakammaṃ katvā ‘‘mayaṃ evarūpaṃ na karomā’’ti attanā katakammaṃ itthimāyāya paṭicchādetvā sāmike vañcenti . Evaṃ itthiyo nāmetā pāpadhammā durājānā, tāsu majjhattoyeva sukhito hotīti.
звам̣ б̣од̇хисад̇д̇о анд̇зваасигасса оваад̣̇ам̣ ад̣̇ааси. д̇ад̇о бадтааяа со д̇ассаа убари маж̇жхад̇д̇ова ахоси. саабисса бхарияаа ‘‘аажариязна гира мз д̣̇уссийлабхааво н̃аад̇о’’д̇и д̇ад̇о бадтааяа на анаажаарам̣ жари. сааби д̇асса убаасагасса ид̇т̇ий ‘‘саммаасамб̣уд̣̇д̇хзна гира маяхам̣ д̣̇ураажаарабхааво н̃аад̇о’’д̇и д̇ад̇о бадтааяа баабагаммам̣ наама на агааси.
Evaṃ bodhisatto antevāsikassa ovādaṃ adāsi. Tato paṭṭhāya so tassā upari majjhattova ahosi. Sāpissa bhariyā ‘‘ācariyena kira me dussīlabhāvo ñāto’’ti tato paṭṭhāya na anācāraṃ cari. Sāpi tassa upāsakassa itthī ‘‘sammāsambuddhena kira mayhaṃ durācārabhāvo ñāto’’ti tato paṭṭhāya pāpakammaṃ nāma na akāsi.
сад̇т̇ааби имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз со убаасаго сод̇аабад̇д̇ипалз бад̇идтахи, сад̇т̇аа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа ж̇аяамбад̇игааязва ид̣̇аани ж̇аяамбад̇игаа, аажарияо бана ахамзва ахоси’’нд̇и.
Satthāpi imaṃ dhammadesanaṃ āharitvā saccāni pakāsesi, saccapariyosāne so upāsako sotāpattiphale patiṭṭhahi, satthā anusandhiṃ ghaṭetvā jātakaṃ samodhānesi – ‘‘tadā jayampatikāyeva idāni jayampatikā, ācariyo pana ahameva ahosi’’nti.
д̣̇урааж̇аанаж̇аад̇агаван̣н̣анаа жад̇уд̇т̇аа.
Durājānajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 64. д̣̇урааж̇аанаж̇аад̇агам̣ • 64. Durājānajātakaṃ
