| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. д̣̇уссад̣̇ааяагад̇т̇зраабад̣̇аанаван̣н̣анаа
8. Dussadāyakattheraapadānavaṇṇanā
д̇иварааяам̣ бурз раммзд̇иаад̣̇игам̣ ааяасмад̇о д̣̇уссад̣̇ааяагад̇т̇зрасса абад̣̇аанам̣. аяамбааяасмаа буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз рааж̇агулз ниб̣б̣ад̇д̇о вуд̣̇д̇хиббад̇д̇агаалз яуварааж̇абхаавам̣ бад̇ваа баагадо згам̣ ж̇анабад̣̇ам̣ лабхид̇ваа д̇ад̇раад̇хибад̇ибхууд̇о сагалаж̇анабад̣̇аваасино д̣̇аанабияаважанаад̇т̇ажарияаасамаанад̇т̇ад̇аасан̇каад̇зхи жад̇уухи сан̇г̇ахавад̇т̇уухи сан̇г̇ан̣хаад̇и. д̇асмим̣ самаяз сид̣̇д̇хад̇т̇о бхаг̇аваа д̇ам̣ ж̇анабад̣̇ам̣ самбаабун̣и. ат̇а со яуварааж̇аа бан̣н̣аагаарам̣ лабхид̇ваа д̇ад̇т̇а сукумавад̇т̇зна бхаг̇аванд̇ам̣ бууж̇зси. бхаг̇аваа д̇ам̣ вад̇т̇ам̣ хад̇т̇зна бараамасид̇ваа аагаасам̣ багканд̣̇и. д̇амби вад̇т̇ам̣ бхаг̇аванд̇амзва ануб̣анд̇хи. ат̇а со яуварааж̇аа д̇ам̣ ажчарияам̣ д̣̇исваа ад̇ийва басанно ан̃ж̇алим̣ баг̇г̇аяха адтааси. бхаг̇авад̇о самбад̇д̇асамбад̇д̇адтаанз саб̣б̣з ж̇анаа д̇ам̣ ажчарияам̣ д̣̇исваа ажчарияаб̣бхуд̇ажид̇д̇аа ан̃ж̇алим̣ баг̇г̇аяха адтам̣су. бхаг̇аваа вихаарамзва аг̇амааси. яуварааж̇аа д̇знзва гусалагаммзна д̇ад̇о жуд̇о д̣̇звалогз уббанно д̇ад̇т̇а д̣̇иб̣б̣асамбад̇д̇им̣ анубхавид̇ваа мануссзсу жаггавад̇д̇иаад̣̇исамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з вибхавасамбаннз згасмим̣ гулз ниб̣б̣ад̇д̇о вин̃н̃уд̇ам̣ бад̇д̇о гхарааваасам̣ сан̣табзд̇ваа рад̇анад̇д̇аяз басанно бхаг̇авад̇о д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вааяаманд̇о нажирассзва арахаа ахоси.
Tivarāyaṃpure rammetiādikaṃ āyasmato dussadāyakattherassa apadānaṃ. Ayampāyasmā purimajinavaresu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle rājakule nibbatto vuddhippattakāle yuvarājabhāvaṃ patvā pākaṭo ekaṃ janapadaṃ labhitvā tatrādhipatibhūto sakalajanapadavāsino dānapiyavacanaatthacariyāsamānatthatāsaṅkhātehi catūhi saṅgahavatthūhi saṅgaṇhāti. Tasmiṃ samaye siddhattho bhagavā taṃ janapadaṃ sampāpuṇi. Atha so yuvarājā paṇṇākāraṃ labhitvā tattha sukhumavatthena bhagavantaṃ pūjesi. Bhagavā taṃ vatthaṃ hatthena parāmasitvā ākāsaṃ pakkhandi. Tampi vatthaṃ bhagavantameva anubandhi. Atha so yuvarājā taṃ acchariyaṃ disvā atīva pasanno añjaliṃ paggayha aṭṭhāsi. Bhagavato sampattasampattaṭṭhāne sabbe janā taṃ acchariyaṃ disvā acchariyabbhutacittā añjaliṃ paggayha aṭṭhaṃsu. Bhagavā vihārameva agamāsi. Yuvarājā teneva kusalakammena tato cuto devaloke uppanno tattha dibbasampattiṃ anubhavitvā manussesu cakkavattiādisampattiyo anubhavitvā imasmiṃ buddhuppāde vibhavasampanne ekasmiṃ kule nibbatto viññutaṃ patto gharāvāsaṃ saṇṭhapetvā ratanattaye pasanno bhagavato dhammadesanaṃ sutvā paṭiladdhasaddho pabbajitvā vāyamanto nacirasseva arahā ahosi.
38. со згад̣̇ивасам̣ ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о д̇иварааяам̣ бурз раммзд̇иаад̣̇имааха. д̇ад̇т̇а д̇иваранаамагз наг̇арз раман̣ийяз ахам̣ рааж̇абуд̇д̇о худ̇ваа сид̣̇д̇хад̇т̇ам̣ бхаг̇аванд̇ам̣ вад̇т̇зна бууж̇зсинд̇и ад̇т̇о. сзсам̣ сувин̃н̃зяяамзваад̇и.
38. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento tivarāyaṃ pure rammetiādimāha. Tattha tivaranāmake nagare ramaṇīye ahaṃ rājaputto hutvā siddhatthaṃ bhagavantaṃ vatthena pūjesinti attho. Sesaṃ suviññeyyamevāti.
д̣̇уссад̣̇ааяагад̇т̇зраабад̣̇аанаван̣н̣анаа самад̇д̇аа.
Dussadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. д̣̇уссад̣̇ааяагад̇т̇зраабад̣̇аанам̣ • 8. Dussadāyakattheraapadānaṃ
