| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
8. д̣̇уссийлабан̃хо
8. Dussīlapañho
8. ‘‘бханд̇з нааг̇асзна, г̇ихид̣̇уссийласса жа саман̣ад̣̇уссийласса жа го висзсо, гим̣ наанаагаран̣ам̣, убхобзд̇з самасамаг̇ад̇игаа, убхиннамби самасамо вибааго ход̇и, уд̣̇ааху гин̃жи наанаагааран̣ам̣ ад̇т̇ий’’д̇и?
8. ‘‘Bhante nāgasena, gihidussīlassa ca samaṇadussīlassa ca ko viseso, kiṃ nānākaraṇaṃ, ubhopete samasamagatikā, ubhinnampi samasamo vipāko hoti, udāhu kiñci nānākāraṇaṃ atthī’’ti?
‘‘д̣̇аса яимз, махаарааж̇а, г̇ун̣аа саман̣ад̣̇уссийласса г̇ихид̣̇уссийлад̇о висзсзна ад̇ирзгаа, д̣̇асахи жа гааран̣зхи уд̇д̇арим̣ д̣̇агкин̣ам̣ висод̇хзд̇и.
‘‘Dasa yime, mahārāja, guṇā samaṇadussīlassa gihidussīlato visesena atirekā, dasahi ca kāraṇehi uttariṃ dakkhiṇaṃ visodheti.
‘‘гад̇амз д̣̇аса г̇ун̣аа саман̣ад̣̇уссийласса г̇ихид̣̇уссийлад̇о висзсзна ад̇ирзгаа? ид̇ха, махаарааж̇а, саман̣ад̣̇уссийло б̣уд̣̇д̇хз саг̇аараво ход̇и, д̇хаммз саг̇аараво ход̇и, сан̇гхз саг̇аараво ход̇и, саб̣рахмажаарийсу саг̇аараво ход̇и, уд̣̇д̣̇зсабарибужчааяа вааяамад̇и, саванаб̣ахуло ход̇и, бхиннасийлоби, махаарааж̇а, д̣̇уссийло барисаг̇ад̇о аагаббам̣ убадтабзд̇и, г̇арахабхаяаа гааяигам̣ ваажасигам̣ рагкад̇и, бад̇хаанаабхимукан̃жасса ход̇и жид̇д̇ам̣, бхигкусааман̃н̃ам̣ убаг̇ад̇о ход̇и. гаронд̇оби, махаарааж̇а, саман̣ад̣̇уссийло баабам̣ бадижчаннам̣ аажарад̇и. яат̇аа, махаарааж̇а, ид̇т̇ий сабад̇игаа нилийяид̇ваа рахассзнзва баабамаажарад̇и; звамзва ко, махаарааж̇а, гаронд̇оби саман̣ад̣̇уссийло баабам̣ бадижчаннам̣ аажарад̇и. имз ко, махаарааж̇а, д̣̇аса г̇ун̣аа саман̣ад̣̇уссийласса г̇ихид̣̇уссийлад̇о висзсзна ад̇ирзгаа.
‘‘Katame dasa guṇā samaṇadussīlassa gihidussīlato visesena atirekā? Idha, mahārāja, samaṇadussīlo buddhe sagāravo hoti, dhamme sagāravo hoti, saṅghe sagāravo hoti, sabrahmacārīsu sagāravo hoti, uddesaparipucchāya vāyamati, savanabahulo hoti, bhinnasīlopi, mahārāja, dussīlo parisagato ākappaṃ upaṭṭhapeti, garahabhayā kāyikaṃ vācasikaṃ rakkhati, padhānābhimukhañcassa hoti cittaṃ, bhikkhusāmaññaṃ upagato hoti. Karontopi, mahārāja, samaṇadussīlo pāpaṃ paṭicchannaṃ ācarati. Yathā, mahārāja, itthī sapatikā nilīyitvā rahasseneva pāpamācarati; evameva kho, mahārāja, karontopi samaṇadussīlo pāpaṃ paṭicchannaṃ ācarati. Ime kho, mahārāja, dasa guṇā samaṇadussīlassa gihidussīlato visesena atirekā.
‘‘гад̇амзхи д̣̇асахи гааран̣зхи уд̇д̇арим̣ д̣̇агкин̣ам̣ висод̇хзд̇и? анаваж̇ж̇агаважад̇хааран̣ад̇ааяаби д̣̇агкин̣ам̣ висод̇хзд̇и, исисааман̃н̃абхан̣д̣улин̇г̇ад̇хааран̣ад̇оби д̣̇агкин̣ам̣ висод̇хзд̇и, сан̇гхасамаяамануббавидтад̇ааяаби д̣̇агкин̣ам̣ висод̇хзд̇и, б̣уд̣̇д̇хад̇хаммасан̇гхасаран̣аг̇ад̇ад̇ааяаби д̣̇агкин̣ам̣ висод̇хзд̇и, бад̇хаанаасаяанигзд̇аваасид̇ааяаби д̣̇агкин̣ам̣ висод̇хзд̇и, ж̇инасаасанад̇хара 1 бариязсанад̇оби д̣̇агкин̣ам̣ висод̇хзд̇и, баварад̇хаммад̣̇зсанад̇оби д̣̇агкин̣ам̣ висод̇хзд̇и, д̇хаммад̣̇ийбаг̇ад̇ибарааяан̣ад̇ааяаби д̣̇агкин̣ам̣ висод̇хзд̇и, ‘аг̇г̇о б̣уд̣̇д̇хо’д̇и зганд̇ауж̇уд̣̇идтид̇ааяаби д̣̇агкин̣ам̣ висод̇хзд̇и, убосат̇асамаад̣̇аанад̇оби д̣̇агкин̣ам̣ висод̇хзд̇и. имзхи ко, махаарааж̇а, д̣̇асахи гааран̣зхи уд̇д̇арим̣ д̣̇агкин̣ам̣ висод̇хзд̇и .
‘‘Katamehi dasahi kāraṇehi uttariṃ dakkhiṇaṃ visodheti? Anavajjakavacadhāraṇatāyapi dakkhiṇaṃ visodheti, isisāmaññabhaṇḍuliṅgadhāraṇatopi dakkhiṇaṃ visodheti, saṅghasamayamanuppaviṭṭhatāyapi dakkhiṇaṃ visodheti, buddhadhammasaṅghasaraṇagatatāyapi dakkhiṇaṃ visodheti, padhānāsayaniketavāsitāyapi dakkhiṇaṃ visodheti, jinasāsanadhara 2 pariyesanatopi dakkhiṇaṃ visodheti, pavaradhammadesanatopi dakkhiṇaṃ visodheti, dhammadīpagatiparāyaṇatāyapi dakkhiṇaṃ visodheti, ‘aggo buddho’ti ekantaujudiṭṭhitāyapi dakkhiṇaṃ visodheti, uposathasamādānatopi dakkhiṇaṃ visodheti. Imehi kho, mahārāja, dasahi kāraṇehi uttariṃ dakkhiṇaṃ visodheti .
‘‘сувибанноби хи, махаарааж̇а, саман̣ад̣̇уссийло д̣̇ааяагаанам̣ д̣̇агкин̣ам̣ висод̇хзд̇и. яат̇аа, махаарааж̇а, уд̣̇агам̣ суб̣ахаламби галалагад̣̇д̣̇амараж̇ож̇аллам̣ абанзд̇и; звамзва ко, махаарааж̇а, сувибанноби саман̣ад̣̇уссийло д̣̇ааяагаанам̣ д̣̇агкин̣ам̣ висод̇хзд̇и.
‘‘Suvipannopi hi, mahārāja, samaṇadussīlo dāyakānaṃ dakkhiṇaṃ visodheti. Yathā, mahārāja, udakaṃ subahalampi kalalakaddamarajojallaṃ apaneti; evameva kho, mahārāja, suvipannopi samaṇadussīlo dāyakānaṃ dakkhiṇaṃ visodheti.
‘‘яат̇аа ваа бана, махаарааж̇а, ун̣ход̣̇агам̣ сугуд̇хид̇амби 3 ж̇ж̇аланд̇ам̣ маханд̇ам̣ аг̇г̇игканд̇хам̣ ниб̣б̣аабзд̇и, звамзва ко, махаарааж̇а, сувибанноби саман̣ад̣̇уссийло д̣̇ааяагаанам̣ д̣̇агкин̣ам̣ висод̇хзд̇и.
‘‘Yathā vā pana, mahārāja, uṇhodakaṃ sukudhitampi 4 jjalantaṃ mahantaṃ aggikkhandhaṃ nibbāpeti, evameva kho, mahārāja, suvipannopi samaṇadussīlo dāyakānaṃ dakkhiṇaṃ visodheti.
‘‘яат̇аа ваа бана, махаарааж̇а, бхож̇анам̣ вирасамби куд̣̇аад̣̇уб̣б̣аляам̣ абанзд̇и, звамзва ко, махаарааж̇а, сувибанноби саман̣ад̣̇уссийло д̣̇ааяагаанам̣ д̣̇агкин̣ам̣ висод̇хзд̇и.
‘‘Yathā vā pana, mahārāja, bhojanaṃ virasampi khudādubbalyaṃ apaneti, evameva kho, mahārāja, suvipannopi samaṇadussīlo dāyakānaṃ dakkhiṇaṃ visodheti.
‘‘бхаасид̇амбзд̇ам̣, махаарааж̇а, д̇ат̇ааг̇ад̇зна д̣̇зваад̇ид̣̇звзна маж̇жхиманигааяаваралан̃чагз д̣̇агкин̣авибхан̇г̇з взяяаагаран̣з –
‘‘Bhāsitampetaṃ, mahārāja, tathāgatena devātidevena majjhimanikāyavaralañchake dakkhiṇavibhaṅge veyyākaraṇe –
‘‘‘яо сийлаваа д̣̇уссийлзсу д̣̇ад̣̇аад̇и д̣̇аанам̣, д̇хаммзна лад̣̇д̇хам̣ субасаннажид̇д̇о;
‘‘‘Yo sīlavā dussīlesu dadāti dānaṃ, dhammena laddhaṃ supasannacitto;
абхисад̣̇д̣̇ахам̣ гаммапалам̣ ул̣аарам̣, саа д̣̇агкин̣аа д̣̇ааяагад̇о висуж̇жхад̇ий’’’д̇и 5.
Abhisaddahaṃ kammaphalaṃ uḷāraṃ, sā dakkhiṇā dāyakato visujjhatī’’’ti 6.
‘‘ажчарияам̣ , бханд̇з нааг̇асзна, аб̣бхуд̇ам̣, бханд̇з нааг̇асзна, д̇аавад̇агам̣ маяам̣ бан̃хам̣ абужчимха, д̇ам̣ д̇вам̣ обаммзхи гааран̣зхи вибхаавзнд̇о амад̇амад̇хурам̣ савануубаг̇ам̣ агааси. яат̇аа наама, бханд̇з, сууд̣̇о ваа сууд̣̇анд̇зваасий ваа д̇аавад̇агам̣ мам̣сам̣ лабхид̇ваа наанаавид̇хзхи самбхаарзхи самбаад̣̇зд̇ваа рааж̇уубабхог̇ам̣ гарод̇и; звамзва ко, бханд̇з нааг̇асзна, д̇аавад̇агам̣ маяам̣ бан̃хам̣ абужчимха, д̇ам̣ д̇вам̣ обаммзхи гааран̣зхи вибхаавзд̇ваа амад̇амад̇хурам̣ савануубаг̇ам̣ агаасий’’д̇и.
‘‘Acchariyaṃ , bhante nāgasena, abbhutaṃ, bhante nāgasena, tāvatakaṃ mayaṃ pañhaṃ apucchimha, taṃ tvaṃ opammehi kāraṇehi vibhāvento amatamadhuraṃ savanūpagaṃ akāsi. Yathā nāma, bhante, sūdo vā sūdantevāsī vā tāvatakaṃ maṃsaṃ labhitvā nānāvidhehi sambhārehi sampādetvā rājūpabhogaṃ karoti; evameva kho, bhante nāgasena, tāvatakaṃ mayaṃ pañhaṃ apucchimha, taṃ tvaṃ opammehi kāraṇehi vibhāvetvā amatamadhuraṃ savanūpagaṃ akāsī’’ti.
д̣̇уссийлабан̃хо адтамо.
Dussīlapañho aṭṭhamo.
Footnotes:
