| Library / Tipiṭaka / तिपिटक • Tipiṭaka / जातकपाळि • Jātakapāḷi |
४७८. दूतजातकं (५)
478. Dūtajātakaṃ (5)
५४.
54.
तेसं पुट्ठो न ब्याकासि, दुक्खं गुय्हमतं 3 नु ते॥
Tesaṃ puṭṭho na byākāsi, dukkhaṃ guyhamataṃ 4 nu te.
५५.
55.
सचे ते दुक्खमुप्पज्जे, कासीनं रट्ठवड्ढन।
Sace te dukkhamuppajje, kāsīnaṃ raṭṭhavaḍḍhana;
मा खो नं तस्स अक्खाहि, यो तं दुक्खा न मोचये॥
Mā kho naṃ tassa akkhāhi, yo taṃ dukkhā na mocaye.
५६.
56.
५७.
57.
सुविजानं सिङ्गालानं, सकुणानञ्च वस्सितं।
Suvijānaṃ siṅgālānaṃ, sakuṇānañca vassitaṃ;
मनुस्सवस्सितं राज, दुब्बिजानतरं ततो॥
Manussavassitaṃ rāja, dubbijānataraṃ tato.
५८.
58.
अपि चे मञ्ञती पोसो, ञाति मित्तो सखाति वा।
Api ce maññatī poso, ñāti mitto sakhāti vā;
यो पुब्बे सुमनो हुत्वा, पच्छा सम्पज्जते दिसो॥
Yo pubbe sumano hutvā, pacchā sampajjate diso.
५९.
59.
यो अत्तनो दुक्खमनानुपुट्ठो, पवेदये जन्तु अकालरूपे।
Yo attano dukkhamanānupuṭṭho, pavedaye jantu akālarūpe;
आनन्दिनो तस्स भवन्तिमित्ता 11, हितेसिनो तस्स दुखी भवन्ति॥
Ānandino tassa bhavantimittā 12, hitesino tassa dukhī bhavanti.
६०.
60.
कालञ्च ञत्वान तथाविधस्स, मेधावीनं एकमनं विदित्वा।
Kālañca ñatvāna tathāvidhassa, medhāvīnaṃ ekamanaṃ viditvā;
अक्खेय्य तिब्बानि 13 परस्स धीरो, सण्हं गिरं अत्थवतिं पमुञ्चे॥
Akkheyya tibbāni 14 parassa dhīro, saṇhaṃ giraṃ atthavatiṃ pamuñce.
६१.
61.
सचे च जञ्ञा अविसय्हमत्तनो, न ते हि मय्हं 15 सुखागमाय।
Sace ca jaññā avisayhamattano, na te hi mayhaṃ 16 sukhāgamāya;
एकोव तिब्बानि सहेय्य धीरो, सच्चं हिरोत्तप्पमपेक्खमानो॥
Ekova tibbāni saheyya dhīro, saccaṃ hirottappamapekkhamāno.
६२.
62.
अहं रट्ठानि विचरन्तो, निगमे राजधानियो।
Ahaṃ raṭṭhāni vicaranto, nigame rājadhāniyo;
भिक्खमानो महाराज, आचरियस्स धनत्थिको॥
Bhikkhamāno mahārāja, ācariyassa dhanatthiko.
६३.
63.
गहपती राजपुरिसे, महासाले च ब्राह्मणे।
Gahapatī rājapurise, mahāsāle ca brāhmaṇe;
अलत्थं सत्त निक्खानि, सुवण्णस्स जनाधिप।
Alatthaṃ satta nikkhāni, suvaṇṇassa janādhipa;
ते मे नट्ठा महाराज, तस्मा सोचामहं भुसं॥
Te me naṭṭhā mahārāja, tasmā socāmahaṃ bhusaṃ.
६४.
64.
पुरिसा ते महाराज, मनसानुविचिन्तिता।
Purisā te mahārāja, manasānuvicintitā;
नालं दुक्खा पमोचेतुं, तस्मा तेसं न ब्याहरिं॥
Nālaṃ dukkhā pamocetuṃ, tasmā tesaṃ na byāhariṃ.
६५.
65.
त्वञ्च खो मे महाराज, मनसानुविचिन्तितो।
Tvañca kho me mahārāja, manasānuvicintito;
अलं दुक्खा पमोचेतुं, तस्मा तुय्हं पवेदयिं॥
Alaṃ dukkhā pamocetuṃ, tasmā tuyhaṃ pavedayiṃ.
६६.
66.
तस्सादासि पसन्नत्तो, कासीनं रट्ठवड्ढनो।
Tassādāsi pasannatto, kāsīnaṃ raṭṭhavaḍḍhano;
जातरूपमये निक्खे, सुवण्णस्स चतुद्दसाति॥
Jātarūpamaye nikkhe, suvaṇṇassa catuddasāti.
दूतजातकं पञ्चमं।
Dūtajātakaṃ pañcamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४७८] ५. दूतजातकवण्णना • [478] 5. Dūtajātakavaṇṇanā
