| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๗๘. ทูตชาตกํ (๕)
478. Dūtajātakaṃ (5)
๕๔.
54.
เตสํ ปุโฎฺฐ น พฺยากาสิ, ทุกฺขํ คุยฺหมตํ 3 นุ เตฯ
Tesaṃ puṭṭho na byākāsi, dukkhaṃ guyhamataṃ 4 nu te.
๕๕.
55.
สเจ เต ทุกฺขมุปฺปเชฺช, กาสีนํ รฎฺฐวฑฺฒน;
Sace te dukkhamuppajje, kāsīnaṃ raṭṭhavaḍḍhana;
มา โข นํ ตสฺส อกฺขาหิ, โย ตํ ทุกฺขา น โมจเยฯ
Mā kho naṃ tassa akkhāhi, yo taṃ dukkhā na mocaye.
๕๖.
56.
๕๗.
57.
สุวิชานํ สิงฺคาลานํ, สกุณานญฺจ วสฺสิตํ;
Suvijānaṃ siṅgālānaṃ, sakuṇānañca vassitaṃ;
มนุสฺสวสฺสิตํ ราช, ทุพฺพิชานตรํ ตโตฯ
Manussavassitaṃ rāja, dubbijānataraṃ tato.
๕๘.
58.
อปิ เจ มญฺญตี โปโส, ญาติ มิโตฺต สขาติ วา;
Api ce maññatī poso, ñāti mitto sakhāti vā;
โย ปุเพฺพ สุมโน หุตฺวา, ปจฺฉา สมฺปชฺชเต ทิโสฯ
Yo pubbe sumano hutvā, pacchā sampajjate diso.
๕๙.
59.
โย อตฺตโน ทุกฺขมนานุปุโฎฺฐ, ปเวทเย ชนฺตุ อกาลรูเป;
Yo attano dukkhamanānupuṭṭho, pavedaye jantu akālarūpe;
อานนฺทิโน ตสฺส ภวนฺติมิตฺตา 11, หิเตสิโน ตสฺส ทุขี ภวนฺติฯ
Ānandino tassa bhavantimittā 12, hitesino tassa dukhī bhavanti.
๖๐.
60.
กาลญฺจ ญตฺวาน ตถาวิธสฺส, เมธาวีนํ เอกมนํ วิทิตฺวา;
Kālañca ñatvāna tathāvidhassa, medhāvīnaṃ ekamanaṃ viditvā;
อเกฺขยฺย ติพฺพานิ 13 ปรสฺส ธีโร, สณฺหํ คิรํ อตฺถวติํ ปมุเญฺจฯ
Akkheyya tibbāni 14 parassa dhīro, saṇhaṃ giraṃ atthavatiṃ pamuñce.
๖๑.
61.
สเจ จ ชญฺญา อวิสยฺหมตฺตโน, น เต หิ มยฺหํ 15 สุขาคมาย;
Sace ca jaññā avisayhamattano, na te hi mayhaṃ 16 sukhāgamāya;
เอโกว ติพฺพานิ สเหยฺย ธีโร, สจฺจํ หิโรตฺตปฺปมเปกฺขมาโนฯ
Ekova tibbāni saheyya dhīro, saccaṃ hirottappamapekkhamāno.
๖๒.
62.
อหํ รฎฺฐานิ วิจรโนฺต, นิคเม ราชธานิโย;
Ahaṃ raṭṭhāni vicaranto, nigame rājadhāniyo;
ภิกฺขมาโน มหาราช, อาจริยสฺส ธนตฺถิโกฯ
Bhikkhamāno mahārāja, ācariyassa dhanatthiko.
๖๓.
63.
คหปตี ราชปุริเส, มหาสาเล จ พฺราหฺมเณ;
Gahapatī rājapurise, mahāsāle ca brāhmaṇe;
อลตฺถํ สตฺต นิกฺขานิ, สุวณฺณสฺส ชนาธิป;
Alatthaṃ satta nikkhāni, suvaṇṇassa janādhipa;
เต เม นฎฺฐา มหาราช, ตสฺมา โสจามหํ ภุสํฯ
Te me naṭṭhā mahārāja, tasmā socāmahaṃ bhusaṃ.
๖๔.
64.
ปุริสา เต มหาราช, มนสานุวิจินฺติตา;
Purisā te mahārāja, manasānuvicintitā;
นาลํ ทุกฺขา ปโมเจตุํ, ตสฺมา เตสํ น พฺยาหริํฯ
Nālaṃ dukkhā pamocetuṃ, tasmā tesaṃ na byāhariṃ.
๖๕.
65.
ตฺวญฺจ โข เม มหาราช, มนสานุวิจินฺติโต;
Tvañca kho me mahārāja, manasānuvicintito;
อลํ ทุกฺขา ปโมเจตุํ, ตสฺมา ตุยฺหํ ปเวทยิํฯ
Alaṃ dukkhā pamocetuṃ, tasmā tuyhaṃ pavedayiṃ.
๖๖.
66.
ตสฺสาทาสิ ปสนฺนโตฺต, กาสีนํ รฎฺฐวฑฺฒโน;
Tassādāsi pasannatto, kāsīnaṃ raṭṭhavaḍḍhano;
ชาตรูปมเย นิเกฺข, สุวณฺณสฺส จตุทฺทสาติฯ
Jātarūpamaye nikkhe, suvaṇṇassa catuddasāti.
ทูตชาตกํ ปญฺจมํฯ
Dūtajātakaṃ pañcamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๗๘] ๕. ทูตชาตกวณฺณนา • [478] 5. Dūtajātakavaṇṇanā
