| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤៧៨. ទូតជាតកំ (៥)
478. Dūtajātakaṃ (5)
៥៤.
54.
តេសំ បុដ្ឋោ ន ព្យាកាសិ, ទុក្ខំ គុយ្ហមតំ 3 នុ តេ។
Tesaṃ puṭṭho na byākāsi, dukkhaṃ guyhamataṃ 4 nu te.
៥៥.
55.
សចេ តេ ទុក្ខមុប្បជ្ជេ, កាសីនំ រដ្ឋវឌ្ឍន;
Sace te dukkhamuppajje, kāsīnaṃ raṭṭhavaḍḍhana;
មា ខោ នំ តស្ស អក្ខាហិ, យោ តំ ទុក្ខា ន មោចយេ។
Mā kho naṃ tassa akkhāhi, yo taṃ dukkhā na mocaye.
៥៦.
56.
៥៧.
57.
សុវិជានំ សិង្គាលានំ, សកុណានញ្ច វស្សិតំ;
Suvijānaṃ siṅgālānaṃ, sakuṇānañca vassitaṃ;
មនុស្សវស្សិតំ រាជ, ទុព្ពិជានតរំ តតោ។
Manussavassitaṃ rāja, dubbijānataraṃ tato.
៥៨.
58.
អបិ ចេ មញ្ញតី បោសោ, ញាតិ មិត្តោ សខាតិ វា;
Api ce maññatī poso, ñāti mitto sakhāti vā;
យោ បុព្ពេ សុមនោ ហុត្វា, បច្ឆា សម្បជ្ជតេ ទិសោ។
Yo pubbe sumano hutvā, pacchā sampajjate diso.
៥៩.
59.
យោ អត្តនោ ទុក្ខមនានុបុដ្ឋោ, បវេទយេ ជន្តុ អកាលរូបេ;
Yo attano dukkhamanānupuṭṭho, pavedaye jantu akālarūpe;
អានន្ទិនោ តស្ស ភវន្តិមិត្តា 11, ហិតេសិនោ តស្ស ទុខី ភវន្តិ។
Ānandino tassa bhavantimittā 12, hitesino tassa dukhī bhavanti.
៦០.
60.
កាលញ្ច ញត្វាន តថាវិធស្ស, មេធាវីនំ ឯកមនំ វិទិត្វា;
Kālañca ñatvāna tathāvidhassa, medhāvīnaṃ ekamanaṃ viditvā;
អក្ខេយ្យ តិព្ពានិ 13 បរស្ស ធីរោ, សណ្ហំ គិរំ អត្ថវតិំ បមុញ្ចេ។
Akkheyya tibbāni 14 parassa dhīro, saṇhaṃ giraṃ atthavatiṃ pamuñce.
៦១.
61.
សចេ ច ជញ្ញា អវិសយ្ហមត្តនោ, ន តេ ហិ មយ្ហំ 15 សុខាគមាយ;
Sace ca jaññā avisayhamattano, na te hi mayhaṃ 16 sukhāgamāya;
ឯកោវ តិព្ពានិ សហេយ្យ ធីរោ, សច្ចំ ហិរោត្តប្បមបេក្ខមានោ។
Ekova tibbāni saheyya dhīro, saccaṃ hirottappamapekkhamāno.
៦២.
62.
អហំ រដ្ឋានិ វិចរន្តោ, និគមេ រាជធានិយោ;
Ahaṃ raṭṭhāni vicaranto, nigame rājadhāniyo;
ភិក្ខមានោ មហារាជ, អាចរិយស្ស ធនត្ថិកោ។
Bhikkhamāno mahārāja, ācariyassa dhanatthiko.
៦៣.
63.
គហបតី រាជបុរិសេ, មហាសាលេ ច ព្រាហ្មណេ;
Gahapatī rājapurise, mahāsāle ca brāhmaṇe;
អលត្ថំ សត្ត និក្ខានិ, សុវណ្ណស្ស ជនាធិប;
Alatthaṃ satta nikkhāni, suvaṇṇassa janādhipa;
តេ មេ នដ្ឋា មហារាជ, តស្មា សោចាមហំ ភុសំ។
Te me naṭṭhā mahārāja, tasmā socāmahaṃ bhusaṃ.
៦៤.
64.
បុរិសា តេ មហារាជ, មនសានុវិចិន្តិតា;
Purisā te mahārāja, manasānuvicintitā;
នាលំ ទុក្ខា បមោចេតុំ, តស្មា តេសំ ន ព្យាហរិំ។
Nālaṃ dukkhā pamocetuṃ, tasmā tesaṃ na byāhariṃ.
៦៥.
65.
ត្វញ្ច ខោ មេ មហារាជ, មនសានុវិចិន្តិតោ;
Tvañca kho me mahārāja, manasānuvicintito;
អលំ ទុក្ខា បមោចេតុំ, តស្មា តុយ្ហំ បវេទយិំ។
Alaṃ dukkhā pamocetuṃ, tasmā tuyhaṃ pavedayiṃ.
៦៦.
66.
តស្សាទាសិ បសន្នត្តោ, កាសីនំ រដ្ឋវឌ្ឍនោ;
Tassādāsi pasannatto, kāsīnaṃ raṭṭhavaḍḍhano;
ជាតរូបមយេ និក្ខេ, សុវណ្ណស្ស ចតុទ្ទសាតិ។
Jātarūpamaye nikkhe, suvaṇṇassa catuddasāti.
ទូតជាតកំ បញ្ចមំ។
Dūtajātakaṃ pañcamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៧៨] ៥. ទូតជាតកវណ្ណនា • [478] 5. Dūtajātakavaṇṇanā
