| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[478] 5. д̣̇ууд̇аж̇аад̇агаван̣н̣анаа
[478] 5. Dūtajātakavaṇṇanā
д̣̇ууд̇з д̇з б̣рахмз баахзсинд̇и ид̣̇ам̣ сад̇т̇аа ж̇зд̇аванз вихаранд̇о ад̇д̇ано бан̃н̃аабасам̣санам̣ аараб̣бха гат̇зси. д̇хаммасабхааяам̣ бхигкуу гат̇ам̣ самудтаабзсум̣ ‘‘бассат̇а, аавусо, д̣̇асаб̣аласса убааяагосаллам̣, нанд̣̇асса сагяабуд̇д̇асса ажчарааг̇ан̣ам̣ д̣̇ассзд̇ваа арахад̇д̇ам̣ ад̣̇ааси, жуул̣абант̇агасса билод̇игам̣ д̣̇ад̇ваа саха бадисамбхид̣̇аахи арахад̇д̇ам̣ ад̣̇ааси, гаммаарабуд̇д̇асса бад̣̇умам̣ д̣̇ассзд̇ваа арахад̇д̇ам̣ ад̣̇ааси, звам̣ наанааубааязхи сад̇д̇з винзд̇ий’’д̇и . сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, д̇ат̇ааг̇ад̇о ид̣̇аанзва ‘иминаа ид̣̇ам̣ ход̇ий’д̇и убааяагусало, буб̣б̣зби убааяагусалоязваа’’д̇и вад̇ваа ад̇ийд̇ам̣ аахари.
Dūte te brahme pāhesinti idaṃ satthā jetavane viharanto attano paññāpasaṃsanaṃ ārabbha kathesi. Dhammasabhāyaṃ bhikkhū kathaṃ samuṭṭhāpesuṃ ‘‘passatha, āvuso, dasabalassa upāyakosallaṃ, nandassa sakyaputtassa accharāgaṇaṃ dassetvā arahattaṃ adāsi, cūḷapanthakassa pilotikaṃ datvā saha paṭisambhidāhi arahattaṃ adāsi, kammāraputtassa padumaṃ dassetvā arahattaṃ adāsi, evaṃ nānāupāyehi satte vinetī’’ti . Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, tathāgato idāneva ‘iminā idaṃ hotī’ti upāyakusalo, pubbepi upāyakusaloyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з ж̇анабад̣̇о ахиран̃н̃о ахоси. со хи ж̇анабад̣̇ам̣ бийл̣зд̇ваа д̇ханамзва сам̣гад̣дхи. д̇ад̣̇аа б̣од̇хисад̇д̇о гаасиг̇аамз б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилам̣ г̇анд̇ваа ‘‘бажчаа д̇хаммзна бхигкам̣ жарид̇ваа аажарияад̇ханам̣ аахариссаамий’’д̇и вад̇ваа сиббам̣ бадтабзд̇ваа нидтид̇асиббо ануяог̇ам̣ д̣̇ад̇ваа ‘‘аажарияа, д̇умхаагам̣ д̇ханам̣ аахариссаамий’’д̇и аабужчид̇ваа нигкамма ж̇анабад̣̇з жаранд̇о д̇хаммзна самзна бариязсид̇ваа сад̇д̇а нигкз лабхид̇ваа ‘‘аажарияасса д̣̇ассаамий’’д̇и г̇ажчанд̇о анд̇араамаг̇г̇з г̇ан̇г̇ам̣ од̇арид̇ум̣ наавам̣ абхирухи. д̇асса д̇ад̇т̇а наавааяа вибаривад̇д̇амаанааяа д̇ам̣ суван̣н̣ам̣ уд̣̇агз бад̇и. со жинд̇зси ‘‘д̣̇уллабхам̣ хиран̃н̃ам̣, ж̇анабад̣̇з буна аажарияад̇ханз бариязсияамаанз бабан̃жо бхависсад̇и, яам̣нуунаахам̣ г̇ан̇г̇аад̇ийрзязва нираахааро нисийд̣̇зяяам̣, д̇асса мз нисиннабхаавам̣ анубуб̣б̣зна рааж̇аа ж̇ааниссад̇и, д̇ад̇о амажжз бзсзссад̇и, ахам̣ д̇зхи сад̣̇д̇хим̣ на манд̇зссаами, д̇ад̇о рааж̇аа саяам̣ ааг̇амиссад̇и, иминаа убааязна д̇асса санд̇игз аажарияад̇ханам̣ лабхиссаамий’’д̇и. со г̇ан̇г̇аад̇ийрз уд̇д̇арисаадагам̣ баарубид̇ваа яан̃н̃асуд̇д̇ам̣ б̣ахи табзд̇ваа раж̇ад̇абаддаван̣н̣з ваалугад̇алз суван̣н̣абадимаа вияа нисийд̣̇и. д̇ам̣ нираахаарам̣ нисиннам̣ д̣̇исваа махааж̇ано ‘‘гасмаа нисинносий’’д̇и бужчи, гассажи на гат̇зси. бунад̣̇ивасз д̣̇ваараг̇аамаваасино д̇асса д̇ад̇т̇а нисиннабхаавам̣ суд̇ваа ааг̇анд̇ваа бужчим̣су, д̇зсамби на гат̇зси. д̇з д̇асса гиламат̇ам̣ д̣̇исваа барид̣̇званд̇аа баггамим̣су. д̇ад̇ияад̣̇ивасз наг̇араваасино ааг̇амим̣су, жад̇уд̇т̇ад̣̇ивасз наг̇арад̇о иссараж̇анаа, бан̃жамад̣̇ивасз рааж̇абурисаа. чадтад̣̇ивасз рааж̇аа амажжз бзсзси, д̇зхиби сад̣̇д̇хим̣ на гат̇зси. сад̇д̇амад̣̇ивасз рааж̇аа бхаяаддид̇о худ̇ваа д̇асса санд̇игам̣ г̇анд̇ваа бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente janapado ahirañño ahosi. So hi janapadaṃ pīḷetvā dhanameva saṃkaḍḍhi. Tadā bodhisatto kāsigāme brāhmaṇakule nibbattitvā vayappatto takkasilaṃ gantvā ‘‘pacchā dhammena bhikkhaṃ caritvā ācariyadhanaṃ āharissāmī’’ti vatvā sippaṃ paṭṭhapetvā niṭṭhitasippo anuyogaṃ datvā ‘‘ācariya, tumhākaṃ dhanaṃ āharissāmī’’ti āpucchitvā nikkhamma janapade caranto dhammena samena pariyesitvā satta nikkhe labhitvā ‘‘ācariyassa dassāmī’’ti gacchanto antarāmagge gaṅgaṃ otarituṃ nāvaṃ abhiruhi. Tassa tattha nāvāya viparivattamānāya taṃ suvaṇṇaṃ udake pati. So cintesi ‘‘dullabhaṃ hiraññaṃ, janapade puna ācariyadhane pariyesiyamāne papañco bhavissati, yaṃnūnāhaṃ gaṅgātīreyeva nirāhāro nisīdeyyaṃ, tassa me nisinnabhāvaṃ anupubbena rājā jānissati, tato amacce pesessati, ahaṃ tehi saddhiṃ na mantessāmi, tato rājā sayaṃ āgamissati, iminā upāyena tassa santike ācariyadhanaṃ labhissāmī’’ti. So gaṅgātīre uttarisāṭakaṃ pārupitvā yaññasuttaṃ bahi ṭhapetvā rajatapaṭṭavaṇṇe vālukatale suvaṇṇapaṭimā viya nisīdi. Taṃ nirāhāraṃ nisinnaṃ disvā mahājano ‘‘kasmā nisinnosī’’ti pucchi, kassaci na kathesi. Punadivase dvāragāmavāsino tassa tattha nisinnabhāvaṃ sutvā āgantvā pucchiṃsu, tesampi na kathesi. Te tassa kilamathaṃ disvā paridevantā pakkamiṃsu. Tatiyadivase nagaravāsino āgamiṃsu, catutthadivase nagarato issarajanā, pañcamadivase rājapurisā. Chaṭṭhadivase rājā amacce pesesi, tehipi saddhiṃ na kathesi. Sattamadivase rājā bhayaṭṭito hutvā tassa santikaṃ gantvā pucchanto paṭhamaṃ gāthamāha –
54.
54.
‘‘д̣̇ууд̇з д̇з б̣рахмз баахзсим̣, г̇ан̇г̇аад̇ийрасми жхааяад̇о;
‘‘Dūte te brahme pāhesiṃ, gaṅgātīrasmi jhāyato;
д̇зсам̣ будто на б̣яаагааси, д̣̇угкам̣ г̇уяхамад̇ам̣ ну д̇з’’д̇и.
Tesaṃ puṭṭho na byākāsi, dukkhaṃ guyhamataṃ nu te’’ti.
д̇ад̇т̇а д̣̇угкам̣ г̇уяхамад̇ам̣ ну д̇зд̇и гим̣ ну ко, б̣раахман̣а, яам̣ д̇ава д̣̇угкам̣ уббаннам̣, д̇ам̣ д̇з г̇уяхамзва мад̇ам̣, на ан̃н̃асса аажигкид̇аб̣б̣анд̇и.
Tattha dukkhaṃ guyhamataṃ nu teti kiṃ nu kho, brāhmaṇa, yaṃ tava dukkhaṃ uppannaṃ, taṃ te guyhameva mataṃ, na aññassa ācikkhitabbanti.
д̇ам̣ суд̇ваа махаасад̇д̇о ‘‘махаарааж̇а, д̣̇угкам̣ наама харид̇ум̣ самад̇т̇ассзва аажигкид̇аб̣б̣ам̣, на ан̃н̃ассаа’’д̇и вад̇ваа сад̇д̇а г̇аат̇аа абхааси –
Taṃ sutvā mahāsatto ‘‘mahārāja, dukkhaṃ nāma harituṃ samatthasseva ācikkhitabbaṃ, na aññassā’’ti vatvā satta gāthā abhāsi –
55.
55.
‘‘сажз д̇з д̣̇угкамуббаж̇ж̇з, гаасийнам̣ радтавад̣дхана;
‘‘Sace te dukkhamuppajje, kāsīnaṃ raṭṭhavaḍḍhana;
маа ко нам̣ д̇асса агкаахи, яо д̇ам̣ д̣̇угкаа на можаяз.
Mā kho naṃ tassa akkhāhi, yo taṃ dukkhā na mocaye.
56.
56.
‘‘яо д̇асса д̣̇угкаж̇аад̇асса, зган̇г̇амаби бхааг̇асо;
‘‘Yo tassa dukkhajātassa, ekaṅgamapi bhāgaso;
виббаможзяяа д̇хаммзна, гаамам̣ д̇асса бавзд̣̇аяа.
Vippamoceyya dhammena, kāmaṃ tassa pavedaya.
57.
57.
‘‘сувиж̇аанам̣ син̇г̇аалаанам̣, сагун̣аанан̃жа вассид̇ам̣;
‘‘Suvijānaṃ siṅgālānaṃ, sakuṇānañca vassitaṃ;
мануссавассид̇ам̣ рааж̇а, д̣̇уб̣б̣иж̇аанад̇арам̣ д̇ад̇о.
Manussavassitaṃ rāja, dubbijānataraṃ tato.
58.
58.
‘‘аби жз ман̃н̃ад̇ий босо, н̃аад̇и мид̇д̇о сакаад̇и ваа;
‘‘Api ce maññatī poso, ñāti mitto sakhāti vā;
яо буб̣б̣з сумано худ̇ваа, бажчаа самбаж̇ж̇ад̇з д̣̇исо.
Yo pubbe sumano hutvā, pacchā sampajjate diso.
59.
59.
‘‘яо ад̇д̇ано д̣̇угкаманаанубудто, бавзд̣̇аяз ж̇анд̇у агааларуубз;
‘‘Yo attano dukkhamanānupuṭṭho, pavedaye jantu akālarūpe;
аананд̣̇ино д̇асса бхаванд̇и мид̇д̇аа, хид̇зсино д̇асса д̣̇укий бхаванд̇и.
Ānandino tassa bhavanti mittā, hitesino tassa dukhī bhavanti.
60.
60.
‘‘гаалан̃жа н̃ад̇ваана д̇ат̇аавид̇хасса, мзд̇хаавинам̣ згаманам̣ вид̣̇ид̇ваа;
‘‘Kālañca ñatvāna tathāvidhassa, medhāvinaṃ ekamanaṃ viditvā;
агкзяяа д̇иб̣б̣аани барасса д̇хийро, сан̣хам̣ г̇ирам̣ ад̇т̇авад̇им̣ бамун̃жз.
Akkheyya tibbāni parassa dhīro, saṇhaṃ giraṃ atthavatiṃ pamuñce.
61.
61.
‘‘сажз жа ж̇ан̃н̃аа ависаяхамад̇д̇ано, на д̇з хи маяхам̣ сукааг̇амааяа;
‘‘Sace ca jaññā avisayhamattano, na te hi mayhaṃ sukhāgamāya;
згова д̇иб̣б̣аани сахзяяа д̇хийро, сажжам̣ хирод̇д̇аббамабзгкамаано’’д̇и.
Ekova tibbāni saheyya dhīro, saccaṃ hirottappamapekkhamāno’’ti.
д̇ад̇т̇а уббаж̇ж̇зд̇и сажз д̇ава уббаж̇ж̇зяяа. маа агкаахийд̇и маа гат̇зхи. д̣̇уб̣б̣иж̇аанад̇арам̣ д̇ад̇од̇и д̇ад̇о д̇иражчаанаг̇ад̇авассид̇ад̇оби д̣̇уб̣б̣иж̇аанад̇арам̣, д̇асмаа д̇ат̇ад̇о аж̇аанид̇ваа харид̇ум̣ асамад̇т̇асса ад̇д̇ано д̣̇угкам̣ на гат̇зд̇аб̣б̣амзваад̇и. аби жзд̇и г̇аат̇аа вуд̇д̇ад̇т̇аава. анаанубудтод̇и бунаббунам̣ будто. бавзд̣̇аязд̇и гат̇зд̇и. агааларуубзд̇и агаалз. гааланд̇и ад̇д̇ано г̇уяхасса гат̇анагаалам̣. д̇ат̇аавид̇хассаад̇и бан̣д̣ид̇абурисам̣ ад̇д̇анаа сад̣̇д̇хим̣ згаманам̣ вид̣̇ид̇ваа д̇ат̇аавид̇хасса аажигкзяяа. д̇иб̣б̣аанийд̇и д̣̇угкаани.
Tattha uppajjeti sace tava uppajjeyya. Mā akkhāhīti mā kathehi. Dubbijānataraṃ tatoti tato tiracchānagatavassitatopi dubbijānataraṃ, tasmā tathato ajānitvā harituṃ asamatthassa attano dukkhaṃ na kathetabbamevāti. Api ceti gāthā vuttatthāva. Anānupuṭṭhoti punappunaṃ puṭṭho. Pavedayeti katheti. Akālarūpeti akāle. Kālanti attano guyhassa kathanakālaṃ. Tathāvidhassāti paṇḍitapurisaṃ attanā saddhiṃ ekamanaṃ viditvā tathāvidhassa ācikkheyya. Tibbānīti dukkhāni.
сажзд̇и яад̣̇и ад̇д̇ано д̣̇угкам̣ ависаяхам̣ ад̇д̇ано ваа барзсам̣ ваа бурисагаарзна ад̇згижчам̣ ж̇аанзяяа. д̇з хийд̇и д̇з зва логабавзн̣игаа, адталогад̇хаммаад̇и ад̇т̇о. ид̣̇ам̣ вуд̇д̇ам̣ ход̇и – ат̇а аяам̣ логабавзн̣ий на маяхам̣ зва сукааг̇амааяа уббаннаа, адтахи логад̇хаммзхи баримуд̇д̇о наама над̇т̇и, звам̣ санд̇з сукамзва бад̇т̇знд̇зна барасса д̣̇угкааробанам̣ наама на яуд̇д̇ам̣, нзд̇ам̣ хирод̇д̇аббасамбаннзна гад̇д̇аб̣б̣ам̣, ад̇т̇и жа мз хирий од̇д̇аббанд̇и сажжам̣ сам̣виж̇ж̇амаанам̣ ад̇д̇ани хирод̇д̇аббам̣ абзгкамаанова ан̃н̃асса анаарожзд̇ваа згова д̇иб̣б̣аани сахзяяа д̇хийрод̇и.
Saceti yadi attano dukkhaṃ avisayhaṃ attano vā paresaṃ vā purisakārena atekicchaṃ jāneyya. Te hīti te eva lokapaveṇikā, aṭṭhalokadhammāti attho. Idaṃ vuttaṃ hoti – atha ayaṃ lokapaveṇī na mayhaṃ eva sukhāgamāya uppannā, aṭṭhahi lokadhammehi parimutto nāma natthi, evaṃ sante sukhameva patthentena parassa dukkhāropanaṃ nāma na yuttaṃ, netaṃ hirottappasampannena kattabbaṃ, atthi ca me hirī ottappanti saccaṃ saṃvijjamānaṃ attani hirottappaṃ apekkhamānova aññassa anārocetvā ekova tibbāni saheyya dhīroti.
звам̣ махаасад̇д̇о сад̇д̇ахи г̇аат̇аахи ран̃н̃о д̇хаммам̣ д̣̇зсзд̇ваа ад̇д̇ано аажарияад̇ханасса бариязсид̇абхаавам̣ д̣̇ассзнд̇о жад̇ассо г̇аат̇аа абхааси –
Evaṃ mahāsatto sattahi gāthāhi rañño dhammaṃ desetvā attano ācariyadhanassa pariyesitabhāvaṃ dassento catasso gāthā abhāsi –
62.
62.
‘‘ахам̣ радтз вижаранд̇о, ниг̇амз рааж̇ад̇хаанияо;
‘‘Ahaṃ raṭṭhe vicaranto, nigame rājadhāniyo;
бхигкамаано махаарааж̇а, аажарияасса д̇ханад̇т̇иго.
Bhikkhamāno mahārāja, ācariyassa dhanatthiko.
63.
63.
‘‘г̇ахабад̇ий рааж̇абурисз, махаасаалз жа б̣раахман̣з;
‘‘Gahapatī rājapurise, mahāsāle ca brāhmaṇe;
алад̇т̇ам̣ сад̇д̇а нигкаани, суван̣н̣асса ж̇анаад̇хиба;
Alatthaṃ satta nikkhāni, suvaṇṇassa janādhipa;
д̇з мз надтаа махаарааж̇а, д̇асмаа сожаамахам̣ бхусам̣.
Te me naṭṭhā mahārāja, tasmā socāmahaṃ bhusaṃ.
64.
64.
‘‘бурисаа д̇з махаарааж̇а, манасаанувижинд̇ид̇аа;
‘‘Purisā te mahārāja, manasānuvicintitā;
наалам̣ д̣̇угкаа баможзд̇ум̣, д̇асмаа д̇зсам̣ на б̣яаахарим̣.
Nālaṃ dukkhā pamocetuṃ, tasmā tesaṃ na byāhariṃ.
65.
65.
‘‘д̇ван̃жа ко мз махаарааж̇а, манасаанувижинд̇ид̇о;
‘‘Tvañca kho me mahārāja, manasānuvicintito;
алам̣ д̣̇угкаа баможзд̇ум̣, д̇асмаа д̇уяхам̣ бавзд̣̇аяи’’нд̇и.
Alaṃ dukkhā pamocetuṃ, tasmā tuyhaṃ pavedayi’’nti.
д̇ад̇т̇а бхигкамаанод̇и зд̇з г̇ахабад̇иаад̣̇аяо яаажамаано. д̇з мзд̇и д̇з сад̇д̇а нигкаа мама г̇ан̇г̇ам̣ д̇аранд̇асса надтаа, г̇ан̇г̇ааяам̣ бад̇ид̇аа. бурисаа д̇зд̇и махаарааж̇а, д̇ава д̣̇ууд̇абурисаа. анувижинд̇ид̇аад̇и ‘‘наалам̣ имз мам̣ д̣̇угкаа можзд̇у’’нд̇и маяаа н̃аад̇аа. д̇асмаад̇и д̇зна гааран̣зна д̇зсам̣ ад̇д̇ано д̣̇угкам̣ наажигким̣. бавзд̣̇аяинд̇и гат̇зсим̣.
Tattha bhikkhamānoti ete gahapatiādayo yācamāno. Te meti te satta nikkhā mama gaṅgaṃ tarantassa naṭṭhā, gaṅgāyaṃ patitā. Purisā teti mahārāja, tava dūtapurisā. Anuvicintitāti ‘‘nālaṃ ime maṃ dukkhā mocetu’’nti mayā ñātā. Tasmāti tena kāraṇena tesaṃ attano dukkhaṃ nācikkhiṃ. Pavedayinti kathesiṃ.
рааж̇аа д̇асса д̇хаммагат̇ам̣ суд̇ваа ‘‘маа жинд̇аяи, б̣раахман̣а, ахам̣ д̇з аажарияад̇ханам̣ д̣̇ассаамий’’д̇и д̣̇виг̇ун̣ад̇ханамад̣̇ааси. д̇амад̇т̇ам̣ багаасзнд̇о сад̇т̇аа осаанаг̇аат̇амааха –
Rājā tassa dhammakathaṃ sutvā ‘‘mā cintayi, brāhmaṇa, ahaṃ te ācariyadhanaṃ dassāmī’’ti dviguṇadhanamadāsi. Tamatthaṃ pakāsento satthā osānagāthamāha –
66.
66.
‘‘д̇ассаад̣̇ааси басаннад̇д̇о, гаасийнам̣ радтавад̣дхано;
‘‘Tassādāsi pasannatto, kāsīnaṃ raṭṭhavaḍḍhano;
ж̇аад̇аруубамаяз нигкз, суван̣н̣асса жад̇уд̣̇д̣̇асаа’’д̇и.
Jātarūpamaye nikkhe, suvaṇṇassa catuddasā’’ti.
д̇ад̇т̇а ж̇аад̇аруубамаязд̇и д̇з суван̣н̣асса жад̇уд̣̇д̣̇аса нигкз ж̇аад̇аруубамаязязва ад̣̇ааси, на яасса ваа д̇асса ваа суван̣н̣ассаад̇и ад̇т̇о.
Tattha jātarūpamayeti te suvaṇṇassa catuddasa nikkhe jātarūpamayeyeva adāsi, na yassa vā tassa vā suvaṇṇassāti attho.
махаасад̇д̇о ран̃н̃о оваад̣̇ам̣ д̣̇ад̇ваа аажарияасса д̇ханам̣ д̣̇ад̇ваа д̣̇аанаад̣̇ийни бун̃н̃аани гад̇ваа рааж̇ааби д̇ассоваад̣̇з тид̇о д̇хаммзна раж̇ж̇ам̣ гаарзд̇ваа убхоби яат̇аагаммам̣ г̇ад̇аа.
Mahāsatto rañño ovādaṃ datvā ācariyassa dhanaṃ datvā dānādīni puññāni katvā rājāpi tassovāde ṭhito dhammena rajjaṃ kāretvā ubhopi yathākammaṃ gatā.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о убааяагусалоязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, аажарияо саарибуд̇д̇о, б̣раахман̣амаан̣аво бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva, pubbepi tathāgato upāyakusaloyevā’’ti vatvā jātakaṃ samodhānesi – ‘‘tadā rājā ānando ahosi, ācariyo sāriputto, brāhmaṇamāṇavo pana ahameva ahosi’’nti.
д̣̇ууд̇аж̇аад̇агаван̣н̣анаа бан̃жамаа.
Dūtajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 478. д̣̇ууд̇аж̇аад̇агам̣ • 478. Dūtajātakaṃ
