| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
6. දූතෙය්‍යසුත්‌තං
6. Dūteyyasuttaṃ
16. 1 ‘‘අට්‌ඨහි , භික්‌ඛවෙ, ධම්‌මෙහි සමන්‌නාගතො භික්‌ඛු දූතෙය්‍යං ගන්‌තුමරහති. කතමෙහි අට්‌ඨහි? ඉධ, භික්‌ඛවෙ, භික්‌ඛු සොතා ච හොති, සාවෙතා ච, උග්‌ගහෙතා ච, ධාරෙතා ච, විඤ්‌ඤාතා ච, විඤ්‌ඤාපෙතා ච, කුසලො ච සහිතාසහිතස්‌ස, නො ච කලහකාරකො – ඉමෙහි ඛො, භික්‌ඛවෙ, අට්‌ඨහි ධම්‌මෙහි සමන්‌නාගතො භික්‌ඛු දූතෙය්‍යං ගන්‌තුමරහති. අට්‌ඨහි, භික්‌ඛවෙ, ධම්‌මෙහි සමන්‌නාගතො සාරිපුත්‌තො දූතෙය්‍යං ගන්‌තුමරහති. කතමෙහි අට්‌ඨහි? ඉධ, භික්‌ඛවෙ, සාරිපුත්‌තො සොතා ච හොති, සාවෙතා ච, උග්‌ගහෙතා ච, ධාරෙතා ච, විඤ්‌ඤාතා ච, විඤ්‌ඤාපෙතා ච, කුසලො ච සහිතාසහිතස්‌ස, නො ච කලහකාරකො. ඉමෙහි ඛො, භික්‌ඛවෙ, අට්‌ඨහි ධම්‌මෙහි සමන්‌නාගතො සාරිපුත්‌තො දූතෙය්‍යං ගන්‌තුමරහතී’’ති.
16.2 ‘‘Aṭṭhahi , bhikkhave, dhammehi samannāgato bhikkhu dūteyyaṃ gantumarahati. Katamehi aṭṭhahi? Idha, bhikkhave, bhikkhu sotā ca hoti, sāvetā ca, uggahetā ca, dhāretā ca, viññātā ca, viññāpetā ca, kusalo ca sahitāsahitassa, no ca kalahakārako – imehi kho, bhikkhave, aṭṭhahi dhammehi samannāgato bhikkhu dūteyyaṃ gantumarahati. Aṭṭhahi, bhikkhave, dhammehi samannāgato sāriputto dūteyyaṃ gantumarahati. Katamehi aṭṭhahi? Idha, bhikkhave, sāriputto sotā ca hoti, sāvetā ca, uggahetā ca, dhāretā ca, viññātā ca, viññāpetā ca, kusalo ca sahitāsahitassa, no ca kalahakārako. Imehi kho, bhikkhave, aṭṭhahi dhammehi samannāgato sāriputto dūteyyaṃ gantumarahatī’’ti.
න ච හාපෙති වචනං, න ච ඡාදෙති සාසනං.
Na ca hāpeti vacanaṃ, na ca chādeti sāsanaṃ.
‘‘අසන්‌දිද්‌ධඤ්‌ච භණති 7, පුච්‌ඡිතො න ච කුප්‌පති;
‘‘Asandiddhañca bhaṇati 8, pucchito na ca kuppati;
ස වෙ තාදිසකො භික්‌ඛු, දූතෙය්‍යං ගන්‌තුමරහතී’’ති. ඡට්‌ඨං;
Sa ve tādisako bhikkhu, dūteyyaṃ gantumarahatī’’ti. chaṭṭhaṃ;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 6. දූතෙය්‍යසුත්‌තවණ්‌ණනා • 6. Dūteyyasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-8. මලසුත්‌තාදිවණ්‌ණනා • 5-8. Malasuttādivaṇṇanā
