| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
6. தூ³தெய்யஸுத்தவண்ணனா
6. Dūteyyasuttavaṇṇanā
16. ச²ட்டே² தூ³தெய்யந்தி தூ³தகம்மங். க³ந்துமரஹதீதி தங் தூ³தெய்யஸங்கா²தங் ஸாஸனங் தா⁴ரெத்வா ஹரிதுங் அரஹதி. ஸோதாதி யோ தங் அஸ்ஸ ஸாஸனங் தே³தி , தஸ்ஸ ஸோதா. ஸாவேதாதி தங் உக்³க³ண்ஹித்வா ‘‘இத³ங் நாம தும்ஹேஹி வுத்த’’ந்தி படிஸாவேதா. உக்³க³ஹேதாதி ஸுக்³க³ஹிதங் கத்வா உக்³க³ஹேதா. தா⁴ரேதாதி ஸுதா⁴ரிதங் கத்வா தா⁴ரேதா. விஞ்ஞாதி அத்தா²னத்த²ஸ்ஸ அத்த²ங் ஜானிதா. விஞ்ஞாபேதாதி பரங் விஜானாபேதா. ஸஹிதா ஸஹிதஸ்ஸாதி இத³ங் ஸஹிதங், இத³ங் அஸஹிதந்தி ஏவங் ஸஹிதாஸஹிதஸ்ஸ குஸலோ, உபக³தானுபக³தேஸு சே²கோ ஸாஸனங் ஆரோசெந்தோ ஸஹிதங் ஸல்லக்கெ²த்வா ஆரோசேதி. ந ப்³யத²தீதி வேத⁴தி ந ச²ம்ப⁴தி. அஸந்தி³த்³த⁴ந்தி நிஸ்ஸந்தே³ஹங் விக³தஸங்ஸயங். புச்சி²தோதி பஞ்ஹத்தா²ய புச்சி²தோ.
16. Chaṭṭhe dūteyyanti dūtakammaṃ. Gantumarahatīti taṃ dūteyyasaṅkhātaṃ sāsanaṃ dhāretvā harituṃ arahati. Sotāti yo taṃ assa sāsanaṃ deti , tassa sotā. Sāvetāti taṃ uggaṇhitvā ‘‘idaṃ nāma tumhehi vutta’’nti paṭisāvetā. Uggahetāti suggahitaṃ katvā uggahetā. Dhāretāti sudhāritaṃ katvā dhāretā. Viññāti atthānatthassa atthaṃ jānitā. Viññāpetāti paraṃ vijānāpetā. Sahitā sahitassāti idaṃ sahitaṃ, idaṃ asahitanti evaṃ sahitāsahitassa kusalo, upagatānupagatesu cheko sāsanaṃ ārocento sahitaṃ sallakkhetvā āroceti. Na byathatīti vedhati na chambhati. Asandiddhanti nissandehaṃ vigatasaṃsayaṃ. Pucchitoti pañhatthāya pucchito.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. தூ³தெய்யஸுத்தங் • 6. Dūteyyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-8. மலஸுத்தாதி³வண்ணனா • 5-8. Malasuttādivaṇṇanā
